البرهوش الجزء الخامس

أسيدي هادي هيا لعيشة ولا حيد عليا درنا فطور لأبطال وهو يجي عبد الوهاب سلم على شيباني قاليا طلع لبس حوايجك غنخرجو دبا قلت ليه وخا طلعت لقيت حوايج على قدي هادشي تيخلع حتى من لكالصو جا قدي هادو طرمتي عابرينها يمكن لبست وخرجت لعندهم طلعنا فواحد jaguar فشكاال ساط عبدو هو لي سايق وانا بارك مع خونا لور غادين وتيوري فيا هنا درت كسيدة واحد نهار هنا ساكن واحد صاحبي هنا.. وصلنا لواحد لقهوة كبيرة على لبحر نزلنا دخلنا ليها مشينا لعند واحد راجال حدا طابلات ديال لكولفازير سلم عليهم باينا عشرانو كاملين تقريبا نفس لعمر سلمت عليهم كذالك بداو لاعبين وتيضحكو على أبسط حاجة لموت ديال لحموضة وتيدويو بالفرونسي تيباليا عبدو بارك فواحد طابلة بعيد شويا مشيت بركت معاه شكون هاد ولاد ناس قاليا بحال خوتو هادوك غير ولفهم راه غتبقى كل نهار تشوفهم.. مخرجنا من تما حتى ضروني جنابي مشينا لواحد لمدرسة دخلنا تيسول فيا لمدير واش كتعرف تقرى شويا قلت ليه pas mal زعما تبعصصت عليه بلفرونسي ديالي.. بقا تيدوي مع شيباني قاليه خيرك سابق خرجنا ولاد ناس حاطيني فلعام لي خرجت منو لكطريام.. لوحيد لي يقدر يعيط عليه فاروق فداك بنادم لي فديك لفيلا مجاتش نقوليه لواليد غنبان دايرها غير على ود لفلوس وي أنا غنديرها على ود لفلوس ولكن بطريقة دكية منبانش طامع.. بقينا كنسركلو ديك سيمانة دار كاملا عمرها تصاور سيد ربا لكبدة عليا بلا وقت لهضرة وداكشي لي مداروش معايا لواليد ديال بصح.. لمهم قادو ليا لوراق باش ندخل لمدرسة ولكارط بديت مرة مرة تنقوليه لواليد تندير ليه خاطرو بروجولة رضا الوالدين فضيلة أصلا تيقوليا ولدي قليل فاش تيقوليا ياسين.. قالك غتبدا تمشي لديك لمدرسة عييت معاه بلاش بلاش قاليا لا خاصك تقرى قلت ليه واخا هيا خودلي شي موطور قاليا صافي ياك غير موطور جاك كنا كنتعشاو ديك ساعة وعبد لوهاب بارك معانا معاشر هو وشيباني ديال بصح لمهم قدامي واحد لكاس ديال لعصير فيه نص وهو يخوي فيه شويا ديال شراب من لقرعة لي قدامو قاليا دوق؟ من نيتي هزيت لكاس يلاه بغيت نشربو وهو يقوليا حط حط البرهوش صافي قلنا لك شرب تشرب راه غير تنضحك معاك نلقاك شي نهار داير شي نقطة ففمك غادي نتفاهم معاك بقاو مطلعينها عليا حتى مشيت نعست لغد ليه فقت لبست باش نمشي لديك لمدرسة نزلت نفطر لقيتو بارك فطابلة قلت ليه عبدو غادي يوصلني؟ وهو يلوحلي سوارت قاليا لموطور برى وسير بشويا فطريق تفوت 35 غادي نحيدولك قلت ليه واش من نيتك؟ قاليا كيفاش من نيتك فطر وخرج واش بغيتي تعطل من أول حصة سير حمرلي وجهي هزيت سوارت خرجت لقيت واحد ستانت كيحسابلي أنلقا شي T-max خرج تبعني قاليا كيما قلت لك بشويا فطريق مدلي 200 درهم ضربتها فجيبي قاليا بلاتي بلاتي واش معندكش بزطام؟ قلت ليه لا وهو يجبد ديالو من جيبو قاليا هاك باش تفكرني يلاه سير طلعت غادي وتنسيي فيه فطريق هاح غنكون تنحلم وغتفيقني لواليدة دبا وغنفطرو بالخبز وأتاي تفو يا ربي نموت ونبقى فهاد لحلم حتى تقوم ساعة وصلت لديك لمدرسة لقيت لعساس حطيت لموطور ودخلت رجعنا لهاد لجو تلاقيت بداك لمدير دخلني لواحد لقسم قاليهم هاد لولد غيقرى معاكم من هنا لفوق عطيوه إستعمال الزمن وعاونوه فداكشي لي فات كيباليا واحد لكوان لوور داك كرسي العرش ديال لقسم يلاه غنبدا نسخن فلكرسي وهو يقوليا داك لأستاد ولدي ياسين مالك بارك لور قرب لقدام وييع خونا عارف سميتي مزال مدخلتش مصيبة كحلا دبا غيبدا يسول فيا نعتلي بلاصة حدا واحد لبنت قاليها أحلام عطيه إستعمال زمان شفت فيها دايرا نظارات ديال قاع لكاس هادي كتقوليا نهار تنين وحاطة صبعها على نهار جمعة عام زين هدا باين من نهار لول تنقل فداك إستعمال زمن وخا متأكد بلي ديال شي قسم أخر وهيا تقوليا عندك واتساب بقيت تنشوف فيها أايش هاد لمستوى؟ قالت ليا راه دايرين غروب ديال لقسم عطيني نمرتك ندخلك قلت ليها أه مرحبا نمرة مزال محفضتهاش جبدت ليها تيليفون تكتبها ومتأكد تاني بلي مغندخل لكروب لا والو هاد لعام لبنت كيبلنو ليا 44 رقم دبا أسيدي باركين تندو فعينيا لبنات كتر من دراري ضوبل تقريبا أنا لكبير فيهم خرجنا كانت عندهم رياضة أنا مجايبش حوايجها بارك بعيد وتنشوف مرة مرة كتجي شي بنت خلي عندك هاد تيليفون خلي عندك هاد لمغانة عرفتي لمعانات ديال بصح بارك تما حتى تيوقف عليا عبدو صدمني فلول تيحسابلي شي أستاذ تما ولا منعرف قاليا يلاه غتمشي معايا لصال قلت ليه دبا؟ قاليا أه دبا عطيت داك لعجب لي شاد لداك لأستاد وخرجنا غادي تابعو بلموطور داخلين لداك لصال قاليا كيف جاك لموطور راه أنا لي تعزلت ليك فيه لبارح.. دخلنا لصال قاليا خود شورط من لعلاقات بزز باش لقيت واحد قدي بدا عليا دير هادي جر هادي هز هادي خرج ترمتك قاد ضهرك ياا خرج صدر.. كاع دوك لماكينات درت عليهم مدوشتش تما غادي حتال دار غادي لدار سبحان الله لمشيت تبدلات كنحس براسي وليت صحيح خونا غير تيضحك تيقوليا تمشى عادي راه كتشوه بينا.. رجعنا لدار ملقيناش شيباني منعرف فين خارج دخلت لكوزينة أنا وعبد الوهاب مكيناش لخدامة فيها تيوري فيا لقصوص لي غنبقى نتعالج بيهم من هنا ولفوق سولني كيفاش جاك لجو هنا قلت ليه سيد ضريف مخلا ليا منقول وليت كنحشم نعيطليه بسميتو.. بقا معايا حتال لعشيا جا شيباني وخرج هو بركنا تعشينا تنعاود ليه نهار كيفاش داز قاليا ننعس بكري هو غيخرج عندو شي خدمة تاني قلت ليه وخا طلعت لبيتي لقيت راسي داخل لداك لغروب ديال لقسم حامضين ولكن مزيان نشري معاهم معرفة باش يعاملوني فلفروض بارك حتى تنسمع طوموبيل وقفات تنطل تيباليا شيباني جا ومعاه واحد خيتي لوين عرفتي بحال paula patton ولطاي هااح شيباني طلع مساهلش وبيتو ملاصق مع بيتي فاش بداو حسيت براسي بحالا ساكن مع ميا خليفة ختنى زادت فيه وخا يكون كيقتل فيها أنا تخلعت على راسي أغويا شحال من عام وانا مع فتيحة أح معمري سمعتها من فمها واقيلا فيا شي عيب لمستقبل ديالي ضاع.. طالق ودنيا باش نستافد حتى كنسمع ختنى كتقوليه فاروق مالك واش كين شي واحد هنا يجي بزربا وايلييي جاتني من الجنة والناس طيارة لقيتيني حداها تنشوف لقيتو هو فوق سرير عريان وهيا كتلبس حوايجها هزيت ليه يدو وتنحاول منشوفش ليه فلماطريال ديالو طلقت ليه يدو وهيا تطيح ومكيتنفسش سيد مات مقيم الخوت لا حول ولا قوة الا بالله وهادي هيا تخويرة أبا ولا حيد عليا...

يتبع