طليت لابيسين والو و انا نهز طيلي صونيت على محمد جاوب قلتليه فينكم ازبي قاليا ها حنا شوية و هنجيو راه هي كندورو و صافي قلتليه صافي قطعت نزلت بقيت كنطريني شوية طلعت دوشت جبدت طيلي صونيت على لواليدة كي دايرة لاباس عليك كولشي بيخير هانية مالين دار .راكم عارفين لحيوار كي كيكون ساليت معاها صونيت على فاتي بقينا كندويو شوية تعناب بقينى كندويز على لعرس قلتليها هنديرو احسن عرس انشاء الله.....دخلت لكوزينة قصيت شوية و هو يدخل بلال قاليا زيد تحرك معانا قلتليه بلاتي نبدل بدلت هزيت طوموبيل ديالي ركب معايا بلال رادار بيناتنا حيت تسانسناه وقفتى فلمول دخلنا حيدو لينا سلاح قاليك ممنوع دخلو معاك حطيناه تما و بقينا كندورو خديتليا واحد ايفون س4 كان اخر ماكاين فسوق فديك لوقت محمد وبلال حتى هوما كذلك دخلنا لبوتيك ديال لحوايج تقدينا انا تقديت شي لبيسات د(فيليبلان) للخوادري صغير كيحماق عليهم لمهم تسوقنى كاملين طوموبيلات عمرو ب2 حيت صااافي غاع لحزاق لي كان تابعنا سالينا معاه لمهم رجعنا لدار ستفنا حوايجنا لحت لفلوس لي عندي فالبنك للمغرب و خليت واحد 100 مليون$ تما باش الى مرا مرا نطلع دورة نلقا باش نصوفي راصي رجعت لدار عيطت على سام قلتليه راه غدا غاديين نمشيو قاليا لا حشومة عليك ماشي هاكاك دابا سالينا من داكشي خلينا نفوجو شوية مع بعضياتنا هنا شوية عاد مشي .......قلتليه منقدرش نزيد على يوماين راه عندي لعرس و خاصني نوجدليه على بكري.....قاليا واخا سيدي اجي عندي لدار راه لمادام قادات لبيتزا شيخاجة ناضية قلتليه هاحنا جايين جمعنا قلوعنا نييشان لعندو بقينا مريحين كندويز و سام قلتليه يقرب لعرس نصونيلك تنزل تحضر قاليا واخ حتى انا خاصني نشوف دوك لعراسات ديالكم كيدايرين قلتليه جيب لغرامة ا زبي قاليا وايلي واش نتا قحبة ؟؟؟؟ حيت هنا كيلوحز لفلوس هسر على لقحاب واخا هاكاك تحيا لاي مدينة وتاقاليدها فهمتو قاليا انا هنكون لمقود فيهم قلتليه وااااا مانشوفو تعشينا ولدو كبر ولى كيدوي شوية و زويييين توفيتة ومكرهتش حتى انا ندير بحالو شي بامبينو عاوت حتا انا نفرح بيه....لمهم سالينا تحركنا لدار بقينا مقصرين بلايسطايشن لي خصر يقود حتى نعسنا .فصباح نضت دخلت لكوزينة هزيت واحد 10 دلبيضات و كفتة دالكبش لبصلة لمهم (بغيت ندير فيها شوميشة). بقيت كنخور زيد شوية من هادي قاد هادي وجدتو فيقت دراري قلتليهم نوضو تجمعنا على طابلة بقاو كيطلعوها عليا محمد قال شفتي راسك هتزوج بقيتي كتوجد من دابا وااااااااع اش هاد لقلاوي قلتليه مالك قاليا ازبي مدرتيش حبة دالملحة واتفاك هادشي عاطيا فيه ريحت لبركاصة بلال قاليا وااااع ازبي تجيب علال قادوس يطيب حسن منك نضنا خرجنا لواحد ريسطورا قصينا تما من تما لمرجان مشيت تسوقت لبلاستيك باش نجمعو دار و نغطيو كولشي رجعنا لدار سلاحات درناهم فصندوق و دفنتهوم فالجردة حدا لابيسين خليت ليا هير 2 فرادا حيت هنا هانية تهز سلاح كاينا الرخصة محمد و بلال هازين سلاح للواحد فردي من نوع (DeGeL) كيهز 12 دلقرطاسات و سكاتة ديالهوم لمهم صونيت على لبيلوط قلتليه غدا بغينا نزلو للمغرب قاليا واخا مع ديك 04 دلعشية باش فليل تكونو تما تجيبوها مع وقيتة دنعاس هيا هاديك صافي اسيدي قطعت دوزنا نهار كامل هير كنجمعو فدار و كنغطيو لفوطزيات و لمطارب لكوزينة بليل دارت ديك 10 كولشي طحنا كاو مجبدين حتى لصباح فقنا بكري جمعنا حوايجنا و خرجنا لابيسين د سام (ديال سام و داك خونا) لكاردكورات هير شافونا سلام و دخلنا لمهم بقينا كنتبحرو و نلعبو مع طيطيز حيت هادي اخر مرة نقيص شي وحدة صافي باغي نكمل ديني و ندير حياتي زوينة مع زين ديالي فاتي مع حبي مع عمري احم احم
دارت ديك 02:30 قلت لدراري يالاه فحالاتنا مشينا لدار لقيت سام كيتسنانا تما دخلنا قلتليه امندرا اشنو درتي جبد ليا شيك قالبا ها هوما فلوسك هنا (نسيت حيت قلتليه يبيع دوك طوموبيلات يخلي هير وحدة ) شدييتو و انا نردو ليه قلتليه هادا كادو عطيتو لوليد ديالك قاليا شكرا لمهم دخلت طوموبيل لي خليت للكاراج سدينا سراجم كاملين لباب ب4 دلقفولة لكاميرات on وخليت ساروت لسام قلتليه ها دار وقت مابغيتي اجي ليها راه بحال لا ديالك شدهوم وصلنا لماطار بقا كيتعانق معانا و كيبكي قاليا والله احسن اصدقاء فالحيات هوما نتوما و دابا غاديين تمشيو معندي معامن نبقا قلتليه شوف نهار يطلعليك زعاف هنا صوني عليا نصيفطليك طيارة بغيتي تمشي لشي بلاصة بعييييدة طيلرة كاينة لمهم سلمنا عليه حتى وصلنا لباب طيارة و هو يجي عندي سلم عليا عاوتاني بجغني وكيبكي والله كيقوليا راه غدا هنجي عندك ازبي راه والفتكم و لفطور لي مسانس كنفطر معاكم وااااااععععع ازبي ترجل معانا ودور تقود شوهتي برجال ازبي انا بعدا طلعتيليا فكري هههههه و هو يمسح دموع قالبا اشنو قلتي قلتايه سير تقود حتى توحشني مزيااااان و عيط ليا نصيفطليك طيارة قاليا واخ طلعنا لطيارة جاو داك خوتنا طلعو داكشي لي غادي نهبطو معانا و مشاو تحركنا جايين مزكين و ريدبول هير هي شرب شرب و سير لطواليط حتى وصلنا صونيت على زكريا قلتليه اجي عندي و متقول لمالين دار والو قاليا واخ 2 دقايق و هاني معاك محمد عيط على لكاردكور جا موراه داه انا و بلال طلعنا مع زكرياء قلتليه دينا لاقرب بنكة مشينا ليها حل بلال حساب جديد لحتليه فيه 500 مليون و قلتهاليه خونا بغا يتسطا كايقراها و يعاود و يسول قلتليه سكتنا ازبي هنتى هتفرشنا خونا كيضحك من طرمتو بالفرحة لمهم رجعنا لطوموبيل قلت لزكريا بقى واقف بلاتي جبدت طيلي صونيت على لاجونص طوموبيلات قاليا كاينة واحد ميرسيديس كلاس قلتليه صيفطها ليا نعتليه لقنت قاليا ربع ساعة هتكون تما بقينا مريحين فطوموبيل حتى جات قلت لزكريا سير لدار و متقول ليهم والو قاليا واخا تحرك بلال راكب معايا ولقلاوي دمارسيديس لكوفر ديالها كي صندوق دلبانان صغييييير حاطين داكشي لي جبنا هير فلكراسا لورانيين . وصلت بلال لقينا لمحل محلول قلتليه شكون لي خليتي تما قاليا راه قلتليك ديك لمرة راه لخوادري قلتليه واخ مزيان خرج من طوموبيل ولاد دربهم كولشي كيشوف و هو نازل بواحد لبيسة فيكس من راس للقاع مع وقف فباب لمحل جا عندو خوه قاليه سلام عليكم هير حيد نضاضر وهو يتلاح عليه فين كنتي ياك قلتي هير سيمانة و هاتجي نتا ضربتي شهر و معندنا لنمرتك لا والو قاليه راه هير كنت مزييير بزاف راك عارف لغربة و هو يقوليه وا يييه سلاك و هو يضور عندي و غمزني نزلت من طوموبيل تحركت لجيهتهم و هو يقوليه شكون هادا قاليه سيد لي طلعني لتما و خدمني فالشركة ديالو سلم عليا وهو يسمعني كندوي كلشي بالعربية و هو يقوليه بلال شوف لدبلاااااا ديك الريكلي فين كنتي و هو يقوليه بلاتي جبد لباسبور باقي طابع ميبش مزيان و هو يقوليه وا سيد كيدوي بالعربية وانا نطق قلتليه عشيري خوك جميع لوغات وا جمع معانا راصك شوية و هو يرجع حمر بقى كيتمتم و هو يقلب لموضوع قاليه هانتا شوف زدت 2 sh و واحد jok قاليه مزيان لمهم نخليك نمشي نشوف لواليدة و اجي معايا بعدا راه عندي شي صخرة فطوموبيل جا معاه نزلو داكشي تحركت لدار حلو ليا لكاردكورات لقيت كولشي ناعس قلت ليهم يدخلو داكشي دخلوه مشيت لبيتي ضربتها بنعسة مع مصخصخ سفار و تمامرة قبل منجيو مفقت حتى لديك 4 دلعشية فقت مقلوب كنشوف فطيلي مع ساعة لي فالحيط ترونت واحد روينة منعاودش ليكم نضت خرجت لقيت لخدامة وجدات لفطور (لخدامة راه برات ) ولواليدة و لخوادري و لواليد كالسين حدا طابلة سلمت عليهم بقينا كندويو و انا نهز اتاي خويتو لقيتو بارد قالت ليا لواليدة راه سخناه 100 مرة و نتا حرام واش فقتي لمهم قلبناها ضحك فطرت نضت لبيتي جبدت ليهم داكشي لي جبت لخوادري قلتليه سير لدوك لحوايج لي فالماريو صدقهوم ولى شوف اش دير بيهم عطيتو 2 شكاير ديال لحوايج كولشي جديد فرح لواليد لواليدة لخدامة لخرنية منسيتهاش جبتليها شطابة اوطوماتيك (هي كنضحك) جبتليها حوايج و شكلاط و لفانيد راه داكشي ديال تما واااعر زيانليكم الله توفيتة د 2 تريال ههههههه الله ياخد فهاد لبلاد لق هير شفارة و زوامل هوما لي ضاييرين بسيمو . لمهم فرحتهوم كاملين لكاردكورات جبتليهم سلاح جديد و لبسة جديدة داكشي مقود لبسة فيها لقاية دالقرطاس و بزااف جبت منهم بزايد حيت معرت نقدرو نحتاجهم هنا. لمهم فجرت طلعت لبيتي بقيت كنفكر اشنو ندير دايا خاصني ندير شيحاجة لي تفيدني نكمل حياتي و نتزوج و...... راه لخلايا دعقلي ترونو بقيت مريح فلبيت شوية صونيت على فاتي قلتليها هاني فالدار قالت ليا على سلامتك امتى نشوفك راه توحشتك قلتليها هير بلاتي راه قريب نطلع ليك فراسك قالتليا حشومة نتا هو عمري و حياتى و عمرك مهطلعليا فراسي (بقينا بتعناب هي بعدة 10_0 مقودة فيه واحا اول مرة غادي تصاحب فحياتها كنت انا لول و انا لخر ).....
بقينا كنتعنبو على بعضياتنا شوية قطعت.بقيت كمفكر منين نبدا اشنو ندير مرون قلت ارا نعس و فصباح يحن مولانا نعست فصباح فايق مرتاح هو هاداك فطرنا مجموعين قلت للخوادري ارا ليا سوارت دلموطور(طماكس شكون مازال عاقل عليه ههههه).قاليا واش عندك شي شغل قلتايه اه و هو يجبد ليا لكونطاك دطوموبيل قاليا هاك راه طوموبيل راه ديالنطتك قلتليه واش نتا معندك شغل قاليا لا لمهم ديماريت طوموبيل مهلي فيها ديال بصح بقيت كنفكر اشنو ندير قلت ارا نمشي بعدا ناخد ليا شي طوموبيل تحركت لواحد لمحل بقيت كنتجلوق بانتليا واحد لميرسيديس كلاص بقيت كنشوف فيها عطاني لكونطاك دخلت شفتها من لداخل والو داكشي زوين مي جاتني مضيقة مع انا تبارك الله خاصني 2 بلايص سولتو على رانج روفر اخر ماكاين قاليا الى بغيتيها مضومونضيلك عليها تجيك جديييدة من الدار لعندك قلتليه واخ اللهم بنت دار والا بنت سوق بقى كيضحك قاليا خاصك هير توجد لفلوس قلتليه لفلوس موجودة خاصنا ها بنت دار قاليا واخا سيدي تفضل معايا طلعنا لبيرو خلصت و عمرت شي وراق قاليا من هنا لسيمانة تكون معاك قلتليه مشات خرجت ركبت فطوموبيل مشيت لدوك لبلايص دالماعامل و هي تبانليا واحد طرف دالارض على الشارع لكبير كاتبين فيه (ارض للبيع محفضة و 3400 متر مربع ونمرا ديال طيلي ) قيدتها و صونيت والو مكيجاوب حد قلت حتى لمنبعد و نعاود نصوني بقيت كنضور و انا نمشي عند بلال لقيتو مازال ناعس قلت لخوه واخا دخلني عندو لبيت قاليا مرحبا دخلني وخرج فيقتو بجهالة عطيتو لفردي قلتليه نوض ازبي هاهوما هيقتلوك بقا ناعس فالرض و كيقوليا منين؟؟شكون؟؟؟قلتليه نوض ازبي على سلامتك هادي ساعة دنعاس قاليا لينعلطبنمك خلعتيني ازبي والله قلتليه نوض ينعل نعاسك 02:00دنهار هادي قاليا وااايلي ناض كيجري لطيلي واتفاااااااااك والله حتى 2 ولكن هير لجو تبدل عليا وسالام ناض فطر انا بقيت فالمحل حتى جا عاد هزيتو معايا فجوموبيل و هو يقوليا هاي هاي هاي على لحديد جديد و تفرويح قلتليه سكتنا ازبي راه هير ديال لخوادري هادي قاليا مزياان اسيدي.فين غاديين دابا؟؟؟ قلتليه قيد 0_1 بعدا .وا راني داوي معاك نيشان و هو يصونيليا طيلي شفت نمرة غريبة جاوبت سلام عليكم
_باش يمكنلي نعاونك قلتليه شفت ديك الارض لي المنطقة الصناعية للبيع و انا باغي نشري قاليا واخ نديرو موعد قلتليه صافي اش بانليك ليوم مع ديك 5 دلعشية قاليا انشاء الله و تفاهمنا على لبلاصة فين هنتلاقاو قطعت بقيتنا كندورو انا و بلال قلتليه دابا اشنو مدير قاليا هنحل شي ريسطورا كبيرا داك نوع د ريسطورات ديال ولادهم كتلقا فيهم سكااااات دوك لي كتلوح ليهم طريف دلحم و 2 زيتونات فجبسيل ب500 درهم فهمتيني ياك وي اه فهمتك فهمتك مي نصحك دير بيتزيريا فشي قنت واعر حين ليك قاليا وااا من هنا لتما ربي تما مشينا عند واحد لحلاق ضربناهاليك بواحد تحسينة مقودة خرجنا وصلتو لدارو رجعت لدار بدلت عليا و تغديت هزيت طوموبيل مشيت عند خونا داير معاه ف5 و دابا 4 ونص تحركت لديك ريسطورا لي قاليا بقيت مريح حتى دارت 5 صونيت عليه هو كان جالس مورايا جا سلم عليا بقينا كندويز شوية بقينا كندويو على ثمن مني منك حتى نفاهمنا قلتليه امتا نتكاتبو قاليا غدا ان شاء الله بقينا كندويو سولني اش هندير فيها انا بكري مازال ماعارف قلتليه غادي نعاود فيها لبيع قاليا مزيان لمهمد بقينا مريحين شوية تحركت لدار صونيت على فاني قلتايها بغيت نتلاقاك قالتليا واخ غدا انشاء الله صافي قطعت مشيت لعند محمد لدار دخلت سلمت على باباه كي داير هاني قاليا واها نتا شكون يعقل عليك دابا كي كنتي و كي وليتي قلتليه وا يييه واا لحياة هيا هادي قلتليه فيناهو محمد قاليا راه مشا يوصل شي سخرة و هيجي قلتليه شوف انا لتحت فلصال نطريني شوية ملي يجي قوليه هاني كنطريني قاليا واخا نزلت بقيت كنطريني حتى جا محمد بقينا كنطرينيو ب3 دوشنا طلعنا لفوق بقينا كنتفرجو قاليا اش بانليك تشرك معايا فواحد لبلان قلتليه انا بلان قاليا راه شديت 4 شركات شريتهم بالماتريال ديالهم بالخدامة ديالهم بكولشي قلتليه ديالاش هاد الشركات قاليا شيحاجة لعاقة اخويا
1 كاميرات امراقبة و الطاقة الشمسية و لبيبان اوتوماتيك (ديال لكاراج و د دار)
2معمل ديال لبطانيات كنصدروهوم لاطاليا و فرانسا
3معمل ديال طون و سرديل دالمعلابات
4معمل طاك الملابس (كيطبعو لحوايج بالوغو) شيحاجة جديدة
ولكن مزال خاصينه شي مواكن اما لمعامل لخرين كاملين بكولشي ليهم اش بانليك.قلتليه من بعد و نرد عليك قاليا لا الى بغيتي قولها مبغيتيش قولها قلتلو غدا فصباح نرد عليك قاليا صافي لهدرة دالرجال شفت فيه مزيااان و انا نخرج لطوموبيل تحركت لدار دخلت بقيت مريح مع لواليدة كنجمع معاها قالتليا راه باقا شهر للعرس ديالك و مازال موجدتي واااالو قلتليها غدا انشاء الله نبداو طلعت لبيتي حليت pc كنقلب على طريطور احسن واحد فطنجة صونيت عليه دويت معاه قاليا من الاحسن اجي عندنا باش تشوف شنو خاصك بضبط راه كاين و ماين قلتليه صافي انشاء الله طفيت pc بقيت مريح كنتمونيكطا مع فاتي حتى داني نعاس نضت فصباح فطرت صونيت على مول الارض باش نتكاتبو قاليا بلي راه كيتسنا فيا فديك ريسطورا دلبارح قلتليه ربع ساعة و عاني معاك طلعت بدلت حوايجي و هو يصوني عليا محمد قاليا امندرا اشنو قلتلي قلتليه شوف دابا عندب شي غاراض من هنا لساعة نرد عليك ماشي نتا ليتزرب عليا تصوني قاليا واخا سيدي قطع بدلت عليا خرجت لطوموبيل ملقيتهاش وتفاااااك نسييييت مقلتهاش للهوادري دخلت لبيتو لقيت سوارت دطيماكس ديماريت مشيت عند لعدول ديتو معايا وصلت لريسطورا نزلت سلمت على خونا قلتليه هاهو لعدول جبتو معايا قاليا واخا ولفلوس موجودة قلتليه كولشي موجود تكاتبنا تما كتبتليه شيك قاليا واخا تمشي معايا دابا للبنكة قلتليه واخا ضبرت على لعدول عطيتو فلوس طاكسي و ركبت خونا معايا انا مكسيري و هو كينغزني من جنب اهي بشوية اصاحبي راه باقي خاصني نعيش ولى نزلني نشد طاكسي قلتليه صافي ا بابا ديالي هير رتاح و انا نكسيري على مو حتى لقاع خونا ميغووووووووووت من قاع طرمتو منزلتش على 140 حتى فت لبنكة بكترت سرعة درة ورجعت خونا نزل مقادش يوقف كيترعد كولو ماشي من لبرد وا من لخلعة قاليا واربيييي اشكاتسالني اخويا عار عليك والله الى عار عليك قلتليه ها لبنكة دخل و خرج قلتليه نوصلك قاليا لاااا لااا يوصلك عزرائيل صافي هير لي بقاليا من قبيلة تكملو ليا دابا قلتليه زيد اصاحبي نوصلك و مهنجريش واش عرفتي علاش خرجتلك قلبك قبيلة قاليا لا اش بيني و بينك قلتليه حيت نتا كتبايع مع راجل عطيتك شيك و متقتيش بيا قلتيليا يالاه معايا داكشي علاش قاليا وااااااااع على عداب مع لمغاربة خويا تبايعنا وتشارينا ياك سير الله يفارقنا بلا دنوب مشيت واحد 2 متر و انا نضور قلتليه زيد نوصلك مدواش دارليا هير بيدو هير سير سير كملت كسيريت حتى لواحد رومبان و هو يتعرض ليا بوليسي فطريق وقفت مع مادايرش لكاسك هير وقفت و هو يزرب على لكونطاك شتي و كان شي واحد اخور والله حتى نشعطو مي بوليسي هانية كلب ضريييف و هو يقوليا لوراق ضرب يدي لجيمي ناريييي نسيتهم قلتليه ارا لكونطاك نحل لكوفر شاف فيا و عو يحلو مع حلو بانتليا اول حاجة ضوبل دلكونطاك تلني حاجة لوراق مكينينش قلتليه نسيتهم بلاتي نعيط للخوادري يجيبهم قاليا واخا مشا كيدوي مع واحد صيدو بلا سمطة و انا نضيماري و علقت واحد 5 ميترو و ضرت شفت فيه و هو يجبد لكونطاك قاليا هاك هاك قلتليه واسير دهن بيه لمك يا ولد لقحبة معجباتوش بقيت واقف وكنسب فيه مرضتو (مع قلت شغل) و هو يهز داك لموتور وبقا جاري مورايا انا محترف و اعترف لفيراج كتشوف لموطور مينعس فطريق وصلت لواحد لقنت عارف داك لبولبديسي مغاديش يونطر فيه علقت لدب120 و هو لاصق فيا فرانيت حتا لقاع وضرت هو جا مع واحد لقهوة كنشوف هير سيد تلاح فوق طبالي لموطور تحشاليت تحت واحد لكاميون و انا نضور و رجعت رجعت لعندو قلبتو حتا لقيت لكونطاكط و انا نديه و قلتليه لمرا جايا فهم معامن كتلعب عندك زهر طحتي حدا بنادم مارا ديتك نحويك فجردة سعادة
مشيت ديماريت لموطور نيشان عند محمد (لخوت لجزء لي قبل من هادا موصتوهش ل80 جيم اخر انضار عيب عليكم ولكن لمرا جايا هنلوح لقلاوي وسموحات لي معجبوش لحال اقرب طارو دزبل يلوح فيه كرو و يهنينا اصلا ماصالحش) دخلت قاليا امنضرا قلتليه صافي انشاء الله امتا غادي نشريوهم قاليا فاي وقت حبينا قلتليه مزيان واش من دابا ل20 يوم نكونو مهنيين شاريينهوم بكولشي ديالهم قاليا لا لا راه خاصنا علاقل شهر و صرف قلتليه عرفتي شنو قوليهم يصبرو حتى نقاد لعرس قاليا لا ازبي عرفتي اشنو دير قلتليه شنو قاليا تلاقا بخطيبتك و اجلو لعرس واحد شهر ياك باش نساليو عاد لحزاق راه فرصة واااااعرة هادي و مورهادشي دير لعرس ديالك و نتا هااااني مهني و يبقاليك شهر دلعسل ديالك خاوي قصدها فين ما بغيتي قلتليه واخا تاهادا نضر قلتليه صافي شوفلينا فاقرب وقت نساليو هادشي قاليا صافي اخويا هنيتك ضيماريت لموكور قصدتها لدار بدلت عليا تشويكة ريحة راه هنتلقا فاتي❤ولمشكل هي انها هتسمع واحد لخبر مقود موحال واش يعجبها لمهم عيطت لمحمد قلتليه بغيت رانج لي شريتي قاليا واخا انا هنسيفطهاليك مع لكاردكور قلت ليه واخا بقيت كنسكسف حتى جات طوموبيل نزلت عطاني لوراق و لكونطاك و رجع فطوموبيل تانية.....
نزلت عطاني لكاردكور لوراق ولكونطاك و رجع فطوموبيل تانية حيت جاو 2 طوموبيلات لمهم كنت واجد دخلت لبست سبرديلة و عيطت على فاتي قالت ليا هاني كنتسناك قلتليها 5دقايق وهاني معاك قالت ليا واخ ديماريت نيشان لعندها وصلت هزيتها مشينا لواحد ريسطورا عاد حلات بقينا جالسين شوية كنهدرو شوية قلتليها عندي خبار مقودة و وحدة زوينة منين نبداليك قالت ليا لخايبة قلتليها غادي ناجلو لعرس واحد شهر وصيمانة قالت ليا علاش راه انا عربنت على طريطور و لكاميرا......بقات كتغوت وانا نقوليها وا لمرض راه ضروري حيت هنشدو واحد 4 دشتريكات هنا فالطنجة و كبااار والى بغيتي نتزوجو و نبقاو حازقين مكين مشكل قالت ليا وااااع و دابا اشنو هندير مع لخرين لي معربنة ليهم قلتليها سيري عندهم و قوليليهم هناجل لي معجبوش لحال خلي دينمو هو و ديك 2 تريال لي عطيتيه و انا هنصيفطهم ليك من عندي قالت ليا واخا مي بزز فلول مبغاتش بقينا مريحين تعشينا مشينا لواحد س يرك بقينا كنلعبو تما حتى صخصختها و رديتها لدارهوم و جيت لدار تكيت. لمهم دوزت ديك سيمانة هير هاكاك مر مع بلال مرا مع محمد لخوادري لكبير حتى هو مشيت عندو لقيتو مازال مقاتل مع لوقت و قلتليه بلي غادي ناخدو واحد 4 دشاريكات فرح و قلتليه ملي نقدو لوراق ديالهم و لماسائيل منبغيش نشوفك بهاد لحالة بغيتك تبوكس على زامل بوهوم هير لكوستيم و طراخي و صباط كلاس قلبناها ضحك جيت لدار و هو يصونيليا طيلي جاوبت لقيتو مول لاجنص قاليا ها طوموبيلتك وصلات قلتليه 20 دقيقة و هاني معاك عيطت لزكريا جا داني لاجونس لقيتو قاد ليا لوريقات لماطريكول عطاني لاكارط ولوراق ولكونطاك قايا بصحة خويا الله يعطيك صحة و شي وحدة صغيرة زكريا مشا نزلت لقيتهو حطوها ليا حدا لباب ركبت ديماريت ساكتة مكتسمع والو بحال ديك طوموبيلات دلباطري ههههه كسيريت عليها كنشوف فمراية دلور كيبان ليا داك خونا واقف فوسط طريق و كيشوف فيا بقيت غادي مع واقف فضو حمر و هو يصونيليا طيلي لقيتو مول لاجنص قاليا خويا سمح لينا راه سطاجير وجدلبك طوموبيل و هز لكونطاك اجي خود سوكور قلتليه واخ هاني جاي قلبت ضورة وصلت لقيتو فلباب كيتسناني هو و سطاجير وتفااك حليت شرجم و هو يجيبليا لكونطاك و قال لسطاجير طلب من سيد سماحة يالاه بغا يدوي و انا نقاطعو قلتليه مادار ليا والو و نزيدك هو اصلا سطاجير يعني ضروري هيدير لغلط باش يتعلم و هو يحني راصو جا سطاجير قاليا سمح ليا اخويا راه مدرتهاش بلعاني قلت ليه راه دوينا صافي مكين واااالووووو لحت ليهم سلام عليكم و تحركت كنشوف فلمرايا دلور لقيتو كيغوت عليه يااااع على باشار دزبي كيداير و كملت لدار لمهم دوزنا داك شهر هير فسير جيب هادي قاد هادي عنر هادي خوي هادي ....سالينا من داك لحزاق كامل شركات بداو لخدمة بصيمانة لحركة كتبان غادية بيخير لعرس بقاتليه سيمانة عيطت على واحد خونا كيركب لخيمات دلعراسات قلتليه جيب دوك لخيمات ليعندك كاملين و اجي ركب شي خيمة كبيييرة تكون جا وريتو لبلاصة بغرط لفيلا واحد الارض كبيييرة بزاااف قلتليه بنيوها هنا قاليا واخا لخوادري صغير تكلف بالصخرة موناضات دي خالتك جيب حمد راه نسيتي عبد لقادر قلت للخوادري اجي عندي جا قلتليه هير ريح نتا كتحمق كرك بلاتي صونيت على زكرياء جا قلتليه عاونهم فاش مابغاو و لخلصا ديالك هنضوبهاليك قاليا لا مبيناتناش تحرك لخوادري معايا مشيت لطريطور طلبت احسن معندهوم قاليك كاينا مي ماشي مجلس صغير عادي هادا كيجي بحال داكشي دالملوك طابلة طوييييييييييلة عامرة حوت خروف شلايض لفواكه ....... طابلة بلااان قلتليه صافي باقاليا لعرس يوماين قاليا معاك اخويا جبد واحد لورقة بقيت كنطلب شوية قاليا و طوموبيل دالخرجة كاينة لاموزين قلتليه ديرها حتى هي الدقة قاليا كايينين جوج مجموعات مكيوقفوش حتى يسالي لعرس قلتليه لا لا بغيتهم هير يكونو حدا باب لخيمة مجموعة وحدة هير ترحيب و صافي قاليا واخا لي بغيتي قلتليه لداخل بغيت شي واحد مقود فdj و شعبي قاليا كاين لمهم تفاهمنا على كلشي قاليا غدا هيبداو يرتبو داكشي قلتليه صافي لمشكل هو انني فاش شفت لبيرو مطيحش ليك على بالك عندو هادشي كامل صبح لحال نضت طليت من شرجم وااااع 2 رموكات رموكة لولة عامرة كراسى ماشي دوك لي كيتجمعو دوك لي كيجيو بحال ديال صاحب لجقلالة سيمو مدهبين و داكشي والله بقيت هير حال فمي و المشكل هو انه تعامل معايا بداكشي رخيييص بزاف نزلت فطرت صونيت على محمد قلتليه بغيت 4 دلكاردكورات نصيفطهم لعرس ديال فاتي قاليا واخ انا هنصيفطهوملين نتا ديهم قلتليه اوكي نزلت حطيت واحد لكورسي بقيت كنشوفهوم كيحطو داكشي كيخدمو لخدمة معقولة طابلة جات طالعة من جيهة و هابطا من جيهة جاب منشار و قطع واحد 2سنتيم من طابلة (كوكنتي جبتي داك طريطور ولد دربكم كارا جبد شي كرطونة دميلفي و حطها ليها لتحت ههههههه)
الطنجاوي و العصابة الأمريكية الجزء 21
محتوى القصة
التنقل بين الأجزاء