مهدي و شيماء الجزء 17

خارج أنا وختنى ومتأكد بلي صيفطاتها مريم تحركنا من حدا دار غير على رجلينا خاصني نبعد شويا على طوموبيل لمهم غادين كنتمشاو حتى لقينا قهوة بركنا قلت ليها مريم ياك قالت ليا أه عيطاتلي وطلباتني باش نجي عندك ندوي معاك مقديتش نقول ليها لا وفنفس لوقت عارفاها كيفاش دايرا نصيحة من عندي بعد عليها.. راه هادشي لي درت لبارح قلبت تيليفونها ولقيت بزااف ديال لوسخ فيه صدماتني فيها حتى تيحسابلي تبدلات وكدا لمهم بقيت راخيها عليها داير فيها داك ضحية لي محطم عاطفيا زعما ختنى حتى هيا هضرتها بحالا كتقوليا وا لهلاوي ها أنا قدامك قول غير شي هلوة وأنا غادي نكمل.. بقيت جاري معاها لعشرة ومباغيش نزرب عليها وخايف لا تقمعني عزة نفسي ما بتسمحلي وفهاد لحظة تيباليا لواليد ولواليدة واقفين وتيشوفو فيا ولبنت عاطياهم بظهرها تفو على عائلة كي دايرا درت براسي مشفتهمش داوي مع ختنى وكنضرب على لواليدة كتطل دبا مبقا عندهم ميدار لا خدمة لا والو ولاو غير مقابليني.. ختنى دارتليا حتى هيا بلان ديال بنات ناس لي شبعانين سرابس جبدات لمراية زعما غتشوف فوجها عرفتها ضربات عليهم قلت ليها شفتيهم ياك قالتلي آييه هههه بازليك معاهم واش ديما هكذا؟ لا غير مؤخرا مبقا عندهم ميدار طلعات ليهم عليا دبا لواليدة غنرجع لدار غتبقى حاطة عليا حتى نعاود ليها شنو قلنا بالحرف.. هههخه اوا صافي عيط عليهم يبركو معانا ونقص عليك لخدمة وأنا نقصدهم وقفت عليهم قاليا أه حقا كنا غادين لسويقة.. تا نوض راه ولدك هدا مع إحترامي ولكن بلان مبرهش والله جريتهم بركو معانا واحد لواليدة بقات غير كتضحك حتى وجها ولا حمر وليت تنمد ليا لما لا توحل ليها ضحكة مشاكيل وقضينا لغرض بكري مع هاد لعائلة ديال لكيلو ولكن بالعكس أخر حاجة كنت متوقعها لواليدة قالت ليا دي باك وجيبو كفتة لسيد عند شواية ولا شي حاجة نتغداو بيها أنا عرفتها باغيا تصدرني باش تبقى مع لبنت أوكي لواليدة طلعات لزبيانة هانية تحركت أنا ولواليد حتى هو سراابسي خلا على لكزار لي حدا لقهوة وعصر عليا فواحد طريييق حتال عند واحد لكزار قالك صاحبي تنعرفو تيقاد شي حاجة نقية قلت هانية أسيدي أنا فاهمهم علاش دايرين هادشي أصلا لواليدة ولات كتنعسني وتفيقني بزواج لكبير عندهم زعما لمهم تقدينا ولواليد كيتقل فلمشية تيقوليا أه عيان راه قلت ليكم بلانات مبرهشين سيد يهزني ويجري بيا لتما وطالقها عليا أسيدي وصلنا حطينا داكشي لسيد لي عند شواية وبركنا لبنت مكيناش وييع تنشوف فلواليدة تي فين هيا لبنت قالت ليا مالك مخلوع زعما غناكلها راه قالتلي دارهم قريبة مشات تجيب مها.. بقيت تنشوف فيها لعار واش كتدوي من نيتك؟ قالت ليا وحق الله دويت معاها كتعجبها وضريفة وكتصلي كاع تا حياتك كاملا ومزال معارفش حتى أركان الإسلام كتعرف توضى بعدا بقيتي تابع داك لخنز وشراب..زعما صافي تنفهم فشراب غنكون متنصليش هو أنا صراحة متنصليش ومتنعرفش نتوضى ولكن ماشي حيت تنفهم فشراب.. سولتها شنو قالت ليها لواليدة بقات على لبنت راه دواليا علك وتيبغيك وتيحشم يا ختي تبارك الله عليه بسلامتو تيحشم شكون هو الله أعلم مستحيل تكون مواصفاتي هادي لمهم ختنى حتى هيا برهوشة فعقليتها طلقاتها عليها لواليدة مشات تجيب مها كون زدت شي نص ساعة أخرى غادي نلقا ختنى طالعة فلعمارية واااع زعما راه تنفكر نحل مشكل ديال شيماء لي داوي فيها مع باها هايا طلعات شيماء أخرى ومغاديش تفرق عليهم لواليدة حتى تزمم ليهم أنا عارفها بلاتي ياااع دبا مها غادي تعقل عليا نهار عطاوني فلوس باش يخرج ولدها من لحبس باشمن وجه غادي نشوف فيها لواليدة حتى هيا لله يعطيها عقل.. خليتهم بزوج ودخلت عند داك مول شواية حتى وصلات ختنى ومها والله حتى دارتها بصح خاصها غير معامن حتى هيا مزعمتش نمشي غير غادي تشوفني غتعرفني تيبانو ليا داوين عادي وتيضحكو كاع وهو يجي لواليد قاليا أجي سيدة باغيا تشوفك غادي وتنجبد Checkbook باش وقفنا عليهم قالت ليا نتا؟ مديت ليها شيك ب20 بركة داكشي لي عطاوني داك نهار شافت شيك قالت ليا أااه هو نتا لواليدة مفاهما والو شنو داكشي صداق؟ ختنى ضرباتلي شيك فجيبي قالت ليا والله ما ناخدو قلت ليها لا أخالتي غتاخديه ديالك ولدك الله يرحمو مسامحلو دنيا و أخرة ختنى سمعاتني وهيا تضرب شيك فصاكها بركنا داوين مع مها على لخطوبة ومنعرف وختنى غير هادي ساعتين كانت كتباليا عادي مكنتش متوقع بيناتنا شي لعبة كاع هادو ولاو داوين ليا فزواج ومنعرف شنو وختنى ضعافت أخويا هيا كانت زوينة حتى دبا زوينة ولكن بالنسبة لصحاب لبنة فلعضام أنا غلاق أخويا لمرا خاص تكون مرا وختنى شيماء لأخرى تبارك الله واقفة وازنة بحالا واخد كاميون سنطرال لمهم باركين داوين ومها ضريفة وفنفس لوقت مبعصصة بدات على لواليدة بنتي كابرا فلعز وقاريا ف.. وغتكمل قرايتها ففرنسا لواليدة مكتسكتش حتى هيا ولحمد لله حتى ولدي راه بعزو وتقرة كاع ففرنسا راه شركة ديالو تما.. ركزو ليا على كلمة ديالو يسمعها مول شركة يصيفط منا للحبس بزوج وهادي غتكون تخويرة تعبيرية سانك سانك نقزت قلت ليها لا ماشي ديالي ولكن تناخد واحد نسبة مبيهاش على واحد لمنتج تيبيعوه أنا مول لفكرة ديالو.. ختنى لي داير عليها لفيلم باركة كتفرج ومخلياني مدابز بين زوج ديال لعيالات كل وحدة وعقليتها ومنين جايا نلقا سلاك مع مها ومنلقاهش مع لواليدة لمهم بقينا باركين بنادم لي بارك تما معرفنا واش تندويو ولا كندابزو ختنى عاجبها لحال أصلا قالتها ليا ماهيا مرة ما زوج بلي تنعجبها كنت حاكر راسي ولكن بروجولة مبلان موالو دارت مع بنت خالتها يا حصرة مصيفطاها باش تصلح إلا كان ميتصلح ولينا فزواج وخاصك تلاقا ب باها وشحال كتاخد واش عندك دار طوموبيل.. صافي ناس هربو لشي حوايج فشكال فين غيبقاو منين غادين يتزوجو أنا بقيت غير تنشوف وهادي زربة ديال بوطيب ولكن 100% موراها شي بلاان مها تقبل هكذا لله في الله..

يتبع