وصلات لفيلا بقات باركة في لوطو شوية مغمضة عينيها كتحاول تجمع اشلاء افكارها لي نداثرو ,,حلات عينيها في لمراية كتشوف انعكاسهم فيها ,,كانو مليانين حزن وهم وغم شنو هاد الحياة ياربي كون غي تاخدني عندك هادشي لي كتقول في دماغها استاعدات الشيطان وخرجات لقات جاد و انيس كيلعبو اشافوها و تمو جايين عندها كتجاروا هزات ريان و شدات جاد في يديه;ماما جيتي انمشوي؟
حركات راسها باه;صافي واجدين ؟
ريان;اه اه وازدين انا بست بوحدي ,,
سندس باستو في حنكو;يخلي لي لي ولا يلبس بوحدو بلا مايعاونو شي حد
ببرود;باي (وقطعات عليه تنهدات ودارت شافت فيهوم بابتسامة )اش قاليك؟
سندس ;هه قالي سيرو يله (شافت في المراية);الى لبيسين ههههه
جاد و ريان;الى لبيسين هه
ضحكات و زادت عفطات كتضحك مع الدراري و محاسن ,,كتحس براسها بحلا كتضحك على نفسها ,,كتصطانع الفرحة وهي في داخلها ,,كتحس بالموت ,,الموت ,,لي ولا قريب ليها فكل دقيقة كتمر كيزيد يقرب و ماد يديه ليها كيتسناها تمسك في يديه وتمشي وهاد لمرة مشية بدون رجوع ,,ماشي ديما الحظ كيوقف معانا,,هادي هي الدنيا ,,عطاتها شحال اكيد اتاخد منها في المقابل ,,ولكن مكانتش كتظن بلي المقابل ايكون هو حياتها ,,لهاد الدرجة ,,الحياة استغنات عليها,,؟وقفات من افكارها من بعد ماوقفات لوطو في باركينغ ديال النادي للسباحة حلات عليهوم خرجو كيتزعرطو فرحانين ضحكات عليهوم وعلى حماقهوم اي حاجة كتفرحهم اي حاجة ولو بسيطة كترسم في وجههم ابتسامة جميلة بريئين ماعرفيش شنو ساري فهاد الحياة ,,كل همهم هو اللعب صافي ,,ماكيفكروش في غدا وماعارفينش شنو ايسرا ,,كيعيشو اللحظة بلحظتها ,,ملائكة حتى في وجههم كيجوبو ليك البهجة من كتشوف شقاوتهم و ضحكهم ولعبهم ,,كيفاش اتقد تقتل روح بدون شرع ولا قانون ,,يلا ربي مكتب ليهوم يعيشو ,,شكون هي باش تخالف امرو وتجهض ,,روح اعباد الله روح تقتل روح ,,طلقات شعرها ياخد راحتو بحال يلا كتنفض بيه الافكار ولا بغا تريح نفسها ,,هي براسها ماعرفاتش علاش طلقاتو ,,:مالك ابنتي بنتي ليا اكتخمي؟
سندس بابتسامة;لا اكنشوف دوك الشياطين كينقزو ههه
محاسن:انا حاسة بيك ,,وعارفة بلي كاينين مشاكل بينك وبين انيس ,,هاد ليام وليتو اما كتجاهلو بعضكم ولا تغاوتو سمعتو لبارح من كان كيغوت عليك ,,شنو كاين؟
سندس ;لا ماكين والو ماكين ماش تشطني راسك ,,غي الخدمة هاد ليام مقلقاه ومابقاش عنده خاطر
محاسن;نا مكنرضعش صبعي ,,هاد الهضرة قوليها لجاد ولا ريان ماشي لي
سندس;هه كندوي معاك بصح هه ماكين والو ,,
محاسن;شوفي في راني بحال ميمتك عاودي لي
سندس تنهدات;اودي ماعندي مانعود ليك ,,(شافت فيها بابتسامة)جينا نفووجو ماشي نجبدو المشاكل
محاسن;خاطرك
هزات كاس ديال العصير وكتشرب فيه و ساهية في جاد وريان لي لابس بوغيات ديال ليد باش مايغرقش وكيعومو
****
امير;مالك اصاحيب بنتي لي ماشي تالهيه
انيس هز راسو فيه;ماعندي خاطر باش ندوي ,,(كيشوف في شي وراق)
امير;واش سندس؟
ماهزش راس فيه;قلت ليك ماعنديش الخاطر ومزير في الخدمة ,,خليني هاد الساعة عليك في التقار اله يرحم باك ,,كري وماحملش ديلمو فهاد الساعة
امير ;كالما كالما تا مالك وليتي على نقشة كتدور ,,انا غا دويت معاك
تنهد;والله اامير حتى غارق حتا لودني مافي لي يدوي اصلا الخدمة مزيرة وداك الزامل ديال سليم ,,كان مخلي وراق وراه وكيفوج يله جابهم ليا و عاد الشركة ,,لي مابقاش كيعتب فيها حتى هو زايد على همي ,,اتزوج وهو يقلب الفيستة مابقاش كيجي لاهنا لا لهيه و مخلي الخدمة كلها
امير بابتسامة;خليه يعيش
انيس;يعيش هو انا نموت ,,وليت تقريبا كل نهار كنمشي الشركة ,,ماعمرني حطيت فيها رجلي منهار شريتها كان مكلف بيها هو هاهو ولا باغي ايسافر و يدور ,,لن حقة دخلوه لفلوس ,,ماعندو مايدير بشي خدمة ولا فريع الراس
امير;تهدن ,,نت راك عارف ساليم ,,واخا هكاك راه رويجل ,,دوي معاه راه بعقلو
تنهد و رجع لور;كنحس بحال يلا كنبزز راسي على سندس ,,مابقيتش كنعرفها بمرة تبدلات علي لواحد الدرجة كبييرة بزااف
امير;نت عارف هاد
قاطعو;ماغتورينيش اامير ,,فترة الوحم وداكشي راني عارفو شكون كان كينصحك على كوثر من كتجي تشكي علي,,,انا كنقول ليك السيدة مابقاتش كتعبرني بمرة ,,من جينا من استراليا ,,وهي تسيف ;;في اللول كانت كتجي تخشا في و تقرب مني ,,من كنبغي نقرب منها كتمتانع وماكتبغيش ,,,دوزتها قلت يمكن مامستعداش ,,والهرمونات مأثرين عليها ,,,من بعد وليت نقول ليها يله نخرجو كتقول لا ,,,كنا دايرين نسافرو برا ,,متانعات احقا الاكاديمي ,,سكت ,,ديك نهار ,,كريت مطعم و كنت داير ليها مفاجأة نتعشاو ومنها نباتو تم ندوزو وقت زوين ,,ماجاتش صدقت لغيت كلشي,,دابا ولات غي الاكاديمي وكتجي لدار تنعس صافي ,,لهضرة ماكتدويش معايا ,,من غير سلام يلا قالتها لي ,,كندوي معاها كتنخلني و تزيد ماكتعطيني حتى خو جوابي ولا تعطيني حتى مبرر ,,وليت كنبغي نقرب منها ,,ولات كتقول ليا مابغيتش هكاك ,,عيني عينك ,,السيدة مابقاتش حاملاني ,,ولاو كيجيوها اتصالات غا في ليل معرت معامن كتدوي ,,لبارح حصلتها كتدوي ,,اشافتني بحال شافت عزراين ولا معرت ,,قطعات من سولتها قالت لي صحبتي ,,واش نت عمرك شفتيها مع شي بنت من غير كوثر ووهيبة و عبير؟ياك هادو لي كتعرف فين عمرها كانو عندها الصحابات من سولتها قالت لي احقا تلاقات معاها في العيادة حتى هي حاملة وولاو صحابات ,,وفين تلاقات معاها ياك نهار مشينا العيادة كنا بزوج ,,ولات كتكدب بزااف وكتخبي ,,سادة على راسها ,,نهار كتمشي الاكاديمي ونهار روبو مكتبركش في الدار اما خارجة بوحدها ولا مع محاسن والدراري وانا لهلا يقلب ببويا ولا يسول ,,ندوي معاها بسع مني هاد الساعة والله مافي لي يتصادع وتزيد تنخلني ,,واش كوثر كانت كتدير ليك هكا؟لا واخا كانت كتوحم عليك وماكانتش كتحمل حتى ريحتك مي لمهم نت عارف اش كاين وواخا هكاك من كتجري عليك ولا شي حاجة كنبقاو غي نضحكو يعني نت فاهمها هادي لا عادي اصلا بحال يلا ماكينش قاع كانت في ليل كوميم واخا يوقع لي وقع كتجي تخشا في وتعنقني دابا لا اما تعطيني بالظهر ولا تنعس في الصالة ولا في بيت ريان وجاد ,,من كنبغي نعنقها كتسوخر ,,دليت راسي لواحد الدرجة ماكيناش ,,والله ,,,مابقيتش حامل ندخل ديك الدار ولا نشوف فيها وحتى من جاد ماعرفت حتى وليت كندور فيه واخا مكنقصدش مي هو كيجيني في واحد الوقت لي كتكون طالعة لي ديال بصح
قاطعو;راه ماشي كنرضع صبعي اامير ,,كنعرف هادشي ,,,راه نهار كانت حاملة بجاد ياك قبل مانعرف بلي حاملة قلت ليك سندس تبدلات واخا كانت كتوحم علي ولات باغاني كثر ,,عرفتها ماشي طبيعية ,,انا كنعرف سندس مزيان ,,حافضها مااا,,هي كتهرب مني عن قصد ,,دايراها بلعاني اامير ,,وهادشي كيعني جوج حوايج يا اما مخبية علي شي حاجة يا اما مابقاتش باغاني و عينها فشي واحد اخر لعب على عقلها حيت دوك لمكالامات ديال ليل وتنوض تبدا توشوش ماداخلينش لي لمخي وحتا قصة ديال صحبتي ,,ماكلاتش معايا اكيد كينة شي حاجة
امير;لا ماتديرهاش ,,سندس كتبغيك ,,,تقد نيت تكون صحبتها وتلاقات معاها ,,تقد تكون شي حاجة خرى ,,ماتعرف
انيس كيشرب;انا مابغيتش نشري معاها الصداع ونبدا نشك فيها واخا تصرفاتها باينين ,,هادشي علاش ساكت دابا حتى نشوفها شنو اتدير
امير;واش غدير ؟
انيس;من بعد لبارح مانكدبش عليك ترونت بزااف ,,ودخلني الشك ,,حيت سندس موالفة معرت شكون يكون ماكتخلعش وتقطع لمكالمة هادشي كيدل بلي كينة شي إن انا انبدا نراقبها بلا ماتعيق ,,يلا حصلت عليها شي حاجة منكدبش عليك ,,ماعرفتش ومانتخايلش شنو ممكن يوقع
حطات سندس يديها في دراع محاسن وعكزات عليها الدم نازل من نيفها شلال مابغاش يحبس محاسن برد ليها لماء في الركابي وصلو لوطو خدمات لكونطاك بتعب وحلات لوطو دخلات بركات وهي كتفس بجهد دارت لكود حلات لبواطة وهوما يبانو الدوايات لي مستفين محاسن تصدمات من شافت داك الكم جبدات سندس ثلاثة البواطات مختصين من يجيها نزيف واحد مختص الالم شربات منهم دوزاتهم بلا ماء و رداتهم سدات البواط وبقات متكية في الكرسي كتراجع النفس ديالها لمدة ومحاسن حدا راسها كتشوف حتى حسات براسها مزيان عاد حلات عينيها;سمحي لي
دارت يديها على جنابها ;دابا اتقولي لي شنو كاين ,,وشنو معنية دوك الدوايات ,,فهميني
حركات راسها بابتسامة;عادي ,,قالت لي الطبية ضروري ايجيوني هاد المضاعافات في هاد الفترة (بتعب)ماكينة تاشي حاجة كتخلع ,,وبلا ماتقوليها لانيس غيتشطن على والو كون كانت شي حاجة خطيرة كون قلتها ليكم انا انطلع نبدل هاد الحالة
محاسن;اري يديك
سندس;ماكين لاش دابا وليت مزيان
خرجات سدات لوطو ;سندس ؟
دارت باسغراب كان امير و انيس لي داخلين دورات وجهها بالزربة وتمات غادة حتى حكمها انيس وشدها من دراعها دورها لعندو تصدم من شاف الدم مكبد جهة ديال نيفها وكسوتها كلها عامرة دم ;مالكي شنو كاين,,كيفاش رعفتي دوييييي
انيس دار عند امير;شفتي شنو قلت ليك؟(شاف في محاسن)شني عندها ؟
محاسن;والله ماعرفت سولتها قالت لي عادي يوقع ليها هكا في هاد المرحلة
انيس;انا انطلع لعندها
امير;تهدن را غي حالتها توريك
حرك راسو باه وطلع
**سندس دخلات لبيت شادة في كرشها وجهها كله عرق دخلات الطواليط تقدي حاجتها من بغات تمسح حتى تصدمات بالدم لي نزل منها لور تنهدات وغسلات مزيان حتى تحبس و ناضت لاحت حويجها دوشات بالماء بارد عاد خرجات ملوية في فوطة لقات انيس بارك في الفوتوي مشابك يديه كيتسناها تخرج ,,شافت فيه مداتاهاش فيه حلات لماريو جبدات دو بياس غوز و شورت و بيل اكس لبساتهم ومشات جهة ديال النامسية تكا;غنبقاو ديما هكا؟
قاطعها;لا خاصنا ندوييييو ,,,بغيييت نفهم ,,شرحي لييي ,,مابقيتش عارف راسي من رجلييي ,,ريحيني ولو غي بشي حاجة ,,قولي لي بلي راني غالط فيك ,,وبلي ظالمك ,,فهميني راني كنتعدب ,,
بركات فوق النامسية;ماعندك اش تفهم اانيس ,, نت سكران دابا ,,خلي حتى تصحا وندويو
شدها من دراعها,انا ماسكرانش ,,,عارف شنو كنقول ,,نتي تغيرتي بزااف اسندس مابقيتش كنعرفك واش ,,مابقيتيش باغياني ,,كين شي حد في حياتك قولي لي ,,راني تلفت والله رحميني (نزل عند رجليها)قولي لي ,,عطيني غي جواب يقنعني كنواعدك مغنبقاش نسولك
حيدات يديها من دراعو وتكات;عيانة بغيت نرتاح
شدها من دراعها ونودها ;وانا شكون ايريحني ,,,ها ,,حتى انا بحالك عيت وباغي نرتاح ,,بغيت نعس بلا منخمم ,,نشوف في عينيك بلا منشك ,,,عيت اسندس كنحلف ليك ,,عيت ونتي لي كتدمريني وكتدمري علاقتنا بهادشي ديالك ,,وليت باغي غي تعبريني تحاشيها لي ,,تغوتي كيف ديما ,,تقولي لي انيس ,كنبغيك ,,وتجي تخشاي في كيف كنتي ,,ونبقا نمسح ليك شعرك,,مابقاش كيديني نعاس ومابقيتش حامل نجي للدار ولات كتجيني الكأبة ,,بحال شحال هادي ماكين تافرق ,,حتى دابا راكي بعيدة مني,,بغيت انفهم شنو غيرك اتصالات كيجيوك في الليل لبارح كادبة علي ودابا كنشوف الدم في نيفك وكتقولي لي رعفت ,,واش انا يله حطني الكار ولا شنوو,,علاش كتديري هكا ,,وكتعدبيني ,,,,حتى انا عندي الحق نعرف شنو كاين ,,فهميني اسندس ,,شرحي لي شنووو كاين وشنو لي بدلك ,,بلا مانعرف بطريقتي وديك الساعة مغنضمنش ليك شنو ايوقع ,,حيت انا براسي ماعرفش
بركات فوق النامسية ;بغيتي تعرف شنو كاين وشنو لي غيرني؟(هزات فيه عينيها بالم كانو مغرغرين)
شاف فيها;اه هادشي لي بغيت
لاحت شعرها لور ;انا كنموت اانيس هادشي لي كاين
وقف بصدمة;كي احم كي (شد في شعرو)مافهمتش ,,كيف
تنهدات وحنات راسها;كيف ماسمعتي انا كنموت اانيس ,,نهار جينا من عند الطبيبة ,,في الليل تاصلات بي قالت لي خاصني نمشي عندها ضروري حيت لقات شي خطاء في الكشف (بلعات ريقها )من مشيت قالت لي بلي حياتي في خطر وخاصني ندير اجهاض ولا غنموت ,,حيت الرحم عندي صغير ومايقدش يتحمل (بصوت مغنغن)الثقل ديالهم بجوج وعاد الفتحة لي تضربت في اسبانيا غتفتح ,,(عاودات ليه شنو قالت ليها الطبيبة و الفحوصات لي دارو والدواء والنظام الغدائي عاودات ليه بلي تزاد عليها الحال وولات كترد الدم و الصباح مشات لعندها ومن دارت التصوير الاشعاعي لقات جرحة بدات كتفتح و من رعفات و نزل منها الدم من كانت في لاطواليط عاودات ليه كلشي بالتفصيل الممل مانسات والو كاتعاود وتاخد نفس وكتكمل بحال يلا كتسرد قصة هزات راسها في انيس بعينين مغرغرين)هادشي لي كاين ,,هانت عرفتي دابا اش مخبية عليك
تصدم ماعرف باش تبلا بقا راجع بلور حتى ضرب لكوافوز و طاح لفيوز ديال الضؤ كون ماشدش كان غايطيح على وقفته بهول الصدمة ;لا مايمكنش ,,نتي اكتضحكي معايا (بعينين مغرغرين ووجه صفر)هادشي مامنوش ,,نتي اكتكدبي علي ,لا مايمكنش هادشي مامنو والو
تنهدات;هادشي لي سمعتي هو الصح ,,انا مابغيتش نزلهم ,,مانقدش نقتل روح باقا ماشافت حتى الدنيا ,,,وعاد نت كانت امنيتك اني نحمل,,ماقديتش نقول ليك والو ,,حيت عارفاك اتقول لي نزليهوم ,,وانا مابغيتش نزلهم ,,مانقدش مابغيتش نن
كينهج شاد في الكوافوز حاس بالسخفة;لااا (مسح وجهه لي ولا كله حمر و عامر عرق)كيفاش هادشي ؟(بدا كيقرب منها وعينيه مغرغرين كيرمي الخطوة وهو حاس بروحو غتخرج ورجليه فاشلين برك في طرف النامسية جنبها وشد في صباعها)شنا هو الوضع ديالك
شافت فيه;كلما كيزيدو يكبرو ,,كيزيد الجرح يكبر و الرحم كيتقال ,,غنبقا نرد الدم و نخرجو من لتحت ,,حتى نهار نولد هادشي يلا مامت قبل ,,وعاد نسبة النجاح ديال الولادة ضعيييفة بزااف ,,مغ
ماعفات حتى لقات راسها في حضنو ,,صدرو كيطلع وينزل وقلبه ايخرج من بلاصتو;شش ماتقوليهاش ,,انموت قبل منك ,,(بداو دموعو دايزين)اهئ اهئ انا ,,مكنتش عارف شنو ساري ليك ,,اهئ ونتي ,,اهئ علاش ماقلتيهاش لي اهئ اهئ علاش خبيتي علي ,,انا مانقدش نعيش بلا بيك مانقدش اهئ نموت اهئ اهئ يلا كانو كيشكلو خطر على حياتك انز
بعدات منه;واش عارف اش كتقول ولا نو ,,ماغنقدش نقتل ولاديي ,,ولادنا اانيس ,,ولادنا ,روح كنحس بيها كل نهار هنا(حطات يديها في كرشها)كتكبر ,,ماغنقدش نضحي بيهوم باش نعيش ,,يلا كتاب لي الله نموت ماغيبدلها حتى حد ,,شوف شحال من مرة حتى وصلت لموت ورجعت ,,انا مغنزلهمش
ناض لعندها بشوية وكيبكي شد وجهها بين يديه;وانا ,,؟وانا مفكرتيش في؟اهئ اهئ فضلتيهوم علي اهئ نتي عارفاني منقدش نعيش بلا بيك اهئ اهئ والله حتى نتبعك ,,القبر لي يدفنوك فيه ايديرو لي واحد حداه ,,اهئ اهئ (حط جبهتو على جبهتها وعينيه شلال)ماديريهاش عفاك,,اهئ انا مابقيتش باغي لولاد ,,اهئ باغيك نتي ,,براكة علينا اجاد اهئ مابقيتش باغي شي ولاد اخرين اهئ اهئ انا مانقدش نعيش بلا بيك اسندس اهئ اهئ مانقدش اهئ اهئ كنترجاك ماديريهاش وتضحي براسك اهئ فكري في شنو مصيري اهئ يلا مشيتي نتي وخليتيني اهئ انموت اهئ شنو مصير جاد اهئ اهئ كنترجاك اهئ
سندس كتنخصص و مغمضة عينيها;اهئ فهمني اانيس الله يخليك اهئ مانقدش اهئ جوج رواح اهئ ,,مانقدش اهئ فهمني اهئ انا مكنتش بغيت نقولها ليك اهئ مابغيتكش تعدب اهئ ولكن منخرج اهئ كلشي على السيطرة قلتها ليك قبل ماتكتاشف راسك اهئ حتى انا مابغيتش نموت ,,بغيت نعيش معاك و في جنبك اهئ اهئ و في نفس الوقت ماقاداش نقتلهم مستحيل نديرها اهئ فهمني عافاك
كيلمس في وجهها وكيبعد ليها شعرها من وجهها بطريقة عنيفة;شوفي في اهئ اهئ شوفي في اسندس اهئ واش كتشوفي في هاد العينين الحياة من بعدك اهئ كتشوفي بلي نقد نزيد ولو غي ثانية بلا بيك اهئ اهئ نتي لي فهميني الله يخليك (نزل على ركابيه)بغيتيني نطلب اهئ نترجاك اهئ شنو ندير اهئ ياك انا لي طلبت منك تحملي اهئ اهئ صافي مابقيتش باغيهوم,,مابقيتش بغيتك تحملي ,,اهئ كنحلف ليك عمرني نقيسك ولا نقرب منك ,,غي بقاي معيا انشوفك صافي اهئ مابقيت طالب والو والو اهئ اهئ
نزلات لعندو;اهئ الطبيبة قالت بلي اهئ نسبة النجاح ضعيفة ماشي منعادمة ,,شحال داز علينا صعب من هادشي وكندوزو منه
حرك راسو بنفي;اهئ اهئ لا لا (تخشا فيها و زير على ظهرها)مانقدش اهئ
سندس;انيس اهئ هادشي لي كدير فيه غا كيأزم في اهئ كتعدبني انا مابقغيت نقول ليك باش مانشوفكش هكا اهئ وعرفت اتقول هاد الهضرة اهئ اهئ انا محتاجة ليك اهئ (خدات يديه بشوية بغات تحطها على كرشها وهو يحيدها تنهدات وهي تاخدها ثاني بغا يحيدها وهي تشدها مزيان و حطاتها على بطنها)إتقد تقتل روح بريئة معندها حتى شي دنب اهئ ملائكة اامير اهئ ولادك من صلبك اهئ من دمك اهئ اتقد تديرها اانيس اهئ اهئ
كمش يديه;اهئ كتصحابيني انفرح يلا متي اهئ وتزادو هوما اهئ كتصحابيني انهزهم بيدي,,مغنسامحهم حيت هما سبابك اهئ (شهق)خاصك تديري واحد لحاجة ودخليها لدماغك مزيان اهئ انا مكتهمني تاشي حاجة ,,تاشي حاجة في هاد الدنيا ماكتهمني من غيرك ,يلا مشيتي انتبعك اهئ اهئ ونتي بهاد القرار اهئ كتضحي براسك وبي اهئ ائ اتقتلينا بجوج اهئ اسندس بجوج اهئ فكري مزيان
حطات يديها في حنكو كتلمس فيه بحنان;اهئ سمعني ,,اهئ انا كندير قاع داكشي لي قالت لي الطبيبة بالحرف ومتبعة قاع نصائحها كنطبقها واخا اهئ بعادك كان صعيب علي ,,وجاني الوحم عليك ,,كنقاوم راسي ,,اهئ انا كنبغيك اانيس كنبغيك كثر من راسي ومن كلشي وهادو منك ,,تمرة الحب ديالنا ,,مغنساش منكنتي متحمس باش نحمل و كتخيط و تفصل ونت فرحان اهئ هادو ناتجين على حلمك و حلمي ,,تانا بغيت منك ولاد ,,اهئ واش كتصحابني انفرح يلا نزلتهم (حركات راسها بلا)ديك ساعة اتكون حكمتي علي بالموت البطيء اهئ اهئ منقدش نضيع طرف منك اانيس اهئ انا (تلاحت في حضنو كتبكي)اهئ اهئ كنبغيك كنبغيك اهئ فهمني اهئ ولكن مانقدش نضحي بولادنا اهئ فهمني اانيس اهئ
بقاو مدة وهوما معانقين هو خاشيها في حضنو مزير عليها كتسمع في الغرفة غي اصوات شهقاتهم و البكا ديالهوم حتى بردو شوية عاد بعدها حط يديه على حناكها;غدا انمشيو عند الطبيبة اخرا انديرو تحاليل جداد ,,و تشخيص اخر ,,انديك عندك احسن الاطبة ,,و احسن كلينيك انخرجو من المغرب نمشيو الالمانيا و لا سويسرا ,,كينين تم احسن اطبة ,,,انا ماغيمكنش نشوفك هكا ونربع يدي ,,غدا وجدي راسك انسافرو
حطات يديها على يديه كتلمسهوم;هه كتصحابني مادرتش هكا ,,مشيت عند كثر من ستة الدكاتير وكلهم قالو نفس الشيء ,,قالو بلي ماعندي تاشي فرصة ,,الا الدكتورة فريدة ,,,لي عندها امل شوية ,,و عطاتني امل ,,بلي نقد نعيش ,,وكينة نسبة واخا ضعيفة ,,انا مأمنة بيها ,,
انيس;غدا انمشيو عندها بزوج ,,,
حركات راسها باه ;واخا
عاود خشاها في حضنه;انا انوقف معاك ,,,ولكن يلا تزاد عليك الحال ,,غطيحيه ,,واخا نعرف نخرجهم بيدي ,,انا مايمكن لي نسمح بتاشي حاجة تاخدك مني ننتاشي حاجة ,,ماغتقد تبعدك علي ,,واخا تكون لموت انمشيو ليها بزوج ,,مهم نكون معاك ,,انا مكتخايلش حياتي بلا بيك ,,مكنتخايلهاش
بقاو ديك الليلة كاملة تقريبا وهوما كيتباكاو ماناضوش من فوق الزربية ,,معانقين كيتباكاو وخصوصا انيس فكرة انه ايجي شي نهار وتموت باغية تحمقه وتهبلو ,,غايتسطى ,,,بقا خاشيها في حضنو بحال يلا خايفها تهرب ليه ,,كان خايف بزاااف ,,حتى نعسات ليه بين دراعو بسباب المهدئات شافها مغمضة عينيها وهو يخرج عينيه ;سندس حبيبة مالكي ,,اهئ اهئ سندس فيقي ماتخلعينيش اهئ
حلات عينيها;مم خليني نعس اانيس
عاد رجعات فيه الروح هزها بين يديه و مشا بيها جهة ديال النامسية تكا وتكاها فوقو خشاها فيه و زير عليها هي تخشات فيه بحال شي مشة وهو محاوطها بدراعو الليل كامل وهو يبكي ويتنخصص ماغمض ليه جفن لا والو عينيه ولاو حمرين ومنفوخين غاطلع النهار و الشميسة شرقات وهو يبدا يفيق فيها
كيلمس في حناكها;حبيبة فيقي يله نمشيو عند الطبيبة
تخشات فيه;عافاك اانيس غا شوية حاسة براسي عيانة
تخلع وهو يشدها من وجهها;مالكي باش كتحسي ,,واش الحريق ,,كيضرك شي حاجة؟ دوي مالكي
مادواتش معاه تلاحت عليه وتخشات ;بغيت نعس مم عافاك
مادواش معاها ناض وهو هازها بين يديه حتى دخل بيها الدوش طلق الروبيني شوية دافي وخشا يديه وبدا كيغسل ليها وجهها;حرام عليك اانيس والله اووف
هز فوطة كيمسح ليها هي حاوطات رجليها عليه وخشات وجهها في عنقو تم خارج بيها حل لمارو جبد سروال سيرفيط و بيل اكس بركها فوق لفوتي وهي دايخة بالدواء باغا غيترجع تركد حيد ليها شورت و لبسها سروال حيد ليها بيل ولبسها اكس,,مشا لماريو حيد حوايجو باش بات ولبس كالسو جديد وسروال سورفيط كحل و بيل اكس كحل مع كاسكيط فيها الحمر والبيض مع سبرديلة فيها الحمر والابيض ولكحل لبس كويرة كحلة و ناض هزها بين يديه وتم غادي بيها تلاقا مع محاسن شافتهم هكاك وهي تقفز;مالها
تنهد;والو
وزاد بيها ركبها في لوطو ودار ليها حزام السلامة و ركب هو عفطة وحدة ماوقف حتى العيادة ديال دكتورة فريدة وقف وبقا معاها حتى فاقت نزلو ودخلو بجوج
الدكتورة;صباح خير مدام الادريسي ,,واش كلشي هو هدا؟
انيس حط يديه على المكتب;بغيت نعاود ليها التشخيص من اللول
فريدة;قولي ليهم يوجدو غرفة الفحص و سيري مع مدام الادريسي وجديها
شافت في سندس;تفضلي معايا مدام
سندس شافت في انيس تنهدات وزادت معاها
,,,بعد ثلاث السوايع من الفحوصات والكشف ,,رجعات الطبيبة حاملة صور اشعاعية جداد بركات في لمكتب بحزن مداتهم للانيس;كيف شرحت لمدام ديالك ,,وضعها كل نهار كيزيد يتدهور ويلا بقات محتافضة بيهم اتموت ,,هادشي يلا موقع شي تطور و تأزمات كثر قبل مايحين وقت الولادة ,,انا كيف قلت وكنعاود ,,خاصها تنزلهم هدا هو انسب حل
انيس كيشوف في اكوغرافي و كيترعد ,,ومنظر جوج اجنة متفاصلين بين عينيه و نقطة سوداء كبيرة في المعي ديالها ولا حمر هز راسو في سندس لقاها كتشوف فيه تنهد وشاف في الطبيبة;كين شي امل ؟انا ماعندثيه مشكيل في فلوس ,,شحال ما كانت العملية نديرها ,,هنا برا المغرب ,,نشري كلينيك,,لمهم يكونو بيخير
فريدة;سمع امسيو الادريسي ,,انا متفهمة وضعك وعارفك خايف على مراتك ,,ولكن امسيو ,,كيف هنا كيف لهيه ,,نفس الاجوبة,,يلا كانت اتنجح برا ,,فغتنجح هنا ,,كيف سبقت وقلت لمدام ديالك ,,نسبة النجاح العملية ضعيفة بزااف ,,وراه شرحت ليها شنو تعمل ,,تبع الدواء ديالها نبظام ,,والاغدية صحية و تكمالة ,,الرياضة ضروري ,,وممنوع ممنوع العلاقة الجنسية ,,فهاد الفترة تجنبوها بصفة نهائية ,,حتى يشدو بلاصتهم,,وعاد العصب و التقلاق لا خاصها تبقا هادية في هاد مدة الحمل ,,وتجنب اي حاجة تغيرها ,,و كل سيمانة تجي تدير الكشف
انيس تنهد;واخا شكرا دكتورة
فريدة;العفو
سلمو عليها وخرجو ;خاصنا نشوفو شي طبيب اخر اكيد كين شي حل
سندس;راك سمعتي الطبيبة اانيس كون كان شي حل كون قالته لينا
انيس حط يديه على حناكها بحزن;كاين حل ولكن نتي لي مابغيتيهش
حيدات يديه ;ماعمرك تقول هاد الهضرة مزاال ,,ماعمرك تجبدها
جرها لعندو;صافي صافي سمعتيها ماخصكش تقلقي
سندس;ونت اش كدير دابا
خشاها في حضنه;سمحيلي احبيبة سمحي لي اووف (بعدها عليه و شد وجهها بين يديه;ديري في بالك انا عمري انتخلى عليك واخا يوقع لي وقع ,ومهما نتي ختاريتي هاد الطريق انا انمشي معاك فيها حتى اللخر ولكن يلا شفت بلي اتضيعي مني ,,انسا كلشي فهمتي ,,(باسها في فمها بوسة خفيفة)كنبغيييك ,,كنبغييك بزاااف
عنقاتو ;حتى انا ولكن واعدني هادشي يبقا بيناتنا ,,نت عارفني ماكنبغيش لي يبدا يشوف في بديك النظرة ديال الشفقة ,,وحتى نت بغيت ندفنو هاد الموضوع هنا ,,صافي ,,ونعيشو عادي كيف كنا ,,ماتندمنيش حيت قلتها ليك
مسح دمعة من عينيه وبتاسم;واخا حبيبة لي بغيتي ,,يله نفطرو ونديك الدار تنعسي
حركات راسها بلا;عندي تدريب ,,خاصني نمشي الاكاديمي
باس ليها راسها ;واخا ,,انا انمشي معاك
خنزرات فيه;دوينا زعما
تنهد;واخا لي بغيتي يله نفطرو دابا ,,راه خاصك تشربي الدواء
ركبو في لوطو وزادو لاقرب مطعم فطرات سندس اما انيس اكيشوف و صافي ماعندو نفس رجعو الدار مشات سندس لوطو ديالها تبعها حلات لبواطة و جبدات اكدواء انيس تدهش وخرج عينيه مسكين ماعرف باش تبلا قاع دوك الدوايات كتشرب بقا اكيجبد ويقرا,ها مقوي ديال الجسم ,,ها ديال ماغنيسيوم ها ديال فقر الدم ,,ها ديال الحديد ,,ها بروتين ,,ها ديال الدورة الدموية و دقات القلب ,,ديال لمعي ,,ومهدأت شي ثلاثة ,,كا يحسن لقا حداش الدواء برد ليه لماء في الركابي شربات دواها ونزلات كأن شيء لم يكن بقا هو غي مسمر في بلاصتو ولبكية حاس بيها في حلاقمه حابسها ,دخلات بقات كتضحك مع جاد وريان مقشبة معاهم شوية عاد طلعات دوشات ولبسات سورفيط و هزات داكشي ديالها شدات جاد لي كان لابس و مشاو
****دازت مدة تقريبا ستة شهور
سندس كرشها تنفخات وبانت ,,ووضعها نهار على نهار كيتأزم ,,وبالخصوص من دخلات في شهرها السابع ولات تقريبا كل ربع سوايع كترض الدم و لا غي تحركات كترعف ,,مابقاتش تقد تنوض من نامسية ,,ضعافت وعينيها دخلو ,,شعرها خفاف ,,ولات فحال شي زومبي ,,و انيس حداها ماكيفارقهاش ليل ونهار خدا ابارطومون قريبة لعيادة وسكنو فيها بزوج بيهوم حتى من جاد خلاوه مع محاسن ,,خدا كونجي ماكيبعدش عليها ولا دقيقة ,,في الليل ماكينعسش كيبقا مقابلها لا تكون ماتت ولا شي حاجة ,,الخوف ديما متملكو لدرجة مابقاش يقد يخرج الزنقة كلشي كيجيبوه حتى لعندهم,,حيت ماقيدش يخليها ,,بالخصوص الطبيبة من قالت ليهوم تقد تولد قبل من الوقت
ناض انيس كيف ديما هو اللول بعد ليلة طويلة ديال التخمام و الخوف تلف جهة ديال سندس لي كانت ناعسة على ظهرها كرشها باينة وجهها صفر و عينيها داخلين و العضومة باينين تنهد وبدا كيلمس فيها ليها في وجهها بحزن و الدموع في عينيه كيتأسف الحالة لي وصلات ليها ;اش هادشي درتي اسندس ,,اش هادشي
ناض بشوية بلا مايفيقها دخل الدوش دوش وخرج لبس غا كالسو و سروال السورفيط ومشا في اتجاه الكزينة
**حلات سندس عينيها الدابلين كتكسل ;مم الله
لاحت الغطا كانت ناعسة غا بدوبياس بايضين صافي كرشها واصلة لفمها دخلات الطواليط حيدات الويز لقات فيها الدم كيف ديما لاحتها وغسلات ودارت وحدة جديدة غسلات وجهها و سنانها وخرجات لقات انيس داخل ببلاطو ديال الفطور اشافها وهو يمشي كيجري حط بلاطو وشدها من يديها;اش داك تنوضي ,,بوحدك ياك قلت ليك ماتحركيش حتى نكون معاك
بتاسمات;تحبست ههه وبغيت نمشي الطواليط (شافت في بلاطو)اي ياي ياي ارا لهنا ارا نيت كان في الجوع
هزو وحطو قدامها;وكولي ثاني جوج دغمات
هز السندويش كيوكل فيها بشوية و كيخلي ليها الوقت باش تمضغو ,,بسباب الجرح ديال الكرش حتى كتمضغها مزيان عاد كتسرطها ,,وكيعطيها عصير تدوز بيه صالات بعدما كلات جوج ضغمات بزز عطاها دواها
قاد ليها لمخدة ورا ظهرها تكات وحطات يديها على كرشها شافت فيها;انوسة ههه
قرب ليها خشا وجهه في عنقها كيشم;لا ماشي هكا ,,بغيت (كيدوز فمه على عنقها)نخرجو و,ندورو ,,قاع العالم,,نديرو دورة عالمية ,,ستة شهور ولا سبعة ولا حتى عام ,,نعيشو انا وياك ,,ونضحكو ,,اناخد باطو ,,و نسافرو بيه
جا لعندها كيجري لاح بلاطو الارض وهزها بين يديه لوا عليها المانطة ونزل كيجري بيها هكاك حفيان عريان وهي معنقاه كتبكي وتغوت نزل ربعة الدروج بالتلفة نسا الاسانسور ولا اكيجري بيها وهي حامية السوق نزل الغراج حل لوطو ركبها القدام و مشا كيجري ركب وكسيرا بيها ;اهئ اهئ انيس اهئ يلا مم سرات لي مم
انيس وججه صفر مخطوف من لون ;سكتي سكتي ماغيسرا والو ,,تنفسي احبيبة عافاك تنفسي تنفسي
كتوجع;اهئ اهئ واعدني واعدني بلي مم ع
بالغوات كيضرب في لفولون;ماتقوليهاش ,,احنا قربنا حاولي تاخدي نفس غا تنفسي احبيبة كلشي ايدوز مزيان صبري
وزاد كسيرا ما كين لا قف لا سيدي زكري عفطة وحدة ماوقف حتى الكلينيك لي غتولد فيها نزل بسرعة حل لباب وهزها بين يديه ودخل بيها كيجري اشافوه جاو كيجريو حطها فوق الباياص وهي كتقطع من الوجع كيجريو وهو شاد فيها تابعهم حابس البكية;اهئ اهئ انيس ممممم ماتخلينيش اهئ اهئ مممممم انيس
ماخلاهاش تكمل وهو يدفعها شد في يد سندس وكيصرفق فيها;اهئ نوضي احبيبة ماتخلينيش اهئ فيقي خلاص
الطبيبة;مسيو راك كتعطلنا خرج عفاك خلينا نتكلفو هكا غي كتعرقلنا
حرك راسو بلا ;انا انبقا معاها ديرو خدمتكم نتوما انا انبقا في جنبها (كيصرفق فيها )فييييقي
حركات الطبيبة راسها لممرضة هزات برا وبدا كتسلت بشوية وهو مع كان ملهي كيبكي ويصرفق في سندس ولا بحال المسطي ماعرف الا لبرا مغروسة فيه وهكاك بقا مقاوم لعدة دقائق عاد غيب
جاو سيكيريطي خرجوه عاد نقله سندس الغرفة اخرى فين غتم العملية ,,
الممريضة;دكتور النبض ضعيف و النزيف مابغاش يحبس ,,الفتحة تحالات بربعة سانتيم و قاست المعي الدقيق ,,مغنقدوش نسيطرو على الوضع
الطبيبة;انديرو لي علينا والكمال على الله اول مرة اتجيني هاد الحالة ,,اري لي لمقص
مداتو ليها يله حطات يديها وهو فتحات بطنها وهو يترش الدم على وجههم ;طييييييييييييييييييط
االممرضة;الدكتورة ,القلب توقف
الدكتورة بخوف;وجدو مولد الصدمات دغيا معدناش الوقت
*****بعد ساعتين فاق انيس لقا راسو في غرفة ديال لمستشفى و دايرين ليه في يدو السيروم;سندووس
قلع السيروم حتى طوش الدم و ناض خارج كيجري هكاك حفيان وعريان من لفوق بحال الحمق كيدفع في بنادم حتى وصل لبلوك لقا بولة حمراء باقا شاعلة ,,يعني باقا ماصالاتش العملية ;يا ربي يا ربي ياربي وقف معايا (بدا غادي جاي و كيبكي المنظر ديالها وهي كتولد و من سدات عينيها ورخات يديها كيتعاود ليه في دماغو ضرب يديه مع الحيط بجهد وكيبكي)اهئ اهئ سندوووووووس اهئ اهئ سندس اهئ اهئ ماتخلينيش اهئ اهئ (شد في صدرو وكيبكي ويد حاطها على الحيط مابغاش تحيد ليه ديك اللقطة من عينيه ,سمع لباب تحل وهو يمشي كيجري لقا الممرضة خارجة شدها )عافاك قولي لي ,,مراتي كينة الداخل,,شنو الوضع ديالها
الممرضة حيدات يديه;سمحلي ,,ماعندي من نقول ليك من غير دعي معاها (ومشات كتجري )
بقا واقف مصدوم ماعرف باش يتبلى ;لا مايمكنش ,,مايمكنش ,,لاااااااااااااااا (بالغوات حتى زعزع المكان)سندووووووووووس لااااااااااااا اهئ اهئ ماتخلينيش (مشا جهة ديال لباب كيضرب فيه)اهئ حلووو بغيت ندخل عند مراتي ,,,حلوووو سندووووس اهئ سندوووووس حلوووو (حط ظهرو على لباب وتم نازل كيبكي)اهئ اهئ سندس اهئ ماتخلينيش
قاع لي فداك الجناح قطع ليهم قلبهم ,,كلشي كيتأسف عليه كين لي بكاهم و كيفاش لا وهو محروق ماعلم بيه غي مولاه في ديك الوقيتة ,,اش هاد القدر لي نزل فجأة ,,,ماعدنا مانديرو الدنيا دوارة يوم ليك وليوم عليك وهاهوما حبابنا تاني كيعيشو نفس السيناريو ,,نفس الاحداث هي داخل العمليات وهو برا كيقاسي ,,نفس المعاناة غا هي ليوم ,,الدقة جات صعيبة بزااف ,,حاس في قلبه بلي هادي هي اللخرا ليهوم ,,,نهاية حبهم لي كلشي كيشهد عليه ,,يمكن التاريخ يكتب على قصتهم و اجيال غتكلمو على حبهم ,,يمكن يخلدوه كيف قصة قيس وليلى ,لاش الحب كيعدب لهاد الدرجة ,,و كيحرقنا ,,,علاش مايكونش زوين كيف سميتو ,,الحب,,,كتجي في الفم زوينة و ساهلة ,,ولكن في الحقيقة ,,صعيب ,,لي ترجعو كيمشي خاسر ,,داير كيف السراب وسط الصحراء من بعيد كتبان ليك واحة ومن كتقرب كيبان ليك غي تراب و الشمس كتحرق راسك ونت عطشان عطشان باغي غي تشرب و تروي ولو غي شوية عطشك ,,وماعندكش كيفاش ,,من غير تقاوم وتزيد القدام و في الداخل ديالك باغي تموت باغي تنهي هاد المعاناة ,
***داز الوقت صعيب على بطلنا ,,كيتحرق و كيتشوا على محبوبتو وكيف لا وهي روحو قلبه وكلشي فيه يلا مشات يتبعها مافيهاش الشك ,,مابقات هاماه تاشي حاجة غيرها ,,شاف البولة تفحات و ناض بالزربة في اتجاه لباب غا تحل بانت ليه الطبيبة خارجة بوجه حزين ويائس تربط ليه اللسان مابقاش قاد يسولها ولا شي حاجة ,,ماكرهش الباب مايتحلش ولا يشوف وجهه الطبيبة لي ماكيبشرش بالخير ,,قلبه سكت بالخلعة ووجه من بعد ماكان حمر نار ولا صفر وقنانفو بياضو بلع ريقو لي نشف و دوا بصوت خفيف سخفان;شنو وقع؟
هزات فيه راسها بحزن;حنا درنا اللي علينا ولكن للاسف المدام ديالك,,,
**عفوا أيها الحب
,,دعني أقدم لك أسفي و اعتداري ,,قد آانت لحظات الفراق
ودنت منا همسات الوداع,,وكان الرحيل قدرنا المحتوم
مثلما التقينا في ساعة عشق ,,,ها نحن نفترق في ليلة ظلماء
دعنا أيها الحب نقف قليلا ,,على أطلال ماضينا نرثيها و ترثينا
بنيت لك في داخلي حلما جميلا,,تغنيت فيك اعدب الاغاني
رسمتك حروفا وقوافي ,,شدوت بك اشعارا و أشعارا
لدا و اليوم دعني أقدم لك أسفي و اعتداري
,,,عفوا أيها الحب
*****
اهزات راسها في بحزن;حنا درنا لي علينا ولكن المدام ديالك ,,تمزق ليها جزء كبير من المعي الدقيق و اضطرينا نستأصلو الجزء المتضرر وعاد نزيف كان حاد في الرحم ديالها و الجسد كان ضعيييف بزااف قلبها ماقدش يتحمل ,و
انيس طاح الارض من هول الصدمة ماقدش مزال يزيد يسمع شي حاجة اخرا ,,شد في صدرو وهز فيها عينيه دامعين;ماتقوليهاش عافاك ,,ماتقوليهاش ,,مابغيتش نسمعها ,,اهئ اهيء لا مايمكنش اهئ سندوووووووووووس اهئ اهئ
شافت فيه بحزن;المدام ديالك ,,مامتتش ولكن ,,للاسف دخلات في غيبوبة و ماعرفينش امتى تقد تفيق منها للاسف
حطات يديها على كتافو و الدموع في عينيها ;سمحلي ولكن هي باقا ماتجاوزات مرحلة الخطر مانقدش نغامر بيها ,,وماتقدش تشوفها حتى يستقر وضعها ,,وهاد اثنين و سبعين ساعة المقبلة ,,هي لي اتحدد ماصيرها ,,يا اما تبقا في غيبوبة ,,ولا اتموت ,,انا منقدش نعطيك شي امل زائف ولكن فريمون المدام ديالك الوضع ليها حرج بزاااف و حتى جسدها مامساعفش ,,ضعيف ,,انا فت قلت ليكوم بلي نسبة النجاح ديال العملية ضعيفة بزااف ونتوما خديتو المجازفة ,,فما عليك غي تدعي معاها هادشي لي غنقول ليك ,,قوي راسك فهي محتاجة ليك (ربتات على كتفو و زادت)
مشات خلاتو مصدوم ماقدش يوقف مزال قلبه بدا كيزدح واحد الدرجة كبييرة ,,و عينيه تحجرو و حمارو مابقاوش باغين يضرفو الدموع وجهه صفار و قنانفو بياضو صدرو كيتهز و يتحط ما عرف حتى لقا راسو ملقى على الارض بطولتو مغيب ,,شافوه الممرضات وجابو حمالة حملوه سيكيريتي و داوه الغرفة
**بعد انتنين و سبعين ساعة ياعني بعد ثلاثة ايام ,,
انيس عاشهم كلهم رعب و خوف شحال من مرة سكت ليها القلب و نعشوها في الدقيقة تسعين ,,,ولا غي بارك في داك الكولوار ماكينعس ماكيدوقو باقي بنفس الحوايج مابدلهمش ,,,لماكلة ماكيدوقهاش من غير قرعة ديال لماء حاطها حداه ,,هي باش عايش واخا راه الداخل ديالو ميت ,,كيفاش لا وهو ثلاث ايام بنهاراتها و لياليها ,,مقابل الغرفة ديالها ,,ماكيحيدش من حداها ,,كيشوف الاطبة داخلين خارجين فكل مرة كيتشعل لبولة الحمراء اندار بالخطر ,,ماعرف عليها والو من غير تسنى تكمل انثنين و سبعين ساعة ,,هادشي لي كيقولو ليه تاجواب واحد يقنع بيه قلبه والو من غير دعي معاها شحال دعا و شحال بكا وشحال من مرة سخف وكيديوه يديرو ليه سيروم اكيفيق كينثرو ويرجع يربع قدام غرفتها بحال الحمق و يدوي بوحدو تسطى ,,هاهي الطبيبة خرجات تاني بنفس الملامح الحزينة كترمقو بارك ماقادش يوقف عندها ولا يمشي ,يسولها لسانو تعقد عليه و السخفة شاداه مابقاش عندو الجهد باش يدوي ولا يغوت هدا هو لي مايسمى بالموت البطيئ حواسك كتحس بيهوم كيموتو بشوية بشوية ,,قربات عندو و ماعارفاش اش غتقول ليه ,,حالتو كتشفي العدو قبل الصديق ,هز راسو فيها و عينيه دابلين ماقادش يهز عينو فيها,,تنهدات ;مسيو انيس لي خفنا منو طحنا فيه ,,لمدام ديالك دخلات في غيبوبة ,,وللاسف ماعرفينش امتى اتفيق ,,,,خاصكت تمشي تشوف الوليدات ,,حتى هوما محتاجين ليك ,,ثلث يام ماطليتي عليهم ماشفتيهوم ,,كيجيبوهم ليك كتغوت عليهم,,ماتحملهمش مسؤولية اهدشي لي سرا ,,هادشي ديال الله قضاء و قدر ,,ونت راك داري بهادشي قوي ايمانك بالله
انيس بهمس;ماكيناش الحياة,,مشات نمشي,,مابقاش عندي الحياة ,,ماخاصنيش بالولاد مابغيت تاحد ,,بغيتها هي ,,بغيتها تفيق ,,انا ماخصني والو ,,مابغيت والو ,,بغيت اسندس صافي اهي لي بغيت تاشي حاجة خرا مكتهمني ,,فيقوها لي ,,فيقوها ,,,بغيتها ,,
الطبيبة تنهدات عرفات بلي مغتصور منه والو ,,ولا فحال شي حمق ,,كيدخل ويخرج في الهضرة دخل لواحد الدرجة ديال الهلوسة ,,خايبة بززااف شافت فيه بحزن;يمكن ليك دابا تدخل تشوفها يلا بغيتي مي ماتفوش خمسة الدقايق
ناض بالزربة عندها;اه واخا واخا
مخالاهاش تدوي تكمل كلامها دخل بسرعة الغرفة ديالها بلا مايلبس الواقي ,,ادخل وهو يتصدم وشد فمه من هول المنظر ,,ملقات على السرير عريانة مغطين ليها غي الجزء السفلي ديالها ,,كلها خيوطة و سلوكة خاشين ليها في نيفها تيو و في فمها تيو و يديها سيروم و السبابة ديال صبعها ضابط ديال القلب و صدرها كله خيوطة و فاصمة كبيرة ملوية على كرشها وجهها صفر دابل ,,وتحت عينيها زرق جامعين ليها شعرها ببوني ,,مابقيتش قادة نوصف مزال ,,المنظر كان جد جد محزن ,,انا كنكتب ولقيت دموعي نزلو وانا كنوصف ,,دخل عندها بخطى ثقيلة صبعانو كيلامسو الارض تم اقدامو وعينيه مفيكسين في جهة وحدة وجهها كيبلع ريقو بثقالة ,,بحال يلا غادي في الشوك ولا معرت حاس بخطاويه ثقال وركابيه خفاف بزاف لدرجة ماقدوش يتحملو وزنو ,,وصل حداها شد في يديها كانو باردين عكس يديه لي سخان ,,علامة الموت هادي ,,خشاهم وسط يديه بحال يلا باغي يوصل ليهم الحرارة ;سندس حبيبة (شاف فيها)فيقي عافاك عارفاني مغنقدش نتحمل مزال ,,,ياك باغا تولدي ,,هاهما ولادك فيهوم الجوع نوضي ترضعيهم خلاص ,,كيقولو بلي ماكين ماحسن من حليب الام ,,فيقي عافاك ,,(حط راسو علا السرير)انا عيان بغيت النعس ,,ماقديتش نغمض عيني عرفتي علاش ,,حيت نتي ماكيناش حدايا باش تخشاي في ,,نوضي يله نمشيو الدارنا ,,نعسو ,,كنحس براسي مخنوق بزااف ,,بغيت نشم ريحتك ,,ونعنقك ,,ماتبقايش ناعسة الله يخليك ,,فيقي خلاص,,انا كنموت ,,مكتدوز لي تاشي حاجة بلا بيك,,حتى من ولادنا مبغيتش نشوفهوم,,حيت هوما لي وصلوك لهاد الحالة,,,انا عارف راسي غلطت من قلت ليك حملي,,اهئ ولكن اهئ اهئ ماكنتش عارف غايسرا هادشي ,,اهئ ماتعاقبينيش بهاد الطريقة ديري في لي بغيتي ,,اهئ افيقي اهئ ,,مانبقاش نغوت عليك,,ولا نقلقك ,,اي حاجة بغيتيها نديرها ليك,,غا حلي عينيك توحشتهم اهئ اهئ توحشتهم بزااف اهي فيقي خلاص براكة من نعاس ياك قلتي لي ,,ماكتحمليش نعاس اهئ وعلاش دابا ثلثيام مافقتي اهئ نوضي براكة من العكز,اهئ اهئ مغنبقاش نبغيك اهئ وليتي نعاسة اهئ فيقي سندوس اهئ
قاطعاتو اللمرضه;مسيو سالا وقت الزيارة المريضة خاصها ترتاح
تنهدات;مسيو ,,راك غي كتأزم الوضع ,,حالتها باقا مامستقراش ,,و زايد داخل بلا واقي ,,تقد تعرضها لشي جراثيم ,,,خرج عافاك
انيس;اتخليني ندخل عندها من بعد؟
حركات راسها باه;اه غي خرج دابا
ناض بشوية ;هانا غادي احبيبة انا شوية ونرجع عندك واخا؟ (باس ليها راسها وكيبكي عاد خرج )
**لا زلت انتظر ,,مرت سنوات ,,ولا زلت انتظر
لا زلت أرفض ان اكون في جملك ضميرا مستتر
لا زلت أرفض ان اكون في كونك ,,رمادا لا يتشر
لا زلت أصارع امواجك,,أحجارك اللتي لن تنهمر
,,لا زلت اصر على ان قلبي باقٍ في مكانه ,,لن ينمحي ,,لن يندثر
لا زلت اصارع الأقدار تلو الأقدار,,ؤاقاوم حبك ليل نهار
ؤارسم لحظات غيبتك ,,على كل جدوع الاشجار
وامثل في مسرحك كل الادوار
,,فكي عن الاعدار ,,فلن اعتدر
وسأشعل نارا في قلبي ,,و أدعها تستعر
سأضل هناك,,,,انتظر ,,,وانتظر
,,,وبعد طول انتظاري ,,,,يوما ما سأنتصر
***بعد مرور سبعة اشهر
نعم يا سادة سبع شهور ,,بالكمال والتمام ,,,سبع شهور و سندس في غيبوبة باقا مافاقتش , التوام كبرو الولد خرج طبق الاصل من انيس ,,عوينات خضرين و الحروف كحلين ,,اما البنت ملاك كل لي شا,فها كيتلف ,,كتفتن بالزين ,,نسخة طبق الاصل من سندس ,,نفس العينين و نفس الاختلاف في اللون ,,عين زرقة و عين خضرا كبار و مشفرين ,,بيضة بياض الثلج حنيكات حمرين و فيم حمر ,,الاختلاف الوحيد هو لون الشعر ,,سندس شعرها دهبي و البنت شعرها بني مغلوق ,,قاع للعائلة ساقت الخبار ,,سي مصطفى تأزم بسبابها نعس في المستشفى خمس يام ,,كومة ,جلطة قلبية,,عبير ماحيلتها البنت لي ولدات ماحيلتها لسندس ولا لولداها ,,كوثر شوية وتحماق ديما عاطياها غي لبكا ,,وهيبة خلاص دايرة جنازة ,,جاد اح على جاد ,,تصدم مسكين واخا ,,قليل فين ولا يهضر ,,ولا يتكلم ولا قبييييح بزااف وديما مضارب في المدرسة ,,واحد نهار حصلوه كان ايقتل خوه الصغير كان ايلوحو من الشرجم كون ماحيدوهش ليه ,,كيكره خوتو ,,كيقول ليك بسبابهم ماما في ديك الحالة و المشكيل حتى ريان معاه الحاجة لي كيديرها كقلدها ريان ,,ولاو دابا عايشين مع سي مصطفى في الدار خافو لا يولي ثاني قانتل خوه ولا ختو ,,انيس يا انيس اش غنقول ليكوم على حالتو مسكين ضعاف و غووفل و تحت عينيه كحالو بالسهير ,,هامل راسو و خدمتو هامل كلشي ,,ماكيحيدش من الغرفة ديالها ليل ونهار ملازمها ,,كيخرج غي يبدل ويغسل ويجي ثاني حامل مشموم ديال الورد في يديه و يدخلو عليها ,,رد ليها الغرفة بحال شي حديقة ازهار ,,كلها ورود من شتى الانواع ,,و دار ليها كواريوم ديال الاسماك ,,ماكيقربش لولادو ,,عمرو حتى شافهم ,,السمية باقي ماسماهوم ,,ولا دبح ليهوم ولا شي حاجة ,,كيحملهم بدورو اللومة ,,الحال لي وصلات ليها ,,قاع الكلينيك ولاو كيعرفوه ,,كلشي كيتكلم عن حبه للاميرة النائمة في الغرفة ,,كلشي كيحسد قصة حبهم ,,شحال وحدة حسدات سندس عليه,,وشحال من قلوب كتداعا معاه ,,وكيطلبو الله يفك سراحهم ,,ها هاو ثاني داخل الكلينيك حامل في يديه مشموم ديال الورد ريحته زكية تشمها من منين و منين ,,حامل امال و متمنيات ,,ديما كيطلب يدخل ويلقاها حالة عينيها ,,هادشي علاش عايش دابا ,,عايش غي علا امل تفيق وتصحى دخل الغرفة عندها لي رجعها كيف الجنة بسباب تشكلات الالوان و عطرها و الكواريوم ,,والشراجم المهوية و ريحة ديال الثراب مخلطة بريحة الامطار الربيعية,,حط الورد في المكان المخصص ليه اناء عامر نصو بالماء قادو و صيبو وحطو في الكوافوز حداها جر الكرسي وبرك شد في يديها;واش باقي ماهداكش الله تفيقي خلاص ,,,ماعيتيش من النعاس,,واش جنابك ماضروكش,,,دوي ,,قولي شي حاجة ,,انا مليت هاد الدنيا بلا بيك,,فيقي راني محتاجك والله ,,مابقيتش حاس بطعم الحياة ,,,كلشي ولا كيجيني كحل بلا بيك,,حتى بيتنا سديتو مابقيتش حامل حتى نشوفو,,,تالين اتبقاي هكا دويي,,,؟تانموت ؟حيت نتي كتقتليني بهادشي كنحلف ليك مابقيتش قاد نصبر مزال ,,عيت وتقادا جهدي ,,صافي براكة علي,,,مابقيتش قاد نتحمل مزاال ,,سبع شهور ماكنعرف طعم النعاس ولا الماكلة,,تاحاجة مكتحلالي ,,كلشي كيقول علي تبهدلت ,,ولكن انا مكيهمني والو من غيرك احبيبة ,,انا اصلا والو بلا بيك ,,فيقي وحلي عويناتك ,,شوفي في بيهوم,,بغيت ندوخ ,,ثاني ,,ونقول ليك شحال كنبغيك,,ماتخنقتيش بريحة ديال السبيطار ,,عارف ماعندكش مع هاد الجوو ,,,ريحتو خايبة ياك,,يله نودي ,,خلينا نمشيو الدارنا ,,,خلاص يله فيقي
حس بشي حاجة هراتو في كفو حل يديه وهو يتصدم
حس بشي حاجة هراتو في كفو حل يديه وهو يتصدم كانت السبابة ديال صبع سندس تهزات ماصدقش عينيه ورك على يديها وعينيه تحلو الى مصرعيهوم بالفرحة;حبيبة واش حركتي يديك ياك؟انا مكنتخيالش ياك؟
حس بيديها زيرو على يديه بجهد;دكتوووووور دكتوووووووور ههه (كليكا على واحد الزر)هه (رجع كيشوف فيها)ههههه
حرك راسو باه باس ليها يديها و خرج و هو غيطير بالفرحة ولا بحال الحمق غادي جاي في الكولوار وكيبتاسم بوحدو حتى خرجات الطبيبة مبتاسمة اشافها وهو يمشي طاير عندها;شنو وقع ياك فاقت هه ياك ؟
الطبيبة بابتسامة;اه امسيو الادريسي ,,لمدام ديالك ,,خرجات من الغيبوبة ,,ورجعات الحياة ,,واعضائها الحيوية كيسترجعو الطاقة ديالها ,,من هنا العشية اتكون فاقت مبروك عليك
انيس;هه انا كنت عارف بلي شي نهار اتفيق ,,ياك شحال قلتو لي معمرها تحل عينيها ههه (تلفت بان ليه امير شاد جاي و ريان جاي في اتجاههم ماشعرش حتى لقا راسو كيجري وتلاح على امير كيعنق فيه;ههه فاقت ,,سندس فاااقت هههه رجعات لي سندس ,,امير بارك لي ,,سندس رجعات لي هه هه بارك لي اخويا
امير بابتسامة;ههه الحمد الله الحمد الله
جاد عينيه خرجو;ماما صحات ياك ابابا
بعد من امير و هزو كيضحك;اه البطل ,,,صافي ماماك رجعات لينا ههه
ريان كيجر في رجل جاد باش يهزو;طاطا دودوس فاءت من نعاس صافي مابأتش مليضة ؟
انيس حرك راسو بلا;ههه مابقاتش مريضة
***بعد اربع ساعات
في جردة ملئية بالورود قاع الالوان حتى من الورد الازرق لي كيقولو منقرض كاين ,,السبولات ديال القمح واصلين فين كانت تماك بنت صغيرة تكون عندها شي عامين شعرها اشقر طويل دهبي كيف لون القمح و عويناتها كبار و مشفرين كل عين بلون بيضة كيف ضؤ الشمس ,,جميلة و ابتسامتها كتحمق كتجري وسط الحقول و كتلامس بيديها الصغيرات القمح ;ماما ماما ,,
االصوت ;سندوس ,,بنتي ,,هانا
البنت كتجري نحو منبع الصوت ;ماما فينك ,,ماما ,,فيا زووع ,,ماما
الصوت;هانا ابنتي ,,هانا
خرجات لبنت مابين الحقول ديال القمح باش تلقا راسها قدام حديقة جميلة مبنية من الشكلاط و بيوت من حلويات ,,كانت واقفة قدامها امرأة في العشرينات ,,دات شعر اسود طوييل رطب و عينين كل وحدة فلون ,,وحدة زرقة ووحدة خضرا ,,بيضاء بزااف و ابتسامتها سحرة ,,طويلة و ممشوقة ,,كانت اية من الجمال سبحان لي صورها و خلقها شافتها لبنت وهي تمشي عندها كتجري ترمات في حضنها;ماما فين مسيتي وخليتيني ,,؟ماتبأيس تحليني بوحدي
الام كتطبطب عليها;هانا احبيبة (بصوت حنين وهادي )مامشيتش فين ,,انا ديما معاك ,,وكنشوفك من هنا
البنت;انا بعيت نمسي معاك ,,ديني معاك
حركات الام راسها بالنفي و عينيها دامعين;مانقدش الحبيبة ,,هاد البلاصة ماشي ديالك,,نتي باقي قدامك عمر طويل,,
الام بصوت حنين حطاتها الارض وكتمسح ليها دموعها;شوفي احبيبة ,,نتي عمرك درتي القباحة ,,ماماك تبغيك قد هكا(حلات يديها وهي تحرك راسها بنفي)لا قد هكا ,,انا كنبغيك كثر من راسي ,,مابغيتش نشوف دموعك مزال كيحرقوني,,نتي هي نوارة ديالي ,,وروحي ,,هاد المكان ,,ماشي ديالك ,,نتي بلاصتك ,,وسط ناس باقين محتاجينك ,,كيبغيوك وكتبغيهوم,,باقي قدامك عمر طويييل ,,(بابتسامة بريئة)ومن يسالي وقتك ديك ساعة اتلقايني هنا كنتسناك نشد في يديك ونمشيو بزوج ولكن دابا لا دابا لا ,,ماشي وقتك (وغبرات)
البنت;ماما ماما فينك اهئ اهئ (كتقلب بعينيها)
,,,سندس حبيبة
كان صووت بعيييد وفجأة قلب الفتاة ولا كيضرب بجهد و انفاسها كيتسارعو تحولات من بنت عندها عامين لامرأة شابة في العشرينات جميلة بلباس ابيض و شعر حريري واصل لخصرها دهبي وعينين مختالفين بلون جسم مثير وفم كرزي صغير ومثمر حمرر ووجنتين ورديتين;سندس ,,فيقي احبيبة
تحل واحد الباب كبير تقدمات نحو بخطا ثقيلة و جميلة كتعبر عن انوثتها غا عبراتو وهو يضرب في عينيها ضوؤ مشع بزااف خلاها تغمض عينيها
***في الغرفة ,,كان انيس بارك في كرسي يد ماسك بيها يد سندس ويد اخرا كيلمس ليها حناكها ;سندس
انيس;سندس حبيبة فيقي
حس بيها زيرات على يديه بقوة حتى تقطع فيهوم الدم ,,بدات كتعقد حجبانها و تزير عينيها تكمشهم بدات كتحل عويناتها ببطئ و سرعان ماغلقاتهم بسباب اشعة الضؤ ,,عاود زيرات على يديه و عقدات حجبانها ,,حلات العين الليسرية ليلونها خضر عاد حلات عينيها لليمنية لي لونها زرق دورات عينيها في الغرفة لي كانت كلها مزينة بالورد ,,حسات بشي حاجة مثقلة يديها حولات نظرها لجهتو كان انيس لي دموعو نازلين كيراقب فيها ,من يله تحركات ,,شافت فيه سرعان ماقلبها بدا كيخفق بجهد و انفاسها كتصاعد ,,بدات كتحل فمها لي متلاصق بشوية ونطقات بهمس;انيييس
مدات يديها ليه بشوية حطاتها في حنكه;ششث ماتبكيش عافاك
شد كفها باسو وردو في حنكو كيبكي و يضحك;صافي هه مابقيتش انبكي,,منرجعتي لي مغنبقاش نبكي (حط راسو في كرشها )علاش مشيتي وخليتني ,,مابقيتش فيك اهئ ماقلتيش انخلي واحد حمق بلا بي ,حشومة عليك
حطات يديها على شعرو ;شنو وقع ,,؟
شاف فيها بعينين حمرين;كنتي اتقتليني هادشي لي وقع اخر مرة ,,اخر مرة تعاودي ديري هكا ,,عمرني انسامحك مزال
سندس كتقلب بعينيها;فين هوما؟قاعما سمعت صوتهوم وا
قاطعها بصبعو;شش كلشي مزيان ,,راه علمت عبير و الدار هاهوما ايجيو و يجيبوهوم معاهم
سندس;كيفاش ,,على انا شحال وانا هنا؟
تنهد;سبع شهور ,,ولكن الحمد الله من فقتي ,,هدا هو المهم تاشي حاجة اخرى مكتهم (حط يديه على حناكها)كنت انحماق ,,شوية ونموت فيها ,,انا مابقيت باغي والو من الدنيا من غير تكوني معايا صافي,,مستعد نتخلى على اي حاجة ,,على روحي ,,لمهم تكوني حدايا (قرب حداها و حط جبهتو على جبهتها)سبع شهور دازو بحال القرون بالنسبة لي ماكنعس ماكندوقو ,,وليت خايف نفيق يقولو لي سندس قلبها سكت ,,وليت خايف نغمض عيني ,,ونحلهم نلقاك مشيتي,,لدرجة وليت مهوووس ,,كنشرب فنيد باش مانعسش ,,نتي نعستي ,,وخليتيني انا كنتعدب (بهمس)ماتبقايش تعاوديها مزال ,,ماتبقايش ,,مغنقدش نتحمل كثر,مغنقدش كنحلف ليك (بصوت حنين)كنحلف ليك
حطات يديها على حناكو و جبهتا على جبهتو كتنخصص;سمحلي,,انا مكنتش عارفة هادشي ايسرا ,,اهئ ,,س ممم
قاطعها بشفايفو لي حط على شفايفها ,,كانو شفايفو سخان و دافيين بزااف و فازكين بالدموع والريق ,,عكس شفايفها لي كانو ناشفين و باردين ,,كيحركهم بشوية عكس ديالها كيلتاهمهم ,,وكيرويهوم بريقو حرك راسو جهة اخرا و حط يديه في حناكها كلمس فيهوم طلع الشفة الفقانية خشاها في فمها كيمص فيها ويتلدد خايد وقته في التدوق و نزل الشفة لتحتانية دار ليها المثل ,,حل فمه بشوية وخشا شفايفها بجوج كيلتاهم فيهوم وعاود خرجهم حط يديه على فكها بشوية كيلمس فيه ديك الحركة خلاها تحل فمها جر لسانها وبدا كيمص فيه بشوية و شفايفه خدامين ,,كانت قبلة حنينة ,,مليئة بالحب ,,والشوق ,,قبلة حميمة و دافية ,,وطويلة بزااف ماعرفتش شحال داز ديال الوقت وهوما على داك المنوال كيرويو شووقهوم و عطشم ,,غاطسين في عالمهم الخاص ,,بعيد على صخب الدنيا ,,كان الهدؤ و السكينة,,,الحب و الهيام العشق و الشوق ,,مارجعهم من سفرهم غير صوت الضحك و القهقاهات في الباب;احم هههههههه ..
شارابوفا الجزء 33
محتوى القصة
التنقل بين الأجزاء