قصتي مع الخليجية الجزء 13

خرجت من الشريكة انا واقف كانستنا يدوز طاكسي باش نمشي نقود بحالي و هي تجي 

رؤى : (كاتبكي) حرام هادشي لي كادير والله تا حشوما 

انا : (مامسوقش ليها كاع) 

رؤى : كريييم واصافي عافاك اووف 

انا : شنو بغيتي مني صافي الله يعاونا و يعاونك انا مابقيتش خدام 

رؤى : واش دابا غانبقاو نهار كامل هاكا ا سي كريم وا صافي عافاك يلاه نرجعو و نهدرو فالبيرو 

بصراحة حتى انا عييقت هههه تبعتها للبيرو بدينا كانهدرو تصالحنا و عنقاتني ، قلت ليها 

انا : فراسك لقيت الخطة باش نطيحو جمال 

رؤى : اما هي قولي

انا : عييط لنورة باش تعرف خطيبها اش كيسوا هو لاول 

عيطات لنورة و جات بسرعة البرق دخلات لعندنا وريتها الفيديو بصراحة بقات فيا سيد 3 سنين و هو خاطبها و ديما مواعدها بالزواج ولاكن لا حياة لمن تنادي من اللخر غا كيتفلا عليها ، مشينا للبوليس باش يراقبو المكالمة و يتسجل كلشي بتهمة النصب و لاحتيال باش نصيدوه ، عطاتتي نمرتو انا عييطنا ليه بنمرة اخرى و بدلت صوتي 

انا : الو هادا سي جمال 

جمال : وعليكم سلام وي هو انا 

انا : لموهيم بلا مانطول معاك الهدرة لكونطرا عندي ايمتا نتلاقاو باش نعطيهالك توقعها 

جمال : واش كادوي بصح 

انا : حنا ماشي براهش و خدمتنا متقونة كاتعرف كافي رويال باريس 

جمال : اه كانعرفها نص ساعة تلقاني تما ، اجي بعدا شكون نتا 

انا : شكون انا و شكون نتا هاد لهدرة ماعندنا مانديرو بيها حتى نتلاقاو و نهدرو 

جمال : لموهيم وجد لي لكونطرا نتلاقاو تما 

حنا صافي مشينا لديك الكافي مشاو لحنوش كل واحد شاد بلاصتو هو دخل و فيدو واحد الصاك و شوية انا ندخل غا شافني تصدم و عاق بالقالب يلاه جا يهرب و هوما يشدوه لحناش ركبوه فالعمارية (سطافيط) قبل مايطلع مشات لعندو نورة بدات كاتغوت فيه حيدات لخاتم و رماتو عليه بصقات عليه و بدات كاتبكي ظشينا انا و رؤى بدينا كانواسيو فيها و هي كاتبكي ، صافي لحقنا عليهم للكوميسارية لقيناهم عاد كيحققو معاه عتارف ليهم بكولشي واحد شوية و هوما يخرجوه شاف فينا و زاد داوه للحبس باش يستنا لمحاكمة ديالو سولنا شاف قالنا بلي راه تابتين عليه 3 ديال التهم هوما شيكات بدون رصيد و تزوير و النصب و لاحتيال من اللخر سيد غرق حتى لودنيه و نورة مسكينة مدمرة من لداخل ما يعلم بيها غا ربي ، مشينا نتغداو مسكينة نورة ماكلات والو راه سيد كان كيضحك عليها و ديما كان كيطلب ليها لفلوس و هي كاتقول غا اه صافي وصلناها للدار ترتاح و انا و رؤى رجعنا للشريكة ، انا عييطت لنورة باش نسول فيها كانصوني ماكيجاوبش كانعاود و والو انا تخلعت خرجت هزيت طوموبيل د لخدمة مشيت لعندها للدار وصلت مع لباب لقيتها محلولة دخلت لقيت نورة طايحة فلارض و قدامها دوا د لفيران انا تبلوكيت كانبغي نفيقها والو هزيتها للسبيطار دخلوها للعملية بقيت بررة عيطت لرؤى تجي جات رؤى تخلعات هلى صاحبتها بدات كاتبكي و انا كانصبرها كانقولها غايكون غا لخير انشالله ماتبكيش واحد شوية و هو يخرج طبيب سولناه امدرا ا سي طبيب قالينا بلي تجاوزات مرحلة الخطر و بلي انا جبتها فالوقت المناسب قبل ماتسوء لاحوال حمدنا الله بغينا نشوفوها قالنا ماشي دابا حتى تفيق ، دازت واحد نص ساعة و هو يجي طبيب قالنا دابا تقدرو دخلو دخلنا لعندها لقينيها كاتبكي 

يتبع.....