الضابط و زوجته المراهقة الجزء الثامن

غادة ورا زاين وكتقلي ليهم السم ، نور كتفقص و تغدد .رميساء: على شوية كنتي غتقربليها تما ، متقدريش تزيري شوية 😒؟ نور: ومسمعتيهاش اش قالت 😡؟ ياسر: مالنا نتوما اش وقع 😠؟ نور جالسة كتشرح بايديها وتعابير وجها : والو اخويا كنت جالسة مابيا ماعليا حتا كنسمع الدرية كتقول ليهم رجعات لزاين وكيبغيها وماعرت اشنو ، وقدامي 😡، ديك قتلة العصا مgراتش فيها مغترتاح تانهرس ليها ضلوعها . ياسر: نوور اش كنقول ليك على هاد العصبية لي فيك 😤كيما كتشوفي حنا فعرس ماشي فالزنقة باغية تنوضي تناتفي ليا معاها وتشوهينا وسط الناس . عماد: هههه نور بردي دمك 😂، خوك عندو الحق ، الانسان خاصو يقدر يتحكم فراسو شوية ماشي اي موقف تعاملي معاه بعصبية . عمر: واش بالصح سلختيها 😂😂؟رميساء: ههههه لهلا يوريك بقات عليها بالضرب و العضان مخلات فيها غير لي نسات .سليم: ههه فكرتيني فمرتي حتا هي مغيارة بحالك .نور: اواه نتا مزوج 😍، وعلاش مجبتيهاش ؟ سليم: حاملة متقدرش على الطيارة . نور: واااو😍 حاملة مبروك عليكم . سليم : الله يبارك فيك ، العقبة ليكم 😜😜. نور: ومالنا على تخصار الهضرة 😨😨. الكل: هههههه...عند زاين لي واقفين بعاد على الناس ، صفاء بغات تعلق فيه وهو حبسها وبعدها عليه وشدها من دراعها : شنو قصتك نتي 😠😠؟ اش باغا مازال صافي فضينينا سالينا 😡، بعدي على نور احسن ليك هاديك خطيبتي وقريب تولي مرتي كنبغيها وماناويش نبعد عليها . خنزر فيها وتم راجع وهي تجرو وقالت : لا نتا كتكدب نتا كتبغيني انا انا الاولى فحياتك ممتيقاش كلامك 😭😭، نتا غير كتنتاقم مني ، غير سامحني ولي بغيتيها نديرها ليك 😰😰. هو نطر ايديها منو و صرفقها حتا طارت خنونتها وشدها من شعرها: منين كتفهمي الخرى ، متبقايش دوري بساحتي ولاغنشوه ديلمك سمعتي 😡😡، وباقي نسمعك قربتي لنور انا لي غنتفاهم معاك .طلقها بألجهالة قاد الفيست ديالو وتم راجع عندهم مخنزر وكيتعنgر بعضلاتو ههه وصفاء داخلة شادة حنكها حمروكتغدد وكتردد : واخا الى مكنتيش ليا 😠، مغنجليكمش تهاناو غير صبرو عليا . مشا gلس حدا نور ، هي مهضراتش معاه خافتو يصعر عليها وتاهو بقا ساكت وكيطلع فنور . داز الوقت والعرسان يبدلو ويرجعو والفقرات ديال المغنيين متواصلة ، شوية بدات موسيقى شرقية ، وخرجات واحد الراقصة ممغطيا والو وسدرها كبير مدفg علي و ليلى مفهمو والو حيت ما كانتش فالغقرات ديال العرس .بدات ترقص وتعوج شافت فصفاء غمزاتها وتمت غادة كتشطح وتعوج وتقرب لطبلة الدراري وكلشي متبعها حال فمو وصلات حدا الدراري وبقات تعوج وتلوز قدامهم الدراري حشمو وشافو لجهة اخرى رميساء سدات للياسر عينيه ونور دارت ايدها فوق وجه زاين وهما كيضحكو وهي لالغات تحرك من قدامهمم وهي تصعر نور :😠😠صاافي اختي بااركة gهمتينا .غمزات الرقاصة الدراري لي ممسدودينش ليهم العينين وتمت غادية وكتشطح نور بان ليها خيط ديال لي باف دايز حداها😈😈 علاتو غير برجليها باش متبانش هي لي دارتها دازت فيه الرقاصة تا بان ليهم داكشي مدفg طايح ،طاحت على فمها ونور ضارت عند رميساء لقاتها غتخرا بتالضحك ونور كتر منها كتضحك ديك الضحكة العجيبة ديالها وديك الطبلة جاتها هيستيريا ديال الضحك غير من ضحك نور ورميساء . هزو الرقاصة دخلوها كتبكي على سنيناتها 😭😭. رميساء: ناري مك كتغفلي 😂😂😂. نور: بقات ليا غاهادي حتا شطيحها مفيه مايتشاف 😂😂. عمر : نتي مولاتها ياك ، مسخوطة .عماد: نتي فينما نشوفك كنمشي بكرشي مقبوطة بالضحك ، كتسالي معيا . زاين: نتي هاد الغيرة ديالك غتقتلي بيها شي حد مافيهاش 😒.نور: انا غير كنحمي ممتلاكاتي الخاصة وصافي😠 . زاين: مملاكاتك 😍😍نور تحت سنانها : انا زبلتها عاوتاني 😳. زاين : ههه ومالك كتخبيها ، قوليها ونتي هازا راسك ، انا ديالك ونتي ديالي وكولشي عارف هادشي . نور غير كتشوف فيه وتبسم زاين: يخليلي هاد الضحيكة انا . نور: واصافي خويا حداك . زاين: على هو مسوق لك . نور: هههه ختك دوخاتو . زاين : على ختو هو جلات ليا شي عقل 😋😋. نور: ههه واصافي . زاين: وينو على الحشومية ههه . رميساء ضارت عند نور اويلي شوفي الروينة نايضة ، خاصنا نلاهيو بنادم .نور: اه عندك الصح نوضي نغنيو . رميساء: هههه ياله . ياسر: فين غاديين .😤 رميساء: احنا راجعين 😇. مشاو البنات عند الديجي وهضرو معاه عطاهم الميكرو وطلعو الفوق .رميساء: سلام . كولشي ضار لعندهم .الدراري شافوهم ، ياسر دار ايدو فوق راسو: الله ياربي الله 😨.زاين بدا يسرط ريقو بزز😱 .عماد : هههههه باز ليكم 😂.نور: اليوم حنا كنحتافلو باحسن عرسان ليهما خويا سيف وجتي ضحى داكشي علاش غنهديوهم هاد الاغنية . صفر سيف من بلاصو وضحى كتضحك وتصفق .بدات الموسيقى وبداو الغنى ب2 كيتناوبو على المقاطع كولشي كان كيتصنت ليهم ومتبع معاهم ، هما كيغنيو ويشوفو فبعضياتهم منساجمين .سلاو الغنا وكولشي كيصفق من بينهم الدراري لي تنفسو الصعداء منين ماداروش شي زبلة وكولشي بدا يغوت عاودوها عاودوها وقررو البنات يغنيو اغنية اخرى . سالاو كولشي شكرهم وصفق ليهم وحتا افراد العائلة مشاو رجعو حدا الدراري و gلسو يتغزلو فيهم و يمدحوهم تعشاو وسالا العرس بعد اخد البلان الصور ....

بعدما ودعو العائلة سيف وضحى ، والوجهة شهر العسل تركيا، طلعو البنات للبيت ديالهم كانت ديك الساعة 5 الصباح ، دوشو ودخلو للفراش نعسو ، وكدالك البقية بعد مدة فاقو العائلة شوية شوبة حتا تجمعو فالصالة كانت ديك الساعة 2 العشية . العائلة تغداو وبقاو مجموعين على الحتيت وحيت الاحد و العائلة مجموعين بقاو غير فالدار، البنات كانو غيرهما لي بافين ناعسين . رميساء فاقت وخلات نور ناعسة وهبطات لتحت :السلام .الكل : وعلبكم السلام .زاين:صاحبتك باقا ناعسة ؟ مشا طلع عندهارميساء:اه فين ياسر مشا؟ ليلى : راه خدام فبيسيه برا .خرجات عندو كتدردك ، عنقاتو من لور : اش كدير؟ ضورها عندو وجلسها قدامو خدام :كندوز الوقت بيما فاقو الاميرات ديالي . *بوسة فالحنك* شفت هاد الشهر مباش يسالي .رميساء: اويلي غي ديك السيمانة خطبتيني .ياسر: كون باك خلاني نكمل هضرتي كوراه ،دابا ناعسين فدارنا . رميساء: دابا بيني وبينك موجد شي حاجة ؟ فين غنسكنو؟ ياسر: هههه فداري فين ؟ رميساء هزات راسها كتفكر : لا لا هاد الموضوع خاصو المناقشة مع التويمية الديالي. ياير: ومال التويمية ديالك سوقها راه انا لي غتزوجي بيا ماشي هي .رميساء: واخا هكاك ...نخليو هادو كيتناgرو ونمشيو عند الكوبل الاخر ، زاين دخل للبيت لقاها مزبعة وسط النموسية لايحا الغطا ولابسة بيجامة قسيرة شورط حد الفخاض وتيشوت قسير طالع شوية ، مكايناش هنا ، ابتاسم سد الباب وتكا حداها بقا كيشوف فوجها وكيحيد شعرها من فوقو حيت نور حركية فنعاسها مدات رجليها ودارتها فوق زاين حيت كدير هكا لرميساء ، هو عجبو الحال وخلاها هكاك ، نور ضورات راسها للجيهة الاخرى ، وخلات رجليها هكاك ، مغمضة عينيها وكتهضر : رميساء ؟ ياك هبطتي مالك طلعتي تاني ؟ *هو ساكت وكيضحك* شميت ريحة زاين ، والله ونعرفو دخل عليا وانا هكا حتى نفرشخك *بقا ساكت وكيضحك* هي عاقت بلي ماشي رميساء وناضت قفزت وهو ميت عليها بالضحك جلسات قدامو ولاحت عليها الغطا وشعرها مخربق طايح على وجها ووجها منفوخ بالنعاس . هو ضحك عليها حتا عواج .نور: واش نتا مكايناش شي فرصة منتاهزتيهاش ، واش ماشي حشومة تدخل عليا هكا و باقي مبيناتنا تا شي ورقة . زاين: ههه مالك كتخبي فراسك ، عاجلا ام اجلا ، غنشوف كولشي . نور: غ..غتشوف البعابع . زاين: هههه واراه غنتزوجو ، واش فراسك . نور: وزواجنا غير اتفاق ، واش فراسك .زاين جرها لعندو وحط راسها على سدرو وقال: والله مافيا لي يتخاصم معاك ، نور بغات تنوض وهو زيرها لعندو وتاهي استحلاتها وبقات ، بقا كيلعب بشعرها ويشوف فيه وهي عاجبها الحال .زاين: شعرك كحل هكا ولا سابغاه . نور: هو كحل هكا .زاين: زوين هكا عمرك تصبغيه . نور: ماعرفتش انا وgانتك . زاين: gانتك ؟ والله تا نقلب مك . نور: متقدرش تهضر بلا تهديد ؟ زاين: ايوا الالا نتي لي مكتمشاي غير بالتهديد ، اجي وصلات بيك الضسارة تههربي بلوطو ديال الواليد ؟ كن وقعات ليكم شي حاجة ؟ واش لهاد الدرجة حياتك مهاماكش ؟ نور: متزيدش فيه انا عندي البيرمي غير خويا مكيخلينيش نصوg ، زاين : نور، علاش عزيز عليك ديري الزبايل ، واخا عارفا راسك غتعاقبي وتسمعي الهضرة من بعد .نور: معرفتش ، مكنحملش نبقا بلا مندير شي مغامرة ، ضروري ندير شي حاجة ، ولكن هادشي ولا ممل منين رميساء تخطبات لياسر ، ولات فينما نقول ليها شي حاجة ،كتقول ليا ياسر وزاين . زاين: هههه حيت هي كتخاف ونتي لا ، منين الموضوع ولا مهم ، انا غنرجع لايام المراهقة على قبلك والمغامرة لي بغيتي ديريها نيروها ب2. نور هزات راسها وشافت فيه : منظنش ، غتكون بحال خويا مملين ،و عزيز عليكم داكشي ديال المسؤولية وبلا بلا . زاين: هههه جربيني .نور : واخا غنعطيك فرصة ...

زاين : وياله نوضي تغداي راه كولشي مجموعين التحت . نور: واخا. ناض هو خارج ضار لقاها وراه : فين غادة . نور: غنهبط .زاين : بهاد الحالة ، سيري تستري ، الدار عامرة . نور: نسيت . زاين: مزيان تباركلاه .هبط زاين ، ونور لبسات شي حاجة مستورة وهبطت مشات للكوزينة قالت للخدامة دير ليها غير صوندويش ، وجلسات تما كتسنا ، دخلات عندها صفاء طلعات فيها وهبطت وقربات ليها وقالت: غير قولي ليا نتي اشنو درتي ليه .نور: هههه الله بستر لي فيك ممهنيك .عطاتها الخدامة الصوندويش ، وكتاكل وتفقص فيها . صفاء: البارح شوهتيني قدام بنات العائلة واللهما نساها ليك .نور: اعلى ما فخيلك ركبيه .صفاء خرجت مفقوصة ودخلت ليلى شافت داك الديكور ومشات عند نور: اجي مالكم نتوما من البارح وانا حاضياكم ، الشر بيناتكم .نور: ماما ، مغنخبي عليك والو هاديك خايتي ،رجعت كدور بزاين . ليلى: اويلي ، مالها حماقت .نور: هانتي تشوفي ، هضرت معاها ومفهمتش ،نتفتها gاع وباقا لاسقاني .ليلى: وبصراحة ابنتي ، هاديك تانا منديش معاها ختها عزيزة عليا ولكن هي لا ، حيت مسيميمة ومكتحتارمش ، وانا و عمك مكناش باغينها لزاين هو لي كان مصر ، ودرنا ليه خاطرو ، مهم دافعي على راسك ومتخليهاش تعدا الحدود وانا غنهضر معاها . نور: ههه واخا ماما .ناضت نور خرجات مع ليلى ،ليلى مشات للصالة ونور خرجات عندهم للجردة بان ليها ، ياسر وزين مجموعين تما مع البقية ، ورميساء حتا هي مشات عندهم :السلام الكل وعليكم السلام ، لتاحقات بيهم صفاء وجلست معاهم ، نور: ياسر ، جاكسون عند جينيونغ ياك ، توحشتو.ياسر: غدا نرجعو للدار وتشوفيه . نور ضارت عند زاين وشدات فايديه كتقلي السم للصفاء : زاين واش ممكن يجي جاكسون عندي لهنا حيت مغنرجعش للدار ، زاين: اياه احبيبة ، ومشتي غنسد عليها فالبيت . نور: صافي اياسر هانتاسمعتي غنبقا مع رميساء . ياسر: ههه واخا *عارفها اش تحت راسها * رميساء قربات لنور: هههه بغا تبقاي معايا ولاشي حاجة اخرى هههه ! نور: ايوا اش بغيتيني ، نخوي ليها الساحة . رميساء: لا ، جلسي احبيبة حضي ممتلاكاتك .نور جبدات التيلي دوزات النيم ديال جينيونغ . رميساء: ديري سبيكر نهضرو معاه ب2 توحشتو . نور: اوكاي . جينيونغ: لاش معيطا ، كتعرفيني ؟ نور: ههه ناري مقلق مني . رميساء: اجي عندنا للفيلا احنا كنتسناوك . جينيونغ: حتا نتي معاها ، مصدقتوش . نور علات صوتها وتعصبات عليه بالكورية حيت بغات تعايرو على راحتها حيت الدراري كلشي جالسين : مال مك نتا على هاد النفاخة راه ياسر ، لي غفلنا تحنا مكناش عارفين غانمشيو ! جينيونغ تاهو كيغوت بالكورية : ومازال كتغوتي لمك ، اني جاي نيت نفضيو هاد الحساب .وقطع عليها وياسر بدا يضحك ،حيت نور بقات كتشوف فالتيلي مصدومة اول مرة جينيونغ كيصعر ، الاخرين حيت مفهموش الكورية بقاو كيشوفو فيهم .ياسر: ههههه قفرتوها . نور: اصلا نتا السباب ، خليتيه حتال النهار الاخير عاد داي ليه جاكسون ، مالك معلمتينا قبل . ياسر: شتك ضورتيها ليا ، بينكم وبينو . الكل: مالكم اش واقع ؟ ياسر: هادا صديقهم جينيونغ كان باغي يمشي معاهم لكوريا ونساوه . زاين: ههه حوgلو صاعر . سليم: ماشي مغريبي باينة من هضرتو وسميتو . نور: اه كوري . صفاء: بقاو لينا غير الشينوا . نور: ماشي شينوا الجاهلة ،راه قولنا كوريا . رميساء: ونتي اصلا مالك جاي عندي مجايش عندك ، هادشي لي بقا . مروى: صفاء ، واش ممكن تسديه شوية . صفاء نفخت وناضت . وزاين غير مخنزر فيها ، جات رانيا عندهم ، البنات اجيو عاونوني ، اليوم عيد ميلاد رايان ونسيناه مع الشطنة ديال العرس . واش ممكن تجيبو ليا هادشي لي فلاليست . نور ورميساء : اه واخا . نور: مروى ياله معانا . مروى : اوك . نور: ياسر الى جا جينيونغ شدو حتا نجيو . ياسر: واخا ، وجيبو الصخرة ورجعو نيشان ، هاني وصيتكم .مروى: متخافش اني حاضياهم . مشاو البنات خرجو والدراري بقاو مجمعين وصل جينيونغ جلس معهم وبقاو عليه بالاسئلة منين نتا و بلا بلا . وبان ليهم جاكسون كيضور فالجردة ، عمر: واااو ، هادا هوسكي اولا ديب . زين: هههه ديب بيض من نيتك . ياسر:هادا جاكسون عشير نور . سليم: عمري شفت شي هوسكي بهاد الحجم المسخوطة اش كتوكلو . جينيونغ: هاد الحرام وكال فينما نضور نلقاه جابد شي حاجة كياكل . ياسر: ههه ديك المسخوطة لي ضل تسرط هي وياه . دخلو البنات بلوطو ديال مروى هبطو و كل وحدة هازا معاها ، نور كانت هازا الكاطو ، خرجو من الباركينغ لي فالفيلا ، غير بانو للدراري فالجردة وتم جاي جاكسون كيدردك لعندها وهي تغوت ، جاكسووووووون لااااااا....

نور: جاكسون لاااا 😱😱.. تمت هربانا بالحلوة فايديها ، هي كتجري و الكلب تابعها باغي يتلاح عليها ، وهي كيغوت : يااااسر عتاااااق غيقلبني انا والحلوة 😱😱. ياسر تابعها غالباه الضحكة والكلها مليوح فقنت كيضحكو عليها وحالتها ووجها ، تبعها ياسر وضارت مع الضورة والكلب باقي وراها كيجري ، وهي جا قدامها ياسر شد من عندها الحلوة، غير شدها وهو يتلاح عليها جاكسون طيحها و كلها كتركل تحت منو غلبها كيلحس ليها وجها وهي كتغوت : ولد الكلبة 😤، جاكسون وجهي لاااا 😠😠. مروى ورميساء دخلو للفيلا كيضحكو ومدخلين معاهم داكشي ، ونور باقا كتعاني مع الجحموم ديالها ، الدراري شابعين فيها ضحك حيت غلبها . نور: ويااسر عتقني راه مغينوضش عليا 😭😭. ياسر: ههه بيناتكم 😂. نور: زاااااين 😫😫. ناض عندها وجرها من تحتو وهو كيضحك قاد ليها حوايجها وعطاها كلينيكس تمسح وجها ، وهو كيضحك عليها . نور هبطات عند كلبها كتلعب معاه وهو كيتجاوب معاها : تقاليتي الحلوف خاصني ندير ليك الريجيم 😠، توحشتيني اه 😝؟ ناضت مشات لعند الدراري باش تهضر مع جينيونغ ، نور: جينيوني ، توحشتك ☺☺، وقربات تعنقو هو غفلها وشنق عليها من عنقها وعاطياه بظهرها ولاوي دراعو على عنقها : توحشتيني الكدابة 😒، انا تخوريني 😠؟اه؟ ياسر: ههه تهدنو وهدرو بحال الناس😒 . جينيونغ: لا اليوم نطلع روحها 😠. زاين: طلقها ولا انا ليغنطلع روحك 😒. نور شداتو من دراعو و بحركة سريعة ، دوراتو وتهز تال السماء وتخبط مع الارض على ظهرو ، وألكل حال فمو فهاد 2 وياسر مبرد وكيضحك . نور: لمك راه قلت ليك نسيتك او مالك صاعر على والو 😠، مرة اخرى ونمشيو ... جينيونغ😨 ؟ هو متحركش ، قربات ليه ، غفلها وجرها لعندو طاحت فوقو ، و لوا ايدو على عنقها تاني ، و لاوي رجليه عليها ، وهي كتقاومو وهو غلبها ، شادها وكيخاصم ويتعايرو و جاكسون كيضور عليهم وينبح، سليم: واش هادو مدابزين نيت توما نوضو فكوها 😳. ياسر: هههه هادا هو ضحكهم يسلخها وتسلخو ديما هكا . زاين ماعجبو حال وهو ينوض جرها لعندو وقال: صافي باركة 😠. نور منين فكها منو مبغاتش تسمح فدفتها ،غفلات زاين و هزات رجلها بغات تركل جينيونغ شدها ليها ، وهي تهز الرجل الاخرى عطاتو بيها وطاحت هي وياه وهي تطلع فوقو وشنقت عليه : واش مغتحبسش هادشي صافي والله تا نمشيو فالعطلة 😤، غير حبس سخفتييني اولد الحرام لي بداه جاكسون كملو ليا نتا . زاين هزها من فوقو محملش هاد اللعب ديالهم . زاين: صافي حبسو هادشي .جينيونغ ضحك عرفو غار وحبس ، وقال: صافي واخا 😏😏، انا غنشوف ، مهم انا غنمشي دابا . رميساء رجعات : فين غادي بقا ، تحضر لعيد ميلاد ريان ولد خويا . نور: اه اه بقا ، توحشناك . جينيونغ: طلبوني 😏😏. نور: سير تخرا .😠😠 رميساء: ههه غير كتضحك معاك ، غير على قبلي 😋. جينيونغ : واخا ههه غير على قبلك . جلس جينيونغ مع الدراري و مشاو البنات كيوجدو للحفلة مع رانيا . قررو يديروها فجردة دارو جلسة كبيرة ودارو دي باف للموسيقى ودارو النفافخ والزواق ، وطبيسلات فيها مقبلات ومملحات وحلويات ، وعصيرات و الكاطو كبير تاهو . عرضات نور ، على صاحابو فالروض جابوهم والديهم ومشاو حتا يرجعو ليهم . دخلوهم نور ورميساء كيلعبو معاهم فالجريدة ، الجلسة عمرات بالدراري الصغار ووسطهم ريان فرحان كيلعب معاهم ، والجردة عمرات بالعائلة لي باقي ممشاو ، شوية بدا ريان كيتفgع ويبكي ! رميساء: مالو الزوين ديال تاتي كيبكي😰 . رانيا : باغي كلون و 7 العشية هادي منين غنجيبو ليه 😔😔. رميساء دارت ليها طن فراسها وجرات نور : اجي معايا نتي ، نور: اويلي بشوية ، اش بغيتي😪 . رميساء: تبعيني وسكتي . طلعو للبيت ورميساء حلات الماريو و جبدات منو شي داجة ولاحتها ليها ، رميساء: لبسي هادي 😇. نور: مالك حماقيتي 😒. رميساء: بليز غير على قبل ريان . نور: اففف....

لبسات نور كتنفخ ولبسات حتا رميساء و كانت ديك البيجامة لي على شكل قنية لي جاب ليهم ياسر و دارو القب ورمات رميساء لنور ، الشواب والنيف ديال القنية ورسمات ليها تاهي . رميساء: كيوووووت 😍😍. نور: خرى متبقايش تقولي ليا كيوت .😠 رميساء، وياله غيكون حاميها ليهم غوات تما ☺.نور: يخ تفو صبحان الله عطيتها ي باش نتهنا منها ، صدقت جايا تالهنا باش نلبسها وقدام امة ديال البشر، انا راه منحوسة وصgعة😪 . رميساء جراتها : افف شحال فيك تانتي . هبطو البنات ، رميساء غادا وكتنقز بحال البنيتة صغيرة وفرحانة كتضحك ،وشادا ايد نور جاراها وراها ،ونور جايا كتجر ايديها مهبطة القب على وخها وحادرة راسها ،حاقدة على الوضعية وكتسب وتلعن فخاطرها 😠😠، غير دخلو هكاك للجريدة وبدا كولشي يضحك وققفو قدام رايان لي حاميها غوات غير شافهم وسكت وقالت رميساء: حبيب عميتو ، احنا جينا نغنيو ليك 😋؟ رايان: اه اه 😇😇. رميساء ضارت عند نور لقاتها هكاك وهي تجبد معاها بركلة: اه نتي غني معيا 😤. نور: واخا واخا اهيا ناري 😒. الكل:هههه . مشات رميساء شعلات موسيقى ديال الاغننية لي كتعجب رايان لي غناوها فالقهوة ديك المرة . بدات الموسيقى وبداو البنات يغنيو ويشطحو ويديرو بحال القنيات الوليدات عجبهم الحال وريان كيغني ويصفق معاهم و فاش البنات كانو كيشطحو داك الديل لي لاصق فالبيجامة كان كيتحرك معاهم و نور كتشطح حتا غوتتت كولهم قفزو هي ضارت لقات جاكسون لي عضها فالديل يسحاب ليه شي حاجة بقات تنقز وتحك فيها ، والكل بداو يضحكو فاش فهمو اش وقع . نور جرات عليه وكملات الرقص وكل شوية تشد تما لايعاود يعضها ، شوية جات النوبة على رميساء ودار ليها بحال نور وبداو يضحكو تاني، نور: ياسر شد هاد الويل 😠، راه كيعض من نيتو 😠. ياسر جرو لعندو كيلاهيه وكيضحك ويهضر معاه بشوية: محشامتبش اصاحبي تعض ليزافير ديالي 😜؟ اه؟ كملو البنات الشطيح والوليدات ناضو يشطحو معاهم ، سالا الحفل مع 9 ومشاو الوليدات لديورهم ، وتفرق المجمع و كلها فين مخشي !ياسر جر رميساء لالجيهة الخاوية الجريدة ، قربها ليه وسرق بوسة ،وهو كيضحك ورميساء ضرباتو: قلت ليك متبقاش تبوسني حتا نتزوجو 😤.ياسر: واش انا شاد راسي عليك غير بالزز ونتي كتقولي ليا متبوسنيش بغيتيني نعواج انا 😏.رميساء: الله يحفضك وينجيك ليا ، الى عواجيتي نتا نعواج وراك 😜، ياسر شد فجيهة قفلبو : احح اقلبييي . رميساء:ههههه حمق . نخليوهم كيترومانساو نمشيو عند نور لي كتقلب على رميساء لفوق فالبيت ، سمعها زاين وجرها لبيتو وسد الباب .نور: مالنا نتا منخافوش طيرتيها مني 😠؟ زااين كيقرص ويجبد وكيعبز ليها حناكها :وينو على الغوز ، والقنية ديالي جات كيوت 😍.نور كتهضر وحناكها مجبدهم ليها: وطلق حناكي بعزتيهم ليا 😒.هو كيضحك وفرب باسها من فمها هكاك مجبد دارليها بحال شي ام كتبوس ولدها (شحال دابا التالتة اولا الرابعة ههه) ، زاين: هههه شحال حلوة😋 . نور: بحال الى بستيني 😠؟ زاين : ونعاودها *جمع ليها فمها وهي مغوبشة وباسها وهو كيضحك عليها * زاين: نزيدك مازال 😈؟ نور: لا صافي غنسكت 😳. زاين: ههه وينو اش هاد cuteness كاملة ،كيجيك الغوز ولي تلبسيه شوية .نور غير كتشوف فيه وكتبسم 😊. زاين : ههه مالك كتشوفي فيا هكاك . نور: والو *ساهية فيه * عيينيك زوينين 😍. زاين قرب ليها وحط ايدو على الحيط : واشنو اخر هه 😜هي ساهية فيه وكتضحك: ضحكتك تاهي 😍. زاين: كملي واشنو😏 اخر : عينيك فاش كتقوش بيهم فالشمس😍 زاين زاد قرب هادشي كولو ملاحظاه فيا ههه نور عاد سرات معاها اش كتقول ، فلتات منو وهربات للبيت ! دخلات وبدات تندب :اويلي على مسخوطة انا مبقا غير نقوليه كنبغيك تفو 😳😳. جبدات ورقة وقلم وبدات ترسم دتا خرجت ليها الرسمة عينين زاين منين كان كيضحك معها قبايلة رسماتها وحطاتها تما ، رميساء دخلات عندها : هبطي راه ياسر وجينيونغ غاديين . نور: اوكاي .وهبطت مشات عندهم للباركينغ كانو كيتسناوها . باسها ياسر فدنطها وقال: انا مشيت ، بلا منوصيكم راه الخبار فراسكم ونقصو الدخول والخروج 😒، ومتبقاوش محاكين مع صفاء ، تفاهمنا 😏؟ نور ورميساء: اووك 😋😋.سلمو على جينيونغ تاهو ومشاو . رجعو البنات للجريدة فين باقين مجموعين ، جالسين حتا دخلت صفاء كانت خارجة كتسركل ، جايا عندهم كتعوج حتا بان ليها جاكسون جاي لجيهتها وهي تغوت😱😱 ....

صفاء: ااااااا بعدوه عليا 😭😭، ديب ديييب 😱. وكتجري تما وهوا تابعها ، غير كيتمشا ، والدريات ميتين عليها بالضحك .زاين: هههه تي نوضي جريه دابا تموت ليكم تما😂😂 ، ناضت نور وجراتو لعندها و لخرى مشات طلعت للفيلا كتجري . نور كتلعب معاه : يرضي عليك ، الوليدي اجاكسون معاون مامي بعدا،*باستو* وينو على التبوgيصة 😘😘.مشات جلست حداهم ، شد زاين فايد نور وحلها ليها وقال: مال ايدك موسخة اش درتي بيها ، كنتي كترسمي 😄؟ نور : اه باش عرفتيها😳 زاين: ههه حيت هاد النوع الوسج كيكون غير فالرسامين اولا لي كيكتبو باليسر😋 . نور:اووووه 😮. زاين: مغتورينيش شنو كنتي كترسمي😏 . نور هزات الماء كتشرب : لا غير كنت كنخربق 😳😳. زاين: كنتي كترسميني ياك 😜؟ نور دفلات الماء من فمها : a 😨، لا علاش غنرسمك نتا زاين: حيت قلتي ليا عينيك زوينين😉 .نور: لا اش كتخربق مرسمت والو 😳😳. زاين ناض: واخا انا غنشوف الراسي 😒. طلع كيجري للبيت وهي تابعاه : لااااااا 😱😱. وصل ولقاها فوق المكتب هزها، هي دخلت لعندو وجلست تنقز وهو هازها الفوق وهي شادا ايدو وتنقز باقا بديك البيجامة نور: وصافي تلقها حرام عليك 😭😭. هو شادها لفوق وقادها باش يشوفها وبانو ليه عينيه بحال الى حققيين تماما كيفما هما حطاتهم نزل عينيه كيشوف فيها وكيبتاسم : وينو رساما ديالي 😍 رسماتني ، بما انه عجبتك و رسمتيني ، علاش منديروش واحد الحاجة ، عرفتي دوك الرسمات القدام ديال الرومان ، انا ندير معك المزيان غنتعرا قدامك ورسميني هكاك 😜😜، نور: 😨😨😨زاين : مالك ؟هههه 😂😂راه غيعجبك داكشي 😜😜.نور سدات ودنيها وبدات تقز : خرج عليا المنحرففف 😱😱. زاين مشا حتال الباب كيضحك وقال ليها : هادي غناخدها 😉 وغمزها ومشا لبيتو كيضحك . نور: ولد الحرام مبقاش كيحشم ههه 😅😅. هبطات نور تكمل السهرة مع الشباب وكل مرة تلوح صفاء شي كلمة والبنات مطنشينها . عيطو ليهم باش يتعشاو جلسو فجو عائلي كيف العادة وفينما تهز نور عينيها فزاين يضحك عليها ولا يغمزها . وحلها ليها مخلاهاش تسرط بخاطرها . من بعد كان الحال معطل الكل مشا ينعس علي وسعد خدامين وخو علي ومراتو وولدو سليم غيرجعو فحالهم اما عمر غيزيد معاهم شوية حيت مخدامش . طلع زاين تاهو فايق بكري والبنات بقاو صهرانين وكان معاهم عمر ومروى ، كيتفرجو ويتحتو ، بقاو هكاك تاداهم النعاس تما .وصل نصف الليل نور تعنكشات فالنعسة ، وطلعات للفوق باقي موصلات للفوق كتبان ليها صفاء هابطة كتسلت من الطاج لاخر متاجهة لبيت زاين وغير بحوايج مفضوحين ، دخلات وردات الباب ، نور طلعو ليها االجنون تاني ، مشات كتسلت تاهي وبدات كتطل من شق الباب بان ليها زاين غارق فنعاسو ولابس غير شورط بلا والو من الفوق ومكينش هنا وصفاء طلعت فوق الناموسية ، كتبربص حداه ، ناوية تغيقو وتغريه ، ياله قربات ليه ، باقي ممساتوش وهي تدخل عليها نور وسدات الباب : اش كديري نتي هنا 😡😡؟ صفاء: ونتي مالك ؟ 😈كنا صهرانين احبيبة هو عيا ونعس ؟ نور طارت عليها جبداتها من شعرها والاخرى غوتت ، قفز زاين شعل الضو ولقا نور شانقا على صفاء لي لابسة مالايسة .مشا لجيهتهم وشد صفاء من دراعها : اش كديري نتي فبيتي 😡😡؟ اه ؟ صفاء: اويلي احبيبة غير شفتي هادي بغيتي تنكرني😏 ، عاد كنتي فرحان معيا وكتضحك وتعيط ليا احبيبة . زاين: اش كتخربقي نتيا وصلات بيك الوقاحة ديري عليا هاد التمتيلية. 😡😡جمع معاها حتا لصقهة مع الحيط ، وهزها مت عنقها ولصقها مع الحيط : اش قلت ليك الق*** متبريتش منك 😠😠؟ واش مستغنية على روحك ؟ دوي .نور: صافي ازاين تلقها غتموت فايدك 😨. زاين: نور تيقي بيا هادي راه غير كتمتل عليك 😧😧. نور: انا شفتها فاش دخلات ، واصلا تايقا فيك، غير تلقها تمشي دابا فيقو الدار وتزيد تشوه راسها . زاين: اصلا هادشي لي ناوي ندير😤، ونوريهم هاد الكلبة اش كتسوا .نور: زاين عافاك ، على قبلي طلق الزمر تمشي 😨.زاين طلقها وبدات ترجع النفس شدات عنقها وطلعات لبيتها . زاين شد نور لي كانت متوترة عمرها شافت زاين بحال هكا وحتا الضرب لي عطاها كان خايب وعنقها : صافي احبيبة 😠، انا تعصبت مع هاد الكلبة مبغاتش تفهم . نور عاد بان ليها حاطة راسها على زاين عريان من الفوق : ص..صافي انا بيخير غير رجع لنعاسك 😳😳. انا غنمشي للبيت .مشات كتجري بلا متسمع اش غيقول دخلات للبيت وسداتو وتخشات نيشان فبلاصتها كتفكر كيفاش تهنا من هاد صفاء ...

فاقت نور الصباح على تخرشيش رميساء فالبيت ، دخلو دوشو ب2 ولبسو هبطو ، لقاوهم مجموعين كيفطرو فطرو معاهم ، صفاء مهبطتش ، سالاو الفطور وداهم زاين لافاك ومشا لخدمتو بقاو البنات مع جينيونغ مقصرين ورا الحصة ، تفارقو تسناو البنات زاين حتا جا ركبو معاه وقالت نور: زاين دينا لشي محل كيبيعو فيه الاتات ويكون داكشي قديم وتقليدي . زاين: علاش ؟ نور: بغيت نعوض جدة على ديك السوبيرة لي تهرسات 😩. زاين : اه ، واش نيت طيحتوها ليها . رميساء: والله اخويا مطيحناها 😨، ديك الكلبة ديال صفاء طيحاتها ولصقاتها فينا. زاين: بالصح ، واش هادي مريضا ، عارفاها عزيزة عليها وهرساتها😤 . نور: كتضرب غير من لتحت الفعة 😤.زاين: هاديك غتبقا حتا نهرس مها من شي بلاصة ومنقدرش حتا نجري عليها من الدار😡 .نور: صافي بدلو الموضوع . مشا زاين داهم فين بغاو وهبطو ، مشاة يضورو من هنا ولهيه حتا وصلو لواحد المحال ، دخلو ليه ولقاو واحد السوبيرا بزلايفها ديكور زوين وكانت غالية نور ورميساء عجباتهم .زاين: صافي هادي لي بغيتو .نور ورميساء: اه .زاين: عافاك اخويا ديرها فشي بابيي مزيان وزوقها .زوقها ليه وحطها ليهم ياله بغا يجبد الفلوس وحبساتو نور: لا ازاين ، انا ورميساء لي غنخلصوها ، حنا السباب ، حنا لي غنخلصوها😖😖. زاين: انا وياك واحد ازمر 😡، كيف شريتها انا ، كيف نتوما . نور: واصافي ازاين ، غير هادي 😒.زاين: ضبري لراسك😤 .خلصوها وهزها زاين وخرجو مشاو للفيلا دخلو ولقاوهم مجموعين فالصالة، دخلو البنات وسلمو على الكل ، رميساء: جدة ؟ هي: نعم ابنتي 😊؟ نور: حنا بغينا نعتاذرو ليك على داكشي لي درنا ، وشرين ليك هادي 😔.الحاجة: علاش عدبتو راسكم انا نسيت الموضوع ولي وقع وقع 😊. رميساء: وحليها بعدا وشوفي.حلاتها و غير شافتها عجباتها : بناتي الله يرضي عليكم عجباتني ، دوقكنم زوين . ليلى: بنيتاتي الغزالات راه قلت ليكم مقصدوش هاهما شراو ليك وحدة جديدة . الحاجة عنقاتهم وباستهم. عزيزة: ايوى صافي ماشي شي حاجة ،😤 كاين مااحسن منها كن قلتوها لي كن وريتكم منين . الحاجة: مكيهمنيش انا عجباتني ، يكفي غير فكرو فيا وبغاو يراضيوني ، الله يرضي عليكم حبيباتي😘😘 . رميساء ونور :😇😇 .تجمعو على الغدا و كان ديك الساعة مشاو خو علي ، ومراتو وسليم ،وكانو مجموعين كياغداو حتا قالت ليلى ، الولاد حنا معروضين لعند عائلة ضحى فسلا ، غنبقاو عندهم شي 3 ايام ! ونرجعو متقدروش تمشيو معانا حيت نتوما قاريين . رميساء: اوك ماما .وايمتا غتمشيو .ليلى : غدا فالصباح .الكل: اوك . داز الغدا عادي .رجع زاين لخدمتو وكدالك البقية والبنات طلعو للبيت كيدوزو الوقت.وصفاء خارجة مابانتش ، داز هاد النهار عادي ... الغد ليه الكل كان فايق يودعو لي غيسافرو كانت ليلى وعلي والجدة وعزيزة . ركبو سيارتهم ومشاو ، من بعد وصل زاين البنات للافاك وكالعادة رجع ليهم من بعد وصلهم للفيلا تغدا ورخع للجدمتو نور ورميساء بقاو فالدار حيت منعهم زاين من الخروج ، بقاو غير فالجريدة مع عمر و مروى وجاكسون معاهم ، رميساء: نوور مالك صفراء وماشي هي هاديك 😨نور: لا والو غير عيانة شوية 😵😵، مروى : طلعي رتاحي شوية .نور: هادشي لي بان ليا طلعات نور للبيت تلاحت وكانت كتحس بمعدتها كحرقها .تكات شوية ووالو الوجع غامازايد فيه ، داز الوقت وهي غادا جايا فالبيت والحريق مبغاش يفوت . جا زاين ووقف عليهم فالصالة سول على نور وهي تبان ليهم هابطة ومقوصة ظهرها شادا كرشها وعينيها مقلوبين والعرق فجبهتها ، شافو حالتها وتصدمو ، مشا عندها زاين بجرية شد فيها والاخرين تبعوه وضارو بيها وصفاء واقفا بعيد كتشفا فيها .زاين: نوور مالك؟ اش عندك 😰😰؟ نور مجاوباتوش ومشات كتجري للحمام وتبعها زاين شد ليها شعرها وهي كترض داكشي اصفر , زاين: نور واش عندك المعدة 😰😰؟ نور حركات براسها بمعنى اه .غسل ليها وجها ونشفو ليها سندها عليه وداها للصالة وتكاها تما ،والاخرين تابعينهم كيسولو مالها وصفاء عاجبها الحال فيها زاين: هادو اعراض حموضة المعدة واش مجايباش دواك .😩😩نور كتهضر بكلام مقطع وشبه مغيبة : لا...مجبتوش ..عيط لياسر يقولك سميتو 😖😖.عيط زاين لياسر: الو ياسر ..راه نور ضرتها المعدة شنو سمية الدوا لي كتشرب ياسر: او ..تاني اعراض الحساسية رجعو ليها تاني .زاين اشمن حساسية .ياسر: راه عندها الحساسية من الغبرة والبرد وهما لي كيديرو ليها هكا وكيشدها حتا الكلاكاج فرجليها ، المهم غير جيب ليها فانيد*** ويفوتها الحال .زاين: اهه هادا صافي راه عندي .ياسر: صافي واخا انا شوية غنجي .زاين : اوكي .زاين قطع وطلع لبيتو بجرية هز الدوء وهبط .قبل ميعطيه ليها شاف مدة الصلاحية سالات وقال: مييرد😡😡 ، صبري احبيبة غنجيبو ليك بجرية . نور حركات براسها اه . ومشا مروى و رميساء بقاو عند راسها ، اما عمر كان كيقلب فالانترنيت كيفاش يهدنو الحريق المعدة .صفاء استغلات الفرصة وهزات داك الدواء البيريمي وغبراتو عندها ..

هزاتو ورجعات لور بحال الى مطرا والو ،عمر: رميساء شوفيهم فالكوزينا يصلقو ليها بطاطا غتعاونها .رميساء: واخا 😰😰.ناضت كتجري لعندهم .وزاين دخل كيجري ، حطو ومشا يجيب ليها الماء وعمر ومروى واقفين عند راسها . هي لوات مبقاتش قادرا تصبر ، كتوجع شوية وتنوض ترد تبعوها لطواليط وجات صفاء بدلات الدواء البيريمي مع لي جا جديد وهربات لبيتها ، رجعوها للصالة ، و تكاها زاين وعطاها الدواء شرباتو وتكات وقاليها : رتاحي دابا غيفوتك الحال 😣😣، دخل ياسر مشا نيشان عندها .ياسر: حبيبة باش كتحسي ؟ وشربتي الدواء😓، رميساء: اه ياله شرباتو . حاولات نور تنعس باش يدير الدواء مفعولو ، بقاو الدراري حداها كيهضرو ، نور بقات كتقلب والوجع غامازايد حسو بيها وبداو كيسولو عليها ، هي متحملاتش ناضت عوجا للحمام رضات روحها هاد المرة، غير خرجات عندهم شد فيها زاين لقاها سخونة وسخفات بين ايديه ، هزها كيجري بيها للوطو و تبعو ياسر ورميساء ومروى وعمر بقاو فالفيلا وداوها دخلوها للايرجونص. وبقاو كيتسناو برا ، دgو ليها شي براوات ،نضفو ليها المعدة ودارو ليها الصيروم ، جرج الطبب عندهم، ياسر: امضرا دكتور كيف بقات 😖😖. الطبيب: الحمد لله راها بيخير دابا ، غير الحموضة لي دارت ليها هكاك ، وكلات شي دواء بيريمي هو لي زاد عليها ،زاين: ولكن انا جبتو ليها غير اليوم من الصيدلية 😰الطبيب: يمكن تلفاتهم مهم راها دابا كترتاح يمكن ليكم دخلو عندها ويسالي صيروم ممكن تديوها .بالشفاء ان شاء الله ☺☺. الكل : شكرا . رميساء: كيفاش تاشربات البيريمي ياك نتا لي عطيتيه ليها😥 . زاين: اه عطيتها لي جبتو من الصيدلية , وكان فالبلاستيكا . ياسر: وكيفاش تاوصل الخاسر لمعدتها. قاطعهم صوت انين نور لي كتفيق كلهم سولوها باش كتحس وهي كتجاوب بصوت مقطع : باقا مقسحة😰😰 .زاين: غيفوتك الحال غير صبري .😞😞داز شوية الوقت و هزها ياسر حيت متقدرش تمشا باقا مقسحة داوها لوطو ورجعو للفيلا ، طلعها ياسر نيشان للبيت . غطاها تنعس وهبط عندهم لتحت . زاين:انا هاد موضوع الدواء ماداخلش ليا لراسي 😡. ياسر: صراحة تانا .زاين : فينما القراعي الدواء ب2 ؟ رميساء هاك هاو ، لاخر البيريمي ماعرفت فين هو .زين : خليتو فوق الطبلة هنا . مروى: مهزو حد 😥.زاين: هاد الدواء هو لي قديم 😡،الجديد هو لي موضر ، ياسر: شكون كان معاها هنا . عمر: غير حنا وكانت صفاء قبايلا و طلعات مبقات هبطت . زاين: صفااااااء 😡😡طلع عندها كيجري دخل لبيتها لقاها غادا جايا فالبيت ، وسولها: نتي لي بدلتي الدواء😡😡😡 ، صفاء: اشمن دواء 😥😥شنق عليها وطاح من ايدها ، هزو وهو ينزل عليها بضربة تاطاحت الارض ، وبقا عليها بالضريب والخبيط ، حتا شرشمها مفكوه منها غير الدراري ، وقال: واللهتا ندمك غير صبري عليا 😡😡😡...

مشا زاين طل عل نور لقاها ناعسة ورجع لبيتو ، وياسر رجع لدارو بعدما طمن على ختو وتاهو تحلف فصفاء باش تبعد عليها ، ديك الليلة زاين منعسش كل شوية ينوض يطل عليها واخا معاها رميساء ، ولكن بالو معاها ، شوية ناض عاوتاني لعندها حل الباب لقاها كتحاول تنوض ، مشا عندها بجرية شد فيها وجلسها .زاين: نور مالك واش رجع ليك الوجع 😰؟ نور: لا ولكن ، فينما كنتحرك كرشي كلها كتعgرني 😟، وانا بغيت غير نمشي لطواليط مقدرتش .زاين: اه عارفك باش كتحسي تأنا طرات ليا واحد المرة .اجي انا نعاونك دخلي لطواليط .جرها زاين دخلها وقالت ليه:صافي شكرا انا غنكمل الراسي. زاين: الى مقدرتيش انا نفيق رميساء تعاونك 😫. نور: لا صافي ، غير خرج.😵 خرج زاين وبقا قدام الحمام .نور سالات وحلات الباب ،خرجات عندو وعاونها تمشي للناموسية تكات غطاها: خاصاك شي حاجة . نور: لا شكرا عدبتك معايا😊 . زاين قرب باسها من جبهتها: عدابك راحة احبيبة😋، ياله نعسي دابا . نورنعسات وهو مشا لبيتو ....

اصبح الصباح ، الشباب التحت كيفطرو من غير نور لي باقا ناعسة وصفاء ياله هابطة ، جلست معاهم وكأن شيئا لم يكن ،زاين: عمري شفت شي وقاحة ،بحال هادي لي فيك 😡. صفاء:مالك على الصباح الغوات ملنا اش كاين 😨. زاين: اش كاين؟ والو غير غنجليه دودي فالحباسات😡 . صفاء: هاكاك بلا تهمة ، ماجاتش ،مكايناش السيبة فالبلاد .مروى: مالكم علاياش كتهضرو 😮.زاين: سولي ختك .صفاء: ايييه صافي ، غتبقا ضور عليا ؟ معندكش دليل 😤. زاين: لا ، الغزالة كاين تقرير الطبيب ، ونور تاهي غير تصح غنديها ترفع دعوة ياله كيجاتك هادي 😒؟ صفاء ناضت متوترة : ن..نتا ميمكنش ليك ديرها انا مدرت ليها والو . زاين: احنا غنشوفو .عمر: مالكم اش واقع .زاين: هاد الكلبة هي لي بدلات لنور الدوا حتا شرباتو وزاد عليها الحال😡😡 .مروى: لا لا هادشي زاد على حدو، زاين عافاك بلا منوصلو الموضوع للحباسات ،عافاك انا غنديها منهنا ونتكلف بيها 😖😖. زاين: لا وتgولي ،هاديك راه خصها تربا ، وصلات بيها الدرجة توصل نور لليرجونص ، انا هادشي مغنساهش ليها . زاين: رميساء بلا متمشي لافاك بقاي مع نور هنا ، ومتفارقيهاش . رميساء:واخا خويا متحتاجش توصيني ☺. مشا زاين ورميساء طلعات الفطور للنور فيقاتها وعاوناتها حتى غسلات وجها ورجعاتها للسرير ، متكية وكتاكل ، رميساء : فطري مزيان شوف كيف وليتي صفراء اصاحبتي ، نور: واللهما قديت ، الماكلة باسلة ففمي 😟😟. رميساء: ناري المسخوطة جسمك ساهل يمرض ، كل مرة واقعة ليك شي حاجة 😒.نور: غير مع الحساسية هادشي كيوقع عادي ، ولكن عمري وصلت للمستشفى غير كنشرب الدواء كيفوتني الحال .رميساء: بصراحة راه وصلتي للمستشفى بسباب صفاء بدلات ليك الدواء حنا معقناش وعطاك زاين الدواء القديم وتزاد عليك الحال😡 . نور قفزت وهي تعgر: اييي ...كيفاش بنت الكلبة بغات تقتلني لهاد الدرجة 😠.رميساء: غير بشوية عليك، اه بنت الحرام ، البارح طار عليها خويا مفكوها منو غير بالزز ، وناوي غير تبراي غيديك ترفعي عليها دعوة .نور: لا لا انا الحبس مغيبردش ليا، غنشوه ديلمها منخليش ليها الوجه لي تشوف فيه فالناس 😠. رميساء : واش غديري . نور: معرفتش، فينهم بعدا . رميساء: عمر و مروى ،خرجو قبايلا يقضيو شي غرض و زاين راك عارفاه فالخدمة وديك الكلبة غابرة معرفتها فين . تيلي صونا ،رميساء: الو ياسر . ياسر: حبيبة ، سافا ؟ هي: حمد الله ونتا ؟ ياسر: حمد الله ، نور اش كدير باقا ناعسة . رميساء: لا فايقة كتفطر .ياسر : كاين شي فطور مع 11 ههه😂😂 دوزيها ليا ....

نور: الو خويا..ياسر :حبيبة كيف صبحتي☺☺ ؟ نور: الحمد لله . ياسر: مزيان شربي دواك متنسايهش و رتاحي متبقايش تزريطي غير نسالي الخدمة وندوز عندكم .نور: اوك . قطع ، نور : قاليا العشية غيجي ☺☺! رميساء: واخا 😜😜.نور: عاونيني نمشيو نشوفو بيت ديك الكلبة نقلبوه الى فيه شي حأجة تعاونا نضربو بيها الطر قبل متجي . رميساء: شوفي حالتك مقاداش تمشاي ونطلعو 😨؟.نور: لا ضروري نتحرك منقدرش نبقا جالسة 😤.رميساء: واخا ،شدي فيا . طلعو البنات بشوية والفيلا كانو فيها غير هما ،حتا كيسمعو التوشويش فبيت صفاء ، قربو بشوية كيتسلتو فتدو الباب بشوية ولقاو صفاء شبه عارية ومعاها شي راجل فالبيت هي متكية وهو كيلبس حوايجو ،البنا دارو ايديهم على فمهم من الصدمة وسمعو كلامهم كيهضرو.صفاء :صافي نعول عليك ، انا ماباغاش ندخل للحبس هاديك الخطة غتلاهي زاين عليا وغينسا موضوع الدعوة ومنها نيت يتفارق مع ديك البرهوشة .هو: ههه كوني هانية 😜.انا غير شبعيني حلوة و نعيش عبد بين ايديك ههه 😋😋صفاء: هههه غير نجح ليا الخطة ونتهلا فيك ،مهم سير دابا قريب يجيو وغدا متقدرش تجي عندي لهنا ، غنجي عندك للفيلتك مع 2 العشية ونهضرو على خطتنا .هو: اوك حبيبة .صفاء: ياله وسير وخرج من الباب الوراني من الفيلا .هوط اوك باي .هربو البنات تخشاو فالبيت لاخر داز هو وبقاو يطلو عليه من الغرفة .رميساء: بنت الحرام هادي لاش كتخطط.😡 نور:ق*** مكتسواش مدخلة راجل تال قلب الفيلا لقات السيبة 😠.رميساء: انا غنعيط لزاين يتفاهم معاها 😤. نور: لا متعيطيش هو غيجي وغيضربها ويجري عليها ومغنقدرش ،نتاقم منها غير خليها ومتقولي ليهم والو😤 .رميساء: اياه واشنو نديو ؟ نور: بعدا خصنا نعرفو شنوهي هاد الخطة ، غدا غنتبعوها .رميساء: اويلي 😱.نور: متخافيش الدراري خدامين معندهم منين يعرفو 😏. رميساء: واخا ياله نهبطو فحالنا دابا . هبطو البنات وجلسو فالجريدة كيتشمشو وحداهم جاكسون نور جالسة مادا رجليها .وحداها رميساء كتمزك . دخل عندهم ياسر وزاين : السلام .البنات :وعليكم السلام . زاين: مزيان منين هبطتي باش كتحسي باقا كتعgري 😋😋نور: شوية وصافي 😊😊. ياسر: الحمد لله موقع والو ، زاين شوف شي حل لهاديك مبغيتهاش تبقا مع نور تحت سقف واحد😠 . زاين :ولاعليك هاديك الكلبة موجد ليها بلان ، غير حتا تصح لينا نور . البنات شافو فبعضياتهم .رميساء: دخلو نتغداو ، عمر ومروى مغديين برا . زاين واخأ .دخلو الابطال ديالنا تغداو غير ب4 صفاء فضلات تغيب عليهم ، الدراري سالاو سلمو على البنات ومنعوهم يخرجو ورجعو لخداميهم .. وصلات العشية والبنات من هنا لهنا ، خرجو يتبردو فريح العشية ، كيديرو كاسكروط حتا هبطات عندهم صفاء كتمختر ، عاجبها الحال وراشقا ليها حيت متأكدة الخطة لرسمات هاد المرة غتنجح ، وتفارقهم ، مشات كتمختر جلسات قدمهم عينها فعينهم ،نور شادا راسها غير بزز عليها ، كتاكل وتبسم فوجاهم ، نور ورميساء كيهضرو بيناتهم ومطنشينها .صفاء: ايوا الالاهم نور، شفتك مش ب7 رواح خرجتي منها كيف الشعرة من العجينة ، ولكن واللهلا خليتك تهناي بيه ، انا تابعاكم والزمان طويل ، نور رمات هاداك الخبز لي فايدها ولاوفها جهد 10 قلبات الطبلة بلي فيها كانت كتسنا منها غير كلمة ، وهاهي جبدات النحل على راسها ، تلاحت عليها نور ببونية هاد مرة ضرباتها كيفما كتضارب مع الرجال ، كتضرب فينما جات و صفاء استاغلات مرضها وكرشها لي كتعgرها وكانت كتزويها باش طاكي على راسها طاحت نور للارض وصفاء وقفت ، رميساء عاونات نور توقف ، صفاء: غندمكم على هاد الضرب لي عطيتوني نتي وهاد روميو ديالك 😭😭. نور: وباقا زايدا فيه ..😡😡هزات رجلها وهي تركلها حتا طيحاتها سخفت وهنا دخل عمر ومروى فكوهم ،عمر و مروى مشاو كيتفيقو صفاء ورميساء طلعات نور لبتها .رميساء: نااري اش درتي 😂😂؟ نور : تستاهل بنت الحرام وعتاتني .😤 عرات دراعها ولقات طاشة زرقاء .رميساء: بنت الحرام عضاتك 😨. نور: بنت الكلبة مصعورة خاصني ندg شي برا لانتعادا 😒.رميساء:ههههه نور: متقوليش هادشي لي وقع لدراري .رميساء: واخا ....

وصل الليل ،كانو الدراري ياله جاو مجموعين على العشاء ، وكان حتا ياسر حاضر، هبطت صفاء جلست معاهم ، شافها زاين وياسر ،وجها باين فيه اتار الضرب ، شافو فبعضهم وشافو ب2 فنور لقاوها كتضور فعينيها وكتشوف فيه غير بنصها ، مدات ايدها باش تاخد الخص من الطبسيل وهي تعرا ديك العضة .وهو يشقمها زاين عراها ليها وقال ..

زاين: نور اش هادشي فايديك 😠

نور: لا والو 😳😳..

زاين: كدابة هادي راها عضة 😠

ياسر: واش كنتو كتضاربو تاني 😒.. نتي عارف راسك مريضة ونايضة نضاربي ليا علاياش وصيتك😠

زاين: اش وقع(شاف فصفاء) علاش قربتي ليها.😠😠..واش كتختابري الصبر ديالي ..

صفاء: هي لي جات عندي انا مدرت لبها والو ،شوف حالتي كيف رداتها 😰😰،هي راه مابيها والو

زاين: تهزي من قدامي منشوفكش مازال حدايا 😤😤.

ناضت صفاء كتخبط وتوعد بلي غتندمهم ، سالاو العشاء ، وجلسو فالجريدة مجمعين بيناتهم .. تعطل الوقت ناض ياسر رجع فحالو والاخرين كولها تلاح لبيتو ...

اصبح الصباح ...نور ورميساء فاقو ،معولين اليوم يصفيوها لصفاء ...هبطو وفطرو مع الشباب ، قالو لزاين مغيمشيوش لافاك هو مشا لخدمتو بعدما وصاهم يبعدو من هاديك ، ووصا مروى تحضي ختها ...داز الصباح عادي و رجع زاين تغداو و عاو مشا لخدمتو نور ورميساء مشاو للبيت بدلو حوايجهم وحضاو صفاء حتا خرجات وهما يتبعوها فتاكسي ... هبطات قدام واحد الفيلا صغيرة ...والبنات تاهما وقفو بعاد كيطلو من ورا واحد اللوطو ..غير هي دخلات وهما تبعوها قربو للباب الفيلا بانت ليهم خاويا مافيهاش العساسة والخدم ...

رميساء: اوووف معندناش كيفاش ندخلو😤

نور: غنقزو الحيط😏

رميساء: اويلي 😱😱لا ميمكنش غنحصلو

نور: رميساء بليز تشجعي شويا اصحبة 😤. متخافيش فيلا مفيها حد ، انا ندير ليك رجلي ونقزي .

رميساء: اووك😰

تحنات نور ودارت ايديها عفطات فيها رميساء ونقزت للداخل ، اما نور غير نقزت لفوق الحيط عاوناتها رميساء تهبط من فوقو .

نور: اااااي لمك تعgرت 😖😖

رميساء: بشوية عليك الخرا بغيتي طيحي تعواجي ليا هنا ومعاندي كيف ندير ليك 😤.

نور: صافي سربي خندخلو نشوفو اش نديرو 😖

البانات ضارو لور ودخلو كيتسلتو من باب الكوزينة ، مشاو لداخل بلاحس وتبعو الصداع لي كاين الفوق فالبيت وصلو وهما يسمعوهم كيهضرو ...

صفاء: كيف قلنا نتا غادي تقرب من نور ، غتدير ليها شي حاجة فالكاس منين تكونو خارجين ، فاش تدوخ ..(نور جبدات تيلي كتصور فيديو) غتديها معاك لاوطيل ودير فيها مابغيتي هادا كادو من عندي ههه ايوا وانا غنوصلها لروميو ، هو مغيتيقش بيانسير و غينسا قضيتي ، ومنها نيت نعاود نتقرب ليه ونرجعو ليا ، الصراحة عاد حلات ليا عليه .

الراجل: ههه واخا الزين ،ميكون غير خاطرك ، وايمتا هادشي .

صفاء: غدا .

هو: واخا الزين (قرب ليها وقفها وبدا يتلمس فيها وهي كتضحك ليه) ودابا خلينا منهادشي واجي راه ن قبايلا وانا صابر ..

رميساء: (كتهضر يالشوية) يع صافي جلينا نمشيو صورنا لي بغينا 😤😤..

نور: لا صبري مالك زربانا خليني نشوف اش غيديرو😜😜

رميساء:اويلي واش نتي حمقاء 😱، زيدي قدامي هادشي لي بقا ..

نور: والله لا تحركت ، حتا نصورها 😂😂..

رميساء: افففف

بقاو البنات كيتفرجو فيهم كيتباوسو ويتلامسو حتا ديدو حوايجهم ، وتلاحو فوق الناموسية ، حتا بانت ليهم صفاء محنية 😱😱😱...

**يتبع**