في وقت متاخر من الليل من بعد ما كمل من الممارسة هو وياها...نعسو ...هيا ناعسة على كرشها وكالعادة الغطا عريان عليها وهيا ماشي فهاد العالم عادي بالنسبة ليها...كتكون ممارستهم عنيفة هيا وهو ....هيا مولفة معاه وكن تلقا هيا وياه ما اعمف ميكرهوش ...جسمهم متعود عالصح ههه...ناعس حتى هو ولكن مغطي نصو داير ايدو فوق جبهتو...ورجل طاويها ولوخرا مسرحة...وحال فمو شوي ...ناعس وغارق فالحلم الي جاه عفوا كابوس الي جاه..
ولدي غيث متخليش قلبك الي كان ابيض من البياض يولي مداد اسود ...
ضااالم جلاااد...اهئ اهئ لااااااا لااااااااا ...مع اخر كلمة ناض قافز صدرو كيطلع ويهبط والعرق نازل ليه مع شعيراتو...عينيه خارجين...وشفارو الي ندل عليهم العرق وتلصقو عطاوه منضر طفولي ..بقا ما يقارب.ربع ساعة وهو كيتنفس بوتيرة زايدة ...ضور وجهو ناحية عشيقتو ...لقاها مجايبا لدنيا خبار على نفس الوضعية...رجع دوز ايديه على شعرو وطلق نفس طوييل حار...حيد من عليه الغطا وناض عريان لدوش و دخل ديريكت تحت رشاشة الما هابط عليه...حادر راسو كيتفكر الحلم الي شاف والي ماعرفش معناه...حط ايديه على قلبو لقاه باقي كيضرب...بقا كيدير شهيق زفير حتى رجع لنبضو طبيعي ولكن رغم ذلك غصة في قلبو مزالة ...اشنو سبابها وسباب الحلم او الكابوس ،،الله وحدو الي عالم ...
يوم جديد ليس كباقي الايام الي فاتت...شرقت شمس على الناس ولكن مشرقتش على شخص مرمي في الانفرادي...الجوع والعطش قهروها ...جامعة رجليها عندها وخاشية.راسها بينهم...ولاوية ايديها على بطنها كدلك فيه وكتحاول تقاوم الجوع المفرط...فمها نشف ...بقات على ديك الحال حتى وصلت العشية...خرجت فريحة وهيا بقات حتى تزيد اربع ساعات على الوقت ...عيات يوم على قدو مداقت نعمة مشربت ماء ...فمها بياض...عينيها دخلو...زاد كمل عليها حتى فين محطوطة...ضربات قلبها بداو يخفافو شيئا فشيئا...
ناضت وقفت بصعوبة كتكالي عالحايط...غاديا حتى وصلت لباب..بدات كدق دقات شبه مسموعين...وبصوت خافت ...
ليالي : ع عفاكم حلو بغيت نشرب...بغييت نشرب حلوو...حتى حد مسمعها حتى نزلت تدريجيا مع الحايط وجلست رجعت لوضعية كيف كانت....
دازت ساعتين...هزت راسها تعاود الكرة لعلى وعسا شي حد يعتقها ولو بنقطة ماء...لكن للاسف محاولتها باءت بالفشل...يلاه بغات تهز ايديها تعاود حتى حسات بدقات قلبها كيضربو بجهد والعرق تكب منها...اش وقع من بعدها مبقاتش عقلت وطاحت مغمى عليها...
شاد طريق عين لوح ...من بعد ما جاه اتصال من عند الام ديالو بلي عارضة عليه فهاد الويكاند...بزز باش قبل يجي عندها... كره ديك المنطقة ومجا منها ومن ناسها وبالنسبة ليه منطقة بدون ليالي الي بغاها وعشقها ماعندها حتى معنى...وقع ما وقع ورغم ذلك ثاق فيها وبقى متشبت بحبها وخا اختار الام ديالو لكن بقى مؤمن انه غاتوصل واحد الوقيتة وتلين الام ديالو وتستلم الامر الواقع وتقبل...ولكن تجري الرياح بما لا تشتهي السفن...معارفش اشنو مخبي ليه فهاد الويكاند...وصل لعين اللوح وصف سيارة قدام الباب...بغا يجبد سوارت يحل الباب حتى فاجأتو بنت خوه صغيورة وصال الي كانت كتعافر باش تحل الباب حتى نجحت بفتحو..طلت بوجهها البريئ..
يزيد : حبووووبة ...
وصال : هننن امي يييد ييد...اننن هههه مدت ايديها الصغيورين ليه وكتوقف على رؤوس اصابعها كتعافر باش تمشي عندو انننننمممننممنن
ام اليزيد : شهادة مغاتشهدش وبنت خالتك منال هيا الي ليك وطال زمان ولا قصار ...ولا بربي المعبود مانتا ولدي مانا مك وغانتبرا منك الى يوم الديييين...
اليزيد : وقف وغمض عينيه وزير على ايديه غير حل عينو هبطت دمعة على خدو...مسحها وضار جيهة امو...الوليدة...الى درت هادشي كوني اكيدة انك غادفنيني وانا حي وغانولي جسد بلى روح صراحة صدمتيني فيك وحرقتي قلبي اميمتي...تاكدي عمري غانسمح ليك على هادشي ضلم والحكرة والامر بالمنكر والنهي عن المعروف...ربي كبييير...مغايكون غا خاطرك...انا مشيت غير حاجة وحدة هاد دار عمر عممممرررر رجلي تعتب فيها باقي تفاصيل جي لعندي لافران لداري....مشا ..يلاه غايحل الباب حتى سمع صوت ارتطام على الارض مع ضور وجهو مع صدمة ...
ليزيد : الولييييييدااااااا
تحت رشاشة نازل منها ماء معتدل الحرارة ...كيدوز على شعرو الي هابط منو شامبو مع الماء النازل...مد ايديه ومغمض عينيه كيقلب على الباندوش الخاص ديالو حتى حس بشي حد دخل معاه البينوار وايدين تلواو على خصرو وطلعو تدريجيا لصدرو بحركات دائرية...غسل وجهو وعينيه من شامبو ضار ناحيتها...
سينتيا : بايبي...ساشتاق لك بففف ..
غيث : حيد ليها ايديها من عليه بلباقة...وابتاسم شوية...مي تو بايبي..ولكن نتي عارفة وجيتي شفتي الوضع...يعني بقائك هنا غير غاتبقاي اغلب الوقت وحدك..وميمكنش تجي لعندي في اوقات العمل وسيلة الاتصال الي بيناتنا مكايناش فاوقات العمل ..
سينتيا : اريد ان اسالك...هذه الايام احس انك شبه بعيد عني يعني انت معي كجسد وروحك ليست معك..قد ترى في كلامي نوع من الغرابة لكن صدقني نحن النساء كلنا لدينا حاسة زائدة نعرف الشخص ولو تغيير بسيط ان مازال على حاله او تغير فيه شيء وهذا الذي لاحضته معك انت...
غيث : تاحاجة متغيرات انا هو انا غير العمل وضغوطات العمل لا غير...هممم تسناي نكمل واجي دوشي...
سينتيا : نستحم معا..
غيث : انا قربت نكمل خاصني نخرج باش نلبس دغيا باش منتعطلوش عندي بزاف منقضي خاصني نشوف داري جديدة ويلاه نشدو طريق لفاس باش نوصلو لمطار ومنتعطلوش على طيارتك ونرجع نعس غذا عندي لخدمة وسالا لويكاند...
سينتيا : اوكاي..سانتضر حتى تنتهي..
غيث : غير خرجي انا جوج دقايق ونخرج...شافت فيه مطولا وحدرت راسها وخرجت وهو رجع كمل دوش ديالو ولوا عليه فوطة ..حك سنانو ..وخرج غير شافتو هزت بينوارها وتخطاتو وتمت غاديا لدوش حتى ضارت بخفة وشدت ايدو وضوراتو عندها دارت ايديها على صدرو ودفعاتو بجهد لحايط تهزت على رؤوس اصابعها وجراتو لعندها تلاحت على شفايفو كتجر فيهم بجهد ودخل فلسانها كتقبلو بعنف وتعض بطريقة عنيفة ...بقات مدة حتى دفعها بجهد...وشدها من الفك ديالها...
غيث : وات فاك اريو دوين ..مالك ياك لباس...
سينتيا : كتهضر وتنهج..لا شيء ساشتاق لك..
غيث : وانا ايضا..يلاه يلاه دخلي دوشي انا لبس حوايجي باش منتعطلوش...رجعت بغات تبوسو وهو يبعد وجهو...يلاه دغيا ..
سينيتيا : اوكاي اوكاي كما تريد...دخلت لدوش وهيا مستغربة من تغير الي بدا يبان عليه شيئا فشيئا...اما هو مشا ديريكت لماريو جبد كابيشو فلگري مفخفخ وسخون مناسب مع الجو الي برا وسروال جينز مقطع شوية من فوق ركبتو من جيهة وحدة ...اول حاجة دارها رش ديودورون نيفيا مان عليه كامل ولبس بوكسر فالاسود عاد لبس حوايجو ..دار جيل لشعرو ورجعو لور لبس ساعة فايدو من نوع. روليكس ديال جلد..خرجت هيا من دوش لابسة بينوارها يلاه غاتسلتو...
غيث : انا غانمشي نتسناك لتحت ...لفاليز حتى نرجعو وغايهبطهم واحد من لخدامة ...ونشدو طريق...خلاها ودخل لدوش قمم شوية من ليستيرين بان دبوش وخواه من فمو وهز ريحة ديال one million رشها وحطها فبلاصتها وخرج لبس تقاشر فالابيض وسبادري puma ..سد الباب وخرج حط راسو عالحايط عقد غوباشتو...
غيث : اووفف شهاد المرض مالي وليت هكا اش وقع ليا ...شيييت...هز راسو وتحرك دخل سانسور وهبط لتحت فالاستقبال باش تهبط تلحق عليه ويمشيو لدار جديدة ديالو فين غايسكن .
داز الوقت ...لا حنين لا رحيم ،،حلت عينيها وتعب بادي عليها بجهد كيف كيقولو الجوع كافر والعطش موصيبة...طاحت مغمى عليها تاحد مجاب خبارها ...الانفرادي كيكون صعيب بزاف على سجن العادي كيجيبو ليهم الماكلة الفرق انه كيبقى فبنيقة ضيقة ويختلف على حسب كل سجن وحنا كلنا عارفين الانفرادي اش تيسوى...حلت عينيها لقات راسها في فراش جديد..ضورت عينيها كانت في غرفة فمستوصف السجن ومعلقين ليها سيروم...جات لعندها لفرملية...
نعيمة : اجي ابنتي ...تت لا حول ولا قوة الا بالله ...داتها حتى لسرير ديالها ...فاتي بنتي جيبي شوية زبيب تاكلو وجدي واحد الكاس ديال اتاي وشي حاجة تاكلها تجمع راسها الله يرضي عليك...بنتي تكاي شوية ...كيف بقيتي بعدا..
فاتي : ختي كيف بقيتي شوية ...اشارت ليها بشوية...خلاوها تكات من بعد مكلات شوية من الماكلة ورجعت نعست حتى ولات حالتها شوية بشوية كتولي الاحسن...
....وصل البلاصة فين وراه المحامي او العنوان ديال دار الي غايسكن فيها والي ورثها من عمو ...دخل شوية على لبيست حتى وصل قدام الفيرمة لقا فيها المعلمية خدامين فيها كيبدلو فالديكور برا ولداخل ...بلاصا سيارة ونزل هو وسينتيا الي جات معاه ...دخل كيكتاشف فيها ومبهور بالبلاصة الي جاتو من عند الله على الطلب ديالو نيت ..دخل لدار لداخل حتى تم جاي عندو مهندس ديكور..
المهندس : مرحبا بسي المرواني ..
غيث : داكشي الي وصيت عليه يتنفذ بالحرف الواحد منبغيش شي حاجة تنقص..
المهندس : كلشي كيف ما طلبتي غير بيت النعاس الي علاش وصيتي مزال كنتسنى حتى يكملو المعلمية حيث جا لفوق وريبناه وجمعنا معاه بيت لاخور عاد غانوصيو على طقم كامل الي بغيتي ...طلع حتى تشوف....سبق هو وتبعوه...
المهندس : وراه تصميم الاولي الي رسمو...
غيث : مزيان ...هكا كيف طلبت ...الى غانضيف شي حاجة غانعيط ليك ...دوك الحوايج القدام درتوهم فين قلت ليكم...غير لبيت ديال لمكتب ميوصلو حتى حد حتى حد حتى انت..
مهندس : لا كون هاني..
غيث : الله يعاون ...اي مشكيل عيط ليا ولكن حتى ليل ...وانا كل نهار غانجي ولا يجي مهدي صاحبي...مشا حتى وصلو لعند الباب...وهي توقف سينتيا...
سينتيا : راه غايكون حتى بيتي انا الى جيت لمرة جايا...
غيث : وقف وضار جيهتها ...علاه شكون قاليك غاتبقاي تجي عندي مرة اخرى !!....
سينتيا : خرجت عينيها...وات ؟؟
غيث : مغانعاودش السؤال مرة خرى ...يلاه دابا نشدو طريق لفاس ...مشا زاد لطوموبيل وخلاها كتشوف بعصبية استفزها بهضرتو الي مكانتش على بالها ...هيا فعلا عايشة هيا وياه بيناتهم علاقة فقط لا تتعدى الحب يعني غير عايشين مع بعضياتهم ما يقارب العامين...فاش كان مقيم فامريكا كانت هيا عايشة معاه ...ياما ترجاتو يعيش معاه فدارها هيا ولكن كانت كتلقى منو الرفض كيبغي يعيش فحاجتو مكيبغيش حاجة ماليها كيف مكانت ...شخصية جدية بزاف قليل الابتسامة من عام الواقعة ديال لحسيمة الي مشات فيها عائلتو كاملة ...والي كان هو فديك الفترة كان في اگادير...
شدو طريق نيشان لفاس بالضبط لمطار...عندها طيارة مباشرة لدار البيضاء ومن تم ديريكت ل نيوجيرسي...فين ولات ساكنة ...
فطريق ساد الصمت بيناتهم...مرة مرة كدور وجهها كتحقق فيه من التغيير الي بدا يبان فيه شوية بشوية وخا هيا كانت عارفة ومتافقين بطريقة غير مباشرة ان الحب معدوم بيناتهم ولكن نقولو ولف يعني ولفات كيف يتلاقاو يتلاح عليها وديريكت لعلاقة جنسية ...القبل .،،الايحاءات ...اللمسات..العنف اثناء الممارسة...كلشي فنادي الرياضي كان عارفهم مع بعضياتهم...واخا مكاينش حب بيناتهم...في امريكا ممكن يكون حب مع الوقت مككن فاول نضرة ممكن ميكونش عندهم عادي ولكن كايكون اتفاق بين الطرفين ...وضروري من غيرة المراة على صديقها او حبيبهااو زوجها كيف قلت في الاخير حنا تنبقاو جنس لطيف ...ولكن في اخر المطاف كتبقى امراة وضروري متلاحض التغيير وضروري متغييير ...هزت الايفون ديالها دارت فيه الكيت ودارتهم فودنيها وضورات وجهها كتصنط...وكتقول عالله وعسا يضور جيهتها انما معارهاش اي اهتمام كان عاقد غوباشتو ومركز مع القيادة ولا هو هنا .....وصلو لمطار فاس وقف سيارة وهبطو هبط معاها فاليز صغيرة وفوقها صاك ديالها..دارت لباسبور فايدها وسط منو لبيي...
سينتيا : الن تدخل معي !!!
غيث : لا ميمكنش حيث انا ماشي مسافر...مهم باي وتهلاي فراسك..
سينتيا : بفف ساشتاق لك ...سنجد حل لهاته الحالة لا يمكن ان تضل بعيد عني اوقات طويلة...
غيث : خاصك تعودي على الوضع جديد ممكن نشوفك مرة مرة فالعام ممكن على شحال...وممكن منبقاش نشوفك ...
سينتيا : عينيها وساعو وقلبها تهز ولكن مبيناش ...هذا اشبه بالفراق البطيئ ...ايني واي نتحدث فيما بعد...ساراسلك عبر الواتس اب في الطائرة..
غيث : نو غير طفي تيليفونك تاتوصلي وهضري معايا ولكن ردي لبال لفرق التوقيت...يلاه بسلامة تهلاي فراسك...عنقاتو يلاه مدت فمها بغات تبوسو في فمو حتى فاجئها وسلم عليها بلابيز ...يلاه باي ...خلاها كتشوف وضار ضورة ورك على لكونطاكت حل لباب وهز التيليفون فايديه ودوز اتصال لمهدي ...شاف فيها وشير ليها بايديه بسلامة...وركب وزاد...وهيا حدرت راسها ودخلت لمطار لداخل ...
غيث : الو مهدي شوف انا دابا ففاس جيت لمطار وصلت سينتيا ...غانشد طريق لافران دابا غالقاك في الكافي ديال لوطيل ...
غيث : اوكاي..قطع عليه وعاود الاتصال لرقم اخر...الو امضرا ؟؟ اوكي غذا كيف ندخل تبعيني لمكتب وعطيني تقرير الكامل وجيبي معاك هديك الي كلفتي وملي تمشي جيبي لاخرى تاهيا ...قطع ورك عالفيتاس وزاد فسرعة القصوى ديريكت رجع لافران...
يوم جديد بين جدارن السجن فاقت حالتها ولات بيخير...ولكن نفسيتها تازمت ولات انطوائية هضرتها قليلة كتهضر غير مع نعيمة وفاتي وشي هضرة ...مشات لطواليت توضات وخرجت صلات الصبح وطوات السجادة والعباية..ومشا لعند نعيمة عاونتها فتوجاد الفطور..فطرو وكل تكلفت بشقا شومبر هالي طيب هالي تصبن هالي تنقي كانت حدا نعيمة كطيب فالغذا ليهم ولاو قسموهم هيا بقات في الشومبر الي فيه نعيمة وشي عيالات وفاتي والشومبر لاخور فيها المشرارات منهم فيروز وفريحة وطبقتهم تفاديا لصداع الي ممكن يطرا ...خرجو لبرا فساحة ...مشات ليالي خدات المذكرة ديالها ومشات لساحة تقنتات في واحد البلاصة وخدات مذكرتها كتكتب في متنفسها الوحيد...كتشوف فالعيالات ومرة كتكتب ..شوية تحطت عليها ايد هزت راسها حتى تفاجئت بالي ءقدامها...
تحطت ايد عليها...هزت راسها تفاجئت بالي قدامها ..كان طفل صغيور يلاه كيمشي...داير سكاتة شهيب وعيوناتو خضرين وحنيكاتو مزنگين وشعرو مكربب...شاف فيها لاح سكاتة الي كانت بسنسلتها حل فمو بضحيكة بين على سنيناتو الاربعة جوج لفوق وجوج لتحت...
ليالي : شافت فيه وفي ضحيكتو الي خلاتها تبتاسم لا اراديا...وينووو ...مد ليها ايديه حتى هزاتو...باستو من حنكو...اشنو سميتك..؟
الطفل : اوف انغغنن اااووو اووف...
ليالي : ههه اشنو !! ... صوت من بعيد كيعيط ...يوووسف يوووسف ...ضورات ليالي راسها بانت ليها وحدة جايا جيهتها وكتعيط حتى قربت لعندها...يوسف ...ههه سمحي ليا غير تعلم يمشي وشيبني ياكما قلقك...
ليالي : لا بالعكس عاد بدينا كنتعرفو...ضارت لعندو اسمك يوسف ...اووف هههه بوس طاتي..مواح...ولدك!! ...اه ولدي...نتي هي ليالي ياك...
ليالي : اه انا باش عرفتيني...😞
انا معاك فشومبر يمكن بداكشي الي جرا ليك من نهار دخلتي مديتيهاش فيا ...اسميتي حنان فعمري عشرين عام وهذا ولدي يوسف ...للاسف ولدتو هنا فالحبس بعد معانات ...
ليالي : مشرفين...ولدك زوين ماشاء الله عليه...قبطاتو من عندها وحلت صدافي البيجامة الي كان كيتقاتل معاهم الطفل بغا يرضع..بدات كترضع فيه وتهضر...انا من لاول وانا حاضياك بغيت نخليك حتى تستقري ونجي نهضر معاك عرفتي علاش ؟ حيث قصتك لا تقل شيئ على قصتي ويمكن انا اكثر منك الفرق انني سمحت ليه يتكرفص عليا وانا ساكتة اما نتي دافعتي على حقك ...
ليالي : اش وقع ليك 😔
بقيت حتى حملت ولاحوني ضنا منهم جبتو من زنقة وهو را من ههه راجل مي ..بدات كتدوي ودموعها دايزين حتى هز لولد راسو كيشوف فيها ويمد ايديه باش يقيس دموعها...كان اشر خلق الله شمكار ديال لخلا بدا معايا ملي كانت عندي 16 عام كانت مي خارجة تقدا ودخل عليا لطواليت فين كندوش وغلبني كان قوى مني حيث طويل وغليض وانا كان جسدي هزيل نفخي غليا نطير بقيت نتنتر حتى غفلني وقضا غراضو كنت هبيلة مقدرتش نقولها ولا نشكي كمدتها وسكتت حتى شدوه واحد نهار بتهمة التجارة فالحشيش وحكمو عليه بخمس سنين ارتاحيت نسبيا منو ودازت عامين حتى تفاجئنا بلي جاه عفو ملكي او سمحي ليا انا الي تفاجئت اما مي مشات لحمام ونقشت وفرحانة وتقدا وانا قلبي كيضرب مليار بالخلعة كنت ديك ساعة خديت الباك في اقتصاد بمونسيون ...خرج بحال ليوم والغد ليه انا عند بالي مي فدار حتى كنشوفو دخل عليا البيت حاولت ندافع على راسي .. رجع ليا نفس نهار لول دار فيا مابغا بقيت كنبكي ونخبط وهو بدا كيضحك حسيت بيه ماشي غير كيستفزني شي حاجة كتغيضني بالغضب والعصب والقهرة هزيت اول مقص طاحت عليه عيني ديال مي مع هيا خياطة وخشيتو فيه تلاتة المرات حتى تاكدت بالي تنفى من دنيا عاد شفيت غليلي ونكدب عليك نقوليك تخلعت ابدا فرحت بزاف ودخلت لحبس عادي حكمو عليا بخمس سنين حيث تقرير طبي ديالي بين بالي تعرضت لاعتداء والمحامي ديال لمحكمة الي دارتو ليا حيث مي نكراني ومبغاتش دير ليا محامي...اكد بالي دفاع عن النفس وكنت فالمرة لولة تحت تهديد واستغلني وانا قاصر ..... تفاصيل لوخرا مع الوقت غانكلسو ونهضرو وتعرفيها هادي هيا قصتي بغيتك تكوني قوية نتي بعدا دافعتي على شرفك. ميهمكش الناس مهم انك بقيتي انقى بنت وهذا المهم ...
ليالي : الي كانو دموعها محابسينش فيقات عليها المواجيع وزادت اكدت ليها انها اقوى بنت ...مسحت دموعها ونطقت...بغيت نسولك ويوسف واش ولدو..
حنان : اه مع الاسف ولدو والي فرحني انه كيشبه ليا انا بوحدي مجاب منو والو ...ضحكت مهم ولدي هو الي مونسني من بعد منكرتني ميمتي ورغم انه اكتاشفت منها انها كانت عارفة انه فايت ليه تعدا عليا وهنهه سكتت هههه اودييي مجتمع ولا مق*** مبقاش ليا بزاف غانخرج على وجه ولدي غانقرا ونخدم اصلا انا عزيز عليا نقرا وعندي طموح كبير ندير شي حاجة فالمستقبل ...خودي مني العبرة را الى مكنتي قوية بربي لا طفرتيه عيشي حياتك ...هكا مكتب علينا الله وخاصنا نرضاو ولله الحمد...ابتاسمت ليها ليالي هبطت راسها باست لوليد الي رجع يرضع وهزاتو ونطقت...عندك صح خاصني نكون قوية باش نسد فام ناس وباش نحاول نبين برائتي ونصبر لان الله فوق كلشي ...سالاو ورجعو لشومبر كيتغداو حتى دخلت الكارديانا
ليالي : واخا...في نفسها ..ياربي اش بغا مني هذا تاني افففف...مشات جيهت لكارديانا ..
الكارديانا : ختي ليالي نوصيك الي قالها ليك قولي واخا وحدري راسك را صعيب بزاف صبري اختي الله يحفضك انا كن عليا كن خرجتك ههه الله يفرج عليك اختي ..
ليالي : ههه امين ...داتها ومشاو حتى دخلو لممر الادارة وقفت عند باب مكتب المدير ودقت
غيث : كان مدهي فلابتوب حتى بانت فكاميرا المراقبة جايا فالممر حيد نضاضر وتقاد فالكلسة كيلعب بذقنو وعاقد غوباشتو وكيشوف لتحت كيف دقت نطق ...دخل ...دخلت لمرابية وتبعتها ليالي بسورفيت فالاسود وشعرها جامعاه كعكة مخربقة ومع رطب وحرير عطاها منضر زوين شعيرات هابطين على ناضرها ورغم ان المكياج مقاستوش الا ان نضارة وجهها واضحة وحجبانها العراض ومقادين وعينيها المرمشين وسمار لونها كيخلي اي واحد يتيه فجمالها رغم صغر سنها...نطق غيث من بعد مهز عينو الي ولاو كي جمر وزاد فتغوبيشتو حتى ولا كيخلع المنضر ديالو...وجه كلامو لكارديانا ..صافي غير سيري نتي..حدرت راسها ومشات وبقا هو وليالي. راس فالراس..ناض وقف ومشا لعندها حتى ولات مكتبانش مع طولتو ولعرض الي فيه...هي حادرة راسها ...
غيث : ليالي امم شدها من لفك سفلي ديالها حتى غوتت بحر لالم ..قربها ليه حتى مبقا كيفصل بينهم والو ...شوفي اديك الخانزة نتي غاتولي خدامة عندي سمعتيني نبغي قبل منجي لمكتب لقاه نقي بزاف نفسك تحبسيها فيه باش متوسخيهش وديري ليكات حتى تنقيه وطواليط اهم حاجة واخا تلقايني فيها دخلي وديري فيها خدمتك والى دخلت نقضي حاجتي متخرجيش ولا نخرجها منك سمعتيني اصلا عادي هادشي بالنسبة ليك مولفة ب رجال عريانين قدامك ..انا كندخل مع تمنية نتي قضي هادشي قبل مندخل ...والى كانت شي حاجة اخرى غانقولها ليك ديك ساعة ...
ليالي : كتشوف فيه بعينين مدمعين..انا ماشي خانزة 😢...
غيث : انا ساهل ليك باش تاذيني...دفعها حتى بغات طيح وشدت في فكها الي ولا حمرررر بكترت الضغط...سيري دابا تعطيك الكارديانا لباس باش تجي تنقي هاد الطواليت الي حسن من وجهك...يلاه تق*** ( غوت) تمت غاديا وكتبكي بحرقة ...حتى وقفها ...اجي لهنا ..ضارت لعندو ومشا قرب لجيهتها...جرها من ايديها وضورها دفعها حتى تزدحت مع الحايط ..قرب ليها بزاف حتى تلاصق معاها كايشوف لفوق شوية هبط عينيه لعينيها الي كانو مغرغرين وحمرين بدموع ...للحضة بقا شحاااال كيشوف فالبؤبؤ ديال عينيها غمض عينيه كيقرب ليها وهيا نفسها زاد كيطلع من الخوف الي دارو فيها والرعب...قرب لشفايفها كيشم فيهم ...حتى خلاها غمضت عينيها ورجع حل عينيه دار ابتسامة جانبية وقرب لودنها...
غيث : تو تو تتت هههه مشيتي بعيد ضوري تق** من قدامي بزاف على مك انا ...جرها من دراعها ودفعها حتى كانت غاتجي على فمها...سيري الق*** ...سد الباب من وراها وهز ايدو على شكل قبضة وضربها بجهد مع الحايط حتى دخلت وهبط لفرتيت...هااااااعععععع شيييييييييت
ضرب لحايط بالجهد حتى تفرتت وتحفر...
غيث : هاااااععععع شيييييت 😡 لاااا افففف اوووووففف...دخلو لكارديان الي كانو حداه في الادارة ملسي سمعو لغوت ديالو بجهد لقاو حادر ايديه ومنزل راسو وباقي شاد ايدو على شكل قبضة الي ولا حمرة على اثر الضربة وصدرو كيطلع ويهبط ...
واحد من لكارديان بالخلعة تكا على صاحبو بالور ...الحفيض الله ...
غيث : خرجو ت**دو عليا يلااااه 😡😡😡
خرجو بجوج شي كيتكب على شي وسدو الباب ..وهو هز سوارت والكونطاكت وتجاكيط وخرج سد الباب.وخرج ركب فسيارة ورك عالفيتاس وزاد لوجهة غير معروفة...
~~في نفس اليوم وبالضبط في الكلينيك بافران...خلص في الكونطوار اجراءات تخريج الام ديالو الي طاحت فديك اللحضة مغمى عليها...وذلك بارتفاع نسبة السكري ...داها طاير لمستوصف في عين لوح الي طلبو منو يديها لافران ...كان ارتفاع بسيط ولكن حيت هيا عندها سمنة فطلبو منو على لفور يديها لافران ويدير ليها تحاليل وفحوصات ...كان معاه خوه اما لوخرين فبقاو فدار حتى تاصل بيهم وطمانهم عليها...سالا الاجراءات وخلص ...خدا الملف ديال الام ديالو ديال لفحوصات طبية ودار فيه توصيل الخلاص...وتوجه ناحية الغرفة حتى وقفو خوه علي ...
علي : ليزيد بغيت نهضر معاك...اجي نكلسو هنا قبل مدخل عند مي...
ليزيد : الله يسمعنا خير ...كلسو في الكراسى الي قدام الغرفة ...
علي : بغيت وهضر معاك هنا احسن ملقيتش فرصة ندوي معاك فيها مهم اخويا انا حاس بيك وعارف معنى متزوجش بالبنت الي بغا قلبك حيث انا تزوجت البنت الي بغا قلبي وصدقني تانا طحت فالموقف ديالك فالقديم كنضن راك عاقل على كلشي غير الوليد الله يرحمو الي وقف فصفي وحلف على الوليدة ...
اليزيد : هاديك الايام عمرها متنسى وعاقل على مي ورفضها حيت بغات ليك الي بغات هيا ماشي نتا هههه ماشي جديد على مي 😏..
علي : مع الوقت اليزيد غادي تلين وتقبلها ليك كيف قبلت مرتي ...انا شايف لبنت مامرة ماجوج واخلاقها من صغرها لا يعلى عليها مربية بزاف وكنعرف الام ديالها الله يرحمها ومتاكد هيا متقدرش تدير شي حاجة فالحرام وزيد تسجيل المكالمة ديال نهار الحادث الي سمعتو اكد ليا هضرتي...ونتمنى متخلاش عليها وتشهد معاها هذا خير وحدو وربي غادي يجازيك عليه و....قاطعو ..
ليزيد : انا مبغيتش نقلق مي وفنفس الوقت مستحيل نتخلى عليها انا غير كنسايس مع الوليدة وصافي اما من هاد ناحية كون هاني مي على راسي وعينيا ولكن الى امرتني بالمعروف ونهاتني على المنكر ولكن فاش تامرني بالمنكر وتنهيني على المعروف هنا كاين الفرق الى بغا العبد ربي مغايبغيش ...منقدرش نخليها فهاد الضرف انا مضارب باش يسمحو ليا نشوفها حيث هذاك المدير صعيب بزاف كنتسنى فلمدير سابق يتدخل ليا وعلى الله ضروري نشوفها ...
علي : هكا نبغيك اخويا والى على مي غير صبر وانا غانحاول معاها عالاقل على قبل شهادة ...
دخلت لطواليط مزيرة لبكية مبقاتش بغات تبكي ولات كتحبسها باش تعود على هادشي وتزيد تقوى حيث جربت ان البكا مصالحش ليها وخصوصا مع هاد المشرار الي معرفتش مالو معاها وعلاش هيا بالضبط ...قررات تنفذ الي طلب منها ومتهضر متكلم ولو طار لسما ومتزيدش تناقش معاه وداكشي الي كان من بعد ما داتها الكارديانا حتى لشومبر جابت ليكات وبلوزة بيضة كانت الكارديانا واقفة ليها عند الباب كتسناها تجيب لوازم عاد تديها فين تاخد المنضفات الخاصين بغرفة مكتب المدير...هزات داكشي ومشات مع الكارديانا حتى وقفتها باش تجيب منضف جديد من الديبو الي فالسجن حيث لول تقادا...كانت كتسنى حتى داز من حداها شخص حتى هو سبب عذابها ومعرفتش علاش او نقولو يمكن حيث سجينة ذات سوابق هذا هو المبرر الي عطاتها ...غاديا حتى قربت ليها ونطقت بهمس..
فريحة : مناسياكش ديريها فبالك غير لقا فرصة ونصفيها لكلبة مك الخانزة ...مشات كان شيئا لم يكن وخلاتها كتشوف وكتعاود فالهضرة الي قالت ليها بحال فهمت وما فهمت ولكن حيث هيا واعدات راسها تبقى قوية فاول حاجة بدات بيها هيا متبقاش تديها فهضرة من ما كان...رجعت لعندها لكارديانا وعطاتها داكشي الي خاص وتوجهت معاها حتى لمكتب لمدير دقت مجاوبها حد وحلت المكتب حيث ديجا موصيها وخا متلقاهش دخل مالين الميناج...
الكارديانا : هانتي ديري اش قاليك ومتعارضيش غير لمصلاحتك منكدبش عليك هذا اول مدير كيجي بهاد الشخصية حاد طباع بزاف را ماشي غير معاك مع كل من ارتاكب خطا حتى حنا..الله عوينك اختي ،،خرجت وخلاتها دخلت اول حاجة لطواليت بدات فخدمتها على وعدها وسعدها...عرفاتو مكاينش حيدت لبلوزة علقتها حداها وحيدت جاكيط سورفيت بقات غير بدوني وعاودت لبست فوقو لبلوزة وسدتها باش تخدم على خلطرها وهزت رجبين سروال تناتهم حد ركبة حتى بانو سيقانها المقادين والجاين على فورمتهاا وبدات ...
اما طراكس فراه فواحد من اعلى التلال الي كطل على تيفلت بلاصا السيارة وخرج حتى لحافا ووقف وطلق صوت مصحوب بزئير قوي فرغ ما بالداخل ديالو من غضب حتى ولا كينهج ...هز الايفون 7 ومشا الابليكاسيون الي مبرونشيا مع كاميرا المارقبة. ديال لمكتب ديالو ودخل ليها حتى بانت ليه كتحيد وتقاد فحوايجها وملي لبست بلوزتها وطوات رجلين سروال...عض في الشفة التحتانية ديالو ورجع تيليفون ورجع لسيارة وزاد رجع لسجن ...طفا تيليفون ودخل ديريكت لمكتب حط لوازم ديالو وحيد تجاكيط بقا غير بقميجة كحلة وسروال كلاص اسود ...مشا لطواليت دخل عليها وهيا خدامة كتسيق حتى فاجئها بالذخول ديالو وسد الباب ... بلعت ريقها ولكن بقات بزز كتبين راسها قوية ...
غيث : بقا كيقرب ليها كيقرب حتى زداها مع الحايط ولصق كرشو معاها...
ليالي : حاولت تهضر بصعوبة ش شنو بغيتي مني ...
غيث : مقرب مكيهضرش وغير كيشوف فيها فقط ومصغر عينيه ...وكل مكيقرب اكثر كل متزيد تبعد وتضغط راسها مع الحايط ...حذر راسو حتى تقوس ضهرو وهز رجلو حتى هزها لاقرب پوبيل عامرة بزبل ( حشاكم ) وضربها حتى تشتتات بكلشي ليها وتزلع داكشي الي فيها حتى ماكلة مليوحة ...
ليالي : حبست الفقصة فخاطرها وكمدتها ...اكتفات بسكات الشي الي استفزو حتى دار ايديه على عنقها وقجها تتهزو رجليها لفوق وعينيها خرجو...نتييييي نتيييي علاااش بالضبط نتي ...منين خرجتي ...كانو هادو هما الكلمات الي نطقهم قبل ميهبطها ويجر ليها راسها ويتلاح على شفايفها بقبلة قوية حتى حست بطعم دم في فمها كتحاول تدفع ولكن كانت غير كضيع فراسها بدون جدوى حتى قطع فيها نفس ونفسو بجوج بقاو كينهجو والي غير الوضع هو واحد صفعة قوية من عند ليالي لوجهو خلات عينيه خارجين....
صفعة منها خلات عينيه خارجين مكيرمشوش ...حتى ولا عينيه حمرين وعروقو تنفخو اما هيا مكانتش خايفة تحولو نضراتها لنضرات تحدي مبينتش ذرة خوف وخا من لداخل ديالها كتقفقف ....
ليالي : باشمن حق تمسني بااااش واش مالكم مااالكم الي جا يطمع فيا اش مكتوب على وجهي ااااش. ( منال ، سارة 😹😹😹😹😹😹😹😹)
غيث : نطق بغضب شديد ...انا لكلبة مك تهزي عليا ايدييييك ااااا...شدها من دراعها وهزها منهم حتى قربت لوجهو الي ولى العرق كيتكب منو...غرس فيها صباعو حتى غوتت...وشد ليها حناكها بجوج جمعهم فقبضة وحدة وغرس فيهم صباعو حتى نزلت دموعها وهي تنيين ...اجي لمك هنا جرها بجهد دفعها حتى طاحت وشد ليها شعرها قرب ليها وجهها مع زبل ...هذا يا لق** تنقيه عندك زهر جيتيني مرة الخانزة مال نقبر مك وميلقاوش لدينمك لاثر يلااااااه...دفع ليها راسها ودفل فلارض وخرج خلاها كتبكي وتفقص فراسها الي مكانش ليها حيل تواجهو وخصوصا طبعو الحاد وضخامة الجثة ديال مقارنة مع جسمها هيا...
ليالي : اهئ اهئ الله ياخذ فيك الحق الله ياااااخد فيك الحاااااق اهئ اهئ...ناضت جمعت شعرها وهيا كتبكي وهزت داك الوسخ الي تزلع كلو جمعاتو كتنقي وتنخصص بحرقة فهاد الحالة صعيبة كتنخصص ومكاينش الي يطبطب عليها ولا يقوليها مالك ولا يضمها لصدرو ويمسح ليها على شعرها ...كمدتها كيف العادة جمعت داكشي كامل وعاودت من جديد حكت طواليط ونشفتها وعطرتها وخرجت لمكتب لقاتو خدام حذرت راسها وهزت لبرودوي ديال زاج والخشب مشات لشرجم كتمسح زاج حتى وقف ومع كانت باقا مرة مرة كتجمع تنخصيصة غير وقف هزت ايديها بحال بغات طاكي خافت منو وخا بينت ليه القوة قبيلة ولكن الخوف ضروري مكايبانو اعراضو...اما هو مداهاش فيها دار ابتسامة استهزاء ومشا لطواليت سد عليه الباب مشا ديريكت لافابو حذر راسو وحل روبيني كيعبط ليه الما على راسو شي جوج دقايق وهزو شاف فالمراية ...
ااووفففف...مسح وجهو حط ايديه على لبواني...افففف ...رجع الملامح المعصبة الي كان فيها وحل الباب وخرج لقاها مزال كتنقي...هيييي نتي صافي غير حبسي وخرجي عليا من هنا مبغيتش نشوف كمارتك من ليوم نقي المكتب فلوقيتة الي قلت ليك ...نرجع ملقاش كمارتك كطرف هنا ...يلاه خرجي ضركي عليا خنشوشك 😡...
هزت هداكشي الي تم وجمعاتو ومشات وصلت لعند الباب دارت ايديها عالبواني وهيا ضور راسها ناحيتو شافت فيه بنضرة غريييبة هز عينيه شاف فيها كتشوف فيه ...يلاه خرجي برااا .
حلت البواني وخرجت مشات معاها لكارديانا حتى لشومبر تلتخت على فراشها كتبكي بالحس حتى جات لعندها حنان...
حنان : حبيبة قلت ليك مجتمعنا مكيرحمش بلاد مريضة انا ونتي شربنا من نفس الكاس احبيبتي هذا مكتابنا وهادشي الي قدرو لينا الله خاصنا رضاو بيه وكيقولو ديما المؤمن مصاب ونتي عزيزة عند الله وكاينة حكمة الى جاك البلى فالاول كاين الفرج وسعادة فالاخير ربي مكتب ليك شي حاجة زينة فلاخير خاص غير صبر وصلاتك متقطعيهاش ومتياسيش من رحمة الله ...
ليالي : ونعم بالله 😔ولكن الي مبغاش يتفهم ليا هو المدير مالو معايا اش درت ليه مكيفلتش فرصة فين يعذبني ويذلني ويقهرني وانا ماعرفاش حتى علاش لنفرض انا خانزة علاش كيبقى يعايرني بيها اش عندو معايا تعذبت عيييت وليوم ذلني وقرب مني يصحابني انا ساهلة ومن بنات زنقة حيث ..حذرت راسها...
حنان : كيفاش!!! اويلي مالو هبل !! اجي ياكما يكون...ليالي : اش !! حنان : ياكما تكون ريحة حب !! ليالي : كيفااااش !! اشمن حب واش كتهضري من نيتك ههههههه اويلي على حب اويلي فين كيعرفني وكنعرفو واش انا كنقوليك مكيفلتش فرصة فين يذلني وكتقولي ليا حب اااويلي حي واههههخهخخخخخهههههههه وامي ... اوففف ..واش فراسك قالت ليا الكارديانا نهار لول حاط عليا لعسة وبلي هو الي قاليهم فاش مرضت ونعست اول مرة فالمستوصف هنا مزلت مبريتش وقاليهم تخرج وضبر راسها واش نزيدك ولا مزال !!!!
حنان : عرفت ولكن هادشي كينتج على شي حاجة فالباطن ديالنا وممتقبلينهاش او كان ناوي شي حاجة وملي شافك وزاد فلادوز باش يقنع راسو ولا الله الي عالم بيه ولكن هادشي الي قلت ليك هو السبب الرئيسي وهاني فين قلتها ليك...مزالين كيهضرو حتى دخلت الكارديانا عليهم باش يخرجو لساحة. والي عندها شي ورشة ولا قراية تمشي ليها اما حنان وليالي ونعيمة وفاتي فامشاو لساحة وكلست ليالي هيا وحنان كيهضرو ويدردشو شوية ينفسو على راسهم ...
حنان : افف خليت يوسف ناعس عنداك غير يفيق ويقلبها غوات..
ليالي : شوية وسيري طلي عليه !! هزت. راسها كتشوف فسما ...كتشووف وتخمم يلاه غاتهبط راسها حتى مشات عينها نيشان لشرجم ديال مكتب المدير الي كيطل على ساحة السجن ... الي كان واقف كيشوف في ساحة وبالضبط البلاصة فين هيا ....تلاقاو العينين الي مرمشوش لا هيا لا هو ...مهلة من الزمن وهما كيشوفو فبعضياتهم ....
حنان : وا فلانة وافييين واختي سمحمد اويلي هادي مالها...شافت فين كتشوف وهيا تقشع المدير..اححح ابااا على زين تيقشع من بعيد احح اقلبي ...هاااا ونا نعيييق...ضربتها لراسها ضربة خفيفة حتى طارت ونزلت ...اما هو ضرباتو الفيقة وبسرعة دار الخامية ودخل ...
ليالي : ونااري اشمن حب عار الله مضحكينيش مافيا الي يضحك عاد قلت ليك اش دار ليا صباح والله حالتي متسمح ليا لا نفكر فحب ولا ممكن يجيني حب واش الي يقوليك هاديك الهضرة ويعذبك ويردك جفاف فين هو الحب حنان راك ماحضرتي لوالو وحتى ولو مدار ليا والو وكان اخر حاجة نفكر فيها هو الحب على ماوقع ليا مبقيتش كنامن ومكنتش اصلا كنامن بشي حاجة اسمها الحب عاد غانحب ومع شكون مع المدير الي معذبني وكاع انواع الذل ممكن يديرهم ليا هههههففف
حنان : ميمكنش تبغي ولا تفكري فالحب...هههههه صافي صافي غاكنضحك هههه ....بقاو مجمعات مرة يضحكو وخا هما فهم وسط هم وكترت الهم كضحك...ومرة كيشكيو وغافلين على شخص كان وراهم كيتصنط وشياط خرج ليه من ودنيه...
فريحة : ياااك الق**دزتي لمدير ههه هذاك هو الي ميكونش ليك يا ليا يا روحك فبلاصتو...ولكن مبقاش ليك بزاف مخاسرة والو انا 😡..
تواالت الايام والحال تغير مابين حياة ليالي فالسجن الي ولات كتقضي شغالها في صباح قبل ميدخل المدير لمكتب ديالو ففترة الذوام كيف تكمل كيدخل هو... مبقاوش كيتلاقاو نهائيا ..هاد الايام دازت راكدة بيناتهم عالاقل نفسيتها ترتاح من العذاب والهم ....وحياة غيث نفسو الي ولا مشغول بزاف مابين الخدمة وفي دار جديدة الي كينتاقل ليها والي صلحها تماما وزاد فيها حتى لاصال. ديال رياضة مجهزة بالالات الي خاصين بالفيتنيس وكلشي حتى من دوش دارو فيها مجهز كامل كلو داير بزاج ...الغد ليه غايبات اول ليلة ليه فدار جديدة ....ليالي الي باقي ليها على اول جلسة بعد خمس ايام وهيا الجلسة ماقبل جلسة شهادة الشاهد الوحيد فقضيتها بالنسبة المحامي اتكلف بيه اليزيد شخصيا وهو صديق طفولة ديالو ومن امهر المحاميين في المغرب وعندو قضايا ناجحة لا تعد ولا تحصى وكيتامل انه ملي ضهر برائتها او بالاحرى يثبت انها كانت مجرد دفاع عن النفس فكتبقى واحد المدة سجنية خاصها ضروري دوزها ممكن عام ممكن عامين على حسب القاضي...وهو كيبحث باش تكون مدة اقصر ....
اليوم كيف كملت ليالي الميناج ديال جناح المدير خرجت ودخل هو مباشرة بدا فخدمتو ودار جولة خفيفة فانحاء السجن فجناح الرجال..كيتاكد من شحال من حاجة كيف العادة ...مقابل لابتوب كيف العادة حتى دق الباب ودخل الكارديان بلغو بوصول الضيف الي جاي عندو والي هو المدير السابق،،دخل وناض وقف مشا حتى لعندو حل ليه لباب بنفسو احتراما ليه...
المدير : انا جيت عندك باش نبارك ليك المنصب وثانيا لي رجاء او طلب ونتمنى تقبلو ليا الله يرضي عليك اولدي...
غيث : مرحبا الله اودي نتا امر اشنو خاصك..
المدير : الامر هو الله اولدي...الله يرضي عليك واحد سجينة هنا بغا يشوفها خطيبها وكيف كتعرف الى مكانت حتى قرابة بيناتهم ميمكنش يشوفها فزيارة سوى لا كانت زوجة ديالو قانونيا...
غيث : ايه على راسي وعينيا ...خدا ورقة من قدامو ...اشنو اسم سجينة واسم خطيبها وغذا يجي باش يشوفها ..
المدير : الله يرضي عليك اولدي ...الولد اسمو ليزيد بن عبد الله وخطيبتو اسمها ليالي امين...ليالي امين اميييين ليااالي ليااالييي خطيبها...
غيث : بقاو كيتعاودو الكلمات الي نطق بيهم والاسم ...هز راسو وعينيه تفيكساو في فم المدير الي نطق باخر اسم...متحركش وبدا يضرب بستيلو شوية شوية بدا يخبط فيه بجهد....
المدير : غيث ولدي ياك لباس ...واش بيك شي حاجة ؟ اش واقع اولدي ...
غيث : بقا يضرب فستيلو حتى خبطو خبطة وحدة وناض وقف مشا ديريكت لطواليت خلا السيد مفاهم والو...كيف دخل مباشرة مشا لافابو حل الما غسل وجهو وهز راسو شاف فالمراية كيتنفس بجهد...وعينيه ولاو حمرين حتى تزير وخرجو عروق راسو كمش ايديو على شكل قبضة حتى تسقط منها دم...شوية حل الباب وخرج...لقا المدير واقف...
المدير : واخا اولدي الله يرضي عليك...انا غانمشي دابا منبرزطكش
غيث : لا تشرف فاي وقت بغيتي انا موجود...تسالم معاه وخرج ...غير سد الباب ناض هو وقف ومشا لشرجم تقابل مع ساحة الي كانو خارجين ليها سجينات ومع المكتب ديالو جا مقابل مع ساحة ديال جناح السجينات...بالصدفة من عند الله كيف وقف جات عينو عليها مباشرة كانت شادة يوسف في حضنها كتلعب معاه مرة تهرو مرة تبوسو وتجر ليه حناكو كان منضر ديالهم فشكل نسا اش وقع واش عزف وللحضة سها فيها وعينيه رجعو لطبيعتهم حتى هزت راسها وجات عينها في عينيه الشي الي فيقو من سهوتو وزجع لخامية وتفكر الي طرا قبل قليل والي سمع ...هز ايديه دوزهم على شعرو بعصبية بقا كيمشي ويجي وينفخ خدا كارو وشعلو كيكمي فيه حتى لاحو فطفاية ..فاض بيه تلف وغوت غوتة وحدة...
غيث : هااااعععععععععع 😡😡 حتى شتت كاع داكشي الي فوق المكتب..
اصبح يوم جديد ...حلت عينيها على ايديدات صغيورين وفم كيقطر منو ريوگ على وجهها ...شافت فيه وابتاسمت ...
ليالي : جراتو خشاتو حداها..اجي لمك هنا كاع جلختي ليا وجهي..كتهر فيه ..محشمتيش فين سكاتة ديالك..هو ميت بالضحك...ههههه يلاه اجي نمشيو عند ماما نخليك عندها ونمشي نغسل وجهي ونجي...داتو عند ماماه ومشات غسلات وجهها وبدلت حالتها مع كانت في فترة حيض..وخرجت لقات حنان والبنات حطو الفطور اصلا السجينات الي معاها مكيتشكاوش شكون يدير ولا الي مايدير فطور ولا يشقا الي فاقت لولة تصايب لفطور ومعاونين بيناتهم عكس الشومبر لاخور الي دايرين وحدة خدامة عليهم وشافة هيا فيروز والي خالفها تخرج عليه باي طريقة وهذا هو حال سجون وهذا هو الواقع فسجون والي كضرگو صحافة ومكتبينش الواقع المر الي عايشينو السجناء كتبين غير السطحي فقط المسلسلات والافلام هيا الي كتكشف الحقيقة ...فطرو فجو عادي وكملو كلا مشات لاشغالها كاينين بعض سجينات الي كيقراو وكاينات الي كتعلم الحرفة والي كتقرى الفندقة وبالضبط شعبة الطبخ...كان اليوم يوم الخميس وهو احد ايام زيارة دخلت لكارديانا كيف العادة عيطات على بعض النساء الي عندهم زيارة ليوم ....كانت كالسة حنان وليالي وفاتي ونعيمة كيهضرو حتى عيطت عليهم الكارديانا. بقات غير ليالي وحنان هاد الاخيرة الي فاجئتها الكارديانا بالنداء ليها ...
الكارديانا : معندكش ميناج غير يلاه دغيا...ليالي : الله يستر وصافي ..ضارت عند حنان ختي حتى نجي وقولي ليا ومديريش فراسك هنا مكاين غير صبر هو الي تعلمنا والقوة...مشات مع الكارديانا حتى لمكتب لمدير دقت ودخلت هيا وياها وهيا تفاجئ بشخص الي ليها شحاااال مشافت وجهو والي انقاطعت اخبارو مؤخرا...كالس غير وحدو...
ليالي : اليزيد 😢
ليزيد : ليالي ...ناض وقف وتم غادي جيهتها فتح ايديه ليها يلاه غادي تعنقو حتى دخل غيث ودخل وسطهم ...
ليزيد : قرب بغا يشد ليها ايديها وهو يحنحن غيث وهو كيشوف فلابتوب...
ليالي : ضارت شافت فيه مفهمتش كيفاش شاف بقات غير تبرق فعينيها..
ليزيد : احم ...كيف بقيتي بعدا ...مبقاش بزاف احبيبتي ان شاء الله غادي يكون خير غير صبري...راني هضرت مع المحامي وطماني...
غيث : غير سمع الهضرة حاول ماامكن يتحكم فراسو وزير على ايديه حتى بدا كيصوط..
ليالي : ياربي يسمع منك...
ليزيد : ياربي ...ضعافيتي بزاف فين داك الخير الي كان هههه...توحشتك بزاف اعمري...
غيث : هز ايدو وخبطها بجهد حتى قفزت ليالي ...وليزيد هز راسو شاف فيه ...
غيث : احاااام ...😡😡تقادا وقت زيارة ..
ليزيد : كيفاش تقادا عاد جات...
غيث : هذا الي كاين توادع معاها وتفضل...
ليزيد : اففف ياربي صبرني...حبيبة تهلاي فراسك معندي جهد ومنقدرش نقول لا...انا غانبقا متابعك عن طريق المحامي وغانشوف كيفاش ندير ونعاود نشوفك كوني اكيدة...ناض وقف غانتوحشك بزاف...
ليالي : حتى نتا تهلى فراسك 😭...ابتاسم ليها واستاذن بقا غادي وكيشوف فيها حتى خرج وناضت هيا بغات تمشي حتى وقفها بصوتو...
غيث : كلسي تم حتى نقوليك سيري...كلست وضور وجهو جيهتها...عايشة ليا الحب والغرام قدامي ...اخر مرة غادي نسمح ليه يزورك ونساي شي واحد اسمو ليزيد بن عبد الله...
ليالي : كييييفاااش وباشمن حق وشكون عطاه ليك....
غيث : انا الي عطيتو لراسي ودابا تقدري تمشي ...ضور وجهو ناحية خدمتو وخلاها كتغلي ..
في تمام الساعة التاسعة صباحا...كانت فايقة ولابسة وكتسنى في الكارديانا تجي تاخذها لان اليوم موعد اولى جلسات المحكمة في قضيتها..كالسة مع حنان هاذ الاخيرة الي حالتها من نهار جا عندها المحامي ديالها في الزيارة الغير المتوقعة...
المحامي : لا ولدك مزال رضيع ومزال فسن لحضانة وملي غاتخرجي غايخرج معاك فصراحة بلى منطول عليك الام ديالك كانت حصلات في شبكة ديال دعارة الي غادية لامارات وحاولت تهرب مع البنات ولكن تقتلت على يد المافيا الي كانت ضد الشبكة الي داتهم...وتوفات ..البركة فراسك...
حنان : ههههه كتفلى ميمكنش اهئ اهئ...
المحامي : مع الاسف ودار ديالكم بما انك الوريثة الوحيدة فاجيت نسلمك السوارت وشي بركة فالبنكة حتى يكملو اجراءات الارث وبامكانك تحصلي عليهم...مد ليها ساروت ووقف...البركة فراسك ابنتي...اي استفسار من بعد غانجي ونهضرو فيه ...ومشا خلاها في دوامة الدموع والقهر على مها الي وخا مخلات مدارت فيها الا انها كتبقى الام ديالها .....
دخلت الكارديانا عليهم ...ليالي امين يلاه اختي..ناضت وقفات شدت فايد حنان الي طمنتها بعينيها وشدت فيها الكارديانا ومشاو فاتجاه الباب باش تركب وتمشي لمحكمة ديال فاس ....داز النهار كلو وهيا فالمحكمة حتى سالاو ونطق القاضي بتاجيل الجلسة بعد اسبوعين ...وصلو فالعشية دخلت لداخل مع المساجين الي كان عندهم محكمة في نفس اليوم ...دخلت لشومبر ولقات البنات كيتسناوها طمنتهم عليها وحكات ليهم على اجواء المحكمة ...
فاتي : البنات انا فرحااانا 😍😍
نعيمة : ايه ناس غذا معرسين...هاي هاي...
ليالي : كيفاش علاه عندك عرس...شافو فيها البنات وتشتتو بالضحك...فاتي : هههه مفراسك والو مشفتيش توجاد غدا مزوجين ربعة من سجن دايرين ليهم احتفال هنا لداخل وانا منهم ☺️☺️...وقفات ليالي ومشات لعندها عنقتها وباركت ليها...مبروك احبيبة والله معارفة ...
فاتي : عندك متلبسي بعدا باش تحضري
ليالي : مع الاسف مغانقذرش نحضر 😔معنديش الخاطر لحتى حاجة سمحي ليا بزاف مغانقدرش ...
فاتي : علااش عندي غير نتوما حشومة عليك را معنديش عائلتي 😭....بقات فليالي الي عنقتها والبنات حذرو راسهم حيث عارفينها يتيمة مضلومة...ليالي : وعذريني احبيبتي نفسيتي محطمة ومبقاش عندي لخاطر نحضر لحتى عرس مبقيتش كنامن بشي حاجة اسمها فرح وعاد ماما 😔حذرت راسها ومشات لبلاصتها كمشت رجليها ودارت راسها وسطهم...مشات عندها حنان وفاتي وكلسو حداها...
حنان : هاد الحزن مغادي يفيدك بوالو غادي غير يزيدك قهر وعذاب وفنفس الوقت غاتعذبيها فبلاصة مطلبي ليها رحمة...هاني نموذج قدامك عاد ماتت ليا ميمتي الي بقات ليا رغم انني عمري حسيت بيها مي ولكن كوميم كانت عندي ام ...انا كنقوي فراسي حيث مغاينفعني غير راسي باش نعاون ولدي الي بقا ليا وحتى انتي ديري نفس شيء باش تعاوني راسك وتبتي برائتك...
فاتي : وانا بنفسي قدامك ماتو ليا واليديا بجوج وخلاوني وحدي وخوتي معارفاهمش فين بقيت صابرة ومتقبلة هادشي الي كتب عليا الله وحامداه وشاكراه وصلاتي ممفرطاش فيها حتى جاب ليا الله ولد ناس كارديان هنا وغادي ينتاقل لوجدة وانا بقات ليا شهور قليلة ونخرج ولحق عليه ونعيشو حياتنا ...هو عارف قصتي والضلم الي تضلمت وحتى هو يتيم وهادشي كامل غايفرح واليديا وهما تحت التراب شوفينا حنا نماذج قدامك وتاكدي مزلتي غاتعيشي احسن عيشة نتي باقا صغيرة بزاف وربي مكتب ليك سعادة كبيرة ...حنا مغانزيدوش نبرزطوك بقاي هنا على خاطرك وانا شوية وغانجيب ليك واحد القفطان باقي جديد جابو ليا كادو غاتلبسيه وديريني ختك ومترديهاش فوجهي ونتمنى تحضري ليا حيث غانفرح بزاف😊😊..ناضو البنات وخلاوها وحدها كتفكر وتخطط وتخمم مدة حتى تكات وهيا كتفكر....
اما واحد غيث الي كان حاني راسو فالايباد ديالو حتى وصلو ميساج من عند سينتيا دخل شاف لميساج .."بيبي اي ميسيو سو ماتش ماي لوڤ...لماذا لا ترد على اتصالاتي مابك ؟؟ ارجوك اجبني...اشتقت لك " طلع ليها vu وخرج من الواتساب ودخل تصفح شوية الانستا ديالو الي مكيدخل ليه غير فين وفين معندوش بزاف مع سوشل ميديا...شويا دارت ليه طن وكتب اسم الي ولا شاغل تفكيرو من نهار عرفو وحطو فبالو كيف عادتو...كتب ليالي امين طلع ليه دخل لبروفايلها لقاها مدايرة حتى صورة ليها فقط كتحط غير صور اللتقطة بعدستها وهي احد هواياتها تبهر بداكشي الي كتصور حتى انه تفاجئ بالعدد الكبير الي متابعها حتى قلبها تخنزيرة ولاح طابليت وهو كيصوط موگضو غير صوت الصونيت كان مهدي الي جا عندو
حل ليه الباب تصافحو بالايدين...ودخل سبقو وسد الباب المهدي وتبعو...
المهدي : ختي فاتي خاصني ديما نسد وراك الباب...ضار غيث خنزر فيه حتى قفز لاخور ...هههه غاتنضحك عماك😁😁...مشا تبعو وكلسو...ايوى العشير شخبارك فين شادها وكيف غادي مع الخدمة ومبروك دار ولفتي شوية ولا والو واحد زيتونة لبلدية بقاتش دوات عماك..اووف عطيني نشرب...
غيث : داير نضاضرو وشاد تيليفونو فايدو ومسرح رجليه على طابلة ...كان لابس شورط قصير ولفوق عريان ...شاف فيه بنص عين كان داير صباعو ...الحلاقم الي بغيت ليك انا مزال مجاوكش اصاحبي وناري واش كتسد داك الفم هضر شوية بشوية...
غيث : انا لباس ودار ولفتها وسينتيا مبقيتش دويت معاها ممساليش ليها حاليا ولخدمة مزيانة غذا نيت عندي خدمة كثيرة دايرين احتفال زواج بعض سجينات عندنا وخاصني نكون حاضر حيث هاد المرة انا الي تكلفت من مالي الخاص مبغيتش الجمعيات هاد المرة يدخلو حتى لمرة اخرى...
مهدي : مزياان الله يرضي عليك...
غيث : شكرا اماما ..
مهدي : يوميك...يلاه تخرج نضورو شوية...غيث : لا غاسير انا خاصني نعس بكري...
مهدي : وخا يلاه هاني مشيت...ناض وقف اجي بعدا اش تدير من صباح ونتا تبقشش فداك شقف الي عندك...طل عليه لقاه داخل لبروفيل layali amine هااحككحححح ونا نعيق...ليالي امين اجيييي هاد الاسم ماغريبش عليا !!!
غيث : لا غريب عليك نوض تق**عليا سير غبر الله ينعل ز*** بوك غا خاشي ك*** يلاه ت***
مهدي : تفووو كي خاسر ...هاني هاني 🚶🏻🚶🏻🚶🏻ولكن العشير مغاتفلتش تاتسالي واجي عاود لخوك اصاحبي باااي مشا سد الباب ولاخور بقا كيشوف حتى ترسمت ابتسامة على محياه بلى ميحس شوية جمعها ورجع غوبش...وناض طفا ضو ومشا داز من حدا مكتب عمو حتى كان غايدخل وشاف فساعة لقا لوقت تعطل وطلع لبيتو الي كان فالاصل بيت ليالي وزاد عليه البيت لمجاور حتى كبر...تكا ومشا فسابع نومة حتى لصباح اليوم الموالي الي كانت فيه تجهيزات على قدم وساق في السجن تكتفت الحراسات فيه على صباح حيث العرس غايكون فوقيتة ضهيرة ...كان المدير خارج بنفسو كيراقب ويتاكد من كل حاجة وحيث عارف المغاربة عندهم شفرة جارية فالدم فكيتاكد ان كلشي كيف بغا حتى ادق تفاصيل والا فمغايديرو والو ويكون كلشي ناقص ويهزو مبغاو حتى انه غايحضر بنفسو لحفل وبلاصتو وجدوها ليه فزاوية الي طلب تكون باش يحضي بعينيه ...اما ليالي فكانت واقفة كتعاون في فاتي الي جات من حمام السجن هي والعريسات جات الكوافورة والي هيا نكافة ايضا هي والبنات الي معاها باش يصايبو لعريسات وينكفوهم...
فاتي : عفاك اليالي فرحيني واجي وخا غير ساعة الله يفرحك ويعطيك منويتي الله يبين حقك عفاااك ...
فاتي : وخا منبززكش مهم را القفطان حطيتو ليك را في الاسود ومخيط بضوغي ومشارجي بليزيسطراس غايجيك واااعر انا غانطلب وحدة من البنات تبقى هنا عالله وعسا تبدلي راييك والى فعلا كنت عزيزة عليك متخصريش ليا خاطري يلاه بغات تجاوبها وهيا تدخل نكافة خرجتها وتبعوها البنات الي مشاو والكارديانات بجنبهم كانت حتى فريحة الي كانت لابسة كسوة معرية حد الفخاض وطالقة شعرها الي صابغاه بالصفر ههه ودايرة ماكياج كثير والبنات لاخرين الي فشومبر كانت ساحة كبيرة حلو حتى الباب الفاصل بين العيالات ورجالة ومددو الخزاين ودارو طوابل حتى انهم استاعنو بزيادة لكارديان والبوليس ...كانت طابلة المدير والمرابيين الممتازين واعضاء ادارة السجن فزاوية استراتيجية كلشي حضر وبدا الاحتفال ديال لعرايس الي زوجو بتكلفة من المالدالخاص ديال المدير الي وقفو تاس حتى تم داخل بدل فالمكتب ديالو كان لابس كومبلي اسود وقاميجة سوداء مع صباط كلاص فنفس اللون وكرافاط فالگري وساعة روليكس اخر مكاين ومرجع شعرو الكثيف لور كان جالب لانضار بهيئتو وضخامتو وتخنزيرتو المعهودة...اوما ليهم براسو وكلس حدا المرابيين كيهضرو ويشرحو ليه وهو مركز فزاوية وحدة كيحاول يقلب عليها والو مبانش ليها الاثر شي ساعة حتى تكتب العقد ديال لعرايس وبداو فالاحتفال...كان كيهضر مع واحد المرابي ممتاز معاه كيوريه وهو داير صباعو بجوج فوق فمو كينفخ ويحرك راسو بلى ميشوف فيه حتى بان ليه شخص الي خلاه يفيكسي الشوفة وميرمشش عينيه وقف شوفتو على اجمل ملاك شافتها عينو كانت في شكل اخر بسمار لونها وجاذبيتها جايا وشادة جلايل القفطان الي هزتهم وكتقاد فيهم ...مع ضورة الي غادور باش تقلي وتشوف فين تكلس وقفها واحد من ليكارديان اعتارض طريقها حتى وقف غيث وعقد غوباشتو ...
ليالي الغيث الجزء الثالث
محتوى القصة
التنقل بين الأجزاء