الضابط و زوجته المراهقة الجزء السادس

 بقات فحضنو وهو كيطبطب عليها هي شمات يحتو عرفاتو زاين وغير من قلبو لي كيضرب ،وحتا هي ماحاولاتش تبعد رتاحت عندو بقات فحضنو وماكانتش ناويا تبعد عليه ، هو كيف العادة مكيهضرش وخلاها على راحتها. غمضات عينيها كتجمع قوتها ، مسحات دموعها ، وناضت بلا منشوف فيه وهربات للداخل وهو ناض تبعها ، وفالدخلة تلاقات مع ياسر و رميساء كانوة جايين عندهم .رميساء قربات لنور: مال وجهك حمر واش كنتي تبكي . ياسر: نور واش فينما تشوفيها ، ديري هكا ؟ نور: لا صافي انا مبقيت كنتسنا منها والو ، قطعت الامال فيها .و مشات دخلت وخلاتهم كيشوفو .ياسر: واش قالت ليك شي حاجة . زاين: لا بقات غير كتبكي ، نتا عارف بلي هادشي كان ممكن يوقع ، الصبر عندو حدود. ياسر: عندك الحق مسكينة حياتها كلها وهي كتسنا وفالاخير فقدات الامل تمنيت كن قدرت نعوضها . زاين حط ايدو على كتفو : نتا درتي الواجب ديالك وكتر ، و ربيتيها وحافظتي عليها حتى كبرت ماشي gاع الخوت قادرين على المسؤولية لي تحملتي نتا . ياسر غير ساكت وكيسمع ليه حتا هضرمع رميساء: رميساء عافاك طلعي عندها خليك معاها لا تمشي تخرج تاني .رميساء: واخا ،انا غادا . زاين: ياله نخرجو برا شوية . مشاو الدراري للبرا يتسركلو والبنات بقاو فالبيت . رميساء : نور واش نتي بيخير . نور كانت جالسة فالبالكو والبرد مطير شعارها كتشوف لبعيد : *تنهدت* انا بخير ، صافي هادشي خاصو يسالي الى هي مبغاتنيش حتا انا مبغيتهاش ، وزايدون عندي ماما ليلى وخويا وكاينا نتي و العائلة كلشي كيعتابروني منهم ، علاش غنصدع راسي ، قررت نعيش حياتي ونسا عليا الهم . رميساء عنقاتها: الحبيبة ديالي كولشي غيكون مزيان غير تفاألي بالخير . نور: داكشي لي كندير ،ياله نهبطو .هبطو البنات لقاو سيف كيلعب بالبلاي ومشاو لصقو فيه .نور: بغيت نلعب . رميساء: حتا انا . سيف: الله ياربي فين رجالكم لصقو فيهم ، عطيوني بالتيساع نور: ماعرت فين هربو غير خلينا نلعبو معك .سيف : ياله زيدو . عطاهم الماليطا وبداو معاه باللعب . نور: اجي لدابا باقي معرفتينا على المدام . رميساء: عرفتي انور متوتزا مع راسها دارو الخطوبة فاش كنا انا وياك مغيبات هههه . نور: هي العرس السيمانة جاية ،مالك زربان خليه حتا ديرو معانا انا ورميساء . سيف: لا زربان ههه . نور ورميساء فدقة وحدة : زرباااااااان هههههه سيف ناض ليهم ب2 وهما هربو للجردة : لمكم مدوريني بيناتكم مبقيتوش تحشمو شدهم وبقا عليهم بالهران وهما كيتركلو فالارض ، حتا سمعو صوت كيغوت : نوووور

سمعو صوت كيغوت نور، وهما يضورو لقاو زاين مخنزر هي ناضت من الارض وتبعاتها رميساء ، نور عرفاتو غيصعر عليها وهربات للبيت وهو تبعها اما الاخرين خلاوهم كيضحكو عليهم ومن منظر زاين كيغير عليها . طلعات نور كتجري وتبعها حتا هو جرها لبيتو وسدو تكاها على الحيط ووقف قدامها وقال : اش قلنا ، ياك وصيتك عمرك تخلي شي ذكر يقيسك ، واش انا لمك خوك كنغير عليك منو ونتي ممسوقاش . نور: ش ...شكتخربق عليا تاني ، بان ليا بديتي تنسا راسك تاني انا وياك مبيناتنا والو باش تغير عليا ولا نغير . زاين: لا الالا بيناتنا ، انا كنبغيك ومعنديش استعداد نبعد عليك فهميها اولا متفهميهاش شغلك هاداك لي نعرف انا متخلي حد يقيسك منغيري ، والماكياج واللبس غنديرو ليهم حل تاهما غصبري عليا. نور: اويلي شتك زربتي عليا ، شو انا اش كنقول وهو اش كيقول .ضارت عندو لقاتو كيلعب فشعرها وكيشوف فتفاصيلها ، عينيها شعرها فمها وغاطس فيها بنظرة حب وقال : توحشتك . نور بقات سارحا فيه وقالت : انا متوحشتكش . هو ضحك ضحكة خفيفة وقال : حلفي . هي بقات متبعا حركاتو وكيفش كيداعب وجها وكيتلمس فمها هي غير سارحا فعينيه لي كيتساراو فيها بقات ساكتة هو ابتاسم ابتسامة جانبية وشد وجها وقرب ليها حط شفايفو على شفايفها ، ودخلو فقبلة وعن طريقها كيشرح ويوصل ليها مدى اشتياقو و مقدار حبو ليها ، هي نسات راسها وتجاوبات معاه مقدراتش تقاوم مشاعيرها حسات بالحب والحنان بين ايديه نسات الوقت ونسات كولشي كانت بعالم اخر لي هو حضن زاين توقفو وهبطات ايديها لي كيترعدو من فوق كتافو ، وهو بقا متبعها بعينيه ومبتاسم هي حشمت ونزلت راسها ، هو خلا ايديه محاوطين خصرها ، بغات تحيد ايديه منها وزير عليها وقربها ليه اكتر وقال: هاد المرة دوزتها المرة الجاية ، مغنهضرش بفمي . وغمزها ؛) هي غير طلقها وهربات لبيت رميساء دخلت وبقات تبسم وتضحك بوحدها ، حتا تفكرات اشنو دارت وهي تقول: افف داكشي لي خفت منو طحت فيه يخ ، انا ديما كنتفادا نشوف فيه غير على هادشي ، كيبنجني ولد الحرام ، خاصني نعرف كيفاش نقاومو ، ولد الحرام كيعرف كيفاش ينبتني ولكن واللهلا كانت ليه حتى نتاقم منو وندمو ، عاد نشوف اشنو ندير معاه ، دخلات رميساء وغير شافو فبعضياتهم بداو يضحكو . نور: كان كيشلقم فيك ؟ ههه . رميساء : هههه ناري وعلى نتوما لا شوفي فمك كي حالتو ، ناري خوك زربان هههه قالك كان باغينا نضربو الكاغط هاد اليوماين ومنين سمع بابا قاليه نديروه معاكم قد قد ، حشم وسكت ، طلي عليه حس بالشمتة مسكييييين . نور: ههههه تفو جماعة ديال المكابيت كلهم زربانين ، حيت هما عادي عندهم مغيوقع ليهم والو ، كولشي علينا حنا الصgعات لي كنتمرمدو وكتخرج منا . رميساء: ولاهيلا ، انا راه فينما نتفكر داكشي كنغرق فحوايجي ، والخلعة قاتلاني . نور: هههه ايوا صافي ديري ليه منوم وقولي ليه قضيتو الغراض . رميساء: اويلي ماشي لديك الدرجة ، زعما مخايبا غير البدية ومن بعد داكشي كيولي حلو . نور: هههههههه هي قولي لمك حتا نتي زربانا بحالهم وصافي . رميساء : ودابا العار زعما نتي لا مبغيتيش تعيشي داكشي .نور توترات وجمعات الضحكة : لا . وتمت خارجة رميساء: ههههه الله الله نتي كتاار مني . هبطو البنات لقاو زاين وياسر برا حدا لوطو كل وحدة سلمان على حبيبها . وركبت نور وتبعها خوها .ومشاو للدار بدلت حوليجها ومشات للكوزينة وتبعها خوها : انا غنطيب غير سيري . نور: لا اخويا غنطيب انا نتا ديما مخشي هنا ياسر: صافي نتعاونو . بداو كيطيبو حتا قال ياسر: حبيبة واش ديك الهضرة لي قلتي قبايلا كتعنيها ؟ نور: اه اخويا ، صافي قنعت من صداع الراس وانا صبرت ليها بزاف ، هي ماباغانيش مغنلوحش راسي عليها بالزز . وضارت كتنقي الخضرة ودايرا ابتسامة فوجها وهو بقا كيشوف فيها بتشكيك . لاحظات وحطات داكشي وشافت فيه و شدات فايديه وقالت: والله اخويا حتا معاك بالصح ، نتا ربيتيني ومتخلينيش عليا وحميتيني ووفرتي ليا كولشي و مخليتينيش نحقد عليها وحتا دابا عمري حقدت عليها ولا غنحقد عليها ، اصلا نتا كنتي ليا الام والاب والاخ وكولشي ، و عاد عندي ماما ليلى والعائلة كولهم كيعتابروني منهم اش بغيت اكتر ههه .ياسر عنقها وباس ليها راسها: يخليلي الصغيورة ديالي انا هه . هي باستو فحنكو وقالت : وياله نكملو هاد العشاء . ياسر: اه حgا عندي شي خدمة فكوريا السيمانة الجاية ، وقلت تمشيو معايا نتي ورميساء تفوجو شوية و ترتاحو من هاد المصايب لي وقعو ومنها تستاعدو للعرسنا ونتوما مرتاحين . نور: اواه بالصح ههه انا بغيت ولكن عرس سيف نهار السبت . ياسر متخافيش غنرجعو قبل عرس سيف . نور: هههه صافي موافقا 

مشات نور لبيتها عيطات لرميساء : الو رميساء ، وجدي وجدي ههه . رميساء: لاياش تاني هاناري . نور: ياسر غيدينا معاه انا وياك للكوريا . نور قفزت وبعدات التيلي من على ودنيها وقالت : الصعر شي نهار غتقب ليا ودنيا . رميساء : صافي قطعي نمشي نقولها ليهم .نور : تلاحي . حط ياسر العشاء وتعشت هي وياه وغسلاتهم ومشات لبيتها. تكات وهو يصوني التيلي ، هزاتو شافت شكون و حطاتو : تفو هادا لاش معيط ليا تاني ، خليه تما يصوني انا مالي . صونا لمرة الاولى والتانية والتالتة وهو يوصلها ميساج ، هزاتو وقراتو : غتجاوبي لمك ولا والله حتى تلقايني عند راسك . نور: نااري . صونا وهي تجاوب : اش باغي . زاين : واش نتي لمك الى مجعرتينيش مترتاحيش ؟ علاش مقلتيش ليا غتسافري ؟ اه ؟ نور : ونتا مالك نسافر او لا هاداك شغلي . زاين: لا الالا نتي مبقيتيش ديال راسك راك مخطوبة وقريب غتزوجي ومن الواجب ديالك ،اي حاجة باغا ديريها الا وبالعلم ديالي .مور غير ساكتة وكتسمع فالتوبيخ . زاين : وهاد المرة نعيط ليك جاوبي، فهمتي ؟ وغير بلاتي كولشي هادشي غنخرجو منك . وقطع عليها . نور: اه اه اه سيد مكشكش ، غير الله يخرج هاد الطرح معاه بسلام ... الغد الاحد كان عادي البنات جمعو حوايجهم ووجدو للسفر وتافقو يوم الاتنين تجي عندهم رميساء ومن تما للمطار ...

اليوم الاتنين فايقين البنات ناشطين ، دات نور روتين ديالها ودخلات على ياسر لبيتو لقاتو باقي مخشي ففراشو ، مشات بدات تنقز عليه : ياله نوض غنتعطلو . ياسر كيهضر بالصوت الصباحي و عينيه مغمضين : هبطي دبا تطيحيها بينا ، وسيري راه الطيارة حتال 11 دابا ياله 7 ، لمك gاعما كتفيقي فهاد الوقت واخا كتكوني قاريا ودابا فايقا على النبوري كتنقزي فوق راسي ؟ نور تلاحت على ظهرو ونعسات عليه: وصافي واش غتبقا غير كتنgر داير بحال العجوزات ، نوض دغيا مقاداش نصبر مازال . ياسر: ياله نوضي عليا و صوبي الفطور انا جاي . نور: صاوبتو ، وخطيبتك قربات نجي حتا هيا .ياسر: الله ياربي الله ، اني نايض لا تبقاو تنقو بجوجات فوق راسي. ناضت نور وهو دخل للحمام . سمعت نور السرسار وحلات الباب ، و لقات زاين ورميساء ، نقزات عليها هاد الاخيرة وبقاو يتناقزو . زاين: دابا واش نتوما لي عرسكم من هنا لشهر ؟ نتوما غتولدو وتربيو ؟ خرج ياسرعندهم وقال : زاين مشينا خلا ههه زاين: بان ليا حنا غنربيو ولادنا وماواتهم . ياسر: ههههههه واييه . نور ورميساء بقاو كيخنزرو فيهم وهما كيضحكو عليهم . جلسو كيفطرو مجموعين ناض ياسر لكوزينة وتبعاتو رميساء وبقا زاين ونور فالطبلة ، حسات نور بنظرات زاين كيختارقوها وبغات تسلت محد عضامها صحاح وهو يقول ليها : جلسي للارض . هي جلست كتضور فعينيها وقال : عارفا راسك مزبلاها ، باغا تسلتي . هي هزات عينيها شافت فيه وقالت : واش نتا باقي مبغيتيش تفهم ، سمع متبقاش تدخل فيا ، واش يسحاب ليك راسك خطيبي ديال بصح را حنا غير كنمتلو عليهم ، ديرها فبالك . زاين حمر فيها يله غيهضر وهما يخرو قاطعوهم وقال ياسر : انا غنبدل ونجي . وجات رميساء كتهز المواعين وتبعاتها نور ، وزاين كيهز رجليه بعصبية ، كن ماكانوش رميساء وياسر كن وراها . وجد ياسر وهزو البالز وهبطو وقال زاين : ياسر بلا متهز اللوطو وتخليها تما ، انا غنوصلكم . ياسر: صافي مزيان ياله . ركبو البنات لور وهما لقدام هبطو فالمطار سلم ياسر و رميساء على زاين وتمو غاديين ونور هربات تابعاهم وهو يجرها من قبها : اجي لمك نتي مغتسلميش عليا .نور: طلق مني حيد لهيه والله حتا نعيط ليك لياسر . زاين: ههه تبتي ونتي كتركلي بحال الدجاجة . قربها ليه وباسها فحنكها وقال :غنتوحشك .نورغير كتبلق فيه .زاين: الى عيط ليك جاوبيني لبسي مقاد و ديري عقلك هاني كنقوليك . نور: واخا نقدر نمشي دابا ؟ زاين : سيري الالا . هي مشات كل شوية كتدور كتلقاه كيتبسم وكيدير ليها باي باي ، هي ضارت لقدامها وبقات كتضحك . وصل وقت الطيارة وطلعو جلسو ب3 فصف واحد .بقاو االبنات غير كيهضرو و ياسر نفخو ليه راسو ونعس بعد ساعات وصلو وهبطو مشاو نيشان للاوطيل وخداو 2 شومبرات وحدة للبنات والاخرى لياسر . دخلو دوشو ورتاحو ونعسو ....

فاق ياسر وعيط للزاين ، طمنو عليهم وقطع مشا عند البنات فيقهم وهبطو للتحت كلاو وبقاو يتحتو ،وعاودو طلعو ونعسو حيت كان ليل ، الغد ناض ياسر ومشا عند البنات و قيقهم: ياله نتوما جيتو لكوريا باش تنعسو نوضو وجدو ريوسكم غنخورجو . ناضو البنات كيتسابقو للحمام دوشو ولبسو *الصورة* وهبطو فطرو وركبو مع ياسر فلوطو لي كراها . مشاو وهبطو فنهر الهان تمشاو تما وكان ياسر هاز معاه كاميرا كل شوية كياخد صورة . جلسو كانو تما شي دروج ، جاب ليهم ياسر ما ياكلو كانت الدنيا عامرة تما شي غادي شي جاي و الجو والمنظر كان زوين ، كانو كياكلو ،حتا قالت نور لرميساء: رميساء تفكرت انا ماسولتكش ،حسام واش كنتي كتعرفيه من قبل ؟ حيت منين خطفنا كان كيهضر معاك بحال الى كنتو كتعرفو بعضكم . رميساء ضورت وجها و تنهدت .شافها ياسر هكاك بغاها تجاوب على هاد السؤال ولكن منين شافها هكاك قال:نور لاش جبدا هاد الموضوع دابا ، يمكن مبغاتش تهضر عليه . رميساء: لا مزيان منين جبداتو نتوما من حقكم تعرفو ، انا داك الحيوان كنت كنعرفو هادي شي عامين كان خو اقرب صديقة ليا ، كنت انا وياها مكنتفارقوش ، كنت كنعتابرها ختي ماشي صاحبتي فينما تحتاجني كتلقاني ، هي كان كيعجبها واحد فالكليكا ديالنا ولكن هو كان معجب بيا انا مكنتش معمرا راسي بهادشي ، ومكانش فخباري ، هي مرضاتش وحقدات عليا وبقات كتمتل عليا دور الصديقة ، واحد المرة مشيت عندها للفيلا وكان خوها حسام ياله جا من فرنسا اول مرة كنت غنشوفو عجبتو وقالها لختو وهي حيت عارفاه اش كيسوا هو كان معروف عليه البنات بين ايديه بحال اللعبة ،وهي قالت هادي هي الفرصة باش تنتاقم مني ، بقات كتدور بيا وتقنعني باش نرتابط بيه ، بصراحة مكتش باغا فالاول ، ولكن هي كانت كتستاغل الفرص وكتقابلنا شويو بشوية ولا كيعجبني بغيتو من قلبي اولا يمكن ، كان اعجابي بيه غير حيت كان كيبان بعقلو وراجل ،فالاخير قبلت بيه ، زاين كان رافض صداقتي معاهم انا مكتش فاهما هادشي علاش حتا فات الفوت ، كان هو كل مرة كيقنعني باش نمشي معاه ونعطيه راسي انا رفضت ، وكنت كنصدو كل مرة كيحاول يقرب ليا . اصلا هو هادشي لي كان غاراضو وانا كيف الحمقاء كنت تايقا فيه ، بقينا مع بعضنا شي 6 اشهر مبقاش قادر يصبر ، تافق مع ختو عليا جرجت انا وياها دوزاتني من واحد الدرب خاوي تما جاو شي وحدين خطفوني وهي لا ،عرفت شي حاجة تما داوني لواحد الغابة كانت شي دار مهجورة تما ، غير دخلوني وشفت حسام تصدمت حبسوني تما شي 3 ايام كنت غير بوحدي ، النهار الاخير كان جا وحاول يغتاصبني *كتهضر وتبكي ونور شدات فايديها* معتقني منو غير خويا جا فاخر لحظة كان شد ديك لي كانت صاحبتي وبقا معاها حتا gرات ،شد خويا حسام بتهمة الاختطاف ومحاولة الاغتصاب ولكن ولد الحرام خرجو باه منها بحال الشعرة من العجينة و سيفط بنتو للبرا وانا بقيت فالمستشفى شحال وتبعت مع عماد، حيت دخلت فاكتئاب صاحبتي غدراتني و لي كنت كنبغيه كان باغي غير حاجتو مني بقيت هكاك ، لمدة وبقيت متبعا العلاج مع عماد حتى قررت نعيش حياتي ولاقاني الله بيكم . عنقاتها نور وبكات معاها وقالت : حبيبة صافي من البكا دابا مكاين غير الضحك والنشاط ، والايام الزوينة مزال جايا ههه. رميساء: ههه ان شاء الله احبيبة ، نور بغات تخليهم بوحدهم : سمحو ليا انا جايا. ناضت وجا ياسر جلس حداها شد فايديها وقربها ليه عنقها وقال: حبيبة هاداك الحيوان خدا جزاؤو ، وخاسك تنساي الماضي وتبداي من جديد وانا معاك احبيبة غنعيشك كيف الاميرة . هزات راسها باستو فحنكو وقالت : يخليك ليا احسن حاجة وقعات ليا فحياتي هي لاقاني ربي بيكم نتا ونور ، ربي يخليكم ليا . ياسر ابتاسم ليها وعنقها ، جات نور بعجاجتها و فسدات اللحظة ياسر شي نهار غيقجها . مشاو لواحد البلاصة فيها غير الربيع والطبيعة ، تشادو نور ورميساء كيتمشاو قدامو ضارت رميساء وسورهم مشادات ، وكان كل شوية يصور وحدة فيهم بلا متعيق دوزو يوم زوين ورجعو فدالهم للاوطيل

اليوم الموالي ناضو البنات على صونيط التيلي كان تيلي ديال نور جاوبات نور ورميساء غطات وخها ورجعات نعست نور: اف مالقيتي ايمتا تعيط راه 8 هادي ،زاين : لمك راه 1 ديال اليل عندي انا هنا ، شحال وانا كتسنا غير ايمتا يطلع عندكم الصباح مهم واش نتوما سافا ؟ نور: الحمد لله ، توحشتك ايمتا غترجعو كن ماكانت الخدمة كون لحقت عليكم . نور: ايوا المرة الجاية. زاين : ههه صافي نمشيو فشهر العسل .نور: اشمن شهر العسل ولا السمن سير بعد مني . وقطعات ورجعت لبلاصتها وصلها ميساج وقراتو كان زاين : وحسبيهم ، حتا تولي بين ايدي .نور: غير بقا تحلف انا لي غنخرجهم منك .ورجعات لبلاصتها حتا تغلغلات و تمخشات فبلاصتها و هو يدخل عليهم ياسر : ياله نوضو نوضو النعاسات ، نورغير سمعتو وبدات تغبن وتركل : اففف واش نتوما محلفين فيا ، تريكة ديال الويل . ياسر: رميساء حبيبة ياله نهبطو بان ليا هادي باقا مشبعت نعاس . رميساء: واخا انا نلبس ونلحق عليك .ياسر : واخا 😗 مشا ولبست رميساء حوايجها وهبطت فطرو ياسر ورميساء وخلاو ميساج لنور بلي خرجو يتقداو ، فاقت نور دوشات فطرات شافت الميساج ، وجلست كتفرج قنطات ومشات للبحر جلسات فالصخر قدامو ، بقات سارحة فيه كتفكر فحياتها وشنو باغا دير فيها ، فزاين وعلاقتها معاه واش تسامحو وتستسلم لمشاعرها ليه وتيق فيه ، اولا تكمل فالاتفاق لي دارت معاه ويطلقو من بعد عام .وفالاخير قررات باش تدوزو تحت اخبار وتشوف واش يستاهل تيق فيه مرة اخرى واش غينجح ولا لا ،قاطع تفكيرها ياسر لي كيسول عليها فين كاينا وقالت ليه بلي راجعة . مشات طلعت لقاتهم كيتغداو فالشامبر نور: المجوعفين مكتسناوش ؟ رميساء: ناري هادشي زوين عمري دقت بحالو شنو قلتي ليا سميتو اياسر ؟ ياسر: هههه دوكبوكي . رميساء: دوبوكي ؟ ياسر: ههههه لا دوكبوكي . رميساء: مهم هاداك ههه نور: ياسر فين نمشيو فالعشية . ياسر: غير خرجو بجوجات انا عندي شي خدمة نتلاقاو فالعشية . ور رميساء شافو فبعضهم وتغامزو وقشعه وقال : شوفو اهادوك 2 اقسم بالله ومتديرو عقلكم ياحتا نصيفيها ليكم وهنا علمتكم راه هنا ماشي هو المغرب تفاهمنا ؟ نور ورميساء: واخا . ياسر : ياله انا مشيت .نور ورميساء: باي . ناض خرج وبقاو البنات مع بعضهم .نور: ايوا ودابا ؟ رميساء: نتي لي كتعرفي هنا خرجيني .نور: ياله نوضي. خرجو البنات ضارو gاع المولات و مخلاو ماشراو الفاشين الكوري خطير عندهم مع التصميم شراو الماكياج ، مهم جسرو الفلوس بالمزيان رجعو لقاوه واقف ليهم عند الباب: اش هاد التعطيلة لوالديكم توما ، واش هادشي كامل شاريينو ، مال ايديكم متقوبين . رميساء قربات ليه وحاوطاتو بايديها كتحلون عليه: حبيبة مالك كتنgر منستاهلوش ؟، واصلا راه عرسنا قرب وخصنا نوجدو ونتقداو ليه اولا؟ هو مع كانت قريبة ليه بقا كيشوف فيها ويتبسم باسها فحنكها وقال: تستاهللو احبيبة ياله نطلعو فحالنا ، طلعو البنات وجاب ياسر العشاء تعشاو بقاو سهرانين مع فيلم حتا سالا ناض ياسر للشامبر ديالو والبنات تخشاو فبلايصهم ونعسو .... الغد ليه ناضت رميساء هبطت هي وياسر يفطرو حيت نور كيف العادة باقا مشبعات نعاس ، تحل الباب ودخل شي حد حط ايدو على شعرها كيدوز عليه هي حسات بيه وقالت : ياسر سير بعد مني باقي مبغيت نوض .وهو ينطق: هادا ماشي ياسر، هادا عزرائيل لي جا ياخد روحك.... وهي تقفز 

سمعات نور صوتو وناضت قفزت ، وهو دار ابتسامة شريرة وكيقرب ليها وهي نقزت لجيهة الاخرى من السرير وهبطت مقابلا معاه : باسم الله الرحمان الرحيم نتا ايمتا جيتي لهنا عاد البارح هضرنا فالتيلي .زاين: ايوا من الهضرة لي قلتي البارح حلفت حتا نوقف عليك ، دابا عاد غهضرو فراحتنا ونوريك ماشي سوقي كيف دايرا . نور: ف ... قين ياسر ورميساء ؟ زاين: تلاقيت معاهم قبايلا وخرجو وانا طلعت لك . نور: دابا اش باغي من الاخر . زاين: انا جيت نقول ليك بلي باغي زواجنا يكون حقيقي ، ونحيدو داك الاتفاق حيت كنبغيك ومنقدرش نعيش بلا بيك . نور عجبها كلامو وبقات كتشوف فيه ، ولكن تفكرات القرار لي خداتو وبغات تلعب عليه شوية ، نور: سمع انا باقا ممتأكداش من مشاعري من جيهتك فهمها ، وعاد انا مموافقاش انني نتزوج ونبني عائلة دابا حيت ممستاعداش ، انا موافقة غير على قبل مصلحة الكل ، يعني بلا ميمشي بالك بعيد .هو قرب ليها وشد وجها : نتي مكتقوليش هاد الكلام من قلبك ، نتي كتبغيني كنقراها فعينيك فاش كنقرب ليك ونمسك ، نتي كتبغيني كيفما كنبغيك ، وهادشي متأكد منو ، نتي دابا مقسحا راسك غير حيت باقا مقلقا من داكشي لي قلت ، وكنواعدك غنخليك تسامحيني ، غير خليك فجنبي ومتبعديش عليا ، حيت النهار بلا بيك كيدوز عندي بحال العام بلا شتا ، فهميها ابنادم انا كنبغيك ومنقدرش نفارقك .هي شافت راسها غتضعف قدامو وهربت للحمام تخشات فيه وبدات تشطح وتنقز فراحانا بداكشي لي قال ، حسات بالصدق فكلامو و تمنات تقول ليه حتا انا كنبغيك ولكن باقي الحال . دوشات ووحلات تما تفكرات بلي مجبداتش حوايجها ، بقات غادا جايا فالحمام بفوطتها وفالاخير جمعات شجاعتها وفتحات الباب شوية وعيطت ليه ، جا لعندها : هههه وخرجي لهنا ملك كتطلي ؟نور: لا راه مالابساش .زاين: غير خرجي كتكوني بحوايجك وكنشد راسي غير بزز بلا متخافي ، سأتزوجك . نور: ب..ب..ب لا كترة..ل..لهضرة عطيني مانلبس ، حل الفليزا الزرقا هي لي فيها حوايجي . زاين: هههههه واخا الالا . مشا وجبد ليها على دوقو كان سروال كحل مع تيشوت كحل ومدهم ليها شافت فيهم نور وقالت : واش نتا مكلخ هادشي غنلبسو هكا عطيني داكشي لاخر . زاين داير راسو مكلخ: شنو داكشي لاخر هههه نور: داكشي راك عارفو وبلا تدقق فيهم جبدهم ومدهم ليا زاين: علاياش كتهضري راني باقي مفهمت .نور: اففففف سوتيامات و سليب . فنفسها : الله يلgيها ليك . مشا زاين وبقا يجبد هادو ولخرين قلبهم كاملين كانو غير الرياضية وديال calven clein ماشي العاديين وقال : دوقك فالملابس الداخلية معجبنيش ،من اليوم غنولي انا نشريهم ليك ههه وهي بدات تندب وتولول تما عارفاتو غيبقشش المنحرف لاخر ، جبد وحدين ومدهم ليها وهو كيضحك عليها مخرجا ير ايدها . لبسات وخرجات ، جبدات السوشوار نشفت شعرها تحت انظارو كيشوف فيها ويضحك وهي مكتشوفش لجيهتو حيت كيحشمها . سالات ياله جبدات لاتروس الماكياج وهو يوقف عليها : هههه اش كتديري الغزالة .نور: ونتا مالك راه باينا غندير ماكياخ . زاين : اش قلنا على هاد ونتا مالك منبقاوش نعاودو الهضرة، والماكياج ممنوع راك زوينة بلاش . نور: زاين بلا متبدا تاني .خنزر فيها .نور: ياله ندير غير شوية الكحل . زاين: واخا .ومشا جلس فالبالكو .نور سالات ومشات جلست حداه و زاين مخنزر كيشوف لبعيد حتا نطقات : خلينا نديروة هدنة ونخرجو بلاصداع بلا نgير ، بما انك جيتي جيتي . زاين شاف فيها ووقف : زيدي قدامي . مشات كتنقز وراه هزات الكاسكيط والنضاضر وتبعاتو مشاو فالاول يفطرو ، جلسو فواحد الريسطو ، هي لي ضوموندات حيت كتعرف الماكلة الحلال ، حطو ليهم الروز ولي سوب والحوت وشي مرافقات هادي هي ماكلتهم . كلاو وداتو ضوراتو لكاع البلايص لي كتعرفهم وكتعاود ليه على مغامراتها فاش كات كتجي هي وجينيونغ وهي تشهق وتخلع قاليها: مالك ؟؟!! جوباتو : قودتها .نزل عليها: صلحي فمك . وقالت: بغيت نقول قفرتها .قاليها : مالك تاني اش درتي . جاوباتو : تفكرت جينيونغ ، كان طالبني الى كنا جايين لهنا يمشي معانا ،ونسيتو . زاين: يجي لراسو ، شفتك معاشرا ليا معاه ،اه تفكرت هاداك الشطيح لي كديري معاه شنو قضيتو نور: عادي ، جينيونغ بحال خويا عمرو قرب ليا بشي نية خايبة ، وكون كان خايب gاعما يتيق فيه خويا ويخلينا صحاب هاد المدة كاملةوزايدون هو شابع بنات كل نهار مع وحدة، غير هني راسك . زاين: ايوا المهم عندي انا متبقاي تخلي حد يقيسك. نور: واصافي باركة اش قلنا ، ياله نمشيو من هنا . زاين: زيدي ! بقاو كيتمشاو حتا وصلو لواحد البلاصة مشهورة كيتجمعو فيها الناس لي كيبيعو مأكولات الشوارع . وقفو عند واحد المرأة شويرفة شوية وقالت نور للديك المرأة تعطيهم، كتبيع كفتة الحوت مشوية و البطاطا مشوية و نور مع كهضر بالكورية المرأة تفاجئت وقالت ليها: *الحوار بالكورية* واو ابنتي تعلمتي للغتنا . نور: اه أخالتي ، كتعجبني كوريا

والتقافة ديالكم ومأكولاتكم والناس هنا والجو كولشي غزال . المرأة : مرحبا ابنتي ، *وشافت فداك لي معاها ممقشبل والو * واش هادا صاحبك ههه .نور: لا خطيبي وقريب غنتزوجو . المرأة : غزالين بجوجكم متشوقة نشوف ولادكم كيف يكونو ههه .نور كانت كتاكل وكتسمع ليها حتا جبدات ليها الولاد وهي توحل ليها

وحلات ليها ومد للليها زاين كاس الماء والمرأة ضحكات عليها وقالت: هههه باينا خالعك الزواج . نور: شوية .المرأة سمعي ابنتي الزواج كينجح الى قريتو من بعضياتكم وفهم كل واحد فيكم شخصية لاخر ،لابدمن شوية التنازلات وشوية التضحيات و تساندو و تيقو بعضياتكم و وهادا هو المهم ابنتي الى بغيتو علاقتكم تنجح ، وبان ليا خطيبك كيبغيك غير من الشوفات لي كيدير فيك و قبايلة فاش وحلات ليك وعطاك الماء ، اه ابنتي فكرتيني غير فايام زمان مع راجلي ، مهم تهلاي فيه مزيان ورجعي عندي المرة جاية وجيبو معاكم ولدكم ههه .نور: هههه ان شاء الله اخالتي . خلصاتها وجرات زاين معاها هو: ومسرح ليك اللسان بالكورية ، اجي بعدا من الصباح ونتي تكركري نتي وياها ، وكتشوف فيا وتغمز فيك ، كنتو كتهضرو عليا ياك ههه ؟ نور: والو سولاتني شكون نتا وصافي . زاين : ايوا شا قلتي ليها . نور: قلت ليها خطيبي و قريب نتزوجو . زاين تبسم حتا تسدو عينيه وقال : وفاش وحلات ليك ، اش قالت باينة جبدات الموضوع الحساس هههههه. نور: ماشي سوقك . زاين: والله حتا تقولي اش قالت لك . نور: اففف ومتضسرش ، قالت ليا انا وياك زوينين و بغات تعرف ..زاين: كملي اش بغات تعرف ههه. نور: بغات تعرف ولادنا كيف غيكنو .وضورات وجها عارفاه غيشد فيها .زاين:ههههههههه بصراحة حتا انا مشوق نعرف ولادنا كيف غيكونو واش كيشبهو ليك ولا ليا وقرب ليها ، خاصنا نزربو ونديرو الخاطر للمرأة حشوما تبقا تسنا .نور : وبقتي تسنا تما ، مالي تسطيت نولد باش نخصر هاد الفورمة ، خدمة سنين و انا نتمحن عليها . وزادت وخلاتو وراها وهو يتبعها وقال: اه حيت هادشي غتقرريه غير بوحدك . نور ضارت عندو : اجي شتك كتهضر على الولاد واش غنبقاو نجبدو هاد الموضوع كل شوية ؟ زاين: صافي زيدي قدامي مافيا لي يتناقش معاك .اتصال من ياسر: الو ياسر . ياسر: الو زاين فينكم اجيو عندنا قول للبرهوشة تشام دونغ غتجيبكم . زاين: واخا ، زيدي قالنا خوك نمشيو عندهم لتشام دونغ . نور: اه ياله .ركبو الميترو ومشاو عندهم كانت بلاصة زوينة بارك واسع وكبير وغير ناس قلال لقاوهم جالسين فواحد البلاصة كيترومانساو (عيد حب سعيد البنات ، الا مقال ليكم حد i love u انا نقولها ليكم ، i love u all ❤ ❤ ❤ hhhh ) وقفو عليهم ، نور: ولفتو نتوما نخرجو تخليوني ناعسة ولا شنو ؟ ياسر: الله يمسخك عل فاش كنت كنفيق فيك مالك مفقتي ، اصلا خليتك مع زاين . رميساء: فين مشيتو واش درتو ؟ نور: والو ، غير ضرنا وتسركلنا حتا عيطتو لينا . زاين: البنات باقي ماجاكم الجوع ؟ رميساء: اه سيرو جيبو لينا شي حاجة . ياسر: زيد اخويا هادو راه كايصدرو فينا . زاين: ههه هادشي لي بان ليا . مشاو رميساء عنقات نور وقالت ناري يختي توحشتك خوك موحال واش مازال يخلينا نتلاقاو بحال دابا ورا الزواج .نور: واييه احبيبة خويا وانا عارفاه والله يديرها ، اجي فضريب الصداق كيتشرطو الزوجات .رميساء : اه .نور دارت ضحكة الشريرة . نور: ههههه مشاو كفتة . رميساء: غاش كفكري الكارتة تاني . نور: كلشي بوقتو احبيبة ، كانو جالسين فدروج وحطات رميساء راسها على كتف نور ساهيا لبعيد وقالت: نااااري يانور خوك غيسكت ليا القلب. نور ساهيا حتا هي تنهدت وقالت : كيشفتي خوك. رميساء: عرفتي كيلوح كلمة وكيخلي مسارني كيتلواو فكرشي هادشي غير كيهضر معايا ، والى نعس حدايا اش غيوقع غيسكت ليا القلب بين ايديه مافيهاش . نور قفزاتها : اييوا عندك تبقاي تبيني ليه بلي كتموتي عليه هكا ، تقلي وخليه هو تابعك . رميساء: هههه عارفا متخافيش عليا . نور بانو ليهم شي دراري كيلعبو مع شي بنات الباسكيت .نور: نوضي نلعبو معاهم ، هادو راه بان ليا هوما مشاو يطيبوه .. رميساء: ههه زيدي . مشاو وطلبت منهم نور يلعبو معاهم ، وقبلو بداو اللعب معاهم يضربو ويضحكو عجبهم الحال سالاو ، مع الضورة شهقات رميساء 

ضارت رميساء وهي تشهق وقالت: ناري هما مالهم كيخنزرو واش درنا شي حاجة تاني ! نور: باينا غيجبدو لينا الودنين ، بان ليا هادو حتا النفس غيقطعوه فينا ، ابلاتي مخسناش نحدرو ليهم راسنا خاصنا نفرضو ريوسنا !رميساء: شتي ديك العياقة ديالك زيديها فيك ، راني باقا عاقلة على اخر مرة شنو درتي سو سدي عليا فمك دابا وزيدي نسمعوعلى ودنينا ، شير ليهم ياسر باش يجيو وهي تدفع نور سدرها القدام تايقا فراسها وقالت: تصوخري لور وتفرجي .رميساء: اه اختي غنتفرج فيك . قربو البنات وقالت نور: جبتو الغداء مزيان نيت جاني الجوع . زاين: حنا مشينا غير شوية رجعنا ملقيناكمش .ياسر: ياك قلنا متحركوش حتا نرجعو دغية ضبرتو معمن تقصرو . نور: اه اه مالنا شتكم دخلتونا طول وعرض ياك لاباس راه غير لعبنا ماتش بيما جيتو ،السلامة ياربي شحال ...باقي مكملاتها ياسر وزاين كل واحد جرها من ودن وداروها بيناتهم .ياسر : تي شتك ضسرتي ، رميساء ضاربا الطم وساكتة ونتي كتبورضي عليا ، شحال ماكليتي العصا ، اه؟ نور: واي ودنيا غير واحد مالكم تحاميتو ب2 ، راه غير لعبنا شوية ، مالكم معصبين . زاين: حيت نتوما مكتهناوش الى مدرتوش شي كارتة مكتهناوش ،فاش كتغبرو كنعرفو شي مصيبة غتجي من بعد ، داكشي علاش كيخصكم تبقاو قدام عينينا .نور: بلاتي حاgريني غير انا تاهيا كانت معايا.رميساء فنفسها : والله لا بقات فمك ديريها وجريني معاك .ياسر : بصراحة حتا نتي ا رميساء خاصك العصا حيت غير تابعا هبالها فبلاصة مديري ليها عقلها ، وتمنعيها .نور: دير ليا عقلي بنت ليك كنقطع حوايجي ، طلقو حيدو لهيه .زاين: ومازال زايدا فيه ههه لريتك نتي راه تاحاجة مكتgر فيك بقات غير العصا هي لي غنخدم معاك واقيلا .ياسر: شتي ازاين هانتا بديتي تفهمني انا معندي مشكل تضربها حيت هادي gنس كاموني الى متحكتش متعطيش الريحة ، انا شحال هادي كنت كنهلكها عصا، فاش بدات تنقص زبايلها حتا انا حبست ولكن منين غتبدا ترجع ليهم حتا انا نرجع معاها الخدمة ديال شحال هادي . زاين: متخافش هناك الله منها انا لي غنتولها غير تصوخر نتا لور . ياسر: ههههه منك ليها .رميساء تدخلات تفك ديك الصgعة لي غير دافعا الجبهة هكاك .رميساء: صافي غير طلقوها مغنعاودوش .ياسر: لا غير عاودو . طلقوها ونور شدات ودنيها وبقات تخنزر و تدعي فيهم ب2 .... رجعو البنات للروم ديالهم و الدراري هبطو يقصرو فالبار لكن مكيشربوش ، والبنات دوشو ولبسو بيجامات وشعلو التيلي يتفرجو ، حتا قالت نور :اففف دابا اش كان غيوقع كون داونا معاهم ،ياله نلحقو عليهم .رميساء : غتسكتي ولا غنضرب بحسك مع الارض واش مكتهديش حgلهم فك ماشفتيش غاديين وكيتحلفو انا اختي ماقادا على صداع ،خلينا اختي بعضامنا صحاح نتي واقلا مديقاش العصا ديال زاين . نور: واش ضربو قاصح ؟ رميساء: قاسح ؟هههههه الضو تيضربك ماشي ايدو ، عرفتي كيرخيها ولد الحرام وكيجيبها فينما جاتك ، و شفتي ايدو قداش مكتعرفيه واش ضربك بايدو اولا جبد شي بالا .نور: هههه زدتي فيه .رميساء: انا مغتزيدش معاك الهضرة حتا تجربيها عاد حكمي لراسك ، وانا متأكدة غتجربيها بهاد الطياران ديالك .نور: واصافي دابا من الهضرة مغنمشيوش ؟ رميساء : وفين الحمقاء واش هادشي كولو ومقتانعتيش ؟ نور: نايضة واللهحتا نمشيو .رميساء تلاحت عليها واللهلا مشيتيها ، الا كنتي نتي مستغنية على راسك انا لا . نور: وطلقيني الويلا هادا gاع خوف فيك اصلا مغيقدرو يديرو والو ، راه كاين عمي علي غير نشكيو ليه وتصوخري لور .رميساء: انا ماطالقاكش ومغاتمشي فين و 12 تالليل هادي، سدينا .نور بقات تشابك معاها باش تحيدها : وطلقي الويلا اليوم الاخير خصنا نختموه بالزدحة ماشي النعاس.رميساء: حتا انا مكرهتش ولكن كلام خوك هو الاول . نور بقات تجار معاها وكيتغاوتو باش تطلقها طاحو من فوق السرير كل شوية تقلب الاخرى تحتها ويتجارو .حتا تحل الباب ودخلو الدراري كل واحد جر الاخرى . زاين: مال مكم نتوما اش واقع تاني . رميساء: والو اخويا خطيبتك كانت باغا ت .ممممطارت عليها نور سدات ليها فمها نور:ههه والو غير كنلعبو . ياسر: ديرو عقلكم شوية ونعسو راه غدا فايقين بكري . البنات : واخا . خرجو الدراري ، و ضارت نور لقات رميساء معوجة فيها وجها وكتدور راسها بمعنى ويلي با . رميساء: شتي نتي اكبر داويا خاويا شفتها فحياتي ، ديما كنقول ليك عودي دخلي سوق راسك الى ماقاداش عليهم . نور: *غوبشات فيها* وليتي مملة . ومشات تخشات فبلاصتها ورميساء خلاتها على راحتها وتخشات حداها عنقاتها ،حتال غدا وتحزرها ،الغد فاقو بكري ومشاو ركبو ، كل وحدة مع خطيبها ونور غير مغوبشا زعما غضبانة ، ومرة تمزك مرة ناعسة طيبات كتف زاين ولكن هو كان عاجبو الحال ، اما الكوبل لاخر غير كيهضرو ويخططو للمستقبل .بعد ساعات وصلو للمغرب ، غير خرجو ومشات رميساء تلاحت على نور من لور وقالت : راجلي باقي مقلق مني ؟

نور: واقيلا غلطتي راجلك راه خليتيه وراك. رميساء: وصافي دابا غتدطوني بيناتكم ، كنتشوفي النهار كولو وهو يتحلف عليا ،كيقول ليا نتي عارفك كتديري لي فراسك واخا يضل يوصي فيك ، داكشي علاش كيقول ليا انا نكون مولات العقل ونحبسك منقدرش نقلقك ومنقدرش نقلقو ، ياله قولي ليا شنو ندير انا ؟ نور: صافي صافي سكتينا كتقطعي فالقلب . رميساء: يخليلي راجلي . زاين: اشمن راجلك ، هاد الفصالة والزين كولو راجلك ، راه راجلك حداك ههه .ياسر: الى كانت هي راجلك انا شنو لمك اه ؟ ههه .رميساء: نتا هو الكل فالكل .نور: ياك ابنت الحرام . رميساء: حتا نتي الكل فالكل هههه الكل:ههههه. زاين : وياله ها الشيفور وصل . ركبو ومشاو مع الشيفور العائلة .وصلو للفيلا ولقاوها مرونة ، دخلو للصالة كان كلشي مجموع وجايين حتا العائلة ديال ليلى دخلو سلمو عليهم كاملين حتا جا واحد الشخص وتصدم زاين ....

**يتبع***