صافي وصلاتني للدار ، دخلت للدار لقيت منها ميساج فالواتساب لاحت ليا واحد شعر د الغرام انا رديت عليها بواحد القلب شدينا ستون فالواتساب و كدا سيفطاتلي سيلفيات ملي كنا فالجبل بقينا شادين الهدرة ساعة ساعة كاتلوح ليا لبوسات و الاوديوات صوتها حنين ههه قلت لها انا غادي ننعس يلاه غدا نكملو قالتلي خليك عاد شوية قلت لها والله راك عارفة بلي انا عييت ليوما و كدا قالتلي صافي يلاه تصبح على خير ا حبي و نعست ، لغد ليه فقت حليت لواتساب لقيت ميساج منها دوك تصاور د صباح لخير طلعت ليها vu دوشت فطرت لبست مزيان و كشيت للخدمة دخلت للبيرو ديالي لقيت زك و طرامي د ضواسا خاصني نخدمهم بديت فيهم لخدمة واحد شوية و هي تدخل لعندي و شدات لباب قالتلي صباح نوور ا لعمر ديالي
انا : صباح الفل حبي
رؤى : كيف صبحتي مزيان
انا : هانتينا كادشوف بزااف د لخدمة على صباح وا صباح و اشمن صباح
رؤى : نقدر نعاونك فشي حاجة ؟؟
انا : ههه لا شكرا والله
رؤى : ويلا جاوك بزاف سمح فيهم ولا ارا نخدمهم معاك
انا : هههه مرحبا اطي تخدميهم معايا
رؤى : هههه صافي بلاتي نمشي للبيرو دقيقة و نجي
مشات للبيرو انا عيطت على جوج قهاوي ليا و ليها صافي جات بدينا لخدمة هههه بصراحة ما خدمة ما والو قالبينها غا للضحك و بوسان و سيلفيات وصلات طناش و داك نهار كان جمعة يعني ماكايناش لخدمة فالعشية سالينا دوك ضواسا دغيا صافي قلتلها انا غانمشي للجامع نصلي و لواليدة دايرة سكسو نخليك ا حبي و بستها و خرجت خليتها ماعارفا والو هههههه مشيت للدار توضيت مشيت للجامع و انا كانسمع للخطبة سيفطاتلي ميساج رؤى فيه 《زين ديالي ملي تسالي صلاة دوز لعندي للدار واخا كانبغيك ا حبي》صافي بدينا صلاة صلينا و سالينا عيطت للواليدة قلتلها لواليدة انا عرضوني شي صحابي نتغدا معاهم غا سمحلي والله قالتلي صافي ا ولدي رد البال لراسك الله يسمحلي كدبت على الواليدة ، شديت طاكسي لعندها للدار دخلت مع دخلة عنقاتني قالتلي اجي تبعني شداتلي فيدي جراتني للكوزينة قالتلي هاحنا غانصايبو سكسو براسنا عارفا ماغايجيش بنين بحال ديال الواليدة ديالك ولاكن نحاولو هه قلت لها واخا ولاكن كيفاش نديرولو ههه قالتلي دابا كلشي ساهل حلات واحد سيت فيه داكشي د طبخ و بدات كاتقولي غانتعاونو انا ونتا و نديروه هاد سكسو مايغلبناشي ههه صافي بدينا كانقراو و نديرو داكشي لي مكتوب تما ، هههه درنا داكشي و بدينا كانستناو النتيجة فهاد لوقيتة بدينا كانهدرو على الخدمة قالتلي بلي من دابا واحد سيمانة غادي يجي واحد الوفد من الامارات لعندنا غانديرو شي شراكة و كدا قلتلها صافي انا واجد كون هانيا ، وجد داك تخربيق جبدناه لقينا داكشي كيشهي نعام اس غا دقو لقيتو مسوس بديت كانبصقو و هي كاضحك عليا قلتها نسينا لملح ههههه زدنالو الملاح و كليناه جا بنين قلتلها الله يعطينا الصحة ا زين ديالي ههه ، صافي نغدينا تفررجنا واحد الفلم رومانسي فيه غا بوسان و حوا تاحنا غا بوسان و تسخينات مي الحلوى مازال وقتها هههه
قصتي مع الخليجية الجزء العاشر
محتوى القصة
التنقل بين الأجزاء