البرهوش الجزء 28

تنحاول نفهم شنو وقع علاش عبدو لاحني بغيت نوض تنحس براسي مفصل.. عرفتي يكدب عليك الكادب راه أصعب شعور فالعالم هو أنك تفقد لإحساس من طرمتك عرفتي شعور كيفاش داير قلت راه بنج ولا شي لعبة ولحمد لله على نعمة لإحساس وليدين خويا لواحد هو لي يقلب راسو راه لماتريال دوريجين وأفريقي سااوي فسوق تنقيص داكشي عليه حسيت بشي حاجة غريبة مكانش داك الإحساس بالحنان(if you know what i mean) مبغاش يديني نعاس حتى دخلات واحد طبيبة كتهضر بلونغلي تنسول فيها شنو واقع فين هو سيد لي كان معايا؟ قالت ليا مكان معاك حتى واحد لقاك سيد طايح وسط لأرض ديالو وجابك هنا كنا كنتسناوك نتا تفيق باش تشرح لينا كيفاش وصلتي تما؟ معاقلش بضبط شنو وقع شنو واقعلي راه نص لتحتاني لمهم مبقياش حاس بيه؟ قالت ليا رتاح دبا ماشي وقت هادشي متحاولش تحرك كلشي غيكون بيخير..بقيت بارك كنتسناها ترجع و والو وتقول شي صبع واش بغا يتحرك وقعليا بحال جون لوك ف لوست ديما كانت تتقولها ليا لواليدة طيح على راسك ومطيحش على داك لعضم ديال سميتو عليه.. عرفتها شنو غادي تقوليا صافي ممحتاجش شي دكاااء أول ما رجعات قلت ليها واش نقدر نوقف تاني؟ تصدمات قالت ليا شكرآ مكنتش عارفا كيفاش نشرح ليك هادشي و أه تقدر توقف غير هو خاصك شي عمليات ديال ترميم واش عندك شي تغطية صحية مزيانة قلت ليها انا ماشي من هنا زعما واش تنبانلك زعر راه باينا فيا مغربي داوي معاها تنقوليها بلي لفلوس ماشي مشكل وكدا كتفرح فيا وهوما يدخلو واحد زوج لبوليس هادو خلاتني معاهم خوتنا بزااف واحد تيقاد ليا سرير وتيقولك هادوك غير يهود أحنا هوما ليهود ولكفرة بالله عندنا نهار تياخد لبسة تيولي يقول لبنادم أنا ربكم الأعلى لمهم تيسولو فيا كيفاش وصلتي لتما شكون دارلك هكدا قلت ليهم معرفتش معاقلش مبغيت نقول حتى شي حاجة نولي فسين وجيم وأنا مزال معارف والو.. قاليا بلي غيرجعو لعندي من بعد وخرجو بارك تنحاول نتفكر علاش لاحني عبدو من تما وهو يحل لباب ودخل قاليا لبرهوش على سلامتك بقيت غير تنشوف مرحبا بعدا ملي جيتي قاليا ماشي دبا كتباليا بيخير تقدر تخرج معايا دبا؟ قلت ليه أه نقدر نخرج غير هو راه طرمتي غادي تبقى هنا بسبابك مغاديش نعاود نوقف على رجليا.. وايلي شنو قال ليك طبيب؟؟؟ قاليا هادشي لي قلتلك دبا بسباب.. صافي دبا توقف اللهم هكدا ولا تموت خونا ضربلي برة فرجلي دلبنج وغادي تموت نتا لحاجة لوحيدة لي قديت نفكر فيها هيا هاديك بعدا عندك واحد 10% غادي تقدر تعيش وهانتا عايش قول شكرآ.. شكرا حيت شللتيني من طرمتي ولتحت لا زعما لله يكتر من متالك كنت عارفك جايبني هنا باش تصفي حساباتك ولكن متخايلتش تجيبني لداك سيد ومن لفوق دبا دالي كاع فلوسي حتى لعلاج مغاديش نلقا باش نخلصو.. مخداش ليك فلوسك راه مخدا والو كلشي موقف حتى تدوز الجلسة لي باقي ليها 6 شهر من هنا لتما غادي تكون واقف على رجليك.. واش كتضحك عليا تنقولك هادشي خاصو فلوس ونتا كتفلا عليا؟ كينا لواليدة عندها شي فلوس غادي نزيد عليهم شي بركة عندي وغادي يقدو إن شاء الله.. بقييت تنشوف فيه سيد مزال معارفش بلي مو عطاتني داك صريف لي عندها مقديتش نقولها ليه جبد تيليفون تيعيط عليها باليا تعصب قطع وهو يشوف فيا معندك زهر سولتها قالتلي كان عندها شي كريدي وحيداتو عليها معندك زهر.. دبا شنو غنبقى أنا هكدا؟ لا تقدر تسلف من عند خوك راه كيتخلص مزياان ويقدر يتسلف عادي غادي يرجعم فقل من عام هو لي يقدر يعاونك دبا؟ولا شوف شي واحد يشري لفيلا فين باركين عائلتك دبا راه وراقيها مزال عند لموتق؟ هاد لهضرة متعاودش تقولها وخا نعرف نبقى فكرسي ومناخدش من عند خويا شي حاجة غيبقى يمن عليا حياتو كاملا وديك دار راه هيا لي غنطلع بيها من هاد صداع كاامل إلا بعتها ومنجحش لعلاج عاد غادي نضيع ديال بصح دبا عيط ليا على لمحامي شوف إلا قدر يقرب لموعد ديال لجلسة ودوك لفلوس لي كنت مخبي عندك نقدر نبدا بيهم حتى يتحل هاد لمشكل.. داوين وهو يقوليا بلي خاصو يرجع لمغرب هو لوحيد لي عارف لفلوس فين كينين وبلي راه مهدي قريب غادي يتزوج قلت ليه دير خدمتك عطيه ديك دار حتى إلا وقعاتلي شي لعبة نكون عوضتلو شويا من داكشي لي درتليه.. خلاني وخرج قاليا بلي مغاديش نعاود نشوفو حتى يرجع ومنقول لبوليس والو أنا غنبقى هنا حتى يرجع.. دخل واحد لفرملي منهم🌈 تيدير ديك لمشية ومعوج يدو دنيا غدارة ديا هدا غيولي راجل عليا أنتاحر أنا 6 شهر لي خاص نتسنا وعاد شوف تشوف واش يرجعولي فلوسي وديك ساعة يمكن ميبقا فيا ما يتعالج.. بارك وداك لفرملي مرضني أخويا باغي يدوي معايا ويشري معايا معرفة بزز ولكن دارها مزيانة ملي بركني فكرسي دبا يقدر يكون خورني وأنا محسيتش ههههه هادشي علاش قلت ليكم أصعب شعور لمهم غادي مخرجني وهيا تزقف علينا ديك طبيبة قالت ليه متخرجوش شكون قالها ليك كتدور ليا فخونا تراه بقا فيا ومع هو ناقص فالهرمونات مقدرش يدافع على راسو بقى فيا غادي مرجعني وتنصبع فيه عليها لا ماشي من لحق ديالها تعايرك شكون بغات تكون هيا كاع وي أنا متافق معاها نتا زامل ولكن متديرش ليك هكدا.. خااصني باش ندوز هاد لأيام حتى يرجع عبدو اللهم ندوزو بهاد ولاد ناس ولكن دبصح خونا رطييطب تراه جاب لماكلا وأخيرا سيد بغا يوكلني هو تيحلف وانا تنحلف ومن يوكلني لشي حاجة أخرى خرج خلاني كليت وهو يرجع هاز ليكوشة قلت ليه شوف جيب لبنج ولا شي لعبة باش منعقلش على هادشي ولا معمرو أيتنسالي قاليا وخا سيد طالب عليها نسيت راه خونا تيلعب مع لفرقة لأخرى وشيطانهم مقااود يعني تنعس ضعتي قلت ليه خويا شوف غير بعد ليا على لمسائل ديالي وخا نعرف نبقى هكدا حتى نعاود نوقف على رجليا.. خونا والو بدينا مغاوتين تيجر ليا فسروالي واش بزز هادشي إلا الشرف يا أعداء الإسلام واحد جعبة حدايا كانو معلقين فيها صيروم حطيتها ليه فراسو تيباليا تنشر سيد مات لا حول ولا قوة الا بالله وا خونا واهيا وا ساط غيوم فس فس وا قوم لوط نوض راه مقادين على حبس وهيا تدخل طبيبة كتجري لعندو وكتسول هدا مالو قلت ليها معرفتش فيقاتو مدار لا يمين لا شمال نيشان تاني والو عينو فيا تنغوت على ختنى ماشي هاد ساط أي واحد أخر غير ماشي هو وهيا تخرجو وجات هيا ودبا شويا نقدر نتقبلها.. تنشوف فواحد تلفازة زعما إلا موقفتش على رجليا تاني غادي نتاحر أخويا رجلين نعمة حيدليا أي حاجة خليني غير نتمشى ليلة لولا دازت نهار تاني جا داك خونا تراه مبقااش تيحملني وتيليفون لي انسول بيه شنو واقع معنديش تنحس براسي فلحبس منقدرش نخرج منقدر ندير والو وخا قربت نكمل سيمانة تما و والو متبدل والو كيف نهار لول.. رجع عبدو سولني واش كين شي جديد وأنا نتفركع عليه صافي حقدت أنا فدوك الأيام لي خلاني تما.. قاليا صبر مشا خلص خوتنا ورجع لبسني حوايجي ومخرجني فكرسي طلعني فطاكسي بحالا هاز ريشة قال لخونا مول طاكسي لمطار تنشوف فيه كيفاش لمطار فين غنمشيو تاني؟؟ قاليا غادي تمشي غي نتا لمغرب لدارنا عند لواليدة هاد لمرة تقوليها شي كلمة ولا غير تغمزها بربي حتر نطفيهم ليك, كيفاش ونتا واش مجايش؟؟ لا عندي شي خدمة مانقضي هنا.. سولتو أشمن خدمة قاليا أنا لي جبتك هنا بسبابي وقعلك هادشي على لأقل مغاديش تخسر فلوسك دبا سمعني أتمشي غتلقا لواليدة كتسنى فيك فلمطار من بعد وأنعيط ليك...

يتبع