البرهوش الجزء 27

وصلنا لديك لبلاد لي معارفش شنو غادي يقدر يوقع ليا فيها مشينا لواحد لوطيل خونا بارك فلبيت لي حدايا غادي خارج ندور شويا وهو يوقف عليا قاليا فين غادي تسنى نمشي معاك سيد مغاديش يتفرق عليا هز واحد جاكيط ديالو وخرجنا دخلنا لواحد لمحل كبير ديال تيليفونات وكدا لمهم كندور تما وخونا لاصق عليا طلع ليا فراسي من نهار لول كينا غير موت وحدا غادي نخرج من هنا غنفركع معاه هاد رمانة.. واقف تنشوف شي ساعات ومكين حتى واحد مقابلهم لمهم واقف ورايا وهو يعيط على مو سبابي فهاد لحصلة داوي معاها وأنا يطيح عليا داك دكاء شيطاني ديال ديما ضربتليه ديك لمغانة لي كنت تنشوف فيها فجيبو بلاما يحس كان عاطيني بضهرو غير سالا قلت ليه يلاه نخرجو قاليا ياك يلاه دخلنا واش مغادي تاخد والو؟ قلت ليه لا معجبني والو غادين خارجين تنزرب سبقتو خرجت كيف غادي يعتب لباب وهو يتطلق واحد صوت سيد معرف باش تبلا وقفو عليه سيكيريتي أنا درت براسي متنعرفوش تنسمع ديك ياسين مديتهاش فيه رجعت لوطيل يلاه غنجمع حوايجي باش نخرج نهرب تفكرت بلي خونا عارف دارنا فين ساكنين وفين نقدر نمشي معندي فين نمشي حطيت دوك لحوايج فبلاصتهم عيطت على خوتنا ديال ريسيبسيون طلعو ليا لقصوص بارك تنقصي وكنتفرج حتى دخل جا لعندي مغوت موالو حط ليا ديك لمغانة فوق طابلة وخرج عارفني أنا لي درتليه هاد لبلان قصيت بشويا عليا عاد مشيت عندو تندق عليه حل لباب دخلت غير تنشوفو فبعضياتنا قلت ليه نتا عارف وأنا عارفك عارف علاش غنبقاو نمتلو على بعضياتنا إلا كنتي غادي دير شي حاجة ديرها وخلينا نرجع لعند عائلتي خونا مدواش بقى ساكت بحالا كعما داوي معاه قلت ليه واخا ملي مغاديش تدوي أنا غادي راجع لدارنا وهو يجرني قاليا مغادي ترجع حتى نكملو شي خدمة عاد غادي ترجع لداركم تنسولو أشمن خدمة قاليا مكلخ وخا نعاودلك مغاديش تفهم عرفتي بنادم لي غادي فلخر ديال شارع على برى غيعرف بلي مغاربة مناقشين تنغوتو عند بالنا فلمغرب داوين حتى طلعو سيكيريتي حتال عندنا تقدرو تنقصو من صوت عاد سكتنا مشاو نزلو قاليا سير لبيتك أخر مرة نقول ليك هادشي جايبك على ود شي خدمة غادي نكملوها أترجع لداركم وحتى أنا من وراها غادي تمشي لداركم معمرك تعاود توريني وجهك إلا سمعتك غير دزتي من دربي غادي نسا بلي تنعرفك ولا شي نهار كلينا من نفس لماكلة ديك ساعة غادي تعوم بحرك.. مزدتش معاه كلمة صافي باينا متيكدبش رجعت لبيتي نشوفو أش هاد لخدمة داز نهار تاني تما دبا فاش عرفني عارف بلي هو عارفني نعستلو مع مو😂😂 مبقاش عندو علاش يمتل ولا يدوي معايا بقينا تما حتال نهار عاد جا لعندي دق فلباب حليت قاليا كلمة وحدة يلاه لبست وخرجنا شدينا طاكسي بقينا شي ساعتين ونص غادين واحد لبلاصة خااوية قلاال ديور عروبية ديالهم زعما حطنا قدام واحد لفيلا خلصو وهو يمشي قلت ليه واش مرضتي وكيفاش غادين نرجعو قاليا زيد وسكت سيد غادي يوصلنا دخلنا راه ماشي فيلا قصر هدا قلبونا عند لباب دخلنا لداخل وهو يتلقا بينا محامي هاز شي وراق سلمنا عليه قالينا سيد فلحمام دبا نتسناوه ولا زربانين نقدر نقضي معاكم انا داكشي علاش جاين قلت ليه وعلاش جاين؟ أنا براسي معارفش قاليا وخا نبركو ونشرح ليك قلت ليه وخا بركنا بدا تيدخل ويخرج عليا فلهضرة شركة ما شركة كان لحاج باغي يديرها قبل ميموت دبا خاص يتجددو شي عقود أنا مفاهم والو من داكشي لي تيشرح ليا تنشوف فعبدو واش بصح هادشي وهو يقول لمحامي عطيه لوراق يسنيهم عندنا طيارة خاص نشدوها أنا غير سمعت طيارة وغادي نمشي نرجع لدارنا صافي غادي نساليو وليت باغي غير إمتى نسالي مدلي شي وراق ضربت على ديك لولى وبقيت متبعهم تنسني وحدة بوحدة بزربا مديتهم ليه و وقفت صافي سالينا عبدو حتى هو وقف غادين وهو يقولينا داك لمحامي غادين تسناو سيد حتى يخرج باغي يدوي مع ياسين عبدو قاليه لا لوراق سيناهم معندو علاش يشوفو.. قاليه نتا تقدر تمشي تشد طيارة إلا خفتي تعطل ياسين غادي يبقى بداو مناقشين أنا مفاهم والو شنو فيها إلا تسنينا وشفت هاد سيد حتى تيوقف علينا خونا داك ولد خو لحاج كنت شام ريحتو هنا غير شفتو وأنا نبرك تاني فوق داك لكرسي هوما واقفين عبدو تيقوليهم غيمشي معايا مدرناش هادشي والأخر تيقوليه نتا مالك خرج أنا غير تنشوف فيه دبا عاد عرفت علاش فاش تنسولو على خونا مكانش تيجاوبني قلت ليه سير قاليا لا غادي تمشي معايا؟ نتا مجايبني حتال هنا حتى عارف هادشي غادي يوقع كون كانت غير مسألة دوك لوراق مكانش غادي يجيبني حتال هنا.. بقى تيقوليهم غادي يمشي معايا وهوما يدخلو شي رجال باينا فيهم مقاااودين غير وقفو بجنب لحيط مدواوش قلت ليه دير لي تنقولك رجع لدار عطي لدارنا دوك لفلوس لي كنت مخلي عندك شحال هادي وهو ينقز داك لمحامي هز دوك لوراق فيدو قاليا معندكش لحق تصرف فشي حاجة من لممتلكات لي خلا لحاج كلشي معلق حتى تحل لقضية ديالكم صافي هادي هيا تخويرة سيد لي عندي معاه لحساب قال لدوك رجال باش يخرجو عبدو تمو قاصدينو واحد زوج واحد منهم يلاه حط يدو عليه كيبانو ليا غير رجليه فسما أقود شمال غنشوف فحياتي حسيت بديك ضربة فالأرض سيد لأخر مصدوم معرف باش تبلا تيبلا وهو يخلطو حتى هو بغا يتجمعو عليه أنا متنعرفش نطايف الأدرينالين كيأتر عليا كنولي فحال شي خشبة ولكن ماشي هاد لمرة تمالنا ماشي عسكر راه كاع عسكر وشابعين تمارة ومرقة بديت تنصيفط لبنادم فلكراسي دوك لوحات لي فلحيط أي حاجة حدايا تنصيفطها وحنا نسمعو صوت دسلاح خونا مولشي هازو فيدو تيرا فسقف قاليه صافي هنينا غادين تخرجو من هنا بزوج ولكن غادي نعاود نشوف شي واحد فيكم غادي تكون هضرة أخرى شاف فرجال لي تما قاليهم شي حاجة بشي لهجة لاتينية فشكل تنشوف فعبدو حتى هو مفهم والو خرجنا كاملين لبرى غادين بينا ورا لقصر وداوين قاليا عبدو بلي خونا قاليهم بلي مخاص يوقع ليك والو حتال نهار لجلسة ميقدرو يديرو ليك والو.. وايلي كتفهم هادشي؟؟ راه لسان ب 5 لغات دبا تحرك وداكشي لي تنقول ديرو إلى بغيتي ترجع لداركم.. كتباليا هليكوبتر لور قاليهم خونا بلونغلي وصلوهم فين باغين أنا مفهمت والو ولكن أول مرة نطلع فهاد لعجب وطالعين معانا 3 ديال رجال تحركنا تنشوف من جاج هادشي فشكل خوتنا بقاو داوين بالإسبانية تيحساب ليهم عبدو متيفهمهاش زعما حنا مكلخين نساو بلي بزوجنا تندويو بلغة متيفهمو فيها والو و وخا يكونو يطيرو فالعربية دارجة عندنا راه سطاج ديال لوحش مغادي يفهمو والو سولت عبدو هادو شنو تيقولو قاليا داك سيد لي بارك حداك عندو سلاح غادي يضربني ومغادي يديرو ليك والو خاص تموت موته عادية غادين بيك لجنب لبحر قلت ليه هيا إلا درتي شي حاجة شنو كتسنى قاليا صبر نزلو يلاه كمل ديك نزلو وهو يزرب عليه خونا بارك حداه بواحد لبرة منعرف شنو فيها فلبلاصة هو تلاح على ساط لي بارك فجني لي قالي عندو سلاح أخويا انا مدهشر وا لخوت راه حنا فسما زعما حتى تيحل عبدو لباب وهو يخطفني بيد وحدة ولاحني غادي نازل وممتيقش واش هاد خونا لاحلني ديال بصح هادي أخر حاجة كنعقل عليها حتى حليت عينيا فصبيطار بلييل وضلام مفهمت والو بحالا شي واحد طفاني جابني هنا وعاود شعلني...

يتبع