قصة البرهوش

أولا نتافقو على واحد لحاجة راه ماشي حيت سميتي ياسين راه برهوش وي انا برهوش ولكن ماشي حيت سميتي ياسين.. عرفتي فاش تنكونو صغار تيكونو عندنا شي أفكار فشكال وأحلام كبار محدك ونتا كتكبر وهوما تيصغارو حتى مكتبقاش عاقل عليهم ولا كتنساهم بلعاني(عمييق😊) لمهم باش تفهموني خاصني نبدا معاكم من لول حيت وخا سمعتو عليا شي كلمات من خويا مهدي بزااف دلحوايج نساهم ولا معارفهمش لمهم نبداو ديجا كتعرفو كيفاش داير لواليد ولواليد كانو هربااانين ديال بصح لموت ديال تفرويح لواليد خدام فطاكسي لواليدة غير دار بحال أغلبية لأمهات وخا عندي خويا لكبير أنا حالة خاصة مع لواليد ولواليد حيت أخر لعنقود لي قلتها خاصها تدار لهواية لمفضلة ديالي منخليش مهدي يعيش على خاطرو وخا هكداك عزيز عليا منين تنعقل على راسي وهو من داك نوع لي تيسد عليه فبيتو وتيطلق لمزيكا تغلط فيه هانية باختصار باغي غير يعيش وصافي أنا لعكس لواليد ولواليدة مطلوقين معايا ندخل وقتما بغيت ونخرج وقتما بغيت تنعمر فدرب بزااف ومع دراري كبر مني بطبيعة لحال أترو عليا صراحة كنت برهوش لمهم هكدا كنت عايش مع هاد ولاد ناس لواليد فينما نوقف عليه فشي حاجة متيقولش ليا لا لبياسة لي تحطات فسوق كتحضر لخوادري تيضرو راسو درت تيليفون قبل منو تصاحبت أنا باقي هو يمكن تيحساب ليه راجل إلا باس لمرا كتحمل مع لعلم كبر مني ب8 سنين.. عرفتي بعدا شنو هيا تصاحب ونتا عندك ديك 11 ولا 12 كتحس براسك صافي قطعتي لواد ونشفو رجليك ومصاحب مع وحدة سميتها فتيحة كتقرى فسادس شوهة مزال متعرفها واش درية ولا ولد مربي شعر ديك ساعة مزال لي كتقرى فسادس كتقرى فسادس. ولي كتقرى فلباك كتقرى فلباك. دبا وليتي تلقاها تقرى فسادس والمؤهلات ديالها معندش لي فلباك أودي جيل طالع مجهد لمهم مشيت فلهضرة أسيدي فاش تصاحبنا كنتي كتقول الحب تيقولك ويلي سكت عيب غادي يعدبك الله.. ومع دالك درتها رومانسية وداكشي كان مأتر عليا ديابلو وديك مانويلا 2M لي رباتنا هكدا بصراحة آاااح مانويلا لحب لأول😂.. فهمتو بلي كنت تنطير ياكو مكين لاش نبقا نتفكر فداك لعجب وتعناب ديال طيور الجنة لمهم نسرعو الأحداث لقصة إمتى غادي تبدا أسيدي فاش طلعنا لإعدادية وجيت أنا وهاد لبنت تاني فنفس لقسم خويا أنا ديك ساعة كتباليا لإعدادية بحال لمقر ديال po*nhub كاع عشراني طيحين مع تيتيز وأنا لي فيا لي يطيح مع أقود وحدة مزال مع عبد لفتاح متبدلاتش فيها حتى حاجة دبصح وليت تنشك فيها دري ومطلعها عليا هادشي غير مخليناش شي حاجة مدرناهاش تراه كنت برهوش حق الله أول واحد دخل doggystyle للمغرب وعندي ما يفيد وخا هكداك مكنتش حاملها عندها موسطاج تنحشم نقوليها حيديه وعييت ما نلمح ليها والو سيدة عاجبها.. سابعة دازت طيارة ناجح ب 9 وفتامنة ب8 جيت نحسبها لقيت راسي غادي نسقط فتاسعة😂 لعام ديال تاسعة فتيحة حصلوها مع لأستاد ديال رياضة فلبيرو ديالو ههههه صدمة فينما ندور نلقا كلشي تيشوف فيا تيقولو مسكيين💔 أنا أصلا مكنتش عارف كيفاش نقلب عليها بلاما نجرحها وهيا لي قلتها ليها كتقولي مرحبا طلع ولكن سهلاتها عليا فاش دارت هكدا وهاد لأستاد ديال رياضة ملقا غير ديك ناااشفة لي كنت معاها شفتي لحكرة هيا هادي لمهم مجيت نقلب على غيرها حتى وصلو لإمتحانات بقيت تابع ختنى وداكشي منجحتش وحتى خويا منجحش داك لعام انا صافي قلت هدا أخر عام ليا دماغي ماشي ديال لقراية لا فرونسي لا ماط لا والو حتى لعربية معنديش معاها وتربية لإسلامية هيا لخرا جايب فيها 2 يهودي أنا فرعون يحطو ليه داك لإمتحان ميجيبش 2 لواليد ولواليدة والله ما تقلقوش فاش سمعوني صقطت عادي أول مرة نصقط تيقولو ليا لعام جاي خاصك تخدم ولكن أنا مكنتش مخطط نعاود نرجع لتما بغيت فلوس خاصني نخدم ندير شي حاجة خاصني فلوس باش نمشي لتيران ونخرج مع دراري نشري لي بغيت بلاما نمد للواليد يديه دوزت صيف راحة ونعاس باش غير يبدا لعام نقولها لدار ونشوفو شي حرفة نتعلمها بدا لعام مزعمتش نقولها لواليديا كل نهار تنقول حتال غدا بنادم بداا لقراية وأنا مزال ممشيتش ومقادش نقول لواليدة شنو باغي ندير تنمشي قدام لإعدادية شويا وتنرجع لدار حتال واحد نهار دخلت لدار لقيت لواليدة بوحدها مكين لا لواليد لا لمرض ديال خويا بستلها راسها عرفاتني مقودها ولا باغي شي حاجة قلت ليها مباغي والو غير نهضر معاك راه بصراحة معنديش دماغ ديال لقراية غادي غير نضيع عام أخر فلبلاصة شعلات قالت ليا غتمشي تقرى ولا غادي نبدل لمعاملة ديالي معاك نتا ماشي ديال ضسارة.. بقات كتعير فيا ولي خرجو قبل منك شنو دارو.. أنا صافي قلت غادي نخرج هيا غادي نخرج صافي هنا تيتحل لباب تخلعت عنداك يكون لواليد لا غير خويا ولكن داك نهار كان معصب عمري شفتو هكداك مدواش غير سمع لواليدة كتغوت عليا بدا تيضرب فيا أنا فيا لي يضربو ولكن مقديتش غادي نولي قاتلو زاد فيه تيضرب فيا على شي حاجة من غير لهضرة ديالي مع لواليدة حيت هيا ولات كتجر فيه و والو دفعتو حليت لباب وخارج كتشد فيا لواليدة ياسين يقوليها دخلي هاد لهضرة ديالك لي خلاتو يطغى علك فين عندو ميمشي وجرها حتى أنا تحركت عرفتي ديك لحضة فاش كتكون باغي تبكي ولكن مكتقدش كلشي فدرب تيشوف فيا داك دري لقبيح منقدرش نبكي قدامهم بعدت ديال بصح محسيتش بطريق تيباليا لواليد دايز بطاكسي من حدايا فلول كنت غادي نمشي لعندو ونقولو شنو بغيت ندير وهاد ساط لي ضربني على والو ولكن مقديتش أصلا كنت باغي غير شي كوان ونبكي على خاطري ريحت فواحد جردة ودموع حلفو لا بقاو خرجو ديك ساعة والو كنتعصر وتقول واش بغاو يخرجو بقيت بارك تنقول مع راسي غادي نريح هنا حتى يجيو يقلبو عليا نخلعهم وباش يتفاهمو مع داك بنادم ميعاودش يحط يدو عليا ولا غادي نقتلو لمهم طفيت تيليفوني وبارك فديك جردة أصلا لواليدة غادي نغبر عليها غير نص ساعة غتبدا تقلب عليا وديك ساعة غادي نتشرط عليها غندير شروط هنا باش نرجع معاها لدار تاني...

يتبع...