حتى النهار الثالث مانقدرش نقول ليكم بلي داز على خير !!
بدينا لاحظو بلي شي حاجة غريبة بزاف مكدخلش العقل.
شفت بلي شي حاجة كحلة فالسقف وبلي الصباغة ديال السقف كادوب وكاطيح فوق الارض وماشي غيى هاكا وصافي !!
حتى السيمة كاطيح والحديد ديال الضالة كايتكال !! انا تخلعت شنو هاد شي لي كياكل السيمة والحديد حتى هو !!!
قررت بلي هدا اخر نهار انا عندي فهاد البيت صافي مانزيد مزال حتى نهار هنا.
خاصني نلقا شي حل !! ولا صافي لقيت الحل هو نخلي هاد الدار كلها..
قلتها ل عبد المجيد قالي دخل دابا نعس ومن بعد يلاه تبقا معيا فالدار عندي لا بغيتي.
داك شي لي درت مهم دخلت نعس وفي نص الليل !!!
فقت ولكن هاد المرة ما فقتش على ألم فضهري !!
لا فقت حيت ما قادرش نتنفس !!!
الجسم ديالي تاني مكتف فوق النموسية وما قادرش نتحرك ،وكنتنفس بزز ، وقلبي كيضرب ، وعيني ما قادرش نحلهم !!!
ولكن كوون غير ما حليتهمش #_#
حليتهم و لقيت كلب واقف على النموسية ديالي حداية وعينو في عيني ووجهو في وجهي وصوتو كان صوت كلب جاعر بحال باغي يعض شي واحد !!
انا شنو نقدر ندير فشي موقف بحال هدا ؟؟؟!!
بقيت ساكت ما قدرت ندير حتى حاجة لا يقتلني !!
واخا انا اساسا من الرعب ديك ساعة تشليت في بلاصتي ما قادر ندير والووووو.
وشوية من غير مقدمات داز من فوق سدري وهبط الارض وبدا ينبح بصوت عالي وبدا يطلع اصوات غريبة بحال لا هاد الكلب كيتعذب، انا براسي معرفتووش علاش كايدير هكاك !!
دخل الكوزينة وانا نتبعوو قلت بلي غادي يقتل راسوو ولا شي حاجة !!
تبعتو لقيتو خدم مولينيكس وفي لحظة !!!
حط يدو فيها وبدات كتقطع ودم كيطير عليه على وجهو ، انا بقيت مخلووع وهو ما حاس بوالووو !!
شوية جبد يدو منها وغادي عادي بحال ما طاري ليه والووو مشا الصالون شوية دخل لبيت نعاس ديالي وبقا كيشووف فديك الفجوة بي بانت فالحيط !!
الفجوة كبرات على المرة الاولى فاش شفتها !!
بقا غادي كايقرب منها وانا كنشدو باش نمنعوو ووالووو ما كاينة حتى فائدة مقدرتش نمنعوووو ، بقا غادي داخل ، داخل بحال داخل وسط شي عجينة كيغطس فيها وشو بانت ليا !!!!
نفس الوجه نفس الملامح المرعبة داخل الفجوة !!!
تقطع الحس ما بقيت كنسمع والووو الصمت التام !!
بحال المرة الاولى فاش كنت فموقع الحريق فاش بانت وشفتها اول مرة !!
انا مابقيت سامع والووو واش صمت ؟؟ لا !!
انا لي فقدت حاسة السمع تاني !!
خرجات من الفجوة وانا بقيت كنغوت وعبد المجيد غادي وكيغطس تا مابقاش كيبان ، شوية وهو يتلاح من داخل الفجوة على الارض ، انا مسمعتش صوت الطيحة ديالووو حيت صماكيت كلشي لحمو كان مقطع ومشرح !!
شوية وانا نسمع صرخة ديالها تاني !!
سمع رجع ليا وبديت نهضر معها..
عفاك خليني ما ديري ليا والووو متقتلينيش انا ما غادي نعرف عليك مزال والووو غير خليني عليك.
شوية وهو يغبر كلشي من قدامي الكلب المييت و صاحبي عبد المجيد والسقف رجع كيف كان.
غادية داخلة من الفجوة وعي دور شافت فيا وديك شوفة لي شافت فيا ما هضرات ما والووو ولكن فهمت شنو قالت ليا.
مزال غادي نرجع ليك !!
من ديك الساعة وانا كنتسنى الموت ديالي ، سديت داك البيت و عمري مزال دخلت ليه من داك نهار لي طرى فيه داك العجب.
وعمري هضرت في هادشي مع شي حد حتى جيتي ليوم عندي ، و فصراحة كان عليا مانهضرش معاك في هاد الموضوع اساسا من الاول.
وعلاش ما قلتي ليا والوو من الاول فاش جبتيها ليا !!
لا اولدي انت لا مسمعتيش كلامي انا قلت ليك بلي ما باغيش نهضر عليها وما قلت ليك والووو حتى بقيتي عليا عاد وافقت وعاودت ليك.
وبخصوص علاش ما قدرتش نخلي هاد الدار ونمشي بمرة كيوقع ليا نفس لي وقع ليا نهار
لي وقع ليا فوق النموسية !!
هاد المرة ماشي غير ضهري لي كايتشرط ، الجسم ديالي كامل كيوقع ليا فيه هكاك !!
انا صافي ما غاديش تخليني مزال نخرج من هاد الدار..
قلت ليه كيفاش جسمك كيتقطع ،زوينة هادي.
قالي واش انت ما شفتيش فاش جيتي عندي ما قدرتش نخرج عندك ؟؟
شوية سيد بدا كايبكي وشاد راسوو وكيقوول انا صافي مشيييت فيها غادي نموت غادي نموت !!
قلت ليه نوض معيا نخرجوو من هنا نوض.
قالي لا انت تقدر تخرج انا لا !!
شوف اولدي خليني انا راه صافي غادي نموت هنا وانت سير عييش حياتك عادي ونسى عليك هاد خييتي نساها عليك بمرة حسن ليك ودير راسك ما شفتي والو ولا قدرتي ديك الجثة ديالها دفنها ولا تلووحها فالبحر غادي يكوون حسن ليك .
هادي راه قتلات الوليد و قتلات ختي !! واش بغيتي نتسنا فيها تقتل خويا و الوليدة !!
انا ماشي خواف بحالك.
وهو يقولي انت ماشي خواف !! واخا اسيدي سير كمل تحقيق ديالك وقلب عليها.
راك دابا عارف سميتها و سميت القرية فين كانت فالاول سير كمل داك شي لي مقدرتش انا نديرو.
سير القرية لي جات منها و عرف شنو هي قضييتها.
شوية وحنا نسمعو الحيوطة بحال شي شيطان كيضرب فيهم وبدينا نسمعو الباب ديال بيت نعاس لي كان سادو الراجل كيضرب فيه شي حد.
وهو ينوض كيغوت وكيقول !!
ناري سمعاتنا ، سمعاتنا !!
سير بحالك هرب، هرب، هرب !!
انا قلت ليه اش سمعت ؟
قالي سمعات كلشي انا لي حمار عاودت ليك كلشي من الاول !!
وبدينا نسمعوو صوت غوات من داخل البيت ديال نعاس ديالو لي كان ساد !!
وانا ما كنت عارف اش ندير ؟،
وهو كايقولي سير سير خرج
قلت ليه لا انا منقدرش نمشي و نخليك .
شوية السقف بديت كنشوفو كيكحال والارض كتسخن من تحتنا انا هربت خرجت من الباب نقدرتش نصبر لديك السخونية الراجل طاح على ركابيه و كيصرخ وكيطلب منها تسمح ليه.
اتا تشجعت و رجعت عندو نعاونوو جريتوو من يدو غادي خارج بيه و غير فتنا عتبت الباب والسيد بدا يغوت وبانت ليا يدو كتحرق عاد فهمت داك شي لي كيعاود ليا عليه بلي ميقدرش يخلي الدار.
شوية بانت ليا خارجة من البيت !!
ابشع وجه شفتو في حياتي ، عيوونها حمرين بحال شاعلة فيهم العافية وكتضحك بحال لا رابحة شي حاجة ، وف نفس الوقت كل الاصوات مبقاتش ، فقدت حاسة السمع !!
وحسيت كيما قال بلي فقدت حاسة السمع ، وانا كنشووف فيها غادية فوق حرارة الارض واتا خارج الدار كتشوف فيها كادور فالصالون فمنتهى الراحة.
شوية كملات دورة ديالها وانا نسمع صوت الحريق فالدار ديالوو !!
المشرحة الجزء السادس
محتوى القصة
التنقل بين الأجزاء