انا : حشومة ا نورة ويلا موتي لمن تخلينا حنا صحابك و عزيزة علينا
نورة : شكرا بزاف ا كريم حيت نقدتيني
انا : هادشي واجب ماتشكرنيش
انا خرجت و خليتهم كيهدرو مع بعضهم ، سولت طبيب قلت ليه ايمتا نقدرو نخرجوها قالي من بعد يومين حتى تستقر الحالة ديالها ، صافي انا مشيت بحالي و خليتهم تما ، صافي دازت ديك ليومين و الحمد الله خرجات نورة بيخير و فرحنا بهادشي حتافلنا فواحد المطعم بتلاتة بينا نشطنا ضحكنا غييرنا الجو خرجنا من ديك الغيمة ديال الحزن و الكآبة دازت 3 شهور حتى لواحد صباح منحوس كنا انا و رؤى ناعسين حتى صونالها تيلي مع 6 د صباح جاوبات الو بدات كاتهدر بالخليجية مافهمت تا قلوة من داكشي لموهيم باينة شي خبار مقودة قطعات و قالتلي كريم بابا دخل جاتو ازمة قلبية و ضروري نمشي للكويت نشوفو بدات كاتبكي و انا كانواسيها لا مايكون غا لخير راه مايوقعلو والو نتي غا سيري انا نقابلك كلشي صافي مشات قطعات ف اول طيارة للكويت مشيت وصلتها للمطار قلتلها طريق السلامة ا حبي مايكون باس عند باباك ضميتها لعندي و مشات ، صافي مشيت عاودت للواليد اش كاين قالي مايكون باس عندو رجعت للشريكة كملت لخدمة ديالي هزيت سوارت د لمرسيديس بلوتيك و مشيت عند سعد عاودت ليه على كلشي قالي مايكون باس عند باباها ، دوزنا انا و سعد واحد سيمانا غا ديال زها و نشاط و رؤى كل ليلة كاتعيطلي كاطمأن عليا قالتلي بلي باباها صافي رجع مزيان و بأنها غاترجع للمغرب قريب ، واحد لعشية كنت فالشريكة حتى عيطاتلي قالتلي انا غدا فالصباح غانكون فالمغرب اجي اعندي للمطار قلت ليها واخا كون هانيا انا نجي موراك لغد ليه فقت فالصباح تفركست عيطاتلي قالتلي احي مورايا انا وصلت ديماريت لميرسيديس و مشيت لعندها غا شفتها مشيت لعندها ضمتيها لعندي بقوة ولاكن هي ماضماتنيش لعندها قلت هانيا يمكن غا عيانة ركبنا باش نوصلها للدار طريق كاملة و هي ساكتة بصراحة حسيت بيها بلي مخبية شي حاجة فقلبها و مابغاتش تقولهالي انا درت راسي ماكاين والو ، وصلتها للفيلا باش ترتاح مشيت انا للشريكة نكمل شي شغول ملي ساليت دزت لعند نورة عرضتها نتغداو اون صومبل مشينا لواحد المطعم جلسنا طلبنا لغدا قالتلي اوا على سلامة د رؤى قلتلها الله يسلمك بدينا كانهدرو شوية على لخدمة صافي سالينا لغدا ، صونيت على رؤى قلت لها نخرجو نضربو شي دويرة فالعشية قالتلي واخا وصلات لعشية دزت موراها بطوموبيل هزيتها من الفيلا تحركنا لداك جبل لي كيطل على لمدينة فين اول مرة عتارفاتلي بالحب ديالها ليا وقفنا تما كانت ساعة د لغروب من احسن لمناظر الطبيعية لي تقدر تشوفها فحياتك هي الغروب من داك جبل واحد شوية قالتلي ، كريم تخايل شي نهار نمشي بحالي للكويت و ماعمرك تعاود تشوفني بصراحة زعزعاتني بهاد الهدرة قلت لها لا ماتقولش هاكا راه غانبقاو انا ونتي مع بعضنا حتى يموت واحد فينا و ضحكت شفت فيها لقيتها مغوبشة قالتلي كريم رجعني للدار عافاك قلت لها ياكما تقلقتي مني راه غا ضاحك معاك قالتلي لا مامقلقاش بغيت نرجع للدار ، انا عارف و عاد تأكدت بلي تما شي حاجا قلتها واخا يلاه زيد صافي حركت طومو و وصلتها للفيلا كنت كانستنا منها تقولي يلاه ندخلو ولاكن والو قالتلي يلاه تهلا غدا نتلاقاو ، هاد لبنت غا ملي رجعات من لكويت و هي مبدلة تما شي حاجا
قصتي مع الخليجية الجزء 14
محتوى القصة
التنقل بين الأجزاء