البرهوش الجزء التاسع

بارك مع هاد ولاد ناس وبحالا موصين هاد لولاد باش يشريو معايا معرفة.. ديك طوموبيل لي قدام لباب معقلتش فين شفتها بضبط لمهم فايتلي شايفها.. تعشيت معاهم وخرجو معايا وصلوني حتال لباب غادي لدار توحشت لواليدة ديال بصح لواليد ولخوادري عارفهم محايرينش فيا كي مشيت كي بقيت ولكن لواليدة عزيز عليها أنا خاصني ندير ليها شي قدية نبقى نشوفها دخلت لدار شديت كتوبتي زعما تنقرى وهو يدخل عبد الوهاب قاليا نهار كبير هدا ملي تفكرتي كتوبتك برك حدايا تيوري فيا شي تخربيق قلت ليه خويا أنا بغيت غير نطلع لمستوى لمعرفي مبغيتش نحل معادلات وشي حاجة معندي مندير بيها بغيت لغات أخويا قاليا صافي كمل هاد لعام ونشوفو شي مدرسة ديال لغات دخل ليها راه غادي تحتاجهم من هنا ولفوق.. باركين وتيعاود ليا واحد نهار أخويا زوج دناس أخويا بسلاحاتهم أخويا وأنا خارج من لخدمة أخويا عندي غير ستيلو فجيبي أخوياا عرفتي أغويا داك لول درتلو ديك لعيبة ديال زرڭ تاني بسلاح ناري أخويا بيتشوب أغويا.. ساط طلع مدوز لعسكر فأمريكا وأنا بارك تنقوليه مك لحمد لله ملي متقربش مني.. قلت ليه راه ولد هاد سيد لي عرض عليا يمكن تيعرف داك خويا لي عاودتلك عليه بغيتك تسول شوف ليا منين تيعرفو إلت قديتي خونا بقى تيضحك قاليا واش تيحسابلك أنا خدام مع لبوليس قلت ليه وصافي حتاجيناك دبا خدم معانا فهاد لبلان قاليا وخا أسيدي غدا يكون عندك لخبار وأخيرًا غادي نلقا مندير.. مشا هو بقيت بارك دبصح تنفكر ندير ليه شي حاجة هاد مهدي مزال منسيتش بلي ضربني قبل منخرج من دار هو سبابي بصح دبا حسن من داكشي لي كنت دبا عارف شنو تندير ومستقبل نقدر نقول مضمون ولكن راه بسبابو وقعولي بزااف دلحوايج فزنقة والإصلاحية منقدرش ننساهم غير هكذاك.. لغد ليه مشيت لديك لإعدادية عندهم شي متحانات دوزتهم وسولت على لأوقات ديال لإمتحانات خرجت لطوموبيل بارك فيها تنفكر فداكشي لي درت فداك لإمتحان غير خربقتو وهو يطلع واحد خونا نص بنت نص ولد من داك نوع لي مكيتفرقش على لبنات لدرجة ولا تيغلط ويدخل Toilets ديالهم حق الله وتيقول ويلي يعطك دل أسيدي تزعزعت أنا هدا مالو قلت ليه مكنخافوش لا سلام لا كلام وهو يبدا يضحك ديك ضحكة ديال هادوك ناري هدا مالو قلت ليه نزل قاليا وخا ولكن عطيني نمرتك ههههه هربني من نيتك شنو غادي ديربيها راه معنديش مع دراري أدومات أخويا سمح ليا نزل قاليا لا ماشي ليا أنا غير مرسول وبدا تيغني مرسول الحب فين مشيتي.. بقيت تنشوف فيه مصيبة هادي عطيتها ليه اخويا غير بعد مني أحمباك ومبغيتش نعرف لاش بغيتيها غير خودها وسير خونا غادي ينزل وهو يمدلي حنكو قلت ليه واش منيتك نزل حسن لك.. مشى خونا تحركت أنا قبل ميرجع تاني لعندي دبا هاد نوع هوا لي كتلقاه عندو غير خواتاتو هو سميتو ساعيد تيعيطو ليه سوسو.. باقي موصلتش لصال وصلني مساج سلام تنشوف كتباليا درية صغيرة عرفت خونا لي عطاها نمرة غادي وتنجاوب فيها وعليكم سلام شكون معايا قالت ليا مكتعرفنيش و.. حتى أنا جيتها من لخر نتي ماشي من نوع لي عزيز عليا قالت ليا وشنو هو هاد نوع؟؟ قلت ليها إلا كانت مك ميمة عطيها نمرتي بروجولا غادي نتهلا فك بقات كتسب وأنا نبلوكيها دخلت لصال لقيت عبدو بدلت حوايجي يلاه غنبدا معاه وهو يقوليا سولت ليك على لمسائل صباح قلت ليه أشمن مسائل؟ واش نسيتي ياك لبارح قلتيلي نسولك على منين ولد عشيرنا تيعرف خوك راه جبتلك لخبار قلت ليه تبارك الله عليك بزربا! شنو عرفتي؟ قاليا ماشي غير ولدو شفتي خوك راه طايح مع ديك مريم بنت خالة لولد وخطيبتو وخوك ولا تيعمر معاها وبيناتهم شي حاجة يمكن وغادي تقلب عليه باش تبقى مع خوك هدا ما كان.. قلت ليه شابكة أفلام هنود شفتي على زهر خويا لي خرجني من دارنا طايح مع لبنت لي خاطبها ولد سيد لي عندي معاه خدمة وباغي يعاشرني.. كملنا وخرجنا من تما مشا هو فطريق وأنا فطريق تقديت واحد لقرعة Jacques Daniel أخويا وليت تنشرب ديال بصح فاش كملتها مبقيتش عاقل على راسي شنو تندير نزلت لغراج هزيت واحد لمرسيدس باقي محطيتش فيها رجلي من نهار مات شيباني غادي فطريق لدارنا بدون شعور دزت من حدا لمحل لي خدام فيه خويا باليا نايضا فيه شي حفلة يمكن مشيت لدار وقفت قدامها معمري قربت لدار هكذا من نهار خرجت عرفتي درت صمطة غير باش منخرجش وأنا هكذا نقدر ندير أي حاجة بقيت واقف تما تيباليا لواليد جا لدار تبدل بزااف دخل وهوما يطفيو ضو عرفتي وطالق desert rose ناريي sting أخويا مفاهموش شنو تيقول ديك ساعة ولكن توشاني دموع سالو تحركت لحدا لمحل لي خدام فيه مهدي وداك نهار طريق خاوية وقفت بعيد شويا تنقول شنو تندير هنا صافي نمشي لدار وهو يباليا خارج من تما خونا فرحان سيد ولا قد لبغل ولابس مزيان محسيتش براسي حتى كنت غادي قاصدو بطوموبيل تيقوليا داك شيطان زيد عطيه وهانتا غادي تقدر ترجع لداركم تاني تيباليا تلاح من فوق طوموبيل عرفتي طوموبيل من لقدام ولات بحالا ضارب فشجرة ومع دالك غادي راجع ليه وهو يباليا بنادم جاي خارج تيجري من داك لمحل لي خدام فيه غادي يشوفو لبلاكة ناري قوتها بزربا تحركت فلبلاصة فقت مبقاتش شادا فيا سكرة وقفت تنشوف كيباليا دم وباينا داير كسيدة منقدرش نمشي بيها فين ساكن تنقلب على تيليفون عيطت على عبد لوهاب مجاوبش لمرة لولا لمرة تانيا جاوب قاليا لله يسمعنا خبار لخير شنو واقع قلت ليه قوتها تيقوليا سكت من لبكا وقوليا فين نتا شنو واقع قلت ليه لبلاصة أجي لعندي وغادي تعرف بقيت بارك فطوموبيل وخايف ديال بصح عمري خفت بحال هكداك غيكونو لبوليس تيقلبو على طوموبيل وأنا واقف هنا يلاه غادي نتحرك وهو يوقف عليا عبدو أشنو واقع ناري مال طوموبيل شنو ضربتي شي تور؟ واش شارب شي حاجة؟ قلت ليه ضربت خويا عرفتي مكملتهاش وهو يحط ليا واحد لمسمنة والله ما حسيت بيها مع لموت ديال لخلعة خدالي سوارت ومدلي ديال طوموبيلتو قاليا سير لدار دبا متسدش عينك حتى نجي لعندك وغتكون لهضرة طلع فطوموبيل وتحرك خديت داسيا ديالو ومشيت لدار نيشان لدوش باش فقت عاد حسيت بالخلعة ديال بصح فاش مكتبقاش قادر تنزل ولا تطلع ريق وهو يدخل خونا تاني هاز لبلاكات ديال طوموبيل لاحهم قدام لباب جاي قاصدني معمري شفتو معصب بحال هكداك حتى فاش كنت تنبقى نجبد لهضرة على مو...

يتبع