الضابط و زوجته المراهقة الفصل الرابع

سمعات صوتو قفزت ورميساء عوجا حداها بالضحك رميساء: واها لي قلنا هههه ناري مك كي كتباني .نور :سكتي اللقوة الله يعطيك حالتي رميساء:من فمك لباب السماء ياربي . نور هربات كتسلت رميساء: اجي لهنا لمك فين غادا دابا يشحك فشي قنت تاني هههه الصgعة هرباتو ليا هاد التهار .مشات نور كتسلت باش متطلاقاش معاه .ساعا هي معمن شافها كتسلت عرفها هربانا منو قلب الطريق ماجات غير فيه ،هو كيضحك عليها عاجبو الحال هي مع كانت محنية شافت غير صباطو مهزاتش راسها دازت لليمن حبسها ودازت لليسر وحبسها كيشوف فيها وكيضحك على تصرفاتها هي طلعات نفس وخرجاتو وجمعت شجاعةوهزات صبعها قدام عينيه:شوف اهادك اه زعمتي بزاف عنداك يسحاب راسك انا ساكتة ليك حيت خايفة منك الى باقي قربتي ليا غنقولها لعمي، زاين شد فصبعها وهبطو وكيشوف فيها وكيضحك :ههه وينو شحال كيوت ونتي كتهدديني ، ايوا اش غتقولي ليه *كيهضر و كيقرب ليها وهي كترجع بالور * زاين كيتحرش بيا ؟ .لسقات مع الحيط وهو حط ايدو على الحيط .زاين: وقولي اش غتقولي ليه *مد ايدو على حنكها كيبعد شعرها و ركز النظرة على فمها كيقرب وكيهضر* ميسحابليش اناخود التالتة بهاد السرعة *حتا قربات اللحظة الحاسمة وهي تجمع معاه للمركز الرجولة نور: عزاك لي غتاخود باقي تقرب ليا غنقولها لياسر وعمي. مشات وخلاتو طايح كيتلوا ويتعصر: بنت الحرام نسيتها علاش قادا يخ مالقات فين تضرب لوالديه بغات تخرج علينا .ناض كيعرج و طلع كيتسلت ليشوفوه فديك الحالة ونور دازت كتجري وشافتها رميساء وتبعاتها للبيت ودخلات لقاتها غادا جايا رميساء: هههه قلت ليك متنوضيش من حدايا ، اليوم شبعتو حلوة ههههه نور: كوني هانيا هاد المرة مجدا والو حتا قرب ليا ونت نعطيه لballs حتا عواج رميساء: اويييلي على بنت المسخوطة حماقيتي هههههه لا لا نتوما ماشي نورمال .نور: ومالك اش كيسحاب ليك غنبقا نشوف فيه . رميساء: هههه صافي صافي سكتي ياله نهبطو راه بابا جا. نور: غهبطي نتي انا مفيا لي يشوفو رميساء: اوك نتي تعرفي .وتمت غادة نور: ولا بلاتي غنمشي معاك احسن .رميساء:هههه زيدي .هبطو البنات دخلو للصالة لقاوهم مجمعين سلمو عليهم وجلسو ليلى: نور حبيبة مالك مزنgا ياكما طالعة ليك السخأنة رميساء كتحبس فالضحكة وزاين داير ضحكة شريرة وكيشوف فيها اش غتقول . نور: لا ماما دايرا فاراجو .رميساء:*كتبكي من كترة ماحابسة الضحكة مسبراتش وخرجت للجردة وناضت تبعاتها نور* لمك نتي عاجبك الحال كتضحكي عليا رميساء:هههههه واش غندير هاد النهار طيرتوني .جلست نور فالزعلولة وحداها رميساء.رميساء: مالك تاني .نور: معرفتش حاسة براسي باقي ممستاعداش لشي علاقة جدية ، الزواج اصاحبتي راه مسؤولية ، وانا منضنش راسي قادا على هادشي .رميساء هزات راسها ولقات زاين وراها ودار ليها براسو زعما خلينا بوحدنا 

ناضت رميساء ودخلات نور مفهمت والو حتا بان ليها زاين جا جلس حداها وهي بغات تنوض وقال : هههه جلسي نهضرو شوية ، ولا خايفاني ناكلك نور: *رجعت جلست* لا انا مخايفش منك . ابتاسم وضور وجهو كيشوف فالاجواء والسماء بس كانت مظلمة والقمر كامل وباين وكان شوية الريح كانت نسمة زوينة وقال: مكاين ما احسن من اجواء الليل . نور هزات راسها وابتاسمت : عندك الحق ، احسن خرجات كيكونو بالليل .زاين: كيعجبك تخرجي بالليل ؟ نور: اه كتكون الدنية هانيا ماكاينش بنادم والصداع كتكون بحايلة فالعالم كولو بوحدك هههه زاين: واااو هاهي واحد النقطة مشتركة بيناتنا هاي فايف (ضربة بالكف) زاين: هي صافي انا وياك خروجنا غيولي غير بالليل ومغتبقايش بوحدك ، *شاف فيها بابتسامة جانبية وهي ضورات راسها فكرها فالزواج* زاين: انا فاش كنت جاي سمعتك بالصدفة اش قلتي للرميساء ، انا بغيتك ترتاحي من جيهتي وتيقي فيا كيفما كتيقي فياسر واكتر ،الزواج راه مسؤولية كيف قلتي ، و نتي عارفك قوية وكتحملي ،موضوع بحال هادا راه والو بالنسبة ليك ، واي واحد سولتيه فهاد الدار غيقولك نفس الهدرة ،تيقي فراسك، وراه المسؤولية مقاسمينها ب2 غنتعاونو ب2 و بالنسبة للحياتك راه مغتبدلش بلا متخافي من هاد النحيا . نور هنا كانت كتشوف فيه وكتصنت وحاضية تفاصيلو فاش كيهضر لي عمرها جاتها الفرصة ترد ليها البال ، كان كيهذر بفمو وبايديه و حتا ملامح وجهو وكان فينما كيبتاسم ليها كيتهز قلبها معاه . قاطع سرحانها وقال: نور متافقين ؟ *ومد ايدو ليها* شافت فيه وابتاسمت ومدت ايدها ليه وتسالمو وقالت: متافقين !سرحو فبعضياتهم ، وقاطعاتهم رميساء: احم احم . زاين: مالنا نتي اش كاين ؟ رميساء: راه كنتسناوكم على العشاء . نور: واخا . ناضت نور تعانقت هي ورميساء وغاديين كيتغامزو وزاين متبعهم من لور و كيضحك ،دخلو لقاو كولشي مجموع على العشاء ، علي: ههه صافي بديتو تافقو ؟ نور حدرات راسها وزاين المقزدر كيضحك سيف: هههه وايلي نور كتحشم ،هادشي جديد. سعد: ومالها ؟ راه gاع لبنات هكاك ، والبنت لي مكحشمش راها ماشي بنت . علي: بالصح بناتي الله يرضي عليهم مربيين ومرضيات وكيسمعو الهضرة . رميساء ونور غير كيفرنسو عاجبهم الحال. داز العشاء فهاد الاجواء ، وكلها مشا للبيتو دازو دوك اليومين عاديين وغير فتوجاد لحفل الخوطوبة. اليوم السبت و بالظبط فالجردة ، العائلة مجموعين و حاضرين حتا اصدقاء العائلة موجودين ، كان زاين فكامل اناقتو ، كوستيم السهرات اسود وشوميز بيضاء و بابيون مطلع شعرو لفوق و الابتسامة العريضة ممفارقاش وجهو ،كان واقف مع عماد وياسر و سيف وحتا هما فكامل اناقتهم ، الفوق عند البنات نور: اففف كيكنبان مزيان ؟ رميساء: غزالة احبيبة كتحمقي نور: حتا نتي جيني كتحمقي .رمميساء كانت لابسة غوب قصيرة فالباج لاسقة من الفوق ومفرفرة من التحت مفيهاش الكمام وكتوسطها سميطة فالكحل من الخصر ومكياج خفيف . ونور كانت لابسة( الصورة) ،وسموكي خفيف طالقة شعرها .دخلات ليلى: ماشاء الله على بناتي كتحمقو بالزين ، يلاه تهبطو كولشي كيسول فيكم .نور ورميساء: واخا .هبطو وخرجو الجردة غير دخلو مع الباب كولشي تبهر فجمالهم ومنهم زاين وياسر لي بقاو حالين فامهم تقدمو ليهم وكل واحد جر محبوبتو لعندو ،ياسر: اش هاد الجمال كولو ، كتحمقي . رميساء: حدرات راسها: شكرا زاين: هاد الزين كولو ديالي نور:*حشمت و حدرت راسها * زاين : ههه جيتي غزالة نور: شكرا .طلع علي للمنصة وقال: امسية سعيدة لجميع الحاضرين ، حفل هاد الليلة هو اعلان خطوبة ولادي زاين ونور الله يرضي عليهم ، تفضلو اولادي عندي .مشاو عندو تحت انظار الكل وقفهم قدامو وجبد بواطا صغيرة : هاد الخواتم من جدودكم خلاوها ليكم هدية زواجكم . عطاه ليهم و لبسوه ابعضياتهم و باسو ايد علي : الله يرضي على ولادي وكتمنا ليكم السعادة ، دازو الابطال كيسلمو كبار العائلة والحضور وكيتمناو ليهم السعادة ، كانت نور متضايقة من كلامهم كل شوية يسولوها فين والديها ، هي كانت مع زاين وكل شوية كتقلب بين الناس بعينيها ، زاين لاحظ وعرفها فاش كتفكر وقال : واش تسمح ليا خطيبتي الغزالة بهاد الرقصة .نور: اه ممكن . داها الوسط وبقاو يرقصو وكيحاول يضحكها باش ينسيها ، شافوهم رميساء وياسر ولتاحقو بيهم ، ياسر كان كيشوف فعيون رميساء قدامو مكيزعزعهمش والابتسامة ممفارقاش وجهو .رميساء عاجبها الحال تاهي طايرا بين ايديه نساو الدنيا وشكون فيها ، سلات الاغنية. نور كانت كتسنا غير ايمتا تسالي الحفلة باش تغطي وخها وتنعس كانت خخيبة الامل باينة على وجهها زاين زير على ايدها وابتاسم ليها حيت مالقاش الكلمات لي يخففو عليها وهاد الحركة عطاتها الضو الخضر باش تطلق دموعها جرها دغية للبيت باش ميشوفها حد ، دخلو للبيت حيدات سباطها وتخشات فالفراش بحوايجها وغطات وجها ، زاين قرب ليها حيد الغطا من وجها لقاها كتبكي فصمت تكا

تكا حدتها وحط راسها على سدرو هي غامازادت فيه استسلمات للحزنها وبقات كتبكي بحرقة وهو كل شهقة كتشهق روحو كتطلع معاها ، وكيدوز ايدو على شعرها و على ظهرها و هو ساكت مكيهضرش حيت عارفها كتبغي تبقا بوحدها فبحال هاد الاوقات بقاو هكاك دتا نعسات بين ايديه ومتزعزعش خلاها على راحتها . كان الحفل قريب يسالي والحضور كينقص ياسر جر رميساء كيتمشاو ويتتحتتو حتى بعدو من البشر ووقفو كيشوفو فالقمرة المضوية رميساء : الله فرحت بزاف للخويا و حبيبتي نور كيستاهلو غير الخير . ياسر : *كيشوف فيها وكيقرب ليها وابتسامة فوجهو هي توترات من نظراتو و بدات ترجع باللور عفطات على حجرة وعتراتها كانت غتطيح ولكن شدها ولاسقها معاه تلاقت الاعين وتخلطت الانفس والقلوب كتخبط قرب كتر لوجها كيشوف ففمها هي فهمات اش غيوقع وهي تغمض عينيها مكمشاهم ، هو وقف شافها هكاك ضحك ضحكة وغمض عينو وحط شفايفو على شفايفها ودخلو فقبلة دامت لمدة معرفوهاش كانو دايببين فبعضياتهم رميساء ترخات بين ايديه كانت غتسخف اول قبلة ليها . ياسر شاف راسو غيزبلها وبعد وقال : ايوا ايمتا نوبتنا . رميساء تحلو عينيها و قلبها غيطير بالفرحة ، حشمات منو و ضارت باغا تهرب (او مسكينة بالسيف هادشي راه كتير عليها ههه) وهو متبعها وكيضحك عليها حتا تمت راجعة و دارت ايدها على عينيه حيت شوفاتو كيوتروها ومسحات ليه فمو من العكر( مقادين على فضايح هههه) وهربات هو بقا كيضحك عليها عجبو الحال

فاق ياسر من سهوتو عاد سرات معاه نور غابرة طلع يقلب عليها فالبيت ،دخل لقاها ناعسة عند زاين و زاين دار لي حركة بمعنى سكت راها ناعسة خرج ياسر وزاين حط راسها بشوية وخرج عند ياسر .ياسر: مالها ناعسة ، واش وقعات شي حاجة؟ زاين : كانت مقلقة حيت مها ماجاتش وعاد بنادم مسكتش ، شحال وهي كتبكي مكتهضر مكتكلم ، واش هي فخبارها اليوم الخطوبة ؟ ياسر: اه كنت عندها قبل منجي قسحات راسها مبغاتش زاين : اففف المشاكيل . تلفت ياسر ولقا نور وراه : نو...نور ؟ ايمتا فقتي نور قربات وعينيها فيهم الدموع وقالت: الخطبة ديال بنتها الوحيدة محضراتش ليها واش لهاد الدرجة مكتحملنيش *كتهدر وهي مخنقة بالبكية * ياسر قرب ليها ودار وجها بين ايديه وقال : حبيبة نتي عارفاشنو كاين.... نور قاطعاتو ونطرات منو: ديما نفس الهضرة صبري ماشي لخاطرها انا راه عييت من هادشي ، ديما كنفكر ليها ولكن شنو انا من هادشي كولو .مسحات دموعها ومشات جيهة الدروج ودارت وقالت واياك تبعني وهبطت كتجري ياسر:* ضرب يدو مع الحيط* اففف سمعتنا زاين: صافي راه غتهبط يضربها شوية البرد وغتهدن ياسر: لا لا خلينا نهبطو نشوفو هاديك راه والله حتا تخرج . هبطو ب2 كيجريو قلبو الجردة كاملة ملقاوهاش خرجو عندهم علي وليلى ورميساء علي : اش كاين ادراري ؟ زاين : نور معرفناش فين مشات ؟ ليلى: اويلي علاش مالها ؟ ياسر : مقلقة حيت الوالدة مجاتش . زاين: زيد سربي خنقلبو عليها . رميساء : انمشي معاكم . ياسر : جلسي فداركم . ركبو اللوطو وخرجو يقلبو عليها .... عند نور لي غادية مكمشة من البرد وكيتسمعو غير خطواتها فدروبا خاويين ،غادا متبعا خطواتها و اتار الدموع على خدودها ووجها ممحي من التعابير ماشيو معارفاش راسها فين غير كتفكر ، قشعها واحد المنحرف تبعها باللوطو هبط الجاجة و قال: مال الزين مقلق وغادي بوحدو طلعي نشطو ب2 . نور: غتمشي ت***د من قدامي ولا مغيعجبك حال . وكملت طريقها . هو خرج كيتسلت من اللوطو ومعول يخطفها ويدير فيها مابغا وهي شافت خيالو فالارض خلاتو حتا قرب وضارت عطاتو لبين فخاضو هو تحنا شدهم وهي نزلات ليخه على الظهر هاد الضرية لاحتو الارض وهي كملات عليه بالركيل للكرشو و جنابو وشركات حتا وجهو ومع لابسة الطالون خمجات ليه وجهو ولا كولو دمايات هو فشل مبقاش تحرك وهي كانت معصبة باغا غير فين تخوي بقات عليه بالركيل والخبيط وهو فشل مسخوط طاح بين ايديها ، حتا وقفت سطافيط وهي هزت راسها وشافتهم وقالت : اففف هادشي لي كان ناقص . هزوهم ب2 وداوهم ، يسحابلهم من بنات الليل وحتا هي محاولاتش تشرح ليهم الوضع حيت مغيتيقوهاش ، داوهم وهبطو هي هزات راسها : اف ملقاو غير هاد الكوميساريا . دخلوهم وجلسوهم واحد الكرسي ، لاخر دايخ حداها باقي بدماياتو هي جالسة مسرحا رجليها ممسوقاش مولفة هادشي . حتا هزوهم دخلوهم للمكتب عند الكوميسير كان واحد باقي جوون . دخلوهم و قفو قدامو وهو هز راسو بقا كيشوف فيها وقال: مالكم نتوما . هي غير ساكتة وكتدور عينيها ممسوقا لحد وقال المنحرف: اسيدي مدرت ليها والو غير هضرت معاها وطارت عليا دارت ليا هاد الحالة . الكوميسير شاف فيها : دابا هادي دارت فيك نتا كامل هاد الحالة ، واخا . وناض وقف حداهم وطلع وهبط فنور : ايوا ونتي علاش ضربتيه مخلصكش ؟ نور ضارت طلعات فيه عينيها وكيخرج منهم الشر : اشناهو ؟ الكوميسير: *دار ضحكة استهزاء* مالك جرحت ليك مشاعيرك راك غير ق**ة ، نور: انا اشرف من مك الحيوان .هو جبد معاها للحنك حتا ضارت و بدا يgفض وعيط على لي برا : سيفط هادا . داه وخرج وسد الباب . هو كيهضر ويقرب ليها : عاودي لمك اش قلتي ، هي بقات كتخنزر فيه هو ياله جبد ايدو يعطيها تاني وهي تلويها على ظهرو حتا دار وعطاها بألظهر وركلاتو حتا دخل فالحيط لي قدامو ، هو ناض وقال : ولايني راك ماساهلاش مع راسك . وبدا كيقرب ليهها تاني وهي قالت : والله وتقرب ليا حتى ندمك . هو : ههه ومالك راه دازو عليك شلا يدين انا معلياش الله . قرب ليها و لصقها مع الحيط وكلا ليها ايديها وبقات هي كتطرطا باش تفلت منو وتغوت باش يطلق حتا تفرع الباب

دخلو عليه زاين وياسر والشر خارج منهم ، حيت سمعو غواتها لقاوه باي يبوسها طارو عليه ب2 بالركيل ، ناض ياسر عند نور عنقها وهي كتبكي بين ايديه ولاخر كيفكوه من ايد زاين . زاين : وقفوه قدامي . دارو داكشي لي قال وقابلوه معاه : نتا اش عند بالك كنتي غدير اه ؟ هو واقف قدامو وحادر راسو : هاديك اشاف من بنات الليل ... ياله غيكمل وعطاه للوجه تاني : هاديك راه خطيبتي الحمار لي ولدك . شاف الضربة لي فوجهها ، وعاود ضربو تاني : وماد ايدك عليها الكلب الى مربيتك انا ماشي زاين العمراني .وسبقو ياسر معنق نور وتبعهم من الور ركبو فاللوطو نور اللور مكتهضرش وزاين سايق وحداه ياسر . ياسر:*كيغوت* واش باقي انور مغديري عقلك ، شفتي اش كان غيوقع كون مدخلنا فالوقت ، واش نبقا انا دبيما مخلوع كنقلب عليك . هي غير حاطة راسها على الجاجة و ممسوقاش ليه .زاين: خليها دابا من بعد ونهضرو معاها . وصلو للفيلا هبطات نور هي الاولى طلعات لبيت رميساء وهما بقاو متبعينها دخلو لقاو كولشي باقي فايق ، طلعات رميساء تبعاتها .وهما عاودو ليهم اش وقع ، علي : صافي اولدي موقع باس . ليلى: حمد الله خرجت طريفة .علي :صافي سيرة ترتاحو راه عييتو . ياسر : انا غنمشي دابا ها نور غتبقا تال غدا ونرجع ليها. ليلى : لا اولدي الليل هادا غير بات هنا اليوم انا غنوجد ليك بيت . ياسر : واخا شكرا . مشا الكل للبيتو ينعسو.... عند نور ،رميساء : *معنقاها* جلعتيني عليك فين مشيتي اصاحبتي .نور مكتجاوبش غير كتبكي .بقات رميساء شادا معاها الخاطر حتا سكتات و دخلاتها للدوش تحيد عليها العيا ولبساتها وخرجو نعسو معانقات وهادشي كولو نور منطقات حتا كلمة .... الصباح الاحد مجموعين على الفطور ، كولشي جالس الا نور ورميساء ، رميساء هبطات وجلست :صباح الخير الكل : صباح الخير ياسر: فين نور ؟ علاش مهبطتش؟ رميساء: مبغاتش تفيق وخليتها على راحتها . ياسر: *تنهد* واخا . سالاو الفطور طلع ياسر عندها لقاها مخشية فبلاصتها وريدوات هابطين البيت مظلم ،باس ليها راسها وقال عارفك فايقة، نوضي مديريش فراسك هكا ، تاداجة متستاهل ديري عليها هكا .*عاود باس راسها وخرج . نورحلات عينيها وناضت جلست بقات كتفكر ، وناضت دوشت ولبسات تيشورت اسود فوقو سالوبيت دجينز .وهبطت كانت ليلى وعلي غيقضيو اليوم عند شي اصدقاء عارضينهم ورانيا وسعد وولدهم خارجين يفوجو وسيف عند حبيبة القلب و زاين مخشي فبيتو ورميساء فألكوزينا كتصوب فطور لنور . نور هبطات للجردة مخنزرة فايقا خاسرة . جبدت gارو وبدات تبخ طلعات رميساء للبيت مالقاتهاش حطات البلاطو قلبات الحمام ملقاتهاش ! وهبطت التحت قلباتو كامل وخرجات للجردة و لقاتها تما كتكمي قربات عندها وعنقاتها من الور : gارو على الريق ؟ غير منين كتكمي باينة باقا معصبا .طل زاين وبقا حاضيهم من الفوق . نوركتهضر وكتبعدها عليها: سيري حيدي من حدايا . رميساء اري نجرب تأنا . نور: *خنزرت فيها* اش باغا تجربي سيري بعدي حتا نساليه ورجعي عندي . رميساء : افف ها هي غادا .مشات وهبط زاين عند نور وقف عليها حيدو ليها من ايديها وقال: هادا اش قلنا عليه ؟ اه ؟ نور: *خنزرت فيه* ونتا اصلا مالك ماشي شغلك فيا . زاين: *تعصب وشدها من دراعها* شوفي نتي كلمة وحدة قلتها ليك متبقايش تجاوبي معايا غير كنجمعهم ليك حتا داكشي ديال البارح راه مناسيش . نور : *تنترت منو * ونتا مالك اعباد الله ندير لي بغيت ماشغلكش فيا نكمي نموت gاع ماسوقكش . زاين: واخا ديري لي بغيتي ولكن نشوف رميساء هازا شي gارو متلومي غير راسك . زدح فيها ومشا خلاها حادرة راسها

حدرات راسها و رميساء سمعات زاين اش قال ومشات عندها حطات صينية وشافت فيها ، رميساء: متديش عليه تاهو فايق خاسر . نور: خليه يقول لي بغا هو لي بقا ليا و مشات للزعلولة و جلست . رميساء بغات تخفف عليها : اجي باقي موفيتي بالوعد لي قلتي ليا .نور:اينا وعد .رميساء : تبدلي ليا الديكور ديال بيتي نور: اه نسيت ، ياله دابا نيت مكاين مايدار .طلعو البنات للبيت .نور : بعدا خاصنا نجمعو هادشي كامل نحيدوه نخويو البيت رميساء: اه هي الولى. عيطات على الخدامات و شي gاردكورات يفكو داكشي داوه لبيت اخر بقا البيت خاوي . زاين سمع التقرقيب وخرج : اش كديرو غترحلو نور قلبات وجها ورميساء قالت : لا اخويا غير غنبدلو الديكور زاين: *كيشوف فنور لي قالبا وجها مكتشوفش فيه* اهه مزيان الى بغيتوني فشي حاجة انا فالجردة التحت .رميساء : اوك .مشا هبط. نور كضور فالبيت وكتشوف فالحيوط . رميساء: اشنو بان ليك . نور: قلتي ليا كيعجبوك الوان الطبيعة رميساء: وي نور: اوك بقات نور كتعبر وتقيس فالحيوط شحال وهي واقفا حتا عيات رميساء: ياله هبطي تفطري بينما طاحت عليك شي فكرة بان ليا باقين معطلين .نور: هههه واخا هبطو للجردة وجلسو مع زاين فاجلسة لي تما ، نور كتفطر وزاين داير ليزيات كيتمزك ورميساء حداهم رميساء: زاين ؟ زاين ! واااالخرى نور: هههه تي اش بغيتيه راه الحلوف ساد ودنيه .زاين: 😑 سمعتك الرهوشة نور:انا وهي لا . رميساء بدات كتضحك وكور شافت فيها وبقات ساهية فيها ، كانت ديك الضحكة كدوز بslow motion كان شعرها طاير لللجنب وعينيها شبه مسدودين نور: رميساء؟!! رميساء:*شافت فيها* نعم حبيبة . نور: واش عمري قلت ليك ضحكتك زوينة رميساء : *دارت ايديها على جسمها * سمحي ليا انا كنبغي الرجال زاين:ههههههه (عالام هاد الحمقات) نور: هههه كتردي ليا الصرف ، موضي نوضي دغيا . غادا جاراها رميساء: اويلي فين . زاين: اجيو لهنا فين غاديين نور : لشي محال للوازم السباغة .زاين :ياله صبرو انا نمشي معكم . طلع هبط معاه سوارت وصاg بيهم حطهم تما وهبط معالهم . زاين : ياله خودو شنو بغيتو .مشات نور عند لي كيبيع و لخريين واقفين وراها . نور: عافاك بغيت سبايغ الرسم على الحيط عطيني 4 تدرجات ديال الخضر والقهوي والكحل والزرق والبيض اووو... اه والصفر وعطينيني شيتات وحدة كبيرة وحدة متوسطة وصغيرة ووحدة رقيقة .اه وطارو ديال السباغة بيضاء . جبد ليها البائع كلشي داكشي وخلصو زاين هزو داكشي ورجعو للدار طلعت نور دغية للبيت وهازا داكشي وعاونوها لخرين تاهما وهما كيشوفو فيها وكيضحكو على الحماس ديالها دغية خلطات السباغة. زاين : اش غديري .نور بغيت نسبغ البيت بالابيض زاين: *حيد التيشورت* انا غسبغو ، نور : غنتعاونو حيت بغيتو ينشف دغية بدا بداك الحيط القدام ، زاين: واخا . بداو يسبغو ورميساء حتا هي سالاوه دغيا ونور حلات الشراجم كاملين وجرات عليهم :ياله برا رميساء خليني بغيت نعرف اش غديري .نور: لا غتبقاsurprise ياله برا، اه ومتديرونجيونيش إندير ليزيات مغنسمعكمش بلا متدقو الى محليتش الباب .وسدات الباب بالساروت شافو فبعضهم بتعجب وهبطو داز شحال ديال الوقت جلسو يتغداو كان جا غير سيف كيتغدا معاهم . زاين :طلعي شوفي نور تهبط تغدا راه من قبايلا وانا كندق عليها مكتجاوبش سيف: علاش مالها . زاين: ههه ققالك اسيدي باغين يبدلو الديكور ديال البيت ومن قبايلا وهي مخشية تما معرفناها اش كدير . رميساء: ااا زاين ؟! هو: *شاف فيها * مالك رميساء: قبايلا فاش خاصمتي على نور سمعتك اش قلتي ليها . زاين: امن بعد راه نيت نحصلك كديريها ندمكم ب2 . رميساء: راك غير ظلمتيها هي فينما كتكمي كتجري عليا من حداها وكتبعد حتا كتسالي و عمرها قالت ليا جربي اولت شي حاجة .زاين : *تفكر فاش كانت كتدفعها الصباح* صافي كولي دابا .سيف: علا نور كتكمي ؟ رميساء: اه ولكن قلييل غير الا كانت معصبة ولا مقلقة . سيف: اه لا هي باقا الصغيرة خاصها تحيد هاد القاعدة زاين : غنحيدها ليها غير بلاتي . داز الوقت وجاو علي و ليلى وتبعوهم رانيا و سعد جلسو فالصالة كيف العادة . ليلى : فين نور مشات ؟ رميساء : لا اماما فالبيت كنت قلت ليك غنبدل الديكور ايوا راها خدامة فيه من صباح وهي تما حتا دابا ها هي 5:30 زاين : ونوضي شوفيها رااه حتا الغدا ممغدياش .جات الخدامة : انسة رميساء ، الانسة نور بغاتك .ناضت رميساء كتجري طلعات عندها بعد صمت كيتسمع الغوات الفوق كولشي ناض مخلوع

دخلات رميساء للبيتها و حلات فمها وغوت واااااااااااااع نور: *شدات ودنها * الصعر تي مال موك زعزعتيني . دخلو الكل مخلوعين حتا كلهم وقفو ورا رميساء لي حالا فمها قدام داكشي لي شافت . نور كانت راسمة ديك الضحكة لي شافت فالجردة ، كانت كبفما شافتها نفس الضحكة ونفس الملاميح والشعر لي كان طاير للجنب و الشجر والربيع لي كان وراها والرسمة كانت شادا الحيط كولو والحيوط لوخرين كملات فيهم ديكور الربيع يعني البيت الى دخلتي ليه كتحس براسك فالطبيعة . ليلى: واااو نور بنتي هادشي غزال . زاين: وايلي اش هادشي كنشوف ، رميساء gاعما زوينة لهاد الدرجة ، هههه هادشي علاش قلتي ليها ضحكتك زوينة . سيف: وايلي فين انا . رانيا : العار لما ديري بحالو فبيت ريان نور: واخا علاش لا هه علي تباركلاه على بنتي موهوبة ماشاء الله عليك نور : شكرا . ليلى: رميساء؟ شفتك ساكتة مغتقولي والو ؟ تقدمات ليها نور لقاتها كتبكي وهي تلاح عليها حتا طادو وبقات معنقاها وكتبكي : اهئ اهئ احسن مفاجئة شغتها فحياتي . نور : ههههه الحمقاء . زاين : نوضي عليها راك بجغتيها . ناضو ورميساء مطلقاتهاش بقات تبوس فيها وتعاود .نور: وصافي طيبتيني ههههه . ليلى سرحات فيهم والدموع فعينيها وجا عنقها علي من الجنب وقالت ليه: شفتي بنتنا شحال فرحانة عمرني شفتها بحال هكا علي: ههه عندك الصح الله يخليهم ديما فرحانين ويخليهم لبعضهم . خرجو الكل وبقات نور ورميساء . رميساء: ناري انور غنكون درت شي اجر كبير منين ربي سيفطك ليا معرفتش حياتي كيف كانت غتكون ، كن متعرفتش عليك ، وليت وحدة اخرى ، واعديني عمرنا نتفارقو .نور: ههه نتفارق معك ملك حمقاء*عنقاتها* نتي راك مراتي حبيبتي هههه مستحيل نتفارقو . مهم ياله نهبطو دابا خاصني نمشي للدار دابا اه متباتيش هنا خلي من بعد يوماين عاد جيبي داكشي لهنا. رميساء: اوك، بلاتي بعدا وقفي حداها نصورك بغيت نلوحها ف اينستا والفايس نفقس العديان . نور : اويلي شوفي حالتي بالسباغة وكولي مشعكا ههه تا من كمارتي مجلخا .رميساء: وراه هكا كيكونو الفنانين اصاحبتي .نور يالهه تلقينا .صوراتها وبوستاتها حتا تمو خارجين ودخلو زاين وياسر مع دخلا بقا كيشوف فداكشي شاف فنور و خرمز فوق شعرها: اش هاد التطور فتيني لديك الجيه . نور: لا معمري نفوت استادي . زاين: كيفاش استادك ؟ نور: هو لي علمني نرسم . زاين : وايلي ياسر حتا نتا كترسم ؟ ياسر: شوية وصافي . زاين : الى كانت ألتلميذة بهاد المستوى الاستاد كيف غيكون . رميساء : خطير انا شفتهم موهوبين تباركلله . ياسر : ههه ايوا انور . نور : نعم .ياسر : نمشيو للدار ؟ نور: اه توحشت جاكسون .ياسر : وجمعي حوايجك وياله نور: اوك هزات ساكها وهبطت هي ورميساء سلمت على الكل ودارت مع رميساء غدا فلافاك .... فاللوطو مع ياسر : نور باقا مقلقا مني ؟ نور : لا احبيبي مدرتي ليا والو باش نتقلق منك ، بالعكس نتا لي عمري نتقلق منك . ياسر : قرسها فحنكها *يخلي ليا الصغيورة ديالي . مشاو للدار تعشاو نعسو و الغد ليه فاقو فطرو وصلها لافاك و مشا لخدمتو و لقات رميساء حتا هي وصلت نور :صباح الخير رميساء :صباح الحب ، كيصباحتي ؟ نور : الحمد الله ونتي ؟ رميساء : فردانة كل شوية نمشي نطل على الرسمة حمقاتني . نور : هههه شوفي الجو اليوم غزال مكيناش الشمش كاينة غير الضبابة بلا مندخلو ياله نمشيو شي بلاصة . رميساء: اويلي حماقيتي بغيتيهم يعلقونا .نور: مغايسيقوش الخبار غير زعمي . رميساء: معرفتش الى ساقو لينا الخبار غيندمونا . نور: متخافيش ماللهما غيعرفو رميساء: زيدي واجا عارا هادشي غيخرجنا فشي مصيبة .مشاو البنات فتاكسي وهبظ فعين الدياب كانت الدنيا خاويا هبطو كيتمشاو جنب البحر رميساء :نور؟!! نور نعام رميساء :لا صافي والو رميساء بغات تجبد موضوع البوسة ديال ياسر وانها معجبة بيه لكن تراجعت فاش تفكرت موقيفها من هاد الموضوع وخافت تخسرها .نور بقايهنا انا غنجيب منشربو . رميساء جلست : اوك . مشات نور وبقات رميساء كتشوف فالبحر ، حتا سمعت صوت مألوف كيقول: اهلا اهلا بالزين ديالي شحال متشاوفنا . رميساء ضارت وهي تصدم .... 

ضارت رميساء و هي تصدم ، وقفت باش تمشي وشدها من دراعها ، هو: متوحشتينيش احبيبة؟ رميساء: *بدات تبكي * شنو بغيتي عندي ؟ طلق مني؟ هو: حبيبة لقانا القدر عاوتاني ونفلت هاد الفرصة ؟رميساء: *كتنتر منو * وطلق مني الحيوان اش باغي عندي مازال ندمت على النهار لي عرفتك فيه ؟ هو: ههه بغيت احبيبة نكملو داكشي لي مخلناش خوك نديروه المرة لي فاتت ، هاد المرة مكاينش لي غيفكك مني ههه. صاحبو: هههه حسام ؟!! متقولش ليا هادي هي ديك الحليوة لي تزgلات ليك . حسام: هي بشحمها ولحمها *كيضحكو * ولكن هاد المرة غنكول الحلوة ، مغنفلتش هاد الفرصة .تم جرهاوهي كتنتر لي فايدو وهو يهزها فوق كتفو وصاحبو لور كيضحك ، رميساء كانت كتغوت نور نور والدنيا فداك الصباح خاوية ،نور كانت جاية هازا داكشي فايدها بانت ليها رميساء فداك المنظر وكتغوت ،لاحت داكشي وجات كتجري تعاونها ، هاداك لاح رميساء فاللوطو ، وهي جات عطاتو بركلة للوجه حتا دار ، ياله غتكمل عليه وشدها لاخر من الور ، وحكمها . حسام: هادي منين خرجت ليا ، نور : من جهنم الكحلة لي غندخلك ليها الى مطلقتيش رميساء .بقا كيشوف فيها وقال : ههه طارق جاب ليك الله فين تلاها حتا نتا لوحها تاهي . طارق : ههههه هي الاولى . زدحها فاللوطو و تم سدها وركب حدا حسام لي كان سايق . رميساء كانت شادا فنور كتبكي وكترعد عكس نور لي مبردا وكتهدن فيها وكتسنا الفرصة فين دير فيهم ايدها . نور: صافي تهدني انا معاك تحد مغيقيسك .رميساء: اهئ اهئ انا خايفة انور .نور: ششش تهدني خنفكر اش غندير . نور بقات كتدور عينيها عالله تلقى كيفاش تخرجهم من هاد الورطة بقات السيارة غادية حتى خرجو من المدينة ودايزين غير من الخلا هما كيتحتو ويضحكو بيناهم ورميساء غتموت الخلعة ونور كتعض فالشفايفها وكتسنا غير الفرصة . حتا سونا تيليفون حسام كان اتصال مهم بالنسبة ليه ، فشلات شي عملية تهريب الممنوعات ، حيت هاد حسام جامع gاع زبايل الدنيا والدين . خرج معصب من الوطو كيهضر معصب و طارق بقا فاللوطو معاهم نور استاغلت الفرصة ان حسام بعيد عليهم نور قربات حتا لوات دراعها على طارق قجاتو وغوتت: رميساء خرجي دغيا ،جري متدوريش . رميساء: لا ياله معايا اهئ اهئ ههئ . نور: *نتغوت* خرجي الخرى دغيا دابا يرجع انا تابعاك . خرجت رميساء كتعتر هربانا وكتجري على حر جهدها نور منين تمكنات من لاخر خرجت علقت تابعاها ، خرج طارق كيكحب شافو حسام قطع التيلي وتبعهم كيجري ، حتا كيوصل عند نو وكتعود تبعد عليه اما رميساء فكانت قدامهم بعيدة غادا وكتدور تشوف نور فين وصلت ، تعصب حينت موصلش ليها ، بانت ليه حجرة وهو يشير عليها جابها للراس طاحت بدماياتها مغيبة . شافتها رميساء طايحة وقفت كتغوت نور نووووووووور رجعات بلا متفكر ، وشدها لاخر داها لوطو وطارق هز نور لاحها معاها حتا هي ، نور مغيبا ورميساء كتضرب ليها فحناكها وكتبكي مبقاتش كتفكر لافين غاديين ولا شكون غادي بيهم همها هو تفيق نور ، وصلو لواحد الفيلا خاويا وخرجهم مسلتين لا يشوفهم شي حد . طلعهم كل وحدة لبيت وسدو عليهم نور باقا مغيبة ورميساء غير كتبكي وتغوت باسم نور .سد ليها فمها بسكوتش و سد عليها . طارق : اش غنديرو مع هاديك لي مغيبا ؟ حسام: غير خليها الى مفاقتش نلوحوها فشي قرينة ، ياله دابا نشوفو ديك الموصيبة اش غنديرو فيها وحتال ليل ونرجعو لهادو .... داز الوقت ياسر كيتسنا البنات قدام لافاك: او فين هادو ،*كيتاصل بنور وسمع الصونيط عندو فالوطو * الحمارة نسات التيلي هنا *كيتاصل برميساء كيصوني ومكتجاوبش صونا شي 3 مرات ووالو *مصيبة هادي ، *صونا على جينيونغ * الو جينيونغ . جينيونغ: الو فين سافا . ياسر :حمد الله واش البنات حداك ؟ جينيونغ: لا راه مجاوش اليوم . ياسر: كيفاش وأنا حطيتهم قدام لافاك عاد مشيت . جينيونغ: (ناري قودتها ) اه لا راه البروف لي ماجاش و ... ياسر: بلا متغطي عليهم راه باينا كتكدب ، قطع دابا حسابي معاكم ب3 فاش يبانو .قطع عليه وتاصل بزاين: الو ياسر . ياسر: الو فينك نتا ؟ زاين: راجع للدار بغيتيني فشي حاجة ؟ ياسر: راه دوك الحمارات ممنكين اليوم جيت ليهم ومالقيتهمش . زاين : البرهوشات، انا و صلت للدار غنشوف واش رجعو و غنتفاهم معاهم . ياسر: واخا وسيفط ديك الحلوفة معاك . زاين: واخا . هبط زاين من لوطو و دخل للفيلا وسول الخدامة وقال ماجاوش نهائيا . وتاصل بياسر: الو راه مجاوش للفيلا. ياسر: واخا انا غنشوف واش مشاو للدار . زاين: واخا و رد عليا . قطع ومشا ياسر للدار ملقاهمش . وعيط للزاين: الو راه مكاينينش . زاين: وايلي ، وكنعيط لليهم مكيجاوبوش . ياسر: اه راه نور ناسياه عندي ورميساء كيصوني ومكتجاوبش . زاين : اش غنديرو دابا راه 1 هادي كون كانو خارجين ، كون راه جاو دابا .ياسر: متقول والو للدار ، و جلينا نتسناو شوية الى مرجعوش نقلبو عليهم . زاين واخا

دازو 2h عيط ياسر للزاين : الو راه باقي مابانو راني منكت الخدمة gاع ، مقدرتش نمشي وبالي مشطون. زاين : افف ياله عيطت للخدامة وقالت ليا ماجاوش ، اجي عندي للكوميسارية . ياسر : واخا انا جاي .مشا لعندو ودخل ، ياسر: ياكما gلتيها للدار . زاين: لا حتى نتأكدو بعدا . ياسر:*كيمشي ويجي* مبقيتش قادر نصبر نور متقدرش تشد الارض بلا مدير شي زبلة ، ضروري تخشي راسها فشي مصيبة انا متأكد طيحين فشي مصيبة . زاين: جلس جلينا نشوفو اش نديرو ، بلاتي رميساء تيلي ديالها شاعل غير مكتجاوبش ، صافي لقيتها . ناض كيجري وتبعو ياسر مشاو للمكتب اخر الفوق ودخلو ، زاين : توفيق بغيتك فشي حاجة .توفيق: تفضل الشاف . زاين: خطيبتي وختي غابرين وبغيت تجبدهم ليا بgps ديال ختي . توفيق : تقضلو انا دابا نجبدهم . بقا كيبقشش فpc وزاين كيعطيه معلومات حتى نطق: لقيتهم .وهما يتخشاو كيشوفو معاه .توفيق: راهم ف**** ياسر: تحلو عينيه * اش وصلهم تما راه برا المدينة . توفيق : راه مكتسجل حتا حركة تابتين ، يمكن غير واحلين تما وبقاو يتسناو شي حد يدوز . زاين: لا منضنش حيت كتصل مكتجاوبش .ياسر : صافي خلينا نمشيو دابا .زاين : بقا متبعهم عفاك الى تحركو قولها لينا . مشاو ركبو فالوطو هاد المرة ياسر لي سايق وزاين كينعت ليه اتجاه الgps بعد مدة وصلو كانت الطريق خاوية ووصلات العشية والشمس بدات تغرب هما بقاو متبعين حتا لقاو التيلي مليوح وسط الارض هزو لقاه ديال رميساء طاح ليها فاش حاولو يهربو ، زاين: *تعصب* مييرد ياسر : فين غايكونو دابا .صونا تيليفون رميساء كانت ماماها .زاين: هادشي ليكان ناقص اش غنقول لمها دابا . ياسر: قول ليها راه نسات تيلي عندك وراها عند نور فالدار .زاين: الو الوليدة. ليلى: علاش جاوبتيني نتا ؟فين رميساء ونور؟ غابرين النهار كولو. زاين: راه نسات تيلي عندي وراها مع نور. ليلى: وعلاش كتاصل بنور مكتجاوبنيش حتا هي ، شوف الى كنتي مخبي عليا شي حاجة جيني نيشان من الصباح وانا قلبي مقبوط وممرتاحاش. زاين: مكاين والو غير كيجيب ليك الله . ليلى: واخا و قوليهم يجاوبوني . زاين: واخا . زاين: افف عاقت بلي واقعا شي حاجة . ياسر: خاصنا نلقاوهم دغيا . زاين: معرفتش خلينا نزيدو بالوطو ونشوفو لالقينا شي حاجة .ياسر واخا. طاعو زادو .عند البنات لي باقين مربوطين وكل وحدة فبيت والفيلا ظلمت ، رميساء عيات من البكا وماعارفاش حتا شنو وقع للنور ،ونور لي كانت باقا مغيبة ودمها مغطي حالتها . ياسر وزاين عياو ميقلبو ورجعو للدار كانت ديك الساعة 9 الليل .ياسر: خصهم يعرفو ، معندناش الحق نسكتو . زاين: اه عندك الصح زيد اوكان الله يدضر السلامة وصافي، دخلو لقاوهم مجمعين فالصالة غير شافتهم ليلى ونقزات عليهم: فين البنات .زاين: غنقول ليكم شي حاجة ولكن تهدنو ،علي: مالكم اش واقع فين البنات . ياسر: من الصباح وهما غابرات عيينا نقلبو ولقينا التيلي ديال رميساء برا المدينة .سعد: كيفاش برا المدينة . سيف : وكيفاش حتا لقيتوه . زاين: تبعناهم بgps ليلى: *بدات تبكي *كنت حاسة بشي حاجة واقعة، قلبي مقبوط عليا جيبو ليا بناتي اهئ اهئ اهئ *عنقاتها رانيا * صافي اماما ، البنات مغيوقع ليهم والو .سيف : متخافيش راه نور قادا تحمي رميساء . علي: ودابا اش كتسناو زيدو نشوفو هادشي ، بنات العمراني ميمكنش توقع ليهم شي حاجة وانا عايش ، خرج وتبعوه الدراري ومعاهم حتا سعد اما سيف بقا مع مو لايوقع ليها شي حاجة مشا و للكوميسارية نوضوها سفاها على علاها وفهاد الاتناء ، تحل الباب على رميساء هزات راسها شافت حسام داخل بابتسامتو المستفزة والشريرة كيتفحص فيها ، وهي قلبها تقبط عليها كتر وعرفات هادي هي الاخرة ليها ، بدا كيقرب ليها و حل عليها فمها وايديها وبدا كيقرب وهي ناضت وبدات ترجع باللور وهو كيقرب مناويش خير. رميساء: ب...بعد مني متقربش ليا . هو مكيهضرش غير كيقرب ليها ، شدها من ايديها وجرها للناموسية . ونور بدات كتحل عينيها غير سمعات صوت رميساء كتغوت بسميتها وهي توgض لقات الحيوان لاخر واقف قدامها .قرب ليها وقال: واخيرا الاميرة ديالنا فاقت . بدا يقرب ليها غير حل ليها ايديها وجمعات معاه حتا طاح الارض مشات للبيت لاخر بالجرى ولقات رميساء تحت منو كتقاوم فيه وهو كيبوس ويضرب فيها نور جات ضرباتو حتا ترفع من فوق رميساء رميساء مشات لواحد القنت كترعد ونور كتضارب مع حسام ضربة فيها وضربة فيه حتا حكمها لسقها مع الحيط و قجها هي ولات كلها حمرا وكتركل فايدو . رميساء جمعات شجاعتها و هزات القنبة ليكانت مربوطة بيها ولواتها على عنقو وتعلقات فيه باش تحكم فيه هو تلق من نور ليبدات كتطلع النفس غير بالزز وكيداول يحيد رميساء من وراه حتا حس بيها طاحت حيت جا طارق وضربها بعصا للراس حتا غيبات ياله غيهزهم وهما يسمعو صداع برا و طوموبيلات البوليس . طارق هز صاحبو وهربو من الباب الور ونور هزات العصا بدون

ادراك ووقفت حدا رميساء وكتبكي عليها وهما ب2 مغطيهم الدم حتا تحل الباب ودخل عليهم

تحل الباب ودخلو البوليس وقال واحد منهم هزي ايديك الفوق وبعدي عليها .دارت داكشي لي قال ودارو االمينوط على ايديها وخرجوها للسطافيط . ورميساء طلعوها ، للاومبيلونص نيشان للسبيطار ، وصلو نور للكوميسارية ولاحوها فالحبس بيما تفيق رميساء ويستجوبوها ويعرفو واش هي لي ضرباتها. نور كانت غير كضور فالزنزانة ودايخة بالعيا وعأد الضربة لي فراسها وكتبكي على صاحبتها وكل مرة تعيط على الحارس لي تما وكتسولو وهو مرة يغوت عليها مرة يقمعها ، منعساتش ديك ليلة بالشطنة على رميساء. حتال الصباح والعائلة منعسوش كيتسناو اخبار .نور داوها لمكتب يبداو معاها الاستجواب ، الظابط : البارح عيطو لينا جيران لي فداك الحي وقالو كاين غوات البنات ، قولي اشنو وصلك نتي والبنت تما وهاديك الفيلا مكينينش ماليها ؟ نور: غير كتشوف وساكتة . الظابط : علاش ضربتيها شنو بيناتكم ؟ نور: ساهية وساكتة الظابط : واخا حتا حنا ماعندنا منديرو غتبقاي فالحبس حتا تهضري بوحدك .عيط لهاداك لي برا حتا بغا يجرها وهي تنطق بغيت ندير تيليفون ياك عندي الحق فتيليفون ؟هو: * بقا كيشوف فيها* واخا . هزاتو دوزات نمرة ياسر . ياسر كان معاهم فالفيلا .زاين :شكون ؟ ياسر:معرفتش *جاوب* الو؟!! نور : ياسر ؟!! ياسر : نور؟!! *كولشي وقف* فينكم ؟ نور: انا فكوميسارية*** . وقطعت زاين: نور هادي ؟ ياسر: اه قالت ليا فكوميسارية . ليلى: الله ياربي اشمن موصيبة داروتاني سيرو دغيا جيبو ليا بناتي . علي: ياله طلقونا نمشيو .مشاو وتبعوه ومعاهم سعد ركبو ومشاو لديك الكوميسارية دخلو مترأسهم علي وهما وراه داخل بعجاجتو بطبيعة الحال راه بنات العمراني عند داك الظابط غير عرفو علي العمراني وهو يتجمع و جلس مقاد علي: فين بناتي علاش محبوسين ؟الظابط : وحدة مسجونة والاخرى فالسبيطار .زاين: كيفاش شنو وقع ؟ الظابط : جانا بلاغ بشي صداع وغوات فشي فيلا ومشينا ليها لقينا وحدة فيهم ضاربة الاخرى بالعصا للراس راها باقا مغيبة و الاخرى هاهي محبوسة عندنا . ياسر: لا ميمكنش هادشي لي كتقول . علي: واش عارف راسك اش نتقول هادوك راه مستحيل ياديو بعضهم . زاين: وعلاش ميمكنش راه فات وقع هادشي من قبل ولا نسيتي . ياسر: *شنق عليه* اش كتقصد ؟ فكهم سعد : واش حنا فين ولافين ؟ ديرو عقلكم . علي: بغينا نشوفو البنت . الظابط : واخا .عيط لهادوك جابوها للعندهم غير دخلت وجرا عندها ياسر تخشات فيه كتبكي بحر جهدها تشهق وتعاود وهو كيدوز على ظهرها وهي غامزايدا فيه ، بعدت عليه وقالت وهي حمرة بالبكا والدموع والدم جامد فوق وجها وشعرها واتار الضرب حتاهما باينين عليها : فين رميساء ؟ بغيت نشوفها . ياسر: تاحنا باقي ماشفناها . علي : *جا عنقها* شكون دار فيكم هاد الحالة ابنتي شكون تعدا عليكم واللهحتا نجيبو و ندمو على النهار لي ولداتو مو . نور: *غير كتبكي مخنوقة باغا غير تشوف رميساء * تعصب زاين وجرها من دراعها : هضري تكلمي قولي شي حاجة واش نتي لي ضربتيها ؟ اش وصلكم تما ها ؟ هادشي لي فيه رميساء نتي سبابو ، من نهار جيتي وهي من موصيبة للاخرى ،وانا كنت كقول اش هاد المحبة كاملة قولي كنتي ناويا على شي حاجة . ياسر: *عطاه ضربة وكيغوت * واش عارف اش كتخرج على فمك ؟ نور غير كتسمع وكتبكي .زاين شاف فيها جا سعد كيبعدو عليها وزاين هاز صبعو والشرخارج من عينيه: غير تفيق رميساء منبغيش نشوفك مزال معاها سمعتي ؟ عطيها بالتساع نتي سباب شتي ضسارتك فين وصلاتها ؟ علي: *كيغوت * سكت نتا عليا باركا من الهضرة الخاوية .ياسر: كون هاني مبقاتش غدور بساحتكم .سعد : الدراري بردو ماشي وقت هاد الهضرة .نورمبقاتش قادرة تستحمل هادشي كامل ماواكلاش من الفطور ديال البارح وماناعساش والعيا والضربة لي فراسها حسات بالدوخة والهضرة كتنقس وعينيها كيتقلبو وجسمها تقال عليها حتا طاحت على طولها 

طاحت نور سخفات معاقلاش ،تصدمو الاخرين وتجمعو عليها ياسر هاز ليها راسها كيحاول يفيقها ،لاحظ علي الضربة لي فراسها وناض كيصعر على الظابط: واش البنت مضروبة وكلها زرقة وألدمايات ومدخلينها للحبس واش هي ماشي بنادم . لاخر حدر راسو .هزها ياسر تم خارج بيها وقال الظابط :ميكنش ليها تخرج اسيدي . علي :*حمر فيه* ايوا حبسني . خرج وتبعوه من لور. وصلوها للمستشفى لي فيه رميساء و دخلوها وعقمو ليها ولواو عليها فاصمة وركبو ليها الصيروم و بقات ناعسة . مشاو يطلو على رميساء و جا عندهم الطبيب . علي: كيف بقات بنتي ادكتور . الطبيب : البنت تلقات ضربة قوية على راسها ودارت ليها ارتجاج تسبب فغيبوبة . زاين: وايمتا غتفيق الطبيب: معرفناش كلشي ممكن ، الله ايجيب الشفاء . مشا بعد مدة جات ليلى و سيف عاودو ليهم حتا هما متيقوش بلي نور لي ضرباتها . بقات ليلى مرة عند نور مرة عند رميساء .داز الوقت ، نور فاقت مكتهضر مكتكلم مكان حداها حد حيدات البرز من ايدها وخرجات من الغرفة بلباس المستشفى مشات كتعرج كتقلب على رميساء سولات reception ونعتو ليها الفوق . طلعات كتمشا بخطوات تقيلة ووجها ممحي من التعابير .حتا وصلات ولقاتهم كولهم امام الغرفة شافوها ووقفو هي غادا وعينيها غير على غرفة رمساء ناض عندها ياسر: علاش نضتي من بلاصتك . هي لارد . ليلى: حبيبة ديالي جاصك ترتاحي هي كانت بحال الى مكين حد حلات الباب ودخلات عندها زاين كان غير كيشوف وكيخنزر .دخلات وسدات الباب تحت انظار الكل ، بقاو متبعينها من الجاجة ، هي جرات كرسي وجلست حداها ، مدت ايديها كتدوزهم على شعرها كتبكي وقالت: رميساء سمحي ليا انا السباب فهادشي كون متلاقيناش مكاش غنوصلو لهادشي كان عليا نرفض صداقتك من الاول كان عليا نرفض العراضة لي عرضتي عليا ، كان عليا نقاوم لطافتك و حنيتك معايا، فيقي احبيبة وكنواعدك عمري نقرب ليك مرة اخرى .بقات كتشوف فيها شحال باستها فراسها .ومسحت دموعها وخرجت سندها ياسر على كتافو وداها وتبعاتهم ليلى ورانيا، دخلوها للغرفة غطاتها ليلى وقالت: حبيبة هضري معانا وقولي لينا شكون دار فيكم هاد الحالة .نور غير ساكتة غمضات عينيها ومشات ياسر: مغتهضرش دابا غير خليها .ليلى: الله على بناتي وشنو صابهم . رانيا : صافي اماما دابا يتشافاو وينوضي يجريو حداك خرجو داز داك النهار غير هكاك رجعو الغد ليه لقاو نور داوها للمركز الشرطة حيت مشبوه فيها نبعها ياسر وزاين وعلي .علي: راه قلت ليكم ماشي هي .الظابط : سمحلي ولكن مغنطلقوها حتا تتبت برائتها *سونا التيلي* نعم .... واخا احنا جايين ، بنتكم فاقت . خرجو كيجريو ووصلو لمستشفى طلعو عندها لقاوها حالا عينيها ومتكية ومعاها ومها وخوتها .كلهم سلمو عليها وسولو على حالتها وحتا دخل الظابط: سمحي لي اانسة ولكن واش قادرة تجاوبي على اسئلتي .رميساء: اه ولكن فين صاحبتي * وتقادت فالجلسة* ياكما وقعات ليها شي حاجة ؟ الظابط : لا راها فالحجز عندنا ،حت هي المشتبه فيها . رميساء:اشش كتخربق نور مستحيل دير شي حاجة هكا بالعكس راه هي لي لي عرضات راسها للخطار وضحات براسها على قبلي 2 مرات *كتبكي* خرجو ليا صاحبتي من تما راه تاهيا كلات العصا .الظابط : واخا وشنو وقع .رميساء : منكنا انا وياها البارح ومشينا عين الدياب وتما تلاقينا ب...*كتبكي* بحسام. زاين: *قفز*كيفاش ؟ حسام ؟ رميساء: اه خطفنا انا ونور (وعاودات ليهم كولشي بالتفصيل) زاين ضرب فراسو وجلس فالكرسي وياسر ضرب الحيط .كواشي كان مصدوم من هضرتها .زاين: هاد الكلب فلت مني المرة الاولى ولكن هاد المرة غبيا ولابيه خرج كيجري . ومشا ياسر وسيف وعلي مع الظابط باش يخرجو نور وصلو خرجوها وباقا على حالتها ، مكتهضرش . ياسر: راه رميساء فاقت . هي هزات راسها فرحات ودغيا هبطاتو وقالت: ديني للدار

مشات ركبات فالوطو ، وبقا ياسر واقف مع علي وسيف، علي: مالها مكتهضرش ماها مادافعت على راسها ؟ ياسر: هي هكا فاش كتوصل بيها للعضم كتولي هكا مكتهضر غير للضرورة ، وانا مكنحكرش عليها . سيف: هادشي راه صعيب تبقا هازا داكشي داخلها. علي: اه اولدي شوف ها عماد تبع معاه ميمكش تبقا هكا . ياسر: عيت معاها مبغاتش راسها قاسح ممهم غنديها دابا الله يعاون . هما: بسلامة . مشا ياسر للدار طلعها لبيتها جا جاكسون تخشا عندها فالناموسية وياسر غطاها وجلس كيدوز على راسها وهي غمضات عينيها ومشات ، هط الريدوات حيت هي هكا كترتاح .سد الباب وخرج. عند رميساء لي كتجدب ليهم بغات تشوف نور .رميساء: *كتبكي*ماما عافاك بغيت نشوف نور علاش باقي مجاتش عندي. ليلى : راه غير كانت عيانة ودازت نيشان للدار ترتاح حتال غدا ونجيبوها . علي : اه ابنتي ياله شفتها كانت عيانا مسكينة راه واكلا الدق حتا هي معرفتش كيفاش بقات واقفة .رميساء تفكرات وبقات تبكي وهما كيسكتو فيها دخل زاين كيف العجاجة . علي : اش درتي لقيتي داك الحيوان . زاين: احنا خدامين الواليد .شاف فرميساء: حبيبة كيف بقيتي ؟ رميساء: *كتبكي* بغيت نمشي عندها . هو حدر راسو تفكر اش قال ليها وقال: غتشوفيها منين تخرجي غير نوضي دغيا ، بغيتك احبيبة تعاودي ليا اش وقع تاني . رميساء: كنت انا ونور فالبحر حتا وقف عليا داك الحيوان نور كانت مشات تجيب لينا منشربو ، هو هزني فق ظهرو وتم غادي بيا غلبني منين شافتنا نور جات ضاربت معاهم ب2 على قبلي ولكن غلبوها وداونا و فالطريق حسام هبط كان كيهضر على شي عملية ما عملية فشلات ليه تعصب وخرج زاين : بلاتي اشمن عملية رميساء: معرفتش جبد الميناء . زاين: اه ادن هو مولاها زيدي رميساء: منين وقفنا نور طارت على داك لي معاه قجاتو من لور وقالت ليا هربي انا هربت ومن بعد تبعاني. زاين : ادن هنا فين تاح ليك التيلي .رميساء: كنا هربانين شافنا حسام وتبعنا مقدرش يوصل لينا وشير على نور بحجرة وغيبت .زاين: *غوت* ولد الق*** .رميساء : انا منين شفتها هكاك مصبرتش ورجعت ليها هزونا وداونا لديك الفلا ربطو كل وحدة فبيت نور كان راسها دايز بالدم ومقدرتش نعاونها كنت خايفة منبقاش نشوفها *كتبكي* هما كانو عوالين يتعداو علينا منين يرجعو حيت خرجو النهار كامل ، والنهاركولو مسمعتش حسها نهائيا قلت صافي مشات اهئ اهئ منين وصل اللليل دخل عليا داك الحيوان وبغا يتعدا عليا صافي حتا قلت هادي الخرى ليا وهي تدخل علينا ضرباتو حتا ناض عليت بقات مضاربا معاه وانا كنشوف فيها كتقاوم وهي دايخا مقادراش ضربها وتعدا عليها مسكينة *زاين محدو كيسمع وكيزير ايدو وكيندم على الكلام لي قال وكيتمنا كون مات ومنطقش داك الكلام *رميساء: حتا بان ليا لسقها مع الحيط قجها سمعتها كتشهق مقدرتش نتحمل قجيتو حتا حسيت بشي ضربة فراسي من تما معقلتش . زاين ضرب بالكرسي و ناض دار ايدو على جنابو : ميييرد . علي: شفتي البنت مكانت غير كتحمي ختك ونتا اش درتي ؟ اه؟ كيف غدير تصلح هاد الوضع دابا ؟ ها؟ رميساء: اش كتقصد ابابا ؟*شافت فزاين* اشنو قلتي ليها ؟ دوي ؟ نتا ديما كدير هكا حتا البارح غوتي عليها ، كون شفتي كيفاش كلات العصا على قبلي مغتهضرش ، عرفتي الى علاقتي بيها خسرات مغنسامحكش سمعتي .ليلى: تهدني ابنتي مغيطراش هادشي . علي: خرج سير وفكر كيفاش غتصلح هادشي .خرج زاين من الغرفة و بغا يموت كيفاش قدر يقول داك الكلام لحبيبتو ، وكيتفكر وجها فاش كانت كتسمع كلامو لي دخل فيها بحال السيوف ، وقف قدام سيارتو كيخبط فيها وركب فسيارتو مشا بيها ووقف قدام البحر بقا قدامو سارد فالتفكير فنور وردة فعلها فاش غتشوفو المرة الجاية حتا كيحس بالدموع فوق خدودو ، زاين لي شحال مابكا من صغرو جات نور ، وبكا عليها من شدة الندم والخوف انها تبعد اكتر عليه

 ***يتبع***