الضابط و زوجته المراهقة الجزء الثاني

اصبحنا واصبح الملك لله ، فاقو البنات بصداع زاين تاني ، بعد الروتين الصباحي ، تجمعو الكل على الفطور كيف العادة ، نور: خالتي ، عمي اليوم غنرجع للدار شكرا على حسن الاستضافة ديالكم والله منسى خيركم . هز زاين عينو فيها . ليلى: بقاي مزال ابنتي راك مونسا رميساء وعاد نتي غبوحدك فالدار . نور: والله ا خالتي خليت الدار مرونة و jackson مقابلو ليا غير واحد الصديق خاصني نمشي .علي: الدار دارك ابنتي مزال غنشوفوك هه . نور ضحكت ضحكة صفرة ومفهماتش اش قصد، تفرتكات الجماعة وكلها مشا لشغلو وزاين وصلهم قدام لافاك .نور: شكرا بزاف اخويا عدبتك معايا حتى انتا. زاين:(الله يخوي ليك الجناب انا خو كلشي الا نتي) ماشي مشكيل غير تهلاي فراسك الا حتاجيتيني انا موجود نور: شكرا . وهبطو من الوطو و بقا متبعهم حتى دخلو ، داز الوقت وسالات الحصة ومشات نور مع جينيونغ دات معها جاكسون اما رميساء مشات عند ماماها للشركتها ، رجعات نور للدارها شعلات التيلي و جمعات ديك الروينة مكانش عندها المناوبة فالكافي اليوم و مشات للاصال مع 7 العشية مع رميساء ، رجعات لاحظت ان ياسر معيطش اليوم تشوشات هزات التيلي تعيط ليه مموالفاش يغبر عليها ، مجوبهاش بقات كتفكر حتا نعسات . اصبح الصباح فاقت نور على حركات جاكسون لقات 11 دارت gاع الروتين ديال ديما وبالها مشغول على ياسر وصلات 1 خرجات وكل شوية كطل على التيلي وصلات لافاك تلاقات مع رميساء وجينيونغ مجمعين ،جينيونغ: السلامة ياربي مال وجهك خاسر . نور:*تحت سنانها* غتgلب عليا و لاغنبردهم فيك رميساء: اويلي مالكي تاني اش واقع

ور: غنتفرgع ياسر يوماين معيط ليا ماموافاش ليه ، جينيونغ: راه غير كيرد ليك صرف الخلعة الي ركبتي فيه ههه نور: *خنزرت فيه* غتسكت الا . رميساء : ياك قالك عندو الخدمة ايوا غيكون مشغول اصافي نور: عالله تكون غير الخدمة . رميساء : نساي عليا ياله نمشيو للكافي نجيبو باش نتغداو نور: غير سيرو انا غنبقا هنا فالقاعة حتا تجيو . جينيونغ: نوضي سيري معاها و جيبو ليا معاكم شي سوندويش رميساء: اوك ها سيكانا معاك حتا نرجعو . و مشاو ودار جينيونغ عند شي كليكا مجموعين و بقا يتحتت معاهم ، مسمومة1: هادي هيا الفورصة ندخلو بيناتهم بخيط ابيض ههه نتي حضي ليا جينيونغ بيما ساليت مسمومة2:اوك هههه وحمري ليا وجهي مشات وهزات صاك رميساء وخدات التيلي ديالها و خربقات فيه شي حاجة حطاتو ومشات رجعو البنات كلاو. حضر الاستاذ دازت الحصة خرجو و بقاو كيتحتو حتى وقفو عليهم رايا وسكينة ههه المسومات : السلام رميساء و جينيونغ :وعليكم السلام مسمومة 1: مالك انور معفرا علينا معمرناش ليك العين المسمومة 2 : السلام غير ديال الله *كيتعوجو قدامهم و كيطلعو يهبطو فيها * جينيونغ: البنات اش باغين بدلو ساعة باخرى .

نور: *مغزفا وتحت سنانها*شوفو هادوك جوجات غتدرقو عليا زلايفكم اولا غنبرد فيكم هوايشي المسمومة1: * قربات لعند رميساء و كتهدر فودنيها بصوت مسموع* ولاهيلا داكشي كولو الي قلتي لي عليها بالصح باز ليك ديما معاها رميساء: * متوترة* اش كاتخربقي نتي نور:*عاقت بيها* فعايلك ديريهم مع ال**ب بحالك . المسمومة2 : ايوا هاكي التيلي شوفي ميساجات بعينيك . خداتو نور وهي كتشوف فيهم كاملين مخنزرة قرات الميساجات كانو مسيفطين من عند رميساء مفيهم غير السبان والمعيور والاشاعات الي على نور ، نور هزات عنيها في رميساء ، ورميساء كانت كتبكي و هربات كتجري عارفا بالي غتيق فكدوبهم هربات مقدراتش تواجههم و دافع على راسها ، شافتها نور هكاك و هي تلسق ديك المسومومة مع الحيط لخرى شافت القضية حماضت وهربات محدها بجلدها حيت عارفينها اش كتسوا ، نور شانقا عليها مع الحيط و جينيونغ كيفك نور:دابا اش كيسحابلك راسك نتي درتي شي انجاز ، تصحابيها ق*** بحالك ،ههههه ميسحابليش نتي مكلخة هكا واش من نيتك كيسحاب غنتيق فتخربيقك غبري عليا قبل من هرس ليك راسك . تلقاتها وهربات جينيونغ: بردي مالكي معصبة نور : خاصني نتبع ديك الحمقة معرفتش علاش هربات. جينيونغ: تبعيها دغيا وبردي شوية متبقايش غهازا شوكتك نور: ياله بسلامة نتلاقاو غدا ومشات كتجري تبعاتها مالقاتهاش و كتعيط ليها وكتقطع .قرارات تمشي عندها للدار وهنا وصلات رميساء للفيلا ديالهم و طلعات كتجري مسلماتش عليهم كانت ليلى و زاين ياله جا كيلعب مع ولد خوه سعد و معاهم رانيا مراتو ، كيهضرو حتا بانت ليهم دايزا كتجري ، تبعوها كيدقو والو مكاتجاوبش كيسمعو غير بكاها ، زاين : صافي غير خليوها بلا منظغطو عليها هبطو كاملين مشطونين عليها وداز شي نصف ساعة، حتى دخلت نور كتلهت وحالتها حيت كانت كتجري غشافها زاين و ناض عندها شدها من ايدها : *مخنزر* واش نتي الي بكيتي رميساء اش وقع بيناتكم هضري . نور: *نترت ايدها كتخنزر فيه* طلق مني نتا الي بقيتي ليا * شافت فليلى* خالتي واش هي فبيتها . ليلى: اه ابنتي راها فبيتها .طلعات نور كتجري وتبعها زاين معصب وقفات قدام الباب كتدق : رميساء حلي الباب زاين : اش واقع بيناتكم نتوما هضري . نور: *مخنزرة والعافية خارجة من عيينيها* ممكن تسكت شويا خنشوف مع هاد الحمقاء ، رميساء عافاك حلي هاد الباب راني عارفاك مدايرا والو . حلات الباب و كولها حمرة و الدموع والخنونة وبقات شادا الباب وكتشوف فنور وحشمانة منها . نور: *حلات ايديها للرميساء* اجي لهنا *عنقاتها وباقا كتبكي * علاش هربتي ،*تلقاتها قدامها وكتغوت عليها* انتي عارفا راسك مظلومة ومشيتي علاش مدافعتيش على راسك ، واش كان كيسحابليك غنتيق بيهادوك الق*** شكون الي صاحبتي نتي ولا هي ،*كتهدر ومغزفة ومفقوصة* كنتي تنتفي مها تما و وريها الباطل كيف داير مخاصكش تكوني ضعيفة واجهي مشاكيلك متهربيش . رميساء: *عاودت عنقاتها * عندك الصح ماكانش عليا نهرب كان خاصني نجرجرها تما نور: *ضحكة شريرة* هههه متخافيش قجيتها حتى خرجو عينيها بقات كتفركل كيف الدجاجة ملقات معامن تلعب رميساء:هههههههه شكرا حبيبة تقتي بيا الحمد الله ربي لاقاني بيك نور: كوني هانيا كنفكر بعقلي ماشي بترمتي ، وا صافي حيدي عليا عمرتيني خنونة ، زاين: *مربع ايديه وكيشووف فهاد الفيلم لي قدامو* صافي ساليتو الدراما ديالكم ، دابا غتgولو مالكم حاميينها من الصباح . نور:* دارت حالا عينيها *(ويلي ويلي الشوهة من الصباح وانا كنخسر فالهضرة ) نتا باقي هنا ؟ وردخات الباب عليه ، ودارت عند رميساء : مال مك ماgلتيش ليا خوك ورايا ويلي من الصباح و انا كنعبر اش غيgول عليا دابا . رميساء:هههههه كنت مداربا مع خنونتي

مرديتش ليه البال .نور: وياله زيدي قدامي هبطي راه ماماك مشوشا عليك رميساء: اووك بيبي ، هبطو معانقين وكيضحكو . ودخلو عندهم ، ليلى : صافي تصالحتو رميساء: *ضاحكة حتى بانو ضراسها ومعنقا نور من الجنب * اه اماما زاين: الي شافك gويلا ميعرفكش دابا ، زعما نتوما البنات غاليبغا يدير فيكم راسو .جا ريان عند رميساء (الولد الصغير عندو 3 سنوات) : تاتي تاتي ، وهزاتو كتبوسو : حبيب تاتو نور: شكون هاد الكتكوت ، رميساء: اه معرفتكش هادي رانيا مرت خويا سعد وهادا ولدو ، سلمات عليها نور وباست ريان . ليلى: وgولو ليا البنات اش وقع ليكم . عاودات ليهم رميساء كولشي ونور ممسوقاش كتحتت مع ريان ، رانيا: و هانتي، ولايني بنات الحرام هادو ، غزيتي فيهم بعدا متخليوش بنادم يتدخل بيناتكم . ليلى: اه ابنتي و بعدو من المشاكيل الله يرضي عليكم زاين: الله يهديك الوليدة راه المشاكيل هما هاد 2 نيت . دارو عندو بجوجات عاقدين حجبانهم و كيخنزرو فيه ، زاين: مالنا اش كاين ، دورو وجههم وقالو: واالو، وبداو يضحكو عليهم نور: *فودن رميساء* ناري ياختي حياتي كلها مكانخاف غير من ياسر جا هاد خوك gاليه مكتعرف والو كيخلعني بهادوك الشوفات. رميساء: واللهما شفتي شي حاجة خاصك الدوقي عصاتو كيدايرا نور: اوووف فكرتيني فخويا راه شاطني ومعنديش نماري ديال صحابو. متخافيش عليه كون كانت شي حاجة الله يحفظ كنت غتعرفي نور: معرفتش مهم الى ماعيطش من هنا الويكاند غنمشي لكوريا ، مهم انا غنمشي للدار دابا اجي غدا مقاريينش ياك رميساء:اه كاينا شي حاجة يمكن المسيرة الخضراء ههه نور: مزيان غدا و السبت والاحد غنشبع نعاس رميساء :ههههه همك غفنعاس زاين: اش كتوشوشو تما شاركونا . رميساء: والو اخويا غير نور باغا تمشي ليلى : بقاي احبيبة حتا تعشاي نور: لا اخالتي خليت جاكسون فالدار غيرون ليا الدنيا ههه ليلى: واخا ابنتي عل راحتك زاين: ياله غنوصلك نور: *تقرصات* ل لا بلا منعدبك اصلا راه باقي مظلم الحال ليلى: غير خليه يوصلك احبيبة نور: اوك (ناري على وحلة غنمشي انا وياه الراس فالراس ) سلمات نور على الكل و ركبات مع زاين فالوطو وهو كل شوية كيطل عليها بنص عين نور غارقة فبلاصتها كتخمم حتى فيقها من سرحانها: اليوم شفتي الجانب الضعيف ديال رميساء هي حساسة و مكتواجهش مشاكيلها وكتهرب منهم، وسمحي ليا gويلة غوت عليك ولكن شفت ختي فديك الحالة كيسحابلي درتي ليها شي حاجة ، وهادشي حيت هي دازت من شي تجارب اترو فيها و خفناها ترجع لحالتها القديمة وحنا مصدقناها ولات كتخلط مع بنادم و كتضحك لينا ، عافاك الى ما كوني فجنبها راها نية واخا هكاك . نور: رميساء عزيزة عليا و كنعتابرها نصي لاخر راك بحالا كتوصيني على راسي .زاين: ( لا الغزالة نصك لاخر غيكون انا ) شكرا ، هاحنا وصلنا نور: شكرا على التوصيلة . دخلات و هو رجع كلات هي وجاكسون ودوشات وصلات ودعات ميكون وافع لخوها والو تخشات فالناموسية و جاكسون حاط راسو عليها وهي شاعلا التيفي وكتخمم وفينما تعيط مكيجاوبش نفضات الافكار السلبية من راسها وعنقت كلبها ونعست

 اصبحنا واصبح الملك لله ، فايقا نور خاسرة تاني من كترة التفكير بقات غي فالدار حتال العشية مشات للكافي عندها مناوبة اليوم ودات معها جاكسون ، الباترون كيخليها تجيبو و راخي معاها حيت خوها صاحبو وموصيه عليها ، دخلات سلمات ولبسات حوايج الخدمة بدات خدمتها حمزة: اه اه مالنا على هاد التخنزيرة هههه هرب عليك الراجل نور: اودي غخليها عالله داك المسخوط ديال ياسر معيطش 3 ايام وكنعيط ليه مكيجاوبنيش ممولفاش ليه حمزة: انا هضرت معاه غير ولبارح راه مبرزط مع الخدمة وصافي بلا متبرزطي راسك نور: بالصح زعما غير الخدمة او مالقا تا قسم يعيط ليا غنتسنا حتى يفوت الويكاند الى معيطش غنمشي عندو منقدرش نبقا gالسا بلا مندير والو حمزة : بلا متشطني راسك ،كون كانت شي حاجة كون عرفنا و سيري دابا وحيدي ديك الغوباشا راك كتخلعي ليا الكليان ههه نور: ههه واخا . داز شوية الوقت وعيطات ليها رميساء : فينك راه قنطت يخخ نور: السلامة ياربي وتي غير قولي سلام بعدا ، اجي عندي انا فالكافي رميساء : *ناضت * انا جايا ههه وقطعات نور: ههه حمقاء . رميساء :*هابطة كتدردك ف الدروج* ماما انا غادا عند نور * تلاقات مع زاين خارج حتا هو* فين غادي اخويا ، زاين : علاش كتسولي بغيتي شي حاجة رميساء : غير بغيتك توصلني لشي بلاصة .زاين: انا غير غنتلاقا بعماد فين باغا تمشي؟ رميساء: غنمشي للكافي فين خداما نور عيط للعماد يجي عندك راه غيعجبكم الحال تما زاين: *لقاها من الجنات والناس بغا يشوفها* واخا الزين ديال خوها . عيط لعماد باش يلحق عليهم وصلو ودخلو كان كافي كبير و فيه الحيوية وعامر و مخلط عائلات كبار وصغار ، وكان على شكل جلسات منفصلين مشاو gلسو وبقا زاين كيدور فعينيه زاين: ممم بلاصة زوينة الدنيا عامرة باينة هاد البلاصة معروفة ، رميساء: اه بالصح، *كتقلب بعينيها* ماعرت فين ديك الحمقاء . جا عماد سلم عليهم : فين ا رميساء ؟ شحال مشفناك رميساء: هانتا كتشوف درت بنصائحك ، والحمد لله .عماد : مزيان الغزالة هكا نبغيك . نور وقفات عليهم :البغلة واش نتي معندك شغل لاصقاني حتى فخدمتي رميساء:*ناضت وعنقاتها* ههههههه كنبغيك وكنتوحشك ونهاري خاوي بلا منشوفك. نور: *بعدت عليها وعنقات راسها* سمحي ليا اختي انا ماشي ليزبيان كنبغي الرجالة . رميساء: هههههه الله ينعل جدك الكلبة . الكل تهز بالضحك . نور:*قربات لودن رميساء* شكون هاد التوت الي مع خوك رميساء : *فودنها*ههه هادا عماد صاحب خويا عجبك نشوف لختي معاه . نور: غير نفك حريرة ياسر و انا معاك . رميساء: هههه الله امسخك .

سالاو من التوشويش دارو لقاو زاين غيتفرgع بالفقصة ولاخر حابس الضحكة . رميساء: *تحت نيفها* ناري مك لتاقطونا الكاميرات ، نور: *كتفادا نظرات زاين* احم سمحولي شنو بغيتو تشربو . عمأد: جيبي ليا شي عصير من ختيارك *مع غميزة* زاين: *مغزف* انا شي قهوة كحلة قاسحة. نور: احم ونتي الكارتة رميساء : انا جيبي ليا كولا . نور: اووك.و مشات زاين : واخا على موك نتي تشوفي لها معاه ؟ رميساء: غ غير ضحكنا اخويا زاين : الهضرة ماشي دابا . عماد: رخي على الدرية راه غير ضاحكين هههه رميساء: شفتيه اخويا عماد . رجعات نور عطات للعماد باناشي و زاين قهوة و رميساء عصير كيوي رميساء: لمك انا قلت ليك جيبي ليا هادا . نور: اش بغيتي لكولا راه فيها غير الحلاوة عصير فيه الفائدة عليها رميساء: افف وديري ليا بحال ماما حتى نتي نور: شربيه وسكتينا بلاتي انا راجعا . مشات نور هزات واحد الgateau للواحد الطابلة مجموعين فيها مرا و راجلها و 3 ولادهم نور: *ابتسامة مع الوليدات* وها لgateau واجد شكون فيكم لي عندو عيد ميلاد اليوم. نطقات البنيتة الصغيرة : انا انا نور: اهه نتي ا الاميرة الغزيولة بلاتي انا جايا مشات وشوشات للسرباي اخر ورجعات وقفات قدامهم مبتسمة للبنيتة بدات واحد الموسيقى ديال الصغار بدات كتغني وترقص ليها ،شافتها رميساء ومشات كتجري عندها و بدات تغني وتشطح معاها العائلة عجبهم الحال و بداو يضحكو وزاين وعماد غي كيشوفو فيهم ويضحكو على حركاتهم عماد: هاد البنت هي الملاك ديال ديك المرة ياك زاين: اه هي عماد: صداقتها مع ختك دغيا طورات كيبانو بحالا صحبة ديال سنين زااين: اه بالصح اصلا عندهم نقط مشتركة فبزاف الحوايج مؤخرا دخلو بيناتهم شي بنات *وعاود ليه* عماد: بان ليا انا ختك لقات المنقد ديالها زاين: كيفاش؟ عماد: ختك كانت محتاجة غير الي يفهمها ويتوافق معاها واخا نتوما عائلتها قراب ليها ولكن كاينين شي امور مكتحلى غير مع الصحاب و بان ليا غتاتر بشخصية نور، خاصة داكشي لي دارت نور غتزيد تيقتها فيها مهم نتا خليهم تحت عينيك تحسبا و صافي زاين: *ساكت وكيشوف فيهم* سالات الاغنية و صفقو ليهم باسو البنيتة وتمناو ليها عيد ميلاد سعيد و رجع للطبلة. نور: هههه منين كتعرفي ديك الاغنية رميساء: ريان عزيز عليه نغنيها ليه ونتي منين كتعرفيها نور: كنت شحال هادي متطوعة فواحد الجمعية ديال الاطفال وكنا كنغنيوها ليهم . عماد: كتطوعي للجمعيات ؟ نور: اه مرة مرة. رميساء: حتى انا بغيت هاد المرة نمشي معاك . نور: اه احبيبة علاش لا غيعجبك الحال . عماد:*فودن زاين* ههه ها اش قولت لك زاين: البنات منين نتوما مكتفارقوش اش بان ليكم غدا نديرو شي بيك نيك رميساء :*متحمسة* اه اه اه نور بليز متgوليش ليا باغا تبقاي غير ناعسة غنتقلق منك. نور: واخا الالا على انا نقدر نقولك لا. رميساء: *عنقتها وباستها* يخلي ليا الحب انا نوور: وتلقيني نمشي نشوف خدمتي هه .داز الوقت مشاو وسالات نور مناوبتها دات جاكسون ورجعات للدار صلات وكلات هي وجاكسون ووجدات داكشي ديال البيك نيك و عيطات لياسر عالله يجاوب ولكن كيف العادة كيصوني ومكيجاوبش تخشات فجاكسون ونعسات

صبح صبأح جديد فاقت نور معولة الغد غتجمع قلوعها تمشي عند خوها دوشات صلات لبسات (الصورة) تلقات شعرها كيف العادة ومكياج كحل تقيل شوية و جمعات داكشي الي صوبات البارح ودات جاكسون وخرجت وعيطت للجينيونغ يجي حيت حتا هو غيمشي معاهم ركبو فسيارتو جينيونغ: باقي معيط ياسر نور: لا باقي غدا غنوجد باش نمشي عندو اصلا توحشتو بزاف جينيونغ: متمشيش بوحدك غنمشي معاك نور: مكاين لاش تبرزط راسك معايا جينيونغ: مالي غادي على قبلك تانا توحشتو وتوحشت حتى تيتيزاتي تما نور: *دارت فيه تخنزيرة *صوg و زمو شو انا فاش وهو فاش جينيونغ: هههه الى كانت شي حاجة نبقى نديرها حياتي كلها هي نعصبك ههههه نور: *مخسرة وجها* بشر كيف داير حمد الله كتسوg اما نوري خويا *وشعلات الموسيقى وخلاتو كيضحك باش يفقصها* شوية وصلو فرشو داكشي و gلسو و جاكسون كيدور حداهم نور سرحات رجليها وردات ايدها لور ورجعات راسها لور حتى هو و غمضت عينيها كتطلع النفس ومبتاسمة كان الجو زوين كان شوية الريح مع الضباب بلا شتا كانت الدنيا معامراش بزاف نور كيعجبها هاد الجو جينيونغ: خليك هكاك *وتكا وحط راسو على رجليها * اخ الله على راحة ههه نور: غتنوض لمك نتا لا , حgل بنادم مكيفهمنا غلط . جينيونغ: متبقايش تململي ، اصلا مكيعرفنا حد هنا وخليني نرتاح دابا شحال وانا صايg نور: اه كنتي سايg ليا من الداخلة *صونا التيلي* الو ... وي رميساء راه وصلنا .... راه gلسا اناوجينيونغ حدا البحيرة ... اوك جينيونغ : وصلو؟ نور: اه هاهما جايين ***زاين : ااش gالت ليك رميساء: راها مع جينيونغ حدا البحيرة .زاين: *شاف فعماد ورجع شاف فيها* شكون هاد جينيونغ ؟رميساء: هادا صديقنا انا و نور هو لي مشا معانا لمستشفى ديك المرة زاين: اه واخا ياله. مشاو شافتهم رميساء و بقات غادا كتحنقز عندهم و زاين و عماد وراها هازين معاهم حتا هما زاين: *شاف داك المنظر* دابا منين خرج ليا هادا تاهو شو كيناعس على رجليها عماد : ملك اش كيسحابلك شوف هي كيف دايرا أكيد مغتكونش single وياك gلتي ليا عندها شي bf برا ، بلاتي وهدا شكون ؟ زاين: *معصب* دابا كتسمي راسك نتا صاحبي كتفقص فيا عماد: ههههه صافي برد احنا غنفهمو. وقفو عندهم عماد : السلام ياكما تعطلنا هه نور: لا ياله وصلنا حتى حنا *بغات تنوض تسلم* نوض نتا راك نملتي عليا رجلي وقفات وسلمات وعرفو جينيونغ لزاين و عماد وgلسو يرتاحو عماد للجينيونغ: نتا ماشي مغربي ياك؟ جينيونغ: انا نصف كوري نصف مغربي عشنا شوية فكوريا من بعد قرر الواليد نرجعو للمغرب عماد:اوو دريجة عندك مزيانة واخا معكلة شوية جينيونغ: اه الوليد كيهضر معانا بيها بزاف *دار عند نور لي كانت كتاكل ممسوقاش وابتاسم* وحتى الغزالة ديالي نور كانت كتعلمني *وقرب ليها* ياك؟ نور: *خنزرات تاني*بعد للهيه بدينا تاني ، مكتخافش على عضامك جينيونغ: راه قولتها لك فالوطو *غمزة* نور فارت و بداو مني منك تاني زاين:*تحت سنانو* لا لا متقولش ليا هادو بيناتهم شي حاجة عماد : سكتنا هاحنا غنفهمو ، هههه بلاتي كتدابزو بحال العشاق واش نتوما كوبل ؟ دارو عندو نور وجينيونغ تحلو عينيهم فيه عاد تفرgع جينيونغ بالضحك و هي دارت ضحكة استهزاء : مالقيت معامن غير هاد كازانوفا ؟ جينيونغ: ههههه مالك غرتي عوتاني ؟ هي حطات داكش لي ف ايدها هو فهم بلي غتهجم ياله ناض يهرب وهي تشقمو طارت عليه حتا طاحو ب2 وهي شانقا عليه وهو ميت بالضحك رميساء كتفرج فيها وكتضحك موالفا هاد الكومبات ديالهم اما زاين و عماد مصدومين فهاد 2 نور: مخليتي شكون مفهمناش غلاط واش نتا مصيفطك ليا شي واحد ولكن غبلاتي كولشي غيوصل لياسر

ناضت عليه وgلست فجيهة زاين و عماد جينيونغ: لا صافي الا ياسر رميساء: متديوش عليهم هادو راه ديما هكا هههه مكيتلاقاوش حتال دابا معرفتش كيفاش تصاحبو . عماد فودن زاين: ها مسمار وطرقناه . زاين: اصلا هاد الولد ماكانش خالعني دغيا نتفك منو المصيبة مع لاخر لي مشايفوش حتا كيداير القضية غتكون صعيبة شوية ولكن والله لا تفاكيت غبيا ولا بيه .داز شوية ديال لوقت ناضو الدراري كيشويو الكفتة والدريات حداهم نور كتلعب gيتار و رميساء كتغني و دراري كيتصنتو ليهم . شوية جينيونغ وصلو ميساج وجاوبو بالتخبية على نور داز شوية الوقت. لمحت نور جاكسون كيجري فواحد الجيه ناضت باش تبعو وهي تصدم حلات عينيها وبدات تبكي و كتقرب بشوية ولوخرين كيشوفو مفهمو والو كان جاكسون طاير على واحد الشخص كيلحس فيه وفرحان بيه وداك الشخص كيلاعبو وهز راسو شاف فنور لي كاتبكي و فتح ايدو بابتسامة عريضة *زعمة اجي عندي* وجات عندو نور كتجري تلاحت عليه معنقاه حتا طاحو ب2 هي كتبكي وهو ميت بالضحك ( عرفتوه شكون ياسر لي مخرجها منها) ياسر:* كيلعب فشعرها * وصافي ها انا معاك دابا علاش البكا هههه نور: اهئ اهههئ كان كيسحابلي طرات ليك شي حاجة. ياسر: هههه وصافي صافي ههه نوضي عليا راك قاجاني صحاحتي الحلوفة *ناضو وبقات معنقاه وشافت فيه *علاش مكنتيش كتجاوب اه؟ *كتبكي* واش عرفتي اش داز عليا gاع الافكار الخايبة طاحو على بالي كنت غنمشي عندك غدا . ياسر: عارف كولشي جينيونغ gالها ليا ههه غير بغيت نلعب معاك شوية ههه ومن بعد نديرها لك مفاجئة نور: كيفاش*كتغوت* دابا كنتي عارفني مشطونة عليك ومكنتيش كتجوب *هزات رجلها ضربو وشدها ليها و كل ضربة كتحاول ضربو كيتفاداها وهو ميت عليها بالضحك وجرها عندو وهي كتغبن وكتبكي فصدرو وكتهضر ومعارفها اش كتقول وجا عندهم جينيونغ تعانقو وبدا يضحك على حالتها ودارت عندو : لمك نتايا كنتي عارف ومgلتيهاش ليا الغدار هادي هي الصحبة . جينيونغ: *كيعاود هضرتها وكيعيبها كيضحك* نور ياله غطير عليه وشدها ياسر وهي كتطرطا فايديه ههه عصبوها وهما كيضحكو ياسر: وصافي بردي شكون هادوك لي gالسا معاهم. نور مسحات دموعها وشدات فيه وتمو جايين .عمأد:بان ليا هدا هو ياسر، صاحبي بانت ليا قضيتك صعييبة شوية مشفتيش كيفاش معانقين باينا علاقتهم قوى من ماكان كيسحاب لينا بان ليا غير نساها زاين: *معصب* صافي سكتنا شوية لي فيا مكفيني . وقفو عندهم ياسر: السلام عليكم . عماد ورميساء وقفو: وعليكم السلام وعاد وقف زاين وهو مخنزر نور: حبيبي هادي رميساء لي عاودت ليك عليها . شاف فيها وتبسم ليها : متشرفين الالا رميساء رميساء: *داخت بديك الضحكة الرجولية ديالو * مت متشرفين ا ياسر عاودات ليا عليك نور بزاف . ياسر : ههه هي ديما شادين فيا النميمة رميساء: ههه غبالخير نور: ههه ياسر هادا زاين خو رميساء وهادا عماد صاحبو عماد: مرحبا خويا ياسر: الله يبارك خويا *وشاف فزاين لي غير مخنزر و خنز فيه تاهو* نور ردات لبال لهادشي وقالت: اه نسيت ، زاين عماد هادا ياسر خويا . عماد وزاين: خووووك!!!. وبقاو مصدومين نور: هههه اه خويا من مي وبا عماد: هههه اصلا نتوما كتشابو وزاين تسرحات هاديك الجبهة لي كانت مكمشة ليه منين جا : متشرفين اسي ياسر. ياسر : متشرفين زاين. رميساء: gلسو غتبقاو واقفين ياسر: اياه نور: خويا ياك قلتي ليا عندك الخدمة بزاف ومتقدرش تجي ياسر: اه ولكن منين مرضتي مبقيتش قادر نصبر ونتي بوحدك داكشي علاش دفعت للانتقال للفرع لي هنا عالله بالطليب والرغيب حتا تقبلت نور:*تلاحت عليه *اوااه زعما غتبقا معايا مبقيتيش غتمشي ياسر: ههه لا انا هنا معاك جينيونغ :صافي سالات ايام الدسارة والسيبة ياسر :اييه صافي سالات السيبة نور: *تخشات فيه وبدات كتبكي تاني* مهم تكون معايا عييت منبقا فالدار بوحدي .ياسر: وصافي طيبتني واش غتبقاي تبكي .بقا زاين ساهي فطريقة البكا ديالها كول مرة كيكتاشف جانب منها حتى لاحظ ختو كتشوف فيها وكتمسح دموعها زاين : رميساء اجي عندي علاش كتبكي حتا نتي ههه رميساء: * عنقاتو* بقات فيا نورمن قبايلا وهي كتبكي . ياسر: ههه بكايات . بقاو كيتحتو من موضوع لاخر ويضحكو وزاين صافي رتاح من جيهة ياسر وغير كيتبسم ،لاحظ ياسر نور مكتحركش عرفها نعسات وقادها نعسها على رجلو وبقا كيدوز على راسها تحت انظار زاين لي تمنى يكون فبلاصتو . وصل الوقت باش يمشيو نور: داز اليوم زوين نعاودوها مرة اخرى رميساء: وي بالصح خاصنا نعاودوها عماد: ان شاء الله علاش لا ياسر: فرصة سعيدة هادي وتشرفت بمعريفتكم. الكل: متشرفين .ياسر: ياله احبيبة نمشيو راني عيان من الطيارة لعند الحمارة . نور:ياااك انا حمارة يالبغل .الكل:هههههههه ياسر : *شد ليها ودنيها * لوالديك نتي راك ضسرتي وليتي تردي الهضرة .نور: *تحت سنانها ومدورة وجها على الاخرين باش ميشوفوهاش اش كتقول* خويا ماشي قدام صحابي حتال الدار ها العار بلا

شوهة. جينيونغ: والله حتى هو لي كيحدهم ليك ههه . نور:*كتحلف* نتا غتسدو باقي حسابي معاك هو لخر.جينيونغ:اش غديييري gاع *كيفقصها* نور: انا غنوري لمك دابا نيت *طارت عليه بقجة وهو طاح وهي فوقو * جينيونغ: هههه كيفاش ممكن تعاملي oppa ديالك هكا راني كبر منك بعام ونص .نور : حنا دابا فالمغرب ماشي فكوريا *تحت سنانها فودنو* والله ومتفوتني عليك ياحتا نعاود لياسر القديم والجديد وناكلوها ب2 نيت . ياسر : *هزها من فوقو وشدها من حوايجها لور * واش لمك نتي متقدريش تصرفي بحال البنات وتبتي شوية اه ؟ شوفي صاحبتك وتعلمي منها *شافت نور فرميساء لقاتها غتفرقع عليها بالضحك و هي بدات تحلف عليها بالعنين* ياله زيدي قدامي .وسلمو عليهم كاملين وصل ياسر عند زاين ودار فيه شوفة ممفهوماش ومبتاسم فنفس الوقت ، زاين استغرب وبادلو نفس الابتسامة مشاو نور وياسر وقفو حدا واحد الرونج كحلة :ياله ركبي ههه نور: هادي ديالك ؟ ايمتا شريتيها ونتا ياله وصلتي ؟ ياسر : ههه كلفت حمزة يشريها و تلاقيت معاه قبل منجي عندك .*ركبو* نور :هي غتخليني نسوgها مرة مرة . ياسر: اه باش ياله تخشيها ليا فشي قرينا.نور: اداك لبيرمي لي عندي ايمتا غنخدمو ؟ ياسر :وبقاي دوري عليها راوالله لاكانت ليك .نور:*خسرات وجها فيه* شو العياقة .ياسر: ههههه *شاف فيها وايدو فشعرها * توحشت شقاوتك نور: ههه خسرتي لياشعري ا سوق وشوف قدامك لانتسالمو مع شي شجرة .*** عند زاين فالسيارة رميساء لور كتمزك و القدام زاين سايق وحداه عماد : هاد النهار شبعت غضحك ههه ، كون شفتي وجهك فاش عرفتيه خوها حبست راسي غبززمن الضحك بغيت غير نفهم كيفاش استنتجتي بلي هو bf ماشي خوها. زاين: ههههه وراه مشفتيش كيفاش كانت كتهضر معاه قدامي عمري شفت شي خوت بحال هكاك راه حتا نتا حضرتي وشفتي .عماد: اه بالصح ولكن لي مفهمتش هي ديك الشوفة لي دار فيك فالخر زاين: هههه عاق بيا عماد: وايلي كيفاش عاق بيك. زاين: باينة من الشوفات لي كنت داير فيه قبل منعرف انه خوها و من بعد وليت عادي هههه حنا دراري وكن فهمو بعضياتنا ، احح دابا غنعس مرتاااااح هههه دابا خسني نتقرب منها قبل ميبان شي واحد نيت عماد :هههه ايوا زرب على راسك قبل لا يطيرو ليك بيها زاين : ههه متخافش عليا

وصلو نور وياسر للدار ودخلو ياسر: نور اش هاد الروينة واش هادي دار ساكنة فيها بنت اولا زوفري نور: وصافي اخويا ،راه كنجمعها مرة مرة ، ياسر: لا باين ، مهم انا غنمشي ندوش وجدي شي حاجة للعشاء . نور: okay brother . مشات نور بدلات و توضات وصلات ومشات للكوزينة : افف اش غنطيب لهاد الجلاخة غيبدا ينgر عليا تاني اه سباغيتي . بدات توجد وجا عندها ياسر: حبيبة اش كتوجدي نور: سباغيتي ياسر: ههه بان ليا باقي متعلمتي طيبي نور: بلا مضحك عليا راك عارفني اصلا دايرا دايت كانكل غير شلايض و الفواكه .ياسر: ايوا ازوينة ديال خوها ضروري غيجي واحد النهار لي غتمشي لدارك وديك الساعة غيخصك تعلمي بزز منك ههه نور: افف مالنا اخويا على هاد الهضرة انا باقا صغيرة على هاد الهضرة وباقا باغا اللعب ياسر: هههه اشنو زعما مدرتي حتا شي relation ورا ضهري غير gري مغنسلخكش . نور: والله اخويا من نهار حصلتيني فاش كان عندي 15 مدرتها تاني . ياسر:واخا الالا وزاين .نور: *بتوتر* زاين !!مالو ؟؟! ياسر: ههه والو غير منين وصلت دار فيا تخنزيرة ديال لقتيلة حتا قلتي هادا خويا عاد طلقها ومنين gلسنا وهو حاضيك ، عارفا هادشي اش كيعني نور: هههه اش كتخربق غجابليك الله. ياسر: *شد فحناكها* سمعي انور انا ماشي غير خوك انا راه باك مكتهمني غير مصلاحتك نتي كبرتي واكيد غيجي شي نهار وتعرفي على شي حد وبغيتك متخبي عليا حتا شي حاجة وكولشي يكون تحت عيني انا كنتيق فيك ولكن ماشي فالناس ، واش فهمتي اش كنخبر عليك نور: فهمتك اخويا لحبيب وكنواعدك واخا ماكاين والو من هادشي. ياسر: *باسها فجبهتها* يخليك ليا البغلة ديالي و حطي لينا داكشي ناكلو راه فيا الجوع وباغي غير ايمتا نعس . نور: واخا واخا .حطاتو وبداو ياكلو *** عند عائلة رميساء مجموعين على طابلة العشاء . سيف : شفتكم غير كتفرنسو نتوما ب2 اش واقع ! رميساء: عرفتي هاد النهار داز خطير، ضحكنا حتا مابقينا قدينا ليلى: ههه علاش احبيبة عاودي ليا كيف دازت الخرجة رميساء: كولشي كان زوين الجو البلاصة حتا هي كنا gالسين مجمعين حتا وقف علينا ياسر خو نور بقات غكتبكي بالفرحة ههه علي :*هز راسو* واش خوها رجع ؟ رميساء: اه رجع فمرة غيخدم فالفرع ديال الشركة لي خدام فيها هنا فالمغرب و خدا ترقية حيت نجح فشي مشروع . علي : *كيخبي الفرحة وكيشوف فليلى* مزيان ابنتي منين رجع رميساء: *متحمسة* عرفتي اماما ياسر ضريف وضحوكي وكيتشابه هو ونور فالعنين والضحكة ههه عرفتي خاسكم تعرفو عليه .ليلى: هههه ان شاء الله ابنتي سيف: هههه هايهاي شو الدرية كيف كتهدر عليه دابا عاد عرفت علاش كتفرنسي من الصباح ههه . رميساء : علاش كتقلب نتا بقا مقابلني سعد: *شاد ولدو كيوكلو* هاداك اه تفرق ليا من اميرتي خليها تتعشاء على خاطرها سيف: ههه واخا عرفنا قضية رميساء *دار عند زاين * ونتا شنو قضيتك . زاين: *تكسل لور والابتسامة فوجهو وناض من الطبلة* بصحتكم انا شبعت غنمشي لبيتي *مشا وكيصفر* سيف:*دار عند رميساء وغمزها* ههه اش واقع رميساء: وانا اش عرفني نتا غاخاشي راسك سيف: واخا على طاسيلتك ليلى:* شكت* شكون كان معاكم فالخرجة ؟ رميساء : غير انا و نور وزاين وياسر و عماد وجينيونغ لي قتلك كيقرا معانا ليلى: مكانت حتا شي بنت زايدة ؟ رميساء: لا اماما غير انا ونور لي بنات ليلى: اه اوكي حبيبة . *** عند نور وياسر لي تعشاو وياسر مشا تكا فبيتو و نور غسلات الماعن ودخلت لبيتها بقات كتدور فعينيها ومشات دقات على ياسر ودخلت تخشات حداه كان كيتفرج : مالك هاجمة تاني اش باغا . نور:*تخشاف فيه* باقي مشبعت منك بغيت نعس حداك اليوم . ياسر : عنقها * صافي مبقيتش غنمشي ونخليك * سكت شوية كيتفرج وقال* نور!! هي: امممم ياسر : داك نهار لي مرضتي فيه كنتي مقلقة ياك ؟ ومبغيتيش تقولي ليا فالتيلي شنو عندك قولي ليا شنو وقع ؟ نور: والو اخويا غير كنت معصبة وصافي راك عارفني مزاجية . ياسر: نور هضري شفتي الوليدة ياك ؟ نور:* تنهيدة* اه شفتها غير هضرنا شوية راك عارف الهضرة ديال ديما و صافي ماشي شي حاجة . ياسر: اووف انور باينة جرات عليك تاني،راك عارفا ظروفها مسكينة كيفاش عاشت هادشي لي كدير معاك ماشي لخاطرها نور: عارفة اخويا حتا انا محاقداش عليها ياسر: سمعي اختي حاولي تنساي متاخديش فخاطرك،و خرجي داكشي لي فيك متجمعيهش عندك ماعرفتش ايمتا غتحيدي هاد القاعيدة نور نوور راه معاك كنهدر(فيناهي نور راها كتشخر ههه عندي مع القافية ههه) ياسر: انا كنهدر معك ونتي نعستي *غطاها وعنقها وطفى tv ونعس *** عند ليلى وعلي فبيتهم ، علي فوق الناموسية كيقرا كتاب و ليلى كتدهن الكريمات ههه. ليلى: علي جا وقت الجد خاسك تهضر معا الدراري قبل مايسالي أجل الوصية الى كنتي باغي تكمل وصية باك وعمك علي: عندك الصح خاصني نجمع نور ومها وخوها ونهضر معاهم فالموضوع *تنهد * معرفتش واش هادشي غنقدر عليه انا عمري تحكمت حتا فحياة ولادي عاد باقي بنت ولد عمي ، والى كانو عندها مخططات فمستقبالها اولى عندها شي حد فحياتها وبلا من بعد غير داك راس الطبل ديال ولدك مشتيهش gويلة راشقا ليه عنداك ايكون كيعرف شي وحدة تاني ؟ ليلى: لالا زاين من قصة بنت خالتو مبقا عرف شي وحدة و انا شاكة فيه عاجباه نور علي: او باش عرفتيها ؟ ليلى: ههه راه انا لي والداه . علي: عرفتي زعما الى كان هادشي صحيح نصف المشكل تحل ههه ليلى: هههه وي اما بالنسبة لنور انا غنعرف واش عندها شي حد ولا لا ، وطفي داك الضو خليني نعس .

اصبحنا واصبح الملك لله . فاقت نور كتكسل وتمرمد فوق السرير ، ملقاتش ياسر ناضت كتحك عينيها ،كتقلب عليه :ياسر فينك ، اويلي ياك ما كنت كنحلم . خرج من الكوزينة : هههه فقتي انعاسا ، اجي تفطري .مشات باستو وgلست فالطابلة حط ليها كيك و عصير البرتقال وهو كان داير طابلية و كيطيب الغداء . نور : هاي هاي على الحداكة ناس فايقين بكري وكيطيبو الغداء gاع . ياسر: تصحبيني بحالك مفايقا حتال 11:30 فقت مع 8 دوشت وصليت وصوبت الفطور وفطرت و خملت الدار لي كانت حالتها وجيت نصوب الغداء ونتي اسمو الاميرة ياله فايقا ، تعلمي شوية المسؤولية واخا عشتي بوحدك باقا معيكيزة نتي غنخدم معاك غير العصا عاوتاني . نور: واصافي اخويا واش نgير على الصباح ، راني كنحداg غير وقت الضرورة ياسر : الله يصبرني معاك ، اه راه عيطات ليك رميساء ولقاتك ناعسة وعرضت عليها تجي عندك العشية .نور: امم واخا ، غتمشي عند ماما فالعشية؟ ياسر: اه توحشتهم بغيت نطل عليهم شوية راه الواليدة معارفانيش جيت . نور: اه مزيان مكرهتش تانا كون نقدر نمشي معاك ياسر: *دار عندها* نور هضرنا البارح . نور: عارفة عارفة غكنضحك معاك اصلا غتجي عندي ديك العوجا خصني نكون فالدار. ياسر: اه شفت علاقتك برميساء طورات دغية بتي عندها وجبتيها للدار واحد المرة قالتها ليا فالتيلي ونتي عمرك درتيها مع شي حد من غير جينيونغ كيفاش زعما ههه. نور: معرفتش ديك البنت بريئة وحنينة عزات عليا من النهار اللول لي شفتها فيه وحتا هي صدقت بحالي معندهاش الصحاب وقبلت صداقتها. ياسر: ممم مزيان منين تصاحبتي مع بنت اما جينيونغ راكم كيف العافية والمازوت . نور: ههه لا جينيونغ واخا كيجهلني مي راه عزيز ويلا حتاجيتو كانلقاه ياسر: اه بالصح جينيونغ يعال عليه ، مهم اجي نوريك اش جبت ليك .نور: *غوتات* yeeeees لكادوات .ياسر: الصعر ، مال موك صمكتيني الويلة. نور: هههه زيد وريني دغية، مشاو البيت جبد ليها فليز وحلها وحلات نور معاها فومها ياسر : هاكي جبت شي حوايج مضوبلين فاش عودتي على صاحبتك عطيهم ليها . هاكي هادو ماسكات نوعتهم ليك كيستعملوهم البنات تما بزاف ونيت تهلاي فراسك شوية عالله اهزك عليا شي واحد نور: ياااسر .ياسر: هههه واخا واخا هاكي هادا makeup وهد الكيس فيه السقاطا عارفك مهاوشا و جبت لك شي بيجامات وحوايج راه فالساك لاخر حتا نجبدو و نعطيهم ليك وهادشي ديال الوليدة وخونا . قاطعهم صوت الجرس نور: شكون غيكون جا دابا ياسر: سيري شوفي مشات نور حلاتو: السلامة ياربي مالنا اختي على هاد الدقان راه قالك ياسر حتال ورا الظهر وجي رميساء: ههه لمك من الصباح وانا نعيط حتا جاوبني خوك مالك كنتي ناعسا ولا عابرا للضفة التانية . نور: زيدي زيدي مصبحا على النgير لي بداه لاخر كمليه نتي .ياسر: مرحبا رميساء شفتي بعدا ماشي غير انا لي كنتشكا منها . رميساء: ههه واييه مي متخافش غنعاونك عليها . بداو يضحكو ويفرنسو مع بعضياتهم نور: اااااا الناس شتكم شادين فيا سير شوف غداك دابا يتحرق ونتي اجي معيا نوريك شي حاجا . جراتها للبيت و حطات داكشي لي جاب ليها ياسر فوق السرير و تربعات فوقو : شوفي اش جاب لينا خويا هههه كولشي ضوبلو لي جابو ليا جابو ليك . جبدات نور واحد الخنشة ديال الشيبس وgلست تغزز ههه رميساء: وااااااو ميمكنش واخا مكيعرفنيش تفكرني . نور: ههههههه مكايعرفكش نوضي ابنتي انا من نهار تلاقيتك وانا كنعاود ليك عليه وعاد داك المسرفق ديال جينيونغ فينما نعرف شي حد اولا ندير شي حاجة كيسيفط لخويا تقرير عايقا بيهم غير مكنبينش هههه مهم الكاميرة شاداك حتا نتي . رميساء: *كتاكل معاها* هههه مكاينش فين تفنفني خليني بعدا نشوف هادشي . حلو لاتروسات ديال الميكاب نور: اويلي شوف ولد الحرام جايب الوان طبيعية و مكتر غير الكريمات اويلي فين العكورا الحمرين و القهويين رميساء: ههههه مالك بالعكس دوقو زوين اش بغيتيه يجيب ليك الوان اراك من بعيد هادشي مناسب للسن ديالنا ودخل عليهم ياسر هاز ساك : سمعتي الناس لي بعقلهم ، باغا ديري ماكياج الشيخات ، رميساء ياكما كانت كديرو فاش مكنتش تكدبي نخلطك نتي وياها . رميساء: ههههه لا لا من غير الكحل لي كادير ديما ياسر: ايوا المهم ها الباقية *جبد بينوارات غوز سخان* هادو راه سخان للدار راه بدا يبرد الحال رميساء : اووو رطبيين وسخان شكرا بزاف كنت محتاجاه نور: ومالقيتي غير الغوز . ياسر: امالك غتبقاي تلبسي غير الكحل بحال ملك الموت ، مهم هاكو مزال *جبد لبسات منوعين وسراول وبيجامات وفرقهم عليهم * رميساء: دوقك واعر هادشي ستيلي نيت ، كتفهم دوق العيالات منتسالكش ياسر: *فرحان حيت مدحاتو* مزيان منين عجبوك . نور: اوووو خويا جبتي داكشي لي بغيت والواني المفضلة . ياسر: عارفك الى مجبتش ليك ستيلك مغتلبسيهمش مهم بقات غير هاد البيجامة شفتها عجبتني غتجيكم كيووت هههه *جبد2 بيجامات بحال ديال الدراري الصغار

فالغوز والابيض القب فيه ودنين وشكل ديال قنية والتحت فيه ذيل * نور: اويلي اش هادشي هههههه حماقيتي انا غنلبس هادشي رميساء : هههه مالكي عجباتني so cuute *ناضت كتحطها عليها قدام المراية و ياسر كيشوف فيها ويضحك* نور: نتي لمك غير زميه . ياسر: هههه بصحتكم .وخرج وسد عليهم ، نور: هاكي هاد الصاك جمعي فيه هادشي ديالك حتا تبغي تمشي ودي معاك هاد العجب حتا هو انا مغانلبسهاش حشومة فحقي . رميساء: ههههههه مالكي بالعكس هادشي كولو زوين . نور :*دارت تاخد الشيبس ديالها ولقات jackson داير شرع ايدو*سير فحالك كولشي كاتاكلو ماعرفتك كلب ولا حلوف . رميساء:* كتطوي وتخشي فالساك* هههه سبحان الله شبهك .نور: *متكية وكتخشي فوجها * ياك لمك ،*شيرات عليها بوسادة وشعلات tv * وجات رميساء تخشات حداها كتاكل معاها. بقاو البنات يتحتو يضحكو وجا عيط ليهم ياسر باش يتغداو . نور: اوو الحوت توحشت طيابك اخويا رميساء اليوم غدوقي احسن حوت فحياتك رميساء: ممم باينا غمن الريحة ياسر : ياله جلسو باسم الله رميساء: ممم الله يعطيك الصحة هادشي لذيذ ياسر: ههه شكرا بصحتكم نور غير كتخشي فوجها مامسالياش ههه سالاو . ياسر: ياله نور نوضي غسلي الماعن انا غنخرج نجي نلقاها مرونة نعلقك سمعتي نور: واخا واخا . ياسر:*هز ساك وسوارت الوطو* رميساء بسلامة عاودي هاد المجية رميساء: ان شاء الله نور: هههههه كتعرض عليها . رميساء كتنغز فيها باش تسكت . ياسر : هههه ديرو عقلكم .وخرج رميساء: ويلي لمك حشمتيني قدام خوك .نور: هههه نتي كتحشمي زيدي قدامي للكوزينة دوزو البنات العشية فالدار وياسر مشا عند الام ديالو . سمية (الام) : توحشتك اولدي امتا جيتي واش باقي معييتي من الغربة .ياسر : صافي الواليدة رجعت فخطرة هاد المرة .سمية: *معنقاه* الحمد لله منين رجعتي . دخل محمد (زوج سمية ) ومعاه ولدو عصام محمد: اهلا اهلا ياسر على السلامة * عنقو* ياسر الله اسلمك كيدايرين لاياس عليكم محمد: هانتا كاتشوف حامدين الله وشاكرينو ياسر: اجي عنقني اداك بوراص متوحشتينيش عصام: ههه لا توحشتك*عنقو * ياسر: سير حل داك الساك وشوف اش جبت لك . محمد: ايوا شنو احوالك اولدي واحد نور الهدى شحال مشفتها كيف دايرا. سمية:*مرتابكة* انا غنعمر لكم اتاي ياسر:*متبعها بعينو* لاباس عليها اعمي باقي مضارب غير مع زبايلها محمد: هههه هي هكاك من صغرها تهلا فيها مسكينة راه معندها غير نتا . ياسر : عارف اعمي. محمد: *تنهد* اما مك اولدي مابقاتش عاجباني هاد الايام. ياسر: مالها ياك لاباس . محمد: هاد الايام غير شادا تصاوركم وكتبقا غير تشوف وتخمم وكنحصلها كتبكي ومكتبغيش تبين ليا ،خاصة تصاور نور قطعات ليا قلبي شحال من مرة قلت ليها نمشيو عندها يصلحو الامر بيناتهم ولكن كترفض معرفتش لاش كتعدب راسها هكا . ياسر: يمكن نندمات نخليو ليها شوية الوقت حتا تجمع شجاعتها بلا منضغطو عليها محمد: عندك الحق اولدي .جات سمية حطات اتاي وكملو العشية فالضحك وعطاهم كادواتهم وجا وقت يمشي : الوليدة خلي عصام يمشي معايا واحد 3 ايام انا مخدامش هاد السيمانة و غنبقا نديه ونجيبو من المدرسة سمية: *سكتات شوية* واخا الى بغا باه . محمد و ياسر تفاجؤو : اه غير ديه راه غير مع خوتو .جمعات سمية حوايجو وعطاتهم ليه ياسر: ياله اعصام ، ياله بسلامة عليكم. مشات معاهم لباب : واش ...واش ختك لاباس عليها ياسر: *مبتسم* لاباس عليها و كتسنا النهار لي تعنقيها فيه . سمية: تهالا فيها ومتقولش ليها سولت فيها باش متعطيهاش امال كاذبة ياسر: واخا الوليدة تهلاي فراسك . وركب هو وعصام فلوطو ورجعو للدار وصلو حل الباب لقا رميساء باقا وجالسين كيتفرجو يااسر:سلام البنات . البنات : وعليكم السلام .ياسر: نور جبت واحدالضيف معايا نور: *وقفت* شكون ياسر: اجي دخل . دخل عصام حشمان .نور والدموع فعينيها مشات عندو : سلام عصام عرفتيني انا شكون . عصام: اه نتي ختي الكبيرة نور الهدى نور: ههه قالها ليك ياسر؟ عصام: لا ماما ديما كتعاود ليا عليك وكتوريني تصاورك وعقلت عليك منين تلاقينا فالبارك ديك المرة .دارت نور عند ياسر متفاجئة والدموع فعينيها وابتاسم ليها ياسر ودارت عند عصام : ومغتعنقش ختك الكبيرة نتا ولا شنو *عنقها وكيضحك* هي عجبها الحال حيت كتشم فيه ريحة مها وكتبكي بصوت مسموع وعصام شد فوجها ومسح ليها دموعها وقال: نتي زوينة ولكن كتباني خايبة الى بكيتي . رميساء اثر فيها هاد المنظر وبدات تبكي معاهم نور: هههه صافي مغانبقاش نبكي . ياسر: اجي ا عصام تبدل حوايجك مشاو وناضت نور عند رميساء وعنقاتها كتبكي فحضننها ورميساء غمزايدا كتبكي معاها : واصافي الويلة بكيتيني معاك gاع و بقاو يتباكاو حتا جا يياسر : مالكم قلبتوها مندبة هنايا انا جبتو ليك تفرحي ولا تبقاي تبكي ليا *عنقها كيدوز على شعرها وكيشوف فرميساء لي ولات حمرة حتا هي بالبكا * وقال وهو مبتاسم : شوفي بكيتي رميساء حتا هي .

رميساء حشمات وحدرات راسها . نور:ئتلقات من خوها ومسحات وجها* صافي منبقاش نبكي رميساء: مشا الحال دابا 9 هادي انا غنمشي *باست نور فحنكها* متبقايش تبكي نتلاقاو غدا فلافاك . نور : واخا احبيبة تصبحي على خير ياسر : تسناي انا غنوصلك . رميساء : بلا منعدبك غنشد تاكسي .ياسر : *هز السوارت *مكاين حتا عداب . ودعات نور وخرجو . مشات نور عند عصام لقاتو مضارب مع حوايجو لبساتو وهما كيضحكو مع بعضهم : ياله نطيبو العشاء ببيما جا ياسر وخاصك تنعس بكري باش تفيق بكري . عصام: واخا اختي نور: *لعبات فشعرو* وينو على البوgوص ديالي كيسمع لختيتو . عند رميساء وياسر فالوطو ياسر كيشوف فيها وكيبتاسم : ههه صدقتي حتا نتي بكايا ، حتا ديك المرة بكيتي معاها . رميساء: ههه دموعي فطرف عيني ،و ديك المسخوطة ديما مبكياني معاها ، كتقطع ليا قلبي ببكاهاو مكنقدرش نحبسها حتا انا . ياسر: ههه هادشي كيعني بلي قلبك ابيض ، انا فرحان للنور ملي لقات صديقة بحالك عمرها فتحات قلبها لشي حد من غيرك.رميساء: بالعكس انا لي محظوظة بيها ياسر: ههه واش هنا هادي هي فيلا ديالكم رميساء: وي دخل نعرفك على العائلة ياسر: مرة اخرى ان شاء الله . رميساء : شكرا على كولشي ياسر: سيري دخلي من الهضرة ههه . خلاها حتا دخلت ومشا .دخلت لقاتهم مجموعين على العشاء : السلام عليكم . الكل: وعليكم السلام . زاين فين هاد التعطيلة نتي رميساء : جات جلست معاهم كنت عند نور وصلني خوها و جاب لينا انا ونور عرام ديال الكادوات وبحال بحال حتا نوريهم ليك اماما ليلى: بصحتك ابنتي اجي مال عينيك منفوخين كنتي كتبكي ؟ زاين : ياكما تخاصمتو تاني . رميساء: لا نور لي كانت كتبكي و مصبرتش ليها تاني هههه .زاين : علاش مالها ؟ رميساء: ههه والو كانت فرحانة بخوها الصغير (وعاودات ليهم كولشي) وزاين تفكر النهار لي تبعها للبارك . رانية: مسكينة هاد البنت الله يجمع شملهم ألكل : امين. سيف: غتكونو بديتو تنوحو ليه ب2 تما . زاين: داروها حتا فالخرجة ديال البارح . علي : وصافي غتبقاو شادين ليا فبنتي ههه شبهات مها تاهي حنينة ودموعها فراس عينيها . سيف: احم احم . علي: مال والديك نتا مغديرش عقلك قدك راه بولادهم سيف: هههه هي الى ضبرتو ليا فشي عروسة .علي : والله اوليدي حتا نديرها ليك قد فمك سيف: ههه غاضاحكين او . زاين: واش يسحابليك معارفينش قصتك مع ... *ياله بغا يكملها وهو يسد ليه فومو * سيف :*بتوتر* ههههه مديوش عليه الكل كيضحك عليه علي: هههه انا عارف كولشي غير تلق منو .سيف : كيفاش عرفتي . علي : ههه تاحاجة مكتخفا عليا ،مهم ناوي شي معقول ولا كتفلى *وهو كياكل* سيف:*جمع شجاعتو وطلقها* اه و باغي نخطبها . ليلى: ومالك تعطلتي حتا قولتيها حنا عارفينك على علاقة بيها هادي عامين سيف: وايلي كنتو عارفين ؟ زاين: هههه هادي فلتات ليك علي: انا عارفك كنتي متردد تسنيتك تجبد الموضوع و والو سيف: الصراحة خفتك متقبلش حيت هي غير سكيرتيرة فالشركة . علي: بالعكس ديك البنت خدمات معايا 6 سنين خدمتها متقونة ومحتارمة وداخلة سوق راسها ، وانا عمري كنديها فالمظاهير سمعتي المهم البنت بنت الناس وكنعرف باها شوف ايمتا يناسبكم وغنخطبوها ليك ناض سيف باس ليه راسو وشكرو ومشا كيجري يعيط ليها (الفرحة بكاتو مسكين هههه) علي: ايوا ونتا اسيهم زاين ...

علي: ايوا ونتا اسيهم زاين؟ زاين: *هز راسو متوتر* نعم الواليد ؟ علي: زعما ماحاط عينيك على تاوحدة غير gر . زاين:(زين وجهو مقزدر كيحتارم باه ولكن مكيحشمش) بصراحة الوليد كاينا ولكن باقي الحال شوية. علي: *شاف فليلى وابتاسم* ههه واخا ماشي مشكل رميساء: ياك اخويا كتخبي عليا، شكون هاد تعيسة الحظ . زاين:*فنفسو:صاحبتك* ونتي مالك علاش كتخشي نيفك. رميساء: اوكاي غنعرف بطريقتي .زاين:ههه ماعندك منين تعرفي خلي راسك يضرك . كملو العائلة عشاهم فهاد الجو ومن بعد كلها مشا لبيتو . كان زاين متكي على سريرو كيخمم ودخلات عندو ليلى وجلست حداه وهو حط راسو على رجليها زاين: الواليدة ههه عرفتك غتجي عندي باش تسولي شكون هي .ليلى: هههه ايوا شنو انا منبغي تاواحد من ولادي ميخبي عليا شي حاجة ، واصلا بغيت نعرف شكون لي دات قلب ولدي الصغير (هي عارفا ولكن بغات تأكد) زاين: غنقول ليك ولكن متقولي لتاحد خاصة رميساء . ليلى: متخافش غير قول . زاين : نور الهدى صاحبة رميساء .ليلى: هههه كنت عارفة ، شنو لي كيعجبك فيها لي كنعرف نتا مكيعجبكش العجب وبنيتة صغيرة بحالها خلاتك غكدور وتفرنس كيفاش هادشي ؟ ههه .زاين:ههه باينة فيا لهاد الدراجة ؟مهم هي واخا صغيرة ولكن ماشي مصطنعة بحال البنات لي كانعرف كلهم كيبقاو يتحلونو ويصطانعو الانوثة قدامي وانا مكنحملش هكاك ولكن نور حاجة اخرى ،عفوية وكتصرف على طبيعتها موهوبة وشخصيتها قوية وفوق هادشي زوينة .ليلى:هههه عندك الصح كتدخل الخاطرو حتا ختك مفاهمة معاها. زاين:ههه اه بالصح. ليلى:ياله تصبح على خير.زاين: تصبحي على خير.زاين نعس وهي مشات لبيتها :علي صافي كيفما قولت ليك ولدك عاجباه نور والى كان الدرية حتا هي غتكون تهنيتي من التقليد لي متقل عليك .علي: ههه دغيا جبتي الخبار مهم دابا خاصك تشوفي نور حتا هي اما عائلتها راه عرفت فين ساكنة مها من بعد غنعرض عليهم كاملين ونفرgعو هاد الرمانة .ليلى: ام شاء الله ....عند نور وياسر تعشاو كاملين و كلها مشا لبلاصتو عصام نعس مع نور فبيتها .نور: ياله لبطل نعس باش تقدر تفيق بكري .عصام: هههههه نور: ههه علاش كتضحك العفريت. عصام: حيت انا فرحان عندي ختي الكبيرة نور: *عنقاتو *تأنا فرحانة عندي خويا صغير . عصام:ديما داك أشرف كيقولينا عندو ختو كتشري ليه لي بغا و كتخرجو لماكدونالد وكتجي عندو للمدرسة وانا كقول ليه تأنا عندي ولكن مساكناش معايا وكيبقاو ايقولو ليا كداب . نور: صافي غدا غنجي عندك للمدرسة و وريني هاد اشرف نجبد ليه وديناتو ، اه فكرتيني *مشات جبدات ليه كرطونة عامرة بالالعاب* هادو كنت كنشريهم ومكنعرفش كيفاش نعطيهم ليك عصام: وااو هادشي كولو ديالي ؟ نور: ههه اه ديالك .*نقز عنقها* شكرا بزااف ياسر: *من البيت لاخر* واش مغتنعسوش هادوك الجوج . نور وعصام تخشاو تحت الغطا كيضحكو. *** اصبحنا واصبح الملك لله ياسر دخل عندهم للبيت لقاهم مشتتين وسط السرير بدا يضحك عليهم: ياله نوضو اتريكة النعاسة شفتو السهير اش كيدير .ناضو كيحكو فعينيهم وتشتتو كل واحد مشا دار روتينو الصباحي فطرو وخرجو يوصلهم ياسر. حطو عصام حدا مدراستو وعاد وصل نور لافاك : ياله تلاح .ياسر: اجي لمك هنا بعدا واش نتي بنت ولا عزري ، معاش خارجة نجي ليك .نور: مع 11 ياسر واخا تسنايني غنجي ليك .نور : اوكاي ياسر: اه بلاتي*طلات عليه من جاجة * نور: اشنو تاني . ياسر: راني هضرت مع حمزة مبقيتيش غتخدمي صافي انا كاين دابا . نور:اويلي انا باقا باغا نخدم تما ياسر: صافي هضرت سيري دابا. ياله غتجاوبو وهو يعفط خلاها بلاكة .نور:*كتغوت وتخبط برجليها* ياااااسر وهو كيشوفها من المراية وكيضحك .وقفو عليها زاين و رميساء بالوطو رميساء: هههه مالكي حامياها على الصباح .نور: داك البغل ديال خويا خرجني من الخدمة وبلا ميقولها ليا زاين: وراه عندو الحق هو كاين دابا معاك الخدمة معندك مديري بيها . نور: بان ليا نتوما الخوت كتفكرو بنفس الطريقة داكشي علاش مغندخلش معاك فهاد النقاش .زاين:خنزر فيها . رميساء:*تداركات الوضع* ياله انور ندخلو *وجراتها* .دخل زاين الوطو ديالو وبقا متبعهم من المراية ياله بغا يكسيري وهو يوقف بقا كيشوف من المراية حيت نور ورميساء حتا كانو داخلين ورجعات نور عند شي مجموعة ديال الدراري وكانت بحايلا كتعاير و الدراري كيضحكو ورميساء كتجر فيها . بقا زاين كيتأكد واش كاين شي مشكل حتا بانت ليه نور عطات واحد فيهم للمنطقة الحساسة وطاح قدامها وهو يخرج ليهم كيجري : اش واقع هنايا . رميساء ونور بداو يتفتفو . رميساء: و و والو غير هاد الحيوانات تبسلو علينا . وهو يشنق زاين على لي طاح ولوخرين علقو . زاين: مال الحمار تاع بوك نتا على الصباح ساخن عليك راسك ولاكيفاش . الباسل: غضحكنا معاهم وهما فهمو غالط. نور:فهمناك غالط واش باقي زايد فيه لمك معوجاتكش ديك الدقا لي خديتي زاين:*خرج عينو فنور * سكتي نتي انا لي كنهض

نور ضربات الطم رميساء: خويا راه غير كيكدب اصلا ماشي اول مرة كيتعرضو لينا زاين:*جمع معاه ببونية حتا لاحو للارض* باقي نشوف مك كتحوم عليهم نديك فين تربا سمعتي *ناض الباسل ومشا زاين:*كيخاصم* ياك كنقول ليكم بعدو من المشاكيل . نور: حنا غير دافعنا على راسنا . زاين:شفت هاديك الجبدة لي درتي ليه ،شي نهار طيحي فشي مقطوع يغبر لك الشقف لي لاح الهضرة طنشيه ومتهضريش معاه وايلا طحتو فشي موقف عيطو ليا متصرفوش من عندكم سمعتو ؟ نور ورميساء حادرين ريوسهم : واخا زاين :ياله دخلو مشاو البنات كيتناgرو وهو ركب مشا لخدمتو سالاو البنات المحاضرة وخرجو كيتسناو لي يديهم وقف ياسر بالوطو وخرج عندهم :سلام فتيات . هما: سلام ياسر: رميساء لاباس ؟ رميساء: حمد الله ونتا ياسر: حمد الله . نور: وانا متسولش فيا .ياسر : نتي زيدي قدامي لانتعطلو على خوك ، رميساء ركبي نوصلوك معانا رميساء: لا ها الشيفور جا ميرسي نور: ياله تشاو نتلاقاو فلاصال فالعشية رميساء: اوكاي باي. ركبو كلها مشا فطريقو مشاو نور وياسر للعند عصام ورجعو للدار تغداو و العشية عيطات رميساء للنور تجي عندها نور: مالك بغيتيني فشي حاجة رميساء: والو راك عارفة القنطة والدار مكاين تاحد. نور: ياله نخرجو لشي بلاصة بيما وصلات وقيتة لاصال . رميساء: واخا نبدل عليا ونمشيو .نور: اوك . تسرحات نور فوق السرير كتجاوب المساجات لي مكيساليوش . لبسات رميساء ودارت ماكياج خفيف عبارة عن ايلاينر و عكر غوز بارد :ترا انا لبست نور:* دارت عندها* هاهاهاها لمك لبستي بحالي .(لابسين لي فالصورة) رميساء: هههه خوك عندو الدوق سعدات خطيبتو بيه والله نور: هاهاها خطيبتو؟!! فيناهي .رميساء:وايلي داك الزين كولو معندو حتا شي بنت فحياتو ميمكنش .نور: لا كانو ولكن كلهم هربتهم هههه.رميساء:اويلي على المسخوطة وعلاش هههه.نور: معجبونيش غير التبعكيك والعياقة وانا اصلا مبغيت تاوحدة تشركني فحبيبي . رميساء: ههه ولكن ضروري غيجي شي نهار يبغي يدير دارو وميمكنش تبقاي تعارضي ليه .نور: اه b1sur ولكن انا لي نختارها ليه .وياله نوضي نمشيو . رميساء: زيدي قدامي نتي عالاااام هههه .ركبو تاكسي ومشاو كيتسركلو فالمدينة يدخلو البوتيكات ويقيسو ويحيدو من بوتيك لاخور، غادين فالشارع معانقات ونور غير كتهضر ورميساء فمها مشرg بالضحك وفينما كان شي تيتيز عواج عنقو معاهم وهما ممسوقينش للبشار عايشين الحياة .رميساء:ههههه صافي لمك حبسي هادشي كولو دايراه اويلي انا مراهاقتي دازت غير فالدار ناري علاش ماتلاقيتش معاك من شحال هادي .نور:هههه حتا دابا باقي الحال غنديك لبلايص عمرك شفتيهم وغنجربو بزاف ديال الحوايج والاهم غنديرو بزاف ديال الزبايل ههه.رميساء: ههه ناري نتي كتقلبي على دوك 2 يهرسو لينا رجلينا .نور: ملكي خوافا بان ليك شي واحد منهم هنايا خلينا نعيشو شبابنا ابنيتي هادوك راه ضحكو ونشطو ودوزو وقتهم وحنا يحرموها علينا .رميساء: ولكن هما راه دراري حنا راه غير دريات نطيحو فشي مصيبة اش جا مفكنا منها .رميساء: حنا غنلعبو ولكن فحدود بطبيعة الحال وعاد متخافيش معك راجل لي قرب ليك نمحيه.رميساء:يخلي ليا راجلي لعزيز .نور: ياله امراتي الحبيبة نشربو شي حاجة راه شحفت . رميساء : ياله ندخلو لهاد الكافي. دخلو البنات وجلسو فالطابلة لاسقة فالجاجة لي كتطل على الشارع وخداو عصيرات .رميساء:كتبقشش فالتيلي نور: اش كديري تما رميساء: اجي نديرو شي لايف فالفايس نفقسو العديان .نور:ههه اوك وطاgيني باش يطلع عندي . رميساء: هاهو قربي باش تباني . بداو البنات يهضرو مع les amis ويضحكو والتعاليق كتار كيقراو ويجاوبو والعنابة حتا هما خدامين ههه . طلعات notification عند زاين وياسر بانو ليهم ودخلو يحصلوهم وبداو يتفرجو ويقراو التعاليق ويتحلفو. وعلق جينيونغ : هاي هاي عيالاتي خارجين بلا خباري فينكم انا جاي . نور: مك gالاك عيالاتك حنا دايرين خرجة ديال البنات ممنوع الذكور . رميساء: شفتي المديرة قالت لا هي لا جينيونغ: ياك قلبتي وجهك ارميساء ونتي انور هاهي لابقات فك. نور: هههه شوفي ارميساء كيتحلف علينا . رميساء: ههههه نور: الناس لي معايا فلاصال غنولي نجي لاصال بكري مع ديك 5 العشية وبداو كولشي كيقول اوكي و مزيان . وكومونطا ياسر : هاي هاي محيحات ليا مع راسكم غبلاتي لمك حتا ترجعي معامن تشاورتي حتا خارجا تسركلي رميساء:ههه نور كيتحلف عليك خوك المسخوطة نور:*كتنغزها* سكتي شوهتينا قدام البشار .وكومونطا زاين: على نتي مطفراه لي كتضحكي عليها وبدات نور كتضحك عليها ورميساء قطعات لايف : ويلي ويلي لمك قودناها إيكونو قراو دوك الكومونطيرات تشوهنا معا خوتنا نور: مالكي راه كنت كنقمعهم ,وزايدون هما لي كومونطاو حنا ما قلنا والو .رميساء: ايوا الحبيبة فهمي هادشي للزاين .نور: زاين؟ بينك وبين خوك مالي انا *ودارت كتشرب عصيرها وكتشوف فالجاج* رميساء: ههههه ومالك بديتي ترعدي

فين ديك العياقة ديال قبايلة .

نور: شكون قالك انا خايفة ، صافي يقول ليك شي حاجة قولي ليه نور .رميساء: هههه والله حتا نديرها على قد فمك، مهم الشركة ديال ماما قريبة من هنا وباقي الحال ياله نطلو عليها.***** عند زاين بعدما سالاو الايف وقطعو: ههههه البرهوشات يخافو ميحشمو *كيقرا الكومونطيرات* فين ما كان شي عنيبة جمعاتو عندها نديرو طلة على البروفيل . *ورك فسميتها وطلع ليه مشا نيشان للتصاورها ها لي مع ياسر ها لي مع جينيونغ وها لي مع الصحاب لي فلاصال وتصاور وفيديووات مع جاكسون وgاع التصاور واصلين ل300 like * هاي هاي محيحا لي الدريا *بقا كيطلع ويتفقص ويتحلف وصل لواحد الستاتي مبارطاجيا شي فيديووات ديال الرقص ورك فيه وداز لليوتيب الفيديو كان فيه نور كاترقص وو راها المتدربين غاديين معاها بنفس الريتم مرة مع البنات مرة مع الدراري بقا كيتفرج متبع حركاتها لي كتبين مدى حبها واتقانها للهاد الموهبة و تسحر بدوك الضحكات لي كتدير وسط رقصها نسا الخدمة وبقا من فيديو لاخر و صل لواحد الفيديو كانت دارت رقصة ثنائية رومانسية مع جينيونغ كانت كضور عليه و كيحط ايدو على خصرها وكيتمايلو بنفس الحركات وكيضحكو لبعضياتهم مهم عايشين الدور *زاين:*ضرب ايدو مع الطبلة* وها ليمابغيناااش ، ولكن غبلاتي نديرك تحت ايدي ونوريك هاد اللبس وهاد الضسارة لي محيحا بيها .

عند نور و رميساء وقفو قدام مبنى عالي وكبير كولو شراجم الجاج : هاحنا وصلنا . نور: وااو هادشي كولو ديال ماماك . رميساء:وي هه ياله ندخلو .وقفو قدام الاسانسير . نور: اف واش ضروري نطلعو فيه رميساء: وي المكتب ديال ماما راه فاخر ايتاج مغنوصلو تال غدا فهاد الوقيتة . نور: اف واخا . تحل الاسانسير وطلعو . نور شادا فرميساء و مغمضة عينيها ورميساء كتضحك عليها : هههه متتقوليش ليا كتخافي من اسانسير . نور: عندي فوبيا من الاماكن المغلقة و العلو *وهزات راسها شافت الفوق* ودابا الى وقف بينا هنا وخرجو لينا دوك ليما كيتسماوش والله حتا نكرم ليك هنا رميساء: هههههههه نتي حماقيتي واقيلا نقصي دوك الافلام راه الخيال عندك ماشي غير واسع راه مفرع . نور: ومالك راه كاينين . رميساء: *تحل الباب* زيدي قدامي من الهضرة .بقاو غاديين شحال حتا وصلو لمكتب سيكيرتيرا وناضت رحبات برميساء: ماما كاينا بوحدها الكاتبة: وي الزين انا نقول ليها جيتي رميساء :غير خليك احبيبا انا ندخل عندها . مشاو عند الباب حسبو حتال 3 وحلو الباب وغوتو : احنا جينا. وليلى مسكينة قفزات حتا لاحت وراقها : الله يعطيكم السم الحلوفات طيرتوها مني . بقاو البنات كيضحكو وتبعاتهم حتا هي كتضحك على راسها نور : سمحيلينا اخالتي غير ضحكنا معاك . ناضت عنقات رميساء كانت حداها : ههه العفريات مفاجئة زوينة هادي ،*وعنقات نور حتاهي* اجيو جلسو ايوا فين كنتو دايعات رميساء: كنا كنضورو وصافي درنا شوية الشوبينغ . ليلى: *شافت فيهم* ههه كتبانو بحال التوينز بهاد اللباس كتحمقو ماشاء الله عليكم رميساء: *ناضت جلست فالفوطوي حداها وعنقاتها* يخلي ليا ماما الحبيبة ديالي حتا نتي كتحمقي *وباستها فحنكها* نور هزات كاس العصير لي ياله جابوه و حنات راسها كتشربو بدون نعبير فوجها.لاحظو رميساء وليلى بلي فكروها فجرحها تقلقات رميساء على قبلها وناضت ليلى حداها وشدات ايدها تحت نظرات نور المستغربة ليلى: حبيبة انا عارفاك باش كتحسي صعيب بزاف تعيشي بلا ام حتا انا ماما ماتت فاش كان عندي 17 سنة وكنت باقا محتاجاها عارفا احساس متكونش ماماك بجنبك وني محتاجاها راه ولادي ولاو رجال ومرة مرة كيتوسدو رجليا وينعسو عاد لاعساك بنت وباقا صغيرة، انا عارفة شنو مشكيلك مع ماماك ، وانا متأكدة بلي ماشي لخاطرها انها تبعدك عليها ، حيت حتا شي ام مكاتسخا بكبدتها و طرف منها *كتلمس فوجها وشعرها * وخاصة اميرة غزيولة و صبارة وحنينة بحالك ، ونتي عزيتي عليا من نهار عرفاتك علينا رميساءو رتاحيت من جيهتها و كنعتابرك بنتي بحالك بحالها داكشي علاش بغيتك حتا نتي تعتابريني ماماك و ومن اليوم فصاعدا تعيطي ليا ماما وفينما تحتاجي صدر حنين انا موجودة على قبلك احبيبة *شافت نور فرميساء وابتاسمو لبعضهم* صافي تافقنا ؟ نور:*ودموع فعينيها* صافي تافقنا اخالتي....بغيت نقول ماما .ليلى: *عنقاتها وحطات راسها على صدرها وجات رميساء تخشات فيهم حتاهي وبدات كتبكي * هههه يخلي ليا البكايات ديالي، كان حلمي نولد التوام هاربي جاب ليا بنت اخرى ، من اليوم غنولي نلبسكم بحال بحال ههه. نور:ههه بشرط غير انا الكحل ورميساء الغوز بقاو ليلى وبناتها كيتعاودو وكيضكو ليلى: *كتشوف فيهم ب2 وكتشرب قهوتها* زعما هاد الزاز كولو غير باش ضورو ماكاين والو غير gرو العفريتات . رميساء:نتي عارفا اماما اش كاين داكشي سديت عليه . ليلى :لاواه ابنتي نتي مازال صغيرة احبيبة وربي غيلاقيك لي يعرف قيمتك ويديرك فعينيه.رميساء:زعما اماما.ليلى: *شدت فايدها* بالطبع ابنتي ماشي كلشي بحال بحال، *شافت فنور وبغات تجر ليها لسانها* ايوا ونتي العفريتة هه كين شي توت ولاوالو.نور: هههه ولهما خبيت عليك اماما اصلا درت علاقة وحدة فاش كان عندي 15 سنة وكان حصلني خويا وندمني على النهار لي تلاقينا فيه ب2 اصلا كان غير عقل الصغر من داك الوقت تال دابا عمري درت شي علاقة .ليلى: *فرحات*مزيان انا متأكدة غتلاقاو لي يعرفو بقيمتكم و تكملو معاهم حياتكم حيت بناتي مكيستاهلو غير الخير. نور ورميساء: ان شاء الله هه. حتا شافت نور الساعة: رميساء خاصنا نمشيو راه غنتعطلو على لاصال وانا مواعداهم نجيو بكري . رميساء: اه نسيت راسي. ليلى: صافي غتمشيو ردو بالكم فالطريق وديرو عقلكم . باسوها البنات وخرجو . غاديين فالطريق و نور كتخمم . رميساء ردات البال ودارت ايدها على كتف نور : مال الزين ساهي . نور: غير فهادشي لي قالت ماماك زعما نتي محظوظة بزاف معمري شفت ما احن و الطف منها ، تمنيت كن هاد الهضرة لي سمعتها تكون من ماما . رميساء: صافي احبيبة نساي دابا ربي مغايدير غير لي فيه الخير وماما هي ماماك كيفما قالت والا مقداتكش ماما تاأنا نولي ماماك غير بقاي ليا على خاطرك. نور:ههه مالقيت شكون تكون ماما غير نتي البرهوشة *وهربات* رميساء: *تبعاتها* البرهوشة هي طاطاك البغلة بلاتي نشدك . بقاو كيتجاراو ويضحكو

حتا وصلو لدار نور باش يبدلو ودخلو لقاو ياسر جالس هو عصام كياكلو ويتفرجو وحداهم جاكسون . نور ورميساء: سلام .ياسر:جيتو الدايعات مgلتيش ليا نتي راك خارجا، ناس محيحين فالفايس قريت gاع دوك الكومنتات والله ونحصل مك دايراها ورا ظهري حتا نفرشخ مك *وتم غادي لبيتو ورجع كيهضر ويشوف فرميساء* قريت التعليقات لي عليك حتا نتي راه والله نحصلكم حتا نشرككم ب2 ها ودني منكم . ومشا نور بدات كتعير وتدعي فيه تحت نيفها ضارت عند رميساء ولقاتها كتبسم وساهيا .نور: والعام الجاي لاش كتفرنسي ولد الحرام كيتحلف علينا بحايلا ماعرت اش دايرين . رميساء: مالك اصلا عادي يخاصمو علينا مشفتيش التعناب و الهضرة لي مكتوبة .نور: ايوا اش غنديرو حنا زوينات وفاقصين بنادم *ولاحت شعرها ورا ظهرها* رميساء: ههه عرفتي اكتر حاجة كتعجبني فيك هي التواضع ديالك .نور: ههه عارفة الحبيبة و زيدي نبدلو راه لاصال غتكون عمرت . بدلو البنات ومشاو لاصال دخلو لقاو القاعة عامرا بنات وولاد وكان حتا جينيونغ دايرين بيه البنات كيف العادة رميساء: ههه يالاهي ماهذا ؟ .نور: وايلي هادشي كولو جاي يدرب عندي كيغاندير ليهم هادشي كولو بسباب داك لايف ديال النحس لي درناه قبايلا . رميساء: هههههه. جات عندهم السيكيرتيرا نور: درتي لينا الاشهاروفرتي عليا بزاف ديال الخدمة المدير عاجبو الحال ههه مهم النص فهادشي جاو اليوم وبغاو يتقيدو فالكلاس ديالك واخا كاينين مدربيين اخرين . نور: هههه يافرحتي ويا سعدي جايين على قبلي انا . السيكيرتيرا:ههه واييه مهم سيري القاعة الكبيرة هنا راه صغير . نور : اوك . دخلات عندهم : اهلا بان ليا كاينين وجوه جديدة مرحبا بيكم معايا مهم سبقوني للقاعة 15 انا جايا .كلشي خرج وهي ورميساء وجينيونغ من اللور .جينيونغ: هههه واعليك الطلب الساطة. نور؛ هاي هاي على الساطة ههه فين تعلمتيها الجن .رميساء: اكيد من البنات لي النهار كولو وهما ضايرين بيه *وحلات فومها كتضحك عليه* .جينيونغ: هالي قلنا ها مرتي تانيا ولات كتغير حتا هي ههه. غير سمعاتو قال مرتي وهي نجمع الضحكة وشنقت عليه : والله يامك وباقي تقول هاد الكلمة حتا نوريك ، باغي تهرب عليا رزقي . نور: هههههه شفتي دابا علاش ديما مشابكاها معاه.جينيونغ: متخافوش الى برتو غنتجوج بيكم ب2 .وهرب وخلاهم تابعينو . دخلو للقاعة وطلبت من كلشي يجلس فالارض وهي واقفا عليهم كتهضر: سلام انا نور الهدى المدربة ديالكم نتمنا دوزو وقت ممتع معاياو نكونو قراب بحال العائلة.كلشي صفق ليها ورحبو بيها .نور: مهم حصة اليوم غنبداو بشي حاجة ساهلة للمبتدئين غنرقصها ليكم دابا باش تاخدو فكرة و من بعد نبداو الخطوات .*شيرات للجينيونغ ورميساء ودري اخر قديم معاها وشعلات الموسيقى tinashe-watch me work * وراتهم الرقصة وكانو رميساء وجينيونغ و ادم غاديين معاها بنفس الريتم وسالاو كلشي كيصفق وكيغوتو .نور: دابا كولشي غيوقف و توسعو وديرو الصفوفا باش كولشي يشوفني وتعطيو لبعضياتكم المساحة فين تحركو .دارو داكشي لي قالت ليهم .وبدات كتعلمهم خطوة بخطوة ومتبعا معاهم و كتعطيهم الملاحظات والنصائح ، بقاو هكاك محسوش بالوقت حتا وصلات 8 نور: حصة اليوم انتهت نتلاقاو غدا معا 6 ، الكل سلمو عليها ونصارفو خرجو لبرا ودعهم جينيونغ ومشا رميساء: ياله باتي معايا غدا مقاريين حتال العشية بليز بليز بليز. نور:هاهاهاهاها تصحابيني معايقاش بيك خايفا من خوك هههه رميساء: العار لاما عتقيني الى كنتي معايا مغيخاصمش عليا احمباك.نور:زيدي ياله اصلا غير يقول شي حاجة تصوخري لور وخليه ليا .رميساء: وتي سكتي متبقايش غكتهضري راه زاين هاداك. نور : اشنو نتخاطرو . رميساء: نتخاطرو وعلاياش .نور: *مخرجة عينيها* على تصرفيقا .رميساء: مشات. نور:وزيدي راه برد الحال .وصلو للفيلا ودخلو كانت غير ليلى اما كلشي باقي خارج . ليلى: اهلا البنات جيتو .سلمو عليها رميساء: ماما واش جا زاين . ليلى: وعلاش كتسولي عليه ههه دايرا شي زبلا تاني . رميساء: والله اماما مدرنا شي حاجة غير دخلنا للفايس ودرنا لايف فاش كنا خارجين ودراري كومونطاو ياسر و زاين شافو داكشي وتحلفو علينا ،ياسر دوز حقو و باقي زاين .ليلى: هههه صافي سيرو طلعو دوشو ورتاحو بيما تحط العشاء .طلعو البنات ودخلو للبيت وتلاحو فوق الناموسية . رميساء: اف لمك اليوم سخفتيني . نور: هههه باش تحيدي الشحما رميساء: ههه فينهي الشحما . نور: *ضرباتها للتغمة * هادشي شنو هو . رميساء: اويلي هادكشي راه من مقومات الجمال عند الانثى وناس راه كيخشيو السيليكون باش يوصلو الحجم المناسب هه واصلا مابنت ليك غاديالي مابنش ليك داك الخير لي وراك .نور:* ناضت للمرايا وحيدات التريكو وبقات بالسوتيامات والشورط لي كانت لابسة وبدات كتشوف وراها *اويلي ياكما كبيرة بزاف . رميساء:هههه لا احبيبة هي هاديك. شعلات رميساء الموسيقى وجبدات حوايج ليها و لنور ضارت عندها لقات

كتويركي (كتلوز ههه) قدام المرايا وكتشوف وراها .رميساء: هههههه عاجباك دوزي قدامي ندوشو اولا عرفتي ياله نمشيو للجاكوزي لفوق بلاتي نقول ليهم يوجدوه .مشات ونور كملات التلواز ههه .رجعات رميساء: ههه وباركة عليك دابا يتزعط فيك شي جن ههه .نور: *غسمعاتها وهي تحبس* ذكرنا السمن والعسل الله ينجيني فمك لاحسو كلب . رميساء: ههههه زيدي قدامي وهزي حوايجك معاك باش تلبسيهم تم راه عندنا العزارة ههه. نور: هههه الله يمسخ حسك اويلي فكرتيني خسني نعيط لخويا نعلمو بلي غنبات معاك . رميساء: وطلقينا. نور: *صونات عليه وجاوبها* ياسر: اش هاد التعطيلة نجي ليك ؟ نور: لا بلاش واخا نبات مع رميساء ؟ ياسر:واخا ولكن لبسي مستور راك ماشي فداركم و نقصي القباحة راه عندي نمرة زاين . نور: اويلي لاش كتقولها ليا انا ماشي دريا صغيرة .ياسر: انا غير علمتك ياله تلاحي .وقطع نور: ولد الحرام قطع فوجهي . رميساء: هههههه زيدي زيدي بحالك بحالو تريكة وحدة 

طلعو البنات للجاكوزي ولقالوه واجد، رميساء حيدات كلشي بقات صولو ودخلات ، نور شافت فيها: اويلي شفتك تسفحتي ليا بقاي ب2 بياس لاش حيدتيهم . رميساء:ههه متخافيش مكين لي يدخل عندنا .نور: بقات ب2 بياس ودخلات حداها رميساء:هههه كتحشمي الله ايمسخك . نور: سكتي شوية خليني نتصنت لعضامي . فهاد الاتناء زاين دخل هو وعلي وسيف اما سعد فبيتو مع مرتو . ليلى: اهلا ، كنتو مجموعين .علي: اه كان عندي زاين فالشركة فين رميساء ؟ ليلى: راها الفوق فالبيت مع نور .علي : اه مزيان انا طالع . طلع بعدما طلعو الدراري . كلها مشا لبيتو يبدل حتا كيسمعو غوات البنات الفوق .طلع عندهم زاين كيجري ولقا سيف برا وجهو حمر .زاين: مالكم اش واقع البنات لي لداخل ؟ سيف:اه دخلت عليهم مسحابليش كينين هنا ههه بنات الحرام خلعوني .زاين: كيفاش دخلتي عليهم ياكما كانو ..سيف: لا مشفت والو مالك اش كتسحابني . زاين: صافي زيد قدامي . ليلى وعلي:مالكم اش واقع للبنات ؟ زاين: والو غهبطو *** عند نور ورميساء نور: ويلي ويلي على شوها غيكون شافنا صافي تشوهت نتي مزال ختو ،لمك قلتي ليا مغيدخل حد .رميساء: هههه مالك راك لابسة 2 بياس اه انا لي مسفحا اصلا مخشيين لداخل مغيكون شاف والو هههه شفتي وجهو معرف باش تبلا هههه . نور: هههههههههه نوضي باركا علينا رميساء: ياله لبسو البنات وهبطو لقاوهم تجمعو على العشاء نور حادرا راسها حشمات من سيف ورميساء شادا فايدها وجاراها ليلى: بصحتكم اجيو تعشاو .جلسو حداها تحت انظار الكل .رانيا : البنات واش نتوما لي غوتو قبايلا . رميساء: اه اختي دخل علينا هاد المكلخ للجاكوزي طيرها منا .سيف: هههه غسمحو ليا البنات واللهما درتها بلعاني ومتخافوش راه مشفت والو .هنا نور وحلات ليها وبدات كتمسد ليها ليلى على ضهرها وعطاتها تشرب ليلى : صافي سكت شوف كيف وحلتيها ليها . زاين غير مخنزر معاجبو حال ليلى: نور حبيبة سافا دابا نور: اه اماما مزيان . كلهم هزو عينيهم وشافو فيهم ليلى: هههه مالكوم من اليوم راه ولاو عندي التوام نور ورميساء ههه . علي شاف فليلى وتبسم ليها . سالاو العشاء و تزربعو بقات نور و رميساء و سيف وزاين كيتفرجو ففيلم فالصالة زاين ماكانش بالو مع التلفازة حاضي نور و هي ممسوقاش متكيا على رميساء ومتبعا الفيلم ناض سيف : جاني النعاس تصبحو على خير . الكل : تصبح على خير.شوية تفكر زاين:اجي اجي اجي اش هاديك الروينة دايرين فالفايس ها صافي داكشي ولا بالعلالي مبقيتوش تحشمو ؟ نور ورميساء بداو يترعدو نور : لا راه هما لي كانو كيكومونطيو حنا مدرنا والو و زايدون هاداك الفايس ديال رميساء وهي مولات الفكرة *رميساء قرصاتها :والله لابقات فمك فين ديك العياقة ديال قبايلا اه * نور: وتي غسكتي خلينا نفكو ريوسنا بعدا مكتشوفيش الشر خارج من عينيه ومكاين لي يفكنا *زاين : اش كتبرgمو تما .رميساء: والو اخويا والله ما درنا شي حاجة راك شفتينا كنا كنقمعو فيهم هما لي مكيفهموش زاين: باقي نشوف بحال هادشي غنتفاهم معاكم وناض للكوزينا رميساء: واللهتا عرفتك غتبداي تررعدي قدامو نور: ناري ياختي معارت اش كيوقع ليا قدامو رميساء: ايوا اري داك الحنيك باش نوريك تخاطير احبيبة نور: وهانتي غير بشويا رميساء: gفضات وعطاتها حتا طارت خنونتها ونور شدات حنكها وتلاحت فوق السداري كتبرد فيها ومع التصرفيقة خرج زاين قرب لعند نور وهز ليها وجها ولقاها حمرا وكتضحك .زاين : اش بيناتكم علاش ضربتيها نور: هههه بلا متخاصم عليها راه غير كنا مخاطرين على ..ممممم . رميساء طارت عليها سدات ليها فمها : والو اخويا غير كنضحكو شاف فيهم وقال : لاحول ولا قوة الا بالله انا غنطلع احسن ليا مشا وبداو يضحكو .سلا الفيلم دارت نور عند رميساء لقاتها نعسات قاداتها فالسداري وتفات تيفي ونعسات فالسداري لي حداها مافيها لي يطلع (العجز ومايدير)

صبح الصباح فبيت ليلى و علي :اليوم غنهدر معاهم فالموضوع راني هضرت مع مدام سمية باش تجي تغدا عندنا راه يمكن فراسها لاش بغيتها وبالنسبة للياسر قولي للنور تعرض عليه .ليلى: اوك مغنمشيش للخدمة هاد النهار غنوجد للكولشي الله يدوز هاد النهار بيخير .علي: امين، ياله نهبطو . هبطو لقاو سعد ورانيا و زاين جالسين على الفطور وجلسو حداهم . ليلى: لبنات باقي مافاقو ؟ رانيا: لا باقي ناعسين . ليلى : سعيدة . جات الخداامة : نعام اللالة ليلى : عافاك فيقي البنات . هبط سيف ومشا يقلب على سوارتو لي خلاهم البارح فالصالة دخل ولقا كل وحدة مسرحة فجيها بلا غطا بلا والو .سيف:اه اه كسيدة واقعة هنايا تلفت بان ليه فوتر وطاحت ليه فكرة هزو ومشا ليهم رسم لليهم موسطاش وخالة وسط الحنك واللحية . سيف:هههه دابا عاد زيانيتو خرج وخلاهم ودخل فين كانو جالسين : صباح الخير الكل:صباح الخير .هبطات الخدامة :لالة ملقيتش البنات فالبيت .سيف :راهم نعسو فالصالة . ومشات تفيقهم ليلى: ولاش نعسو فالصالة . زاين: خليتهم لبارح كيتفرجو كراه غلبهم النعاس تما .سعيدة: البنات فيقو تكلمو للالة . دارو عندها وهي تحبس الضحكة ومشات خلاتهم كيشوفو . نور: *كتهضر بعينيها مسدودين * هادي مالها . رميساء: *حتا هي باقي غالبها النعاس *ماعرفت . ناضو وخرجو لعندهم غاديين خاسرات منعسوش بكري . غير شافوهم وتفرgعو بالضحك والبنات غير كيشوفو مفهمو والو .رانيا: اويلي شكون دار فيكم ديك الحالة . نور: علاياش كتهضري وشافو فبعضياتهم وغوتو و الكل ميت عليهم بالضحك مشاو كيجريو للبيت وشافو فالمراية وبداو يضحكو رميساء:هههه اويلي كنا ميتين نور: شكون غيكون دار فينا هاد الحالة . رميساء: مغيكون غير سيف ههه . غسلو البنات وهبطو عندهم رميساء: سيف نتا مول الفعلة ياك ؟ سيف: ههههه كنتو ميتين متململتوش خاصة نتي انور وبنادم ماعرت اش يدير فيكم مغتحسوش . نور: ههههه والله حتا حشوما عليك دكشي مبغا يتمسح غبزز . زاين:*محملش بلان يقرب ليها سيف وشافها ناعسة بديك البيجاما المقزبا* ايوا باش تعلمو تنعسو فبيتكم البنات مكيناعسوش فينما والاهم .نور حدرات راسها حشمات منو وخاصة كان كيشوف فيها غير هي ليلى: صافي خلي عليك البنات فطرو احبيباتي . علي : اليوم بغيتكم تكونو كاملين مجموعين على الغداء .الكل مستغرب سعد: ياك لباس الوليد علي: بلا متشوشو مكاين غير الخير ، نور حتا نتي وعرضي على خوك يتغدى معانا نور:*مستغربة* اا اه واخا . ناض علي ومعاه سعد وسيف ودعوهم ومشاو .زاين: الوليدة اش كاين ليلى : والو اولدي باكم بغكم فشي موضوع . زاين: اوك مهم انا غادي وشاف فنور ورميساء ونتوما ديرو عقلكم . ومشا وخلاهم كيشوفو نور : اويلي خوك مالو بنا ليه كنشطحو بلا حوايج .رميساء: ههه خليك منو شنو نديرو داببا مافيا لي يبقا فالدار . نور: اويلي الصباح هدا فين باغانا نمشيو صبري حتال 11 ونمشيو عند خويا نجيبوه والعشية نخرجو . رميساء:اف واخا . ياله نطلعو للبيت . طلعو وتكات نور فالناموسية كتكسل جبدات رميساء من دوك الماسكات لي عطاها ياسر : اري وجهك نور: اش بغيتيه .رميساء: اندير ليك بحالي نور: افف هانا دارتو ليها وتكات حداها شادا التيلي .نور: اجي عزيز عليك الغوز لدرجة سابغا بيه بيتك كامل هههه رميساء: من نهار عقلت عليه وهو فهاد اللون كنفكر نبدلو مي باقي معرفتش شنو ندير نور: خلي عليا هاد الموضوع ، شنو الالوان لي كيعجبوك. رميساء: اواه زعما إتكلفي ليا بالموضوع ، مممم انا كيعجبوني الوان الطبيعة والالوان الهادئة .نور: هههه بحال خويا مهم حتا طيح عليا شي فكرة ونطبقوها ودوزو البنات الوقت غير فالبيت من بعد ناضو لبسو علمو ليلى فين غاديين ومشاو لدار عند ياسر دخلو كيف العجاجة لقاوه ياله باغي يطيب الغداء . نور: غير بلا متطيب ماما ليلى و عمي علي عارضين عليك ياسر: اه بالصح واخا ، دابا باقي الحال غنمشي ندي عصام لدار ، ونرجع نور ورميساء: اوك . مشا ياسر للمدرسة عصام وداه نشان لدارو مالقاش مو كان غير راجلها ودعو ورجع شرا فطريقو تشكيلة ديال Les gateaux ورجع عند البنات لقاهم ، جمعو الروينة فالكوزينة . ياسر: ياله 12 هادي مشينا؟ نور ورميساء : ياله

ارت20:مشاو فاللوطو وصلو قدام الفيلا وهبطو هز ياسر الحلوى وتبع البنات دخلو عطاها للخدامة ووراتهم فين جالسين دخلو وتفاجؤو بشكون كاين ، كان علي وولادو كاملين ومراتو وكانت حتا سمية . بقاو واقفين وكيشوفو فيها حتا قال علي : تفضلو اولدي غنفهمكم كولشي من بعد .دخلو وعرام الاسئلة كدور فراسهم عرف علي العائلة عليهم . وجات الخدامة :تفضلو الغداء واجد . علي: تفضلو اولادي مرحبا بيكم ، لالة سمية تفضلي .سمية : شكرا باراكالله فيك . تجمعو على الطبلة نور حاضية ماماها وفرحانة حيت جالسة فنفس الطبلة اما زاين حاضي الوضع مافاهم والو .ياسر فودن نور: نور اش واقع واش ماما كتعرف هاد العائلة . نور: بحالي بحالك حتا انا مافهمت والو .ليلى: تفضلو مرحبا بيكم ولدي ياسر واللهيلا كتشبه لنور كيفما وصفاتك ليا رميساء كضل تهضر عليكم .ياسر: *شاف فرميساء وابتاسم*ههه بالصح .رميساء:*حشمات وجرات مها لحداها* ماما زيري مالك حطيتيني بوجهي . علي: ايوا اولدي اشنو خبار الخدمة قالت ليا رميساء كنتي خدام فكوريا ورجعتي . رميساء:*فنفسها :اويلي هادو محلفين عليا اش غيقول عليا دابا * ياسر: اه اعمي كنت خدام فكوريا ورجعت للفرع لي هنا .سيف:وشنو هي خدمتك بالظبط .ياسر: المسؤول على الافكار و المشاريع الجديدة . سعد: اووه واو بما انك مسؤول على هادشي وفكوريا اكيد ذكي ههه . ياسر: شوية وصافي ههه. زاين: وباقين عندك الافكار والمشاريع اولا خويتي ليهم المزيودة ههه. ياسر : بطبيعة الحل لا مزال خدام فواحد المشروع باقي مفراسهمش . علي: وعلاش اولدي متأسسش شركة خاصة بيك المغرب راه محتاج الذكاء ديالك .ياسر: هادا الحلم ديالي من شحال هادي وانا كنجمع الفلوس للراس المال راه ماشي غير اجي و دير شركة راه خصني نجيب بزاف الماتريال من برا وهادشي فيه المصاريف نيت . علي:هههه ان شاء الله اولدي غيتحقق حلمك . ياسر: * مستغرب* كنتمناو 🙂 .سمية كانت كتشوف كيفاش كتعامل ليلى نور حسات بشوية الغيرة خاصة منين سمعاتها كتعيط ليها ماما .داز وقت الغداء تقيل كولشي باغي يعرف شنو الموضوع لي جمع بين عائلة نور وعائلة رميساء سلاو الغداء وانتاقلو للصالة علي فالوسط وجنبو ليلى والجنب الاخر سمية علي: اليوم جمعتكم باش نهضر معاكم فموضوع ونتمنا انكم تصنتو ليا حتا نكمل الكل: واخا،علي: شحال هادي كان البا ليهو احمد العمراني جد ولادي عندو اخ توأم ليهو محمد العمراني جدكم نتي انور وياسر كانو خوت وصحاب مكتفارقوش كانت علاقتهم قوية ، خدمو وردمو ب2 ونماو تروة باهم ، كل واحد فيهم تزوج وولد وقررو يزوجو ولادهم ببعضهم لكن معطهمش البنات با عندو انا وخويا حسن راه برا وجدكم كان عندو غير باكم حمزة ، داز الوقت كبرو وكبرنا معاهم حتا جا باكم حمزة معاه ماماكم بغا يعرفها عل العائلة انا ديك الساعة كنت عارف انا وباكم كنا صحاب ، جدكم مبغاش حيت هاربة من عائلتها ، وباكم داها ومشا تزوج بيها وولدكم منين تولدت نور كان هو متبع باكم غير من بعيد ندم بغا حفادو يكبرو قدامو ، داكشي علاش تصالح مع باكم ولكن مرجعش بقا كيديكم تشوفوه ويشوفكم كنتو صغار مغتعقلوش ، حتال لواحد اليوم جدودكم قررو واحد القرار ...

 قرروا انهم يزوجو 2 من احفادهم نور هي لي تزادت اللولا ديك الساعة ليلى ياله كانت حاملة برميساء ب4 اشهر ، قرروا يزوجو نور بواحد من ولادي فاللول كانو باغينها لسعد و لكن با تراجع وبغاها للزاين بحجة قراب فالسن وعاد كان عزيز عليه يلعب معاها. زاين: غير سمع هادشي وضحك تابانو ضراسو ممتيقش هادشي لي كيسمع وان نور غتولي مراتو .و نورحتا هي حالا فمها مصدومة وقلبها كيخبط .علي:هما قررو وحنا معاهم بلي مغتاخدو ورتكم لانتوما لاولادي حتا توصل نور ل20 عام و زاين ل 25 سنة ومن بعد زواجكم ب2 *و جبد ورقة* هاهي الوصية *مدها لياسر كيقراها* يعني خلاصة الامر نور و زاين خصكم تزوجو الى بغيتو الورت . نور:*بصدمة * ولكن علاش دارو هكا علي: هههه غمعطاهم الله ابنتي ولكن انا متأكد بغاو شمل عائلاتهم ب2 يبقا مجموع . رميساء: دابا انا ونور من عائلة 1 هههه واااو ممتيقاش . علي: اه ابنتي منين مات حمزة الله يرحمو جدكم متحملش ومات بسكتة قلبية بعدما وصاني عليكم و. ياسر: ولكن نور راها باقا ممستاعدا للزواج وباقا صغيرة علي: متخافش عليها راها مرة ونص . زاين:* حابس الفرحة ولد الحرام الدريا فيها البكية وهو مبقا ليه غير يطير* ولكن الوليد علاش مقلتي ليا والو . علي: مكانش الفرصة وصافي .نورغير كتدور فعينيها .علي: بنتي اش بان ليك فهادشي .نور: ولكن علاش ختاروني انا مالهم مزوجو رميساء للياسر ؟ علي: حيت نتي تزاديتي قبل . نور:اه *تحت نيفها:يخ ديما زربانا على عمري *علي : بنتي فكري مزيان مستقبالكم كولو بين ايديك نتي متسرعيش وخودي وقتك نور:*ناضت* عطيوني نصف ساعة ونرد عليكم .علي : هههه وكان جودي راحتك ابنتي . ياسر فخاطرو : لمك نصف ساعةغتقرري فيها قرار مصيري بحال هادا . خرجات للجردة تحت انظار الكل و دات معاها ورقة وستيلو وجلست فالزعلولة دارت جدول ، ايجابيات وسلبيات هاد الزواج : دابا انا لتزوجت بهاداك بوراس كلشي غيقدر ياخد ورتو ومنهم خويا غيقدر يحقق حلمو ويأسس شريكتو ومنقدرش نخرج على ولاد عمامي اف ولكن انا باقي باغا نلعب بلاتي الى تزوجت إنتهنا من بوراس لاخر ديال خويا وغندير لي بغيت و غنحقق احلامي حتا انا ولكن هاداك زاين كيخلعني كوراه كتر من خويا اف غنتهنا من واحد طلع ليا واحد كتر منو يخ شهاد الخرى كون غجوجوني سيف بعدا هاداك نطلع ليه فوق راسو بلاتي بلاتي هدا راه الزواج اويلي يعني غندير استغفر الله ومعامن مع زاين الله ياميمتي وعلاش ولدتيني اش غندير يا ربي . شافت خيال قدامها هزات راسها وهي تصدم ....