الضابط و زوجته المراهقة الجزء 21

دخلات معاها ليلى ورميساء جلسوها فالباياس حييدات ليها الممرضة حوايجها باش تشوف واش عندها شي كدمات وجروح حيت شرحو للممرضة بلي مضاربة مع فيل...لقات شي قمشات فعنقها ووجها وضرة تح عينها زراقت و الضربات فايدها حيت كانت كتضرب بيهم..وشي زروقية فجنابها..داواتها الممرضة وملقات نور مالبس عطاوها لبس من المستشفى حتا تجيب ليها ليلى ماتلبس...بعدما دارت ليها الفاصمة رجعات ليها ليلى تداكيطة ديال ياسر حيت البيجامة باردة..خرجو ورميساء معنقاها...غير وصلو للكولوار ديال قاعة العمليات بان ليهم الطبيب كيهضر مع الدراري..ونور تم كتجري لعندهم..
نور: دكتور قول ليا عافاك واش هو بيخير😨...
الطبيب: نتي هي نور .😊😊..
نور: اه انا..
الطبيب: راجلك دايج وكيعيط باسميتك...مهم راه بيخير خرجنا ارصاصة وكولشي داز مزيان ..راه حولناه للغرفة الاخرى ...غير يفيق من البنج ممكن تشوفه..
نور: اففف الحمد الله..
الطبيب: ياله بالشفاء ان شاء الله ..تهلاي فيه ههه..ومشا
ليلى: الحمد لله ياربي ..
علي: ولكن كيفاش انور حتا كنتي معاه علاش دخلتي ..كون وقعات لك شي حاجة هو هادي خدمتو نتي انور اش قدرك على هادشي..
سعد: باينة دخلها باش تبقا تحت عينو.🙂🙂..
ياسر: على اعمي كتبان لك هادي ساهلة...كن خليتها كراها بوليسية تاهي.😏..
سيف: تمنيت نشوف داك الاكشن لي درتي نتي حبيب القلب...
نور خنزرات فيه...
سيف؛ السلامة ياربي ..مالك درتي فيا ديك الشوفة قاتل لك عائلتك 😂😂😂هههه..
نور: عمي هضر معاه 😭😭اهئ اهئ اهئ..
علي جرو من ودنو جرا عليه.: واش كتشوف فيها على سبة ومعندها خاطر ونتا زايد ليها فالتبوهيل ديالك😤😤..غير دي مرتك وسير مبقا عندك مادير منين بديتي تشد فيها تاني..
مشا سيف ودا مرتو كيضحك ويقلي ليها السم بايديه كيدير هكا باش يهز ليها المورال ..هكا شخصيتو...
شوية دخلو عندو للغرفة لقاوه ناعس ودايرين ليه ديك الحاملة ديال ألكتف وجامعين ليه كتفو بالفاصمة ...
قربات ليه ليلى دوزات ايدها على راسو وباستو...وقرب حداه علي حتا هو دوز ايدو على شعرو ..وهو يفيق...حل عينو ممستوعبش حتا بدا يستوعب شوية بشوية ...وعيطو للطبيب يفحصو وطمنهم بلي كولشي بيخير ومشا...
سعد: الحمد الله على سلامتك اصاحبي خلعتينا علك😏😏..
زاين بعدما قعدوه شوية بالباياس جامعين ليه ايد والايد الخرى طلقها فوق كرشو..كيهضر ومرة مرة يطل عل نور لي واقفا لور وعينيها باقين مغرغرين وباينة فيها باكية بزاف...بنيفها الحمر وشعرها لي مليوح فوق وجها لي مخليه يتحرك للقدام بالنفس ديالها ...
ليلى: ياكما عاطياك الصداع..
زاين: لا الوالدة غير هنيو ريوسكم راني بيخير😋😋..
علي : الحمد الله ...المرة الاخرى متعرضش نور لبحال هاد المواقف وكون غير خرجتي من هاد الخدمة ..لي كل مرة مبليسي فجهة...مالك متجي تعوني فالشركة حسن لك...
زاين: صافي الوالد بلا متزيد فيه وتبدا تاني.😒😒..
علي: ضبر اراسك انا عييت معاك...
سعد :ومنين طمنت علك..انا غانمشي الحمد على سلامتك..
زاين: شكرا خويا..ومشا...
علي: تانا غادي باقي عندي مايدار ..ليلى غتمشي ولا باقا...
ليلى: لا غنبقا معاه.😳😳.
زاين: غير سيري كاينا نور بلا متشطني راسك..
ليلى: واخا احبيبى...دارت عند نور عنقاتها..رتاحي احبيبة حتا نتي راك عييتي...
نور: واخا اماما..
باستها فراسها وخرجات مع علي ...بقات رميساء وياسر...
رميساء: ناري اخويا تفارقنا معاكم غير بشوية طرا هادشي كامل 😳😳..
زاين: جات فالطريق اش غنديرو ...
ياسر: حمد الله خرجات طريفة ...و وقع ليكم والو ..كون تشوف هادي اش دارت لينا برا..
نور قرساتو من الجنب....وياسر عرا فين قارسها وقال..
ياسر: هانتا شوف اش كدير هههههه
زاين: ههههه اجي لهنا مالك مبعدة..
قربات ليه نور حادرة راسها..
جرها لعندو شادها من خاصرها و نفخ فوجها باش يحيد شعرها من وجها ...حيت ايدو ميقدرش يحركها بطبيعة الحال...
زاين: وينو الوجه منفوج بالبكا..هههه لي شافك كتسلخي بنادم قبايلا ميقولش باكية هاد البكا كامل.😂😂.
نور حدرات راسها ساكتة..
ياسر: اححم مهم نخليوك ترتاح..ياله انور مغتداش ..
نور: لا غنبقا...
زاين: غير خليها ...
رميساء سلمات عليها وعلى خوها ياله رتاحو باي..
ياسر : الله يعاون بشفة ان شاء الله..
زاين: شكرا..
مشات معاهم نور للباب ...عنقها ياسر..
ياسر: الى حتاجيتي شي حاجة قوليها ليا غدا غنجيب لك حوايجك وهاكي هاد الفلوس شري ماتاكلي..
نور: بلاش اخويا ...
ياسر: شدي من الهضرة راه زاين موحال واشعندو الفلوس دابا وحتا نتي مهم خليهم عدك تقدرو تحتاجو😒😒😒..
نور: واخا ..هاك الجاكيط ديالك..
ياسر: خليها معاك...باسها ..ياله بسلامة..
نور: باي ..
رميساء: تهلاي فمزاتها ومشات...
دخلات عند زاين...وابتاسم ليها وقال..
زاين: اخيرا بقينا بوحدنا..اجي لهنا البطلة ديالي...قربات ليه نور وعنقها لعندو بايد وهي واقفا...وباس راسها..
زاين: تاعمن هاد تجاكيط لي لابسة 😒😒..
نور: ديال خويا...
زاين:ومالك ملبستي ديالي...

زاين: وعلاش ملبستيش ديالي..😤😤.
نور هزات فيه راسها وبدات تضحك...وباستو فحنكو..
نور: هههه تجاكيط ديالك كان فيها الدم.😋😋..
زاين: وحيديها gلبتيني بريحة خوك ...انا باغي نشم ريحتك نتي.😜😜..
نور:ههه...يلاه غتحيدها ودق الباب...
زاين زعف...وقال دخل...
دخل الظابط عز ومعاه شي ظباط اخرين وشاف ديالهم..
ونور تgعدات عليه دغية..قادات حالتها..
عز السلام عليكم..
زاي ونور: وعبيكم السلام..
عز: الحمد الله على سلامتك اخويا..
زاين: شكرا اصاحبي
العميد: معندي منتسالك هادا عام وحنا نقلبو عليه نتا جبتيه بلا متجهد راسك معاه..
زاين: اش درتو معاه بعدا...😕😕
الظابط لاخر : راه فالسبيطار هو وديك خايتي لي كانت معاه...
الظابط عز: قالت لينا بلي الدرية لي كانت معاك هرساتها...
زاين: شاف فنور وهي تقلب عينيها باش متشوفش فيه العميد: مراتك نور لي كانت معاك ؟
زاين: اه...ها هي اجي انور😊😊...
قربات..ووقفات فجنب زاين...
زاين: عاوناتني فيهم..😂😂.
الظابط لاخر: او ؟ بالصح واش هي متدربة فسلك الشرطة..😮😮.
زاين: هههههه لا غير هي مدربة على فنون الدفاع عن النفس.😋😋.
العميد: تباركلاه غليك ابنتي الطريقة باش دورتي ايده حتا تهرست راه ميعرفوها غير المتمكنين من هادشي وخاصة نتي بنت معندكش القوة باش تهرسيها 😮😮..
نور: ديك الحركة تعلمتها ولكن عمري درتها والمدرب كان موصينا منستعملوها غير للضرورة وهاديك جبدات سيف صغير بغات تقتلني بيه وهرستها..واش غنتعاقب ؟
بداو يضحكو عليها وعلى برائتها فالهضرة...
العميد: وعلاش تعاقبي نتي راك عاونتي راجلك وعاونتينا باش شدينا هادوك راه من اخطر المجرمين و مكرهناكش كون دخلتي لسلك الشرطة حتا نتي محتاجين للي بحالك ...غتكوني نتي وزاين نقط القوة بالنسبة لينا
نور دارت عند زاين بعينين متحمسين شاف فيها وقال..
زاين: لا اسيادة العميد منبغيهاش تدخل لهادشي ..وهي اصلا كطير😒😒...
العميد: خسارة ..
نور خنزرات فزاين ورجعات شافت قدامها..
الظابط عز: تباركلاه عليك اختي كون كانو gاع البنات بحالك...راه شرطيات معانا وميقدوش على هادشي لي درتي ها تحية ديالك..
نور: هههه شكرا...
زاين بدا كيتعصب من الصباح وهما يمدحو فيها و يعبرو على اعجابهم وهو غار محاملش هكا ...بدا كيخنزر..وخاصة دوك الظباط ب2 دي جون بحالو..
العميد: مهم اولدي الحمد الله على سلامتك وراه عندك عطلة حتا تسترجع صحتك...وتهلاو فبعضياتكم... شكرو زاين وخرج..
سلمو عليه دوك 2 ظباط لوخرين وخرجو تاهما...
ودار زاين عند نور...
زاين : عاجبك الحال من الصباح وهما يعبرو😤😤..

نور: اويلي على عجبني الحال هههه اويلي هادو اش دgو ليك فالبنج..ههه برد اصاحبي..غير مدحوني مالك كتغير منكولشي الله يستر..
زاين: مشتيهمش كيف كيهضرو معاك وقالك ندخلك معانا ...مالي تسطيت..
نور: وعلاش لا..انا اصلا كنت باغا ندير البوليس من الاول ..ياسر لي مخلانيش ...
زاين: وتانا مغنخليكش ...
نور دورات وجها حيت عارفاه حجرة يابسة حتا حسات براسوة فعنقها...
نور: اويلي بعد لهيه راه حنا فالصبيطار..
زاين: هههه ومن بعد من شمش ريحة مرتي...حيدي عليا هاد الجاكيط بعدا...
نور: اففف منك ...هاهي ..
زاين: مالك لابسة لبس السشفى...هزو ليها ولقاها لابسة غير سوتيامات لتحت كانت بيجامة بسروال...
زاين: وايلي اش هادشي ...مالك زرقة...ااااه كنت قلت لمك مديري والو عاد سرات معايا انا...
نور: ايوا شفت داك الهايش عصرك قلت نعاونك اشنو بغيتيني نخليه نولي ارملة وانا باقي باغا نسمتع بحياتي.
زاين: واخا هكاك انور راه كان مسلح...ولكن عجبتيني الحلوفة...راه ديما كنقولها انا لي مزوج...عندي مرا ديال الزمان ...معليكش احبيبة..*وكيلعب فشعرها *
نور ايوا شتي نتا لي حاgرني راه مكخدمش معاك العنف...
زاين: ههههه اهاه خلعتيني..كيلعب فوجها..بالصح بكيتي عليا..
نور: a ؟ لا كنت عادي علاش غنبكي كنت عارفاك غتنوض منها كي الحلوف..
زاين: هههههه غير gري وعتارفي شااافت وجهك كان منفوخ...
نور: بالصراحة خلعتيني ...منين شفتك رميتيني وجيتي فبلاصة الرصاصة ومنين شتك طحت الارض رجلي مبقاوش هازيني...زاين: واللهتا نموت الى وقعا لك شي حاجة...
زاين: الله ينجيك ليا...متخافيش احبيبة انا معاك وعمري نتفارق معاك...
عنقها وتجشا فيه واخا كيتالم مكيبينش باش تاخد راحتها..
زاين: هزي تريكو نشوف...
نور: مفيا والو غير كدمات خفاف...
زاين: هزي...
نور تقابلات معاه وهزاتو..
وزاين كيقلب ويفحصها حتا من ظهرها قلبو وطل حتا على السروال من الداخل...
نور: صافي ؟ راه قلت لك مبيا والو..راه اغلبية غير من الطيحات لي كنت كنطيح..
زاين: والله لا بقات فيهم ب2 ...الا مزرقت والديهم تاهما..
نور: ههههه واش حنا سيفطناهم للسبيطار وباقي كتدوي..
زاين: ههههه اجي حدايا مفيكش البرد..
نور اه فيا ولكن دراعك..
زاين : غير اجي...
دخلات نور حداه وغطاها معاه ...
زاين: كليتي؟
نور: لا ...
زاين: اش بغيتي...
نور: مممم غير شي سوندويش ..
زاين: صااافي
نور: اه ..
زاين ورك فابوطونا وجات فارمليا بغات نور تنوض وزاين رجعها ..والممرضة غير كتشوف فيهم وحسداتهم ب2 على علاقتهم وب2 باgس وباينة كيبغيو بعضياتهم..
زاين: سمحي ليا ...بغيتي دري فيا خير وتجيبي لمراي شي سوندوش من برا...
الممرضة: ماشي مشكل حنا كنا غنجيبو ليك العشاء ديالك..غنجيبو ليها حتا هي ...
زاين شاف فنور: اوكاي ؟
نور: وي...
زاين: صافي شكرا
خرجات الممرضة ...وشعل زاين tv وجلسو يتفرجو حا دخلت الممرضة حطاتو ليهم وخرجات..
ونور وقفات حطات عشاها فوق الطبلة ..هزات عشاه حطاتو قدامو...
زاين: اش كديري..
نور: غنوكلك بطبيعة الحال..
زاين: لا سيري كولي نتي بعدا..
نور: لا نتا الاول...
زاين: نوضي تعشاي نتي الاولى انا من بعد..
نور جرجات عينيها: قلت لك نتا الاول...
زاين: هههههههه وينو كيوت عاودي خرجيهم..وكيفرس ويجبدهم ليها حناكها ...
نور: اي قسحتتيني...وهاك كول ...
زاين: ناكلو ب2 ...
نور: واخا اسيدي..
هزات بلاطوها حطاتو قدامو وجلست ربعت قدامو ودغمة عندها ولاخرى عندو..وطرة مرة يد ايدو يمسح ليها...
زاين: باركة شبعت..
كور: واش كليتي بعدا باش تشبع..
زاين: انا باغي ناكلك نتي...
نور نايضة : كون تحشم راحنا ماشي فدارنا..
زاين متبعها كيضحك..هزات البلاطو خرجاتو لييهم برا باش ميبقاوش يدخلو...ياله غتنعس فالفتوي وعيط ليها..
زاين: اجي لهنا فين غتنعسي تم بارد علك..
نور: زاين راك عارفني كتحرك بالليل نقدر نضربك نوعتك ولا نعgرك..
زاين: ماشي سوقك فيا...غير اجي..
قربات ليه نور وحطات راسها عليه وهي رادا البال..وهو هز الغطا بايدو كيحركها وهي تحت راس نور غطاها مزيان عاد حاوط ايدو على خصرها وحط راسو على راسها كيتفرجو...حتا كتحس نور بايد ةاين داخلة تحت البيجامة نيشان لسدرها...

نور حدرات راسه كتتشوف فيه فين غادي بايدو ...حتا دخلات تحت السوتي وهي ضربها ليه...
نور: اش كدير...
زاين: ونتي مالك.
نور: بلا متبقا تبربص راه والله لاكانت لك...
زاين: اشناهي...
كور: داكشي لي فبالك...
زاين: هههه مالي حماقيت نعري مراتي فالسبيطار ..وزايدون معندي لك جهد دأبا باغي غير نعس..ولكن غدا هضرة اخرى...
نور: الله يستر شوف كي مريض مقادرش حتا تاكل بايدك قالك باغي..وهي ضرب الطم كات غتزبلها..
زاين: هههههه مال مك سكتي كمليها اش باغي...
نور: صافي خليني علك ...خرج ايدك من ت بغيت نعس..
زاين: لا مخرجهومش غير نعسي..
نور تقادات حداه وقالت :عنداك غير نحل عيني نلقاك كدير شي مصيبة ...
زاين: ههههه تنعسي لطاسيلتك لا؟ اش كان بان لك انا ؟
نور: كولشي نتسناه منك ..
زاين طفا tv وجرها عندو ونعسو...
فاقت نور الصباح لقات راسها ناعسة على كرشو وهو شاد راسها بايدو...ناضت دخلات للحمام غسلات وجها وايديها..ومشات عند زاين باستو ففمو وهو يعضها..
نور: اييي..نتا فايق..
زاين: من قبايلا ههه نتي لي نعاسة..
كور: بزاف عليك..
دخلات الممرضة والطبيب دارو ليه معاينو وقال ليه ممكن يخرج اليوم ...
عيطو ليهم وخبروهم باش بلا ميعدبو ريوسهم ويجيو..فطرو ب2 ودخلو عندهم ياسر ورميساء...سلمو عليهم وعطاتها رميساء متلبس دخلات للحمام تبدل..ومعها رميساء...و ياسر وزاين برا كيدردشو...خرجو رميساء ونور وصبقوهم للوطو...وبقات نور مع زاين كتبدل ليها وهو مهداش بايديه كيستافزها ويجلس يضحك عليها...حا لبساتو وناض جمعو داكشي ديالهم وخرجو ...الفاتورة مخلصة..ركب زاين جنب ياسر ورميساء ونور لور مشاو موقفو حتال الفيلا..هبطو..ودخلو ليها...بقا معاهم ياسر غير شوية وناض لخدمتو...ومشات معاه رميساء لا لافاك..اما نور بقات مع زاين ...جلس ماد رجليه فالصالة وحاط التيليفون حداه لي مسكتش من التعياط..كل شوية يعيط شي حد يسول فيه...
ونور فالكوزينة كطيب...وكل شوية يعيط ليها يطلب شي حاجة كيتبوحط عليها..فقصها وشاد فيها عاجبو الحال وكيضحك...
نور: اش باغي تا مالك درتي ليا الطيارة خليني نكمل شغلي على خاطري...
زاين: غير اجي حدايا مبغينا والو..
نور: نجي حداك ؟هههه باغي دير ليا ديك اللعايبة ديال أجي عند عمو نعطيك فنيدة ...
زاين: هههههههههههههه مالك راك غتاكلي فنيدة..
نورغادة وكتنgر: لا لا نتا جهلتي ...
زاين بقا تما كيضحك عليها وجا جاكسون جلس حداه وحط راسو على كرشو حتى ...صونات الفيلا..حلات نورالباب....

حلات نور الباب لقاتهم جيداء و عماد...
نور: اهلا اهلا وفين العشيرة...
جيداء: فين نتي ؟
عماد: هضري معاها مقاد لتصدق مهرساك ...
نور: ناااري وصلاتك...
عماد: قنبلة الموسم زوجة ألظابط العمراني gangster..
نور: ههههه ماشي لديك الدرجة دخلو بعدا راه فالصالة.
دخلو و سلمو عليه...
عماد: كيبقات ايدك...
زاين: سافا الحمد الله ...
نور: بطبيعة الحال غتكون سافا من الصباح ونت توحم عليا...وتمحن فيا باغي هادي باغي ..
زاين: غتسكتي ولا نوض لديلمك ملك راه خاصك تهلاي فراجلك...وبزز منك ديري هادشي..
عماد: هههه مافيها باس...
زاين: وسيري جيبي شي حاجة مناكلو..
نور: ها هي غادة...
مشات نور وتبعاتها جايدة..
جيداء: اويلي مالك معاه...راه خاصك تبقاي معاه وتصهري على راحتو وتشوفي اش خاصو..
نور: وداكشي لي دايرا ولكن الحلوف راه ماشي عينو باغي شي حاجة راه كيدير هكاك غير باش يعصبني ..
جيداء: ههههه ب2 بحال بحال تلاقيتو...
نور: اودي...ياله نجلسو معاهم...
مشاو وجلسو...معاهم بقاو على المناكر
عماد:ايوا انور عجباتك المغامرة
نور:والله الى شحال مسلخت بنادم بحال هكاك...
زاين:ههههههه على مفخباركش ممراتي جيت ليا(جيت لي داك الممثل الى عرفتوه) الحبيبة ديالي دافعت على راجلها
نور : ههه وراه تانتا تعرضتي للرصاصة فبلاصتي...
زاين:باس ايدددهاا :نفديك بروحي...
جيداء: اوووه كيووت...
عمااد:شنو لي كيوت لوالديك نظظل نتععنب على طاسيلتك ونتتي هازة خنافرك للسماء ...وكون غير فيك النفع بحال نوور بحال النهار لي تعرض لك شفار ومنزهرك وقفت لك بالوطو وتي اش درتي ركبتي وعلقتي وخليتيني مطاييف معااه.....
جيداء : اولا هادااك ماي نوز ماشي خنافريي تانيا اش بغيتيني ندير انا غير بخفت ومعرفت ككفاش تاهربت...
زاين:هههه نتما باقين كتجبدو هاد الموضوع داز عليه عام....
جيداء:ا هانتا تشوف اخويا ال بغيتينينكن بحال نور خليني ندخخل لاصال ...
نور: اه انا نوريه ليك لا صال اععرة والمدرب خطيير غييعجبك وتاا نرجع لي نونسك
جيداء:اه مزيان تافقا نمشيو هاد الوكانند؟؟
نور:اوكي
زاين:عزاك لي غتمشي ليه
عماد: كتخططو معامن تشاورتو
ننور: الله يستر
زاين: نوضي جيبي الغداء جانا جوع ...
تغداو باربعة مجمعن كيف العادة ومشاو از النهار عادي ....واليل تجمعو عندهم العائلة...
★★★★★دازت السمانة عادية نور مقابلة زان لي كيتبوحط جننها م ومخلاهاش تمشي لا فاك باش تبقى معاه.....رميساء كتجي عنده مرة مرة هيي وياسر وعمرها جبدات ليهاا موضووعع الحمل....
اليوم السبت الالديفيلي ديال لييلى والبنات معاها كيعونوها و الدراري كولهافين شاددهاا....
~~~~~في مكاان اخر ووبالظبط في السجن جالس واحد وقدامو اخر زايرو فالسجن....
المسجون: بغيتك تنجح فهاد الخطة...ضضروري منقدرش نسا داكشي لي وقع ليا بسباب ديك الق++++
صديقو:متخافش اصاحبي غناخد ليك حقك ولكن كف غندير راها مزوجة وكتبغيه محال تشد ليا
المسججون:كلهم ق+++ت غير دير داكشي ليقلت لك وراني عارفك مساهلش وتقدر عليها....
صديقو:متخافش غندما غير رتاح وتفرج...
المسجون:حفضااااك العاود ياله تلاح الزيارة سالت.....

 في الحفل بالليل كانو كولشي العائلة مجموعين فالصفوف الاولى وكل وحدة جاسة حدا راجلها...
رميساء تلفتات لجهة نور وهضرات معاها: نور...واانور..
نور: مالنا اش كاين...مبقيتش قادرة نصبر نوضي نمشيو عند ماما..
زاين: تمشيو ديرونجيوها...
ياسر: ههه مقفلتي والو فهادي ازاين..
زاين: اش كتقصد...
ياسر: هادو راه ماشي عينهم يمشيو يطلو على الوالدة...هادو راه عوالين يخشيو ريوسهم فالديفيلي ويخرجو يتعوجو قدام بنادم هنا..
زاين: ههههه لي سميتكم عيالات نوضو من هنا والله ياطواسلكم لقلبت عليكم هاد الحفل فوق ريوسكم..
نور: اويلي اويلي امالكم دخلتونا طول وعرض ياك لاباس راه غير بغينا نطلو عليها...
رميساء: والله ما درنا شي حاجة من هادشي لي قلتو فبالنا ...واللهتا غير نطلو ونرجعو...
ياسر: وتقولو والله لا نضتوها...سكتو دابا ها العرض بدا...
نور بينها وبين رميساء: صافي نساي القضية حتال الاخر ونباركو ليها....اصلا باقي ممتيقاش تاواحد ما عارف من غيرنا وعمي ...
رميساء: اش كتعرفي فالمساخيط تلقايهم عارفين ديال عيالاتهم ومهم لي والداهم ناسيينها...
نور: صافي صافي .. المفاجئة لي محضرين ليها غتعجبها بزأف انا متحمسة غنطرطق هههه
رميساء: انا كتر منك شششش دابا خلينا نسمعو..
جا المقدم وجلس كيدير المقدمة ديالو بلا بلا...من بعد بداو العارضات ..يدخلو...وكولشي متبع معاهم الا رميساء لي حاضيا مع واحد اللفعة كتعوج حدا ياسر ...وياسر مكاينش هنا مربع ايدو كيتفرج فالديفيلي ...ونور متبعة تاهي وكول شوية تقول زاين غتاخد هادي وهو كيلوح ليها كومونتات هادي معرية هادي قصيرة هادي ملونة هادي متجيش معاك...شافت تاعيات وهي تربع ايدها مبزمة وجامعة الغوباشة بحال شي درية صغيرة ...وهو داير ابتسامة الانتصار...اما لوخرين رميساء بالحرام واش داتها فشي ديفيلي..كتشوف فلوخرا كتحاول تبين راسها ليه يسحاب ليها بوحدو وكل شوية كانت كتسولو باش تهضرو وهو كيجاوب على قد السؤال رميساء محملاتهاش ..ومحملاتوش يهضر معاها صبرات تاعيات وهي تنطق فودنو...
رميساء: نوض من تما اجي تبادل معيا ...
ياسر: هههه علاش ما هاد البلاصة...
رميساء: إتنوض اولا غنوصلها لهاد المصعورة ديال ختك تفرجنا فديك المنتوفة لي من صباح ونتا تحتت معاها..
ياسر: هههه calm down bb غير سولاتني..
رميساء: غتنوض اولا لا ؟...دارت عند نور وهو يجرها..
ياسر : صافي صافي بلا متقوليها لهاديك ...مفيا لي يفك تاني...
رميساء: واهكاك ..
ناضو تبدلو من البلايص تلفتات ليهم نور وبدات تضحك فهمات البلان من شوفات رميساء للديك خايتي وديك خايتي لي دورات وجها من لحشمة...
مقاو متبعين الديفيلي...ونور نسات راسها مع التركيز فداكشي لي كتشوف هزات رجلها وحطاتها على فخض ياسر هكا كانت ديما كجلس حداه..قشعها زاين وهو يليعها من جنبها..حتا نقزات..وسولها ياسر..
ياسر: مالك ؟
نور: ا..ا..ا الا والو..
دارت لجهة زاين لقاتو مخنزر.
نور: اويلي مالك على ديك التلييعة ..
زاين اشار بعينيه على رجلها..وقال..
زاين: ها رجلي انا معجباكش ..
نور بدات تبسم وتضحك...
نور: اوييلي ازاين كتغير حتا من ياسر والهتا زدتي فيه.ههه...
زاين: لا..علاش غنغير منو غير خوك هاداك..
نور: واش كتسمي هادشي ههه
زاين: سميه لي بغيتي غير حيدي رجلك و ديريها عليا اولا تجمعي نتي gاع اش ديك الجلسة هكاك..
نور: لا صافي انا غنحطها علك...هههه مغيااار
زاين دور وجهو بالزعفة ومربع ايديه كيتفرج ونور كتشوف فيه بنص عين وكتخبي الضحكة كتموت على غيرتو عليها ...حيت من غيرة الانسان كيتعبر مدى حبو ليك ...نور كل مرة كيوقع شي موقف بحال هادا كيخلي قلبها كيزدح و كتحس بالفراشات فمعدتها وعقلها كيتفرgع من شدة فرحتها و من داك الاحساس الزوين لي كيديها ويجيبها...
بقاو كيتفرجو فالعرض حتا قرب يسالي وجاو 2 من الكواليس...
......: مي دام تفضلو معانا..مدام ليل بغاتكم...
زاين: اش بغاتهم..
ياسر: غير خليهم ...
رميساء: اويلي راه ماما لي عيطات لينا نقولو لا ..
نور: لا عنداك ..ياله اخويا نمشيو..
زاين: جل...
باقي مكمل كلامو ناضو ب2 مشادات كيتمشاو ودارو عندهم لقاوهم جالسين على طرف الكراسة و ومخنزرين فيهم ياسر كيتحلف بايدو...وزاين مقوش عينيه مخنزر وكيدوز ايدو على عنقو بمعنى غندبح مك...
نور خرجات ليهم لسانها ومشاو كيضحكو عليهم والدراري كيفيبريو ...عارفنهم مغيفلتو تا فرصة وهما ميقدروش ينوضو ولا يديرو شي حاجة ..حيت كاينين ناس كتار وغير الايقونات فعالم الموضة وحاضرين شي مشاهير والصحافة ....بقاو كيفيبريو فبلايصهم حتا خرج المقدم و علن على ظهور المصممة ليلى العمراني ..خرجات من الممر والانظار كلهم متاجهين ليها ...خرجات بواحد الاناقة واللباقة والمشية مستقيمة دافعة سدرها القدام وكتمشا بشوية بطالون عالي فالرمادي وكانت انيقة بغوب ايفازي لاسقة بالكحل و عقد اللماس كيبري وطلقة شعرها القصير حد عنقها و كانت دايرة سموكي مبين عينيها الخوضر بحال رميساء...والمفاجئة كانت خارجة و....

 ....والمفاجئة كانو معاها البنات شادين فايدها كل وحدة فجنب لابسين ديغوبب بحال ديال الاميرات منفوخين من التحت كانو فشكل واحد ..من التحت مفصول على الفوق على شكل صاية طويلة منفوخة وكلها مغطية بشبيكات فيهم حجيرات كيبريو والفوق مفصول غلى التحت طبينو وبين التحتاني شية الفراغ كيبين خصرهم ومن الفوق جاي سميطات ولكن طالع على السدر ...وكانو لابسين بحال طالون ماماهم بالنسبة للالوان نور كانت لابسها كحلة بحجيرات باينين بيضين ...ورميساء كانت لابساها فالباج لون البشرة وحجيرات فالاسود...والماكياج ب2 سموكي بما انها سهرة ليلية و كلوص غوز بارد كيبري ...وشعر مطلوق على طولو بتاج فلون الحجيرات لكل وحدة ..كانو غاديين فالممر بليلى الوسط وهما فجنابها كيبانو بحال شي ملكة ومعاها اميراتها...كانو غاديين براس مرفوع و وسدر للقدام وتقة فالنفس غكتشاير غير بانو للدراري..وهما يوقفو بفم مفتوح زاين واقف هكاك بالباندا فايديه وكولشي تبعهم وقف كيصفق ليهم ..دازو البنات قدام الدراري و هما يلوحو شعرهم كيقليو ليهم السم...والدراري غير حالين فمهم فداك الجمال تاواحد ممتيق هادو هما نور ورميساء ...كيبانو بحال شي اميرات ..خدات ليلى المايك باش تعطي كلمتها تحت اصغاء الداضرين لي تاهما مبهورين فيها وفبناتها...
ليلى: انا جد فرحانة اليوم باطلاق الكوليكسيون الجديدة ديالي...لي كفما كتشوفو تلقات استحسان كبير ورضات جميع الاذواق ...الكل كيسولني منين جاني الالهام حيت هادا ماشي ستيل لي عودتكم عليه واخا كل فصل كيكون بطعم الخاص ديالو..ولكن هاد الفصل اعتامدت ستيل ممزوج بالهدوء وفنفس الوقت الswag هههه....مهم هادو بناتي حبيباتي هما لي لهموني(كتشوف فيهم وكتبتاسم) الهدوء لي متلتو بالوان طبيعية كيمتل شخصية بنتي رميساء الهادئة واللطيفة و الswag لي متلتو بالوان غامقة والاسود كيمتل شخصية بنتي الاخرى نور الهدى لي شخصيتها غامضة وعزيز عليها الاسود ههه...انا فرحانة ببناتي وحياتي مكتعني والو بلا بيهم داكشي علاش خرجت هاد الكوليكسيون بسمياتهم نور/رميساء ...(عنقوها البنات كيشكروها وكينقزو بالفرحة) شكرا للحضور عائلتي والاصدقاء وشكرا للمساعدين وكل من ساهم فهاد الحفل حتا نجح....وشكرا حتى لكل من سيبورتاني ودعمني ..شكرا ليكم...
فهاد اللحظة نور غمزات رميساء وبدورها غمزات لواحد من staf كان كيتسنا اشارتها ...ويتفرقعو المفرقعات وبداو اللعيبات يطيحو من السما تاحد مفهم شي حاجة ...وبانت على الشاشة العريضة happy birthday for the best mom ever بخط زوين ومزوق بشكل راقي وزوين ...من بعد جابو gateau كبير فيه شموع وزواق مهم زوين ...ليلى بقات حالة فمها متوقعاتهمش يتفكروه وهي براسها نساتو مع الدعقة ديال التوجاد...بقات دايرة ايدها على فمها كتشوف فيهم كيعنقو فيهاو كيضحكو اما الاخرين بداو يطلعو عندها واحد واحد يهنيوها وهوما حشمانين حيت نساوها حتا علي والدراري طلعو ...شوي بشوية البنا تسلتو ووقفو فمدرج اعلى من هاداك لي كانو واقفين فيه كان وراهم تطفى الضو كولشي توقف على الحركة حتى شعل الضو غير فجيهة البنات لي واقفين مشادين و شادين لي ميكرو..بدات الموسيقى وكولشي تقابل معاهم ...بداو فالغنى وبالتناوب كل وحدة كتغني مقطع كل وحدة كتشوف فالاخرى و كل مرة كيشوفو فماماهم كيلقاوها كتبكي من الفرحة..و الدراري واقفين مبهوضين مقادرينش يخبيو اعجابهم والبسمة مرسومة عل وجوهمم حتا كيتفكرو بنادم لي كيتفرج فيهم وشحال من واحد غيكون معجب بيهم كيحسو بالغيرة ومكرهوش يخبيوهم و يغنيو ورا السيتار ...شدو البنات فبعضياتهم وقربو للقدام وهنا بدات الاغني كتزيد فالريتم وولات ديال الشطيح..كولشي بدا يشطح ويغني معاهم كلها كيشطح مع شريكو حتا ليلى كتشطح مع علي والدراري لوخرين كلها كيشطح مع مراتو...الا الدراري ياسر وزاين لي واقفين حاضيين رزقهم...كل وحدة قربات لراجلها وشدات فيه وكتغني وكل واحد فيهم كيبوس لمراتو ايدها اولا راسها ..دارو واحد الاومبيونص فالحفل زادوه جمالية...سلات الاغنية ..وليلى عنقات البنات كتشكرهم على المفاجئة..

ليلى: شكرا اميراتي عل هاد المفاجئة متوقعتهاش والله😍😍...والاغنية كتحمق الله يحفظكم ليا وينجيكم..
رميساء: غير منين عجبوك هادشي لي بغينا😊☺☺..
نور: تستاهلي كل الخير اماما ...وهادشي قليل فحقك والله عطيتيني شي حاجة ناقصاني واخا ندير لي درت منوفيكش هاد الخير😢😢...
ليلى عقاتها : اشمن خير الهبيلة ..نتي راه نيت بنتي و مديرا فيك لا خير لا والو متبقيش تقولي هاد الكلام راه غتقلقيني منك.😕😕..
نور معنقاها كتبكي: واخا اماما 😢😢
ليلى كدوز على شعرها: حبيبة ماما...😋😋
رميساء: وانا 😏😏...
ليلى: اجي راكم ب2 حبيباتي...
علي: هههه وانا😜😜...
ليلى: مالك نتا سير فحالك هههه
نور: هههه سمعتيها اعمي...
رميساء: ياله ياله متخصرش لينا اللحظة..
علي: ههه كتجريو عليا😂😂 ..على انا معنديش الحق فمراتي...
زاين: لا عندك😂😂...
ياسر: زيدو نتوما قدامي ..سالات الحفلة.😉.
علي: دوزو للفيلا عندنا احنااا غنتبعوكم.😊☺..
زاين: واخا..(جر نور داها معنقها من الجنب وحتا ياسر)
علي: مبروك عليك النجاح ديالك..انا فخور بيك ...
ليلى عنقاتو: شكرا ليك نتا حيت ديما كتدعمني هاد النجاح ديالنا كاملين..😊😊
جاو بقية الدراري وباركو ليها و ودعات ليلى كل الموجودين وكلها بارك ليها متفكات منهم غير بالكشايف..حتا ركبات فالوطو وهربو نيشان للفيلا...

وصلو علي وليلى ولقاو الاخرين دايرين حفلة وماحاضرين غير العاءلة ...دخلو وليلى كتشوف فولادها مجموعين ضاحكين وفرحانين بيها و هادشي لي راسم ديك البسمة فوجها ...تقدمات ليهم وعاودت سلمات عليهم واحد واحد...وعطاوها الهداية حتا نطقات نور....
نور:ماما هاد الهداية ياله...
باقي مكملات هضرتها سد ليها زاين فمها ...و سيف مقابل معاها كيتحلف...كانت باغا تفضحهم وتقول بلي نساو بلي اليوم لانيف ديالها وياله شراو الكادوات فالطريق...
زاين تحت سنانو : تقولي شي حاجة نفلعص مك..😒😒
نور حيدات ايدو وقالت بتقة فالنفس: باش غتفلعصني راه ايدك معطوبة😏😏
زاين:معنديش غير طريقة وحدة باش نفلعصك 😜😜😜
نور هزات راسها فيه معوجة فمها كتخنزر فيه وهو كيشوف فيها ويغمز ويضحك ...
ياسر فجهة اخرى شاد رميساء...
ياسر : حبيبة جات غزالة (شد ايدها ودورها) جيتي بحال شي اميرة...😍😍😍
رميساء:ههه بالصح عجبتك😊😊😊
ياسر:حبيبة ديما عاجباني 😍😍(سرق بوسة).
رميساء : اجي نرقصو..
ياسر: امرك سمو الاميرة..
تقدمو كيرقصو كانو دايرين الحفلة فالجردة وحاضرين العاءلة لي فنفس المدينة اما لي برا مقدروش يجيو...كانو كولشي لي كوبل كيرقصو الا واحد طوم وجيري مشادين فواحد القنت...
نور: وصافي طلق ...كتعرف غير تخرج عينيك..شوف رميساء كيف كتفرنس مع راجلها وانا منكدو عليا... بعد لهيه متهضرش معايا😠😠
زاين جرها بايدو لعندو:وينو على الكتيكيتة ديالي تقلقت هههه ياله صافي ...
نور: بعد لهيه متقيصش فيا...
زاين بدا يضحك جرها بلا ادنها لوسط ولصقها معاه بايد وحدة شاد خصرها..وداير نصف ابتسامة كيطنز عليها وهي دايرا فيها منفخة ...مدورة وجها لجهة اخرى وهو كيميل ويميلها معاه وحاضي وجها ...بان ليه غير عنقها قدامو تحنا عندها وخشا وجهو فيه..
نور: اي اويلي حشم شوية راه دار عامرة..😨😨
زاين: وانا مالي ياك حلالي..ندير لي بغيت..😜😜.وعاود خشا وجهو... ورجعو شاف فيها ...وﻹ عرفتي زيدي نمشيو فحالنا gاع...
نور: اويلي نتا حماقيتي صافي..😧😧
زاين: ولي عندو هاد التحفة قدامو ميحماقش راه الحماق وقليل😜😜...
نور كتدوز ايدها على لحيتو: الله ينجيك الى حماقيتي اش عندي مندير انا فالدنيا مزال وراك..😟😟
زاين هز راسو الفوق وهو معنقها: احححح اميمتي لحمي بورش..هبط راسو عندها...نتي مناش مصنوعة غتقتليني بحالاوتك الزايدة ها ودني منك. 😏😏.
نور دارت ضحيكة صغيرة بحال شي بيبي جمعات وجهو بين ايديها وشافت يمين ويسار وخطفات بوسة بالزربة ..ورجعات لور ..
زاين: ههه غير خودي راحتك متحشميش مالك كتسرقي😂😂😂 ؟ راه كولشي ديالك...😜😜

بقاو لي كوبل كيرقصو على انغام الموسيقى الهادية..كل كوبل غارقين فالعالم ديالهم...سلات الاغنية وتجمعو يقطعو الحلوة حيت تعطل الوقت بقاو مجمعين شوية و بداو ينساحبو واحد واحد..
جات نوبتهم تاهما سلمو على علي وليلى ومشاو ...
ياسر معاه مراتو ...وزاين كدلك ...
نور: ارا نصوق راك عيان مغتقدرش تصوg بايد وحدة...😊😊
زاين: قاد بشغالي😏😏..
نور: ارا بلا متقصح راسك .. متخافش مغنخطفكش ونعتاصبك.😂😂..
زاين: ههههههه شدي شدي ماعرت شكون غيغتاصب لاخر..😂😂😂..
ركبو زاين رجع الكوسان لور ولاح رجلو القدام وتكا...ونور ديمارات كانت غادة بسرعة عادية بامر من زاين غير كتزيد كينزل عليها بشحطة...وعاد ياسر لي قدامها فاقصها...مبلوكي ليها الطريق...
نور: هاد الخرى اش كيدير😡😡 ...
زاين:صلحي فمك ...ونتي مالك يدير لي بغا.😐😐..
نور: وراه مبلوكي ليا الطريق بغيت غير نضوبلو مكايبان والو...😡😡
هما كانو وصلو للطريق وسط الغابة فطريق الفيلات ومع مفيهاش بنادم بزاف مفيهش الضو ...
زاين: بقايةغادا بنفس السرعة وبلا ماضوبلي لا نصدقو مخشيين فشي شجرة😑😑
بقات نور غادية ورا ياسر وكتقرب حتا قربات لزاف وبان لبها خيالو كان مقرب لرميساء كيتباوسو داكشي علاش غادي بالشوية .....
نور: ولاد الحرام خدامين وانا نبقا نتسنا حتا يساليو الله يغبر لباباكم الشقف مقادينش تسناو حتال خربتكم 😡😡😡
دارت نور شافت فزاين لقاتو مرجع راسو لور ومغمض عينيه و هي وسوس ليها الشيطان ....
نور : هههههههه😈😈😈😈 غنوري لوالديكم دابا...
قربات مزيان ليهم وديك الضورة لي دار ياسر عندها هو ورميساء حيت بانت ليهم قربات وهي تشعل الفار ضربهم الشعا حتا عماو و هي تلاح بالضحك حيت شافت وجوهم بقاو كيقوشو ويرمشو بعينيهم
معرفو باش تبلاو وياسر حبس الوطو وقفها وخرج صاعر لجهة نور وهي معرفت واش تضحك ولا تهرب ومعندها كيف دير بقات مضاربة مع السمطة وهي كتموت بالضحك بقات كتنقز تما و غير وقف عليها وهي تلاح على زاين فاق كيفك وياسر لي مدخل ايدو باغي يشدها...ويجرها..
ياسر: الله ينعل طواسلك البرهوشة .😡😡😡...عميتينا مال ديلمك كطيري...
زاين كيفك وهي جالسة عليه ميتة بالضحك وهو مافاهم والو...
زاين: مالها اش دارت ...😒😒😒
ياسر: شعلات على ديلمي الفار عماتني الحمارة...😠😠
زاين: نور اش هادشي 😠😠 نتي معارفاش ممنوع يتشعل لاكان شي حد قدامك وكون دخل فشي حاجة..فين غنوليو...
نور: وخلاص عليا على كان كيصوق اصلا ...راه نتا مبلوكي عليا الطريق غزيت فك...تحرك ولا خلينا نتحركو ونتا جالس ترومنسا ليا تما مع ديك العوجا ..
رميساء كتغوت من لوطو الاخرى..
رميساء: العوجا هي طاطاك.😒😒..
نور : سكتي نتي ولانجي نصرفق مك.😡😡..
ياسر عاود كيحاول يشدها وهي كتخشا فزاين...
ياسر: راه انا لي غنصرفق مك...
زاين: صافي اصاحبي مسحها فيا واللهما تعاود غير خليها دوز ..
ياسر خنزر فيها ومشا...
زاين: غفلت 5د مكاملاش قربلتيها تاني 😒😒...
نور: هههههه وهو لي قلب عليها...
زاين: ونوضي عليا طلقيني راه باغي نعس.😒😒..
ناضت عليه نور ...ورجعات ديمارات وهاد المرة كسيراو ب2 وكل واحد تخشا في فيلتو...
بدلو وتخشاو فبليصهم طاحو دودة....

اصبح صباح يوم مشرق ...فاقو الابطال معطلين فطرو بعد روتين الصباح...كل واحد فيهم فين غاطس ...البنات كضاربين مع الطياب فالكوزينة... والدراري برا كيلعبو كورة....سلاو ودخلو دوشو وكل واحد مشا عند مراتو تعاونو وحطو غداهم...
زاين: طيابك بدا يتقاد😜😜😜...الله يرضي علك هههه...
نور:بزز مني غنقادو على داك الشحيط لي كتعطيني..😬😬
زاين خشا دغمة في فمها : نشحط حبيبة ومن خلي لي يشحطها....😂😂😂
نور : هاد العشية غنخرج انا و رميساء و جينيونغ ندربو راك عارف السيمانة الجاية الايفنت...
زاين: وانا لي مخطط ندوزو العشية ب2..😐😐
نور: غسمح ليا احبيبة تانا مكرهتش ولكن خصنا نوجدو ...
زاين: افف واخا الالا فين بعدا...
نور: غنمشيو لاصال لي فلافاك...
زاين : ياله كولي نوصلكم...
نور كتهضر وطل عليه من نص عين: وديك الفيراري لي شريتي ليا لاش محطوطة 😏😏😏
زاين بقا كيشوف فيها مهضرش ونور هزات راسها فيه...
نور كتضحك بتوتر : ههههه نتا باقي شاد داك الموضوع صافي كلمة العيالات ....والله تا ندير عقلي اصلا منقدرش نعود ...منقدرش على فراق راجلي...كتلعب فلحيتو..
زاين: اااه تبتيني بهاد 2كلمات عارفك غير كيبان لك شي بلان كيحوالو لك العينين مكيبقا يبان لك لا راجلك لا زمر 😐😐
نور:غير تيق فيا احبيبة والله منعصاك تاني...
زاين: واخا الالا راه الكونطاكت والوراق فمجري الفوق....
نور: يخليلي حبيبو ديالي..😘😘😘.عنقاتو...
زاين:وتغداي بعدا...
تغداو وناضت جمعات الماعن غسلاتهم وطلعت تبدل ووقف عليها زاين يشوف اش غتلبس ...خافت على عضامها لبسات غير (الصورة) ... مشات للمراية جبدات الميكاب... دارت الفوندايشن و جبدات ايلاينر دارت خط صغير شوية و بالتخبية وحاضيا معاه لايحصلها...غير حدها جبدات العكر و بدات كديرو حتا غوت عليها من اللور: اش كديييرييي تممااا....
وهي بالخلعة دوزاتو حتا على حنكها وهي تقلس مخبية وجها بشعرها...
نور بمكر: وااااااالو ...
زاين قرب ليها وهي دور للجهة الاخرى ...
زاين: اري نشوف ديك الكمارة ....انا عارفك كترسمي فالوراق ماشي كمارتك 😑😑😑...
نور: درت غشوية والله غير حيت وجهي منفوخ بالنعاس...
زاين: الا ممسحتيش داكشي غنفخو لك نيت ديال بالصح مزيان تباركلاه 😡😡
نور دارت كتنفخ مسحات فمها وحتا حنكها لي عمر وهو واقف عليها مربع ايدو على الايد الاخرى كيف المردة...
نور دارت عندو : اوكاي دابا 😤😤😤
زاين : لا بلاتي.....قرب ليها ودار وجها بين ايديه وجمع ليها وجها وباسها حتا بعز وجها مع وجهو وباسها...بوسة عنيفة حتا ضرباتو لسدرو عاد طاقها كيضحك...
نور: الجهل ..
دارت للمراية لقاتها حمرة كتوزوز ..
نور : شوف اش درتي ليا...حشومة علك والله...
زاين: ههههه مالك درت لك عكر من نوع خاص عمر شي وحدة دارت بحالو ...
نور : باش غنغطي هاد الشوهة لي درتي ليا ...الواحد هو لي يستاغل فرصة ايدك المضروبة ويجمع معاك بالنص نخليك منشور ونهرب...😡😡
زاين:جربي حظك 😁😁
نور دارت فيه شوفة شيطانية حgراتو حيت مضروب...دارت راسها غدوز من حداه صافي.... حتا فاتو وهي دور على غفلة كان وراها عضات على شفايفها و هزات رجلها كاملة باش تعطيه ساعة بحركة خفيفة منو شدها ليها ومع هي نقزات بزاف باش توصل لطولو.... هو فاش شد ليها رجلها دورها ليها وهي دارت معاها باش متلواش ليها الرجل ...دارت فالهواء 2 لفات وطاحت للارض وجات على ركبتها شداتها كتدور بيها وتمرغ وتغبن وتبوحط عليييه...
نور: اهى اهى اهى واش كاين شي واحد كيعامل مراتو هكا ....😢😢😢
زاين: ههههه اه... انا ...ونوضي على سلامتك ومتبقايش تلعبي معايا😂😂😂...
تخطاها وخرج كيطل عليها وهي طايحة كيتاكد لاتكون توعتت وسمعها كتهضر وتهرنن....
نور: متعجرف الله يعطيك غبارة😢😢..سكتت شويةوقالت..... ياربي لا...
زاين وراها كيضحك ...ومشا هبط...
☆☆☆يتبع☆☆☆