البرهوش الجزء 30

قالت ليا وخا متضربش حساب لفلوس ولكن غادي ترجع ليا ولدي تنشوف فيها دبا داك بنادم لي بحال جبل غادي نرجعو أنا واش كتضحكي عليا لمهم بعد يوماين غادي نمشي عاارف ها ساط عزاز عليه عائلتو ومغاديش يخليهم هاد لمدة كاملا بلا حتى خبار يعني غادي تكون واقعاليه شي حااجة ولا مات يمكن تراه طرالي فحال هيوغو ديال لوست من نهار شديت هاد لفلوس ولمشاكل تابعيني.. بغييت نصيفط شي مساج لمهدي نقوليه بلي غنكمل داكشي لي بديت وغنرجع ولكن مقديتش غادي يبقى يسول فشي حوايج أنا منقدرش نجاوب عليهم وعارفو دبا غادي يبقى فيه لحال فاش مشيت بلاما حتى ندوي معاه أيقول غير وقف على رجليه وهرب تاني.. لمهم غادي راجع لديك لبلاد معارفش منين نبدا لبلاصة لوحيدة لي تنعرفها هيا دار خونا سباب هادشي كامل حطيت حوايجي فلوطيل ومشيت لحدا دارو وبارك بعييد وشكون تيخرج ديك ختو لي جات معاه داك نهار كدير سبور زعما غادي تابعها حتى بعدناا وديك لبلاصة لي ساكنين فيها خاااوية ختنى باش دورات وجها شافتني كتباليا غير لغبرة تراه طياارة نزهة بدوان واهيا وا بغيت غير نسولك والو سيدة مكتلافتش ولكن معامن هيا فيه حتى أنا ميكرووب دبا كون كان شي أوروبي فهاد لقطة غادي يقول صافي هربات وغادي يدير مناقص خوكم إفريقي ومن ديك لبلاصة فإفريقيا لي إلا مغمسوش مكيشبعوش.. كتباليا غير واحد لحجرة حدايا وأنا نصيفطها ليها نيشان مزكلتهاش روبن هود ديال لمغاربة تنجري لعندها مكين حد تما جارها وكتغوت أنا غنموت بضحك وحابس ضحكة باش نخليها مخلوعة فكراتني فدوك لأفلام ديال خوتنا لي فيهم داكشي لكانيباليزم تنسول فيها فين هو خوك قالتلي فدار تنسول فيها على عبدو قالت ليا شكون هدا معارفا والو يلاه جيت هنا سيمانة دبا ختنى معارفة والو قالت ليا قوتيها فاش غادي يعرف خويا هادش.. قلت ليها شنو غيدير كتر من هادشي لي دار دبا غادي تمشي معايا لعندو أتدخليني من لباب بغيت ندوي معاه قالت ليا علاش غندير هادشي؟ تفو مجبتش معايا شي حاجة نهدد بيها وخا غير موس كين غير لحجر فديك لبلاصة خليتها منشورة تما وغادي قالت ليا صافي وصلني لدار وغادي ندخلك منك ليه ختنى مضروبة فرجليها غادي معاها تنقوليها بلي سيد لي تنقلب عليه مخلي عائلتو غادين يحماقو تيقلبو عليه شهرين وصرف تنعاود ليها باش زعما تقدر لوضع لي فيه أنا ومتديرش شي لعبة وصلنا لتما وهو يخرج سيكيريتي تيخري تيسول شنو وقع قالت ليا طحت وهاد سيد عاوني خونا هزها مدخلها وأنا تابعو كتباليا واحد جعبة عند لباب هزيتها وسديت لباب زعما باش حتى واحد ميهرب وااتق فراسي زعما محسيتش براسي حتى جمعني واحد خونا معرفتوش منين خرج سيد خطفني صوت وصورة مبقيتش قاد حتى نوقف عقل عليا من داك نهار لي جينا لهنا يمكم جارني لداخل تيعيط على هداك خونا جا غير شافني وهو يتصدم قاليا بسبع رواح البرهوش قلت ليه جيت غير نسول على عبدو سيد لي كان معايا وغادي نمشي مبغيتش شي مشاكل وحتى دوك لفلوس غير خودهم قاليا بلي مشافوش من نهار لي مشينا متيقتوش قاليا معندي علاش نكدب عليك راه من داك نهار معاودتش شفتو.. تيشوف فختو فديك لحالة قاليها شنو وقعليك؟ قالت ليه طحت وهاد لولد لي وصلني إلا كنتي تتعرف شي حاجة على سيد لي تيقلب عليه قولها دبا؟ قاليها راه لي عارف قلتو داك سيد مشفتوش من داك نهار علاش غادي نكدب شاف فيا غادي تخرج من هنا مغاديش نعاود نشوفك حتال لمحكمة قلت ليه علاش حتال لمحكمة بغيت كلشي يتحل دبا غادي نعاودو نفرقو داكشي لي خلا بيناتنا بزوج نتا كيما تنشوف ممحتاجش دوك لفلوس وأنا غير نص راه بزااف عليا غير بغيت نساليو هاد لمشاكل ليوم؟ ختو وهيا تنطق تاني قالت ليه وافق عمي كون كان مزال عايش هادشي لي كان غادي يدير بقى تيوشف فيا قاليا وخا ولكن غادي نعاود نشوفك ولا داك عبدو حدا داري غادي تكون هضرة أخرى تاني قلت ليه معندي علاش نعاود نرجع لعندك قاليا بلي غادي يحيد دعوة لي رافع يعني نقدر نخدم بفلوسي حتى ينزل لمغرب وغادي ياخد نصيب ديالو قلت ليه قدما زربتي غيكون حسن مسلف باش نجي هنا.. غادي خارج وتنشوف فديك ختو زعما ضربتها وبحجرة وشوف شنو دارت معايا مفهمت والو أصلا قدرة على لإقناع غير ضايع.. خرجت وصلني شيفور ديالو لوطيل هانا حليت لمشكل ولكن لحاجة لي جاي على ودها مدرتهاش معرفتش فين هو عبدو سيد معارفوش فين مشا وهو قاليا بلي غادي يبقى على ود يدير حل مع هاد سيد مفهمت والو منقدرش نعيط على مو شنو غادي نقوليها بقيت تما يوماين أخرين مخليتش شي صبيطار مسولتش فيه والو سيد غبر زعما يكون هاد خونا غير طالقها عليا ودار لعبدو شي حاجة ولكن كيما قال معندو علاش يكدب عليا حيت منقدر ندير والو فكلتا الحالتين رجعو ليا لفلوس.. ملقيت حتى شي خبار تما على عبدو يعني معندي منبقا ندير تما رجعت لمغرب مبغيتش لوالدة ديالو تسمعني رجعت حيت غتبدا تسول وأنا معندي منقول ليها غادي غير تزيد تخلع سيد قريب ل 3 شهر وهو غابر غيكون غير مات.. رجعت ومزال مقادرش نمشي عند دارنا نبرك معاهم وخا تصالحت مع مهدي حيت إلا رجعت مغاديش نقدر نخرج تاني ولا نسافر وأنا مزال تنقلب على عبدو ومن غير هادشي غيبقاو يسولو فيا وأنا مزال معنديش لخاطر ولكن بغيت نسول على مهدي شنو دار من بعد ما مشيت ولوحيد لي يقدر يجيب ليا خبارو هيا مريم مشيت لدارهم تنعيط حتى خرجات سلمت عليها كتسول فيا فين غبرتي شنو وقع ليك مع مهدي؟ قلت ليها علاش واش قاليك شي حاجة شنو وقعليه؟ قالت ليا والو غير تبدل قلت غيكون هادشي غير بسبابك.. كتقوليا بلي طلق بنت خالتها ورجعو مع بعضياتهم ولا كيشرب وزيد وزيد أنا عرفت بلي طلقو بسبابي دوك لأيام لي كان مكيتفرقش عليا وميقدرش يقوليهم علاش تيخرج بليل وكدا.. سولتها على نمرة خيتي لي كان مزوج بيها قالت ليا مبقيناش كندويو ولكن عارفاها فين كتقرى ف فرنسا قالت ليا سميت لجامعة غادي راجع لدار لي بارك فيها باش نعيط على هاد لجامعة نسولهم على نمرة شيماء ولا يعطيوني ندوي معاها خاصني نشرح ليها بلي مهدي كان تيعاوني ونشوف كيفاش ندير باش نصالحهم.. وصلت لدار تنلقا ضو شاعل مكينش شي واحد عارفني بارك فهاد دار حيت كريتها غير فاش رجعت وكيفاش دخلو بعدا لدار تندق فباب داري وساروتها فجيبي تخربقو ليا سلوكة وهو يحل ليا عبدو لباب عنقني وااع مخليتش فين قلبت عليه وفلخر غيلقاني هو تصدمت ساط مخلينا فين قلبنا عليك عائلتك غادي يهرب ليهم حماقو هاد 3 شهر فين كنتي؟؟

يتبع