شهر ونص فدار القحاب الجزء 18

ﺑﻬﺪﻩ ﺍﻟﻌﺒﺎﺭﺍﺕ ﺑﺪﺍ ﺍﻟﻜﺎﺗﻴﺐ ﻣﺤﻤﺪ ﺷﻜﺮﻱ ﻛﺘﺎﺑﻪ ﺍﻟﺨﺒﺰ ﺍﻟﺤﺎﻓﻲ ﻭ ﺧﺎ ﻣﺎﻋﻤﺮﻧﻲ ﻗﺮﻳﺘﻮ ﻭﻻ ﺳﻤﻌﺖ ﺑﺴﻤﻴﻴﺘﻮ ﺗﺎﺩﺧﻠﺖ ﺍﻟﻔﺎﺳﺒﻮﻙ : ﺻﺒﺎﺡ ﺍﻟﺨﻴﺮ ﺃﻳﻬﺎ ﺍﻟﻨﻬﺎﺭﻳﻮﻥ.. ﺻﺒﺎﺡ ﺍﻟﺨﻴﺮ ﺃﻳﻬﺎ ﺍﻟﻠﻴﻠﻴﻮﻥ .. ﺻﺒﺎﺡ ﺍﻟﺨﻴﺮ ﻳﺎ ﻃﻨﺠﺔ ﺍﻟﻤﻨﻐﺮﺳﺔ ﻓﻲ ﺯﻣﻦ ﺯﺋﺒﻘﻲ. ﻫﺎﺃﻧﺬﺍ ﺃﻋﻮﺩ ﻷﺟﻮﺱ ﻛﺎﻟﺴﺎﺋﺮ ﻧﺎﺋﻤﺎً ﻋﺒﺮ ﺍﻷﺯﻗﺔ ﻭﺍﻟﺬﻛﺮﻳﺎﺕ، ﻋﺒﺮ ﻣﺎ ﺧﻄﻄﺘﻪ ﻋﻦ ﺣﻴﺎﺗﻲ ﺍﻟﻤﺎﺿﻴﺔ ﺍﻟﺤﺎﺿﺮﺓ، ﻛﻠﻤﺎﺕ ﻭﺍﺳﺘﻠﻬﺎﻣﺎﺕ ﺍﻟﻨﺪﻭﺏ ﻻ ﻳﻠﻬﻤﻬﺎ ﺍﻟﻘﻮﻝ، ﺃﻳﻦ ﻋﻤﺮﻱ ﻣﻦ ﻫﺬﺍ ﺍﻟﻨﺴَﺞ ﺍﻟﻜﻼﻣﻲ؟ ﻟﻜﻦ ﻋﺒﻴﺮ ﺍﻷﻣﺎﺳﻲ ﻭﺍﻟﻠﻴﺎﻟﻲ ﺍﻟﻤﻜﺘﻈﺔ ﺑﺎﻟﺘﻮﺟّﺲ ﻭﺍﻧﺪﻓﺎﻉ ﺍﻟﻤﻐﺎﻣﺮﺓ ﻳﺘﺴﻠﻞ ﺇﻟﻰ ﺩﺍﺧﻠﻲ ﻟﻜﻲ ﻳﻌﻴﺪ ﺭﻣﺎﺩ ﺍﻟﺠﻤﺮﺍﺕ ﻏُﻼﻟﺔ ﺷﻔﺎﻓﺔ ﺁﺳﺮﺓً، ﻟﻘﺪ ﻋﻠﻤﺘﻨﻲ ﺍﻟﺤﻴﺎﺓ ﺃﻥ ﺃﻧﺘﻈﺮ ﺃﻥ ﺃﻋﻲَ ﻟﻌﺒﺔ ﺍﻟﺰﻣﻦ ﺑﺪﻭﻥ ﺃﻥ ﺃﺗﻨﺎﺯﻝ ﻋﻦ ﻋﻤﻖ ﻣﺎ ﺍﺳﺘﺤﺼﺪﺗﻪ، ﻗﻞ ﻛﻠﻤﺘﻚ ﻗﺒﻞ ﺃﻥ ﺗﻤﻮﺕ ﻓﺈﻧﻬﺎ ﺳﺘﻌﺮﻑ ﺣﺘﻤﺎً ﻃﺮﻳﻘﻬﺎ، ﻻ ﻳﻬﻢ ﻣﺎ ﺳﺘﺆﻭﻝ ﺇﻟﻴﻪ، ﺍﻷﻫﻢ ﻫﻮ ﺃﻥ ﺗُﺸﻌﻞ ﻋﺎﻃﻔﺔ ﺃﻭ ﺣﺰﻧﺎً ﺃﻭ ﻧﺰﻭﺓ ﻏﺎﻓﻴﺔ، ﺃﻥ ﺗﺸﻌﻞ ﻟﻬﻴﺒﺎً ﻓﻲ ﺍﻟﻤﻨﺎﻃﻖ ﺍﻟﻴﺒﺎﺏ ﺍﻟﻤﻮﺍﺕ، ﻓﻴﺎ ﺃﻳﻬﺎ ﺍﻟﻠﻴﻠﻴﻮﻥ ﻭﺍﻟﻨﻬﺎﺭﻳﻮﻥ.. ﺃﻳﻬﺎ ﺍﻟﻤﺘﺸﺎﺋﻤﻮﻥ ﻭﺍﻟﻤﺘﻔﺎﺋﻠﻮﻥ .. ﺃﻳﻬﺎ ﺍﻟﻤﺘﻤﺮﺩﻭﻥ .. ﺃﻳﻬﺎ ﺍﻟﻤﺮﺍﻫﻘﻮﻥ .. ﺃﻳﻬﺎ ﺍﻟﻌﻘﻼﺀ ﻻ ﺗﻨﺴﻮﺍ .. ﻻ ﺗﻨﺴﻮﺍ ﺃﻥ ﻟﻌﺒﺔ ﺍﻟﺰﻣﻦ ﺃﻗﻮﻯ ﻣﻨﺎ، ﻟﻌﺒﺔ ﻣﻤﻴﺘﺔ، ﻻ ﻳﻤﻜﻦ ﺃﻥ ﻧﻮﺍﺟﻬﻬﺎ ﺇﻻ ﺑﺄﻥ ﻧﻌﻴﺶ ﺍﻟﻤﻮﺕ ﺍﻟﺴﺎﺑﻖ ﻟﻤﻮﺗﻨﺎ ﺑﺈﻣﺎﺗﺘﻨﺎ ﺃﻥ ﻧﺮﻗﺺ ﻋﻠﻰ ﺣﺒﺎﻝ ﺍﻟﻤﺨﺎﻃﺮﺓ ﻧﺸﺪﺍﻧﺎً ﻟﻠﺤﻴﺎﺓ ... ﻭﻟﻜﻦ ﺷﻜﺮﻱ ﺍﻟﻠﻪ ﺇﺭﺣﻤﻮ ﻛﺎﻥ ﻓﻄﻨﺠﺔ ﻭﻧﺎ ﻓﺴﻼ. ﻛﻨﺖ ﻣﻮﺻﻴﺮ ﻋﻠﻰ ﻧﺨﺮﺝ ﻣﻦ ﺍﻟﺪﻭﺍﺭ ﻣﺎﺧﺼﻨﻴﺶ ﻧﺒﻘﺎ ﻓﻴﻪ، ﻛﻞ ﺩﻗﻴﻘﺔ ﻛﺎﺩﻭﺯ ﻋﻠﻴﺎ ﻋﺪﺍﺏ ﺗﻤﻨﻴﺖ ﺇﻋﻤﻴﻨﻲ ﺳﻴﺪﻱ ﺭﺑﻲ ﺩﻭﻙ ﺗﻠﺖ ﻳﺎﻡ ﻟﻲ ﺩﻭﺯﺕ ﻓﻴﻬﺎ ﻣﺎﻧﺸﻮﻓﺶ ﺩﺍﺭﻧﺎ ﺍﻟﻤﺮﻗﻌﺔ ﻟﻜﻠﻬﺎ ﻣﺮﻳﺒﺔ ﻭﺷﻮﻫﺔ ﻗﺪﺍﻡ ﺩﻳﻮﺭ ﻋﺒﺎﺩ ﺍﻟﻠﻪ. ﻣﺎﺑﻐﻴﺘﺶ ﻧﺸﻮﻑ ﻣﺰﺍﻝ ﺗﺎﺷﻲ ﺣﺎﺟﺔ ﻛﻞ ﺷﻲ ﻛﺎﻳﺪﻛﺮﻧﻲ ﺑﺎﻷﻡ ﺩﻳﺎﻟﻲ، ﻓﻘﻨﺎ ﻓﺎﻟﺼﺒﺎﺡ ﻗﻠﺖ ﻟﻴﻬﺎ : ﻋﻤﺘﻲ ﺃﻧﺎ ﻏﺎﻧﺨﻠﻴﻚ ﻃﻬﻼﻱ ﻓﺮﺍﺳﻚ ﻭﺭﺍﻩ ﻣﺎﻋﻤﺮﻱ ﻧﻨﺴﺎﻙ .. ﻭﻟﻜﻦ ﺃﻭﻟﺪﻱ ﺃ ﻣﻮﺣﻤﺎﺩ ﻟﻜﻴﺮﺍﻥ ﺩﻳﺎﻝ ﺗﺎﻓﺮﺍﻭﺕ ﺭﺍﻩ ﻣﻜﺎﻳﺨﺮﺟﻮﺵ ﺗﺎﻟﻌﺸﻴﺔ ﻓﻴﻦ ﻏﺎﺗﻤﺸﻲ ﻋﻠﻰ ﺍﻟﺼﺒﺎﺡ .. ﻻ ﻻ ﻋﻤﺘﻲ ﻏﺎ ﻧﺴﻠﻚ ﺭﺍﺳﻲ، ﻣﻐﺎﻧﻮﺣﻠﺶ ﻓﺎﻟﻤﺮﻛﻮﺏ ﻭ ﻣﻐﺎﻧﺘﺴﻨﺎﺵ ﻟﻜﺎﺭ ﻃﻬﻼﻱ ﻓﺮﺍﺳﻚ ﻭ ﻣﺎﺗﺒﻜﻴﺶ ﻋﻤﺘﻲ ﻣﺰﺍﻝ ﺭﺍﻩ ﻣﺎﺑﻐﻴﺘﺶ ﻧﺰﻳﺪﻧﺒﻜﻲ ﻟﻴﻞ ﻛﻞ ﻭﻧﺎ ﺑﺎﻳﺖ ﻋﻠﻰ ﺍﻟﺒﻜﺎ ﺿﺮﻭﻧﻲ ﻋﻴﻨﻲ، ﻃﻬﻼﻱ ﻓﺮﺍﺳﻚ ﺃﻋﻤﺘﻲ ﺑﺴﻼﻣﺔﻋﻠﻴﻚ .. ﻫﺰﻳﺖ ﺻﺎﻛﻲ ﻧﺰﻟﺖ ﻟﺸﺎﻧﻄﻲ ﺑﻘﻴﺖ ﻛﺎﻧﺘﺴﻨﻰ ﻓﺸﻲ ﺣﺪ ﺇﺩﻭﺯ، ﻛﺎﻧﺸﻴﻴﺮ ﺟﺎ ﻭﺍﺣﺪ ﻣﻮﻝ ﻟﺒﻴﻜﻮﺏ ﻭﻗﻒ ﻗﺎﻟﻴﺎ: ﻓﻴﻦ ﻏﺎﺩﻱ ﻳﺎﻭﻟﺪﻱ؟ .. ﻗﻠﺖ ﻟﻴﻪ: ﻏﺎﺩﻱ ﻏﺎﻟﺘﺎﻓﺮﺍﻭﺕ .. ﻃﻠﻊ ﻃﻠﻊ .. ﻃﻠﻌﺖ ﻗﻠﺖ ﻟﻴﻪ: ﺍﻟﻠﻪ ﺇﺭﺣﻢ ﻭﺍﻟﻴﺪﻳﻦ ﻧﻘﺪﺭ ﻧﻠﻘﺎ ﺷﻲ ﻃﺮﻭﻧﺴﺒﻮﺭ ﻟﺘﺰﻧﻴﺖ ﻭ ﻻ ﻣﺮﺍﻛﺶ ﻓﺘﺎﻓﺮﺍﻭﺕ .. ﻭﺍﺵ ﻏﺎﻧﻘﻮﻟﻴﻚ ﻓﻘﺘﻲ ﺷﻮﻳﺔ ﻣﻌﻄﻞ ﺍﻟﻄﺎﻛﺴﻴﺎﺕ ﻛﺎﻳﺨﺮﺟﻮ ﺑﻜﺮﻱ ﺣﺪﻫﻮﻡ ﺗﻤﻨﻴﺔ ﺗﺴﻌﻮﺩ ﺇﻟﻰ ﺗﻌﻄﻠﻮ ﻛﺎﻉ، ﻛﺎﻧﻌﻠﻴﻚ ﺗﻔﻴﻖ ﻣﻊ ﻟﻔﺠﺮ ﻭ ﺩﺍﺑﺎ ﻣﺎﻋﻠﻴﻚ ﻏﺎﺗﺴﻨﻰ ﻟﻜﺎﺭ ﺗﺎﻝ 5 ﺩ ﻟﻌﺸﻴﺔ، ﻓﻴﻦ ﻏﺎﺩﻱ ﺑﻌﺪﺍ ﻧﺸﺎﺀ ﺍﻟﻠﻪ؟ .. ﻏﺎﺩﻱ ﻟﺴﻼ .. ﻭﺍ ﺗﺰﻧﻴﺖ ﺭﺍﻩ ﻓﻴﻬﺎ ﻟﻜﻴﺮﺍﻥ ﻣﻮﺟﻮﺩﻳﻦ، ﻃﻠﻊ ﻟﺘﺰﻧﻴﺖ ﺣﺴﻦ ﻟﻴﻚ ﻛﺎﻉ ﻛﺎﻳﻨﻴﻦ ﺍﻟﻜﻴﺮﺍﻥ ﻧﻘﻴﻴﻦ .. ﻭﻟﻜﻦ ﺷﻜﻮﻥ ﻏﺎﻳﺪﻳﻦ ﺗﺎﻟﺘﺰﻧﻴﺖ؟ .. ﺃﻧﺎ ﻏﺎﺩﻱ ﻟﺘﺰﻧﻴﺖ ﺇﻟﻰ ﻏﺎﺗﻤﺸﻲ ﻣﻌﺎﻳﺎ ﺑﺎﻟﺤﻖ ﻃﺨﻠﺺ ﺷﻲ ﺍﻟﻄﺎﺟﻴﻦ ﻫﻬﻪ .. ﺍﻟﻠﻪ ﺃﻭﺩﻱ ﺗﺴﺘﺎﻫﻞ .. ﺑﺎﻳﻨﺔ ﻓﻴﻚ ﻣﺮﻓﺢ ﺍﻟﻌﻔﺮﻳﺖ ﻳﺎﻟﻠﻪ ﺟﺎﻱ ﻣﻦ ﻟﻤﺪﻳﻨﺔ ﺍﻟﺤﻮﺍﻳﺞ ﺑﺎﻗﺎ ﻋﻄﻴﺎ ﺭﻳﺤﺘﻬﻮﻡ .. ﺃﻩ ﻳﺎﻟﻠﻪ ﺟﺎﻱ ﻭﺩﺍﺑﺎ ﺭﺍﺟﻊ .. ﻛﻴﺪﺍﻳﺮﺓ ﻟﻤﺪﻳﻨﺔ ﻃﺎﺣﺖ ﺷﻲ ﺷﺘﺎ ﻓﺪﺍﻙ ﺍﻟﻐﺮﺏ ﺣﻨﺎ ﻫﻨﺎ ﺭﺍﻩ ﻋﻄﺎ ﺍﻟﻠﻪ ﻟﺨﻴﺮ ﻟﻌﺎﻡ ﻏﺎﻳﻜﻮﻥ ﺯﻳﻦ . ﻣﻮﻝ ﻟﺒﻴﻜﻮﺏ ﻓﺮﻉ ﻟﻴﺎ ﻛﺮﻱ ﺑﺎﻟﻬﻀﺮﺓ ﻭﻧﺎ ﻣﺎﻓﻴﺎ ﻟﻴﻬﻀﺮ ﻭﻟﻜﻦ ﺑﻘﻴﺖ ﺷﺎﺩ ﻟﻴﻪ ﺧﺎﻃﺮﻭ ﺣﺘﻰ ﻭﺻﻠﻨﺎ ﻟﺘﺰﻧﻴﺖ ﻭﺗﻐﺪﻳﻨﺎ ﺣﻴﺖ ﺑﻐﻴﺖ ﻣﻨﻮ ﻏﺮﺍﺿﻲ ﻓﻘﻂ، ﺗﻐﺪﻳﻨﺎ ﻭﻣﺸﻴﺖ ﺍﻟﻤﺤﻄﺔ ﻟﻘﻴﺖ ﻭﺍﺣﺪ ﺍﻟﻜﺎﺭ ﻣﻘﺮﻗﺶ ﻫﻮ ﻟﻲ ﺧﺎﺭﺝ ﻭﺧﺎ ﻋﺎﺭﻑ ﺭﺍﺳﻲ ﻏﺎﻧﺘﻜﺮﻓﺺ ﻭﻟﻜﻦ ﺑﻐﻴﺖ ﻏﺎ ﻧﻘﻮﺩ ﻣﺎﻧﺸﻤﺶ ﻣﺰﺍﻝ ﺭﻳﺤﺖ ﺟﺒﺎﻝ ﻟﻲ ﻛﻨﺖ ﻛﺎﻧﺤﻠﻢ ﺑﻴﻬﻮﻡ ﻟﻌﺎﻡ ﻛﺎﻣﻞ .. ﻗﻄﻌﺖ ﻭﺭﻗﺘﻲ ﻗﻠﺖ ﻟﻴﻪ: ﻟﻜﺮﻳﺼﻮﻥ ﻟﻜﺎﺭ ﺑﺎﻗﻲ ﻣﻐﺎﻳﺨﺮﺟﺶ ﻳﺎﻙ؟ .. ﻗﺎﻝ ﻟﻴﺎ : ﻣﺰﺍﻝ، ﻭﻟﻜﻦ ﺇﻟﻰ ﻏﺎﺗﻤﺸﻲ ﻟﺸﻲ ﺑﻼﺻﺔ ﻣﺎﺗﻌﻄﻠﺶ ﻣﻐﺎﺗﺴﻨﺎﻭﺵ ﺇﻋﻤﺮ .. ﻣﺸﻴﺖ ﺑﺠﺮﺍ ﺍﻟﻔﺮﻣﺴﻴﺎﻥ ﻗﻠﺖ ﻟﻴﻪ: ﺧﻮﻳﺎ ﺍﻟﻠﻪ ﺇﺭﺣﻢ ﻭﺍﻟﻴﺪﻳﻦ ﺷﻲ ﻓﻨﻴﺪ ﺩﻳﺎﻝ ﻧﻌﺎﺱ .. ﻗﺎﻝ ﻟﻴﺎ : ﻛﺎﻳﻦ ﺳﻴﺮﻭ .. ﻗﻠﺖ ﻟﻴﻪ: ﺃﺭﺍﻩ ﻟﻴﺎ .. ﺿﺮﺑﺖ ﻓﻴﻪ ﺗﻼﺗﺔ ﺩ ﺍﻟﻤﻌﻠﻘﺎﺕ ﺑﻐﻴﺖ ﻧﻨﻌﺲ ﻣﺎﺑﻐﻴﺘﺶ ﻧﻔﻴﻖ ﻣﺰﺍﻝ ﻭ ﻣﺎﻛﺮﻫﺘﺶ ﻧﻌﺎﺱ ﻭﻧﺒﻘﻰ ﻣﺎﻋﻤﺮﻱ ﻧﻔﻴﻖ ﻧﻤﻮﺕ ﺑﻤﺮﺓ، ﻃﻠﻌﺖ ﻟﻜﺎﺭ ﺣﻄﻴﺖ ﺭﺍﺳﻲ ﺩﺍ ﻣﻮﻝ ﺍﻷﻣﺎﻧﺔ ﺃﻣﺎﻧﺘﻮ ﺗﺎ ﻭﺻﻠﻨﺎ ﻝ ﺷﻴﺸﺎﻭﺓ .. ﻭﺍﺣﺪ ﻭﻟﺪ ﺍﻟﻘﺤﺒﺔ ﻛﺎﻳﻔﻴﻴﻖ ﻓﻴﺎ: ﻭﻟﺪﻱ ﻭﻟﺪﻱ ﻧﻮﺽ ﺇﻟﻰ ﻏﺎﺗﺎﻛﻞ ﺷﻲ ﺣﺎﺟﺔ ﺭﺍﻩ ﻟﻜﺎﺭ ﻣﻐﺎﻳﻮﻗﻔﺶ ﻣﺰﺍﻝ ﺗﺎ ﻓﺸﻲ ﺑﻼﺻﺔ ﺗﺎﻝ ﺳﻼ .. ﻣﺎﻋﺮﺕ ﺃﺵ ﺑﻐﺎ ﻋﻨﺪﻱ ﻭﻟﺪ ﻟﻘﺤﺒﺔ، ﺟﺒﺖ ﺩﻳﻚ ﺍﻟﻘﺮﻋﺔ ﺗﺎﻧﻲ ﻭﺯﺕ ﻣﻌﻠﻘﺔ ﺧﺮﻯ .. ﻗﻠﺖ ﻟﻴﻪ: ﺷﺮﻳﻒ ﺑﻼ ﻣﺎﺗﻔﻴﻴﻘﻨﻲ ﻣﺰﺍﻝ  ﺍﻟﻠﻪ ﺇﺭﺣﻢ ﻭﺍﻟﻴﺪﻳﻦ .. ﻭﺟﺒﺖ ﻋﻠﻴﻬﺎ ﻣﺎﺣﻠﻴﺘﺶ ﻋﻴﻨﻲ ﺗﺎﻟﻘﻴﺖﺭﺍﺳﻲ ﻓﺎﻟﻤﺤﻄﺔ ﺩﻳﺎﻝ ﺍﻟﻘﺎﻣﺮﺓ. ﻃﻠﻌﺖ ﻟﻜﺎﺭ ﻓﺎﻟﺸﻤﺲ ﻭ ﻧﺰﻟﺖ ﻓﻴﻪ ﻓﺎﻟﻀﻼﻡ، ﺩﺧﻠﺖ ﺍﻟﻤﺤﻄﺔ ﻛﺎﻧﻘﻠﺐ ﻋﻠﻰ ﺍﻟﺴﺎﻋﺔ ﻟﻘﻴﺘﻬﺎ ﺍﻟﺘﻤﻨﻴﺔ ﺩ ﻳﺎﻝ ﻟﻴﻞ، ﻭﺗﻤﻨﻴﺔ ﺩﻳﺎﻝ ﺷﺘﻮﻯ ﺩﺍﻳﺮﺓ ﺑﺤﺎﻝ ﻃﻨﺎﺵ ﺩﻟﻴﻞ ﺩﻳﺎﻝ ﺻﻴﻒ، ﻫﺎﻧﺘﺎ ﺃﻣﻮﺣﻤﺎﺩ ﻓﺴﻼ ﻓﻴﻦ ﻏﺎﺗﻌﻄﻲ ﺭﺍﺱ؟ ﻋﻨﺪ ﻣﻦ ﻏﺎﺗﻤﺸﻲ؟ ﺍﻟﺤﻴﺎﺓ ﻋﺬﺍﺏ، ﻧﻌﻴﻴﻂ ﻋﻠﻰ ﺍﻟﺒﺎﺭ ﻧﺸﻮﻑ ﻛﻠﺜﻮﻡ ﺗﺎﻧﻲ ﻻ ﻻ ﺍﻟﻌﺎﻟﻢ ﺩﻳﺎﻝ ﻛﻠﺜﻮﻡ ﻭﺍﻟﺤﺎﺟﺔ ﻭ ﺧﺪﻳﺠﺔ ﻣﺎﺑﻘﻴﺘﺶ ﺣﺎﻣﻠﻮ، ﻭﺍﺷﻨﺎﻫﻮ ﺍﻟﺤﺎﻝ؟ ﻣﻜﺎﻳﻨﺶ ﻣﻦ ﻏﻴﺮ ﻛﻠﺜﻮﻡ ﻋﻴﻴﻂ ﻋﻠﻰ ﺍﻟﺒﺎﺭ ﺟﺎﻭﺑﻨﻲ ﻭﺍﺣﺪ .. ﺍﻟﺴﻼﻡ ﺍﻟﻠﻪ ﺇﺭﺣﻢ ﻭﺍﻟﻴﺪﻳﻦ ﻛﺎﻳﻨﺔ ﻛﻠﺜﻮﻡ .. ﻗﺎﻟﻴﺎ: ﻛﻠﺜﻮﻡ ﻻ ﻣﺰﺍﻝ ﻣﺠﺎﺗﺶ، ﺷﻜﻮﻥ ﻏﺎ ﻧﻘﻮﻝ ﻟﻴﻬﺎ؟ .. ﻣﻮﻝ ﻟﺒﺎﺭ ﻛﺎﻳﺼﺤﺎﺑﻮ ﺷﻲ ﻛﻠﻴﺎﻥ .. ﻗﻠﺖ ﻟﻴﻪ: ﻗﻮﻟﻴﻬﺎ ﻏﺎ ﻣﻮﺣﻤﺎﺩ ﺳﻮﻝ ﻋﻠﻴﻚ ﻭﻗﻄﻌﺖ .. ﻋﻴﻴﻂ ﻋﻠﻰ ﺍﻟﺘﻴﻠﻴﻔﻮﻥ ﺩﻳﺎﻝ ﺍﻟﺤﺎﺟﺔ ﺍﻟﺘﻠﻴﻔﻮﻥ ﻛﺎﻳﺼﻮﻧﻲ ﺗﺎ ﻳﻌﻴﺎ ﻭﺇﻗﻄﻊ ﻋﺮﻓﺖ ﺍﻟﺤﺎﺟﺔ ﻣﺰﺍﻝ ﻣﺎﺧﺮﺟﺎﺗﺶ، ﺑﻘﻴﺖ ﻛﺎﻟﺲ ﻓﺎﻟﻤﺤﻄﺔ ﺗﺎﻝ ﻃﻨﺎﺵ ﻭﻋﺎﻭﺩ ﻋﻴﻴﻂ ﻋﻠﻰ ﺍﻟﺒﺎﺭ ﻻﺑﺎﺱ ﻛﻠﺜﻮﻡ ﻛﺎﻳﻨﺔ .. ﺃﻟﻮ ﻛﻠﺜﻮﻡ ﻻﺑﺎﺱ؟ .. ﻻﺑﺎﺱ ﺃﻣﻮﺣﻤﺎﺩ ﻭﻧﺘﺎ ﻛﻴﺪﺍﻳﺮ ﻛﻴﺪﺍﻳﺮﺓ ﻣﺎﻣﺎﻙ ﻭﺻﻠﺘﻲ ﺑﺨﻴﺮ، ﻋﻼﺵ ﻣﺎﻋﻴﻴﻄﻴﺶ ﺩﺍﻙ ﻧﻬﺎﺭ؟ .. ﻛﻠﺜﻮﻡ ﻻﺑﺎﺱ ﻣﻬﻢ ﻟﻬﻀﺮﺓ ﻣﺎﺷﻲ ﻓﺘﻴﻠﻴﻔﻮﻥ ﺃﻧﺎ ﻣﺤﺘﺎﺟﻚ ﺭﺍﻧﻲ ﻓﺎﻟﻤﺤﻄﺔ ﺩﻳﺎﻝ ﺍﻟﻘﺎﻣﺮﺓ ﺭﺍﻩ ﻳﺎﻟﻠﻪ ﻭ ﺻﻠﺖ .. ﺃﻭﻳﻠﻲ ﺭﺟﻌﺘﻲ؟ .. ﺃﻩ ﻣﻬﻢ ﺟﻲ ﻋﻨﺪﻱ .. ﻋﻼﺵ ﻧﺘﺎ ﻣﻜﻠﺦ ﺃﻣﻮﺣﻤﺎﺩ ﻗﻠﺖ ﻟﻴﻚ ﺃﻧﺎ ﺣﺪﻱ ﺍﻟﺮﺑﺎﻁ ﻫﺪ ﺍﻟﻴﺎﻣﺎﺕ ﻋﻼﺵ ﻧﺰﻟﺘﻲ ﻓﺴﻼ .. ﻟﻜﺎﺭ ﺃ ﻛﻠﺜﻮﻡ ﻟﻘﻴﺖ ﻏﺎ ﺩﻳﺎﻝ ﺳﻼ .. ﻣﻬﻢ ﻋﺎﺭﻑ ﺍﻟﻄﺎﻛﺴﻴﺎﺕ ﻛﺒﺎﺭ ﺩﻳﺎﻝ ﺭﺑﺎﻁ ﻓﻴﻦ ﻛﺎﻳﻨﻴﻦ .. ﻗﻠﺖ ﻟﻴﻬﺎ : ﻻ ﻭﻟﻜﻦ ﻏﺎﻧﻘﻠﺐ ﻋﻠﻴﻬﻮﻡ .. ﻻ ﻻ ﺷﻮﻑ ﻣﺎﺗﻘﻠﺐ ﻋﻠﻴﻬﻮﻡ ﻣﺎ ﻭﺍﺍﺍﻟﻮ ﻏﺎ ﻏﺎﺗﻜﺮﻳﺴﺔ، ﺩﺧﻞ ﻟﺸﻲ ﻣﺤﻠﺒﺔ ﻓﺎﻟﻤﺤﻄﺔ ﻭ ﺷﺪ ﺷﻲ ﻋﺼﻴﺮ ﻭﺑﻘﺎ ﻛﺎﻟﺲ ﻓﻴﻬﺎ ﺗﺎﻧﺠﻲ ﻋﻨﺪﻙ ﺗﻜﻠﺲ ﻋﻠﻰ ﺍﻟﻜﺮﺳﺔ ﺩﻳﺎﻝ ﺍﻟﻤﺤﻄﺔ ﺭﺍﻩ ﻛﺎﻳﻨﺔ ﻭﺍﺣﺪ ﺍﻟﺤﻤﻠﺔ ﻣﻘﻮﺩﺓ ﻫﺪ ﺍﻟﻴﻮﻣﻴﻦ ﻏﺎﻳﺠﻤﻌﻮﻙ، ﺷﻮﻑ ﻣﺎﺗﺨﻠﻴﻨﻴﺶ ﻣﺠﻠﻮﻗﺔ ﻟﻤﺤﻠﺒﺎﺕ ﻟﻲ ﻟﺪﺍﺧﻞ ﺩﻳﺎﻝ ﺍﻟﻤﺤﻄﺔ ﻫﻤﺎ ﻓﻴﻦ ﺗﻜﻠﺲ ﻣﺎﺷﻲ ﻋﻠﻰ ﺑﺮﺍﺍﺍ .. ﺻﺎﻓﻲ ﻭﺧﺎ .. ﺩﺭﺕ ﺩﺍﻛﺸﻲ ﻟﻲ ﻗﺎﻟﺖ ﻟﻴﺎ ﻛﻠﺜﻮﻡ ﻛﻠﺴﺖ ﻓﺎﻟﻤﺤﻠﺒﺔ ﺗﺎﺟﺎﺕ .. ﻗﺎﻟﺖ ﻟﻴﺎ: ﻣﻮﺣﻤﺎﺩ ﻋﻼﺳﻼﻣﺔ ﺭﺟﻌﺘﻲ ﺩﻏﻴﺎ ﻣﺎﻓﺘﻴﺶ ﻳﻮﻣﻴﻦ، ﻳﺎﻙ ﻻﺑﺎﺱ؟ .. ﻗﻠﺖ ﻟﻴﻬﺎ : ﻻﺑﺎﺱ ﺃﻛﻠﺜﻮﻡ ﺍﻟﺤﻤﺪ ﻟﻠﻪ .. ﻣﻬﻢ ﻧﻮﺽ ﻧﻮﺽ ﻫﻨﺎ ﻳﺎﻟﻠﻪ ﻧﺒﺮﻛﻮ ﻓﺸﻲ ﻗﻬﻮﺓ ﻫﺎﺩﻭ ﺭﺍﻩ ﻛﺎﻳﺒﻐﻴﻮ ﻏﺎﺗﺎﻛﻞ ﻭﺗﺠﻤﻊ ﺍﻟﻮﻗﻔﺔ ﻏﺎ ﻧﺘﺎ ﺷﻤﻮ ﻓﻴﻚ ﺭﻳﺤﺖ ﺍﻟﺒﻼﺩ ﻭﺧﻼﻭﻙ ﺗﺠﻠﺲ .. ﻣﺸﻴﻨﺎ ﺍﻟﻘﻬﻮﺓ ﺟﻠﺴﻨﺎ ﻗﺎﻟﺖ ﻟﻴﺎ ﻛﻠﺜﻮﻡ: ﻣﻮﺣﻤﺎﺩ ﻛﻴﺒﻘﺎﺕ ﻣﺎﻣﺎﻙ؟ ﻋﻼﺵ ﺧﻠﻴﺘﻴﻬﺎ؟ ﻋﻼﺵ ﺭﺟﻌﺘﻲ؟ ﻓﻴﻦ ﺭﺟﻌﺘﻲ؟ ﻋﺠﺒﺎﺗﻚ ﺍﻟﺘﻜﺮﻓﻴﺺ؟ ﻋﻼﺵ ﺭﺟﻌﺘﻲ ﻳﺎ ﻣﻮﺣﻤﺎﺩ؟ ﻋﻼﺵ ﻋﻴﻴﻄﻲ ﻋﻠﻴﺎ؟ ﻣﻠﻲ ﺧﻠﻴﺘﻚ ﻓﻠﻜﺎﺭ ﻭﻣﺸﻴﺖ ﻗﻠﺖ ﻧﺘﻤﻨﻰ ﺷﻲ ﻧﻬﺎﺭ ﻧﺘﻼﻗﺎ ﻣﻊ ﻣﻮﺣﻤﺎﺩ ﺻﺪﻓﺔ ﻭﻳﻘﻮﻟﻴﺎ ﺭﺍﻩ ﺑﺮﺍﺕ ﺍﻟﻮﺍﻟﻴﺪﻭﺛﺔ ﻭﺭﺍﻩ ﺧﺪﻣﺖ ﺑﺤﺎﻝ ﺧﻮﺗﻲ ﺷﻠﻮﺡ ﻭﺭﺍﻧﻲ ﻫﺎﺯ ﺭﺍﺳﻲ ﻋﻼﺵ ﻋﻴﻴﻄﻲ ﻋﻠﻴﺎ ﺃﻣﻮﺣﻤﺎﺩ؟ .. ﻛﻠﺜﻮﻡ ﺯﺭﺑﺎﺕ ﻋﻠﻴﺎ ﻣﺰﺍﻝ ﻛﺎﻉ ﻣﻌﺮﻓﺎﺗﺶ ﺃﺵ ﻭﺍﻗﻊ ﻛﻠﺜﻮﻡ ﻣﺎﺑﻐﺎﺗﻨﻴﺶ ﻧﺮﺟﻊ ﺍﻟﻌﺎﻟﻢ ﺩﻳﺎﻟﻬﺎ ﻭﻟﻜﻦ ﻓﻨﻔﺲ ﺍﻟﻮﻗﺖ ﻣﺎﺗﻘﺪﺭﺵ ﺗﺨﻠﻰ ﻋﻠﻴﺎ ﺣﻴﺖ ﻋﺮﻑ ﻣﺎﻋﻨﺪﻱ ﺣﺪ .. ﻗﻠﺖ ﻟﻴﻬﺎ : ﻛﻠﺜﻮﻡ ﺩﺍﻛﺸﻲ ﻟﻲ ﺩﻭﺯﺕ ﻣﺎﺷﻲ ﺗﻜﺮﻓﻴﺺ، ﺗﻜﺮﻓﻴﺺ ﻳﺎﻟﻠﻪ ﻏﺎﻧﺒﺪﺍ ﻓﻴﻬﺎ، ﻛﻠﺜﻮﻡ ﻣﻲ ﻣﺸﺎﺕ ﻋﻨﺪ ﺍﻟﻠﻪ ﻣﺎﺷﻔﺘﻬﺎﺵ ﻣﺰﺍﻝ ﺗﺰﺍﻛﻠﺖ ﻣﻌﺎﻫﺎ ﺑﻨﻬﺎﺭ، ﻛﻠﺜﻮﻡ ﻣﺎﺑﻘﺎ ﻋﻨﺪﻱ ﺣﺪ ﻭﻟﻴﺖ ﺩﻳﺎﻝ ﺭﺍﺳﻲ ﻭﺩﺍﺑﺎ ﺗﺎ ﺣﺎﺟﺔ ﻣﺎﺑﻘﺎﺗﺶ ﻛﺎﺗﺨﻠﻌﻨﻲ ﺃﻱ ﺣﺎﺟﺔ ﻏﺎﻧﺪﺧﻞ ﻟﻴﻬﺎ .. ﻛﻠﺜﻮﻡ ﻛﺎﻧﺖ ﻗﺎﻟﺖ ﻟﻴﺎ ﺑﻴﻨﻲ ﻭﺑﻴﻦ ﻟﺒﻜﺎ ﺳﻨﻴﻦ ﻭﻟﻜﻦ ﻗﺼﺘﻲ ﻃﻴﻴﺤﺎﺕ ﺩﻣﻮﻉ ﻓﻌﻴﻨﻴﻬﺎ ﻭﺧﺎﻧﺸﻔﻮ ﻣﻦ ﺍﻟﻤﺎﺀ ﺳﻨﻴﻦ .. ﻗﺎﻟﺖ ﻟﻴﺎ: ﻟﺒﺮﺍﻛﺔ ﻓﺮﺍﺳﻚ ﺃﻣﻮﺣﻤﺎﺩ ﻭ ﻛﻠﻨﺎ ﻟﻴﻬﺎ، ﻧﺘﺎ ﻣﺎﻣﺎﻙ ﺭﺍﻙ ﺗﻬﻨﻴﺖ ﻣﻨﻬﺎ ﺑﻌﺪﺍ ﻭﻋﺮﻓﺘﻴﻬﺎ ﻓﻴﻦ ﻣﺸﺎﺕ ﺃﻧﺎ ﺭﺍﻩ ﻋﻨﺪﻱ ﻣﻲ ﻭ ﺑﺎ ﻭﺧﻮﺗﻲ ﻣﺎﺣﻴﻴﻦ ﻣﺎ ﻣﻴﺘﻴﻦ ﺗﻤﻨﻴﺖ ﻛﻦ ﻣﺎﺗﻮ ﺑﻌﺪﺍ ﻟﻲ ﺳﻮﻟﻨﻲ ﻧﻘﻮﻟﻴﻪ ﻣﺎﺗﻮ ﺑﺎﺵ ﺇﺷﻔﻖ ﻋﻠﻴﺎ .. ﻛﻠﺜﻮﻡ ﻧﺘﻲ ﻛﻴﺪﻳﻮﺯﺗﻲ ﻫﺪ ﺍﻟﻴﺎﻣﺎﺕ .. ﺩﺍﺯﻭ ﺑﺤﺎﻝ ﻛﺎﻉ ﻫﺪﻭ ﻟﻲ ﻓﺎﺗﻮ ﺃﻣﻮﺣﻤﺎﺩ .. ﺧﺪﻳﺠﺔ ﻋﻨﺪﻙ ﻋﻠﻴﻬﺎ ﺷﻲ ﺧﺒﺎﺭ ﺳﻤﻌﺘﻲ ﻋﻠﻴﻬﺎ ﺷﻲ ﺣﺎﺟﺔ .. ﺧﺪﻳﺠﺔ؟ .. ﻛﻠﺜﻮﻡ ﺳﻤﻌﺎﺕ ﺳﻤﻴﻴﺖ ﺧﺪﻳﺠﺔ ﺯﺍﺩ ﻛﺤﻞ ﻭﺟﻬﻬﺎ .. ﺑﺮﺍﻛﺔ ﻋﻠﻴﻚ ﺃﻣﻮﺣﻤﺎﺩ ﻣﺎﻧﺰﻳﺪﺵ ﻋﻠﻴﻚ ﻟﻲ ﻓﻴﻚ ﺇﻛﻔﻴﻚ .. ﻻ ﻻ ﻏﺎﻗﻮﻟﻲ ﺗﺎ ﻫﻲ ﺭﺍﻩ ﻣﺒﺮﺯﻃﺎﻧﻲ ﻭﺧﺎ ﻫﺪﺷﻲ ﻛﺎﻣﻞ ﻭﺍﺵ ﺳﻤﻌﺘﻲ ﻋﻠﻴﻬﺎ ﺷﻲ ﺧﺒﺎﺭ .. ﺧﺪﻳﺠﺔ ﺗﺎﻫﻲ ﺍﻟﻠﻪ ﺇﺭﺣﻤﻬﺎ ﺃﻣﻮﺣﻤﺎﺩ ﺗﺎ ﻫﻲ ﺑﺎﻧﻮ ﺧﺒﺎﺭﻫﺎ ﺩﻳﻚ ﻟﻴﻠﺔ ﻣﺰﺍﻝ ﻓﺎﺵ ﻣﺸﻴﺘﻲ .. ﻛﻠﺜﻮﻡ ﻣﺎﺗﻘﻮﻟﻴﺶ ﻟﻴﺎ ﺧﺪﻳﺠﺔ ﻣﺎﺗﺖ ﺑﺼﺎﺡ .. ﺧﺪﻳﺠﺔ ﻣﺎﺗﺖ ﺑﺼﺎﺡ ﺃﻣﻮﺣﻤﺎﺩ .. ﻛﻴﻔﺎﺵ ﻣﺎﺕ ﺃﻛﻠﺜﻮﻡ؟ .. ﺃﻧﺎ ﺻﺎﻓﻲ ﻏﺎﻧﺘﺴﻄﻰ ﻣﺎﺑﻘﻴﺘﺶ ﻗﺎﺩ، ﻣﻲ ﺧﻠﻴﺘﻬﺎ ﻋﺸﺮﻳﻦ ﻳﻮﻡ ﻭﻣﺎﻟﻘﻴﺘﻬﺎﺵ ﺧﺪﻳﺠﺔ ﺑﻴﻨﻲ ﻭﺑﻴﻨﻬﺎ ﺗﻠﺖ ﻳﺎﻡ ﻭ ﻣﺎﻟﻘﻴﺘﻬﺎﺵ .. ﻳﺎﻟﻠﻪ ﻧﻤﺸﻴﻮ ﺗﺎ ﻟﺒﺎﺭ ﻭﻧﻌﺎﻭﺩ ﻟﻴﻚ .. ﺷﺪﻳﻨﺎ ﺍﻟﻄﺎﻛﺴﻲ ﻟﺮﺑﺎﻁ ﺳﻼ ﺑﻠﻴﻞ ﻛﺎﺗﺨﻠﻊ ﺍﻟﺸﻮﺍﺭﻉ ﻛﺎﻳﺴﻔﺮﻭ ﻛﺎﻳﺒﺎﻧﻮ ﻟﻴﻚ ﻛﺎﻳﺪﻭﺭﻭ ﻏﺎﻟﻄﺎﻛﺴﻴﺎﺕ ﻭﺻﺤﺎﺏ ﻟﺤﺪﻳﺪ ﻟﻮﺍﻋﺮ ﺍﻟﺴﻜﺎﻳﺮﻳﺔ ﻭ ﺍﻟﻤﺘﺸﺮﺩﻳﻦ ﻛﻞ ﻭﺍﺣﺪ ﻓﻴﻦ ﻣﺠﺒﺪ ﻭﺻﺤﺎﺏ ﺍﻟﻜﺎﺭﻭﺍﺕ ﻟﻲ ﻛﺎﺿﻮﺭ ﻋﻠﻰ ﺍﻟﻄﻮﺍﺭﻭ ﺩﺯﺑﻞ، ﻛﺎﻳﺒﺎﻧﻮ ﻟﻴﺎ ﺩﻳﻚ ﻟﻴﻠﺔ ﺑﺤﺎﻝ ﻫﺪﺍﻙ ﻟﻲ ﺭﺍﻛﺐ ﻋﻠﻰ ﺍﻟﻜﺎﻁ ﻛﺎﻁ ﻭﺷﺪﻭ ﻓﻴﺮﻭﺝ ﻣﻌﺎﻧﺎ ﻭﺗﻤﻌﻨﺖ ﻓﻮﺟﻬﻮ ﻣﺰﻳﺎﻥ ﻋﻴﻨﻴﻪ ﺣﻤﺮﻳﻦ ﺑﺴﻬﻴﺮ ﻭﺭﺍﺳﻮ ﻣﺎﻳﻞ ﺑﺎﻟﺸﺮﺍﺏ، ﺑﺤﺎﻝ ﻫﺪﺍﻙ ﻟﻲ ﻭﺍﻗﻒ ﻗﺪﺍﻡ ﺍﻟﻄﺎﻛﺴﻲ ﺑﻜﺮﻭﺳﺔ ﻭﺣﻤﺎﺭ ﻣﻌﻤﺮﻫﺎ ﻗﺶ ﻭﻻﻓﻴﺮﺍﻱ ... ﻧﺺ ﺍﻟﻔﻮﻗﺎﻧﻲ ﺩﻳﺎﻟﻮ ﺭﺍﻛﺐ ﻋﻠﻰ ﺍﻟﻜﺮﺍﺳﺔ ﺍﻟﻨﺺ ﻻﺧﺮ ﻛﺎﻳﺠﺮﻭ ﻓﻼﺭﺽ ﺑﻜﺘﺮﺕ ﺩﻭﻟﻴﻮ، ﻏﺎ ﻫﺪﺍﻙ ﻟﻲ ﺭﺍﻛﺐ ﻋﻠﻰ ﺍﻟﻜﺎﻁ ﻛﺎﻁ ﻣﻠﻲ ﻏﺎﻳﻄﻠﻘﻨﺎ ﺍﻟﻀﻮ ﺍﻟﺤﻤﺮ ﻏﺎﻳﺪﻭﺯ ﻟﻔﻴﺘﺎﺱ ﻻﺧﺮ ﻏﺎﻳﻜﻮﻝ ﻟﺪﺣﻴﺸﺔ ﻳﻴﻴﺮﺓ. ﻛﻠﻬﻮﻡ ﻛﺎﻳﺪﻭﺭﻭ ﻓﺤﻠﺒﺔ ﻭﺍﺣﺪﺓ ﻟﻲ ﻫﻲ ﺍﻟﻤﻮﺟﺘﻤﺎﻉ ﺍﻟﺒﺎﺋﺲ ﺍﻟﻀﺎﻟﻢ ﺩﻳﺎﻟﻨﺎ ﻟﻲ ﻣﻜﺎﻳﺤﻨﺶ، ﺑﺤﺎﻝ ﺍﻟﺤﻤﺎﺭ ﺑﺤﺎﻝ ﺍﻟﻜﺎﻛﺎﻁ ،ﻛﺎﻥ ﻣﻦ ﺍﻟﻤﻤﻜﻦ ﺇﺳﺘﻤﺘﻊ ﺩﺍﻙ ﻣﻮﻝ ﻛﺎﻁ ﻛﺎﻁ ﺑﺠﻤﺎﻝ ﺍﻟﻠﻴﻞ ﻟﻮﻛﺎﻥ ﻣﻜﺎﻧﺶ ﻭﺍﻗﻒ ﻣﻮﻝ ﺍﻟﻜﺎﺭﻭ ﻗﺪﺍﻣﻮ ﻭﺭﺍﻛﺒﻴﻦ ﺃﻧﺎ ﻭ ﻛﻠﺜﻮﻡ ﻓﺎﻟﻄﺎﻛﺴﻲ ﻋﻠﻰ ﺍﻟﻴﻤﻴﻦ ﺩﻳﺎﻟﻮ، ﺑﻼ ﺷﺎﻙ ﺍﻟﻤﻨﻀﺮ ﺩﻳﺎﻝ ﻣﻮﻝ ﺍﻟﻜﺎﺭﻭ ﻭ ﺍﻟﻨﻀﺮﺓ ﻓﻮﺟﻬﻨﺎ ﺃﻧﺎ ﻭﻛﻠﺜﻮﻡ ﻫﺰﻳﻦ ﺟﺒﺎﻝ ﻣﻦ ﺍﻟﺤﺰﻥ ﻣﻮﻝ ﺍﻟﻜﺎﻛﺎﻁ ﻏﺎﻳﻌﻜﺮ ﻟﻴﻪ ﻣﻴﺰﺍﺟﻮ ﺩﻳﻚ ﺍﻟﻠﻴﻠﺔ ..

يتبع