شهر ونص فدار القحاب الجزء 27

دوك ولاد القحاب ديال كويلات مشيت معاهوم ...... حاولت نفهم منهوم شي حاجة و لا نسنع منهوم شي،حاحة مفيدة ونسجلها فدماغي بحال القحاب ولكن وااااالو العكس ديالهوم فكولشي ..خاصك تمشى معاهوم وتحضي كرك فنفس الوقت لا يخوروك .. كانو من داك النوع ديال كويلات الضاسرين ماشي كايخليو الانسان إشوف فيهوم ديم الشوفة ديال الشفقة و رحمة .. مكادوزش شي درية ماخورهش وهربو ولا يتلقاو مع شي واحد لبس مزيان مايقولوش ليه خويا الله إحفضك شي درهم .. و كانشو فيهوم تا عييت و قلبت ستة تسعود ما هما من سهمي ما أنا من سهمهوم سستهوم غا بالفن و تشرت لراسي بوحدي .. بقيت كاندور نهار كامل حوايجي توسخو راسي خماج نهار الثالت هذا باش مابدلتش الفاصمة .. جوع هلكني ولكن ما عنديش ديم الصنطيحة ديال نسعة ميقات تلاتة والنص مشيت وقفت قدام واحد القهوة كادير الطواجن و لوبيا والعدس .. كانشوف فبنادم غاكايبان ليا شي،واحد سالا من الطجين كانمشي نقب فيها بطاطة وكانضربها فالخبزة لي شاط،ليه و مانلوح فميكة .. داكشي بزربة لا يحصلني هداك لي كايسربي .. حيت حرا عليا ربعة د المرات بنادم كايحن فيا وكايقول ليا كاع .. رييح كول ولكن السرباي كاينكدها عليا ولد القحبة .. قاليا غا نولفو غاتولي تجي كل نهار و ريحتك أصاحبي كاتعطعط و ماتعييف كاتجري لينا على لكليان .. مهم غدايا و عشايا كانضبر فيهوم بأي وجه كان .. ولكن مشكيل نعاس مزال مطحتش هلى شي كوان ديما واحل فيه دوك جوج ليلات تا وحدة مادوزتهاش بخير وعلى خير .. داك نهار بقيت مجلوقة نهار كامل .. تال ميقات المغرب تاني كانقلب على فين نعس وااااالو مالقيت تاشي،قنت مضرك طناش دليل و باقي مجلوق .. زنقة كاتسفر بنادم دخل لدارو تفوووووو تا تشرود إلى ماكنتيش موالف صعيب تزطط راسك .. عييت مابقا فيا لي يتمشى تكسلت على الطورطوار فالشارع .. داني نعاس الله على رحة .. نعستي غييبت و نا نحس،بشي،حد كايفييق فيا ولدي .. و ولدي .. فيق فيق .. وقفت لقيت راجل كبير هز معاه واحد السلة فيها كاوكاو و الزريعة بيضة وباكية ديال الكارو مرلبورو كايبيع ضيطاي .. قاليا راه كانسحابك أولدي متي .. بقيت كانسوف فيه قلت ليه علاش فييقتني ؟؟؟ ياريت لو كان مت ولا هد الحالة .. قاليا حل عينيك أولدي وشوف مزيان .. واش دمم راه نزل مع الطروطوار .. درت هكذا لقيت طاكية سردات بدم ولقيت واد ديال الدام نزل مع الطروطوار ..قلت ليه أه أه دمي هداك تا هو ملي مني عيا خليه إخرج إشوف شي حد أخر حسن مني .. قاليا مالك واش ضربك شي،حد .. قلت ليها لا الضربة قديمة شوية .. أرا نشوف .. لا لا مكاينش كيدير راه دير ليها الفاصمة .. مابايناش على وجهك أولدي .. بلي راك ولد الزنقة أش واقع ليك .. لا لا أشريف أنا ولد الزنقة و أي واحد بين عشية و ضحها إقدر إلقا راسو فالزنقة بحالي .. مكاينش،شي،واحد تزاد ومكتوبة ليه على جبهتو ولد الزنقة كلنا خرجنا من طبون و كلنا رضعنا البزولة و كلنا ولاد تسع شهور .. متعصبش،أولدي متعصبش، .. واش أشريف كاتشوف فيا مفرش الكارطون على لارض و مغطي،بالسماء و ماتقول ليا ماتعصبش إلى ماتعصبتش فهد لحضة إمتى غانتعصب .. عندك لكارني أولدي .. لا لا ماعنديش .. علاش .. مزال مادرتش طمنطاش .. رعام .. يالله يالله نوض .. أنا مكانتيقش و خا دام تحلوين و ديك الطريقة باش كايهضر حنينة و مايبين بلي متأسف الحالة ديالي .. قلت ليه فين .. قاليا غا نوض .. وقفت وتميت غادي معاه قاليا خاصك دوا أولدي و لله في،سبيل الله غادي نوقف معاك و خا معرفتكش شكون نتا و وخا نعمرني فكرت نعاون شي،واحد و لكن إلى،سخرني ليك الله نتا علاش لا نكفرو على دنوبنا .. .. قلت ليها الله إرحم واليدين ولكن دابا فين غادي،بيا ..قاليا غاتقبل عليا أنا سكن غا فبركة بوحدي .. ناعندي لا حماد لا موحماد كيما كاتقولو نتما الشلوح .. وغدا نديك لسبيطار إلى هدا الله دوم الناس إشوفو فيك أما إلى مشيتي بوحدك مغايعتقوكش .. مشيت معاه شدينا الطاكسي،وصلنا لبراكة .. قاليا تكة تكة شنو سمييتك بعدا قلت ليه موحماد .. قاليا مشرفين أنا سميتي لمعطي والناس،كايعييطو عليا بالمعطي .. با المعطي،والله ماكرهت نغسل وجهي و رحليا تلت يام هدي ماقست الماء .. يالطيف يالطيف أولدي وخاتكون فالصحرء و رجا فالله غا زيد،هد ليلة وكمل ربع يام الماء مكاينش،كانسكيو غا من العوينة .. و هد القرعة لي كاينة هنا غانشحرو بيها شي،براد د أتاي،فاعل تارك .. بالمعطي،تا هو راجل زهواني و عشاق و نشايوي مع كرو كاع لبليات جانعهوم هاوالقراعي د شراب ها نفحة ها شقوفة ها الكارو .. كايعمر فأتاي و كايهضر معايا ياك بعدا ياولدي مامبليش قلت ليه لا .. عمر أتاي وجا كلس،حدايا وجبد كميسة ديالو كايشقف .. قال ليا أولدي الحياة صعيبة دابا أنا كانترزق فهد الكاو ماو والكارو و الزريعة أش،تقول كانت خدمتي . .. قلت ليه ماعرفتش أبا المعطي أنا ولدي كن معلم فالسبعينات ملي كان معلم غا بالشهادة .. و منت كانتخلص بصالير مزيان و الفلوس كانت فيهوم البراكة درت دويرة ديالي و درت محيل و قدمت ستقالة ديالي،فالتعليم .. و كانت عندي مراتي عايشين هانيين تزاد عندنا لولد لول دار خمسنين و قلنا نزيدو شي بنية إلى بغا الله كنت عزاز عليا البنات وتمنيت سيدي ربي إعطيها ليا و عطاها ليا ولكن ماكملاتش الفرحة ديالي تزادت لبنية ومات مها داك نهار حطيت الدرية عند خالتها مابغيتش ندخل عليهوم مرا خرى خالتها مابغاتهاش ليا و ناعنديش تاشي،حل أخر من غير نتزوج .. تزوجت أولدي ودخلت عليا العافية للدار عييشتنا فالعداب كاتعدى ليا على لولاد كاتكرفص، عليهوم شتت ليا شمل ولدت معاها تا هي ربعة خرين .. و كاتفضل ولادها على دوك جوج خرين .. ماقدوش إصبرو الدري ياولدي دابا راه غاتكون عندو ستة وعشرين عام على ما قال ليا فواحد لبرية بلي راه حرك .. و الدرية راه كاينا هنا نيت فالرباط خدمة ففيلا عند شي،ناس .. شنو سمييت بنتك أعمي نعيمة .. علاش نزوجها ليك ههههههههه .. لا لا والله تا عرفتو بات نعيمة القحبة لي تلاقيت معاها فالبار .. مسكين ماراضيش،إقول ليا بنتي قحبة و قال ليا خدامة ففيلا .. ونتا أولدي عاود ليا قصتك شنو وقع ليك .. ماقداتنيش ديك البركة بلفرحة ملي وصلت لشي خيط إقدر يوصلني تاني لكلثوم و الحاجة ندمت علاش هربت من الفيلا تكرفصت مستاعد نخدم قواد نتسخر القحاب نتعاشر معاهوم ولا العيشة ديال التشرود .. قصتي أنا أعمي طويلة بزاااااااااف هلكني نعاس، .. نعس أولدي إصبح ويفتح .. نعسنا فقنا فالصباح مشا معايا للسبيطار .. بدلت الفاصمة وغسلو ليا جرح .. وخرحنا قاليا ودابا أولدي شنو غادير .. بغيتي تبقا معايا مرحبابيك تا تلقا شي،حل لراسك بغيتي تمشي،ماعندي مانقول ليك .. و الله ماعرفت أبا المعطي،ماعنديش فين نمشي .. يالله يالله أولدي بعدا نتغداو و نشوفو ديك الساعة .. مشينا تغدينا و كلسنا فواحد القهوة قاليا واش ماعندم تا،شي،حرفة .. قلت ليها تبقالت هي لي كنت فيها .. شي،حاجة خرى لا قاليا أش،ضهر ليك تبيع وتشري كانعرف الدراري قدك تبارك الله مضورين الصرف قلت ليه فاش أبا المعطي،وكيفاش .. دير فراشة و لا تبيع كلينيكس فالفيروجات ولا ندير ليم سليلة ديالك بحالي .. وخرج قلب على رزقك .. و فين هو راس المال أبا المعطي و فين غانبيع و نشري، .. راس،المال خليه على حسابي،كن غا راجل ماتشدش الفلوس وضور مع شي،ضورة خدم وترزق الله ملي دير راس مالك رجع ليا رزقي .. قلت ليه صافي يا با المعطي حنا راه ولاد الحلال ونتا غادير فيا خير أنا خاصني نرجعو ليك بخير أخر .. ولكن كيفاش غانبيع ونشري .. غانصحك بكلينيكس فالفيروجات أما سليلة صعيبة عليك شوية خاصك تبقى نهار ومطال ونتا مضارب مع السرباي د القهاوي .. ونا كيما ماتشوف راه كانخدم بليل فالبيران و كثر من خمسطاش،رعام هادي وياربي ياربي، .. دابا غا ليبان ليك أبا المعطي .. مشينا خدينا كارطونة ديال كلينيكس،كارطونة كلها ماوصلاش ميتين درهم .. لي سمع راس المال إقول إعلم الله أشمن صفقة هادي ولكن ميتين درهم فديك الحالة لي فيها أنا وبا المعطي،راه بمتابات ميتين مليون .. داني با المعطي،وراني الفيروجات لي كاتكون فيهوم الحراكة ضايرة ..وقاليا غاتبدا الخدمة إن شاء الله مع الصباح ..

يتبع