شهر ونص فدار القحاب الجزء 23

القضية قوادت بكل ماتحويه الكلمة من معنى أنا بقيت غاكانشوف وساكت .. الحاجة قالت ليا دوي نتا دوي قول شي حاجة .. دويت قالت ليها تورية هو ولد الحرام والله تا هو داك نهار كان زيزون وغاكايدور فعينيه .. ناري الحاجة تاهزات إديها باش تجمع معايا بالتمرميقة .. وهي تفكر بلي راني موعت فراسي ..درنا فيكوم الخير أولاد القحاب وكاترجعوه لينا بومزوي دابا كاتخورو فينا .. أنا مابقيتش قد نسكت .. قلت ليها الحاجة الله إرحم وليديك خيرك عمري ننساه .. ونامستعد نعاود ليك داكشي لي واقع .. قالت ليا دوي دوي يالله .. بقيت كانعاود كانعاود تكملت ليهوم قصتي أنا وكلثوم علاش جينا وخدينا الفلوس عند تورية .. بنت القحبة ديال تورية وخا هكداك بقيت فيها .. قالت ليها الحاجة هانتي أختي تورية راك سمعتي كلشي على ودنيك وديك القحبة ديال كلثوم راه كاتغلب عليها العاطفة تقدر تقتل جوج رواح باش تعتق روح وحد و هد الكربوز دابا راه إتيم لا حنين لا رحيم .. و راه كنت جبتو ليك باش إبقى عندك واحد،السيمانة حيت قالو ليا ضربة عندو خايبة طاح عليه شي شرجم و جلخ ليه راسو نتي بعدا غاديه معام لسبيطار إبدل الفاصمة .. وغاتعتاني بيه و الجو عندك نقي باش بحال ديك لبراكة عندي .. وهد زبل راه ولا عزيز عليا بحال ولدي .. ولكن أختي إلى مابغيتيش تقبليه تا هما راه مادارو فيها مايصلاح خليه نرجع مو لدار إخماج فيها راسو بريحت القحاب .. بقات ماتشوف فيا تورية .. قالت ليا واش بصاح نيت نتا يتيم ولا غدا وبعدو غاتجيب ليا شي،زيزون تانتا و تهدد فيا ولكن أنا لي حمارة كاندخلكوم وسط،داري و كاتعرفو أسراري وكاتجيو تهددوني .. تفوووووو أنا كانقول غا ياربي ماتفبلنيش ولفت كلثوم ونعيمة .. و الفيلا فيها جوج خدمات و ديك بنتها المعواقة و العساس و دوك جوج ولاد لي ربات ضروري شي واحد منهم مانتفاهمش معاه ياربي ماتقبلنيش .. وهي تقول الحاحة واش غانقوليك الحاجة وجهك عندي كبير والحاجة لي جات من جيهتك صعيب عليا نرجعها وخا كايجي معاها لباس بعد المرات ولكن خليه .. نتي بديتي لخدمة ولا مزال ؟؟ مزال راه خليت دوك بنات القحاب كايخملو غدا درت مع الدريات إنشاء الله .. مهم نخليك وطهلاي فالكربوز راه وخا هكداك درويش و غاينفعك .. خاصني غانفارقو مع ديك لفعة ديال كلثوم نهار لول راه مكانش بحال هكا ..الحاجة مشات و أنا قالت ليا ديك القحبة ديال تورية زيد،تبعني .. طلعاتني لسطاح ديال فيلا خاوية كاتسفر فيها غا الحيوط، .. قالت ليا هاد البيت هي فين غاتنعس والخدمات عطيهوم بالتيقار مادسرهومش عليك .. هانا غانقول العساس إطلع ليك كاترية ديالك فين غاتنعس و المانط،راه غاطلعهوم ليك الخدامة بليل .. واش دوزتي سكانير للراس .. قلت ليها قالت ليا مهم غدا مع الصباح غانديك معايا .. قلت ليها وخا الله إرحم واليدين .. نزلات و قالت لبا ملي تبغي تنزل .. نزل لجردة واش قاري شوية قلت ليها شوية وصافي قريت تال جوج وشي براكة فجامع .. قالت ليا يالله نزل نزلت معاها دخلنا لبيت نعاس ديالها عطاتني واحد التستيفة ديال الكنوبة قالت ليا طلعهوم لبيتك باش تلهى .. طلعتهوم لبيت ونزلت لجردة .. داك العساس،عندها واحد لعزي زكوري .. قاليا لاباس أمعلم قلت ليه لاباس .. وطرح عليا داك السؤال المعهود .. ” ماني يكان تمازيرت ” منين بلادك ؟؟ قلت ليه تتافراوت قاليا مزيان .. دوك جوج براهش لي رباتهوم الحاجة كايحنقزو حدايا .. وبقاو عليا بكثرة الاسئلة .. دابا نتا واش غاتبقا معنا ياك ؟؟ دابا نتا غاتولي خونا ياك ؟ الدري كايطرح عليا غاشي أسئلة مقودين .. كاتعرف تلعب الكرة ؟؟ كاتعرف تعوم ؟؟ نقدرو دابا نخرجو أنا وياك ياك ؟؟ الدرية العكس .. سبححان الله الدريات ديك الخصلة ديال الحنان كايعطيها ليهوم الله من صغرهوم .. هي غا ساكتة وبقات كاتشوف فيا .. حااجة وحدة لي قالت .. ياسين عرفتي قالت ليا ماما مسكين ماعندو لا باباه لا ماماه .. واش بصاح أموحماد ؟؟ قلت ليه أه بقاو فيا مساكن أبرياء عايشين السعادة فالفيلا كايلعبو وكايضحكو و كايجريو و لكن نهار إوصلو لتمناطاش رعام وغايكتاشفو بلي تورية ماشي،مهوم غايهجروه .. لخدامة جات عندي قالت ليهوم خليو عليكم الدري يالله وفت لحفاضة هادي دابا تجي أوستادة .. موحماد ياكما باغي شي حاجة نجيبها ليك .. قلت ليها لا الله يحفضك شكرا .. لخدامات تاهما معييشاهوم بنت لقحبة ديال تورية فالعداب تخمال و تسياق وطياب وتربية ديال الدراري و لالا من الفوق .. مهم نهار لول فالفيلا داز منحوس محاملوش .. ومحاملش نبقا عندها .. مضييق خاطري عندهارالعكس ديال دار الحاجة القحاب داخلين وخارجين والرواج .. مكاتحسش بنهار تايدوز .. بليل طلعت لبيتي .. لقيتها مفرشة مقادة طلعات ليا وحدة من الخدمات العشاء ..أشمن عشاء الفيلا والكاط،كاط والقلاوي لكحل ومعشيين بسباكيطي وظانون .. بحال إلى خرج فبيت العمليات كن أنا وكلثوم جوج نصوص بالكفتة و لا صوصيص و لا طيحان كاضربك لفيقة بليل كاتكرع .. كليت داكظانون وطلعات لخدمة تجيب المواعن وبقيت مجبد كانفكر لهد لحريرة فين غاتخرج .. الفيلا تقطع فيها لحس الضو طفا .. كلشي ناعس .. ولكن شي،حد،كايدوق عليا شكون غايكون حليت الباب لقيت الخدامة قالت ليا موحماد مزال مانعستيش ..قلت ليها لا مزال .. قالت ليا غا قلت ياكما نزيدك شي مانطة هنا السطاح راه كايكون بارد بزاااااااف .. ناري هد القلاووي،شكون سلطها عليا تاني غاطلع ديك لخرية ديال تورية غاتلقها واقفة حدا لباب غانصدقو بايتين فزنقة .. لا لاشكران مخاصني واااالو البيت سخون تصبحي على خير .. وخا ندخل نكلس معاك شوية بنتي ليا مهموم .. ها ليمابغيناش ..

يتبع