ماخديناش تصريح الدفن حيت طلعنا تصريح من غير ما نقولو علاش و كيفاش ماتت حيت حنا اصلا مكناش عرفين كيفاش وقع ليها.
بدا التحقيف حيت بغاو يعرفو شنو وقع !!
جثت اختي فين مشات ؟؟؟ عرفتو فين مشات ؟؟
راحت المشرحة ديالنا لي حنا خدامين فيها !!!!!!!
دازت 5 ايام على هاد الشي انا خرجت من المستشفى وبدا الوليد كيتعافا من الصدمة بشوية بشوية ، وناس بقاو كينصحوه يخرج يشغل راسوو بشي حاجة ميبقاش كالس غير فدار وهاد شي ديال الله !!
طبعا الهضرة لي كانت كتقال كثيرة كل واحد شنو كيقوول بلي لي كانو ميتين حدا القبر لي طلعت منو النار كيتعدبو وهاد شي وقع باش مدفنوهاش وسطهم.
تخريف بزاف كل واحد وهضرتو ولكن انا عارف ونتوما عارفين بلي عذاب القبر حتى واحد ما كيقدر يشوفو ولا يسمع صوت الناس لي كيتعدبو..
ولكن هاد شي لي وقع شنو هو ولي شفت تما شنو هو انا ما فهمت والوو غادي نحماق انا ما عارف والو !!!
قلت ليه واش انت كضن بلي هاد الحديدة هي لي غادي تنفعنا ؟؟
قالي حييد من حداية بغا يحل الثلاجة !!
وانا نقوليه صافي حبس انا لي غادي نحل الثلاجة !!
حليت انا الباب وهو يطير عليا الدم على وجهي نفورة ديال الدم ضرتني في وجهي مفكرتش فالوليد ولا شي واحد خرجت كنجري هربان وانا نتلاقة بي واحد السيد لي تلاقيت بيه نهار الاول العساس ديال الليل .
بقيت نجري نجري نجري حيت انا مبغيتش نواجه شي حد حتى معرفتش الوليد زاد فين وشنو طرى ليه هاد اللحظة لي الواحد كيفكر غير فراسو مكيبقا يبان ليه والووو !!
وانا نسمع صوت صرخة قوية وهاد الصرخة مغريباش عليا هادي صرخة الوليد !!!!!!!
تلفت وانا نلقا الكلب كيقطع فجسم الوليد وكيقطع طرف وكياكلوو وفديك اللحظة ما حسيتش براسي طحت الارض وكنشووف شي حاجة جاية على اربعة كتزعف حتى ولا وجها في وجهي وانا نفيق لقيت راسي فالمستشفى ودراعي بجوج مربوطين على السرير وانا كنصرخ ونقوول الوليد عوني عاوني عفاك وشوية جاو شي ناس من بينهم دكتور كنعرفوو قالي مالك اولدي ؟؟؟
قلت ليه كيفاش مالك ؟؟
تهدنت باش نعرف شنو واقع وشنو طرى وقلت ليه الوليد و الراجل وكلاب ؟
قاليا الكلاب ؟
راه الوليد ديالك ملقيناهش من البارح من واقت الانفجار مبانش !!
قلت ليه الانفجار !!!، الانفجار ديلاش ؟؟؟؟
قالي اه من وقت الانفجار ، حيت واحد الجعبة ديال الغاز نفاجرت فالمشرحة والناس تجمعو هما لي خرجوك من وسط النار لي شاعلة فالمشرحة وانت كتخرف كتقول شي حاجة ممفهوماش !!
وقالو بلي الوليد ديالك مات ولكن ملقاوش الجثة ديالوو !!!!
ولكن لقاو طراف ديال شي واحد مقطع معرفووش هيا ديال من بالضبط !!
قلت ليه هادوك الاطراف راه ديال العساس !!
قالي ولدي انا غادي نحل عليك انت ماشي مربوط هنا ولكن غادي نديوك المستشفى تبقا فيها شي يمات حتى تصح.
تسنيت فالمستشفى تقريبا يومين مجا حتى واحد ستجوبني ولا حتى شي واحد ربط بيني وبين الانفجار لي قالوو عليه وقع فالمشرحة لي فجنب المستشفى ولكن كيف ما قالوو خاصني نبقى تحت عينيهم دازت واحد اليومين وجات الوليدة وخويا زاروني وكانت الوليد عيانة علامة الانهيار بادية عليها.
حتى واحد مكان عارف شنو وقع الوليد انا مكنتش عارف نوجههم ودرت بحال لا ما عارف والووو على داك شي لي وقع حتى نعرف شنو كاين، حيت اش غادي نقول حتى واحد ما غادي يصدقني اش نقول طلعت لينا مرا ميتة وشكون بعدا هاد المرا ، هاد شي ميكدخلش الراس غادي يصحبوني مسطي !!
حيت هاد شي فوق الخيال كيف ما كيقولو الناس.
الوليدة مشات وخويا والمستشفى بدات كتخوا وهاد المستشفى عنداكم تصحبوها من دوك المستشفيات الواعرين ، هادي مستشفى جات في منطقة نائية جدا.
مهم نضت من السرير ديالي وقلت بلي هاد الوقت هو المزيان باش نهرب قبل ما شي حد يشوفني.
حتى وصلت الباب الخلفي ديال المستشفى، خرجت و بقيت نجري حتى وصلت المنطقة لي كيبلاصيو فيها سيارات الاسعاف وكنت خايف لا يشوفني شي واحد حيت كيعرفوني بحكم العمل ديالي معاهم ويرجعوني المستشفى تاني.
جاب الله لقيت واحد مكنعرفوش و مكيعرفنيش ومكانش مركز معيا ، وبقيت نسولو على الموصفات ديال واحد ،عرفتو شكوون ؟؟
الراجل لي جابلي الجثة اول مرة ديال ديك المرا الغريبة..
المشرحة الجزء الثالث
محتوى القصة
التنقل بين الأجزاء