بارك في الارض;اهئ اهئ ياربي ماتحرمنيش منهم والله حتى نموت اهئ اهئ ياربي ياربي
بقا في داك الكولوار بحال الحمق مرة يمشي ويجي مرة يضرب يديه مع الحيط مرة يبرك مرة يوقف مرة يبدا يبكي مرة يدعي كل مرة وحال وحتى واحد ماكيعطيه طرف الخيط كيشوف الممرضات خارجين داخلين بالزربة كيبغي يتسطى ماكرهش يريب عليهوم ديك الغرفة كاملة
دازت ساعة ساعتين ثلاثة و بالضبط ربعة السوايع و خمسة وخمسين دقيقة حسبهم انيس كيف الاعوام دازو عليه خرجات الطبيبة عرقانة كتنهج اشافها خرجات و هو ينوض من الارض كيجري عندها;شنو عندها كيف بقات عافاك قولي شي حاجة (كينخض فيها)هضري مالاك ساكتة ماتقوليش لي سرات ليها شي حاجة والله حتى نريب هاد كلينيك فوق راسكوم دوي
الطبيبة ;تهدن اسيدي الحمد قدينا نسيطرو على الوضع ,,داك الولد عمرو طويل و كتب ليه الله يعيش كنا شوية ونفقدوها هي والجنين بسباب النزيف و عاد هي يله فاتحة صحتها باقا و جاها انهيار عصبي بسبابو تفتح باب الرحم بخمسة ميليمتر كون زاد شوية كون درنا ليها ولادة مبكرة و اكيد الجنين ماغيعيش حيت يله دخلات في شهرها السادس و نقدو نفقدوها حتى هي المهم راه خيطنا ليها الجروح و عطيناها مهدئات شوية ونقلوها لغرفة عادية نصحك تبعدها على الصداع و المشاكيل هاد المرة دازت المرة اخرى منظمنش ليك (طبطبات على كتفو)مايكون باس 'وزادت خلاتو فاشل ماعرف باش تبلى كان تاني ايفقدها هي وولدو يله وقفات على رجليها هاهي تاني مصيبة اخرى شد فراسو بتعب كان غيطيح كون ماشدش في الحيط كيشوف قدامو مامتيقش نفسو كتهز و تحط راسو حاس بيه غاينفاجر شاف باب العمليات تحل وقف بتعب رجليه مابقاوش قادين يهزوه مكالي غا بالحيط بانو ليه مخرجينها في باياص معلقينا ليها اوكسيجين في فمها و يدها لليمنية ملوية بي بانضة حتى لدراعها و باين الدم منهم باقي خارج و رجليها الليمنية حتى هي فيها بانضة مطلعينها حتى لركبتها و رجليها لليسرية كلها جرووح تصدم مابقا عارف باش يتبلى نزلات يديه من الحيط بخفة و جا طايح الارض على طولتو مغيب شافوه و عيطو على الممرضين يجيوه هزوه جاهومم تقيل عيطو على ثلاثة سيكيريطي عاد هزوه و داروه في الباياص و تمو غادين كيجيرو بيه و هو مغيب ,,
****دازت مدة عاد حل عينيه في غرفة المستشفى لقا ممرضة كتقاد ليه السيروم شاف فيها بوجه شاحب;شنو كاين؟اش كندوير هنا؟فين هي سندس؟
انيس ناض و نتر السيروم;لااا خاصني نمشي عندها (جا يوقف و هو يبرك )
الممزضة شداتو من دراعو;تهدن راه المدام بيخير هاهي في الغرفة لي حداك ناعسة
حيد ليها يديها;لاا خاصني نشوفها حيدي (ناض بتعب شد في الحديدة ديال السيروم و عاود شد في الباب ديال الغرفة عاد خرج بقا مكالي بالحيط حتى وصل عندها الغرفة حل الباب و هو كينهج بسباب المجهود لي دار كيشوف فيها غا بطرف عينو ماقادش يحلهوم مزيان بدا كيسند راسو حتى وصل لحداها قلبه كيزدح كتبان ليه ناعسة وججها صفر اما وجهو كثر منها تخطف ليه اللون و كله عرقان وصل للنامسية غا بزز تكا حداها حط راسو على صدرها و يديه على كرشها ;غتقتليني شي نهار الحبيبة كنحلف ليك
و غمض عينيه و نعس
حل عينيه من بعد مدة على الحركة ناض قافز مخلوع عاد بانت ليه سندس باقا على نفس الهيئة ديالها ناعسة هز يديه لقا معلقين ليه سيروم فيها ماعقلش امتى وكيفاش محسش بيهوم حيدو من يديه و دور وججه جهة ديال سندس باس ليها راسها و ناض مشا للطواليط قدا حاجتو و غسل يديه ووجه من الدم ديالها شاف في لبيل و الشورت لقاهوم عامرين خرج من الطواليط طل عليها لقاها باقا في نفس الوضعية خرج من الغرفة تلاقا مع الطبيبة في الطريق ;مالها باقا مافاقتش؟
الطبيبة بابتسامة:المهدئ لي عطيناها مفعولو قوي ماغتفيق حتى الغدا
انيس;اه واخا
الطبيبة;مايكون باس و حاول على راسك حتى نت قالت لي الممريضة طاح ليك الطونسيو و غيبتي من فقتي حيدتيه لقيناك مغيب ثاني في الغرفة و ركبناه ليك
انيس;شكرا
الطبيبة;العفو بعدو على التوثر و القلق ماشي ديما كيكون الحظ في حليفنا
انيس;انا نبعد وهو يجي عندي ,,شكرا للمرة الثانية (وزاد خرج برا كان طاح الظلام مشا للوطو ديالو حل الباب هز تيلي كان مليوح لقا فيه كثر من مائة ابيل دوز نمرة امير
***امير بارك في دار انيس كيترعد حداه وهيبة مخشية فيه ناعسة بسباب العيا و البكا ,وسليم متكي مرجع راسو اللور في الفوطوي شاد راسو كيشوف جهتهوم ,عبير باركة في الجردة هي ومحاسين كتبرد فيها حسن يله خرج من الطواليط ,,
سليم ;طلعها الفوق تنعس هكاك راه معنكشة
امير حط يديه على ظهرها;اخليها
سليم;ولك
قاطعهوم صووت تيلي امير اشاف النمرة ناض بالزربة حتى قفز وهيبة ,,كانت شوية اتجي في الارض كون مشدهاش سليم و ردها لفوطوي
امير;الو فيينكوم
انيس;انا في كلينيك****
امير;كيفاااش اش كديرو في كلينيك ؟
انيس;مافي لي يهضر دابا جيب لي معاك شي حاجة نخركها راه كلي دم (وقطع)
وهيبة ناضت قافزة حيدات يدي سليم;كيفااش ختي في كلينيك ؟
امير;ماعرفتش ماعرفتش (طلع في الدروج كينقز حل الماريو جبد شي حوايج كمدهوم في ساك و خرج كيجري)
حسن ;اش كاين ؟
خنزر فيه و زاد
حسن;يله نتبعوه
سليم حرك راسو باه
محاسين باركة في الجردة شافت امير كيجري ;امييير
مادواش معاها و زاد لصقات فيه و هيبة كتبكي ,,سليم ركب لوطو ديالهوم و حداه حسن و محاسين تاهي و عبير و تبعوهوم عافطين
سالا المكالمة و تكا على الكوسان مغمض عينيه تفكر من جا لقاها في ديك الحالة و لوطو كلها مفرشخة فحال يلا داز عليها رمووك ,,كيقول كون ماتبعش الماتريكيل ديال لوطو و تعطل كون راه سرات ليها شي حاجة ,,تدكر من مو كانت كتعاير فيها زير على الفولون و بقا مغمض عينيه وهو كيتخايل من كان هازها فشلانة بين يديه,,تدكر البارح من كانت فرحانة و كتمخشش فيه دوزو احسن ليلة ماعياوش وهوما منغامسين في علاقتهوم الحميمية و اصواتها و كلماتها و من داعب ليها كرشها كتبدا تضحك حتى كيتغمضو عينيها و تبدا تركل حتى ركلاتو وطوعاتو ناض من الارض لقاها كتطل عليه من تحت ليزار زعما حشمانة حيد عليها الغطا و لقاها حابسة الضحكة و سادة نيفها باش متديرش الحس ووجها حمر شافها بديك المنظر و بدا يضحك حتى هو و هي عاد مطلقاتها و دار راسو كاعي و جات تحزر فيه و تلحون عليه حتى كملو ليلتهوم ودابا كان ايخسرها هي وولدو و كان ايتحرم من ابتسامتها تدكر من طاحت و غيبات و من نادات باسمه كتناجيه شد فصدرو لي تزير عليه سمع صوت الحس ديال لوطو عرف ديالمن خرج ببرود لقا امير ووهيبة وراه كيجريو عندو
امير;شنو كاين دوي (شاف الدم)شنو كاين اانيس فين هي سندس
انيس;كون ماجيتش في الوقت كنت انفقدها هي وولدي اامير كانت اتموت
وهيبة كتبكي ;فين هي اهئ اهئ فين ختي
شاف فيها و تنهد;ناعسة دابا ماغتفيق حتى الغدا
هز راسو بانت ليه مو و باه و عبير و سليم كيجريو عندهوم وهو يعقد الغوباشة ديالو مشا عندهوم;شنووووووو كتديييييرو هنا؟
محاسين بغات تحط يديها علا دراعو و نترها;ولدي اهئ اهئ
حسن;انيس ماتديرش هاد الحالة
انيس بالغوات;اش بغيتي ندير ها؟مراتي لهيه (كينعت لداخل)بين الموت و الحاياة كون ماعتقتهاش علم الله اش كان غايطراااااا
سليم;تهدن اصاحبي ياك دابا بيخير
انييس;ماتقوووووولش لي تهدن ماتقووووووووولش لي تهدن,
انيس;وهاديك للداخل مرااااااااتي و لي فكرشها ولدييي,مي كانت تحتااااارمني و تحتارم قرارااااااتي,,,ماتعايرشهاااااش ومتقوووووولش ليها دييييك الهضرة ,سييييييير هداااا ابي رقراق و شوووف لوطو كيف رداتها (شدو من دراعو)ولا اجي نوريك حالتها هي نيت
حسن;انيس
انيس غادي بي باه للداخل و كلشي وراه;هانت غتشوف مي اش دارت
حل باب الغرفة طوعو;شووووووووف
حسن لفت وجهو هو يتصدم كانت سندس ناعسة و دايرين ليها اوكسيجين و السيروم في يديها الليسيرية حيت الليمنية دايرين ليها لفاصمة حتى لدراعها مشا جهتها و هز الغطا ;شوووووووف
كانت رجليها الليسرية كلها جروح و محرووودة و الليمنية كانت ملوية عليها الفاصمة حتى النص ديال فخادها عاود غطاها ;بغيتيني ندير لازردة هاااااااا نقز بالفرحة حيت بسباب هضرتها وصلات لهاد الحالة ؟
سليم;هي ماعرفاش سندس عدوانية و غتدير هكا
انيس ;ااييييي وحدة في بلاصتها اتدير هكا و كثرررر هي من اللول ماتقووولش ليها هوكاك ,,,باركة عليها شوفي فين تلصقيه وولد من هداك و شحال من واحد داز عليك واش انا هنا بنت ليك زااااامل كنقود في مراتي للزوامل و تجي تقسم معايا ؟ولا كيدوزو علينا بجوووج ولا شنوووو
حسن;انييييييييييس حتارم راااسك
انيس;انحتاااارم كريييي من كيكون الاحترام متبادل ,,ولكن من تهيني في داري و تطعن في رجووووووولتييي لاااااااااااا
محاسين كتبكي;انيس اهئ اهئ متقولش هكا انا راه ماماك
انيس;وحيييييت نتي الوليدة مالقيييت كيف ندييير ,,,كون كان شي حد اخر كوووون قبرت ديلموووو و محيتو من الوجود ولكن كيف قلتييييي مااااماااا (ضرب في كثف سليم و خرج من الغرفة و تبعو امير كيجري )
وهيبة شدات فمها;اهئ اهئ اهئ ختييييي اهئ اهئ
عبير عنقاتها;ششش صافي تهدني هاديك راه سندس دابا توقف على رجليها اهئ اهئ
وهيبة تخشات فيها;اهئ اهئ شحال قدها تبقا توقف على رجليها اهئ اهئ حنا ماقلنا رجعات لينا اهئ اهئ وتشافات و بابا وقف على رجليه اهئ اهئ يلا شافها بهاد الحالة ايمووت اهئ اهئ
عبير;شش ماعندو منين يعرف دابا تولي مزيان
محاسين اهئ اهئ ولدي ولا يكرهني
حسن تنهد;نتي عارفاه كيف داير دابا يبرد و يتنادم معاه الحال
محاسن حركات راسها بالنفي;اهئ اهئ هاد المرة غير شوف البنت اهئ كيف دايرة حالتها الصباح كانت فحال الوريدة اهئ اهئ وانا كنت انقتلها و نقتل ولدها اهئ اهئ عمري يسامحني
سليم ;يله نخرجو من هنا و هضرو البنت راه خاصها لراحة و حنا ردينا هاد الكلينيك زريبة زيدو خرجووو
حسن جر محاسين و خرجو و وهيبة خرجات مع عبير اما سليم شاف في سندس و تنهد و سد الباب و تبعهوم
دازت ديك الليلة صعيبة على كلشي انيس مانعس ماشافو مرة داخل الغرفة ديالها مرة يخرج الجردة يشم الهواء حتى بدا يطلع النهار عاد دخل عندها تكا حداها في النامسية و تخشا حداها حاط راسو على صدرها و يديه في كرشها و نعس
**جا الصباح و بدات سندس كتحل عويناتها ببطئ دورات عينيها في الغرفة كتكتاشفها عرفات راسها فين بتاسمات بسخرية حسات بشي حاجة تقيلة و بحال يلا مربوطة نزلات عينيها بان ليها انيس مخشي فيها بتاسمات و هزات يديها بشوية يله اتحطها على شعرو و هي تكمشها و رجعاتها ,,بقات كتشوف في السقف كتنفس بالجهد بدات كتحرك باش ينوض عليها وهو عاد مازاد تمخشش فيها عاودات حنات راسها فيه كتشوف فيه و تنهد بقا هكاك حتى حسات بيه بدا كيتحرك و يحل عويناتو هز راسو جهتها لقاها كتشوف فيه دغيا بدلات وجهها الجهة اخرى ناض كيحك فيه عينيه شاف فيها بابتسامة;فقتي احبيبة ؟
دخلات للطواليط و سدات الباب ,,خلات كلشي مصدوم اكيشوفو في بعضياتهوم
جات عبير كتجري هازة بلاستيكة في يديها و دقات عليها في الطواليط ;سندس حلي
حلات سندس خدات الميكة و عاود سدات عليها خلاتها اكتشوف
حسن;توما فهموني
انيس شد فراسو;هدا هو الهدؤ قبل العاصفة
محاسين;انا انتكلم معاها
امير;مغتسمعش ليك دابا ,,,مهما ساكتة ,,الا و ساكتة على خزيت يلا هضرتي معاها اتصدق قايلة ليك شي حاجة ,,وكتفاداك باش ماتهضرش خليوها بينما بردات
انيس;كيففاش بغات تمشي للدار واش هادي حماقت؟
امير;انيس نت عارفها كيف دايرة ,,بلا متكبر الموضوع انا انديها معايا للدار حيت ماخاصش الواليد يشوفها ,,يلا شديتي معاها الزكير عاد اتزيد فيه خليها بخاطرها
انيس ;اوووووف (ضرب يديه مع حديدة ديال النامسية و خرج)
من بعد خرجات سندس لابسة كسوة موف ديال الحاملات حد الركبة مفخفخة سميطات جامعة شعرها سفنجة و محيدة الفاصمات كاملين كلشي بقا حال فمه ,مخيطة جيهة ديال صبعها و نازلة الخياطة حتى المعصم ديالها شي عشرة الغرزات عاد كينين كدمات في يديها مرافقينها و يديها عامرين كدمات محفوورين و كبار ولكن مامخيطينش حتى للدراعها اما رجليها لليمنية كين خط من جهة ديال القدم حتى سيقانها غارق و جرحة حداه مغرزة شي ثلاثة الغرزات و كدمات جهة ديال الركبة حيت من خشات رجليها غرقاتها بقاو اكيشوفو فيها مدهوشين محاسين سدات فمها من هول الصدمة وهيبة شوية و تسخف اما هي ماتسوقاتش ليهوم بدات كتمشى عادي بحال يلا ماساري والو و هوما متبعينهوم بعينيهم مدهوشين من هاد امخلوقة خرجات من الغرفة لقات انيس واقف متكي على الحيط مربع يديه شافها و هو يوقف بالزربة بقا كيطلع فيها و ينزل لقاها كلها ضرابي و خيوطة بحال السدادر ,,,تصدم بقا واقف ماعرف باش يتبلى مامصدقش هادشي لي شاف دازت من حداه تخطاتو مادواتش معاه ولا عبراتو و تمات غادة خارجة لبرا تبعها امير كيجري لقاها واقفة قدام لوطو ديالو حل ليها الباب و ركبات تبعاتها وهيبة و عبير للور ركبو ,,هي تكات على الكرسي و رجعات راسها اللور و غمضات عينيها سمعات الدقان في الزاج حلات عينيها لقاتو انيس;سندس ؟
ماجاوباتوش دورات راسها جهة اخرى و كلاكسونات على امير لي واقف برا باش يجي سمعها و شاف في انيس بحزن و ركب دارت حزام السلامة و رجعات تكات و غمضات عينيها امير ديمارا لوطو و زاد خلاو انيس واقف كيشوف مافاهم تا وزة حط سليم يديه على كتفو;ماعندك مادير هي خاصها شوية ديال الوقت كلشي جاها في دقة وحدة
انيس;الوقت الوقت الوقت كلشي على الوقت ,الله ينعلم الزامل بو هاد الوقت لي يدير فيا هكا حيد علي (ركب في لوطو و زاد)
محاسين ;اهئ اهئ انا السباب
حسن ;زيدي يله نتحركو انا عييت بعدا باغي غي النعس
سليم;يله
ركبو تاهوما في لوطو و زادو
وصلات للدار امير حلات لوطو و نزلات طلعات في ادروج كتعرج شوية و دخلات واحد الغرفة حلاتها كانت كلها بالبيض حتى من الفراش دورات عينيها في ديك الغرفة و تنهدات سدات لباب و زادت جوج خطوات القدام و هو يتحل لباب بجهد;اش هاد الفعايل ديال الزب ؟
دورات وججها;انيس ؟شنو باغي ؟
جا عندها بغا يشدها من دراعها مالقا منين يشدها;شووفي نتيييي؟مخليا دارك و راجلك و جاية هنا ؟واش باغا تحمقي ديلمي ولا شنووو؟
انيس ضرب يديه مع الكوافوز حتى قفزات;ماغادييييش ,,خاصنا نديرو حل لهاد القلاوي ماشي نبقى تابعك نتي حتى طرطقي لي عرق في راسي
سندس;وشكوووون قاليك تبعني ,,سير عند حبيبة القلب ,,اش سميتها ؟اه ياسمييين سير عندها لاش جاي عندي
هز يديه بغا يضربها و هو يكمشها;سندووووووووووووس حبسيييييييي راه غنفوت فيك شي دقة ,,,هاديييك مابيييني و بينها والو ورااااه عطيييتها خووووو جوابها في الداااار و قدااااااااامك شنوووو باغا مازااااال؟
سندس;تييييقاااااار راحة ديال الباااااال هادشي لي باغا,
انيس;شنوووووو طلبتيييي وماعطييتكش ,,,اي حاجة حليتي عليها فمك كتلقايها ,,,كنحيدها منييي ونعطيها لييك موفر ليييك كلشييي مامخصك من وااااالوووو عاطييييييك قيمة كثررررر من كتستاحقي ,,مييييي درت فيها و مخاصم معاها على قبااااااالك خدمتي مخلييييها و بارك حداها تيتي نيني ,,شركة مخاليها سلييممممم باش نبقى مقابل ستي الحسن شنووووووو بغيتي مزاااااال شنوووووووو؟
سندس;ماااابغيييييت منننك وااااالوووو,,انا ماطلبتش منككك دييير هادشييي ,,,انا قادا براااااااسييييي,,,من ديما انا هكاااا ماماحتاجاش ليييك ,,,كادب علييي,,و ماقايلش لي بلي كيقلبو علي ووليت جنرال ,,زايدها بقحبة جاية للدار كتلحون و تبوس قدامي ,,حبيبي طلع لفوق لبس عليك شي حاجة (كتعيبها)خايفة عليييك مسكييينة ومك مامخليا ماقالت,,,بسيييف انا لي قحبة و مزوجة بييك ماشي فحال لالياتي بعزهوم و بفور يا شيفووور ,,اي واححد ايقووول علي ديييك الهضرة ,,سيد ماقايلهاش لواليديه و مزوج بي شنو بغيتيهوم يقولو هاااااا؟
انيس ساعر;سندووووس را غانننن (جمع يديه )ماتخوريييييش الهضرة و تفهميها من طرمتها ,,,الولييييدة درت فيها و خاصمتها بسباااابك و اي واحد غيدوي نحوي موووو ,,,نتي مراااااااتي بالشرع و القانووووون شنوووو باغا مزااااااال
انييس;انا لي معيييك دااااابا هاااا وليت انا لي معيييك ,,انا لي مامخلييت تاشي قنت ماقلبت عليك دخلت في بوطو ديلمو باش نلقاااك هاااا؟وليييت انا لي معيييييك ؟رااااه انا لي عيت منك و من مشاكيلك و من فشوشك حتا النعاااس مابقيتش كنشوفو معاااااك كل نهار نقول اتديير شي مصيبة كلمة وحدة جوج تبداي تضربي و تهرسييي ناس مزوجين و مرتاحين و انا مزوج بمشكيل ,,قاع الكميساريات و السبيطارات ولاو كيعرفووني بسبابك,,,ندممممممت على النهاااار لي فكرت فشي زواج ولا قلاوي مالني على حالتي كنت مهااااني مع كريييي عايش الحياة قلت اجي اسي انيس و تزوج ,,خاص ديلمي لي حويني انا,,كل نهار مشاكيل و صدااع وانا خاصني نزل الراس شكووووون اتكووووني نتي في ملك الله باش نبقا تابعك مليووون وحدة غيييرك زييييين منك و عقليييية عليييك يبغيو غا نظرة منيييي يعيشوني ماااااليييك,وانا تابع نتي ,,هاد القلللللب لي غايجيب لي الدل انحيد الزامل بووووه و نخوي في ديلمو ليسانس نشعل فيه العااافية ,,السيدة شافتني ساكت بغات تطلع لي فكري,,شوفي نقووول ليييك من هنااااا,,,يا إما تمشي معايا دابا للدار و غتحطي طرمتك الارض و تسمعي الهضرة بحال بحال لالياتك حتى ديك الخدمة لي غتفرعي لي بيها كرييييي اتنسايها,,,يا إمااا نساااااي عليك شي حد سميتووو انيييييس ختااااااريييي
سندس بركات في النامسية بصدمة من بعد ماسمعات كلام انيس ماكانتش متوقعة منه هاد الهضرة (بيني و بينكم قصح معاها بزاااف)كيفاش يقد يقارنها مع غيرها و يقول ليها حياتو كانت معاها عداب هي لي تخلات على كلشي على قبالو ,,شكون الظالم و شكون الضحية دابا ,,و زايدها كيتشرط هزات فيه عينيها عمرين دموووع;يعني كلشي كان كدووب ,,حياتك عدااب معايا ياك؟كتقصد بلي انا هي مولات المشاكل
انيس بالغوات;اااااه ,,نهار عرفتك وانا حياتي عدااااب كحلة ,,,,ماكنعرفش الراحة والنعااااس مابقيتش كنشوووفوو وليت انفكر نخممم مالني علا هاد الحالة ,,,طلعت لييك الشاااان بلا قياااس ,,دابا طلقيني الفراجة ماغانبقاش واقف هنا نتاقر معاك بحال العيالات يا إما تهزي دابا تزيدي قدامي يا إما راكي عارفة سربي
سندس بعيون دامعة;ايوا مابقا مايتقال سير اسيدي الله يهنيك ,,,رجع عييش حياتك,,و نعس مزيان و تغطا لايضربك البرد,,,انا ماراجعاش
انيس;هدا هو اخر قرار عندددك؟
سندس;القرار كان علي ناخدو شحال هادي ,,ما دابا اكنضيع الحجرة ,,,,اه هدا اخر قرار عندي الله يهنييييك
انيس;اوووك مقلتي عايب الالة براااتك اتوصلك ,و المبلغ لي بغيتي قوليها المحامي يعطيييك ,,و انا ماشي ولد القحبة نحيد ليك الولد غايبقا معاك ولا بغيت نشوفو ماغتمنعينيش واخا ماتستاهليش تكوني ام بزااااف عليييك ,الاومومة (طلعها و نزلها و زاد ردخ لباب)
ديك الردخة ديال الباب كانت هي السبب باش تفيقها من سهوتها وقفات لمدة كتستوعب شنو سرا و كترجع السينته اللور ,,كلام انيس جرحها بلا قياس كيفاش قد يقول ليها هاد الهضرة ,لهاد الدرجة حبهم ضعيف ,,لهاد الدرجة هو كارهها ,,يلا كان هو قاسى معاها فحتى هي ماكانتش فرحانة ولا كتغني بجوج كانو كيتعدبو ,بجوج كانو كيتألمو ,,كون جا يعرف شنو فقلبها يتحرق و لا يمووت وهكاك كتحاول تبدل معاه و تخليه فرحان ,شنو دنبها هي لا كانت هكاك و كبرات و ترعرعات بديك الطريقة ؟ضحات بكلشي فسبيلو و في الاخير تجي مه تقول ليها ديك الهضرة اصلا هضرة ديال مو بصح اي وحدة تشوف بنت مزوجة بلا عرس بلا والو حتى بلا خبار الواليدين اتقول ديك الهضرة علاش مافهمهاش ؟هي ماكانتش مقلقة منه ,,كانت باغا وقت تقاد فيه نفسها و تراجع افكارها,تحاسب نفسها ,هي اه كانت مجروحة حيت خبا عليها و ديك ياسمين دارت هكاك ولكن عارفاه كيبغيها و مايقدش يخونها ,,بغات تبعد باش ماتجرحوش عارفة نفسها متقدش تحكم في راسها و الدليل كانت اتموت هي وولدها في لحظة غضب لحظة لي كتجيها بلا شوارها ,كتخرج على السيطرة مكتبقاش تحكم في الجسد ديالها كتبان ليها الدنيا كلها حمرا ,,باغا تضرب تشوف الدم باغا تهرس ,,هادشي لي كبرات عليه العنف العنف العنف هو محور حياتها ,,كان اي حاجة عندها بالعنف حتى حوارها بالعنف ,,حتى نهار لي شافتو و دق قلبها ليه ,,ماكانتش باغا ترتابط بيه حيت عارفة راسها ,,عارفة راسها واخا تبقى تخبي تخبي ايجي شي نهار و غيخرج داك الوحش فيها و غيبان ,,الوحش لي ماكيرحمش ,,قلبها كان ميت حجر و هو لي حياه و دوبو ,,حاولات و حاولات وحاولات و ديما كترجع نقطة الصفر ,,,يلا كان هو عيا منها فهي عيات من نفسها لي كل مرة كتأديها و تأدي الناس لي حايطين بيها ,وماعندها كيفاش دير ,,كتصارع نفسها في كل لحظة كل ثانية كل دقيقة باش تكبت جموحها و عدوانها ,,وهو كيقاومها باغي يخرج باغي يهدم ,,كانو مسمين عليها في الاكاديمي شارابوفا المهدمة ,,اي حاجة فيها الخطورة و فيها الالم و فيها الدمار كيدربوها عليها ,,بحال الالة المدمرة ولات ,تعودات على الالم ولا كيجيها بحال هر ,,ماكاتحسش ماكاتشعرش,,ماعرفش بلي هو لي خلاها تخرج من عالم الظلمات للنور و حل ليها عينيها و قلبها,,واخا الظلام ديما تابعها فحال ظلها باغي يسيطر عليها ,,,باغي يرجع توحشها ,,الظلام كيعشقها باغي يستحود عليها و كيدير كل طاقتو باش يقبطها ,,وهي كتقاوم كتقاوم ,يلا خرجات على سيطرتها فالامر ماشي بيديها ,,,,هضرتو جرحاتها بزاااااف و بزااف عمرها كانت تصور بلي هي نقطة كحلة في حياة انيس و رداتها تعيسة بعدما كان فرحان كيف قال ,,و نادم حتى تزوج بيها و مليون وحدة ينزلو على رجليه ,,مافخباروش هو رفضات مليون واحد على قبالو وواخا يجيو مليون خرين اتفرضهم حيت تاحد ماقد يوصل ليه و لا غايوصل ليه بكل بساطة تاحد مافحالو,,عمرها قارناتو مع شي حد ولا قللات من قيمته ,,ديما هو كيبقى هو الملاك لي منور حياتها و دايراه في مرتبة ماكتصورش و تاحد مايترقى ليها بكل بساطة مربع على عرش قلبها,,,حسات بالدوخة و هي متكية على الحيط مسندة عليه و دموعها نازلين دمعة دمعة كل وحدة واخدة وقتها في النزول ماكتزربش كتوقف في طرف عينيها لمدة حتى كتقال و تعمر عاد تنزل حطات يديها على اكوافوز تسندات على الكوافوز كتحاول توقف واخا رجليها خواو بيها و عينيها تضبو مابقاش كيبان ليها حيدات يديها من كوافوز بغا تخطي باش توصل للنامسية زادت حطوة و بغات ترمي الثانية و هي تطيح على وقفتها مغيبة مرمية في الارض
عند انيس لي غا خرج من البيت نزل في الدروج كيجري ساعر لقا وهيبة و امير و عبير واقفين في الصالون مصدومين اكيد سمعو الهضرة كاملة حيت صووتهوم كان واصل تالين
امير ;انيس
دفعو;حيد تقود من طريقي (وزاد ركب في لوطو و كسيرا خلا العجاج وراه ,غادي و كيمسح في وجهه بغضب ولا حمر و عينيه جمرة و عروق يديه برزو و عنقو تنفخ غادي و كيضرب في لفولون ماعرفش فين غادي غا سايق و يتمتم بفمه و يعض صبعو يبرد فيه غضايضو حتى ضرب فران سيك بجهد وقف لوهلة مصدوم كيرجع بالاحداث شد فمه من هول الصدمة من تدكر هضرتو و كلامو الجارح ليها و ووقفتها و نظراتها ليه وهي كتسمع ,حس بقلبو تقبض عليه من تفكر اخر كلامو ليها و نطق بكلمة لي كان يعطي عمرو ومايقولهاش الطلاق ,,الطلاق ,,كيفاش قالها كيفاش عطاتو خاطرو يقول ليها ديك الهضرة و ينقص من قيمتها لي هو حارب بزااف على شانها ,,ماكانش باغي يقول ليها ديك الهضرة ماكانش باغي يخرجها ولكن استفزاتو بتعامولها في الكلينيك هو خايف عليها وهي ماعاطياهش قيمة ,,بحال يلا ماكاينش ,,زادت و خلاتو,,ماعارفاش شحال كيبغيها و خايف عليها مستاعد يوهب روحو على قبلها و يحارب الدنيا و راه كيحارب على قبلها ,مخلي خدمتو و مشاغيلو و بارك حداها غا باش مايحصسهاش بالنقص وكيبين ليها بلي ديما معاها عمرها فارقاتو واخا في احلامو مسيطرة عليهوم ,,ديما ماكينعس حتى كيضمها ليه و كيستمد منها القوة باش يواجه غدا ,,واخا عارفو ايكون كحل ,,وماعاطيش الامر اهمية ,,كيقول المهم معايا ,,اه هو بغاها هكاك بتمرودها و طغيانها بقاع صفاتها السيئة بغاها بسلبياتها قبل من ايجابياتها ,,صبر عليها في اسؤ حالاتها كان معاها عمرو تخلى عليها,,كيبغيها بل كيعشقها و كيموت عليها,,قال الزواج هو لي غيهدها و غيبدلها ساعة بقات كيف ما هي ,ماتغيراتش ,,ولا باغي غي يتهنى و يدوزو لحظة بيناتهم بلا مشاكيل بلا والو ,,ولا كل نهار خايف يفقدها حتى ولا موسوس ,,مرض في صحتو مابقاش كينعس ولا ياكل ,,عاطيها غي التخمام ,,هادشي كامل ماحاساش بيه هي حيت هي ديما كتشوف انيس لي باغي يضحكها و يواسيها ,,ماكتشوفش انيس المهموم لي مخبي ورا ديك الابتسامة ,,عيا و تقادا جهدو ,,ماعرف مايدير ,,عارفها اتكون تجرحات بكلام مه اي بنت ماغتبغيش تسمع ديك الهضرة واخا بالضحك,,,و زاد دابا هو بهضرتو عمرو كان ناوي يخرجها ولا يقلل منها و قال اسؤ كلام لي كون قالتو ليه هي كون قتلها ولا دوز عليها ,,مافهمش كيفاش قارنها بغيرنها و عايرها و سبها وقال حياتو كانت عداب و جحيم ,اه ماينكرش بلي فيها المشاكيل ولكن فيها اوقات بزااف زوينة و دكريات جميلة ,,كيفاش قد يقول لمحبيبتو ديك الهضرة و يخرج كلام كيف السم بلا مايشعر براسو ,,دابا تأكد بلي خصرها و عمرها تسامحو ,,دوز كونطاك لوطو كان باغي يرجع عندها و يقول ليها سمحيلي لي ماقصدتش ولكن كيبرياؤو كان قوى ديك الساعة يلا كانت تاهي مجروحة فحتى هو مجروح ,,ديمارا لوطو و كمل طريقو في اتجاه دارو
****
من بعد ماخرج انيس خلا كلشي مدهوش فيه مامتيقينش بلي هدا هو انيس لي كيموت في سندس ,,ماصدقوش ودنيهوم و داكشي لي سمعو خصوصا امير ,,لي دار المستحيل باش يجمعهوم بعضياتهوم شاف في وهيبة بعينيه كيتأكد من صحة هادشي لي سمع و شاف لقاها حتى هي حالة فمها ومامصدقاش دور عينيه عند عبير لقاها بركات في الفوطوي على وقفتها تاهي مصدومة كتشوف في الفراغ هي لي مقربة من سندس و عارفاها باش كتعاني وعارفة داك العنف ديالها و قاع الغضب ديالها جاي من داخلها ماكتقدش تسيطر عليه,فهمات بلي هي كتعدب راسها و تعنف نفسها باش متجرحش ,لاخرين,,كتخبي و تجمع في قلبها,و في اسؤ نلحظاتها كتبان قوية رغم هي ضعيييفة من داخل,تفضل تجيبها في راسها وما تجرحش حبابها,نهار سمعاتها في لوطو وشكات عليها ,,,,و بكات شافت طريقة تعبيرها ,,كانت طريقة عنيفة مغلفة بحزن و أسى شخصيتها مظلمة وعميقة ماعندهاش القاع تاحد مايعرف يوصل ليها ولا يلمسها ,,هي قدات تفهمها من خلال تعاملها و هاد الوقت لي دوزات معاها قدات تفهم شوي منها و تفهمها دورات راسها يمين شمال بعدم تصديق و ناضت كتجري كتنقز في الدروج حلات باب الغرفة بجهد و تم فين كانت الصدمة لقاتها مغمية في الارض مليوحة نزلات لعندها هزات راسها كتطبطب على حناكها ;سندس فيقي ,سندس فيقي ,,اميييييييييييييير (غوتات على حر جهدها)اميييييير عتتتتتتتتق
امير اسمعها تهز من بلاصتو وطلع كيحنقز في الدروج و وراه وهيبة مخلوعين طرع لباب ووقف لوهلة كيشوف و عينيه خارجين وجهها صفر وتحت عينيها زراقو والفم بيض ماكيناش في الوجود مرخية بدون حراك ;اش عندها ؟مالها ؟
امير مشا عندها كيجري;حيدي حيدي (هزها بين يديه و نزل كيجري بيها في الدروج حطها لور في لوطو ركبات حداها عبير مسندة راسها على ركابيها و كتبكي و وهيبة القدام زاد باقصى سرعة الخوف كان باين عليهوم كاملين بالخصوص من عبير حطات يديها على راسها ولقاتو كينزف من لور هزات يديها بصدمة و كتشوف مامتيقاش;اميييير
شاف فيها من المرايا و خرج عينيه عفط عفطة وحدة ماوقف الا قدام باب ديال الكلينيك نزل بسرعة البرق و حل لباب عاود هزها بين دراعو فاشلة مافيهاش حس الحياة ;وااافييينكممممممم ,,,جيييبوووو شي باييييااص ,,,
سمعو صوتو لي كيزعزع صداه وصل لتالين جاو كيجريو لناحيتو حطها في الباياص و تمو غادين بيها ديريك نحو غرفة ديال الفحص كلشي كيتجرا ,,دخلو و سدو عليهوم الباب خلاوهم واقفين مسمرين
وهيبة تلاحت على امير;اهئ اهئ ختي اتمووت ياك اهئ اهئ
عنقها و عينيه مسمرين في غرفة العمليات;ششش ماغيوقع والو شهش تهدني
كيهدن فيها وهو خاص لي يهدنو ,,لام راسو على ختو لي ماقادش يحميها ,,هو السبب لي وصلات ليه لهاد الحالة كون ماقتارحش عليها تدخل الاكاديمي كون مسراش هادشي ,,كون دابا مرتاحة واخا العنف ديالها وكلشي الا وهوما كانو مبعدينها على المشاكيل و ماكيقلقوهاش ,,كانت عايشة حياتها بين الاكاديمي ديال التدريب و لافاك ,,منغامسة في عالامها ,,حتى نهار الكحل لي حطات فيه رجليها في المعسكر ,,و المشاكيل كينصابو عليها من كل جهة لام نفسو على النهار لي حط يديه في يد انيس و وافقو على الزواج حتى ولات ختو كتهان و هو ماقاد يدير والو حيت بكل بساطة مت صاحبو لي هي عدوزتها لي هضرات ماشي حد غريب كون كان شي حد اخر كون قتلو ولا غبر لبوه شقف ,,لام نفسه على اي لحظة كانت كتضرب و كتجي للدار كلها دمايات و ماوقفش معاها كان ديما كيقول ليها الضربة لي ماتقتلش كتقويك ,,هاهي دابا قوية ماكيقد عليهاغا لي خلقها ,,كل نهار كتوقف على حافة الموت و ترجع ,,كل نهار عزرائيل واقف ماد يديه قدام باب روحها كينتاظرها اتخرج و يقبطها شحال قدها تقاوم شحال قدها تهرب من حبال الموت لي ملاحقها فكل لحظة فكل ثانية ,,بحال ظلها,,لام راسو على من كانت صغيرة كانت كتبكي ,,,كيقول ليها البكا غي للضعفاء ,خاصك تبكي بنادم قبل مايبكيك ,,هاهي دي كتبكي بنادم وكتبكيهوم هي في المقابل دم ,,لام راسو على كل جرحة تجرحات في صغرها و ماداواهاش ليها,,كيقول ليها تكبري وتنسايها ,,هاهي ولات ماكتحسش بالالم ولات لا متألمات بحال يلا ناقصاها شي حاجة,,لام راسو من قاليها فتحي قلبي و خلي الحب يزورو,,هاهي فتحاتو دابا ولات كتعاني و تقاسي بسبابو عمرها عرفات الراحة ولا السكينة ,ابتسامتها لي كانت كتبان من شحال وشحال,,كتسلب القلوب بيها,,ولات منعادمة مكتبانش,,عينيها مشا منهم داك البريق لي كان فيهوم ولاو كيبانو غي جوج نقطات مغايرين في لون كتخلي الواحد يتيه فيهوم ومايعرفش محتاواهم ,,لام راسو ولام راسو ,ولكن ماعندو مايبدل دابا هاهي دي ثاني في الكلينيك و في غرفة العمليات الاطباء كيخرجو ويدخلو,,,نفس السيناريو كيتبدل ونفس الاحداث غي المكان والاشخاص لي مبدلين و الزي حتى هو ,,
دازت ساعتين ديال المكانة بالكمال و التمام وهوما باقين واقفين قدام باب الغرفة كينتاظرو امتى ينزل الفرج و يسمعو شي خبار على الاقل يطمن خاطرهم عليها ,,,تحل لباب الغرفة و خرجات الطبيبة عرقانة و سخفانة بحال يلا كانت كتجاهد وقفات حدا الباب كتاخد انفاسها حتى لقات امير واقف عليها ;شنو عندها ؟شنوو عندي ختي
الطبيبة بتعب;مانقد نقول ليك والو دابا ,,الحالة لي جات فيها المريضة صعيبة و خطيرة حنا درنا لي علينا و شي لاخر راجع ليها ,,هاد ربعة و عشرين ساعه الماجية هي لي غتحدد لينا المصير ديالها هي و الجنين
امير طلق يديه بصدمة;ككككيفاااش
الطبيبة;المريضة جسدها ضعييف و حالتها النفسية مأزمة ,,,و عاد ديك الدقة لي جاتها كون ما حفض الله كانت اتفقد البصر ديالها,,الحمد الله من جبتوها في الوقت المناسب كون تعطلتو شوية (تنهدات)دعيو معاها راها محتاجة لدعاويكم (وزادت خلات كلشي مصدوم وهيبة تكات على الحيط شادة فمها من الصدمة و عبير شدات راسها و بركات اما امير ماعرف مايقدم ولا يوخر تكا على باب الغرفة ديال الانعاش رجليه مابقاوش قادين يهزوه تيلي ديالو كيصوني جبدو لقا باه لي كيصوني شد في فمه و عينيه محجرين بالدموع وكيشوف في النمرة يديه كيترعدو لاح تيلي و نزل الارض كيبكي و كيتنخصص بل كيشهق بحال شي دري صغير شد وجهو بين يديه و درقو وبدا كيبكي كيبان ليك كتافو كيتهزو و يتحطو بعد يديه وججهو البيض ولا حمر و عينيه حمرين سايلين بالدموع وهيبة مقابلاه لا تقل عليه عبير تكات على الحيط باركة في الارض مسرحة هازة راسها الفوق و كتبكي في صمت و تعض قنانفها و كتدعي في خاطرها داز الوقت و تعاشات العشية و طاح الظلام و هوما باقين في نفس الكولوار غي كل مرة مبدلين الطريقة مرة واقفين مرة باركين مرة معانقين كيبكيو كل مرة كتخرج ممرضة كيمشيو عندها كيتجاراو على امل انها فاقت كتشوف فيهوم بنظرة حزينة و كيرجعو خايبين ثاني الوقت الوقت هو كلشي فهاد اللحظات كنحسو بيه كيطول,,علاش ماكيتوقفش في اللحظات الجميلة و كيمر بسرعة مرور الكرام ,,علاش كيتوقف غي في لحظات الانتظار و الشوق ,,كيحصسنا بطعم الثواني و الدقائق لي كيمرو ,,كيعاقبنا على كل لحظة جميلة مرت ,,كيخلينا نسترجعو دكريات و لحظات و مواقف ,,علاش الوقت اناني؟وكيعاقبنا بجحودو و كيبرياءو بحال الانثى متقلب المزاج ,,مرة يعطيك مرة ياخد منك ,,دازت الوقت طويل بالنسبة ليهوم مانعسوش ولا شافوه كل واحد فيهوم مرمي في القنت كيحاسب نفسو و يعاتبها ,,بدا الفجر كيطلع و الشمس بدات كتبزغ باش تعلن عن مجيئها بالصباح ,,تشعلات في الغرفة بولة حمرا شي لي خلا قاع الاطباء يهرولو في اتجاهها ناضو مسعوقين و العرق نازل منهم كيترعدو دازت شي عشرين دقيقة و هوما واقفين علا احر من الجمر عاد تفتح تاني الباب مشاو بثلاثة لاصقين علا الطبيب لي كان فيه بيرمانونس ;شنو شنو وقع
جاوبهم بنبرة هادئة;ماعندوم مناش تخافو المريضة تجاوزات مرحلة الخطر و بدات كتستاجب العلاج الحمد الله على سلامتها
امير ;والجنين يعني شنو مافهمتش
الطبيب;قدرنا نسيطرو على الوضع ,,,خاصكم تبعدوها على اي حاجة تقدر تقلقها و لا تعصبها بعدوها نهائيا من الضغط ,,خاصها الراحة التامة ,,والراحة النفسية علاش كندوي ,,يلا جاتها غي صدمة خرا ,,قلبها ماغيتحملش كنصحكم تبعدوها من المشاكيل و الصداع لحاجة لي غتأزمها بسعو منها ,,راه هادي بحد داتها معجزة من باقين عايشين ,اتبقا ليوم في الانعاش ,,حتى الغدا عاد انحولوها الغرفة خاصة ,عاد يمكن ليكوم تشوفوها ,,خليت ليكوم الراحه و زاد
دارت عندو عبير بفرحة و عيون دامعة;الحمد الله الحمد الله (تنهدات)
**عند انيس دابا لي ناعس في لوطو و مستف حاط حداه في الكرسي شي سبعة ديال القراعي ديال الشراب مرجع الكرسي اللور و حاط رجليه على الفولون ديال لوطو وعينيه شبعة ناعسين حمرين و باينين باكين كيشوف قدامو في لاكوط تاحد ماكين كيتسمع غي صوت المواج و صوت تنهيداتو في لوطو ,,شاد قرعة في يديها الليسرية قربات تسالي و حاط يديه الليمنية على قلبه كيراجع دكرياتو جات لحظة لاول مرة شافها فيها في المقهى كيفاش كانت باركة و كيفاش كتهضر و تعبر و من جا وقف عليها هداك كيفاش وقفاتو على حدو و خلات القهوة كلها تضحك عليه و خلات قلبه يخفق ليها ,,جات في عينيه اول قبلة من شدها في الطواليط من حصلها هي و لؤي ,,اول رقصة في حفلة رأس السنة كيفاش كانت كتبان بديك السوارية الزرقة سلبات قاع القلوب اما قلبه خرج و مشا عندها ,,اول قبلة تحت المطر ,,اول هدية عطاها في حفلة عيد الحب ,,من ركب ليها الخاتم ,,من كانو كيتزلجو في ميشليفن وكانت كتغوت و خوفانة وهو كيضحك عليها و متبعها كيتزلق ,من ناعسين و مفرشين ظهروم للثلج و هي في حضنو من كانو كيتضاربو بالثلج ضحتها واصلة لفين و عينيها كيلمعو و كيتلونو من كتكون فرحانة كيوليو ناصحين بزااف ووجها كيولي حمر و سنانها بيضين و غمازتها كتبرز خلاتو يسهى فيها ,,من لبسات اللبسة بحال نونوس و سمى عليها موكا موكا كانت اول مرة اتنعس في حضنوو,,ماكرهش يرجع بالزمان اللور مايرجعوش من افران يبقاو تم ,,جات في بالو اول مرة ايلتاحمو جسديا و حسيا يكونو شخص واحد تحت اقاع واحد فرح من عرفها ليه بوحدو وكان اول واحد يكون ليه الشرف ياخد عدريتها ,,رجعات بيه السينتة اللور و هي شادة الكيتار كتغني ليه صوتها سلبو و خلاه يمشي معاها العالم ديالها رقيق و متوازن و عزفها متقون ,,وكيفاش كتغمض عينيها و تخلي احاسيسها لي عبرو و البرد كيلامس شعرها ,,تدكر من عنقاتو وقالت ليه كنبغيك عمرك تخلى علي وواعدها عمرو يخليها ,,تدكر من طلباتو على كينتاكي و كانت فرحانة كتاكل فيه و تلدد جات في بالو لقطة لي كان مريض بالسخانة و جابتو من البار وبقات معاه الليل كامل و داوات ليه جروحو وهو ماكينش في الوعي فاق لقاها ناعسة في الارض و متكية على الكوافوز معوجة راسها ,,رغم كانت مقلقة منه و مجروحة حيت غتاصبها ولكن متخلاتش عليه بالعكس بقات معاه و سهرات الليل كامل على راحتو,,تدكر من كيكون مقلق كتجي تمخشش فيه بحال المشة و تعنقو و تخشي وجهها في عنقو كتربطو ,,غا ريحتها كتخليه يتهدن ,,تدكر من لقاها مغيبة من بعد شهرين من الغياب و نظراتها لي كانو كلهم شوق و حب ,,بقا هايم في دكراياتو معاها الحلوة و المرة و جغمة ورا جغمة على امل ينساها و يخرجها من قلبه على امل يمحي دكرياتاهوم لي ملاحقينو حتى في غياب وعيو ,,تدكر كلامو ليها القاسي و نظراتها كيف كانو بحال شي مرايا و تهرسات هكاك كانت كتشوف فيه ,غمض عينيه بجهد و حط القرعة في فمه كيشرب بحرقة و دمعة نازلة من عينو الليسرية كتدل على المو و عدابو ماكرهش يرجع بالوقت اللور مايقولش ليها ديك الهضرة و مايجرحهاش تمنى كون ماتبعهاش وخلا ليها الوقت باش تهدن هو كان عارفها و عارف كراكطير ديال كتبغي تبعد في وقت غضبها ولكن هو لا خلى غضبو يسيطر عليه ,,غضبو من جهة مو و خوفو عليها جمعهم كاملين وفرغهم فيها بحال شي قنبلة موقوتة و نفاجرات في وجهها,,ماكراهش يرجع يقول ليها لا حياتي مكانتش عداب بلعكس حياتي بلا بيك هي العداب و الجحيم ,,نتي هي حياتي و كلشي,,ماكرهش يقول ليها ,ماكينة تاشي وحدة بحالك ووخا يجيو مليار وحدة توقف قلبي عمرو يدق لغيرك ولا عيني تشوف غيرك ,,ماكرهش و ماكراهش ,,كيتسائل شنو تكون دابا كتدير ,,اكيد كتفرغ غضبها فشي جهة ولا كتغوت ولا كتهرس شي حاجة ,ماعرفش بلي مشا وخلا قلب وراه مجروح كينزف خلا وراه قلب منكاسر ماعرفش بلي المرا لي كيبغي دابا ناعسة في الكلينيك كتسارع الموت للمرة الف و الموت محناتش فيها باش تاخدها ,,هي مستسلمة ليها كيف ديما وهو مابغاهاش ,,كيقول ليها تعدبي مزيان و عاني عاد ديك الساعة نحن فيك ونقبط روحك ,,,هدا هو الحب في الجحيم ,,كيخلي القلوب كتحتارق و تستهلك كل طاقتها و تنزف ,,,عاد يمكن ينزل عليك الفرج ويمكن لا ,,,يمكن تمووت ونت ماعرفش طعم السعادة و يمكن يخليك حتى تبغي تلمسها ويقلعها منك ,,لا حن فيك في الاخير كيحل ليك باب صغير تقد تمر منه تقد لا يلا مريتي منه فهنيئا لك بالنجاة و يلا منجحتيش فمصيرك العداب و الاحتراق ,,حتى تفنى,,حتى تدوب ,حتى تستهلك حتى يموت قلبك و يموتو حواسك تبقى جسد بدون روح جثة كتمشى في الارض,,الحنين كيلاحقك و الشوق كيجدبك ونت ماقادش تخطي خطوة القدام يائس منهازم ,,روحك اتخرج ونت ماقادش تقاوم مقادش تحارب بكل بساطة مابقاش عندك لدة الحياة ,,**بقا في ديك الحالة و الدكيرايات ملاحقينو و الضمير كيأنبو فينما يتفكر لقطة كيجغم من القرعة باش يمحيها وتجي لقطة خرا و يعاود يجغم باش يمحيها و تعودها لقطة اخرى حتى صبح الصباح و تعلات الشمس و شدات مكانها عاد عيا و تعب بان فيه غفا والقرعة بين يديه ,كيقولو النوم ارحم من الفياق بالف مرة حيت لا فاق ايعاني و يقاصي ثاني ,,خليوه ناعس لاعلا و عسى مايلاحقوش دكراياتها حتى في منامو و ينكدوه عليه حتا هو خليوه ناعس لاعلا وعسى يحلم حلمة زوينة تعوضو على كابوس اليوم
داز نهار دغيا على ابطالنا كل واحد مغيب في علامو انيس باقي ناعس في لوطو كاو و سندس مغيبة في الغرفة لابسة لبسة زرقة ديال المستشفى و دايرين ليها بانضة في راسها و مادك ديال اوكسيجين في نيفها يديها ليمنية ردو ليها الفاصمة لواوها ليها و رجليها حتى هي ملصقين ليها السيروم في دراعها و ضابط ديال الضغط في يديها دخل عندها الطبيب هز ليها يديها فحصها و فحص ليها عينيها و وشاف ليها السيروم و خرج لقا امير شاد وهيبة ناعسة على فخادو و عبير باركة حداهم شافو الطبيب و هو يقاد راس وهيبة بتجاكيط ديالو و ناض عندو;كيف بقات؟
حركات راسها باه و دخلات هي اللولة شافت حالة ديال سندس تنهدات و مسحات عينيها و مشات في اتجاهها جرات كرسي و بركات حاداها في جهة الليمنية ,,امير دار المثل وبرك حداها في جهة الليسرية مسك ليها يديها لي فيها السيروم شدها و ودارها بين يديه و بدا كيلمس فيها بكل حنان و كيشوف فيها و هي غايبة على الوجود مرة مرة كيطلق تنهيدة طويلة كيعبر فيها على حزنو بدات كتحرك صبيعاتها بشوية و تهزهم حس بيها و كرز عليها
امير شاف في عبير ;بدات كتفيق
عبير مسحات دموعها و شافت فيها لقاتها كترمش
بدات سندس كترمش و تغمض عويناتها بجهد و كنتفس بسرعة حلات عينيها على السقف عرفات راسها فين اكيد غرفة ديال المستشفى لي سينات معاها عقد ابدي عاود غمضات عينها بتحسر,,حسات بشي حاجة ماسكة يديها دورات عينيها لقات امير لي بدورو بتاسم ابتسامة حزينة تنفسات و شافت جهة ديال الباب على امل يبان ظل انيس على امل يكون معاها كيف ديما ,,عرفاتو ماكينش غا من الريحة ديال الغرفة كون حضر ايطغا عطرو على ريحة الغرفة ,,تدكرات كلامه الجارح و القاسي تدكرات كلماتو لي كسروها غمضات عينيها بحزن و اسى شي لي خلاو دمعة تنساب حسات بشي يد حنينة تحطات على حنكها ;كلشي ايتصلح
حلات عويناتها لي كل وحدة بلون كانو هاد المرة غامقين كانت عين دو ازرق غامق و عين اخضر قاتم دورات وجهها جهة ديال عبير لي كانت هي صاحبة القولة;ماديريش في بالك حنى كلنا معاك عمرنا نخليوك خاصك دابا تديها في راسك و في ولدك هما الاهم دابا
حطات يديها لي فيها السيروم على كرشها كتحصسها بصمت و دورات وجهها لجهة ديال امير ;واش كتضرك شي حاجة؟
حركات راسها بنفي و هوما ماعرفينش الالم لي حاسة بيه ,المها عمييق ,,الم ديال القلب كثر من الم ديال الجسد ,,جرح ديال الجسد كيبرا مع الوقت ولكن واش ممكن ديال القلب يبرا,,المرايا لا نكاسرات عمرها تجمع ويلا قاع جمعتي اشلائها كيبقاو الشضايا و لاطراس كيبانو تنهدات تنهيييدة طويلة سخونة مخرجاها من الاعماق
امير باس ليها يديها ;نخليوك ترتاحي دابا
حركات راسها باه
ناص امير و تم خارج ,,ناضت عبير بغات تبعو و هي تشدها سندس من يديها ;بغيتي شي حاجة ؟
سندس حركات راسها باه
رجعات عبير بركات في الكرسي من بعدما شافت امير غادر الغرفة مدات سندس يديها لوجهها باش تحيد الماسك وهي تحبسها عبير;اش كديري ؟راه خاصك تخليه في وجهك راه باقا عيانة
حركات سندس وججها بالنفي و حيدات الماسك ديال الاوكسيجين بدات كنتفس بالجهد و كتحاول تنطق;بببغيييت نحيد من هنا
عبير;راه الطبيب باقي ماعطاكش الادن باش تخرجي ,,خاصاك الراحة اسندس ,,فكري في ولدك البارح راه عرضتي راسك و هو الخطر يلا درتي شي حاجة تقدي تفقديه
سندس بغات تنوض و هو يضرها راسها شدات فيه و حركات راسها بلا بتعب;للا بغيت نبعد من هنا ,,بغيت نمشي لشي بلاصة مايعرفني تاحد
عبير بأسف;الهروب اسندس عمرو كان حل ,,عمري شفتك ضعيفة لهاد الدرجة ,,واجهي المشاكل كيف ديما
سندس هزات راسها السقف ;عيت من المواجهة ,,يلا بقيت هكا ,,انفقد سندس لي في الداخل ديالي,,انفقد انسانيتي ,,شي حاجة في باغا تخرج ديك الوحش لي في ماقاداش نزيد نسيطر على نفسي اعبيير ,,يلا بقيت هنا انضيع ,,شوية ديال الانسانية لي باقا في قلبي اتمشي ,,خاصني نلقا سندس خاصني نلقا نفسي ,,على الاقل لا ماكانش على قبلي (حطات يديها على كرشها)على قبال هدا لي فكرشي,,تالين انبقا نعرض حياتو الخطر,,مايمكنش ليه يعيش مع ام ماقدة تحمي حتى راسها من الغضب و العنف ماقاداش تسيطر على نفسها ,,كيفاش نقد نكبرو ونعطيه الحنان وانا ماعنديش القلب ماعنديش العاطفة ,,(نزلات دمعة من عينيها)انا منستاحقش نكون ام اعبير منستاحقش ,,في عوض ماخاصني نحميه كنعرض حياتو الخطر ,,(شافت فيها بعينين مدمعين)ولكن انا ماشي بيدي مكنقدش نتحكم في راسي كنولي وحدة اخرى مكنشعرش حتى كنلقا كلشي تدمر,,انا دمرت بزااف ديال الناس ,,خويا ,,بابا نتوما ,,(تنهدات)انييييس كلشي انا كندمر ليكوم احياتكوم ,,على الاقل مندمرش حياة هاد الطفل منخليهش يعيش داكشي لي عشت ,,فهميني اعبيير ,,خاصني نبعد,,نرتاح ,,نمشي شي بلاصة نقلب على سندس وحدة اخرى
عبير كتبكي;اهئ اهئ اهئ وحنا لمن اتخلينا ؟
تنهدات;انا كنتيق فيك ,,هادشي لاش انخليك ,,نتي من كنت غايبة شهرين نتي لي بقيتي في جنبهم ,,حتى دابا عارفاك مغتخلايش عليهوم (مسكات يديها)شوفي اعبير انا فاهماك و عارفاك خايفة علي ,,ماتخافيش ,,انا انكون مزيانة يلا بعدت ,,
عبير شدات ليها في يديها و زيرات ;واخا ولكن انمشي معاك مانخليكش تمشي بوحدك
حركات سندس راسها بلا وكتبكي;يلا مشيتي معايا ,,ايعرفوني فين كاينة ,,انا مابغيت تاشي حد مايعرف بلاصتي وهادي هي مهمتك
عبير;مافهمتش
سندس;نتي ماغتخليهمش يوصلو لي ,,غاتساعديني اعبير انا محتاجاك دابا ,,عمري طلبت منك شي طلب وهدا هو طلبي الوحيد ,,كنتمنى ماتخيبيش ظني فيك حتى نتي
عبير حركات راسها بلا و كتمسح دموعها;اهئ اهئ اش غندير ؟
سندس تنهدات;اتمشي للدار ماشي (سكتات )ماشي ديال انيس ,,تامشي لدارنا اتدخلي لبيتي جهة ديال الكوافوز القبيطة الاولة اتلقاي فيها واحد بوشيط فيها كارط بونكير ديالي ,كان بابا كل شهر كيلوح فيها شي حاجة عاد دابا الخدمة الخلصة كتدوز فيها و البريمات لي عطاوني المهم,,اتخرجي قاع المبلغ لي فيه انا انكتب ليك وكالة ,,باش يمكن ليك تخرجي الفلوس و غتهزي الباسبور ديالي ولاكارط ناسيونا ,,البادج كين في دار انيس ,,,و
سندس;لا ولكن ماعارفاش متى نرجع نهار نلقى سندس الجديدة انجي (باتبتسامة باهثة)وغنحضر عرسك نتي وداك كمال وجه الويل ديالك هه,,تيقي بي انا عمرني نتخلى عليكوم خاصني شوية ديال الوقت
عبير;شحاال خاصك شهر شهرين شوفي حالتك اسندس راك مريضة و حاملة
سندس بابتسامة;ماتخميش قادة على راسي ماتنسايش هادي سندس الاذ(سكتات وعاود بتاسمات)الدحماني واجرك على الله لي غا سميتها كتركب الرعب في البشار ههه
عبير;ولك
قاطعاتها;ماكين ما ولكن واش انعول عليك ولا لا ؟نقد نتيق فيك ولالا ؟واش غتخلاي علي؟
عبير شدات في يديها;اهئ اهئ متقوليش هكا ,,نتي خيرك سابقك اهئ جبتيني من الزنقة و دخلتيني لداركوم و درتوني فرد من عائتكوم اهئ اهئ بسبابك انا وليت وحدة خرا اهئ ولات عندي عائلة و دار اهئ ولات عندي مكانة ,,كان كلشي كيحتاقرني ولاو كلشي كيديرو لي مائة حساب ,,نعطيك رووحي و مانوفيش حقك اهئ
سندس;اجي هنا الهبلة اجي (تلاحت عليها عبير كتبكي عنقاتها سندس بيديها ليسرية )شش بلا متبداي تهرني ثاني ,,راه قلت ديك النهار نتي راك ختي لي ماولداتهاش لي ماما,,بحالك بحال وهيبة بحال امير,,ماتبقايش تقولي هاد الهضرة ولا غانود واخا مريضة نفرشخ مك ,,فهمتي
قاطعاتها و بعداتها عليها;ششث ماكين ما ولكن مسحي دوك العينين وجمعي خنونتك عارفاني مكنحملش العناق و عنقتك هدا فحد داتو انجاز,,واجمعي كرك معانا الشعيبة و توقدي واش منك ولا السروال كبر منك
عبير كتضحك ;لا لابسة شورت ماشي سروال
سندس;ههه باز لهاد كمال لي غيتزوج بيك هه
عبير;شكون قاليك انا باغا نتزوج ؟خليني اهكا اختي فوق السلك
سندس ;راه غانننن مالك اختي باغا تبقاي لينا بايرة في ديك الدار تهزي و سيري لدار راجلك و ديري ولداك راه خمسة و عشرين عام عندك مالك باغ تولدي حتى ديري ربعين ,,(تنهدات)الحياة كتعطيك غافرصة وحدة ,,يلا ضيعتيها تقد ماتعوضش ماديريش فحالي,,هاد كمال على ماعودتي باغيك و اشاريك وغي تابعك ,,عمرك اتلقاي فحالو ,,باغيك كيف نتي هكا بهاد الشورط و بديك تحسينة كيف الدري و بداك البيل سميطات و ديك الكاسكيط ,,باغيك هكا بحال هكا ,,بكلشي فيك ,,باغيك كروح ماشي كجسد ,,باغي ديك عبير الحنينة لي مدرقة مورا عنبر كيف مسمين عليك ,شوفي نقوليك شي نهار ايعيا و غا يمل ,,و ديك الساعة عاد اتعرفي قيمة الحاجة لي فقدتي عطي فرصة لراسك و عيشي حياتك براكة غي داكشي لدزتي منه
عبير;خايفة
سندس شدات في يديها;ماعندك مناش تخافي ,,ماشي كلشي فحال باك ,,ماشي كلشي عندو نفس العقلية ,,ماشي كلشي قلبه حجر يتخلى على بنته في باب الخيرية ,,بنادم حجر و طوب,,و زيدون نتتي ماشي بوحدك انا ديما معاك و في جنبك عمري نخليك ,,ونهار لي غتحتاجيني فيه اتلقايني ولي حاول يأديك ايدوز مني انا اللولة عاد يوصلك,,ايكون حفر قبرو قبل مايفكر يأديك ولا يجرحك فهمتي ؟
عبير تلاحت عليها كتبكي;اهئ اهئ ماعتش شنو درت في حياتي حتى لاقاني بيك الله اهئ اهئ كنحمد الله و نشكرو
سندس كبعد فيها;ونوضي بسعي مني راك خنقتيني ههه راه انا لي درت شي مصيبة لي لاقاني الله بيك اتبكي و تعنقي اختي واش ناقصة حنان سيري عند كمال يبرد فيك الدودة وبسعي مني
عبير;على هادشي فيه بعدا مايتقال (تنهدات)واش قلتيها للانيس؟
حرك راسو بلا;و ماغنقول ليه والو,,كنظن الفراق هو الحل المناسب ليهوم بجووج,,حرارت العيشة بيناتهم,,انا مايمكينش لي نضحي بختي مرة اخرى,,,سمعتي الطبيب اش قال يلا نفاعلات مرة اخرى تقد تموت ,,ويلا بقات مع انيس اتبقى ديما في المشاكيل و الصداع ,,القرار لي خداه صحيح من احسن يطلقو
امير;جيبي لي ختي شي حاجة نبدلو بيها ,,و شوفي لهادي متاكل راه عيت معاها مابغاتش
عبير;واخا (و زادت)
خرجات عبير من غرفة ديال سندس وخلاتها كتخمم ,,واش هاد البعد هو الحل المناسب ولا كيف قالت عبير غتهرب ,,,هزات عينيها في السقف كتشوف في الزواقة ديالو كانت بيضة و منقوشة بالغبص في اللون ازرق كتوسطها بولة كيبرة بيضة ,,بقات كتحقق فيه بلا مترمش جاتها في بالها نهار لي ضربات دوك جوج شفارة و ضربات البوليس حتى هوما خلطاتهوم,,نهار لي ضربها جاك و دخلات للدوش باش تبرد و جا انيس حاول يبردها صدقو دخلو في علاقة عنيفة خلات ليه ظهرو و عنقو كله مقموش ,وهكاك مابرداتش حتى نزلات لاصال و فرgعات ساك ديال الرملة ,,جات في بالها من كانت في لافاك وضربات واحد خلاتو منشور كله دم و سنانو طايحين شهر وهو كوما ,,جات في بالةا لحظاتها في الاكاديمي ديال القتال ,,من كانت كتغلط و كيعلقوها من يديها و رجليها كيصلبوها و يبداو يضربو فيها كيدوز عليها مائة متضرب كيضربها لمنطقة البطن وهي كلها دمايات و كتقاوم و كتشوف فيهوم بتحدي ,,كيختمها دقة ديال المدرب على مستوى المعدة و كيخشيها حتى كتغوت ربي لي خلقها بسباب الالم كيخليها شبه غايبة ,,وكيخليوها هوكاك معلقة ,,يلا قاومات و بقات في الوعي اتكمل ويلا غفات اتولي بحال الساك ديال التدريب لي بغا يضرب اتلقي وججها ليه ,,كيسيميوه القصاص ,,وهي كتسميه جهنم ,,جات في بالها من كانت كتاكل الفلاقة بقصبة رقيقة باش تولي تخفف حركاتها و تخلي الخصم ديالها مايشعرش بيهوم و مايسمعش حركاتها ,,كيوليو رجليها كلهم دم و هكاك كتجي للدار كتمشى عليهوم ,وتعاود تبقا تدرب في الدار حتى كتقن الحركة لي كلات عليها العصى,,جات في بالها اول مرة حطات رجليها في الاكاديمي ديال القتال كان اول درس ليها هو ان الغضب هو سلاح مدمر مكيقد تاشي حد يسيطر عليه,,الغضب هو القوة لي تخلي الواحد يزيد القدام,,خاصك تخرج الغضب ديال و تخليه سلاحك و قوتك ,,العنف لغة المجتمع فهاد الوقت ,,الحب ,الرحمة ,العاططفة ,,ممنوعين,,حيت ايكونو هما نقط ضعفك ,,خاصك تكون بلا قلب,بلا رحمة بلا شفقة بلا حنان ,لي غلط يخلص ,,كتولي مكتعرفش الضعف او الخوف ,,هادشي علاش كبروها,,جات في بالها اللقطة لي ضربها فيها جاك لكرشها و كتمات الالم ,,جات في بالها الطريق لي ضربات باش توصل الشارع ولمعاناة ,,جات في بالها لقطة لي شاف انيس الضربة لي في ظهرها ,,هي ماشافتوش ولكن حسات بيه,,جات في بالها ,,من مشاد واد ابي رقراق و فرشخات لوطو ديالها و ديك الحالة لي دارت ,,جات لقطة لي كانت مو كتعاير فيها و تنزل قيمتها و انيس كيدافع عليها و مو عاد مكتزيد تجرحها,,تفكرات اللقطة لي دخل انيس و قال ديك الهضرة ,بلي حياتو معاها كانت عداب و جحيم ,تدكرات,من قاليها نتي متستحقيش تكوني ام ,,خرجات دمعة من عينيها باش يتبعوها دموع اخرين ,,كتبكي في صمت وعينيها باقي مفيكسين في نقطة وحدة هي السقف بحال يلا كتفرج فشاشة ,,حرقوها عينيها و رمشاتهوم بسرعة و نزلات عينيها تنهدات وهي كتمسح دموعها,,شافت جهة ديال كرشها و حطات يديها عليها;سمحلي اولدي مكنتش ام مثالية,,ماماك مامزياناش ,,ماماك خايبة,,كتعدب الناس لي كتبغي و كتدمرهوم (بدات كتلمس فيها)ولكن كتواعدك بلي اتدير كل مافجهدها باش تبدل ,,غتدير هادشي على قبلك,,باش نستاحق منك كلمة ماما,,,ياك ؟اتقول ليا ماما؟كنواعدك انحميك من كلشي وحتى من نفسي ,,انخليك سعيد و فرحان,,مغتكبرش فحالي ,,بلا قلب,,نت اتكون هو قوتي و املي باش نحارب ,,انا انقاتل على قبلك,,ماماك كتبغيك اولدي واخا عمري قلتها ليك (حسات بحركة في كرشا وهي تبتاسم)هه حسيتي بي احبيبي ,,سمعتيني ؟ههه حتى نت كتبغيني ياك؟ههههه (بقات كتضحك و تلمس في كرشها كتهضر معاها حتى غمضات عينيها و نعسات)
عند انيس لي فاق على اشعة الشمس كتحرق ليه وجهه ولا حمر و عرقان دار يديه باش يدرقها و بدا كيحل عويناناتو الخضرين بشوية لقا راسو قدام لاكوط ,,لفت وجهه الكرسي لي حداه لقا القراعي خاوين و مشتتين ,,جات صورة ديال سندس ناعسة في داك الكرسي و متكية على الزاج بتاسم بلا هواه و قلبه بدا كيدق بالزربة مد يديه باش يلمس وجهها مالقا والو غمض عينيه و حلهوم بعدم تصديق و هو يعبس من عرف راسو اكيتخايل ,,حط يديه على لفولون و حط راسو عليهوم لمدة كيحاول يجمع شتات عقلو و تفكيرو ,,هز راسو بانت ليه سندس كتمشى في لاكوط هازة gلاص ديال بيسطاج و لابسة كسوة طويلة بالبيض و طالقة شعرها الدهبي على خصرها و كرشها سابقاها لفت انتباهو الراجل لي معاها شادة فيه و كيلمس كرشها و كيبتاسمو بجوج و جهه ولا حمر و عروقو بانو نزل بسرعة ديال البرق في اتجاههم و كيسب حط يديه على كتافها ;ياااا(تصدم كانت درية شعرها كحل و حروفها كحلين بقا اكيشوف فيها و حتى هي مصدومة نزل يديه )س س
الراجل;واااش كين شي مشكيل اخووووويا
انيس شاف فيه بحزن و حرك راسو بلا;تخالطتي لي مع واحد البنت سمحو لي
البنت;ماكين تا مشكيل و (وزادو و بقاو كيتلفتو ليه بحيرة)
اما هو شد راسو ووقف لوهلة قدام البحر ;انحماق صافي (تم نازل جهة ديال الرملة و كيتمشى البرد ديال البحر كيضرب فيه وهو حاس براسو سخون اينفاجر وصل جهة ديال المواج حيد سبرديلتو و كان لابس بيل لاكوسط بالبيض و شورت ديال لاكوست بالزرق ديالها حيد بيل لاحو حدا السبرديلة وبانو عضلاتو المفتولة و كتافو العراض و الظهر كيف داير خلا قاع لي تم يحلو فمهم حتى من الدراري لي كانو كيتبرونزاو و عريانين فرحانين بفورمتهوم خلاهوم كيشوفو في راسهوم و يشوفو فيه كيقارنو راسهوم معاه هو ماعلابالوش بيهوم,,بدا كيتقدم بخطى ثقيلة كتبين على رجولتو و شخصيتو القوية بدا كيدخل وسط الماء لبلاصة لي داز منها كيخلي الافواه محلولة غطس الغطسة اللولة وبقا وسط الماء شحال حتى قالو غرق اكيد الاعين كلها عليه و مراقبينو تلفتو كيقلبو بان ليهوم خرج من وسط الماء و فايتهوم بشحااال ولا كيبان غي راسو تساؤلو واش هاد السوفل كامل عندو لي خليه يقطع ديك المسافة كاملة بنفس واحد ,,هو هادشي كامل ماحاسش بيه ,,لي باغي هو يطفي النار لي في قلبه باغي يرتاح عاود غطس ثاني و نزل لقاع وبدا كيسبح تحت الماء لدقائق و عاود طلع خدا نفس ديالو رد شعرو لور مابقاش كيبان ليه البشر تنهد و بدا كيضرع للداخل ثاني كيغرق و يعاود يغطس تحت لماء كتجيه صورة ديال سندس كيعاود يطلع ياخد نفس و يعاود يغطس ثاني بقا شحااااال وهو وسط الماء مرة يغطس مرة يطلع في الاخير غمض عينيه و خلا جسدو يطفو الفوق بقا هكاك و الماء كيداعب ظهرو و فخادو مرخي ومخلي الماء يدير مابغا في جسدو حتى حس براسو برد و تهدن عاد حل عينيه الخضرين ولاو صافيين بسباب الشمس عاود غمضهم و غطس و عاود طلع و بدا كيضرع نحو الشاطيء كانت المسافة بعيدة بينو و بين برا ,,وهو عندو عادي كيطلق دراعو و يعاود يغطسها و رجليه كيجدفو باحترافية مرة يدور وجههو يمين مرا شمال بحال المتابارين ديال السباحة حتى حس بلي وصل لمنطقة ديال الناس اكيد بسباب صداعهوم و هضرتهم نتوما عارفين الهرج لي كيكون عاد وقف و حل عينيه كان كلشي كيشوف فيه و حالين فمهم خصوصا البنات لي بداو كيتغامزو عليه ,جسد رياضي بامتياز و ملاميح روجولية كامل مكمول و الماء عاد مازادتو و سامة خلا البنات شادين فقلبهوم و شداتهوم السخفة خرج من الماء في اتجاه بيل ديالو لبسو جاه لاصق كثر رد شعرو لور بيديه هز سبرديلتو و زاد في اتجاه لوطو خلا الروينة وصل لوطو ديالو حلها و لاح سبرديلتو فيها و طلع هكاك الرملة واصلة ليه حتى الكعب ديالو ماعارش الموضوع اهمية و كسيرا في اتجاه دارو ,,وصل نزل هكاك حفيان لقا مو كتسناه شافتو ووقفات;انيس؟ولدي ؟فين كنتي ؟واش
قاطعها بيديه ;عيان مافي لي هضر (زاد و خلاها مصدومة طلع الغرفة ديالو مشا ديريكت للدوش دوش وبالخف نشف راسو لبس كالسو غري و شورط بارا باج و بيل بيض سامبل جبد سندالة اديداس رش ريحتو ونزل ثاني لقا مو واقفة كتسنا;فين غادي اولدي و نت يله جيتي ؟
مادواش معاها نخلها و مشا لباركينغ هز لوطو اخرى من نوع مازيراتي بالغري تفرك تيلي خرج منها و رجع لوطو اللوولة رونج فروفر كحلة حلها و جبد منها تيلي و بزطامو و سدها و عاود رجع لمازيراتي كسيرا ثاني دوز نمرة في تيلي ;الو ,,بغيتك توجد لي وراق ديال الطلاق ,في اقرب وقت ,,شحال ما بغات عطيها ,,بغيتهوم يوجدو في اقرب وقت ,,ماشي شغلي عندك يومين يكونو واجدين واخا ؟يله قود (قطع تيلي و لاحو و زاد عفط)
تعاشات العشية و جا في بلاصتها الليل ,,عوض الشمس,,دخلات عبير الغرفة ديال سندس حاملة في يديها ساك صغير من بعد متأكدات بلي امير ووهيبة في كافيتيريا لقاتها مغمضة عينيها مشات في اتجهها و بركات في كرسي و حطات الساك جنب بقات كتشوف فيها شحال;اخخخ شحال داز عليك,,وشحال صبرتي,,ديما كتباني قوية و نتي لداخل ديالك طفلة باقا كتخاف ,,,دعيت الله هادوك لي ردوك هكا ,,(حطات يديها على راسها بحنان كتملس بانضة لي فراسها)ماتستاهليش ,هاد الحياة ,,نتي خاصك تعيشي ملكة ,,بعيدة على هاد المجتمع ,,خاصك تكوني سعيدة و فرحانة ,,(تنهدات)يلا كانت سعادتك كتعني تبعدي على هنا ,,فأنا اكيد انساعدك ونعاونك ,,ماغنخلي تاحد يوصل ليك واخا نكون انا ,,(حطات يديها على حناكها )سندس سندس سندس
حلات سندس عينيها ببطئ و شافت فيها;جيتي ؟
حركات عبير راسها باه;درت داكشي لي قلتي لي ,,كلشي فهاد الساك ,,جمعت ليك قاع وراقيك و شي حوايج (تحنات على ساك و جبدات منه جوج ورقات)بقا ليك تسيني على هادو باش نخرج غدا الفلوس من البنك (تنهدات)وهاد الورقة وكالة باش لا
قاطعاتها سندس ;فهمت اري لي نسيني
مدات ليها عبير الوراق و جبدات ستيلو من جيبها و عطاتو ليها ,,كانت الورقة اللوولة عبارة عن وكالة للعبير باش يمكن ليها تسحب الفلوس من البنكة والورقة الثانية عبارة حتى هي عن وكالة للعبير باش يمكن ليها تنوب على سندس و تكلف بجميع اجراأت الطلاق بلا متحضر هي ,,سيناتهوم و مداتهوم ليها
عبير;الصباح انمشي البنكة نخرج المبلغ
سندس حركات راسها باه
عبير;فين باغا تمشي ؟(تنهدات)ولا بلا منسولك
سندس بتاسمات;غنمشي شي بلاصة لي نقد نرتاح فيها ,,بغيت الهدؤ و راحة ديال البال ,,السكينة و الهواء نقي ,,الالوان وكلشي فيه,,(شافت فيها)ماعرفتش فين ؟ولكن اكيد انكون فيها سعيدة
عبير;سندس فكري مزيان نتي كتبغي انيس وهو كيبغيك متخليش ها
قاطعاتها;انا مكنبغيهش ,,كنعشقو كنموووت عليه,,هو حياتي هو كلشي في ,,ولكن يلا كان وجودي ايدمرو من الاحسن نبعد ,,انا منقدش نشوفو كيتعدب قدامي ,,بسبابي عانى وقاسى ,انا (سكتات)انا منستاهلوش اعبير ,,هو كان كيتعدب قدامي وانا ماحاساش بيه ,,كيبزز على راسو باش يبتاسم وهو باكي من للداخل,,باراكة عليه ,,نخليه يرتاح شوية ,مني ومن مشاكيلي ,,عيا مني اعبيير ,,السيد عيا و تقادا جهدو,,مابقيتش باغا نألمو مزال ,,مابقيتش باغا نشوفو حزين مزال ,,كنتعدب و كنعدبو معايا ,,ديك الهضرة لي قال لي البارح (تنهدات)واخا جرحاتني ولكن حلات لي عيني على بزاف ديال الحوايج ,,انا كنت انانية بزاااف ,,واخا انا مالي حتى دنب ,,انا كندير غي داكشي لي علي ,زواجنا من البداية مكانش ناجح ,,لي بدا في لحظة ضعف كيسالي في لحظة ضعف,,ماقديناش نفهمو بعضياتنا ,,اه عارفاه كيبغيني و حتى انا ولكن الحب ماشي هو كلشي ,, الحب غي رابط كيجمع بين جوج ,,حنا كل واحد فينا باغي يفرض نفسه ,,باغي يتبت وجودو ,,باغي يبين الانا لي فيه ,,وهدا في حد داتو غلط ,,عمرنا بركنا و تفاهمنا ,,انا كنت مفضلة خدمتي على كلشي ولكن كون فهمني انا درت غي واجبي أديت القسم اعبير باش نحمي بلادي واخا يكلفني عمري ,,(شافت في عبير)انا عارفاه خايف علي و كيحاول يحميني ,,(سكتات)ولكن انا هكا عمري حتاجيت حماية ديال حد ,,من صغري كندير لي قال لي راسي ,,و كنتبع حدسي و دماغي ,,عمري طلبت مساعدة ديال شي حد ,,ماعرفش بلي صعيب على وحدة فحالي تأقلم في جو بسيط و هادئ,,لا كبرت في الضغط و العنف ,كبرت هكا حتى وليت بلا قلب ,,انا مقلتش بلي هو لي غالط,,حتى انا عندي نسبة كبيرة فهادشي كنعتارف ,,ماقديتش نفهم ان العلاقة الزوجية ماشي غي النامسية ,,بلعكس خاص جوج يكونو يكملو بعضهم ,واحد كيكمل اخر,,ماكنتش عارفة بلي الراجل ديما كيبغي يبين نفسه ,على مراتو ,نو كنت كنقول بلي يلا كان الراجل قد يوصل لهاد المرتبة شنو كيمنع المرا توصل كثر منه,يلا بغا يفرض نفسو علي انفرض نفسي عليه,زواجنا كان عبارة عن تنافس بيناتنا شكون فينا ايربح ,,(سكتات )اي عاصفة كتجي كتهدمنا و كتخلينا نعانيو حيت بكل بساطة مامتاحدينش ,,اي حاجة جات كتفرقنا ,,سبع شهور باش تزوجنا انا وياه ,,حسبي شحال من مرة تفارقنا و بعدنا على بعضنا ,,لا جيت نحسب الايام لي دوزنا بجوج غيكونو قلال بزااااف ,,انا ماشي انبعد على انيس حيت كنكرهو تؤ لا غنبعد عليه حيت كنبغيه ,,قربي ليه كان جايب ليه غي التعاسة ,اللهم نبعد من طريقو و نخليه يعيش مرتاح و سعيد
سندس بابتسامة باهثة و دموعها في طرف عينها;فهميني اعبير ,,نتي الوحيدة لي كنقد نعاود ليه كلشي وبلا منخبي,,بعدي عليه هو الاحسن ,,فهمتي ,,,انا مكنقدش نتحكم في راسي اعبير ,,مكنقدش ,,تخايلي انهوم حاطينك في سجن مع شي وحدة صحيحة و قالو ليكوم وحدة فيكوم لي غتخرج ,,يعني وحدة خاص تقتل لاخرا باش تخرج ,,بديتو كتحاربو كل وحدة فيكوم باغا تنهي على الاخرا كل وحدة فيكوم باغا تحرر كتضاربو بوحشية و رغم الالم تاوحدة فيكوم مابغات تنهازم,,هدا هو حالي انا ونفسي ,,ديما في صراع معاها كنحاول نتحكم فيها الاكثر مدة ممكنة باش سندس لاخرا ماتبانش ,كتألمني ,,جسدي كله كيولي صادعني باغا تخرج باغا تحرر ,,وهكاك كنقاومها,,من كنتعصب كنفقد ارادتي كتولي قوى مني كتسيطر علي اعبير مكنبقاش انا ,,كتجي سندس اخرى لي كتدمر مكترحمش ,,خاصها تضرب خاصها تقتل ,,خاصها تشوف الدم ,,يلا مضربتش بندام كنضرب نفسي كنأدي راسي ,مكنشعرش بالالم وحش و طلقتيه عطشان للدماء ,,كنصرخ للداخل ديالي باش نتوقف جسدي ماكيطاوعنيش ماكترجع هاد سندس حتى كتحرق اليابس و الاخضر ,,البلاصة لي دازت منها ,,بحال يال داز اعصار ,تمنيت الموت شحال من مرة ,,ماتشوفيش في هكا,,حيت عيت ,,كنحس بديك سندس باركة الوسط ديالي هنا (شيرات لصدرها)مربعة كتسنى غي الوقت لي تبان فيه,,و تدير لي بغات ,,انا مريضة نفسانيا مكنتش باغا نعتارف بيها ,,ولكن من شفت راسي كنتدمر و كندمر حياة قاع الناس لي دايرين بي ,,قررت نبعد ونخليهوم في التقار نحميهوم مني ,,من هاد سندس لي ساكناني ,,حتى نحيدها ولا نسيطر عليها عاد نرجع فهميني ,,تخايلي معايا كون البارح ماحبستش وجا انيس؟اكيد كان ايموت الجنين,,واش في نظرك ايسامحني انيس قاع يلا سامحني انا عمرني نسامح نفسي ,,واخا عارفة ان هادشي خارج طوعي وارادتي ,ولكن كنبقا انا لي قتلاتو ,,بهادو (علات يديها)بهاد اليدين ,يلا بقيت هنا شوفي معايا قاع الامور مأزمة و المشاكيل فكل قنت ,,وانا ماعنديش القوة باش نواجهها ,,يلا بغيت نواجه خاص نخلي سندس للداخل تخرج ,وهاديك مكتعرفش الرحمة ولا الشفقة ,ماكتعطيش اهمية حياة الانسان ,,حتى حبي الانيس ماقدش يكبتها ,حبي ليه كيعطيني القوة نسيطر عليها لمدة و في الاخير كنضعاف ,,فهمني انا عبير انا ماشي قوية كوف كتعرفوني ,,انا ضعيفة و ضعيفة بزاااف قدام شخصيتي الثانية ,,خاصني بعد باش نحاربها خاصني نقوي نفسي (حطات يديها على كرشها )وهدا هو لي غيعطيني ديك القوة ,,ولدي هو لي غايعطيني الارادة باش نحارب نفسي للمرة البليون و اكيد انربحها هاد المرة ,,حيت مابغيت مزال نأدي شي حد ثاني ,,ولا نحطم قلب حد,,ولا نشوف شي حد كيعاني بسبابي صافي عيت والله
عبير كتشهق ;هاااااء اهئ اهئ شش صافي نتي كتدوزي من هادشي كامل وتاحد ما حاس بيك اهئ اهئ اهئ اكيد اتعياي اهئ اهئ الحمل كان عليك بزااف اهئ اهئ (شدات ليها في يديها)انا ديما معاك اهئ يلا كانت هاد الطريقة لي قلتي هي الانسب باش تحاربي نفسك و غترجعك لينا سندس اخرى اهئ (شهقات)انا مستاعدة نعاونك ,,وتاحد ماغيسيق ليك الخبار كنواعدك واخا يقطعوني طراف اهئ اهئ ولكن واعديني بلي غتحسني وغتعتاني براسك واعديني
سندس حطات يديها على يد عبير ;كنواعدك ,اندير كثر مافجهدي باش نتبدل و نهار لي غتشوفيني فيه انكون انسانة جديدة ,,يله تولدات سندس خرى مغيرة ,,كنواعدك
عبير تلاحت عليها;اهئ اهئ اهئ
سندس كتطبطب عليها و كتبكي في صمت;شششش صافي خاصك تفرحي لي ماشي تبكي ,,ششث واصافي
قاطعهوم;مالكوم علاش كتباكاو
عبير بعدات على سندس الزربة شافت في الباب لقاتو امير عاود شافت في سندس و شافو فيه;مالكم ؟شفتكوم تخلعتو ياكما شفتي شي جن؟
سندس شافت في عبير لي بدورها فهماتها طوات الوراق بشوية من تحت النامسية و خشاتهيم في جيبها و طوعات برجليها تحت النامسية حيت هي كانت من جهة اخرى ;دويو
سندس بابتسامة;والو غا كنا كنهضرو وهاد خيتي ماعرت مالها ,,مرة مرة كيجيها الحنان علي و كتبدا تبكي ,,,بحال لا غنموت
امير سد الباب و تقدم نوحها جر الكرسي من جهة اخرى مقابل مع عبير شد يد سندس باسها;ماتقوليش هكا ,,اخر مرة نسمع منك هاد الهضرة ,,فهمتي؟تجبدي الموت هاد المرة على فمك انكعا عليك
سندس ;انا غي كنت كانضحك ماق
قاطعها;ماتقوليهاش حتى بالضحك,,مابقيتش بغيت نسمع هاد الكلمة مزال اووك؟
حركات راسها باه باسو ليها;كيف بقيتي؟
بتاسمات;الحمد لله مزيان
عبير ناضت ;انا انشوف وهيبة فينهي
امير;راه هي في الكافيتيريا باركة
عبير ;اووك انا غادة (شافت في سندس وغمزاتها و مشات)
امير;شفتك مبدلة ليوم و مقلتيش بغيت نخرج بغيت نخرج كيف ديما
سندس بتاسمات;ههه ياك هي غنخرج ولكن بطريقتي
امير باتسغراب ;كيفاش ؟
سندس بابتسامة;كيف كيخرجو الناس من كيبراو هههه
امير;ههههه هي درتي عقلك؟
تنهدات و غمزاتو
امير حط يديه على حنكها;انا عارف بلي غالط في حقك بزاااف ,وعمرني وقفت معاك من كنتي صغيرة ,,كنشوفك كتألمي و كتعدبي و كنخليك,,كنقول هكا اتكون قوية ,كل نهار كتكبري وكتزياني ,,كيزيد خوفي عليك,,كنخاف لا يجي شي حد و يضحك عليك ولا شي مصيبة,,قلت اللهم تكبر هكاك قلبها قاسح و عنيفة تضرب بنادم و لا نشوفها كتبكي شي نهار قبل شي زامل ولا قواد ضحك عليها,,نهار دخلتك الاكاديمي نعتارف كنت بغيت نطلع على ظهرك بغيت الكنية ديال الدحماني هي لي تبان ,,هادشي لاش قتارحت عليك الفكرة اولا كنت حيت كان حلمك تدخلي المعسكر ثانيا باش تشدي جاك وهدا هو الامر الاساسي ,,كنت متأكد من نجاحك فيها ,,و متأكد يلا درتي شي حاجة في راسك مكتهناي حتى كديريها ,,واخا يحاولو يمنعوك مكتراجعيش ,,كنا كنقولو ليك حبسي و تراجعي ,,ولكن في الداخل ديالي كنقول ليك كملي و عارفك غتكملي ,,حيت درتي جاك في مخك ,حيت فاهمك انا مزيان ,,نكدب عليك يلا قلت ليك بلي كنت خايف عليك (حرك راسو بلا و مسح دمعة من عينيه)لاا حيت تايق في قدراتك و في دكائك ,اكبر اكاديمي ديال القتال تخرجي منها يعني لا جاك لا غيرو يوقف قدامك طحنيه,,,كنت اناني بزاااف ,,في المهمة شفت مصابة في كتفك و خليتك تمشي تبعيه نتي وكوثر,,كنت جبان ,,باش نحمي راسي عرضت حياتكوم الخطار ,(تنهد)من مالقيناكش عاد عرفت قيمتك عندي عرفت حجم الغلط لي درت ,,كلشي كيقول بلي متي الا انا وانيس لي ماصدقناش ,,,ماصدقتش ختي لي كبرتها بهاد اليدين ماتت بسباب غبائي و جبني و ضعفي, كون شفت الجثة ديالك و منتيقهاش ,,نظراتك ,,باش تبعتيه كانو كلهم تحدي و غرور و شجاعة عكسي انا كيبينو على شخصيتي الضعيفة ,,رغم التداريب و كلشي عمرني وصلت ليك ,,الخوف ديما كمتلكني ,,عكسك نتي ماكتعرفيش معنى الخوف ,,من زوجتك بأنيس,,(تنهد)قلت على الاقل انكون درت شي حاجة زوينة ليها نعوضها على حرمانها في الصغر ,,مكنتش عارف هادشي غايسرا و بلي غتعاني كثر,,بسبابي دابا نتي في هاد البلاصة و في هاد الحالة ,,كون حمتيك في صغرك و وقفت في جنبك من كنتي محتاجاني ,,كون ماسرافه هادشي مغتعدبيش ,,سمحي لي يلا قديتي واخا عارف هادشي صعيب ,عليك,,ولكن انا
قاطعاتو ;ششث متقولش هكا (مسحات دموعها)نت من صغري ونت معايا ,,نت هو لي كبرني ,,عمرني شفت فيك بطريقة الاخ و ختو,,نو كنتي ديما الصديق ديالي ,,عمرك حسصتيني بنقص الحاجة لي حليت فيها فمي كنلقاها ,,ولي تمنيتها كتحضر,,يلا دخلت الاكاديمي ,,ماشي غي حيت قتارحتي علي ووافقت لا كان حلمي من الصغر باش ندخل داك الميدان ,,ويلا قبلت بالمهمة ديال جاك ولا غيرو ,,ماشي حيت تاني نت لي قررتي ,,انا كون مابغيتش كون رفضت و عارفني ,,انا بخاطري قبل و بخاطري مشيت المهمة و بخاطري تبعتو ,,يعني هادشي لي وصلت ليه ماعندك تا دخل فيه لا من قريب لا من بعيد ,,انا لي رسمت هاد الطريق وانا لي مشيت فيها ونا لي كنتحمل النتائج ديالها فهمتي
الخوف ماشي شي حاجة خايبة بالعكس ,,الخوف حاجة مزيانة ,,كيف كيقولو لي خاف نجا ,يلا كانت الانانية هي تفكر في راسك و تحمي نفسك فاغخليك اناني ,,و حافض على حياتك ,,حيت كنأكد ليك نهار تطيح مغتلقى تاحد حداك ,,كلشي ايبغيها فيك و اتلقاهم كيتسناو غا الفرصة لي شوفوك منهازم ,,خاف على حياتك و على نفسك هي لي غتدوم ليك فهمتي,,نت عمرك كنتي ضعيف و الدليل هاهو قدامي النقيب امير الدحماني (بتاسمات)قاع المعسكر كيهضر على دكاءو و قوتو و في الخصوص في السلاح تاحد مايقد يعرف فحالك,,كون كنتي جبان مغتمشيش المهمة ,,نت درتي لي عليك ماتحملش نفسك فووق طاقتك خوي دماغك و عيش حياتك ,,ماتعمرش عقلك بالخوا الخاوي,,تبع قلبك هو لي غايفيدك (شدات في يديه)حارب على الحاجة لي كتبغي و متخلاش عليها ,,حيت ايجي شي نهار اتندم و الندم ماعندو باش يفيدك و ديك الساعة عاد غتكون جبان و ضعيف و اناني و مكتسواش قاع,,كون فرحان,وسعيد في حياتك ,وشي لاخر ايتنسى مع الوقت اووك؟هادشي لي غيخليني فرحانة و سعيدة
تحنى عند يديها باسها من كفها بوسة طويلة و الدموع في عينيه; كنواعدك ,,انككون ديما معاك ,,غنكون الاخ لي ديما كتحلمي بيه
حطات يديها على حنكو و كتمسح دموعو;نت ديما كنتي الاخ لي كنحلم بيه فهمتي؟يلا كنتي نت سعيد انكون حتى انا سعيدة و ناشطة و فوق السلك قاع ههههه
امير بتاسم;هههه واخا كنواعدك (باس ليها راسها و ناض)نخليك دابا ترتاحي (تم داير وهي توقفو بيديها دار عندها)واش محتاجة شي حاجة؟
سندس بابتسامة;واخا تعنقني؟
استغرب من كلامها عمرها كانت ليها ولا طلباتو يعنقها شاف ليها في عينيها لي كانو كترجاوه شد ليها في يديها و رجع عندها عنقها و خشاها في حضنو حاوطات دراعها في ظهرو بشوية و تخشات فيه بحال يلا كتستامد منه القوة وحتى هو مابخلش عليها بحضنو بالعكس خلاها على راحتها بقاو مدة وهما هكاك عاد تباعدو مسحات دموعها قبل مايشوفها ;شوية؟
بتاسمات ليه و غمزاتو;سوووووبر
شدها من دراعها و تكاها و رجع عليها الغطا;ماتخميش كلشي ليه حل (باس ليها راسها و خرج)
تنهدات سندس ;الا مشكيلتي هي لي ماليهاش الحل(حطات يديها على كرشها)ولكن انحاول ,,نشاء الله مانخيبش ,,(شافت جهة ديال لباب )سمح لي اخويا حيت انمشي بلا من خبرك ولكن هدا هو القرار الصحيح سمحلي لي ,,حتى انا انكون انانية على قبال مصلحة ديال ولدي
جا الغد حامل معاه احداث جديدة
انيس ناعس في لوطو ديالو وسط الغابة مسرح حداه قراعي ديال الشراب مزربعين مرجع الكرسي اللور و ناعس
**من جهة سندس متكية في النامسية مانعساتش ديك الليلة كاملة كتخمم و تفصل سمعات الباب تحل دورات عينيها لقات عبير;تعطلتي اصاحبتي
عبير هازة ساك;راه كانو بزااف ديال الاجراأت راه ماشي من الساهل نخرج مبلغ كبير قد هكا ,,راه الملاين اصاحبتي تشري بيهوم داار على ثلاثة الطبقات
سندس;وايلي
عبيير;راه غي الخلصة ديالك و البريمات راه الزبابل ,,غا من هنا سيمانة تحولو تاني الفلوس الكونط ديالك
سندس تنهدات ;مزيان وجدتي داكشي لي قلت ليك
عبير;صافي امير ووهيبة صدرتهوم للدار ماغايجيو حتى العشية و الكاميرات خليهوم علي تاحد ماغيشوفك من غتكوني خارجة نوضي وجدي راسك بعدا بينما هاكيت سيسطيم ديال الكاميرات
سندس;واخا
عبير;نعاونك؟
سندس حركات راسها بلا وناضت بشوية شادة راسها جبدات ليها عبير الساك من تحت النامسية مداتو ليها شداتو سندس و دخلات للدوش اما عبير جبدات بيسي و برونشات فيه كلي و بدات خدامة تبقشش ,,خرجات سندس لابسة كسوة طويلة وعريضة بالرمادي سميطات و لابسة بوليرو بالابيض و سندالة بالابيض ضافرة شعرها جنب و مخلية اشعرها من قدام مرخوف مدرق شوية البانضة لي علا شعررها جات كيوت وخا وجهها صفر و عينيها دابلين ;انا واجدة
عبير شافت فيها;حتى انا (وراتها البيسي)هانتي قاع الكاميرات ديال الكلينيك كنتحكم فيهوم ,,,توريكة وحدة نطفيهوم كاملين ,,ولكن خاسكت تسربي حيت ايعاودو يخدموهوم من بعد
سندس;شحال ديال الوقت و يخدمو
عبير;من جوج حتى ثلاثة الدقايق المهم ,,راه الساك فيه جميع الوراق لي غيخصوك ,,و راه الساك ديال الفلوس خرجت ليك كلشي ,,(دمعات عينيها)دابا كلشي واجد خاصك تحركي
سندس شافت فيها و توجهات جهة ديال النامسية هزات واحد جوج وراق مداتهوم ليها;هادو عطيهوم لكوثر
عبير;واخا
سندس;ماتعطيهوم ليها حتى الغدا ,,على الاقل نكون بعدت شوية
عبير خداتهوم من عندها ;اوووك
سندس بتاسمات ليها وعنقاتها;تهلاي في راسك و فيهوم ,,دابا هوما امانة عندك
عبير عنقاتها و بعدات عليها كتمسح الدموع ;يله صافي تحركي ,,مكنحملش الوداع ,,مافي لي يبدا يبكي ثاني
سندس باست ليها راسها ;اووك ,,(حلات الساك ديال الحوايج جبدات منه الوراق ديالها صافي خشاتهوم في ساك صغير و هزات الساك ديال الفلوس كان عبارة عن سكادو كبير دارتو في ظهرها دارت لعبير بيديها باي و زادت خرجات
اما عبير مسحات دموعها و رجعات الكرسي شدات بيسي و دغطات على زر ايقاف تطفاو قاع الكاميرات لي في المشفى
**من خرجات سندس من الغرفة بقات غادة متكية على الحيط و كتحاول تسرع في خطواتها و كتحاول متلفتش ليها الانظار حتى وصلات برا شافت في الكلينيك شوفة اخيرة تنهدات و خرجات لقات طاكسي شداتو و زادت
كينين شي بنات لي نتاقدو قرار بعد سندس ,,قالو انا ظلمت انيس,,واش في نظاركم انا ظلمتو بالعكس,هو محتاجش الوقت ,,و حتى هي ,,بالساهل علي نجمعهم و نصالحهم ,,ولكن المشكل الاساسي يبقى لي هي شخصية سندس الثانية لي هي براسها مكتقدش عليها ,,وواخا انيس معاها مقداتش تسيطر عليها,,,,و اكثرية في وضع بحالهوم المشاكيل من كل جهة يعني سندس عمرها تقد تبدل يلا بقات ,,خاصها تبعد من المشاكل و تراجع قراراتها و تولي تحكم في راسها هو اللول و تدفن ديك سندس العنيفة لي فيها ,عاد نشوفو علاقتها بانيس,,لا بغيت نصالحهم خاصني نصلح علاقتهم و قراراتهم هي اللولة عاد ديك الساعة نشوفو ,,انا مظلمتو لا هو لا هي ,,انا جيت بحل وسط ليهوم بجوج ,,بجوج خاصهم الوقت لي يفكرو فيه ,,بجوج خاصهم يراجعو قراراتهم ويعرفو شنو باغين ,,بجوج خاصهم يعالجو جروحهم ,,وهدا هو انسب حل البعد هو الحل,,انا هاد الاجزاء ماشي بررت افعال سندس ,,بالعكس انا بينت مشكيلتها لي كتعاني منها ,,بينت الحاجة الخفية لي كاتماها و مكتقولها تاحد ,,انا شرحت ليكوم مشكيلتها ,,وهدا ماشي تبرير ,,هدا تفسير لشخصيتها و صافي
وقفات الطاكسي قدام الاكاديمي ديال فنون للقتال خلصاتو و بقات واقفة شحال قدام البناية كانت عبارة عن مدرسة كبييرة و فيها صور عالي فحال ديال السجن واقفين قدامها الحراس ,,دخلات من الباب و تمات داخلة كتكتاشف في الساحة كتدكر كل لقطة فيها ,تدكر نفسها من كانت شادة الصف بين حشد ديال المتدربين و كيتعلمو فينون القتال و اصواتهوم واصلين فين ,,تدكرات من كانت اول مرة تهز ليgات ديال البوكس شافت في واحد الصور تدكرات من كانت كتسلقو بلا حبل بلا والو و شحال من مرة تحردات في صباع يديها و رجليها و شحال مرة طاحت و ناضت دورات وجهها جهة ديال القنانب و الدراري كيتسلقو و شاعلة العافية وهوما كينقزوها تفكرات شحال من مرة تحرقات ,,دورات وجهها جهة ديال بيسين تفكرات شحال كانت كتبقى تحت الماء بدون تنفس دخلات للداخل كتشوف في اقسام ديال التداريب كل واحد وديالاش ,,دايل ايكيدو ,,جيدو ,,فول كونطاك ,,لبوكس ,,الخ اخ كل بلاصة دازت منها الا و جاتها نفحة من الماضي ,,خدات نفس عميق وهي شادة في بطنها حلات عينيها في المدرب ديالها يان لين وهو في قسم ديال الجيدو لابس زي بالاحمر مطبوع فيه علم التنين لي هو رمز الاكاديمي كيدرب فيهوم و كيوريهوم كيفاش يتحكمو في جسد الشخص و خليوه يستلم شاد واحد من يديه و لواها ليه جابو طايح الارض كيتلوا بتاسمات من تدكرات شحال من مرة طاحت بسباب عصاتو وشحال من مرة ترفعات حتى للسماء و طاحت فداك الطابي على يديه بقات ساهية في دكراياتها حتى حسات بشي يد تحطات عليها خرجاتها من سهوتها كانت يد المدرب ديالها تحنات ليه احتراما ليه و حتى هو بادلها التحية ;من قبيلة ونتي هنا مقديتيش تجي
سندس ;باش عرفتيني وانا كنت بعيدة عليك و عاطيني بالظهر
يان لين;ماتنسايش انا هو مدرب على النينجا يعني شميت ريحتك من دخلتي للقسم
سندس بابتسامة ;ماتبدلتيش
يان لين دار يديه ورا ضهرو و تمو غادين كيتمشاو وسط الساحة والناس كيتدربو;مم غادة هربانة
سندس شافت فيه باستغراب ;باش عرفتيها ؟
ماشافش فيها;ماتنسايش بلي انا لي دربتك ,,و كبرتك ,,دزتي على يدي ,,كنعرفك كثر من نفسك ,,رجعتي لكلامي ,,ديما كنقول ليك الغضب سلاح ,,يمكن تستخدميه لصالحك و يمكن يرجع ضدك ,,خاصك تحكمي فيه و تضبطيه ,,نتي خليتيه يستحودك و يسيطر عليك ,,المهم قررتي فين باغا تمشي؟
سندس هزات راسها للسماء كانو الطيور كيحومو فوق الساحة;ماعرفتش ,,بغيت نمشي لابعد نقطة ممكنة ,,باش نحارب نفسي,,انا اديت بالزاف ديال الناس ومنهم لي قراب لي ,,(تنهدات و شافت فيه)مايمكنش لي نبقى هكا خاصني نتبدل
يان لين باقي غادي كيشوف قدامو و يديه ورا ظهرو;ممم شنو درتي فقضية ديال هداك جاك (شاف في كرشها)اكيد راجلك عرف حملك
سندس بابتسامة;كيف قلتي نت كتعرفني كثر من نفسي ,,نت الوحيد لي تقد تقولي شنو خاصني ندير ,,
يان لين حيد يديه على ظهرو و حطها في دقنو كيخمم;مم واخا ,,انا انساعدك ولكن نتي عارفة ,,
قاطعاتو;عارفة شرطك وانا موافقة عليه
بتاسم:اوووك اجي معايا
تبعاتو لمكتب ديالو لي عبارة عن غرفة كبيرة فيها كراسى ديال العود قصار و طابلة قصار مقاد عن طريقة الصينية القديمة ,,هز ورقة و جبد ستيلو و بقا كيكتب وفي الاخير ختمها بالختم ديالو باللون الاحمر و مرسوم ديه تنين ;سيري لهاد العنوان عطيهوم هاد الورقة وهوما ايوقفو معاك
سندس خداتها منه و تحنات امتنانا ليه;شكرا ليك
يان لين;كنتمنى تلقاي سندس لي كتقلبي عليها
سندس ,حطات يديها على كرشها;غنلقاها
بتاسم ليها ;يله سيري نبغي من ترجعي تكوني وحدة جديدة ,,
سندس ;هادشي لاش غادا باش نرجع وحدة جديدة (تحنات تاني )شكرا على كلشي بسلامة
يان لين تحنى ليها;بسلامة
هزات راسها عطاتو بالظهر و زادت خرجات من الاكاديمي بقات واقفة قدام الباب لوهلة شافت الورقة لي عطاها كانت مكتوبة باليابانية وبحكم التدريب تعلمات ليها وهي باش كتكلم مع المدرب ديالها فهمات محواها طواتها و خشاتها في الساك بان ليها طاكسي ركبات فيه و قالت ليه الوجة ديالها لي هي المطار
وصلات المطار خلصات الطاكسي و دخلات ليه بقات واقفة قدام باب شاشة ديال الاستمارة كتخمم قلبات على اقرب موعد لقاتها فرانسا مشات قطعات تيكي و من حسن حظها كانو باقين لبلايص بركات كتسنى شوية و عينيها في لباب ,,حاسة بقلبها مقبوط عليها واخا عارفة ان هاد القرار هو الانسب الا وفي قرارة نفسها ماباغش تبعد ,,,جا ماوعد الطيارة و هزات ساكها توجهات نحو المدخل مدات ليهم الباسبور و سطو تيكي خداوه من عندها قراوه و عاودو مدوه ليها دورات وجهها المرة اخيرة بحزن و عينيها مغرغرين نحو البوابة نزلات دمعة من عينيها مسحاتها بابتسامة حزينة خدات نفس عميق و دخلات طلعات الطيارة قلبات على المكان ديالها لي خداتو من طبقة رجال الاعمال خدات مكانها و ربطات حزام السلامة و تكات على الكرسي مغمضة عينيها ,,جاوها قاع دكراياتها مع انيس وهي في حضنو وهوما كيضحكو و هوما مقلقين ,,اول مرة شافتو ,,اول قبلة ليهم ,,من كانت ناعسة في الكلينيك ,,نهار لي جا لدارهوم ,,نهار لي هربات الحمام و خلاتو كيشوى,,نهار ليشافها خارجة بالكسوة الكحلة وغادة عند جاك ,,عناقو ليها قدام البحر ,,من كانو كيتناقشو على اسم الولد و قاليها بغيت منك بزااف ديال الولاد بتاسمات بلا هواها فيقاتها غا لموضيفة ;خاصك شي حاجة مدام
حلات عينيها بحزن ,لي خاصها قاعما كين معاها طلبات منها كاس ديال العصير دورات وجهها جهة ديال الزاج لقات نفسها ووسط السحاب مشعراتش بالطيارة امتى قلعات ولا كيفاش محاستش بالوقت جابت ليها المضيفة كاس ديال العصير شكراتها و خداتو من عندها وبدات كتشرب و كتشوف في الصحاب من الشرجم ماكرهاتش تكون فحالهوم حرة ,,كيمشيو فينما بغاو تابعين مجرى الرياح ,,يلا جمعو في قلبهم و عمرو يفشو عن طريق امطار تنهدات و هي كتشوف راسها غادة في طريق ماعارفاش نهايتو واش بصح اتقد تحارب نفسها و غتلقى ديك سندس لي كتقلب عليها حطات يديها في كرشها وبدات كتلمس فيها و غمضات عينيها بحزن كتحاول متبقاش تفكر ,,ماتبقاش تخمم,,كتسائل فشنو كيدير انيس ,,واش بصح ديك الهضرة عاناها و بلي نيت طريقهوم مسدوس و غيطلقها ,,شنو ايكون كيدير دابا وفاش كيفكر ؟اكيد ايكون فرحان حيت تهنى من اكبر مشكل فيه,,(حلات عينيها)هاهي دي غادة و غتخليه يعيش حر كيف مابغا ,,متمنية ليه السعادة لي باغها ,,واخا يلا كانت سعادتو مبينة على تعاستها فهي مستاعدة تضحي باش تشوفو فرحان دازت ثلاثة السوايع بلا متحس بيها سندس دوزاتها كلها غي تخمام طريق تديها طريق ماشعراتش يلا والطيارة غادة في المسار باش توقف توقفات الطيارة و توقف معاها تفكيرها هزات ساكها و ناضت ضرب فيها هواء باريس الرطب بعد ليها خلا بعد الخصلات يتطايرو مع البرد غمضات عينيها و حلاتهوم و تمات نازلة كتكتاشف خرجات من البوابة ووقفات تاني قدام شاشة الاستمارة كتخمم في الطيارة لي قربات تخرج لقات الطيارة ديال ايطاليا غتخرج من بعد ربعة ديال السوايع ,,قطعات فيها و خرجات من المطار شدات طاكسي قالت ليه الوجهة ديالها لهي برج ايفل ,,بعد دقائق لقات راسها قدامو
,,هزات راسها فيه كتأملو في صمت ,,ماكتشوفش في بنادم ,,بحال هي الوحيدة ,,لي موجودة غارقة في علامها الخاص ,,بان ليها محال كيبيع الفطائر تمشات جهتو خدات مقعد في الشرفة و هزات لائحة الطعام بقات كتقلب على لي بغات عيطات النادل خدا من عندها الطلبية و مشا ,,لفتات وجهها للجهة ديال الساحة وبقات كتحقق في الناس و خصوصا لي كوبل ,,هالي معانقين و كيتصورو ,,هالي كتباوسو كل واحد و شنو كيدير الاهم انهم باينين سعداء ,,فكرات كن كانت حياتها هي وانيس هكا ,,بهاد البساطة ,,كون كانت سعيدة ,,بان ليها واحد محني على ركبتو في الساحة قدامو وحد البنت والناس كيتغواتو كيقولو ليها وافقي وافقي حركات راسها باه وجرات عندو عنقاتو و هو بدورو هزها و بقا كيدور بيها و الناس بداو كيصفقو و يغوتو هالي كيصور هالي كينزقز كلشي فرحان ليهوم داتها داكيرتها نهار انيس خطفها و داها لداك الكوخ لقات سوارية كحلة جاتها زوينة و خرجات لقات انيس فأحسن حلة غمض ليها عينيها و هزها بين يديه حطها قدام ممر كله معمر بالاضواء و الشموع كيتوسطها بيت هوائي كيطل على الغابة و النهر مزين بطاوليها فيها كل مالد وطاب ,,تدكرات عشائهم في ديك الليلة كان اكيتغزل فيها ويوكلها ,,تدكرات من وقفها وتحنى على رجليه حامل بواطة في يديه كيطلب منها الزواج و كيعبر باش يوصل ليها الفكرة ,,كانت ديك الليلة حافلة بمعنى الكلمة ,مسحات دموعها وهي كتشوف في داك الحشد السعيد بتاسمات ليهوم بدورها و فرحات تمنات ليهم السعادة في نفسها خلصات من بعدما كلات شوية واخا ماعندها من يدوز ليها وعاود تمشات وسط الساحة و الحمام كيتطاير نحوها من كل جهة والهواء عدب منعش والجو بارد شوية ,,خالاها تضم يديها لعندها و تغمض عينيها و تخلي احاسيسها يقودوها حلات عينيها قدام واحد كيعزف الكيطار و حاط قدامو كلب و صندوق كيحطو ليه الناس فيه الفلوس وقفات لمدة كتسمع ليه كان كيغني اغنية رومانسية ديال لارا فابيان جوطيم كان صوتو زوين ,,كيخلي الواحد يسمع ليه بلا هواه ,,كمل وخلا الناس كيصفقو ليه وحتى هي بدورها صفقات توجهات ناحيتو و حلات ساكها جبدات منه مبلغ ديال الفلوس تحنات لعند الكلب داعباتو بيديها و حطات ليه الفلوس في الصندوق لي غي شاف المبلغ تدهش شاف فيها بامتنان و شكرها بتاسمات ليه بصمت و رجعات ادراجها نحو المطار ,,كانت باقا للطيارة ربع ساعة دارت الاجراأت و ركبات تاني في الطيارة نحو روما
عند انيس لي حل عينيه بعد مدة هز راسو شاف قدامو كانو عينيه دابلين و حمرين رجع شعرو لور و زفر بغيظ شاف جنبو لقا تانو ستيفة ديال القراعي خاوين هز تيلي في يدو شاف الصورة كانت ديال سندس وهي ناعسة في حضنو في المكتب حط يديه عليها بكل شوق كيلمس فيها و يدوز يديه على عينيها و خدودها و فمها ,,بدا كيتزير ووجه ولا حمر و عينيه عمرو دموع نزلات دمعة اللولة تحطات فوق الشاشة ديال الهاتف و تلاتها مجموعة اخرين كيبكي وعاض في صباعو باش يكتم صوتو لاح تيلي طوعو جهة ديال الكرسي و رجع راسو اللور و غمض عينيه حلهوم جهة ديال القراعي ديال الشراب كيقلب لاتكون شي وحدة عامرة والو كلشي صفاهوم ليهوم ديمارا لوطو بالزربة لي ولات كلها تراب و غبرة حركها بالجهد خلا غي التراب و الربيع كيتناتر موراه
*****في المستشفى
امير كيغوت;فييييييين مشااااات فيييييييين يااااك كااااانت هنا ,,قلتي لي غتبقاااااي معااااااها فييين زادت ؟
وهيبة كتبكي;اهئ اهئ ففين اتكون مشات في ديك الحالة
عبيير;انا قالت لي بغاتني نجيب ليها شي حاجة متاكلها من برا بغيتيني نقول ليها لا؟جييت مالقييتهاش عيت نقلب عليها ماخليت لا جردة لا والووو في الاخير وانا نتاصل بييك
امير ضرب يديه مع الحيط ;تففووووو كان علي نبقا معاااها ,,ماكانش علي نخليها بوحدها ,,,لبارح من قالت ديك الهضرة و قالت لي عنقني كان علي نفهم و نعيييق ,,,مكلخ انا ,,تفوووو ,,,فيين اتكون مشات دابا فييييييين؟
*****وصلات سندس لروما بسباب تفاوت في السوايع بين المغرب و فرانسا و ايطاليا ,,كانو خيوط الصباح كيتخلو بين سواد السماء كان وقت الشروق ديك الساعة نزلات من الطيارة متمسكة في كرشها,,,و كيف العادة وقفات قدام شاشة الاستمارات بقات واقفة لمدة كتقرى كتحاول تلقى لي بغات و اللوحات كيتبدلو و بسرعة واخيرا ركزات عينيها في نقطة وحدة تنهدات و هي تمشي قطعات تيكي قالو ليها الرحلة كينا غدا في مع الثلاثة ديال العشية بتاسمات حيت كانت عيانة بغات ترتاح شكراتها ,,جبدات فلوس لي غتحتاج و بدلات العملة ديالهوم كيف دارت في فرانسا و خرجات شدات طاكسي طلبات منه اقرب اوطيل نقي ,,وصلات ليه بعض دقائق الطريق كاملة و هي كتشوف في الطريق واخا كان يلاه بدا كيطلع النهار الا و الازقة عامرة عكس المغرب دابا راه كلشي ناعس كلشي خامر ,,بتاسمات بغباء و خلصات الطاكسي دخلات الاوطيل استقبولها و خدات غرفة عطاوها البطاقة ديالها و مشات طلعات الغرفة ديالها كانت كبيير مصبغة باللون الباج قريب الوردي كيتوسطها سرير كبيير دائري من حرير باللون الباج والاحمر ,,بالكو كيطل على البيسين لاحت ساكها و توجهات ليه وقفات لمدة كتأمل في الجردة و البيسين تدكرات نهار لي كانو في اوطيل في طنجة و لصقها مع الحيط و كيقبل فيها وهي كتبعدو و كتضحك لايشوفهوم شي حد ,,و قاليها سبقيني الغرفة انا وراك ,,سبقاتو كتغدد حيت عارفاه اش ناوي يدير ,,حلات شعرها و طلقاتو حطات يدها و خلات صباعها وسط خصلات شعرها كيداعبوه عطات البالكو بالظهر و بدات كتحيد في لبوليرو و الكسوة بقات غا بودوبياس بالكحل هزات يديها شافت الضرابي و الضرابي في رجليها حطات يديها على لبانضة لي فراسها كتحل فيها حيداتها كانت فيها بقعة ديال دم مخلطة مع الدواء لاحتها و توجهات جهة ديال الدوش حيدات السوتيام و لكيلوط هزات فوطة عمراتها بالماء و دارت فيها برودوي و بدات كتمسح لحمها بلا ماتقيس الضرابي كملات و غلات وجهها بالصابون مسحات لحمها وخرجات عريانة هوكاك حلات الساك جبدات منه دو بياس في الغوز لبساتهوم ونعسات هوكاك كان النهار طلع ديك الساعة عاد غمضات عينيها
***في المغرب
امير بارك في الفيلا ديالو كان سي مصطفى ووهيبة و عبير
سي مصطفى;علااااش ماعاودتوش لي هادشي من اللول ,,علاش مقلتوش لي داكشي لي سرا ,,دابا فين غتكون زادت فييييين؟
وهيبة :بابا تهدن نت راك باقي عيان
عبير ;دابا تهدنو هي اكيد اتكون محتاجة شوية ديال الوقت باش ترتاح
امير;حنا قلنا لا ؟باغا ترتاح من حقها ,,ولكن تققووول لينا على الاقل فين غادا ,,حالتها باقا خطيييرة بببف
سي مصطفى;دابا اشنو درتي
امير;والو تقول بلعاتها الارض حتى من الفلوس لي في البنك خرجاتهوم كاملين كانت مخططة تخوي
سي مصطفى;انا غنود نقلب عليها مايمكثنه لي نبرك وانا ماعرف بنتي فين زادت
امير;الوليد نت راك ماعارفش بنتك ,,اش كتسوا ,,كانت مخططة تهرب ويلا دارت شي حاجة فراه الجن الكحل ماغايلقاهاش ,,انا انعاود نمشي المركز نشوف واش كين شي جديد
سي مظطفى;انا انمشي معاك
مشاو هوما و هي تدور وهيبة عند عبير;نتي عارفة سندس فين مشات نتي لي ساعدتيها
عبير شافت فيها ببرود;اش كتخوري نتي
وهيبة;انا كنعرفك اعبير كون مكنتيش عارفاها ,,كون دابا منوضة الحيحة ,,شوفي راسك مبردة بحال يلا ماكان والوو ,,دابا غا قولي لي اش كاين ولا كنحلف ليك حتى يجي امير ونقول ليهوم بللي نتي لي عاودتيها
عبير;وهانتي قلتيها شنو ايسرا ؟
وهيبة;المهم غيعرفوها فين زادت ونتي غتظطري تعاودي ليهوم الحقيقة
عبير;واخا يقيرو لي بغاو مغنقول ليهوم والو وواخا يقلبو حتى يعياو ماغايلقاوهاش بكل بساطة انا غبرت اثر اي دليل يوصل ليها
وهيبة;يعني نتي لي عاونتيها ياك؟
عبير تنهدات;سندس طلباتني ,,انا مايمكنش نخسر ليها خاطرها فهميها داكشي لي دازت منه ماشي ساهل خاصها وقت باش ترتاح و تهنى يلا بقات هنا ,,راكي شفتي كلشي بعينيك
وهيبة;ولكن الوضع ديالها ق
قاطعاتها;هي مزيانة دابا و راها دابا يله قطعات الطيارة الايطاليا
وهيبة ;وباش عرفيتها و امير ماخلا حتى مطار مقلب فيه ووالو
عبير;ماتنسايش بلي انا هاكر ,,قلت ليك غبرت اي دليل ايوصل ليها وهاكيت سيسطيم ديال المطار و حيدتها من لائحة المسافرين وحتى الكاميرات محيت اللقطات لي فيهوم هي
وهيبة;حقلك كنتي غابرة من قبيلة ؟وباش عرفتيها في ايطاليا؟
***عند انيس لي بارك في البار في بلاصة ف اي ب بارك في واحض الفوطوي قدامو ثلاثة ديال القراعي ديال الشراب خاوين و قرعة فيها النص كيشرب ,,كلشي كيشوف فيه حتى من النادل ديال ديك النهار مراقبو ,,
واحد الطابلة باركين فيها جوج بنات مقابلينو من يله دخل ,,كانت وحدة طويلة شرها كحل مقطعاه كاري حروفها كحلين و زوينة مهم مابيهاش غا هي اوفر ماكياج لاسبة كسوة مثيرة ديال السهرات بالاسود محلولة من الصدر كيبان بيض وواقف و من الفخاد ,,باركة حداها وحدة زعرة ولكن مصبغاه مي جاها زوين و عينيها خضرين بيضة وعامرة شوية ماطويلاش بزاف لابسة كسوة قصيرة حمرة عريانة ,,كتشوف في انيس من قبيلة و كتغمز فيه كل ما دور وجهو جهتها وهو قاعما دايها فيها
احلام (شعرها كحل);ناري اختي من قبيلة وهو يسكر ماعياش ,,انا غي هاد جوج كيسان دوخوني
سهيلة عضات قنانفها;احح انا ماكين لي سكرني قدو ببف شوفي البار كامل ماكين تاشي حد بحالو ,,الزين و العضلات غي البركة كيف دايرة,,غا نعسة في داك الصدر نحس براسي طايرة الجنة
احلام;هههههه ويله ها الجنة قدامك سيري ليها
سهيلة;مانقدش شوفيه كيف مخنزر احح على تخنزيرة بفففف
احلام ايوا بلا ماتبقاي تشعري علي ,راه هو قدام سيري لعندو وورينا شطارتك
سهيلة;وايلا طيحتو اش غديري
احلام;البراسلي لي عطاني السعودي الشارف جاك ويلا ماطيحتيهش ,,ديك الكسوة لي جاب ليك داك فروج ناخدها
سهيلة;عرفت حاطه فيها العين واخا مشات
احلام يله ورينا حنات يديك
هزات سهيلة كاسها ديال الشراب و قادات شعرها الشهب واصل النص ديال ظهرها و بدات كتمشى نحو انيس و كتشوف فيه
*اما سي انيس فغارق في ببير بوحدو ماعلم بيه غا مولاه كيشوف غا في الفراغ و كيشرب ,,حس بشي يد تحطات عليه لفت وجههو عينيه شبه ناعسين و حمرين;حيدي يديك قبل ماغترحمي عليهوم
حيدات يديها بخوف ,سمح لي
دور وجهه جهة ديال الكاس ;نودي حيدي من هنا
هي شافت في صحبتها لي كتشجعها و عاود دارت عندو ;بنتي لي مقلق و قلت نجي نونسك لا علة وعاسى نخفف عليك
شاف فيها مزيان طلعها ونزلها من لفوق حتى لتحت باستهزاء وهي كتحل الكسوة و كتبين صدرها دار فيها واحد الشوفة ديال احتقار;هههه واخا تعراي كلك و ماغتحركي في والووو غا نوضي تقلعي بحالك منخشيهش فيهوم حتى في سبيل الله
هي حسات ابالهانة ووجها حمر;كلشي لي هنا كيتمنى غا يتكلم معايا و مكنحاشيهاش ليه وتواضعت وجيت لعندك ونت د
قاطعها;يلا ساليتي هضرتك تهزي تقودي من حدايا انحسب حتى لثلاثة نلقاك باقا كنحلف ليك بالله حتى ندمك على النهار لي تزدتي فيه واحد جوج ث
ماجا يكملها حتى ناضت من حداه و كتشوف فيه باستغراب و كارهة راسها و هو ماداهاش فيها عاود شد الكاس بين يديه و بدا كيشرب
**احلام;ههههه جرا عليك
سهيلة كترعد;بفففف انا لي ظليت راسي ليه تفوووو شحال حاس بكرووو يخخخ (عيطات النادل جا عندها)شي قرعة ديال الوسيكي
النادل;اووك (تم غادي وهو يرجع عنهدا)نصحك هاد المرة ماتقربيش جهتو
سهيلة ;مالو شكون يكون في ملك الله
النادل;منصحكش تعرفيه حاجة لي غنقول ليك ,,ماغيشوفش جهتك
احلام;ومالو علاش جاتوو,
النادل;حيت السيد مزوج وكيمووووت على مراتو,,وكون شفتي مراتو كيف دايرة كن نتي لي بنت تحليتي
سهيلة;وباش عرفتيها نت كنتي معاه؟
النادل شاف جهتو و عاود تلفت عندهم;واحد النهار جا سكران وبقا كيشرب و يبكي و كيهتهت بسميتها ,,حتى دار البلان و مابقاوش الروايض كيدورو ,,عيطات ليه مراتو (شد في قلبو)احح كنت كنصحابها غي شي كاورية صدقات مغربية جاوبتها غا صوتها كيجيب تبوريشة جات وهي تدير الفتنة في الكلوب قاع لي عندو شي زب قيم ,,الشعر شهب الوفورمة كيديرة و العينين ويلي ويلي ههه خلات كلشي تالف ,,لي عندو داك الزين مايشوفش من غيرو هادشي علاش قلت ليك مانصحكش تدوري بساحتو انا انمشي نجيب ليك الويسكي لي طلبتي
انيس كمل الكاس ديال الشراب و حل بزطامو كانت غي الزرقة على ختها مستفة جبد منه وحطهوم فوق الطابلة هز تيلي ديالو و السوارت ديالو لوطو وناض واخا كاو يلا وهو قاد يتمشى خرج تحت انظار الكل و مشا جهة ديال لمبركيني ركب فيها و زاد مشا جهة ديال البحر ووقفها تكا في الكرسي وبقا مقابل البحر و كيشوف فيه حتى داتو عينيه
***عند سندس لي حلات عويناتها على اشعة بدات كتقلب في الفراش كيف المشة عاد هزات راسها شفت في المكانة لقاتها الوحدة تفوهات وناضط بالزربة غسلات وجهها و جمعات شعرها شدة مهملة لبسات كسوة طويلة في الغوز بارد و بوليرو البيض لي جات بيه حيت ماجابتش بزاف ديال الحويج لبسات السندالة لي جات بيها هزات ساكها و نزلات مشات المطعم لي في الاوطيل تغدات ببيتزا و شربات عصير خلصات الاوطيل و شدات طاكسي و مشات جهة ديال المطار ثاني كانت باقا ليها نص ساعة دوزاتها غي في الاجرأت ديال السفر و ركبات الطيارة وهاد المرة الوجهة الهند حطات راسها على الزاج و غمضات عينيها حيت كانت باقا عيانة و نعسات مافاقت غي على يدين الموضيفة لي قالت ليها بلي الطيارة نزلات شكراتها و مسحات عينيها و نزلات دارت الاجراأت الامنية و خرجات كانت في مطار مومباي الزحام و الناس غادة و جاية خرجات بحال يلا هي في عالم ثاني ,,تصدمات من هاد الكم الهائل ديال بندام شدات طاكسي بعد ماسولاتو واش كيفهم الانجليزي كانت غتقول ليه ديني المحطة القطار ولكن فضولها لهاد المدينة خلاها تقول ليه ديني الاقرب اوطيل و بالطبع يكون نقي فهمها و زاد بيها كان عندهوم الصباح هوما عكس ايطاليا ,,وصلها الاوطيل مشات الاستقبال طلبات منهم غرفة عطاوها ليها و طلعات ليها كانت غرفة كبيرة و عصرية باللون الابيض و الغري ماداتهاش فيها و ماحاولاتش تستكشفها لاحت ساكها و البطاقة ديال الغرفة وبركات بتعب فوق السرير شدات كرشها بقات كتلمس فيها شحال وهي تنوض تاني حلات الساك جبدات منه شي فلوس صرفاتهم بالعملة الهندية و خرجات من الاوطيل بقات كتدور و تكتاشف المدينة دازت من محالات ديال الملابس العصرية دخلات وبقات كتشوف فيهوم عجبوها جوج كساوي طوال وحدة بالشيبي ووحدة البرتقالي خدات ليهوم شيلان حيت مالقاتش بوليرو باش تدرق الضرابي خلصات ,,لفتو نظرها تقيشرات زرقين صغار عجبوها و شراتهوم حتى هوما خرجات من المحل و مشات الفارماسي خدات بوماضات للجرح لي فيها و خرجات بقات كتدور و تكتاشف مدينة مومباي فكراتها غا في السويقة بقات كتضحاك في خاطرها شمات شي ريحة ديال الماكلة وتبعات المصدر لقات واحد كيبيع مأكولات في كابيني و الناس الزحام عليه ,,طلات شافت اش كيدير كانو مأكولات شعبية ديال الهند من بطاطة مهروسة ,,والكاري الخ طلبات منه يصايب ليها صحن حتى هي مدو ليها بقات اكتشوف بغات تبرك مالقات فين الناس كاملين كياكلو واقفين تعجبات من الامر هزات كتافها دارت فحالهوم بدات كتاكل عجبها الاكل وخصوصا الكاري بقات اكتخشي في وجهها حتى دارت لبلان محات الجبابن الصغار ديال الحديد لي كانو مدات ليه الصينية و غسلات يديها في واحد العوينة دايرها تم هزات بلاسيكاتها و رجعات للوطيل كان طاح الظلام ديك الساعة والزنقة باقا عامرة تقول النهار بالعكس الليل عاد تزاد حجم الناس تقول قيسارية لدرجة الطاكسي او العربة لي خدات خدات مدة كبيرة باش وصلها بسب الزحام ,,طلعات الغرفة ديالها و لاحت داكشي دخلات للدوش جبدات فوطة ثاني و فزكاتها بالماء و دارت فيها بوردوي و دوزاتها على لحمها كامل وخرجات جبدات بلاسيكة ديال الدواء بدات كتقرى كل وحدة ديالاش و بدات كتدهن ,,حطات صباعها على جرحة يديها جات في بالها انيس من كان كيداوي ليها جروحها و يسوط ليها فيهوم من كان كيشوفها كتألم و يبوسها ليها عاد كيحزمها ,,ومن كيشربها الدواء و إعطيها تاكل بيديه و كيبقى مضارب معاها حتى كتاكل بزز منها وهي كتفشش عليه و كيبدا يطلب فيها ويقول ليها غي هادي غي هادي ,,تنهدات و داوات جروحها رغم جروح قلبها باقين ,حلات بلاستيكة ديال الحويج جبدات منهم دوك تقاشر بقات كتشوف فيهوم شحال قرباتهوم ليها و شماتهم عاد حطاتهم جنب جبدات من بلاستيك دو بياس كحلين لبساتهوم وتلاحت فوق النامسية نعسات على جنبها الليسري حيت و بقات كتشوف في جهة ديال البالكو شحال عاد غمضات عينيها ونعسات
***امير ;عبييير ماتكدبيش نتي لي عاونتيها ,,كيغدير تخرج من الكلينيك وهو كله كاميرات ,,سبحان الله ماخصرو حتى الوقيتة لي هي غبرات فيها,,دويي,,,؟عاد وراقيها لي طارو كيف دارت حتى جابتهوم من الدار
عبير;انا قلت ليك مالي والو فهادشي
سي مصطفى;شوفي ابنتي انا عارف سندس عزيزة عليك و بغيتي اتساعديها,,ولكن شوفي حالتنا,,كيف دايرة الليل كامل وحنا كنقلبو والو ودابا النهار طلع ومالقينا عليها حتى شي دليل ,نعرفها غي مرتاحة و بيخير شي لاخر ماكيهمش
عبير شافت في سي مصطفى;الوليد تيقين انا اش غنبغي لسندس ؟الخير ياك؟ايوا صافي ,,سندس مرتاحة دابا و بيخير ,,ماخاصها والو خاصها غي الهناء وراحة البال و تبعد على المشاكل صافي رتاحتو ماتطلبوش مني شي حاجة خرا حيت مغنقول والو واخا تقتلوني ,,ومايمكن تاوحد يوصل ليها
امير برك فوق الفوطوي;وعلاش مقلتيش لينا هادشي علاش خليتينا نقلبو ماناعسين ماشفناه ,,فين هي ؟واش مفكرتيش فيه و في الجنين ها ؟
عبير;سمعني نقول ليك,,انا كون مافكرتش فيها و في الولد لي حاملة بيه قاعما نساعدها ونت عارفني اش كنسوا ,,سندس راه ختي ,,نفديها بروحي ,,وكون أكيد بلي ,,يلا عرفت غي واحد في المائة هاد الطريق غتأديها ماغنحطش يدي في يديها ,,خليوها ترتاح شوية باراكة غي هادشي لي داز عليها ,
وهيبة;امير ,,,عبير عندها الحق ,,سندس تعدبات بزااف ,,كنظن يلا بعدات اتولي حسن ,,,عبير عاودات لي كلشي البارح ,,و كون كنت حتى انا في بلاصتها اندير المثل ,,سمعتي الطبيب اش قال ,؟يلا تعصبات ولا تقلقات تقد متنجمش هاد المرة ,,خليوها تبعد من المشاكيل والصداع شوية و يبردو ودنيها
امير تنهد ;واغي قولوها ديك الساعة وهنيونا متخليوناش محروق دمنا عليها
عبير;كان خاصني نشري ليها الوقت بينما بعدات ,,و دابا من عرفتو كلشي ,,نصحكم خليوها بخاطرها غيكون احسن ليها وليكوم
امير;مافهمتش
عبير تنهدات;ماعندك ماتفهم انا غادة نقضي واحد اللعيبة ونرجع (عطاتهوم باظهر و خرجات وقفات حدا الجردة جبدات دوج جوج جوايات من يديها بقات كتشوف فيهوم جبدات تيلي ديالها و دوزات النمرة)كوثر فينك,,بغيت نشوفك ضروري,,واخا نتلاقاو تم قطعات معاها جاها ميساج في تيلي بتاسمات)المسخوطة في الهند هههه سعداتك الالة نتي لي تسركلي,,,سلمي لي على شا روخ خان و زريقة حبيبي (مسحاتو و ردات تيلي لجيبها و خرجات)
***انيس حل عينيه بسباب اشعة الشمس وهاد المرة كان ناعس الارجوحة لي عندو في الجردة شاف في الشمس حاقد على الوضعية بحال يلا كيسبها ,,وماكرهش يقجها ويلا يمحيها ناد كجر في رجليه للداخل و شا;د في راسو عائشة عائشة وا الزمممممر
خرجات عندو الخدامة كتقفقف ;نعام امسيو انيس
شاف فيها بغضب;يلا ماكنتيش باغا تخدمي قوليها
حنات راسها ;سمح لي مسيو انيس منبقاش نعاود
انيس;غاعاوديها و شوفي ,,سيري صيبي لي شي قهوة كحلة بلا سكر و جيبي لي شي كنة ديال الراس
هي;واخا مسيو انيس
تم طالع الغرفة ديالو وهو يصوني ليه تيلي جبدو;الو ,,وجدوووو,دوزهوم لي الاكاديمي ,,ساعة نقاك تم واخا
قطع تيلي ووقف مدة في الدروج كيحاول يتهدن شاف مه نازلة من الدروج خنزر و عاود طلع
محاسن ;ولدي انيس وقف غي ندوي معاك دقيقة عافاك
وقف عطيها بالظهر;شنوووو
محاسن;ماتديرش هكا في ميتمك ,,انا مكنتش عارفة شنو كاين مستاعدة نطلب منها السماحة غي رجعو لبعضياتكوم ماميكنش لي نشوفك كتدمر راس
قاطعها ;الدقيقة سالات,,و من احسن ماتدخليش,حيت هادي كتبقى حياتي الخاصة من بغي حتى شي واحد يخشي قمقومو فيها
محاسن;ان
خلاها وزاد طلع البيتو طوع الباب و دخل للدوش ديريك دوش بالخف و مشا المرايو جبد سروال بارا كحل و بيل شيبي نص كم لاصق عليه و برودكان كحل ,,رش ريحتو و خرج بالزربة ;حنان
محاسن;بغيتي شي حاجة اولدي
نخلها ;حنناااان
جات الخدامة الثانية كتجري;طلعي هزي لي حوايجي وحطيهم لي في غرفة خرى وجمعي حوايج سندس لا جا ليهوم شي حد عطيهوم ليها
حنان واخا مسيو انيس
شرب الكاس ديال القهوة بالخف ولاح الفنيدة في فمه شربها و خرج خلا مه اكتشوف و تحسر عليه
***اما عبير وصلات الكافي مقابلة مع البحر دخلات لقات كوثر باركة في الشرفة شادة كاس ديال العصير بالليمون وكتساناها تسلامو و بركات
كوثر;قلتي لي شي حاجة مهمة شنو كاين ,,واش سندس طرات ليها شي حاجة ؟ثلثيام كنحاول نتاصل بييها ووالو قلت اتكون بغات تبقى مع انيس و مابغات تاشي حد يبرزطهم
عبير تنهدات;سندس سافرات (حركات يديها في الهواء )طارت من هنا
كوثر;وايلي هي بنت الحرام مشات شهر العسل هي و انيس حقل السيدة ماكتجاوبش قول هي خارج التغطية ؟
عبير;لواه شهر البصل ,,بفف سندس و انيس غيتفارقو سراو بزاف الامور فهاد ربعيام (عاودات ليها على موت انيس و شنو دارت سندس و الكلينيك لوي كانت ناعسة فيه و تخاصيمة لي تخاصمات معاه و هضرتو ليها و كيف لقاتها و من ساعداتها باش تهرب ماقالتش ليها فين كوثر شدات فمها من الصدمة)هادشي لي كاين ,,دابا هي خوات من هنا
كوثر;اوييلي ,كيفاش وانا ,,كيفاش مافخباريش علاش علاش مقلتو لي والوو ,,انا كنت كنصاحبها (نزلات دمعة من عينيها )فرحانة و انيس كيفاش قد يقول ليها ديك الهضرة هو (سكتات)هو كان كيبغيها كيفاش عطاتو خاطرو ,,ياربي اش هاد المصيبة؟
عبير;المهم لي سندس قبل ماتمشي وصاتني نعطيك هادو (مدات ليها البراوات ناضت )نخليك دابا عندي مانقدي
شدات كوثر البراوات في يديها و بقات كتشوف فيهوم قلباتهوم لقات وحدة مكتوبة فيها كوثر هي ليحلات وبدات كتقرى و عينيها دامعين شلال;كوثر ,,يلى قريتي هاد الرسالة انكون انا بعدت من هنا ,,عارفاك اتقلقي علي ,,سمحيلي اصحبتي حيت مقديتش نقولها ليك ,,حيت عارفة اتلصقي في كيف ديما و ماغتخلينيش ,,ولكن انا بغيت نبقى بوحدي ,,خاصني نعالج شي امور كيخصوني انا وولدي ,,يلا بقيت غاديا غي ندمركوم معايا اللهم نبعد ,اكيد انرجع ماتخافيش ههه غا مسحي خنونتك انا وراك والزمن طويل ,,وفري دموعك عندك و دعي معايا نحقق داكشي لوي بغيت,,غنقول لي واحد الحاجة يمكن عمرك سمعتيها مني ,,انا كنبغيك وكنعتابرك بحال ختي كنتي معايا في الحلوة و المرة ديما مخليا داركوم و عائلتك و كتجاراي معايا فين ما مشيت ,,شكرا ليك بزاااف على كلشي ,,غنطلب منك طلب ,,سامحي امير راه كيبغيك هو بعد عليك حيت ماكانش قاد يواجهك ,,بكل بساطة كان كيحمل نفسه المسؤولية لداكشي لي سرا مع جاك ,,ههه مكلخ كيف ديما ,,سامحيه وحاولي تكوني في جنبه راه عمرك ,,عمرك غاتلقاي واحد فحالي الحب كيدق غي مرة باب يلا مشا ماكيرجعش ,,رجعي ليه وعطي لنفسكم فرصة هاد المرة ,,واخا؟راه هداك الحمق كيتعدب بلا بيك حني فيه وباركة من التعفار تاني هه زدتي فيه ,,صافي براكة علي من العواطف طيبتو لي قلبي بيهوم بففف عبير عطاتك جوج جوايات واحد ليك لي هو مكتوب فيه سميتك ولاخر بغيت تديه الرئيس حسن عطيه ليه من يديك ليديه و قولي ليه قالت ليك سندس كتعادر ,,
نقوليك نصيحة ,عيشي حياتك ,
مانقولش ليك باي حيت انا اكيد راجعة انقول ليك تهالاي في راسك العشيرة و ديري عقلك ولا من غنجي انهرس مك هههه
طوات البرا و هي كتنخصص و تبكي ;اهئ اهئ علاش درتي هكا اسندس اهئ اهئ اهئ كنتي تقوليها نمشي معاك اهئ فينما بغيتي اهئ المهم ماتبقايش بوحدك اهئ اهئ (شافت جوا لي في يدهيها مسحات دموعها حلات بزطامها جبدات فلوس حطاتهوم و ناضت خرجات ) ..
شارابوفا الجزء 24
محتوى القصة
التنقل بين الأجزاء