قصتي مع الخليجية الجزء السادس

انا بقيت ساهي كانفكر فديك لاهانة لي تعررضت ليها حتا حسبت بيد نزلات على كتفي ، درت كان كيسحابلي رؤى و ملي درت لقيت نورة 

نورة : سمحلي بزاف ا كريم على لي وقع 

انا : ماكاين مشكل غاندير راسي بحال ايلا ماسمعت والو

نورة : (وهي كاتقرب لعندي شوية) نتا ولد غزال ماشالله و ظريف و مثقف و باينة قيك ولد ناس 

انا : (كانحاول نبعد منها) شكرا بزاف ا نورة ربي خليك حتا نتي بنت ناس تشرفت بمعرفتك 

نورة : (وهي زادت قربات حتى صدرها لصق مع صدري) انا كنت ديما كانحلم يكون الولد لي كانبغيه يكونو عينيه زرقين و لفورما بحالك (كاتعض على شفايفها) 

بصراحة قربنا من بعضنا بزاف ماحسيتش براسي حتى بقيت راسي كانفلورطي معاها و هي شادا ليا تحت سمطة ، متحسبتش براسي حتى دفعتها قلت ليها حشومة نتي مخطوبة و قريبة تكوني مررت الراجل سمحلي مانقدرش نديرها ، صافي خرجت خليتها فالطواليط مشيت قاصد رؤى قلت ليها 

انا : رؤى نوضي يلاه بحالنا 

رؤى : بلاتي نجلسو شوي 

انا : تفكرت شي شغل عندي يلاه نتحركو (غمزتها) 

رؤى : واخا يلاه نمشيو (ضحكات معايا عجباتها الغمزة هه) 

مشات خلصات الغدا و انا داير يدي فالجيب كانستناها بعيد على الكيشي ، ملي جات قلت ليها يلاه دررت نشوف واش تبانلي نورة بانتلي من البعد حزينة و حسات بالذنب ديالها ملي درت باش نكمل طريقي لقيت رؤى شادا ليا فيدي حشمت نقوليها حيدو هههه صافي ركبنا و حنا فالطريق كنت غادي نعاود ليها شن وقعلي مع نورة و خفت نتسبب ليها فشي موشكيل درت بالناقص وصلنا لشريكة داخلين فالباب بجوجنا و انا نشوف حنان قلت لرؤى صافي سبقني انا مشيت عند حنان بقينا كانهدرو شوية كانضحكو عليت عيني للدروج لقيت رؤى كاتشوف فينا و ماعاجبهاش لحال قلت لحنان يلاه منبعد و نكملو ، طلعت للبيرو كملت شي ضواسا مشيت باش نديهم للبيرو عند رؤى لقيتها مهمومة .

انا : هاك انا ساليت هاد ضواسا 

رؤى : (ماشافتش حتى فيا) ، واخا مزيان شكرا

انا : مالك كانحس بيك ماشي تالتما (زعمت و قربت لعندها حطيت يدي على كتفها) 

رؤى : والو ما واقع والو بالمناسبة مبروك الحبيبة الجديدة 

انا : شكون هاد الحبيبة الجديدة 

رؤى : حنان ديال غيسيبسيون و شكون قبيلا كاضحكو حتى كلشي كيسمعكم 

انا : (ضحكت غا بزز) ههههه انا مابيني و بينها والو راها بحال ختي والله مابيناتنا شي حاجة

رؤى : اصلا هاديك حياتك و انا ماعنديش الحق نتدخل 

انا : و حياة اغلى حاجة عندي الى مابيني و بينها والو 

شفت رؤى رجع ليها الدم و بتاسمات قالتلي انا متيقك ا كيمو هه ، قلت لها شنو هاد كيمو عاود انا سميتي كريم و لواليد دبح حولي باش سماني كريم ماشي كيمو ، قالتلي لا لا راه حنا فالكويت كل واحد عندو اسم دلع ديالو مثلا انا رؤى كيقولولي رورو و ننا كريم كيمو جاوبتها قلت لها حتى كيمو مزيانة ماشي مشكيل ههه ، صافي ضحكنا حتى بانو لينا ضراس لعقل و خرجت من لبيرو مشيت نكمل خدمتي

يتبع....