البرهوش الجزء 26

وصلتو لدارهم ومشيت شفت شي بلايص ديال لحاج عاد مشيت لدار عند لواليدة ولواليد بحال ديما بقيت معاهم حتى سمعت بلي مهدي قريب يرجع عرفتي أحسن 5 شهر غندوز من شحااال من عام دبا قبل ميرجع مهدي كانت واحد لحاجة كان خاصني نديرها لابدة قبل ميرجع مهدي هيا نبعد على مريم إلا كنت باغي نتصالح معاه خاصني نبعد عليها بلاما يتشرالي شي صداع أخر معاه إلا بغى يتزوج بيها منو ليها مغادي نقوليه والو لمهم واليدة بزز باش خلاتني نخرج تاني خليتها هيا لي جمعاتلي حوايجي وخلات شي حوايج فلماريو عندهم حتى نرجع هادشي غير باش تيق بلي غنرجع قلت ليها بلي غادي نرجع من سفر وغادي نرجع كلشي فين كان فلول وانتصالح مع مهدي عاد قديت نخرج من دار نيشان لدار ديالي حطيت حوايجي وصيفطت لمريم وااحد لميساج ملييح وبلي مغاديش نقول لمهدي شنو كدير إلا جمعات راسها.. لمهم بقيت فدار حتى عيطاتلي لواليدة راه خوك وصل لدار, عيطت على عبدو صافي مهدي رجع لعند لواليدة ولواليد هاد سيمانة نقدرو نمشيو قاليا وخا ولكن خوك راه فدار غفلون عيطليه قوليه يجمع راسو راه أقل حاجة غادي يبغي مول ديك شركة لي مسنس معاها يصفيها ليه راه تياخد كتر من تلت لأرباح محاملينوش لمهم وصيه يجمع راسو قلت ليه واخا وقطع بقيت بارك تنفكر شنو غادي نقوليه من شحااال مدويناش بقيت تنفكر فشي دخلات نديرهم ليه عيطتلو ومطلعتش نمرة مجاوبش لمرة لولا وانا نعاود نعيط عاد جاوب قلت ليه مهدي؟ خونا تقبة شكون معايا؟ مقدياش نصبر لا إراديا ماركيت عليه قلت ليه واش صوتي تبدل؟ وخا لمحت ليه معرفنيش قلت ليه صافي مبقيناش تلاقينا نسيتي خوك؟ وخا هكذاك متيقش ساط فهمو تقيييل مفيا ميبقا يحلف ليه قلت ليه سمعني معيط ليك غير باش نقولك تهلا فلواليدة ولواليد وراه عارفو ترفح وبلي خونا لي تيعطيه ديك35% محاملوش وحضي راسك راه إلا وقعاتلك شي حاجة مكينش لي غادي يقابل لواليدة ولواليد بقى تيسول كيفاش عرفتي هادشي كامل؟؟؟ قلت ليه بلي يمكن مغاديش نعاود نرجع وقطعت غير حيت بغيتو يتصدم نهار يشوفني لمهم دبا كنتسنى غير إمتى غادي نمشي أنا وعبدو قاليا بلي عندو ميدير حتال لخر دسيمانة حتى أنا يلاه مشيت تلاقيت بديك بنت ناس قلت ليها بلي يمكن غادي غير نرجع ونمشيو عندهم لدار تاني زعما باش تفهم راسها مكين لا ترنديف لا رومانسية لا تعناب والو هههه داكشي ديال لحرام و هادي راه باغيها لحلال زعما قدامها تندير فيها معارف والو ومعنديش مع لبنات وداكشي لمهم هكذا حسن حتى هيا عاجبها لحال هكدا وصل نهار لي غادين نمشيو فيه جا لعندي عبدو لدار جابليا شي وراق دياولي قاليا غدا غنمشيو واش باقي باغي دير شي حاجة قبل منمشيو خونا محسسني بلي غادي بيا يقتلني داكشي ديال أخر أمنية عندك ومنقدرش نقوليه لا حيت من شحاال وانا عاطيه لكلمة ونقدر انا نكون فاهم غلط وبصح عندي شي خدمة تما قلت ليه بغيت دار يتحولو لهنا قاليا واش صافي تصالحتي مع مهدي قلت ليه لا يلاه دبا نمشيو لدار ونعطيوهم سوارت قاليا وخا ولكن واش فخبارك بلي خطب ديك لبنت لي خوها مات غير مؤخرا ولي عندك تارييخ مع باها؟ صدمني فاش قالها ليا واااع هاد دنيا شحال صغيرة خويا غيتزوج ببنت سيد لي داليا فلوس وعندي معاه مشاكل وأنا سباب حتى مات ولدو هادشي فشكل.. غادين لدار لي ساكنين فيها لعائلة وعبدو لي سايق وقف قدام لباب باش نزلت تيباليا مهدي تيطل من شرجم شافني تصدم كان أيطيح قلت ليه حل حل لباب وهو ينزل عندي بقى مصدوم مقالش ليا حتى دخل قلتها أنا واش ندخل؟ قاليا دار دارك دخل تيحساب ليه جاي على ود لواليدة ولواليد قاليا راه مكينينش خارجين دخل تسناهم قلت ليه لا جيت على ودك نتا مديتليه سوارت هادو ديال داري سيرو ليا فيها سيكيريتي وصور حسن من هادي مبغاش فلول ولكن بززت عليه درتهم ليه فيدو وقلت ليه ديك مبروك الخطوبة تصدم كيفاش عرفتي هادشي راه مزال مكين والو واش لواليدة لي قالتها ليك؟ قلت ليه لا ماشي لواليدة بدا تيسول فين كنتي كيفاش عارف هادشي كامل قلت ليه معنديش لوقت دبا خاص نمشي مديتلو ورقة فيها العنوان ديال دار غادي راجع لطوموبيل وهو يخرج تبعني يلاه قال ديك سمحلي على داك نها.. قلت ليه أشمن نهار وطلعت لطوموبيل مبغيتوش يطلب مني سماح أنا لي خاصني نطلب منو المسامحة نزلت جاج قلت ليه تهلا فلواليدة ولواليد وتحركنا غادين قاليا عبدو واش صافي دبا تصالحتو قلتي ليه نتا لي ضربتيه بطوموبيل؟ تقدر تقول فاش غادي نرجع غادي ندوي معاه كتر ومتعاودش تقول هاديك انا ضربتو نسا مبغيتوش يعرف قاليا واخا رجعنا لدار هزيت باليزتي قلت لسيكيريتي بلي غادي يجي خويا سميتو مهدي تيشبه ليا غادي أنا وعبدو قاليا فين غادي تمشي دبا راه مغادين نسافرو حتال غدا؟ قلت ليه منقدرش نبقى فدار راه شفتيني عطيتو سوارت يقدر يمشي ليها ليوم قلت زعم.. مخلانيش نكملها عارفني انقوليه نبات عندك قاليا راه كين اوطيل حدا لمطار غادي تجيك مخيرا باش غدا ندوز لعندك نمشيو من تما نيشان قلت ليه وخا وصلني ومشى ولا خايف لا ندخل لدارو صافي هدا والله حتى عارف مجانيش نعاس ديك ليلة حاجة باينا بلي مكينا لا خدمة لا والو أشمن خدمة غادي تسناني 5 شهر حتى نسالي على خاطري ومباغيش يقوليا حتى شنو هيا تيقوليا شي دحاجة ديال لحاج تما خاص تشوفها وهو أصلا لحاج معندو والو فديك لبلاد غنمشي معاه ولي بغات توقع توقع أصلا انا درتها لراسي.. فصباح داز عندي قبل من لوقت كيتسناني حتى فطرت ودوشت دخلنا لمطار ساط كعما هاز شي حواايج صاك صغير هدا معول يصفيها ليا بالخف ويرجع ولكن لي ضارني فراسي علاش غادي يديني حتال لخر ديال لعالم لي يديرو تما يديرو هنا بلا هادشي كامل هادشي علاش خاصني نمشي باش نفهم طلعنا لطيارة بارك حدايا جيتو نيشان قلت ليه دبا أنا غادي غادي معاك بغيت نعرف واش بصح كينا شي خدمة ولا شي حساب؟ شاف فيا ودار لكيت كعما جاوبني..

يتبع