الضابط و زوجته المراهقة الجزء الثالث

زاين: أنا ...أنا قاطعهم صوت ،ضارو لقاوه علي ،ولادي بغيت نقول ليكم شي حاجة ، زاين مفقوص ونور غير كتشوف ، علي: عندي ليكم اقتراح عارفكم باقي مباغينش تزوجو دابا داكشي علاش ...زين مع راسو ناري ناري غيزبلها علي: نتوما ممكن تزوجو لمدة عام بينما تفكات القضية وخديتو ورتكم وديك الساعة طلقو .غير نطقها علي وزاين غمض عينيه مغدد وكيقول فنفسو :سير البا الله يعطيك الحكة وقلة الضفار وحبة فالحلق والزغب فالسنان خرجتي عليا وعلى رزقي . نور: بلا متشوش راسك اعمي ميكون غير الخير . زاين شاف فيها وهي شافت فيه وابتاسمت هو مفهمش هاد ردة الفعل لي دارت وسايرها . علي :وياله اولادي ندخلو راه كولشي كيتسنا الرد ديالكم . مشا وتبعوه ب2 دخلو وكان كولشي باقي من غير سمية لي رجعات فحالها. علي: بنتي بغينا نسمعو اش قررتي . نور: انا موافقة على هاد الزواج . زاين: وحتا انا موافق .ناضو كولشي كيباركو ليهم وفرحانين بيهم . رميساء: واااو غنعيشو فدار وحدة ممتيقاش . نور:*فودن رميساء*هههه من دابا القدام مكاين غير النشاط .نور ورميساء كيتقارصو ويضحكو . ياسر: اويلي على لي غتزوج خويا زاين الله يكون فالعون انا صافي غسلت ايدي .زاين: هههه متخافش عليا والله حتا نgادها . نور: ك كغاش غتقادني مالي عوجا الكل: ههههه ليلى: لتاواه بنتي الغزالة الف واحد يتمناها *وعنقاتها* نور: قوليها ليهم اماما ، دازت العشية فالضحك كانو كلشي العائلة مجموعين على الاتاي وما جاوره ،حتى هبطات الخدامة ريان الولد الصغير خاسر بالنعاس وعطاتو للرانيا ماماه ، هبط كيتمشا بجنب السداري حتى وصل عند ياسر ، ياسر تحنى يلعب معاه و ريان محط ايدو غير فوق داكشي ديالو ياسر تدعق ونطق ريان: أطيني مولتديلا ، ماما أوليه أطيني مولتاديلا ( عطيني مرتاديلا) ياسر تزنgغرق فحوايجو سعد كينغز مرتو: تي نوضي هزي ولدك .ناضت طلعاتو حشمانة من تصرف ولدها اما الكل شي حابس الضحكة شي كيحنحن اما واحد نور كانت مقابلا مع خوها وزاين حلات هاداك الفم كتضحك من جهدها والعينين تسدو والدموع دايزين ووجها ولا حممر وكتضرب فرميساء لي تاهيا مصبراتش موقف ياسر وحتا هستيرية الضحك لي جات نور كملات عليها بقاو كيضحكو ونساو شكون حداهم شافت نور فجيه ياسر لقاتو كيتحلف عليها بعينيه وايديه وهي غامزايدا فيه ، و زاين بقا غمعجب فيها اول مرة كيشوفها كتضحك من قلبها وبهاد الطريقة ، والضحك كيعادي كولشي دازت ليه ديك الهيستيريا وبداو يضحكو .علي: هههههه سبحان الله ابنتي نور باك تاهو كان كيضحك بحالك كيولي حمر وميقدرش يجمعها عندو .

نور: ههه بالصح اعمي عاود ليا عليه ماعاقلاش عليه .علي :اه ابنتي باك كان ونعم الرجل كان حنين وضريف ، و فشبابنا انا وياه داز غفزبايل والنشاط كنا واحد الكليكا انا وباك وواحد 3 دراري اخرين ، كنا دايرين عصابة لي كيشوفنا مجموعين كيخوي لينا ألطريق، الباك كان هو الرئيس ديالنا وهو مول الافكار لحد الان باقي مفهمتش منين كانو كيطيحو عليه دوك الافكار ههه وديما جامعينا فالكوميساريات ، وجدودكم غتابعينا عياو فينا عصا و عقوبات ووالو حنا لي فراسنا فراسنا ههه ياسر: وانا كنقول هاد البرهوشة لمن خارجة . نور: بزاف عليك قالاك برهوشة . زاين: تفرق ليا من مراتي متبقاش تقول ليها برهوشة . نور غي قال مراتي حسات بالفراشات فمعدتها وقلب كيخبط ضربات عليه ولقاتو كيفرنس وبدات كتفادا نظراتو لي نتضربها للقلب . نور: ع ع عمي كمل لينا ، عاود لينا على زبايلكم . علي : هههه ولاهيلا فكرتيني ، فواحد المرة كنا انا وباك عاصرين على واحد الgارو فالجردة اللور بالتخبية على جدودكم ، بقينا مني منو حتا ماعرفنا واحد 2 تصرفيقات منين جاونا من السماء اولا الارض من داك انهار العصا لي كلينا مياكلهاش الطبل نهار العيد . اكل: ههه . سيف: وايلي الواليد كتي كتكمي . علي : منين كلينا عليه العصا ما بقينا قربنا ليه ، هههه واحد النهار كانت شي مناسبة فالدار ، والعائلة مجموعة مشيت انا وباك فينما كانت شي حشرة جبناها ولحناها فطنجرة الطيابة ، تاحد متعشا داك النهار وكانو عازلين العيالات فالصالة بوحدهم حتا جاب باك كلب وطلقو عليهم كيبان الحرب ناضت فهاديك الصالة والعيلات مدفgين خارجين برا الطايح كتر من النايض حتا جاو الرجالة كيسمعو الغوات غير عاودو ليهم اش وقع بداو يقلبو علينا ، شيبناهم ديك اليلة ، واحد المرة كنا انا وياه ياله دخلنا للحمام وعيط لينا واحد الدري كنا كنعرفوه كيسكن فمدينة اخرى وقاليك باك اجي عندنا للحمام ونعت ليه للحمام ليملاسق معنا ديال العيالات مع هو مسكين الله يسمح لينا كان عور دخل حتا كنسمعو الغوات مسكين معرف باش تبلا وحنا كنطلو عليه ميتين بالضحك . رميساء: هههه والله تا حشوما عليكم علي: ههه عمك لي كان شيطان . سيف: ههه هادشي عمرك عاودتيه لينا علي : غير مخابتهاش الوقت وصافي ،*شاف فالساعة* غنمشي نطل على الشركو ونتوما ا

لدراري غير بقاو ، ناض وتبعاتو ليلى : ايوا هانتا تهنيتي .علي: واله الا دابا رتاحيت والدراري بان ليا موافقين وباغين بعضياتهم واخا قلت ليهم على داك العرض ونور حشمات وقالت ليا ميكون غير الخير . ليلى: الحمد لله داز كولشي مزيان . علي: ههه وي ياله انا غادي . ناض سعد عند مرتو وولدو يخرجو و خرج سيف عند حبيبة القلب وبقاو البنات مع ياسر و زاين .ياسر: ياله نتي مناوياش . نور: لا قربات 6 غنمشي انا ورميساء لاصال .غير سمع زاين لاصال وقندش تفكر الفيديوات لي شاف .ياسر: واخا انا غادي اجي معايا شوية .مشات معاه للباب :نور واش نتي متأكدة من القرار لي خديتي . نور: اه اخويا متشطنش راسك معايا .ياسر:*باس راسها * انا ديما فجنبك متنسايش هادشي .نور: عارفا يا احسن اخ فالعالم .ياسر:*حتا كان غادي ورجع * اه ورجعي للدار من بعد لاصال سمعتي ؟ نور: واخا واخا *فنفسها : ناري عقلو موسخ يعلم الله فاش كيفكر * دخلات نور وطلعات نيشان عند رميساء للبيت كتفادا زاين لبسو وتمو هابطين علمو ليلى ومشاو لاصال ، غير خرجو وعيط زاين للعماد: الو فينك....نتلاقاو ف*** بغيتك تونسني فواحد البلان ..

وصلو البنات لا صال كيتسناو تعمر باش تبدا وكيف العادة جينيونغ حتا هو حاضر. عند زاين لي تلاقا مع عماد وغاديين فالوطو عماد: مالك اش واقع . زاين: شي حاجة لي مطيحش على بالك . عماد: هضر شوقتيني ههه .زاين: ههه ايوا سمع اسيدي نور تزادت مراتي من كرش مها هههه عماد: واش ضاربك الله نتا ولا مالك اش كتخربق عليا زاين: داكشي لي سمعتي انا وياها صدقنا ولاد اولاد العمام ههه يعني من عائلتي غير فارقاتنا الظروف وصافي عماد: وايلي شرح ليا هادشي كيفاش زاين: *عاود ليه كولشي وفمو مشرg بالضحك والفرحة* ايوا هادشي لي كاين وانا وياها قربنا نتزوجو ههه.عماد: مسخوط وناري على زهر عندك كيداير ، البنت لي كتبغي غتزوج بيها ومادرتي لا بايدك لابرجلك .زاين: هههه ولكن خصني نقربها مني واخا هكاك هي مكنضنش قبلات حيت عاجبها غير على قبل العائلة . عماد: ايوا ورينا السبع علاش قاد . زاين: متخافش عليا مهم غير تولي مرتي ، اححح هاد الكلمة شحال زوينة . عماد: هههه وقول ليا بعدا فين غاديين اشمن بلان بغيتيني فيه . زاين: *جمع الضحكة*(هههه سافا با هاد السيد الله يستر عاد كان كيفرنس) اه داك النهار تفرجت فشي فيديووات ديال ديك البرهوشة فاليوتيب كتشطح ليا مع البشار وشي شطيح وشي لبس غتاعت نشدها ونطويها على 2 . عماد:ههه برد عاد كانت مراتك ومعرت شنو دابا ولات برهوشة . زاين:ب2 هي مراتي البرهوشة هه، مهم انا دابا بغيت نتبعهم ضرني راسي بغيت نشوف هاد لاصال اش كدير فيها ومعامن كضل. عماد: زيد قدامي نتا بان ليا ناوي على يخزيت هاد النهار .زاين: وصلنا .هبطو ب2 دخلو كيهضرو مع غيسيبسيو : مرحبا بيكم . زاين: شكرا حنا سمعنا بشي مدربة عندكم سميتها .. قاطعاتو : نور الهدى العمراني ؟ زاين: *مستغرب* اه هي باش عرفتيني عليها كنهضر .هي: ههه حيت هي لي مطلوبة بزاف كل نهار كيجيو يسولو فيها متدربين جداد و خاصة الدراري كيحماقو عليها زاين: اه بالصح*مزير بسنانو ومكمش ايدو والشر خارج من عينيه *واش ممكن نحضرو لحصة اليوم الى عجبنا التدريب ديالها نتقيدو عندكم . هي: وي وي ماشي مشكيل راها فالقاعة 10 على اليسار . عماد : شكرا . ودفعو وصلو لقاعة ودخلو كيتسلتو وجلسو ورا شي وحدين كانو جالسين حتاهما عماد: وتا شوف شحال ديال بنادم جاي ههه .زاين غير كيشوف فنور واقفا مع رميساء وجينيونغ وكل شوية يوقف حداهم شي حد يضحك معاهم ويتحتتو ، كولشي باغي يهضر معاها .شوية قالت: ياله بان ليا كولشي جا نبداو كولشي ياخد بلاصتو .كلشي وقف واراها وكلهم كيشوفها من المرايا ومتبعين حركتها وهي البتسامة ممفارقاهاش .زاين كان متبع معاها ساهي فيها فعالم فيه غير هو وهي .عماد: واو البنات موهوبات ميسحابليش رميساء عندها موهبة بحال هادي .زاين: مشفتي والو .دازت شي ساعة . حتا دخل واحد الشخص كان طويل و كتافو عراض وشعرو طويل شوية وكحل وحروفو كحلين حتا هو مدرب تما اسمو جواد ومشا عند نور سلم علها بالحنك : واو نور ههه شنو سر هاد النجاح غير gري نور: بحالي بحالك ههه . جواد: ايوا الدراري كيف جاتكم الزميلة ديالي الى دارت معكم القباحة قولوها ليا نجبد ليها ودنيها . الكل: لا عاجبانا تنطق واحد المسخوط . مدرب جواد وريونا ديك الرقصة لي درتو داك الشهر بغيتكم نعلموها لينا كانت زوينة . جواد شاف فنور: ممكن ؟. نور: وي ماشي مشكيل .طلقو الموسيقى و كولشي جلس كيتفرج وبدات الموسيقى كانت موسيقى بطيئة ومن النوع الرومانسي كانت نور وجواد متوالمين ومتبعين حركات بعضياتهم كان حاط ايدو على جسمها كانت رقصة رومانسية ومن النوع السيكسي كولشي كان كيصفر ليهم وهما كيذحكو وعايشين اللحظة حتا طفات الموسيقى دارو ب2 ولقاو واحد الشيطان عندو القرون و عينيه حمرين خارج منهم الشر 

لقاو زاين طالعة ليه القردة للراس نور و رميساء شهقو شهقة وبداو يترعدو وزاين تلاح على جواد براس طيحو وتكا عليه بالعصا لاخر جاه غفلة معرف باش تبلى وعماد كيجر فداك الوحش والو مبغاش يطلقو ، ونور ورميساء معانقين كاياكلو ضفارهم فواحد الجيه ناضو شي دراري عاونو عماد وفرقوهم .عماد : صافي اصاحبي زاين: *كيغوت* باقي نشو الحمار تاع بوك حاط ايدك عليها نهرس لمك راسك . نور: *قربات ليه* زاين اش اش جابك هنا .زاين: *شدها من القب* زيدي لمك حسابك معايا من بعد *وتم جارها وضار عند رميساء* ونتي اش كتسناي تبعيني . هزات حوايجها هي ونور وخرجت هي وعماد . خرجو ونطرها بالجهد حتى تزعزعات .زاين: *بالغوات* اش هادشي شفت ها مخليا الشمايت يتلمسو فيك الحمارة ، ولكن الغلط ماشي ديالك ديال خوك لي مضسرك .نور: ونتا مالك شكون نتا علاش كتدخل فيا ندير لي بغيت ماشي سوقك .زاين: *ضرب اللوطو بايدو وكيغوت* وباقا كتقول ليا شكون نتا باغا تعرفي شكون انا ؟ *شد ليها ايديها ب2 وقربها لعندو وطار على فمها ببوسة كان كيبوسها بعصبية كيمص ويعض بحال كيقول ليها بلي نتي ديالي وانا الوحيد لي عندو الحق يلمسك*. نور كانت روحها إتطلع فشلو بيها رجليها وقلبها غيسكت بطبيعة الحال اول قبلة ليها هي كانت متوترة و كترعد محاساش باطرافها حتا عاقت براسها بدات كتقاومو حتى طلقها وصرفقاتو .هو زاد تعصب وعاود شدها من ايديها ولصقها مع سدرو وقال ليها وهو كيهدد ويتحلف: والله يامك وباقي تخلي شي واحد يمسك حتا نمحيك على وجه الارض نتي وياه وهاد الضسارة لامحيدتها ليك منتسماش زاين العمراني ياله طلعي دابا . نور طلعت للطوموبيل والبولة مبقا ليها والو تخرج بالخلعة .زاين: رميسسساء .خرجت حتا هي كترعد منو وطلعت حتا هي حدا نور لور توحدة مهضرت مع لوخرة غير شافو فبعضهم وهما يبداو يحبسو فالضحكة . وزاين كان واقف كيهضر مع عماد ، عماد: والله حتى عرفتك غدير لنا الشوهة ، او تامال ديلمك دمك سخون ، دغيا طرتي على الراجل زاين: واش بغيتي نصفق ليه ولا نبقا نتفرج فيه كيتلمس ليا فيها . عماد: لا ولكن كولشي كيتحل بالعقل ، بهادشي راك كتخلعها وكتبعدها عليك فبلاصة متقربها . زاين: ضبر راسها انا ماشي سوقي ، غبلاتي غير نديرها تحت جناحي وغنربيها وتقرب و لا تبعد شغلها هاداك مهم تفهم بلي هي ديالي. عماد: برد اصاحبي راك غير معصب ديهم للدار ومن بعد نهضرو انا غنمشي فتاكسي . زاين: واخا الله يعاون .مشا عماد وزاين ركب وحجبانو ملاقيين كيخنزر من المرايا ونور غارقا فبلاصتها ونغزات رميساء .رميساء: خ خويا زاين دينا لدار نور غنبات معاها اليوم . هوساكت كيصوg ومكجاوبش حطهم قدام الدار وضار عندها: وخلي هضرتي فودنك سمعتي ياله هبطي لداركم دابا . هبطت نور مغددة وكتخبط فرجليها ورميساء جراتها : زيدي قدامي لمك نتي كتقلبي عليه يخلطنا هنايا. خلاهم زاين حتى دخلو ومشا . طلعو البنات وحل ليهم ياسر: اهلا فتيات ،* شاف فنور* نور؟ مال فمك ومالك مزنكة *قاس ليها جبهتها* واش فيك السخانة تاني .نور: ال الا غ غير مع لاصال .دخلات مشات نيشان لبيتها و رميساء شافت فياسر تبسمات ليه وهو بالمتل ودخلت

دخلت رميساء عند نور لقاتها غادا جايا وكتطرطق صباعها.رميساء: جلسي تي مالك دايرا حالا غبوحدك صافي مطرا والو . نور: شناهوا ماطرا نتي ...نتي بان ليا ماشفتي والو ، شوهني قدام بنادم اعباد الله وسلخ جواد باش من وجه غنشوف فيه وزادها بب*وقاست فومها* رميساء: خدا ليك بوستك الاولى ههههههههههههه نور: * شدات فيها* اويلي باش عرفتيها . رميساء: شفناكم انا وعماد فاش كنا تابعينكم فاش شفنا الديكور قلبنا الدورة .نور:*تلاحت فالارض وشادا وجها صافي تشوهت ياربي اش غيقول عليا عماد داباو هاداك الحمار ديال خوك اش قال ليه راسو علاش يبوسني وزايدها جالس كيسعر عليا بحايلا معرفت اش درت . رميساء:وملك زعما ماعارفاش لاش دار هكاك باينة من الطيارة كيبغيك و داكشي دارو من الغيرة . نور: ش ..ش..شكتخربقي شمن بغو ولا خرا هاداك خوك مريض فعقلو *ناضت تمشات ورجعت عندها بزربة* ناري مك على بوسة وتهزيت *كتهضر وكتبسم* رجلي مبقاوش هازيني وليت نترعد بين ايديه بحال شي ورقة *جمعات الضحكة و بدات تقيس فمها* ولد الحرام طيبني شوف اش دارليا ، هادا غير باسني وشوفي اش دار ليا اما الى نعست معاه مغنوضش من بلاصتي . رميساء: يع متهضريش على داكشي المرض غنبدا نتخيل ، *قربات ليها*شوفي فعينيا، زعما خويا مكيعجبكش ولو غير بشوية ؟ نور: اش... اشكتخربقي عليا حتا نتي اش غيعجبني فيه قباحتو ولا غواتو و لا عصبيتو و لاقسوحية راسو رميساء: *تلاحت فوق الناموسية * غير كوني هانية من جيهة قسوحية الراس راك كتر منو غير منين باقي مباغاش تعتارفي .نور: وسيري بغيت ليك حالتي .رميساء: هههه شعلي ليا الدوش من الهضرة .نور: شعليه نتي انا خدامتك .رميساء: *شيرات عليها بمخدة*تي نوضي . نور: هاهي اوف .شعلاتو ليها عندها دوش فالبيت وجبدات ليها بيجاما سروال وتيشيرت سميطات نور: ياله دخلي نتي سربي راه تأنا بغيت ندوش رميساء: اوكاي دخلات وعيط ليها ياسر : هاكي نتي جيبي الخبز راه مكاينش . نور: ارا لهنا يخ بقا ليا غير الخبز ، جاكسون فين غابر المسخوط توحشتك اجي عندي *باستو* ياله .وداتو معاها .بعد شوية مشا ياسر للبيت نوربغا يسول رميساء اش تبغي تاكل وحلو بلا ميدق ولقا رميساء غير بالفوطا والشعر مطلوق فازg و الحنيكات مزنكين بقا ساهي فيها ، حتا عاق وخرج بالزربة .ياسر مع راسو: اويلي نسحاب راسي مع نور اش غتقول عليا الدريا دابا *وحك على راسو* ههه ولكن طايتها واعرة وداك الوجيه غير ديال البوسان ، اويلي اعود بالله اش كنقول .عند رميساء تاهيا مع راسها(تريكة المسطيين) اويلي شافني عريانا بنت الحرام غير دعوة ديك المسخوطة اويلي باشمن وجه غانشوفيه انا .لبسات حوايجها وكتفكر فوجه ياسر فاش كان مصندل قدامها .رجعات نور وعطات خوها الخبز و مشات للبيتها لقات رميساء جالسة كتخمم ،نور: الله يستر .دخلات للدوش وخلاتها. عند زاين لي وصل للفيلا و وخبر مو مغاتباتش رميساء فالدار مشا نيشان لاصال الرياضة لي عندهم فالفيلا وبقا كيتريني مغدد .عند نور لي مجموعين على الطبلة كولها فين كيفكر .ياسر: سمحي ليا ارميساء دخلت قبايلا بلا مندق حيت موالف هكا مع هاد البقرة .نور:*وحلات لها *دابا لاش هاد المعيور .رميساء: لا ماشي مشكل مقصدتيش D: نور: اويلي دخلتي عليها يالمنحرف منسمحش ليك تعدا الحدود مع صاحبتي .ياسر: *خشاليها الخبز ففمها * كولي وزميه نتي رميساء:هههههه داز العشاء إسلو البنات الماعن ياسر مشا لبيتو ونور ورميساء بقاو سهرانين حتا شدهم النعاس تخشاو فبعضياتهم ونعسو ، فاقت رميساء مع 3 ومشات للكوزينة تشرب حتا تساطحات مع شي حيط 

رميساء خرجات فياسر كان الكلام معرفتش اش وقع ،عرفاتو غير منين شمت ريحتو وعاد كان غير بسروال السورفيت داخت بديك الريحة حتا شعل ياسر الضو ولقاها رميساء ياسر: رميساء مالك واش بغيتي شي حاجة؟ رميساء: اه ؟ لا غير شحفت وبغيت الماء ياسر: ههه واخا اجي جلسي هنا انا غنعطيه ليك ، حل التلاجة و كب ليها وعطاها شربات وهي كتسرق شوفات فظهرو العريض . ضار عندها ولقاها ساهيا فيه . ياسر: رميساء ههه نوضي تنعسي *فخاطرو: قبل مندير شي مصيبة * هي قفزات ومشات للبيت وهو بقا متبعها غادا غير بفوق صباعها برقة وشعرها المبعتر فوق وجها وحناكها الحمرين بالحشمة ضحك ضحكة جانبية ومس جيهة قلبو وطفا الضو وخرج لبيتو .اصبح الصباح فاق ياسر ووجد الفطور وتاجه عند البنات يفيقهم دخل شاف فرميساء وابتاسم : ههه ناعسة كيف الملاك .وشاف نور وجمع الضحكة : حتى نعاسها مرون ، البنات ياله فيقو معاش داخلين ياله نوضو لبسو انا غنتسناكم برا راه الفطور واجد . نور: اممم واخا . ناضو البنات لبسو وخرجو عندو فطرو اولى نور لي فطرات اما لجرين غير حاضيين بعضياتهم . مشاو وصلهم ياسر للافاك ومشا فحالو .دخلو البنات ولقاو جينيونغ: اهلا فتيات ، ههههه كي بقيتي انور . نور: بلا متفكرني اللله يحفضك ياله بديت نسا ديك الشوهة . جينيونغ : ولكن السؤال هو امتا طورات هاد العلاقة .نور: اش كتقصد حتا نتا . جينيونغ: يعني باش شي راجل يدير عليك هاد الحالة غيكون مماشي غير كيبغيك متيم بيك .رميساء: شفتي اش كنقول ليك ها جينيونغ تا هو قالها . نور: صافي هنيونا .جينيونغ: واللهما نسكت حتا تقولي اش بينك وبينو .رميساء: ههههه مفراسك ميتعاود ابا جينيونغ. جينيونغ: اش واقع رميساء: ايوا سمع اسيدي *عاودات ليه كولشي* جينيونغ : نوواي ميمكنش واش كتهضري من نيتك ههههههههههههه وناري نور غتجوج ممتيقش . نور: زمو عليا الله يرحم جدك خليني نشوف هاد الحريرة لي فيها انا رميساء: مالك اش كاين تاني . نور: والو غير خوك اختي محلف عليا ، وعاد داكشي لي دار مبقاش عندي الوجه ولا الجرأة لي نشوف فيه بيها ، اويلي واش غنعيش معاه . جينيونغ : بلاتي بلاتي علاش اش دار .رميساء: لهلا يوريك هههههههه اجي بناقص من هاد الحصة يله نهبطو للكافي ونعاودو ليك. مشاو وجلسو وعاودو ليه على البوسة والتهديدات .جينيونغ :هههههه ومي كرشي باسك ولايني راه مسخوط هاد زاين بصراحة عجبني فيك تستاهلي اويلي شهاداك الشطيح كنتي كتديري معاه وهو اصلا حاط عليك العين وبسيف مايدير هكاك نور: دابا واش من نيتك كتهضر انا كنشكي عليك ونتا كتشفا فيا ولكن نتي زيري صافي راك قريبة تزوجي خاصك ديري حدود مع الدراري حيت هادشي غيدير ليك المشاكيل رميساء: اه بالصح وزاين من هنا نقولها ليك مغيار والى تعصب مكنبقاوش عارفينو وضربي ابنيتي وقييسي معاه . بقاو كيخلعو فيها وينفخو ليها راسها بالهضرة حتى وصل الوقت تفارقو و وقفو البنات كيتسناو ياسر يجي حتا بانت ليهم سيارة زاين لي جايا . نور:ناااري طتقوليش ليا سبع بوالبطاين هادا لي جاي . رميساء: هههه هو . نور : ناري مك القفقافة شداني غنطلقها فحوايجي . رميساء: صافي سكتي هاهو هابط . زاين: البنات سافا؟ رميساء: *قربات ليه وباستو فحنكو* حمد الله .شاف فنور :ونتي بايت معك متسلميش ؟ نور مدات ايدها وهو جرها وباسها فحنكها : ها كيفاش البنات كيفاش كيسلمو على خطيبهم ، *وشد ليها وجها* مال و جهك بارد ومالك صفرا ؟ ياكما مريضة .وهي كارما بين ايديه غكدور فعينيييها نور: لا ممريضاش زاين: هههه اه باقا شاداك خلعة البارح اوللللاا شفرت ليك بوستك الاولى هههههه .هي سمعتو وهربت تخشات فالوطو حدا رميساء .زاين ههههه واللهيلا كتحشم .مشا ركب وديمارا .نور: خويا لي كان غيجيبنا علاش ماجاش زاين : راه فالفيلا عندنا مجموعين على قبل خطبتنا وشافها فالمراية وغمزها وهي حدرات راسها مبقاتش هزاتو 

وصلو لقدام الفيلا وهبطو وزاين وراهم ، دخلو وسلمو على الموجودين وجلسو .ليلى : البنات كيغاديين مع القراية ؟ نور ورميساء: مزيان . علي : ايوا اولدي ياسر راني هضرت مع الوالدة ديالكم وقالت لي قلتي اياسر هي موافقة عليه ،داكشي علاش انا قلت نجيبك ونتشاورو عل ايمتا نديرو الخطوبة وانا بان ليا هاد السبت نديروها بينما دوزنا عرس ولدي سيف وعاد نتفرغو للعرس نور وزاين اش قلتي اولدي ؟ ياسر: اه صافي اعمي لي بان ليك. علي: راه ليلى غتكلف بتنظيم الحفل غنديروه غير بيناتنا العائلة . حتال العرس وندير حفل كبير يهضر عليه كولشي، زاين نور اش قلتو ؟ نور: لي درتوها مزيان .زاين: اي حاجة درتوها موافق عليها . ليلى: ونوضو تغداو دابا .ناضو تجمعو على الطبلة نور جلس قدامها زاين وحداها ياسر وليلى وزاين حداه رميساء .زاد ياسر للرميساء الروز فطبسيلها وشافتو نور وقالت : وأنا. ياسر: *كيشوف فيها بنصف عين بضحكة جانبية *مالك نتي . نور: حط ليا فطبسيلي . ياسر : طبسيلك عامر هي كان طبسيلها خاوي .نور طلات عندها .ورميساء خرجات ليها لسانها وقلات ليها السم نور خنزرت فيها، حتا حط ليها زاين الدجاج فطبسيلها شافت فيه وضحك ضحكة وغمزها شافت فرميساء لقاتها نتدير ليها حركات بمعنى حصلتكم. ياسر ضار عندها ووكلها وقال :ههه مغيارة . ليلى: ههه الله يخليكم لبعضياتكم . هماب2 :امين سالاو الغداء فهاد الاجواء ومن بعد تفرقو كلها مشا للشغلو بقاو البنات فالبيت مقاريينش العشية وزاين وياسر فالجردة . ياسر: زاين واش نتا متأكد من قرار زواجك بختي مزربتيش؟ زاين: لا متأكد ، ختك بغيتها من أول نهار شفتها .وعمري مافاتحنها فهاد الموضوع ،ختك كتاب قريتو صفحة بصفحةوباقي كتقراها ،داكشي علاش غير رتاح من جيهتها . ياسر: الامر ماشي بهاد السهولة ازاين .زاين:*تقاد فالجلسة* علاش اش كتقصد . ياسر: *تنهد* نور فهاد الوقت كامل لي عاشتو بوحدها تعلمات تعتامد على راسها فكولشي لدرجة فاش كتغضب اولا كتعصب اولا كتحزن كدير تصروفات كيخوفوني عليها ، الناس العاديين كيتشكاو وكيخرجو لي فالداخل ديالهم ، نور لا كتهرس اي حاجة جات قدامها كتبقا غير تبكي فصمت ومكتخرجش داكشي لي فقليها كتحتافض بيه وصافي اولا كتمشي للبيران والكلوبات تشطح وتغني حتى تعيا وكترجع فحالها، و هي من النوع المتحرر الى ربطتيها كتمرد وكدير داكشي لي فراسها و الخطير فالموضوع مكيهموهاش العواقب داكشي علاش مخليها دير لي بغات اللهم قدامي اولا من ورايا، شخصيتها قوية وصعيبة وراسها قسح من الصخرة ، وهادشي كولو بسباب التعامل ديال الوليدة ليها معمرها عاملاتها مزيان كانت ديما كتلومها على موت الواليد.زاين :كيفاش وشنو علاقة نور بموت باكم ياك مات فحادتة .ياسر: اه مات فاش كان غادي بنور للمستشفى كانت ياله عندها شي عامين كانت طلعت ليها السخانة وتما دار الحأدتة و الوالدة زادت كرهت نور ،نوركبرت هازة هاد الدنب لي معندها فيه تا ايد وسمعات كلام صعيب وتحملات كتر من طاقتها داكشي علاش بعدتها على الوالدة ، كنت ديما كنعاود ليها على الظروف لي عاشت فيها منا والسبب لي خلاها تعاملها هكا باش متحقدش عليها ، ولكن واخا هكاك تأترات غضبها كيخلعني كنخافها دير شي تصرف تندم عليه وهي طايشة ،زاين: وعلاش مدوزتيهاش لشي اختصاصي . عييت معاها مبغاتش وحاولت نهضر معاها شحال من مرة باش تخرج لي فقلبها ولكن والو . زاين: اففف اش هادشي غنشوف ، مع صاحبي عماد ينصحنا شنو نديرو . ياسر: واخا ولكن ميخلعكش هادشي هههه نور فيها مواصفات زوينين و لي كيعجبني فيها دكية ومكتدارش بيها ، هي حنينة حساسة وقلبها هشيش ههه واخا كتبان قبيحة وقاسحة ، وكتصرف بعد المرات بطفولية و هي مغيارة ، كتغير بزاف gاع البنات لعرفتهم شحال هادي جرات عليهم المسخوطة .زاين:هههههه هادشي غير من الغيرة ياسر: هههه واييه هي عزيز عليها حاجتها ومكتبغيش لي يشاركها فيها .زاين: ههه ياس لي نبغيك تعرفو نور راها فامان معايا عارفك خايف عليها ، ولكن غنديرها فعيني وغنخرجها من ديك العزلة لي فيها وغنحيد ليها ديك قسوحية الراس حتا هي .ياسر:هههه والله يكون فعونك .زاين: هههه امين .ياسر:* ناض *يله انا مشيت زاين: بسلامة خويا .ياسر مشا وناض زاين يطل على البنات طلع ودق ودخل

ودخل عندهم لقاهم شاعلين pc ومتكيين على كروشهم ،زاين: شفتكم جالسين مهدنين اش واقع!!! رميساء: والو غير كنتفرجو وشوية غنمشيو لاصال زاين: مكاينش لاصال اليوم .نور؛ *قفزت من بلاصتها* وعلاش بالسلامة . زاين: حيت انا بغيت نور: كيفاش بغيتي شفتك دغيا وليتي باغي تحكم فيا . زاين: اه على مفراسكش راك غتولي مراتي .نور:*قربات لوجهو وكتشوف فيه بتحدي* ها نتا قولتيها غنولي يعني باقي موليت يعني باقي مضربتي بيا الكاغط يعني معندكش الحق تحكم فيا ، رميساء لور كتعض فضفارها وخايفة من ردة فعل زاين .زاين:*شد ليها ايدها وفربها عندو* راه انا لي غنضرب بيك الارض الى مريحتيش ولاصال مكيناش اليوم سالينا (مسكينة كتبغي تفر وجودها ولكن ممخليش ليها الفرصة) . رميساء: *كتبردو* صافي اخويا مغنمشيوش ولكن واش ممكن نخرجو نضورو شوية .زاين: فين باغين تمشيو .رميساء:غير تمشاو شوية وصافي ..عافاك زاين:......واخا ولكن غتلبسو لبس مستور وعنداك يقولكم داك راس دوزو لاصال هاودني منكم . رميساء : لاصافي كون هاني .خرج وخلا واحد البركان غيتغرقع . رميساء: اش قلت ليك اصاحبتي علاش كتشدي معاه الزكير نور: ومشفتيهش هو اش قال . رميساء: صافي لاش مقلقة اصلا مكايناش حصة اليوم و باينا باقي معصب من داكشي ديال البارح .نور: افف هاد خوك غادي يسطيني رميساء: وصافي نوضي نلبسو نخرجو نشمو شوية الهواء . نور: زيدي ياله .ناضو البنات نور لبسات قبية كحلة وشورط دجين زرق وكاسكيط فالغوز و رميساء لبسات تيشورت فالgري وسروال اسود مقطع وهزات شعرها سفنجة اما نور ديما طالقاه .خرجو البنات بقاو كيتمشاو ويتحتتو رميساء: بصراحة انور معرفتش كيفاش غتجمعو فدار وحدة ، بجوجكم راسكم قاسح وبجوجكم دمكم سخون غير الله يستر مع الله يحفظ معكم ب2 نور: واراك شفتيه هو لي فجأة ولا باغي يتحكم فيا وتقولي بحايلا كان كيتسنا الفرصة ,رميساء: ايوا ها هو دليل اخر بالي كيبغيك من قبل ميبان هاد الموضوع . نور: ايوا الى كان هكا علاش ماقالهاش ليا . رميساء: ايوا يمكن مالقاش فرصة ، دابا غتجوبيني واش زاين محرك حتا شوية انا صاحبتك غير قولي ليا .نور: *شافت فيها و تنهدت وسرطت ريقها* بصراحة انا فاللول كنت كانحاول ندير مسافة بيناتنا و مكنتش داياها فيه يعني كان غير خو صاحبتي ، منين خرج ليا موضوع الزواج تخربقت وعاد زاد خربقني بديك ب..بديك البوسة ، حسيت بشي حاجة فالشكل ،احساس عمرني جربتو ، مكتش باغاه يبعد ولكن صرفقتو باش ميسحابش ليه انا سهلة المنال ، رميساء: هههه هي حتا نتي طحتي فيه . نور: متزربيش يقدر يكون داك الاحساس غير حيت هو اول راجل كيقرب ليا بديك الطريقة ، وانا اصلا مكنعرفش خوك مزيان باش نولي نبغيه بهاد السرعة . رميساء: هههه ايوا هانتوما غتزوجو وتعيشو مع بعضكم وديك الساعة اري ما تعرفي عليه.نور: صافي فرعتي ليا راسي بهاد خوك جاني الجوع اجي ناخدو شي سوندويش من هنا .كانت واحد الكروسة فالطريق رميساء: اويلي هنا نور: هههه مالك معييتيش من المطاعيم واصلا هاد السوندويشات كيكونو بنان . رميساء: امري لله ياله مشاو وخداو وgلسو كياكلو .رميساء:ممم بنين نور: شغفتي اش قلت ليك ، خويا عافاك زيد 2 .كلاو خلصو ومشاو كيدورو فالزناقي ويخيطو فالدروبة ولي تشهاوها كيياكلوها ها البابوش ها الرايب دارو خيلوطة فديك الكرش حتا وصلت 7 العشية ورجعو فحالهم للفيلا ،دخلو كانت ليلى ورانية فالصالة دخلو البنات : سلاام ليلى ورانية: وعليكم السلام ليلى: فين كنتو نور: كنا غير كنتمشاو ونسرحو رجلينا ليلى: كليتو نقول للسعيدة توجد ليكم شي حاجة رميساء : لا اماما كلينا ،احنا الفوق .طلعو البنات ، رانيا: مال وجههم صفر . ليلى : ياك حتا نتي لاحظتيها .دخل زاين وجلس معاهم.زاين: سلام ، البنات رجعو ؟ ليلى: اه راهم الفوق . عند نور ورميساء نور: *شادا كرشها *رميساء محاساش براسي هي هاديك .رميساء: حتا انا *مشات كتجري للطواليط ردات كلشي * ونور تلفات محيلتها لكرشها محيلتها للرميساء ، كتعيط وهي شاداها السخفة وصوتها ممسموعش :ما ...ماما. ماشفتهم غير خدامة كانت دايزة وهبطات كتجري :لا لا . ليلى: اش كاين مالك ؟ الخدامة كتهدر و كتلهت: البنات الفوق معرفتش مالهم .ناض زاين كيجري فالدروج طلع لقا نور فالباب طايحة فالباب ورميساء كترد وفيها السخفة .دخلت ليلى و رانيا . رانيا مشات عند رميساء هازا ليها شعرها وليلى حابيرة بين نور لي سخفانا ولوخرا لي روحها غتطلع زاين كيسرفق فيها تنوض ووالو،ليلى: *كتبكي* الله ياربي اش واقع للبنات .هزها زاين وهبطها كيجري وقال: جيبو رميساء حتا هي دغيا .هبطاتها ليلى غير بزز ركبوهم اللور و معاهم ليلى كتفيق فنور ورميساء غير كتوجع وزاين سايg بجهالة 

 وصلو للمستشفى خرجو ليهم الناموسيات المتحركة وداوهم كيجريو دخلو معاهم وبقاو برا المستعجلات ، زاين عنق مو لي كتبكي ليلى: ياربي اش واقع لبناتي . زاين: صافي الوليدة غيظنو بيخير ان شاء الله ، بلاتي نعيط لياسر تاهو ....الو ياسر: الو زاين جتي واش عندكم فالدار شفتها تعطلت . زاين: لا راه ...راها فالمستشفى هي رميساء شدهم شي وجع وجبناهم لليرجونص. ياسر:*ناض قفز* اشمن مستشفى زاين: مستشفى **** .قطع وطلع لوطو طاير بيها ليلى: *تيلي كيصوني * الو رانيا: ماما اش خبار البنات .ليلى : باقين ابنتي مخرجوهمش رانيا: الله يحفضهم راه بابا علي وسعد وسيف جايين عندكم .ليلى : واخا ابنتي . دخل ياسر كيلهت ياسر :فين البنات اش وقع ليهم . زاين: تهدن راهم باقين لداخل خرج الطبيب طارو عليه :ياك لباس ؟ كيبقاو البنات ؟ الطبييب : تهدنو راههم بيخير دابا كانو واكلين شي حاجة تسببات ليهم فالتسمم ، البنت لي شعرها كحل درنا ليها غسيل المعدة حيت مرداتش راها باقا تحت تاتير المخدر والبنت الاخرى دgينا ليها شي براوات راها كترتاح .ليلى: نقدرو نشوفوهم .الطبيب: واخا هاهما غيحولوهم للغرفة وتقدرو تشوفوهم بالشفاء ان شاء الله الكل: شكرا .دخلوا البقية علي: فين البنات ؟اش قالو ليكم ؟ زاين: راهم بيخير دابا غير شي تسمم ادنا غنشوفوهم . وتمو مخرجينهم الفرمليات مكانوش فايقات دخلوهم للغرفة وركبو ليهم الصيروم وخرجو الفرمليات ودخلو الكل يشوفوهم فاقت رميساء ، ليلى : بنتي الحبيبة باش كتحسي . رميساء: *بصوت ناقص* انا بيخير نور فينها ؟ علي: هاهي حداك ابنتي باقي مافاقت . ياسر: الحمد الله على سلامتكم .زاين: طيرتوها منا خلعة هاد العشية .وقف ياسر كيلمس فشعر نور وباس ليها راسها ،حلات عينيها وهضر معاها: نور؟ فيقي احبيبا باش كتحسي ؟ كتضرك شي حاجة ؟ نور: لا ... انا بيخير ليلى: *باستها * حمد الله على سلامتكم ابنتي .نور: شكرا . بقا كل واحد يسولهم كيف بقاو . شافت نور فرميساء وتبسمو رميساء: شفتي لحسك بلاناتك فين خرجونا نور كتجرج فيها عينيها باش تسكت .ياسر: دابا غتقولو ليا كيفاش حتا وقع ليكم هكا .نور: كلينا سوندويش فالزنقة ميسحابش لينا مسموم زاين: *باستهزاء* حلفو بالله . نور حدرات راسها مبغاتش تشوف فيه ورميساء كتشوف فجيهة اخرى .ياسر: ياك ديما كنوصيك من ماكلة الزنقة تي مالك كديري غير لي فراسك نوور:*قلبات عينيها ونفخات وقالت فخاطرها ها هو بدا تاني* ياسر شاف فيهم وهز ايدو وقال: ياله معامن كتهدر علي: صافي خليهم يرتاحو داابا دخل الطبيب : البنات سافا ؟ .هما: الحمد الله الطبيب: مزيان ، متبقاوش تاكلو ماكلة الزنقة كون ماوصلتو فالوقت المناسب كان ممكن يوقع شي مشكل مهم هاد الايام كولو غير الخضرا وشربو الماء بزاف و غدا ممكن تخرجو ياله خليت ليكم الراحة .الكل : شكرا زاين : صافي سيرو نتوما انا غنبقا معاهم ليلى : لا اولدي انا لي غنبقا مع بناتي غير سيرو نتوما .مشا علي وسيف وسعد بعدما سلمو عليهم . ياسر باس ليها راسها : نتي راه شي نهار غتسكتي ليا القلب ديما تابعينك الزبايل وليتي مدخلا معاك حتى رميساء .زاين : كيشفتي هادي غير ساهلة تاهي نور: ماما عافاك خرجي هادو .ليلى : *كتجرهم * ياله خرجو عليا البنات خاسهم يرتاحو. ياسر وزاين غاديين ويطلو وراهم البنات كيديرو باي وكيضحكو .دخلات حداهم ليلى غطاتهم ونعساتهم ونعست حتا هي . الغد ليه فاقو البنات وجاو زاين و ياسر ومعاهم حوايج البنات بطلب من ليلى ، داخلين كيتعنgرو .ليلى: مالكم تعطلتو ؟ ياسر: عطلني غير زاين ،فين البنات ليلى راهم فطواليط كيغسلو .زاين: هههه حتا طواليط كيدخلو ليها ب2 ياسر: هههه هاد 2 عالام .خرجو البنات ولقاوهم جالسين كيضحكو عليهم .نور: صبحنا عالله تااني .ياسر: دوزي لمك تفطري قبل منوض ليك.جلسو وجبدوليهم عصيرات والكيك .نور: علاش جايب ليا الفاني .ياسر: كولي وسكتي مريضة وكتشرطي من الفوق شوفي رميساء كيف مهدنا .نور خنزرت فيه وبدات تاكل بحال الدرية الصغيرة وهما كيضحكو عليها 

سالاو البنات الفطور ياسر: ياله لبسي باش نمشيو ليلى :لا غتمشي للفيلا نقابلهم ب2 مسمعتيش الطبيب اش قال غندير ليبهم نظام غدائي باش تبرا معدتهم راه هلكوها الحلوفات .ياسر : *شاف فنور* واخا نتي تعرفي اخالتي ليلى: صافي مبقا عندك متدير راه زاين غيوصلنا غير سير نتا اولدي . زاين : اه غسير اصاحبي هاهما معايا : واخا *مشا عند نور شد وجها* انا مشيت الى حتاجيتيني عيطي ليا اوك .نور: اوك. شاف فرميساء وخربق ليها شعرها تهلاو فبعضياتكم وخرج .ليلى: ياله ازاين خرج خليهم ابدلو خرج زاين خلص الفاتورة ورجع لقاهم بدلو حوايجهم و دخل زاين هز الساك وتبعوه لللوطو ركبو البنات الور وليلى القدام وهو سايق .نور حطات راسها على كتف رميساء ، هي طلات عليها لقاتها ناعسة رميساء : ههههه نتي راك فتي الكوالا لديك الجيه مكتشبعيش نعاس . نور: ششش صدعتيني منعستش البارح مزيان مكنتش مرتاحة . ليلى: حسيت بيك بقيتي كتقلبي .زاين : احنا غنوصلو وشبعي نعاس .وصلو للفيلا طلعو البنات للغرفة يرتاحو مشا زاين للخدمة وبقات ليلى مع الخدامات كتوريهم اش يطيبو للبنات داز النهار عند البنات غير فالبيت سالا النهار وصلات 8 العشية جا كلشي لدار وجا حتا ياسر يطل على ختو هبطات نور لعندهم فالصالة ليلى : بنتي مالك هبطتي .رميساء: والو اماما قنطت وحتا نور كتفيق وترجع تنعس ملقيت معامن ندردش وهبطت .ياسر : ههههه وايلي باقا ناعسة رميساء: هه والله معرفت كيف كدير ليها انا طابو جنابي . ياسر: ممكن نطلع عندها ليلى : سير اولدي بلا متخود الادن الدار داركم راها الفوق فالبيت التاني من ليسر .ياسر : واخا بركالله فيك .طلع ياسر عندها شعل الضو لقاها كتشخر تكا حداها برجليه فالارض كيلعب فشعرها وكيفيق فيها : نور الهدى وا نور نوضي باركة عليك من النعاس. كان دايز زاين لبيتو ووقف كيشوف فيهم والباب كان محلول .ياسر: ايييه نوضي باركة اصلا الليل هادا مغتقديش تنعسي نور: *لاحت رجلها فوقو و ايدها حتا هي وتخشات فصدرو كتهضر ومغمضا عينيها * غير خليني فيا الفشلة وضارني راسي .ياسر: حيت متحركتيش من بلاصتك النهار كولو نوضي يسوط فيك شوية البرد *ايدو فشعرها* نور: *سكتت شوية وقالت وعينيها مزال مغمضين * ياسر واش ماما مسولاتش فيا ؟ ياسر: مقولت ليها والو . نور: احسن حيت اصلا مكانتش غتجي . ياسر: *تنهدو عنقها حيت ملقا ميقول * خوي راسك من هادشي وريحي راسك من هاد الامور. نور: صافي اخويا بلا متشطن عليا انا بيخير* شافت فيه وباستو * ياسر: ياله باغا تمشي للدار ولا تبقاي هنا نور: غير خليني مع ماما ليلى ورميساء ياسر : واخا ياله انا غنمشي للدار .باسها وخرج...عند زاين دخل للبيت كيفكر : وايلي ازاين غتغير حتا من خوها راه هو لي رباها اعود بالله نمشي ندوش حسن ليا .دخل زاين دوش وهبط كانت العائلة مجموعين على العشاء حطات الخدامة للنور ورميساء سوب الخضرة نور كتكول وساكتة و رميساء معاجبهاش الخضرة : ماما مبغيتش هادشي بغيت ناكل معاكم الدجاج .ليلى: لا شربي لاسوب ديالك خاصكم تاكلو خفيف كيفما قال الطبيب باش تاكلو دواكم .رميساء: *خسرات وجها وضارت عند نور لقاتها كتشرب وكتبنن بشوية عليها *نتي من نيتك جلسا كتاكلي فهادشي نور: مالك راه بنين الله يعطيك الصحة اماما .ليلى: بصحتك حبيبة رميساء: *هزات شوية فمعيلقة وغير داقتو وهي تخسر وجها* تي فيناهي هاد بنينة واش متأكدة حاسة الدوق عندك هي هاديك نور: تي مالك درتي ليا الطيارة كولي حسن منوض نكوبها ليك على راسك .رميساء: اففف ضارو ب2 لقاو كولشي كيشوف فيهم وكيضحك سعد :ههههه والله الا انور فين كنتي شحال هادي الدار كانت ميتة بلا بيك . علي: ولات الدار فيها الحيوية حتا من رميساء لي كانت غير ساكتة مبقاتش كتسكت هههه .داز وقت العشاء والكل تاجه الغرفة ديالو ، وصلات 3 اليل ونور باقا كتقلب فبلاصتها مجاهاش النعاس ناضت هزات شي حاجة من ساكها وهبطات مشات للجردة وجلست تحت ضو القمر ،زاين كان سهران مع شي خدمة سلاها ناش باش ينعس بان ليه شي خيال فالجردة التحت من البالكو ديالو حقق فيه و عرفها نور وبان ليه الدخان طالع من فوقها ، وهبط ليها

هبك وهز معاه االطفاية ديال العافية وصل حداها وهي معايقاش بيه حداها وكتكمي ممسوقاش ،هزو وعطاها للراس قتلها هههه لا غكنضحك ،هزو ورشو عليها هي قفزت من بلاصتها معرفت باش تبلات ولات كلها بيضاء بحال فار الدقيق تشوكات وبقات كتشوف فيه، زاين : ياله طلعي الدوشي ، باقي نشوفو في فمك نسرطو لوالديك انا لي راجل مكنكميش عاد باقي نتي البرهوشة ، ياله تحركي .طلعت نور مقندشة كتبرgم مشات نيشان الدوش . وزاين طلع للبيتو :مزيان تباركله هادشي لي بقا . نور دوشت وتلاحت فبلاصتها كتطيب نعاسها ..صبح الصباح هبطو البنات من بعدما غسلو ولبسو سلمو على الكل وجلسو نور كتجنزر فزاين وزاين كيخنزر فيها السيوفا كيتشايرو بيناتهم (وصباح هادا ههه) علي : البنات بلا متمشيو لافاك اليوم بقاو فالدار .رميساء: حنا الحمد الله بيخير ابابا غير كتزيدو فيه وصافي . ليلى : لواه ابنتي باك عندو الحق بقاو فالدار البيوم و حتال غدا وسيرو .وراه تأنا جالسة معاكم حفل الخطوبة بقا ليه يوماين وخصني نبدا نوجد ليه غير سمعات نور بقا ليه يوماين وهي توحل ليها بدات رميساء كتمسد عليها وكتضحك عليها عارفة اش بيها . علي : ههه بنتي متجافيش كولشي غيدوز مزيان .نور ابتاسمت ليه وطاحت عينها فعين زاين ودار ليها ضحكة جانبية شريرة ،يعلم الله فاش كيغكر وهي حدرات راسها كيلبكها ولد الحرام مكتعرف كيفاش تعامل معاه ولا حتا معنا دوك الشوفات لي كيدير فيها.سيف: وا الخلعة طلقي مني هههه زاين: فرق عليك خطيبتي .نور غير كتضور فعينيها .ناض علي :ياله الدراري ،الله يعونكم احنا مشينا .البقية الله اعاون .مبقاتش نور قادرا تبقا قدامو خاصة من داكشي لي حصلها كديرو وعاد الى قالها لياسر غيعلقها من شعرها بقات كتفكر فهادشي غادا جايا فالجردة بوحدها حتا كتحس بايدين كبار محاوطينها ودخلو فجيابها ديال السروال ،حسات بالتبوريشة طالعة معاها وضارت دغيا تشوف شكون ، و كان سدرو قريب ليها ومع هي طولها ياله واصل للسدرو بلا مطلع وجها عرفاتو شكون (شكون منغيرو شكون هادا ميكون غير راس الطبب بطبيعة الحال ) نور كتمتم مسكينة وكتهضر مهازاش عينها فيه: ع ع علاش كتقلب فجيوبي . زاين كيهضر بالابتسامة فوجهو : شفتك خرجتي للجردة قولت غتجبد شي gارو تاني وكون حصلتك هاد المرة كون جمعتها معاك .نور ساكتة وكتصنت لتهديدو مقاداش تهز عينها فيه .زاين لاحظ ةاد قرب ليها وكيهضر: ههه مالك مقاداش تهزي راسك *قرب وجهو لعنقها * ممم ريحتك زوينة كتستعملي la vie est belle ؟ نور هزات راسها دغيا بلا متفكر نطقات: وباش عرفتيها ؟ هي مولف تشمها فالعيالات ؟ زاين ابتاسم ابتسامة عرييضة وقال : اش هاد الريحة كنشم نورعلى نياتها كتشمشم فالهواء : مشميت والو .زاين: هههه اه ريحة الغيرة .نور عاد عاقت وحدرت راسها و كتلوم نفسها فخاطرها هز ليها زاين راسها بايدو وقال: ههه علاش كتخبي هاد الوجه *كيقرب لوجها وكيهضر *من ديك البوسة الاولى وانا كنحلم بالبوسة تانية كيف غتكون ، كولشي فيك كيحمق *قرب ليها و حط شفيفو عل شفايفها ودخلو فبوسة حاملة مع مشاعر واحاسيس جديدة كتولد هاد المرة مقاوماتوش وتوقف الوقت عندهم فعالم فيه غير هما فاقو من غيبوبتهم بعد على وجها شوية لقاها دمرة وعينيها كيبريو محلولين ويديها كيترعدو ضحك ضحكة فوجها وهي هربات للداخل هي غادة وهو كيقول بجهد :انا غادي نبدا نفكر فالتالتة كيف غتكون هههه هي سمعاتو وبدات كتجري حتا دخلت وهو بدا يضحك وقال: غنعيشك انور احسن عيشة وغنخليك تنساي جروحك غير صبري عليا .ومشا للطوموبيلتو باتجاه الخدمة.

دخلات نورللفيلا كتعتربالحشمة طلعات كتجري للبيت ، دخلات وردخات الباب وتكات عليه كتشوف نبشان وايدها على فمها ،رميساء كانت كدير ايلاينر ومركزة معاه(المعناة ديال شحال من درية هههه) غير ردخات نور الباب وهي تقفز وهي تدوزو على حنكها تفقصت منصباح وهي كتطلس تضرب ليها كولش فزيرو وتمت جاية كتعرعر: تي مال موك قفزتيني من صباح وانا مضاربا مع هاد الخرى تاهو مبغا يتقاد ليا (وفين هي نور راها فعالم بوحدها ) رميساء:*كتدوز ايدها قدامها* اويلي هادي مالها تاني *شافتها حاطة ايدها على فمها وهي تشهق وكتندب* اويلي على بنت الحرام فين كنتي اش درتي تاني ، واش نتي فينما نغيب عليك تجيني هكا ، ولد الحرام تاهو ماساهلش اه شينهار يغتاصبك فشي قنت و من جيب ليك خبار لالا نتي خصك تبقاي فجنبي مخصكش تغيبي عليا *شافت فيها وحركاتها * اويلي تي هضري معيا *حلات ليها فمها وطلات* هههه ياكما كلا ليك لسانك هههه .نور:ناري هاد خوك منين خرج ليا شوفي كي رضني فين ضسارتي فين قباحتي فين فنون الدفاع عن النفس، كيوقف قدامي كتصندل مكنعرف حتا شكون انا ، لا لا لا خصني نبعد عليه ، خصني نوقفو عند حدو ، السيد زعم ولا كيتحرش بيا ،اويلي وانا لاش كنبقا ساكتة ليه .رميساء: هههه اش كتخربقي ههه نتوما غتزوجو واش عرفتي شناهي غتزوجو راك غتعيشي معاه و نتي كتقولي ليا خاصني نبعد عليه هههه نوضي راه حرقهم ليك وداك شوية العقل لي عندك داه ابنيتي ومحال يرجع .تلاحت نور كتمرغ فالارض وضرب برجليها :لا ميمكنش كيفاش غنعيش معاه فدار وحدة و فبيت واحد رميساء جلست فالارض حداها وربعات كتدوز ايديها عليها: اااه الفول كيتعطا غير لماعندو ضراس ، حتا انا بغيت نتباس ونجرب الحب والرمانسية ، ناضت نور بزربة بلا تعابير فوجها و جلست قدامها : صافي عرفت رميساء: باسم الله عليك ابنيتي اش عرفتي .نور: *بكل تقة فالنفس* خوك ساحر ليا . رميساء:هههههههه العار لمل سكتي واش من نيتك تي حمدي الله وشكريه ناس راه ملقاو بوركابي حتا باش يتصورو معاه (احم كتهضر علينا) ونتي جالسة طرطاي عليا . نور: واكولوه واشبعو بيه واش سمعتي اهاديك widad bella مبغيتش تجوج انا باقا باغا نلعب رميساء: نوضي ابنيتي راك تسطيتي لاش غيسحر ليك هو بعدا .نور ايوا باش كتفسري انني مكنقدرش نمنعو فاش كيقرب ليا و ننتصندل قدامي كنولي بحال شي جماد رميساء: هههه هاداك ابنيتي سميتو الحب love . نور: زعما نكون كنبغيه .رميساء: اه ابنيتي على داك الحلوف ساهل زرب عليك ولد الحرام هههههههه .نور: واش كتضحكي كتشفاي اويلي بين ليلة وضحاها وليت خطيبة خوك .رميساء: مالك هههه حنا فزمن السرعة . نور:دابا من هادشي كولو باش نعرف راسي كنبغيه .رميساء: احححح ايوا الالا فاش كتبغي كتولي غير كتدوري وتفكري فيه كتفكري الدكريات وكتبقاي غير تفكري فيه وضحكي كيف الحمقة غير كتسمعي صوتو اولا كتشمي ريحتو قلبك كيبغي يجرج من بلاصتو اما الا مسك اااااخخ كتدسي بالحرب فداتك ها الضو كيتسارا فيك ها القلب كيخبط ها المعدة كتفرفر كتولي باغا غير ايمتا تشوفيه وغير كتحطي راسك على المخدة كتشوفي صورتو قدامك اخخخخ الله يا ربي منين كنعرف هادشي *شافت فنور* هههه وتي فين مشيتي تاني والله حتا طيحا على زنافرك. نور: وااقيلا عندك الحق ، يمكن كنبغيه ولكن مغنقول والو خليه هو يعتارف الاول ، وحسك عينك توصليها ليه والله حتا ندبح مك .رميساء:* دوزات على فمها* واللهما نقول شي حاجة حنا صحاب ولا كلاب ونوضي دابا نشوفو الوليدة اش كدير . هبطو عندها و بقاو يبرزطو فيها وهي خدامة دايرين كيف الجاوشات مكيسكتوش داز داك النهار عادي حتا وصل الليل نور بدات كتفيبري عرفات صاحب دعوتها قرب يجي كانو فالصالة كيتفرجو حتا سمعات نور صوتو

يتبع