بقا كيفكر قدام البحر ، وقرر يمشي لدارها ،ضروري يشوفها ويعتدر منها ويصلح الوضع بيناتهم، ركب واتجه عندها ، بعدما وصل دق وحل ليه ياسر غير شافو خرج عندو وسد الباب . ياسر: اش بغيتي .زاين: بغيت نشوف خطيبتي . ياسر: سر بدل ساعة باخرى راها ماباغا تشوف حد . زاين: معندكش الحق تمنعني منها راه كانت غير لحظة غضب وجات نور قدامي انا جيت نصلح الوضع ونعتاذر منها. ياسر: *شنق عليه* شوف انا معرفتش رميساء شنو عانات حتا هي ، ولكن هادشي مكيعنيش انك تشك فنور ، درتي بحال الى مكتعرفهاش ، نور ورميساء لي مكيتفرقوش نور عمرها دارت الصحابات حتى تلاقات رميساء ، نتا ماعارف والو على نور ، داكشي علاش انا مغنوافقش على هاد الزواج . دخل وسد الباب وخلا زاين جاهل من هضرتو ، قرر يبعد شوية بيما تهدن الامور و يركز فقضية حسام لي باقي هربان ، ويشدو ينتاقم لختو وخطيبتو حيت هو السباب فهادشي كولو .مشا للكوميسارية برد فيهم هوايشو وغدايدو . عند نور فاقت راسها تقيل عليها تلفتات لقات الدنيا ظلمات خرجت من البيت ، لقات ياسر فالكوزينة دخلات و قالت: فيا الجوع . وجلست فالطابلة ضار عندها ياسر وقال: حبيبة ديالي فاقت وجاها الجوع ، اشنو تشهيتي نصيبو ليك دابا . نور: اي حاجة غير تلقني وراسي غيتفرgع . ياسر : واخا ، ضارك غير من الجوع غتاكلي وغيفوتك . ضار وسخن ليها شحال من حاجة وحطهم ليها فوق الطابلة نور: ههه اش هادشي كولو ، راه فيا غير الجوع ماشي الهيمري . ياسر: كولي شوفي وجهك كي صفر ، *قاس ليها وجها * كيضروك ؟ درتي ليهم الدواء؟ هي غير كتاكل ومكتجاوبش . هو جلس حداها وبقا ساهي فيها وكيفكر وبادي على وجهو القلق عليها . هي لاحظت الصمت ديالو وشافت فيه وابتاسمت وقالت : مالك كتشوف فيا هكاك ، *ناضت وعنقاتو* والله حتا انا بيخير ، بلا متشوش عليا اخويا *شافت فيه* نتا عارفني حتا حاجة مكتغلبني ههه .ياسر: *تنهد وشد ايديها *واخة احبيبة .نور: غير سير ترتاح انا غنغسل الماعن . ياسر: غير خليهم ونتي لي سيري ترتاحي ، راك باقا كتعرجي .نور: لا غير خليني .ياسر: واخا الالا انا برا . خرج وهي جمعات الطابلة وبدات تغسل لماعن وعقلها ماشي معاها .عند رميساء لي كانت باقا فالمستشفى ومعاها ماماها . رميساء: ماما انا حاسة بلي نور كتفاداني ، حيت ميمكش متجيش عندي ، انا خايفة تبعد عليا . ليلى: لا احبيبة ، راك عارفاها نعاسا ، تلقايها باقا مخشية فالناموسية، غير تفيق تلقايها عند راسك . رميساء: فين تيليوني؟ ليلى: هاهو جابو خوك قبايلا . رميساء خداتو ودوزات النمرة ديال نور . دخل ياسر عند نور للكوزينة : نور هاكي رميساء كتاصل بيك . نور ضارت عندو شافت فالتيلي حتى خداتو تجاوب وهي ترجعو ليه : هاك قوليها ناعسة . ياسر: وعلاش جاوبيها . نور: صافي جاوب وسكت . ياسر: الو . رميساء: الو ياسر!! فين نور ؟ علاش مجاتش عندي ؟ ياسر: راها ناعسة باقا عيانة غير تفيق ونقول ليها اتاصل بيك .رميساء: واخا واش بيخير بعدا . ياسر: اه لاباس عليها . وبعد من نور وخرج للصالة .ياسر: ونتي لاباس عليك ؟، باقا كتضرك شي حاجة ؟ رميساء : لا الحمد لله .ياسر: كنت باغي نهضر معاك ومالقيتش فرصة ، يطيح بين ايدي هاداك لي دار فيكم هاد الحالة نندمو ونشرب من دمو غير بلاتي . رميساء: لا اياسر عافاك ، بعد على هادشي ، هاداك راه خطير و معندو ضمير . ياسر: ايوا شنو نخليوه يفلت من هادشي ؟ كن مكانت نور مدربة يعلم الله اش كان ممكن يوقع ونتوما وهاد الطايش مزال غنتفاهم معاكم عليه ، ياله قطعي دابا . رميساء: ياسر عافاك الى فاقت نوور قوليها اتاصل بيا .ياسر: واخا . رميساء: هاك ماما بغات تهضر معاك . ياسر : واخا ....الو ليلى:الو ولدي كيف بقات نور . ياسر: لاباس عليها راها ناعسة دابا . ليلى: واخا اولدي غدا ندوز عندها ،ياسر: مرحبا بيك ، رميساءامتا غتخرج ليلى: غدا ان شاء الله . ياسر: واخا ياله بالسلامة . نور خرجات عندو : واش هي بيخير . ياسر: اه كانت كتسول فيك وقالت ليك الى فقتي عيطي ليها وحتى خالتي ليلى راه سولات فيك وغتجي عندك غدا .نور سمعات وحدرات راسها . ياسر: علاش مبغيتيش تهضري معاها ؟ واش باغا تبعدي عليها على قبل الكلام لي قال زاين ؟ نور: هو عندو الصح جاصني نبعد عليها مكنجيب ليها غير المشاكيل. ياسر : *قرب ليها * نتي عارفا هادشي مكاينش نتي ماشي السباب فهادشي لي وقع ، نتوما غير طايشين وكديرو لي قال ليكم راسكم ، بلا متفرقي مع صاحبتك ودمري هاد الصداقة بيناتكم .نور : صافي سد عليا هاد الموضوع ..ومشات شعلات tv و جلسات
مشات شعلات التلفزة وجلس حداها ، نور كتفرج وهو جالس وساهي . عند رميساء: ماما غنمشي غدا غنمشي معاك عندها ليلى صافي ارميساء غنمشي عندها و نجيبها معايا تبقى معاك حتى تصحو ب2 رميساء :اف واخا .ليلى:تعشاي ونعسي .رميساء تعشات ونعست نور سلا الفيلم وناضت نعست اما زاين بقا فالمركز خدام حلف مبرتاح حتا يندمهم .صبح الصباح فاقت نور معطلة خلا ايها ياسر الفطور رسالة بلي راه فالخدمة وفكرها تاكل دواها ناضت دوشات وبدلات الفاصمة فراسها و جلست كتاكل وكتلعب مع جاكسون ، حتا سمعات الدقان ، كانت ليلي: *عنقاتها* السلام حبيبة كيف صبحتي. نور: لاباس الحمد لله كيف بقات رميساء .دخلو وجلسو ليلى: مصدعاني باش تجي تشوفك ديتها للدار عاد جيت عندك ، ياله معهايا حتا نتي احبيبة نين نقابلكم ب2 .نور: انا بيخير اماما ، راه ياسر معايا ، بلا متشطني معايا ، اعاد بغيت نبقا هنا فالدار بغيت نبقا بوحدي شوية . ليلى: *دارت ايدها على وجه نور* حبيبة واش نتي مقلقة من كلام زاين ، قال ليا علي شنو دار ، سمعي ابنتي ،تاشي واحد فينا ماشك فيك ولو غير شوية حيت عارفينك شكون نتي و المحبة لي بينك وبين بنتي ، نتي من محبة رميساء ومنبغيكمش تفارقو ولو شنو يوقع ، وكلام زاين ابنتي غير جا فوقت الغضب ، راه ديما متسرع وعصبي ، نور: *كتصطنع*ههه انا مامقلقاش اماما غير بغيت نرتاح شوية .ليلى ناضت: واخا احبيبة انا غنبقا نتاصل بيك ، ياله انا مشيت . رافقاتها نور للباب ومشات فحالها ، نور بقات كتفكر شنو غدير فعلاقتها مع رميساء، حتا كتقول غنمشي نشوفها ومنتفارقوش وكتفكر كلام زاين و gاع داكشي لي دوزوه بسباب الطيش ديالها حتا خدات قرار و مغتراجعش عليه . عند رميساء لي فبيتها وسارحا فالصورة لي رسماتها نور ، حتا تحل الباب فرحات يسحابها نور، ولكن كانت ليلى : ابنتي ؟!! رميساء: ماما فين نور ؟ ليلى: بقات فالدار و فضلات تبقى بوحدها شوية راه ماشي ساهل داكشي لي وقع ليكم . رميساء بخيبة امل حدرات راسها وقالت : واخا على خاطرها . ليلى : ياله انا غنمشي عندي شي اجتماع جصني نحضر ليه ، ودغيا نرجع . رميساء: غير سيري اماما انا بغيت نعس بلا متشوشي عليا . ليلى باستها وخرجات رميساء غير تسد الباب وتخشات تحت غطاها كتبكي ، بقات كتبكي وكتقول: صافي انور واش هادي نهايتنا ، دغيا قررتي تبعدي عليا ؟ بقات كتبكي وتنخصص حتا تدق الباب وقالت دخل بلا متعرف شكون ،دخل الشخص و حيد عليها الغطا
الشخص لي دخل كان ياسر ، سمع بكاها وحيد عليها الغطا هي شافتو وناضت جلست هو مد ايدو مسح ليها دموعها ، وعينيها كتشوف فيها بحب وقال: ششش صافي لاش البكا . رميساء: منقدرش نبعد على نور ولفتها منقدرش ندوز نهلر بلا منهضر ونفضفض ليها ، هي الوحيدة لي كنكون معاها على بيعتي عمري شفت منها شي نصرف خايب كانت ديما هي الدرع الواقي ليا اهئ اهئ مفهمتش علاش بغات تبعد عليا . ياسر جرها لعندو عنقها : ششش صافي متبكيش منبغيش نشوف دموعك ، نور حتا هي مقلقة وغير ساكتة و غير ناموسية اولا كتفرج ، غير خلي ليها شوية الوقت ، هادشي لي وقع ليكم اتر فيكم ب2 . رميساء مسحات دموعها : واش بالصح ، الى عطيتها وقت غترجع صداقتنا كيف كانت .هو: هههه اه الحمقاء ديالي .رميساء: توحشتها بغيت غير ايمتا نشوفها . ياسر: ياك وانا مكتوحشينيش ، انا قدامك ديريني انا هو نور وشمي فيا ريحتها ههه رميساء:هههه *ضرباتو فسدرو وضحكات* ياسر شد فسدرو: اححححح اقلبي على ديك الضحيكة هههه رميساء: هههه حمق. ياسر: ايوا متديريش معايا شي نهار نخورجو ب2 ههه اه؟ رميساء: ايه علاش لا . ياسر: مزيان *باسها فراسها * ياله انا مشيت تهلاي فراسك الغزالة ومتبقايش مقلقة ومخشية فالبيت انا غنبقا نتاصل بيك *باسها فحنكها* هي شافت فيه بابتسامة عريضة وهو بالمتل وخرج ،رميساء تخشات فبلاصتها كتفرنس وتركل ( الله يستر عاد كانت حامياها بكا) . عند نور لي ناضت طيبات الغدا ودخل ياسر: السلام اش هاد الحداgة . نور: غير طيبت الغدا . ياسر: ماموالفش ليك ههه نور: رشقات ليا اصافي ، سير غسل ايدك واجي تغدا لايفوت عليك وقت الخدمة . هو: واخا حطاتو وجا جلس حداها هي كتاكل وساكتة هو شاف فيها شحال وقال: مغتجرجيش هاد العشية ؟ نور : لا مفياش . ياسر: ياك عندك لاصال؟ نور : تاصلت وخديت عطلة . ياسر: اش بان ليك نجي من الخدمة نخرجو لشي بلاصة . نور: لا اخويا مرة اخرى *وناضت*انا شبعت بالصحة .ودخلت لبيتها وسداتو وهو ضرب بالزيف فوق الطبلة . ....عند زاين كيهضر فالتيلي : اشنو لقيتوهم ؟ مزيان جيبهم ليا انا لي غنتكلف بهاد القضية . وقطع وقال: اليوم غبيا ولابيك . بعد مدة مشا للغرفة التحقيق ولقا حسام مربوط وجالس .زاين: اهلا سي حسام شحال متشاوفنا ؟ يسحابليك راسك غتفلت منها حتا هاد المرة ؟هههه باك لي كان مضسرك وحاميك الله يرحمو اش غدير دابا ؟ طحتي بين ايدي الكلب ، عرفتي شحال وانا كنتسنا هاد اللحظة ؟ تبريت منك المرة لي فاتت باش تفرق منها ونتا اش درتي ؟ حسام هز راسو وشاف فيه : هههه ختك متيرة اش غندير ولكن معرفتش عندها الزهر فلتات مني كن ماكانت ديك الق*** ...باقي مكمل هضرتو وهو يتلاح عليه يضرب ويركل ويسب ويشتم فيه ، فرغ فيه gاع اعصابو و التغزيفة ديالو خلاه كيقطر بألدمايات كون مفكوه منو كون قتلو .زاين: هاد المرة غنتأكد من انني نخليك تعفن فالحباسات الكلب ، نتا راك معرفتيش اش درتي ، خليتيني نفرق بين 2 صحابات و بسبابك جرحت هاديك لي قلبي كيضرب على قبلها ، غندمك نتا وداك ولد**** لي معاك ، خرج وردخ الباب وراه مشا للمكتب ديالو وعينيه حمرين كيفورو وكيترعد بالعصب ، جاه اتصال كان ياسر:اش درتي لقيتو دوك الشمايت؟ زاين: اه ، يالله جابوهم ودرنا التحقيق . ياسر: كن ماكانو فالحبس ، ياحتا نقتل ديلمهم نوريهم كيفاش يقربو للبنات . زاين: كون هاني فرشخت والديهم الكلب مبقافيهم مايتجمع، وعاد دوك التهم لي تبتنا عليهم من غير هاد الاختطاف ، غنفبر لوالديهم الشقف غير بلاتي . ياسر: صافي مزيان الله يعاون دابا . زاين: بلاتي متقطعش . ياسر: نعام . زاين: نور اش خبارها ، كنترجاك خليني نشوفها ، انا راه ندمت على داكشي لي صدر مني ، انا براسي ماعرفتش كيفاش حتى قدرت ننطق داك الكلام .ياسر: *تنهد* واخا نطلاقاو مع 6 فقهوى**** زاين: واخا ان شاء الله .
نور هاد العشية غير جالسة فالدار، و رميساء نتحاول تاصل بيها ولكن طافيا التيلي قررات رميساء تسمع كلام ياسر وتخلي ليها الوقت .وصلات 6 عند ياسر وزاين فالقهوى وصل ياسر وجلس: السلام ، ياكما تعطلت ؟ زاين: لا يله جيت . جلس وطلبو قهوة زاين: سمع اياسر انا نادم بزاف على داك الكلام لي قلت لنور تمنيت كن مت ولا نطقت ديك الهضرة تسرعت بزاف ، راك عارف تاواحد فينا مكان فوعيو داك الوقت ، انا كنعتاذر على داكشي لي صدر مني بلا متخلينا نفسخو هاد الخطوبة كنبغي نور ومعندي حتا استعداد نتفارق معاها . ياسر بقا كيشوف فيه و تفكر بلي تاهو مزعوط فختو والى دار معاه التعكسات تاهو غيعكس معاه (الواحد هو لي يخاف على راسو هههه) ياسر : الاعتدار ماشي ليا لنور هي لي تجرحات ماشي انا ، راها غير فالدار كتاكل وتنعس مكتخرج ماوالو تامن لاصال خدات عطلة منها و كتفادا رميساء و مكتهدرش معاها ، خليتها على خاطرها حتا نشوف اش غدير هي ، بان ليا دارت هضرتك فراسها وهادشي علاش كتفاداها ، و اما بالنسبة للخطوبة ماشي انا لي عندي الحق ناخد هاد القرار ختي قادرة تاخد قراراتها راسها ، الى هي بغات تفارق معاك اولا تبقا معاك هاداك الاختيار ديالها ، و هادشي كيرجع ليك حتانتا ، خاصك تصلح هادشي لي درتي . زاين تزير ودوز ايدو على جبهتو حيران معرفش كيفاش يراضيها واشمن نوع ديال المواقف واخدا منو ، سكت شوية وقال : صافي انا غنصلح هادشي او على الاقل بيناتهم هما واخا متسمحش ليا انا مهم نرجعهم لبعضهم . ياسر: واخا انا غنعاونك فيهم ولكن ختي انا منبغيش مازال نعرفك سمعتيها بحال هادشي انا لي غندمك ، فهمتي؟ زاين: بلا متزيد عليا بحايلا داكشي قلتو وانا عاجبني الحال ، مهم غدا جيب نور للمركز باش ترفع دعوة و تعطي ايفادتها هي ورميساء . ياسر : واخا ياله نمشيو دابا . مشاو تفرقو كل واحد مشا للدارو دخل ياسر للدار لقا نور فالبيت و كانت شادا لوحة كبيرة قدامها كترسم وطالقة الموسيقى ممسوقاش ،ياسر: بسسسس .ضارت عندو وقالت: ايمتا جيتي مسمعتكش .ياسر: حيت مركزة مع داكشي حيدي نشوف ...اوه وعلاش استعملتي اللون الاسود بوحدو . نور:لموود .ياسر: واخا ، انا فبيتي ....عند ةاين لي وصل للفيلا لقا رانيا ومو جالسين ودخل سلم عليهم سول على رميساء وقالو ليه راها فبيتها .طلع لعندها دخل لقها كتنشف شعرها .زاين: رميساء ؟ رميساء: اش بغيتي؟ زاين: عارفك مقلقة مني ولكن واش ممكن تصنتي ليا .رميساء تنهدت وقالت : واخا . زاين : انا عارف درت غلطة ونادم عليها ولكن نتي عارفا من داكشي لي وقع ليك مبقيتش كنتيق فبنادم ، واي واحد كيقرب ليك كراقبو ، انا هضرت بلا منفكر وجرحت حبيبتي على قبلك ، هادشي علاش متعاقبينيش حتا نتي براكة عليا غير نور مهضرت معاها مشفتها ومحال تسامحني حتا هي .رميساء بقا فيها وفهمت بلي دار داكشي على ودها : واخا عندك الحق ولكن خصك تعتادر منها ، وتسحب الكلام لي قلتي ليها ، انا راه منقدرش نبعد عليها . زاين عنقها : وعلى انا قادر نبعد عليها ، دابا نراضيها ، متخافيش . رميساء: انا غنشوف . زاين: اه ، غدا غتمشي معيا تقدمي الافادة ديالك وترفعي دعوة عليه . رميساء: واش غنتلاقا مع داك الحيوان . زاين : لا وزايدون انا معاك احبيبة مكاينش لي يأديكم وانا كاين وراه حتا نور غتكون تما رميساء: بالصح ههه غنشوفها
رميساء: هي غنشوف نور ؟ زاين : ههه اه ، هي صافي تصالحنا ؟ رميساء : اه اخويا .زاين قرصها فحنكها : يخلي ليا الكتكوتة ديالي .دازت ديك الليلة طويلة عل الابطال ديالنا كولشي كيفكر فالغد اش مخبي ....
اصبح الصباح عائلة العمراني مجموعين على الفطور كيف العادة ، رميساء كتكول وبادي عليها التوتر وغير ساكتة اما زاين ماشي بحالها كتر منها (هو لي حريرتو خاترة هههه) علي: ايوا ازاين اليوم غتدي البنات يرفعو دعوة على داك الشماتة .زاين : اه الواليد . ليلى: عافاك اولدي رد ليهم البال راك عارف رميساء خوافا . زاين: متخافيش عليها . عند ياسر مضارب مع نور باش تفيق ووالو مبغاتش : تي نوضي واش معييتيش من النعاش هادوك الجناب راك طيبتيهم مكتشبعيش . نوركتركل: اووف راه قلت ليك مغنمشيش لافاك واصلا نتا خدام لاش باقي واقف عليا هنا 10 هادي . ياسر: خديت ادن باش نتعطل مهم راه زاين وصاني نجيبك باش ترفعو دعوة على داكشي لي وقع . نور ناضت : ميمكنش تمشي نتا ؟ ياسر : راه نتي لي كنتي مخطوفة . نور: افف واش ضروري .هو جلس حداها : اه باش ينال جزاؤو ، ومنها نيت تشوفي رميساء متوحشتيهاش .نور حدرات راسها ياسر: خاصك تشوفيها حتا هي باغا تهضر معاك ، ومنها نيت غنشوف واش تقدري تحبسي راسك من الهضرة معاها ،ههه حيت نتوما منين كتلاقاو مكتبقاوش تسكتو ، مهم نوضي لبسي واجي فطري دغيا نمشيو .دارت داكشي كولو وركبو فالوطو واتاجهو للمركز غير وقف ياسر الوطو قدامها وقلبها تقبط ، جمعات شجاعتها و تبعات ياسر ودخلو لمكتب زاين لقاوه هو ورميساء كيتسناوهم ، ياسر سلم عليهم ونور قربات لرميساء ابتاسمت ليها وسلمات عليها بالحنك وزاين مدت ايدها ليه بلا متشوف فيه ، وزاين مكرهش كون كان غير هو ياها ويهز ليها راسها يشوف عيونها ويطلب منها السماحة على داكشي لي دار .زاين قال وعيونو مكيتحركوش من نور : اجيو معيا للمكتب لاخر . نور: خويا غير سير للخدمتك بلا متعطل ، انا قادا بشغلي .ياسر: ماشي مشكل غنبقا معاك حتا تسالي .نور: وصافي هضرت معاك سير . زاين : غير سير راهم معايا ياسر: واخا ، نورغنتاصل بيك اوك؟ نور: واخا .شاف فرميساء غمزها ومشا . دخلو البنات مع زاين قدمو ايفادتهم تحت اسئلة زاين و ظابط اخر الوقت كولو و هي كتفادا نظرات زاين سالاو وسيناو . غير سينات هزات ساكها وخرجات زربانة تبعاتها رميساء ووقفاتها : نووور!! وقفت نور شوية وضارت عندها تقدمات ليها رميساء وقالت: علاش كتفادايني ؟ نور: لا غير جاب ليك الله . رميساء: كتكدبي نتي باغا تنهي صداقتنا ياك ؟ نور: سمحي ليا نهضرو من بعد خليت جاكسون فالدار بوحدو .ضارت ومشات بالزربة رميساء بقات واقفة كتبكي حتا ضورها زاين عندو وعنقها رميساء:زاين شفتي شنو قلت ليك . زاين: ششش صافي كلشي غيكون بيخير غير صبري رجعات نور للدار رونات بيتها كامل ونعست كتبكي . صورة رميساء مبغاتش تحيد من قدامها وزاين لي تاهو توحشاتو وتمنات كون قالش داك الكلام ، هي عند بالها هو باقي حاقد عليها وواخد موقف منها .رميساء رجعها زاين للدار ورجع لخدمتو رميساء ممشاتش للافاك معندها gانا !داز هاد النهار ولي بعدو ولي بعدو وبالظبط داز اسبوع . نور مكتخرجش من الدار غبر الماكلة والنعاس ياسر عيا فيها تخرج يضرب فيها الريح ووالو تشطن عليها كتر وعلى حالتها ، اما رميساء غير ساكتة كتمشي لافاك وترجع تدخل لبيتها كتبقا فيه النهار كامل مكيعرفوش اش كدير وماكلتها نقصات و مكاتمشيش لاصال .وزاين حاير معرفش اش يدير باقي مجاتو الفرصة يشوف نور ويهضر معاها يبات يفكر فيها ويضل يفكر فيها ....حتال واحد النهار
حتال واحد النهار ياسر دخل على نور للبيت حل الريدو وديد عليها الغطا وهو كيغوت : ياله نوضي صافي ، حتال امتا غتبقاي على هاد الحال غير الدار والنعاس . نور جلست : اففف معنديش الgانة ، معندي الخاطر ندير تا شي حاجة . ياسر: نتي مخشيا هنا معارفاش اش طاري ، رميساء حالنها كتر منك تاهيا والعائلة نل نهار معيطين ليا كيسولو علك و زاين خطيبك تاهو نسيتيه كل شوية يعيط ليا كيسول فيك اش كديري صافي تاحد من هادو مابقا كيهمك، نور: وعلاش كيسول عليا ياك هو لي قال نعطي لرميساء بالتساع علاش كيسول عليا دابا انا مابقيتش فاهمة والو فيه . ياسر: ايوا تلاقاي بخطيبك هو يفهمك نور : ش ...ششكتخربق علاش غنتلاقا معاه ؟ ياسر: ياكما نسيتي راكم مخطوبين ناضت نور للحمام عاقدة حجبانها وكتربgم ....عند عائلة رميساء جالسين فالطبلة علي :فين رميساء ؟ ليلى :باقا ناعسة . علي: هاد البنات تال امتا غيبقاو هكا الدار ولات خاوية بلا صداعهم .زاين: انا غنتصرف. ناض وخرج ...عند نور لي خرج ياسر بعدما غسل لبها ودنيها فطرات وغسلات المواعين و جلست كتخمم تفصل وتخيط وصلات الععشية وهي تنوض هزات تيلي شعلات لقات العرارم ديال الاتصالات زاين رميساء ليلى كلشي حارت معرفتش اش دير خرجات جاكسون ومشات كتمشى فالبارك .وجلسات فواحد الكرسي وجاكسون كيدور عليها .فهاد الاتناء ياسر رجع للدار وكان معاه جينيونغ باش يهضر معاها شحال مشافها ملقاوهاش عرف ياسر غتكون مشات لبارك ، خرج هو وياه للتما كان جو العشية زوين لقاوها كتلعب مع جاكسون شافها جينيونغ وتلاح عليها عنقها نور: خلعتيني جينيونغ :توحشتك عييت منعيط ليك ياسر لي عاود ليا اش وفع حمد تلله على سلامتك .نور: شكرا علاش مكتجيش لافاك بقينا انا ورمبساء بوحدنا ، تاهي مسكينة مقلقة و توحشاتك .ياسر جاه اتصال وبعد كيهضر . جينيونغ : دابا واش من نيتك غديري ليا فيها ، الصديقة المتالية لي تخلا على صداقتها ، باش تعيش مرتاحة بلا مشاكيل وتي نوضي تgعدي نتي وياها وليتو ب2 كي زومبيات كتخلعو ، ياك واعدتيها مغتفارقوش ، ايوا دغيا قلبتي وجهك ؟ زاين غير هضر ونتي دغيا درتي بكلامو علاقتك نتي و رمساء اقوى من ان شي حد يتدخل بيناتكم ، خليه يضبر راسو يقول لي بغا نتي عارفا مزيان لانتي لاهي السباب فداكشي لي وقع . نور: *بقات كتشوف فيه * بصراحة اه بالصح كلامك معقول ، يمشي يخرى هو مسوقوش فينا رميساء صاحبتي ومغنتفارقش معاها وهو يعودها ليهم ، اويلي هههه دابا هي مقلقة حيت توحشاتني .ياسر: مكتكلش وغير ساهية وكل شوية تجبدك ليا نور: تفو انا حمارة صافي غنمشي عندها ...باقي مكمات هضرتها حتا كتسمع صوت رميساء كيعيط ليها من الور ضارت ولقاتها واقفا بالدموع فعينيها ووراها زاين لي عينيه غير على نور ، قربات نور ليها ورميساء جرات لعندها حتى نقزات عليها عنقاتها ونور مزيرا عليها ، معانقات كيتباكاو مسكتوش و لخرين كيضحكو عليهم .رميساء: توحشتك الويلة والله حتا حياتي كيف الخرى بلا بيك . نور: حتا انا يخ مرضت اش داني لشي تضحية ولا خرا نتي صاحبتي ومستحيل نتفارق معاك .رميساء: *غوتات وعنقاتها * نور: بشوية الخرى فرعتي ليا ودنيا الكل : هههه . ودعهم جينيونغ كازانوفا ديما مشغول بقاو دوك 4 وجلسو فطبلة . نور ورميساء غير كيهضرو ويتحتو مسكتوش والدراري كيشوفو فيهم ويضحكو . حتا قال زاين : نور واش ممكن نتكلم معاك بوحدنا .هي قلبها بدا كيجبط مبقا ليه غير يخرج وقالت : واخا
نور: واخا ! مشات هي وياه لطبلة بعيدة على ياسر ، ورميساء وجلسو. زاين: نور انا .. انا كنعتذر على الكلام لي صدر مني ، مكانش عليا نقول ديك الهضرة ، اصلا مكونتش فوعيي ، وجرحتك بكلامي .نور: *كتفادا شوفاتو * نتا اخر مرة هضرتي ليا على التقة ، قلتي ليا نتيق فيك و نعول عليك ، ولكن نتا بان ليا مكتيقش فيا ، كيفاش بغيتيني نتيق فيك ونتا لا ، من اول امتحان بيناتنا ، تيقتي لي رسماتو الظروف ومتقتيش فيا ، كان كيسحاب ليا نتا كتعرفني وكتعرف شكون انا ، ولكن لا ، حتى من العائلة متقوش فداكشي لي قالو ، تجي من عند كولشي الا نتا ،*هي كتهضر وهو قلبو كيتقطع بغاها غير تشوف فعينيه ويشوف عينيها هي كتهضر وحادراهم وكتلعب بصباعها فوق الطبلة* تصدمت فيك ! انا كنت مستعدة نتزوج بيك واخا مكنتش متأكدة من مشاعيري ، بديت كنبني احلام معاك ولكن نتا مكتستاهلش معرفتش اشمن موقف ممكن يوقع بيناتنا تاني ، وشنو غتكون ردة فعلك داكشي علاش .. زاين قاطعها : نور متسرعيش عطيني فرصة . نور؛ متخافش مغديش نفسخ الخطوبة ، حنا غنتزوجو ولكن بعد عام ، وفاش كولشي غياخد حقو ، غنتفارقو بحال الخوت بلا مشاكيل بلا صداع وعلاقتنا مغاتفوتش 2 ولاد العم لاغير . عند ياسر ورميساء هي متبعا نور وزاين وكتشوف فيهم بقلق ، ياسر كيشوف فها وكيبتاسم جبد ايدو وحطها على ايدها هي حسات بيها ودارت عندو ضرباتو فايدو وقالت: ههه حيد ايدك غيشوفنا زاين ياسر : مالي معلياش الله هو واخا نفارد بختي ؟ رميساء:ايوا هما راهم مخطوبين . ياسر : ههه اه ايوا حتا انا من دابا نخطبك معندي مشكيل .رميساء: ههه وزربا خايبا درتي ليا. ياسر: ههه ايوا الواحد هو لي يضرب الحديد ماحدو سخون ، انا مكرهتش نديرك فداري من اليوم مفياش لي يصبر كتر رميساء : ههه وماشي باقي الحال ؟ ياسر: لا هادا هو الوقت نعيشو فالحلال احسن داكشي لي نديروه وحنا couple غيكون احلا فالحلال اولا ؟ رميساء: *تزنgت *اه عندك الصح ، ولكن باقي معتارفتيش ليا رسميا *كتهضر عينها فعينو ومبتسمة بخجل * ياسر: *بغا يشد فيها * علاياش كتهضري .رميساء: وصافي راك عارف . ياسر : علاش مبايناش فيا رميساء: ههه بغيت نسمعها .ياسر: *ضحك وشد ايدها وقال* كنبغيك وكنموت فيك وكنحماق عليك الفنيكيشة الصغيورة ديالي ههه رميساء غير كتفرنس وتضحك وقلبها كيخطب ورجليها كيلعبو والمعدة فيها الالعاب النارية شافت فيه وقالت بخجل : ههه حتا انا ياسر: ههه حتا نتي شنو ؟ رميساء: وصافي حتا انا كنبغيك . ياسر: ههه *كيقرص حنكها* اش هاد لcuteness كاملا اعيباد الله .رميساء: وصافي غيشوفونا .ياسر: وينو على الحشومية ديالي ههه .عند هادوك صgعين الايام زاين غير سمع داك الكلام شد ايدها وقال * نور كترجاك مديريش هكا ، تيقي فيا وعطيني فرصة اخرى ، نور نترات ايدها و قالت : مباقيش تهضر ليا على التقة ، سمعتي ؟ صافي قراري خديتو قبلتي بيه مرحبا مقبلتيش نتا حر . وناضت خلاتو غيتفرgع ، كان كيتمنا يسمع مسامحاك من فمها ويعنقها ويحيد وحشو منها ، ولكن كان عارف هادشي لي غيوقع ، جمع ايدو قبضة وقال: واخا الالا نور عام كافيني باش نبدل رأيك ونرجع تيقتك فيا ، انا وياك والزمان طويل احبيبتي وناض تبعها وقفو على ياسر و رميساء لي راشقا ليهم وممسوقينش للعالم . نور: ههه مالكم كتفرنسو .رميساء: ههه والو غير كنا كندردشو ، ايوا تافقتو ؟ نور: *شدات فزاين وهو تصدم* اه تافقنا وتصالحنا *وشافت فزاين* ياك ؟ هو: *شاف فيها وعرفها كتمتل عليهم سايرها وعنقها بالجنب وقال وهو عينو فعينها* اه تصالحنا *هي كدير ديك الضحكة الصفراء * وقررنا غدا نخرجو انا وياها وقالت ليا حتا تاخد اذنك * هي غير قالها وجمعت الضحكة وهو شاف فيها ضحك وغمزها* ياسر : اه ماشي مشكيل . نور تحطات قدام الامر الواقع مقدراتش تعارض و اكتافت بتخنزيرة فزاين اما هو كيضحك ويفقص فيها. نور: ياله تحرك البرد مشينا ؟ هما : ياله . نور: زاين هاهي رميساء غتبات معيا . زاين: واخا ، وغدا غنجي ليك لا فاك تسنايني . نور: *مغددة* واخا ( فنفسها باغي تلعب معايا اسيهم زاين حتا انا معندي ميدار غنربيك ونوريك كيفاش تهضر معايا بديك الطريقة)
زاين مشا فحالو للفيلا ، ونور ورميساء رجعو مع ياسر للدار ، زاين دخل لقا العائلة كلشي جا ومجمعين فالصالة ، سلم عليهم وجلس ، ليلى : فين رميساء ياك خرجات معاك ؟ زاين: ههه راها بيتا عند نور ليلى: 😮 تصالحو ؟ زاين : D: تصالحنا . علي: ههه وعلى سلامتنا . ليلى: اففف دابا عاد رتاحيت، ونتا ازاين ولي تحكم فاعصابك شوية، شفتي اش وقع ؟ مبقيتش باغا نشوف البنات مقلقات هكا . زاين: وعلى انا نقدر على تقليقتهم ، مهم انا غنمشي نعس ضرني راسي بلا متفيقوني للعشاء . ليلةى: واخا اولدي ...عند نور دخلو البنات للبيت وسدو عليهم ، دوشو ب2 فالضحك والتفلية ، مخشيين ب2 تحت الرشاشة رميساء مغمضة عينيها كتغسل شعرها من الشمبوان ونور كتخليها دتا كتغسلو وتعاود تكوبو ليها فوق راسها ، رميساء كتغسل ولا الرغوة بغات تحبس ليها تغسل وتعاود ونور عواجت بالضحك ، شادا فمها باش متسمعهاش ، رميساء عاقت وصعرات كتعاير وعينيها مغمضين وكولها رغوة : خرا نتي لمك واش متقدريش ديري عقلك شوية ، لمك تخنقت وجهي تمحا من الفريك ، باقا تكوبيه عليا نقج مك هنا ، نور كتشوف فيعا صاعرة كتعاير وكولها رغوة منظرها كيضحك ، وهي ميتة عليها بالضحك .حتى كيضق ياسر سمع غواتهم : هههه البنات واش حتا الدوش مخشيين فيه ب2 ، معابزات تما ياكما بغيتوني ندخل نفككم هههه. رميساء غير سمعات هادشي لي قال ياسر نسات وجها عامر صابون وحلات عينيها من الصدمة خافتو يديرها دبصح ،هو يدخل لعينيها وبدات تضرب فنور باش تغسل ليها وجها نور كتغسل ليها وهي عوجا بالضحك غتسخف .ياسر كيسمعهم من الور وميت بالضحك على هاد الحمقات (كنكتب ونفرنس و نضحك غبوحدي خرجات عليا هاد القصة ههه) مشا ياسر يوجد العشاء بيما سالاو البنات ، نور: حكي ليا راني مسخا شحال مدوشت . رميساء: زيدي قدامي تال هاد الدرجة فراقي صعيب ههه . نور: بصراحة قنطت وتوحشتك الموصيبة عاد عرفت قيمتك عندي . نور كانت عاطيا للرميساء بالظهر وكانت حاطة ايديها على الحيط ورميساء كتحك ليها ظهرها . رميساء: *عنقاتها من ظهرها* تاانا الحب توحشتك والله . نور: خرا حيدي عليا بزازلك لهيه جبتي ليا القزازة . رميساء: هههههههههههه تفو معندكش مع الرومانسية . نور: ههههه على ذكر البزازل واش فراسك الى ضربتي المرة لبزولتها بحايلا ضربتي الراجل لballs .رميساء: هههه لا منضنش *كتقيس بزولتها * حنا عندنا رطبين وكيتأتروش .نور: ماشي هكاك *قرساتها فيها ليعاتها حتا نقزت* هكا هههه رميساء: *غوتت* اااااااي بزوووولتي. وسبحان الله مجات هاد الكلمة غير فودن ياسر كان جاي يدق عليهم باش يخرجو يتعشاو ، غير سمع رميساء كتغوت ونور كتضحك ودار ايدو على جبهتو بمعنى لا حول ولا قوة الا بالله وبقا كيضحك وقال ونبرة صوتو باين بلي كيضحك : ههه خرجو من تما راني حطيت العشاء دابا تشيرو ليا . ومشى كيضحك رميساء غير سمعت صوت ياسر وهي دير ايديها على فمها وتوسعو عينيها . نور طاحت للارض كتضحك .رميساء: ناري مك سمعني خوك ،مستقبالي مشا حياتي ضاعت ،فين انخبي وجهي دابا ويلي ويلي ويلي تشوهن *طارت على نور بقجة وهي فاشلة بين ايديها بالضحك * رميساء: لمك نتي السباب ، والله يابنيتي انور لابقات فيك .شلات وخرجات والدخان خارج ليها من راسها ونور تاهي تبعاتها ولبسو حوايجهم .رميساء طاحت ليها فكرة فراسها وقالت : نور عطيني تيلي ديالك بغيت نسيفط msg لماما سالا ليا الصولد .نور: هزيه راه حداك ، زيدي تعشاي . رميساء : غير بالصحة . نور: هههههه حشمتي من ياسر ؟ رميساء: غتجرجي لا ؟ نور: ههه انا غنجيبو ليك . خرجات نور ورميساء خربقات فالتيلي شي حاجة وهي كدير ضحكة شريرة وحطاتو :نموت ونشوف وجهك انور فاش غتشوفي هادشي هههههه .ياسر برا: نورهههه فين رميساء ؟ نور جلست كتلمق: ههه مبغاتش تخرج حشمت ياسر: ههه انا غنجيبها . مشا دق ودخل و بغا يشد فيها وقال: اااي بزولتي هههههههه رميساء خبات وجها بالحشمة ياسر كيقرب : قسحاتك ؟ اري نشوف ههههههه رميساء ضرباتو بالمخدة : م..مك..مكتحشمش ش..ششغاتشوف اقليل الحياء . ياسر: ههه ماشي مشكيل مبقا قد ما فات ،*وغمزها* رميساء: *تزنgااات و خبات وجها * ياسر جرها عندو : كتقتليني بهاد الحشومية ديالك ههه اجي تعشاي ههه . جرها من ايدها وخرجو وجلسو يتعشاو .عند زاين لي متكي فبلاصتو وشاد النمرة ديال نور وكيفكر الى عيط ليها شنو يقول بغا غير يسمع صوتها .دخل لواتساب كيضور فيه حتا لقا .....
دخل زاين للواتساب وتصدم من داكشي لي شاف وبقا كيفكر ويخمم : او واش هادشي حقيقي لا ميمكنش ، وعمرهم جبدو هادشي ،خاصني نتأكد ،نعيط لياسر يشرح ليا ، لا خاصني نسول نور هي لي غتشرح ليال هاد الموضوع ، افففف هادشي لي كان ناقص .زاين ديك الليلة منعسش من التفكير والتخمام ضرو راسو بغا غير ايمتا يشوف نور (بحال كيما ضاركم راسكم دابا ) ورميساء ونور نعسو ديك الليلة عادي ....
اصبح الصباح ، فيق ياسر رميساء ببوسة ونور مسكينة بتمرميقة ،(الخوت الله يقطعهم) مهم لبسو وفطرو ووصلهم ياسر للافاك حتا هبطو من لوطو وعيط ليهم هبط ووقف قدامهم وقال: *شاد ليهم ودنيهم وكيتحلف* والله يا بوكم الكلب و تزيدو لشي بلاصا ولا تمنكو ياحتا نهرس لبوكم الرجلين *كيهضر ويدي ويجيب فيهم* فهمتو ؟ ياله دوgو دابا .مشاو وهما كيبرgمو نور شادا ودنها : ولد الحرام شرشم ليا ودنيا الله يعطيه الهرس رميساء: الله ينجيه نور: *تعجبت * ياك اختي كتدافعي عليه شوفي ودنك حتا نتي كيحمرا وكتدافعي عليه ؟ رميساء: *بتوتر* لا غير زعما هو غير خاف علينا راك شفتي شنو وقع ديك المرة . نور: اه بالصح ولكن غير يهضر بفمو مالو مشوهنا قدام البشر . رميساء: وصافي دابا ،ها جينيونغ جا. جينيونغ: هاي فتيات اولا نقول بروس لي وجاكي شان هههه رميساء: غير هي لي بروس لي اما انا راه كنت غير شادا الركنة كنترعد هي ليكانت كاكل العصا نور: هههه لاواه على شكون لي فكني من داك زطيو النح فالخر ولد الحرام قادا ليا الجهد اما والله حتا كنت نجيبو كاو . جينيونغ : والله حتا نتوما عالام ، شتو نيتي خرجات فيكم $اديين بلا بيا . رميساء: جاتنا الفكرة فالباب ديال لافاك من تما مشينا نور: مرة اخرى ونمشيو كاملين . رميساء: مالك هترتي علاه نتي باقا تعاوديها مازال ، فراسك راه مادارو لينا والو ، داكشي لي درنا راه خاصنا عليه القتيلة نور: واصافي زدتي فيه جينيونغ: ههههههليوا قولو ليا كيف دارو حتا هجمو عليكم ؟ نور: والو اخويا كنا كنتمشاو حدا البحر انا مشيت نجيب ما نشربو حتا كتبان ليا رميساء مقلشا فوق ظهر واحد العجل ، انا تزادو فيا 2 تلاحيت عليه ولكن صدق معاه واحد اخر غلبوني و داوني معاها .جينيونغ ورميساء: هههههه جينيونغ : ههه ايوا كملي؟ نور: ايوا اسيدي داونا قالك حgا ماحgا بغاو يغتاصبونا . رميساء وجينيونغ كيضحكو على الطريقة باش كتعاود . نور: *كتهضر بايديها وتفاصيل وجها * دابا هادوك مابانت ليهم غير نور ورميساء لي يغتاصبوهم هههه سخن عليهم فالجر كلاوها فعضامهم .جينيونغ: واي كرشي ، هاد الموضوع حساس بالنسبة للبنات ، مكيقضروش يهضرو عليه ونتي حالا فمك وكتضحكي عمري شفت شي حد بحالكم انا صافي مبقيتش قاد نتوما بزاف نور: هههه ايوا صافي ماعاش هادا لنتعقد علاقبلو طوووووز .رميساء: وزيدي اطوز راه البروف جا . دخلو دوزو الحصة و مشا جينيونغ ووقفو البنات قدام لا فاك كيتسناو حتا وقف عليهم زاين بالوطو عاقد حجبانو خاسر مناعس ماواكل ودوز هاد السويعات غير بالزز وكان جالس فالخدمة عقلو ممعاهش ، خرج من لوطو غير شافوه البنات هكأك كحلو بالعما .سلمو عليه وقال لنور : طلعي نتي . هي : مازادتش معاه الهضرة . وقال لرميساء: هاكي رجعي فتاكسي . وهي قالت ليه: لا عندي . ودعها ركب فالوطو كيصوg وساكت ونور كل شوية تخطف شوفة فيه . رميساء كانت دايرا مع ياسر يتغداو مع بعضهم جا وقف عليها بالوطو بكل اناقتو وريحتو كتدوخ باس نور بوسة طويلة فحنكها ، تحت انظار البنات كيتطرطقو بالحسد شدها من ايدها و حل ليها الباب وطلعها ،وهو مشا ركب حداها وقال: ايوا الحبيبة فين بغيتي نمشيو . رميساء: ممم شوف شي بلاصة حدا البحر .ياسر: أمرك حلوتي ههه. صايgوطالقين المزيكا ورميساء كتغني معاها وهو كيتصنت ويضحك ، وصلو و خدو طبلة على البحر طلبو شنو بغاو بداو ياكلو وهما كيتحتو ، ياسر: ايوا الالا رميساء ايمتا بغيتيني نفاتح باك فالموضوع ؟ رميساء وحلات ليها وبدات تكحب مد ليها الما وقال : غبشوية عليك ، واش مبغيتينيش نخطبك؟ رميساء: لا بالعكس بغيت ومستعدة من دابا ولكن ... ياسر: اشنو ؟ رميساء: نور ، نتا عارفها، قالت ليا بلي كانت كتفرقك مع البنات لي عرفتي . ياسر: *حط المعلقة* اه بالصح ديك الحمقة مغيارا ، وكانت كتفارقنا ولكن اصلا دوك البنات غير كنت كنعدي بيهم ، ونور عارفا هادشي وعاد ماكانتش كتحملهم ، اما نتي راه كنبغيك ، وحتا نتي عزيزة عليها منضنهاش توقف فطريقنا رميساء: واش بالصح غتوافق حيت مبغيتهاش تقلق مني . ياسر: شد فايديها* متخافيش احبيبة فاقرب فرصة نفاتحوها هي و زاين فهاد الموضوع ومن بعد نتقدم ليك من عمي .رميساء: هه موافقة .عند نور لي كتغزل بالخلعة معرفاتش راس زاين اش كيضور فيه كانو جاسين فمطعم راقي طلبو شنو بغاو ، هي كتاكل و كل شوية تخطف شوفة فيه وكتلقاه ساهي فيها وكتعاود تنزل عينيها حتا نطق: شكون ؟ نور: *مستغربة* شكون اش علاياش
كتهضر ؟ زاين: *كيغوت* هضري قولي شكون بلا متصعري ديلمي . نور: شرح ليا علاياش كتهضر انا راه مفهمت والو ؟ زاين : واخا *جبد التيلي وبقشش فيه وووراه ليها * شرحي ليا شنو هادشي .خداتو من عندو و لقات statut ف واتساب وكاتبا فيه +لن اسامح من اغتصبني+ غير قراتو وهي تشهق : ااااه اش هادشي . زاين : نسولك نتي علاش عمرك قلتيها ليا وشكون هاد الكلب نجبد لمو عينيه . نور: *بقات كتشوف كيفاش معصب * هههههه انا مكتبتش هادشي راه مكاينش ! زاين: *بقا كيشوف فيها *كيفاش مكاينش وعلاش كاتبا هادشي . نور: هادي مغتكون غير ديك الحمقاء ديال ختكك البرهوشة شوهاتني .زاين: ياله حيديها دغيا . جبدات التيلي ديالها ومسحاتو وسداتوو بدات تشوف فيه حيد التغوبيشة وبدا ياكل عاد رتاح ههه.زاين: هههه وعلاش دارت هكا اش واقع بيناتكم . نور: والو ضحك البناية . زاين: هههههه نور: اه شفتك كتدي وتجيب معايا اصلا لاش جايبني هنا انا هضرت معاك وقلت ليك عطيني التيساع . زاين: *حمر فيها* غتاكلي وتسكتي ولانفgس موك هنايا وخلينا ترانكيل نور ضربات الطم وكلات من بعد مشاو للبحر كيتمشاو ، زاين كيحاول يراضيها وينسيها نور كانت كتهضر معاها عادي وكتفادا تشوف فيه فالاخير قالت ليه : بدا يضلام الحال يله نمشيو . زاين جرها عندو : انا مصخيتش خلينا مزال نور: تلق مني ، انا جاني البرد بغيت نمشي ديني للفيلا نتحاسب مع ديك الحلوفة. ومشات جيهة اللوطو وهو متبعها كيضحك .مشاو للفيلا ولقاو الدار مجموعين وكان حتا ياسر .غير نور حطات رخلها فالباب وهي تغوت : رميسااااااااااااااااااااء
وصلات نور للفيلا لاحت الصاك قدام العائلة وكلشي مجموعين ، غير غوتات رميساء كولشي قفز وزاين وراها كيضحك رميساء كانت كتاكل غير سمعاتها دفلات داكشي ووقفت عرفاتها ساقت الخبار لداكشي لي دارت نور داخلا بعجاجتها ، رميساء ناضت شافت الطرح حماض وهي عارفا ضربها قاسح ، ناضت كتجري وهي تابعاها ، كيضورو عليهم فالصالة وهما متبعينهم مافاهميت والو .نور كتدوز ليها من جيهة كتهرب من الاخرى ، حتا دازت من قدامها وهي تركلها لمسعودة حتى نقزت .ياسر: نور قيسي راه ماشي هادوك لي موالفا تركليهم .رميساء شداتها وهربت لبرا الجردة كان اليل طاح وهما كيتجاراو نور: وقفي لهنا لمك شريتي ليا صداع مع خوك يسحاب ليه غير غتاصبني شي حد وخبيت عليه شحال وهو كيصعر عليا *شداتها وتلاحت فوقها فالارض* اش غندير فيك انا دابا اه ؟ رميساء قلباتها وجات فوقها : ونتي لمك الشوهة لي درتي ليا البارح اش نقولو عليها نور قلباتها: وانا قلت ليك قولي داكشي بقاو كيتناتفو ويتمرمدو فالارض ناضت ليلى كتشوف فيهم من الداخل شافتهم مشابكات وكيتناتفو وقالت: اويلي ياكما مدابزين بالصح ياسر: هههه متخافيش غير كيضحكو ليلى بقات كتشوف رادا بالها معاهم وهما لداخل كيسمعو غواتهم وكيضحكو ، حتا كيسمعو ليلى كتقول : ويلي ويلي ويلي ويلي .كانو البنات كتدحرجو فالارض حتى وصلو لبيسين وطاحو فيه وبداو يتغاوتو الماء بارد حيت بدات الشتاء كتدخل ، ليلى كانت كتولول حيت طاحو، ناضوة الكل يشوفو اش كاين ولقاوهم معانقات فالبيسين كيضحكو دازو الدراري كل واحد جر الاخرى وطلعوهم . علي : ههه انا بعدا مكرتاح غير فاش كيكون صداعكم فالدار . ليلى: والله والديكم معندكم العقل داخلين على الزواج وباقين كتلاعبو ياله طلعو دغية غيضربكم البرد تاني . مشاو كيتجاراو بحال البنات الصغار دخلو و البقية بقاو من موضوع لاخر ، البنات بدلو ونشفو ريوسهم و هبطو معانقات ولقاو علي وسعد وسيف فالمكتب ، وليلى مضاربا مع تيليفونات و رانيا كتفرج وزاين و ياسر برا كيتبردو حتا وقفو عليهم كيالزلط ، ياسر هنا قال لزاين موضوعو مع رميساء فرح و بارك ليهم ، وجات نوبة نور ياسر اجيو البنات جلسو . جلسو حداهم وقال ياسر: نور بغينا نهضرو معاك فشي موضوع . نور: اناري اش كاين تاني . ياسر: سمعي ومتقاطعينيش ، نتي قربتي تزوجي وحتا انا خاصني ندير داري .هنا رميساء قلبها بدا يخبط و كتسنا غير ردة فعل نور . ياسر:داكشي علاش حتا انا قريب نخطب . نور: كيفاش وايمتا هادشي وعمرك قاتيها ليا ؟ ياسر: حيت خفت من ردة فعلك . نور : واخا وشكون هادي ؟ ياسر : صاحبتك ، رميساء . نور وقفت وكلشي كيتسنا اش غتقول
وقفات وبقات كتشوف فرميساء ورميساء شاداها البكية ، حتا نقزات عليها ، وكتضحك: اواه الى كنتي نتي معندي مشكيل ، واااو ممتيقاش . رميساء gاع داك الخلعة ولات بكا كتشوف فنور فرحانا وكتعنق فيها ، وحتا هي معنقاها وكتبكي من الفرحة ، نور :دابا علاش كتبكي هههه اصلا كنت شاكة شي حاجة كاينا ، كل شوية تهضري عليه وفينما ندعي فيه تقولي الله ينجيه .... اييي رميساء ليعاتها . رميساء تحت سنانها: والله يامك وتزيدي كلمة اخرى حتا نحطك بوجهك قدام خويا . نور: * كتحك جنبها وكتقول* افف باش قرستيني لمك ، ايدك مسمومة يالطيف . ياسر : ههه ايوا شفتي ارميساء ها هي فرحات ، كنتي خايفا غير هكاك . زاين: وعلاش خايفا ؟ ياسر: راني قلت ليك ماكاتش كتخليني ندير علاقات و رميساء خافتها تقلق . زاين كيشوف فنور: ونتي مالك حياتو الشخصية ويدير فيها مابغا . نور: ونتا لي مالك ؟انا وخويا ونتا اش دخل حمارك لاسبوع الفرس *كتقولها ودايرا ايدها على جنبها كتبنضض* زاين دار راسو نايض ليها وهي تهرب تخبات ورا رميساء وبداو يضحكو عليها وزاين رجع جلس وشاف فياسر وقال : ههه تخاف متحشم . ياسر: وهنتا كولشي قدامك مخبيت عليك والو راه غير مصيبة وبلاك الله بيها . زاين: *كيهضر ويشوف فيها بحب* موصيبة وعاجباني ههه نور قلبها كيخبط وكتضور وجها باش متشوفش فيه وديما كتدير هكا حيت الى شاف فيها كتدوب فعينيه و غتضعف قدامو وغتسامحو وهي ماباغاش هكا . ياسر: ياله نوضي نمشيو فحالنا نتي . نور: واخا . سلمات على رميساء و مشات لطوموبيل تسناه وهو كيتحاب لينا مع رميساء وهي كتشوف فيهم من الجاج وكتقول : الله يحرق جد باباكم الكلب ب2 قدامي ياولاد الحرام شاد ليها وجها وكيتغزل فيها، دتا خرج ليها زاين من الجاجة وقال: انا موجود احبيبة ، انا كولي لك لي بغيتي ندير نديرو للحبيبة . نور: يعطيك السم الخلعتيني الويل منين خرجتي ليا . زاين كيهضر وكيلعب بشعرها فايدو : وتبغيها لحبيبك . نور: تحبك حبة وتنوض ليك فالقزيبة سير بعد مني ...بلاتي قبايلة قلتي لي بغيت ديرو ؟ زاين: اه نتي تامري .هنا دارت ابتسامة شريرة وكتفكر : اه اوليدي ازاين بان ليا هاد التخاصيمة غترجعك خاتم فايدي والله حتا مطوفك . زاين :هههه ﻹاش كتفكري باينة شي موصيبة تاني . نورلاحت بعينها للواحد من دوك الماطر الكبار لي تينوضو العجاج (معرفتش شنو سميتهم) هو غير شاف فين كتشوف هي وبدا كيضحك : هههههه مكتفلتيش الفرص ولكن واخا هكاك نخرج حبيبة ، تسنايني غدا قدام لافاك كيف العأدة . نور: *عنقاتو* بصح بصح كان كيصحابلي غتقول لا *عاد عاقت براسها معنقاه وبعدت وهو كيشوف فيها وكيضحك * زاين: ياله نشوك غدا. مشا وهو كيهضر مع راسو وكيضحك : عرافت منين نشدك انور عيني هههه و هي كتضرب راسها: يخ على مكلخة ، تفو علاش انا خفيفة راه انا لي كنستاغلو ماشي هو افف ...*بان ليها ياسر غادي لفم رميساء * نور : هاد الخراوات تاهما *وهي تكلاكصوني حتا تهزو ب2 * ياسر شاف فيها ودار ليها بايدو واخا على مك(خسرات ليه اللحظة) ورميساء هربت بالحشمة .
الضابط و زوجته المراهقة الجزء الخامس
محتوى القصة
التنقل بين الأجزاء