نور: ماشي هكاك اخويا غير .....مكنكميش ديما غير لا كنت مستريسيا ....مبقيتش نعاود عافاك سمح ليا...😦😦😦
ياسر: سيرو دابا من بعد ونهضرو ...
داز من حداهم ودخل عند زاين...
ونور دارت بقات متبعاه وبقا فيها الحال...
نور:دابا هادا مالو..😤😤😤
رميساء: تفكر الموضوع كان مقلق منك راه غير تلف ...بقا فيه الحال من داكسي لي درتي ..او شخال ونتي موهماه بلي مبقيتيش تكمي و فالاخير يعرف بالصدفة....
نور: اوووف هادشي لي كان ناقصني طلعي طلعي...
طلعو البنات و ديمارات ودازو على دار جينيونغ وهبط بقا حال فمو فالفيراري وبقا مدابز مع نور تخليه يسوق وحلفت لاتقلعات ليه عارفا سوقانو جاهل كتر منها هي...
جين: السم الله يحضر السلامة تي خلينا نجربو...
نور: الا...وتقووول...
جين: وياله غير زيدي السرعة راك غادا على البيض حشومة فحق الفيراري...
نور: لا اخويا لي عضو الحنش يخاف من الحبل مفيا لي يتخاصم مه راجلي تاني...
نور: ها هي غادة ....تيقو فالبراني حتاىغدا تلقاو شي مصيبة ولا شي بلان وقولو نور الهدى قالت 😡😡😡
مشات نور...
زاين: انا غادي الله يعاون ولكن متيقش 100% حتا نتا رد البال....
ياسر: ولا عليك غير تبع ديك الحمقة....
زاين: تصبحو على خير...
تبع زاين نور لقاها دخلات للفيلا دخل تاهو وطلع تابعها فالدروج حتا دخلو لبيتهم وسد الباب..
زاين: نور مفهمتش هاد التصرفات ديالك علاش هاد العصبية...
نور: زاين....انا واخا نكون معرت اش كندير وانا سايقة عيني مكتحيدش من القدام وداك خاينة تلاح قدامي انا متاكدة...بلاتي لنفرض انا مشفتش....هو تاهو ماشافنيش ؟ الفيراري كاملة بصداعها والضو لي شاعلاه عاد صداع الميوزيك لي كنت طالقة هادشي كولو مرضش ليه البال....ومشفتيش فاش قلنا ليه المستشفى و هو ينوض بحال الى سمعنا .... وعلاش سخف مدام مبيه والو هادا وراه شي حاجة و غتوقفو على كلامي...
زاين: كولشي هادشي لي قلتي عندك فيه الصح دخلتي فيا الشك..مهم متشغليش بالك ياسر قاد بشغالو اصلا الفيلات ب2 مراقبين واخا يبغي يدير شي حاجة مغيقدرش ...وعاد هو من حالتو باينة فيه ملعق منضنش ناوي يسرق....
نور: تانا فكرت هكا..مفهمتش شنو ممكن يكون باغي...
زاين: اووووه hold on babe شتك نغمستي فالدور يقدر تكوني ظلمتيه ويكون نيت مظلوم مهم سيري دوشي ودوزي تنعسي راه واقلة القصص لي كنعاود لك على خدمتي بداو ياترو فك...😂😂😂
نور هزات حوايجها و حطاتهم فوق السرير وهزات البنوار و تمت غادة للحمام وكتنفخ...
نور : نتوما غير لي بغا يهضر معاكم كلكم سلعة وحدة😤😤😤
ودخلات خلاتو كيضحك عليها كيعصبها ويبقا يضحك عليها بدل حوايجو ووحل فتريكو وبقا هكاك كيتسناها تخرج تلبسو...حلات الباب وخرجات كتنشف شعرها لابسة بينوار ...
نور: مقدرتيش تلبس تاني...
زاين: اجي عتقي راه وحلت...
قربات ليه نور هزات ليه دراعو غير بشوية باش ميتعgرش و بدات تخشيها ليه فالكم و هو لقاها عريانة قدامو بدا يحل ليها البينوار وهي كتسدو وضربو لايدو ..
نور: وصافي رصا 😡😡😡
زاين: هههههه دوش مبرد فيك والو باقة مكشكشة
نور: خشي ايدك دغية خليني نلبس...
زاين: صافي هههه..... بلا مديري ليا الباندا...
نور : علاش خليها...
زتين: لا غير مبرزطاني...
نور: على خاطرك....
هي مشات تلبس وهو تخشا فبلاصتو جالس حاضيها كتدهن لي كريم و تنشف شعرها لبسات طفات الضو وجات تخشات حداه وهو باقي حاضيها ....
زاين: اجي لبلاصتك...
نور : و راني فبلاصتي....
زاين: لا (كيشير لسدرو) ها بلاصتك..
نور: غضرك ايدك غير نعس انا غنشد فك...
زاين حمر فيها...
وهي تصوخرت عندو ولاحت رجلها عليه .حطات راسها على سدرو وهو دار ايدو فخصرها ونعسو..
اصبح الصباح ...اليوم الاتنين زاين باقا عندو سيمانة ديال الراحة...فاقو ولبسو و فطرو وهادشي نور كتنقز لزاين عند راسو باش يزرب ويمشيو عندهم..
زاين: تي مالك طاسيلتك فرعتي ليا راسي...كون كانت شي حاجة كوراهم عندنا دابا...
زاين: صافي دابا لي وقع وقع و ولي تردي البال راه داكشي لاش قلت لك متفونيش 7 كيضلامةالحال ومتعرفي اش يخرج فطريقك...و الى طرا لك هكا عمرك تخرجي من لوطو عيطي ليا انا نجي ...
نور: سبحان مبدل الاحوال هادي هي لي كانت تقول طياب ياسر مكاينش بحالو...
رميساء: بدلت رايي😑😑😑
تغداو واول مرة ياسر و رميساء لي مناgرين....نور وزاين مقشعو تا لعبة ممولفاش ليهم....سلاو الغداء و ياسر رجع لخدمتو اما البنات جمعو الماعن و مشاو وطلعو لا صال يكملو التدريب وزاين بقا التحت كيتفرج...
نور شعلات الموسيقى وبدات هي و رميساء يشطحو ومتبعين نفس الحركات....بعد ساعة وقفات رميساء وجلسات لور...
نور: مالك...
رميساء :عييت باركة عليا غير كملي نتي...
نور: ياكما مريضة ...
رميساء : لا احبيبة غير عييت نستاراح شوية ونكمل معاك...😊😊
نور: واخا الى بغيتي هبطي ديري ليك شي حاجة كوليها...
مشات نور كتجري للكوزينة لقاتها حلات الباكية كاملة....
وهي ترجع ليها ...ناض زاين يفك ووقفات وراه رميساء كتاكل وتبنن وتقلي لنور فالسم...ونور صعرات مكتحملش لي يشاركها فيه و عزيز عليها تاكلو يوميا ....كتشوف فرميساء كتفقصها وتاكل وهي غمكتزيد تجنن وتنقز لزاين فايديه وهو كيبرد فيها وكيضحك...
زاين: صافي غنمشي دابا نجيبو لك مال مك صاعرة على والو😂😂😂😂...
نور: ولا بغيت ديالي..شحال وانا نخطط ايمتا ناكلو وهي تجي طgني فيه ...شكلاطي مسكين شوف كيكاتاكلو فالخبز تكرفصات عليه😭😭😭😭
رميساء: ممممم ممممم اش هادشي بنيييين ممممم
نور: وطلقني نريش مها....(زاين شادها كيضحك شافتو مغيطلقعاش وبدات تدعي) يهبط بالزحمة ان شاء الله.... يوحل لك فالركابي.. بغيتو يدير لك سريسرة وتكوني فزنقة حس الخلا مكاينش ....الله يلgيها لك ابنت الحرام من فعايلك....😭😭😭😭 بنت الحرام كلاتو كولو...
زاين: ههههه صافي صافي دابا نشري لمراتي غير سكتي...
دخل ياسر...اش واقع هنا مالكم حاميينها...
زاين: جابك الله دي عليا مرتك...مناتفات ليا على الشكلاط...
نور: كلات ليا الشكلاط المر ديالي😭😭😭
ياسر: ههههه و نتي ملقيتي ماتاكلي غير شكلاط هاد المهاوشة هههه ديك الساعة قوليها انا نجيبو لك...
رميساء: بعد مني متهضرش معيا ...كتاكل عاقدة غباشتها...
ناض زاين لبس على وعدو وسعدو وتاهي ركبو فالفيراري ديالها حيت هو باقي مكيسوقش ...ومشات طايرة وحيت هو معاها مسموح ليها دير لي بغات ولكن غير كيوصلو للطريق العام كيقول ليهاتنقص الفيتاس....وصلو وهبطو ..دخلو ومخلاو ماهزو نور كتهز غير السقاطة والماكلة البيو ....وزاين غير وراها مخليها هي تولا الموضوع وفينما يبان ليه هو شي حاجة باغيها يلوحها فالشاريو...
سالاو وخلصات نور بالكارط ديال زاين حيت عارفا القن ديال لي كارط ديالو كاملين ...هزو داكشي ورجعو للفيراري عفطات عفطة وحدة طالقا الزدحة و هو حداها مرولاكسي ...واخد راحتو فينما يوقفو فشي سطوب كيبغي شي واحد يتبسل عليها كيلقا الحلوف مشبح حداها قداش ....تا واحد ما كيزعم يهضر معاها..وهي واخدا راحتها حاسة براسها مالكة الدنيا وهو حداها ...
وصلو هز معاها داكشي ودخلو يستفو كل حاجة فبلاصتها....حتا صاوبو العشاء و تعشاو وجمعو مواعين وطلعو للبيتهم ياكلو الديسير احم احم..
▪▪▪▪▪ عند الكوبل لاخر لي زاين فايق وكيلعب فوجه نور وكيدوز شعرها على نيفها وهي كتحكو وكتدور وجها وهو كيشوف فيها ويضحك...حتا هز التيلي وبدا يصورها كتعجبو فاش كتصبح بعد شي ماتش بالليل ....ديما كتصبح موردة و حنيكاتها مزنgين و وجها كيشرق خاصة مكديرش ماكياج فاش كتبغي تنعس معاه ...و فاش كيساليو كتكون فاشلة مكتقدرش تلبس وكتنعس هكاك...كيشوف فيها كتصبح بريءة و موردة بحال اول مرة كتولدها امها...كيصور فيها و لحمو كيبورش من شدة الفرحة لي كيحس بيها و حبيبتو لي دق قلبو اول مرة شافعا بين ايديه دابا و ديالو وكتبغيه .... مكرهش يبقا هكاك يشوف فيها ...وهي هكاك معيقاش بيه قدامها وكيصورها ....هز ايدها وباسها وبقا طالع مع ايدها حتا وصل لعنقها وهي تبورش خبات عنقها وحلات عينها....لقاتو غياكلها بعينيه وديما نفس الشوفات لي كيدير فيها كيطلعها ويهبطها كاملة وبنصف ابتسامة كيحشمها بهاد الشوفة جرات الغطا وخبات وجها وهو كيجرو ليها كيضحك..
زاين: ونااااري مي غتسكت لديلمي القلب....
نور: راه نتا لي غتسكتو ليا بدوك الشوفات...
زاين : وحيدي الغطا بعدا ونهضرو...
نور جراتو وخلاتو على نصف وجها بحال النقاب كتطل عليه...
ياسر: واش حماقيتي راه دوشت 2 مرات ....وهاد الريحة مبقيتش قستها فين كتشميها واش كتفلاي عليا 😡😡😡؟
رميساء: واش كنكدب عليك دابا ....اهى اهى اهى خرج مبغيتكش تنعس حدايا ياله....بدات تبكي وتركل ليه فوق السرير...
ياسر: صافي صافي هاهو غادي...بلا متبكي..
خرج وخلاها ...وهي بقات كتبكي واخا دار ليها خاطرها ...
اصبح الصباح....فاقو لي كوبل ... دارو الروتين الصباحي كيف العادة... اما ياسر طالع ليه الدم معاجبو حال...فيق رميساء ولكن مبغاتش تنوض خلاها على راحتها لبس وخرج...تلقا مع نور جايا عندهم ومعاها زاين...
نور: صباح الخير خويا فين رميساء.😊😊..
ياسر: راها الفوق باقا ناعسة..
زاين: نا موالفاش ليها..
نور: غنطلع نشوفها...
طلعات نور...
زاين: ياسر؟ مالك كاينةشي مشكل....
ياسر: انا براسي ماعارفش رميساء تبدلات فتصرفاتها... فبنما نقرب ليها تنفرني البارح gاع حلفت لانعست حداها.... خايف نكون زربت عليها وتكون هي خدات قرار متسرع فزواجنا ...كيما كان الحال راها باقا صغيرة تقدر تكون تنادم معاها الحال ومبقاتش باغاني....
زاين:بحالك بحل ختك دغيا كتخرجو فيلم.😂😂😂...ماشي زدتي فيه ... راه تلقا غير العيا ديال التداريب راك شفتيهم مكيساليوش...غير خليها على راحتها راه ختي هاديك و عارفها...
ياسر: واخا اسيدي غندير بهضرتك و نخليها على راحتها مهم راني معطل دابا الله يعاون...
زاين: الله يعاون..
ركب ياسر مشا وزاين دخل لفيلتو...
عند نور لي طالعة فوق الفراش كتفيق فرميساء...
نور: نوضي العشيرة ما غاداااش...
رميساء: خليني عليك انور مفياش...
نور: رميساء؟ مالك مبقيتيش عاجباني هاد الايام اش واقع لك...
ناضت رميساء جلسات : مبيا والو ..😒😒😒
نور: ومال ياسر لاحظتها فك وليتي غير كتقمعيه ولي دارها لك مكيعجبكش ...هادشي ماشي ديالك..
رميساء: اووف معرفتش انور مغنخبيش عليك ....تانا مبقيتش فاهما راسي .... اويليىفينما يقرب ليا مكنحملوش ريحتو هضرتو ضحكو كولشي ولا كيجيني تقيل...😭😭😭😭 واش صافي مبقيتش كنبغيه غنتسطى انور والله ياااير اعباد الله ياسر لي كنموت على التراب باش كيمشي... هاداك لي ريحتو كدوخني...هاداك لي كنموت وانا بين ايديه ....مبقيتش حاملاه يقرب ليا...نور قولي ليا عافاك واش صافي مبقيتش كنبغيه...😭😭😭كنت ديكا كنقول عمري نقدر نسا اولا ينقص حبي ليه شوفي اش واقع دابا (تفرgعات بالبكا)
عنقاتها نور: صافي صافي احبيبة غير تهدني كيوقع بحال هادشي بلا متخافي يمكن غير خاصك ترتاحو شوية من بعضياتكم ...حاولي متحاكيش معاه و متبينيش ليه هادشي باش ميتجرحش تاهو كنتفهم شعورك ولكن تاهو معندو دنب مسكين شفتيه شاد معاك الخاطر وممخصصك من تا حاجة...
رميساء: عندك الحق بقا فيا مسكين جريت عليه البارح من البيت و 3 ايام مخليتو يقيصني..😭😭😭.
نور: صافي مسحي دموعك مرحلة وغدوز ان شاء الله...
رميساء: يا ربي...
نور: بان ليا ما فيكش لي بمشي لافاك...نجيبو جين هنا ندربو عندي ؟
رميساء: اه مفيا لي يمشي...
ناضت رميساء لبسات و خرجات مع نور لفيلتهم جلسات تفطر وزاين حداها و نور ناضت تعيط على جين...
زاين كيدوز على شعرها وهي كتاكل: رميساء؟ حبيبة خوها...عندك شي مشكل؟ مريضة؟
رميساء: لا معندي والو 😐😐😐
زاين: ومالك نتي وياسر...
رميساء: ساعة للله وصافي
زاين: رميساء ردي البال ...ياسر عمري شفتو مقلقك ولا منقصك من شي حاجة ...مديريش شي تصرف يخسر علاقتكم...راه كيستاهل غير الخير منك ..
رميساء بدات تبكي: وصافي بلا متقجر عليا...
زاين: شششش وعلاش البكا غير هضرت معاك...مسح ليها دموعها...
جات نور وجلسات معاهم لقاتو كيمسح ليها دموعها غمزاتو وهز كتفو ليها بمعنى تاهو مفهمش...
دوراتها نور بلا متهضر معاها وعنقاتها ورميساء غير مكتزيد تبكي وهي كدوز على ظهرها وتبعد شعرها على وجها وغير كتطبطب ليها على ظهرها...
وزاين لور مفاهم والو غير كيشوف فختو ...
جا جين وطلعو يدربو رميساء بدات ترقص ونسات همها شوية بقاو نور و جين كيخلقو جو مرح يتلفوها ونجحو فالموضوع...وزاين كان حاضيهم ورا الحيط كيضحك عليهم ..من بعد طيب غدا خفيف وعيط ليهم تغداو اما ياسر مرجعش....سلاو غسلات نور الماعن... وقالت لزابن غيخرجو شوية باش يضرب رميساء شوية البرد ومنها يوصلو جين وهو وافق...
وتاهو خرج يتقهوى مع عماد ....وصلو البنات جين وهوما محيحين وسط الطريق وصلوه وهبط مشا والبنات لقاو باقي الحال وجلسو فواحد الكافي كطل على الشارع...وجلسو قدام الشارع...بقاو كيتحتو شوية ناضت نور تجاوب لؤي كيعيط ليها ومع الصداع مشات للحمام باش تسمع ...وهاد اللحظة دخل جمال لي كان تابعهم منين خرجو من الفيلا وكان كيتسنا الفرصة فين يستفرد برميساء...دخل ودار راسو شافها صدفة ...
جمال: مدام رميساء فرصة سعيدة هادي...😊😊
رميساء: اه موسيو جمال ...لاباس عليك...
جمال جلس قدامها: حمد الله فرحت لي شفتك...
رميساء: اه؟ اه ههه شكرا..(اويلي مال هادا) وهاد اللحظة داز ياسر راجع باللوطو للفيلا من الخدمة ووقف فالسطوب لي جا اون فاص مع الكافي دور وجهوةلقاها جالسة كتضحك مع جمال بقا ساهي كيحاول يفهم اش واقع حتا بداو يكلاكسونيو عليه وهو اظطر يتحرك...
جمال: بصراحة ياسر محظوظ بالزاف منين خداك صراحة اي واحد يتمناك تكوني ليه...
رميساء بدات توتر من طريقة كلامو معاها...
رميساء: شكرا اخويا ربي يخليك.😊😊..ضحكة صفراء....
جمال: غنجيك من الاخير انا عجبتيني وبغيتك...
رميساء: اش كتقصد ....اش هاد قلة الاحترام كيفاش تقدر تقول كلام بحال هادا لوحدة مزوجة...
جمال : بلا مديري لينا فيها شريفة عفيفة 😂😂😂كلكمةبحال بحال غير نهير معاك راجلكةمعندو منين يعرف ومتخافيش غيعجبك الحال 😜😜 اش بان لك...
رميساء : ناضت كبات عليه العصير وزادتها ليه بطرشة حتا دار وجهو ...
رميساء: بزاف عليك ولهلا بحييك حتا نغدر راجلي على قبل حيوان بحالك ....تفو اشباه الرجال كترتو😡😡😡
جمال ناض وقف كيشوف فبنادم لي حاضيه وتمنى تشق الارض يتخشا فيها...
جمال: والله لا بقات فك الق****
مشا خرج وجات عندها نور لقاتها واقفا مصدومة شافت الباب لقات جمال خارج
نور: هاداك اش كيدير هنا 😡😡
رميساء كتهضر بتوتر : والو كان هنا وسلم عليا ومشا...
نور بتشكيك: واخا راه عيط ليا لؤي جات اناستازيا عارض علينا للفيلتو..
جلسو البنات رميساء غير جالسة بالجسد اما العقل كتفكر فياسر و حتا موقف هاداك بقا مشوشها وحتا تهديدو حيت هي بطبعها خوافة وكتاتر دغيا معرفت واش تقولها لنور اولا تطوي الموضوع وتنساه....
لؤي: اوى واش لاماعيطش لك متعيطيش لحسك انا غارق فالشغل حتا لودني واخا هكاك كنعيط لك نسول فك ونتي لي غير مشومرا و تقول واش تعيطي😑😑
نور: على مفراسكش المراة المزوجة هي اكتر وحدة مشغولة ....واخا كنبان لك معندي مايدار ولكن راه نعندي حتا فين نحك راسي😏😏😏
لؤي: هههه لحسك كتقلي لنا السم...بيب شفتيها اش كتحاول تقول...
اناستازيا: ههههه وي ...حشومة عليك انور😂😂😂
نور: ايوا هي لا تزوجتو وطلقتونا خلاص...
لؤي: هاهي قدامك ...هضري معاها....
نور: مالك مع عشيري علاش مباغاش تزوجيه...وبقاي حتا يطيروه لك...
اناستازبا: ماشي هكاك انا غير باقي مقتانعت يعني نتخلا على حياتي لهيه ونبدا من 0 هنا..معرفتش خايفة...
نور: شوفي فيا سواء بقيتي هنا اولا لهيه راه بحال بحال يعني ضروري غتبدل حياتك ...مغتبقايش ديما عايشة مع عاءلتك وصحابك .... و زايدون الجو فالمغرب زوين غتولفيه دغية و الحياة غتزيان مدام نتي مع الشخص لي كتبغيه وكولشي موفرو ليك شرشابيل..غير لا مكنتيش باغاه...😏😏
اناستازيا: زعما ...واش غير نوافق...مغندمش
نور: لا غير وافقي او راه مخصكش تفكري فيها 2 مرات شوفي شرشابيل غيتهاوش على الزواج...
لؤي: شارشابيل هو راجلك ...لمك باقا شاداها علبا...😠😠
اناستازيا: شنو هي شاشابيل...
لؤي: واحد شخصية كارطونية سماتها عليا فاش كنا صغار ....انا كنت كنقول ليها سنو وايت و هي كتقول ليا شرشابيل شتي الفرق 😠😠
نور: وحمد الله مسميتكش قزم من الاقزام السبعة😂😂😂
لؤي رجع الور و تنهد مغمض عبنيه بمعنى لاحول ولا قوة الا بالله..
لؤي: وسيري دابا قبل متشوفك انا ستازيا وتلسقني عليها ...
رميساء: وشريها ليها 😂😂😂
نور: خليه راه زقرام...
لؤي: تي اشمن ههههه هاديك عندي راه كل شهر مبدلا لوطو كولشي دازت عليه بقات ليها غير الفيراري..😂😂😂😂
نور: عبرااات على طاسيلتك مسخوووطة😂😂😂.
لؤي: سيري سيري نتوما العيالات بلية صافي....
نور: هههه ياله تشاو...
لؤي: باي...
ركبات نور وديمارات ودارت عند رميساء...
نور: بيب مالك ؟ غير ساكتة شحال وحنا مجمعين مطلقتي تاكلمة...
رميساء: معندي خاطر انور والله 😧😧😧
نور: واصافي حتا تي غير نساي غير غدخلي وتعنقيه بحال الى مطرا والو...
رميساء: معرت انور محاساش براسي هي هاديك..باغا غير نعس ونبكي مفهمت والو فراسي...
نور: صافي غير تهدني الى باقا كتحسي هكاك من جهة خويا حاولي تفادايه باش متخاصموش وتانتي بنتي ليا على سبة
رميساء: اوكاي غير طلقينا عييت...
عفطات نور عفطة وحدة للفيلاتها ...هبطات نور و رميساء ودخلو ولقات ياسر وزاين مجمعين ياسر معصب و زاين كيبرد فيه غير شافها دخلت خنزر فيها وخرج زعما تبعيني....
▪▪▪فجهة اخرى ....جالس جمال فالبار كيشرب ...حتا جاه اتصال ...
جمال: الو؟
حسام: طلق معنديش الوقت اش درتي ؟
جمال: اه حسام !!! بلانك صدق 0 متشداتش ليا الق*** ولكن دابا ولا الموضوع شخصي ....عندي واحد البلان غيخلي ديلمها متهزش راسها من الارض غنشوهها بين عاءلتها و راجلها غنكرههم فيها غنخليهم يلوحوها وميحنوش فيها ..وديك الساعة غناخدها نخبيها لخويا حتا تخرج ودير فيها ما بغيتي....😈😈😈😈
حسام : العز اصاحبي هادشي لي بغيت نيت ياله تلاح الوقت سالا...
خرج ياسر ...رمبساء شافت فنور بقلق و هزات ليها براسها ..ورميساء مشات تبعاتو ....
نور دارت عند زاين: مالو مكشكش ..😨😨😨
زاين: شافها مع داك لي جا عندنا ...داك جمال قالك فشي قهوة كيضحكو...مفهمش ياك كنتو ب2 😠😠
نور: اه متفرقناش ايمتا غيكونو جلسو....بلاتي بلاتي فاش كنا فالكافي نضت واحد 10د هضرت مع لؤي و فاش رجعت لقيتو ياله خارج من الكافي يمكن ديك اللحظة هضرات معاه😕😕
نور كتبحلس عليه كبرات عينيها فيه ودارت وجه بريء : ودابا مالك كتعصب عليا ...غير فوجنا شوية ورجعنا ...ديما كتلقا علاياش تعصب عليا واخاةمنةكون دايرا والو...
زاين سكت وتفش وبقا غير حاضي وجها وهي كتحلون عليه...تسرحات جبهتو و دار نفس مالاميحها حيت كان مركز معاها وكيشوف فيها وفايديها لي كتلعب فسنسلتو ...محس حتا جرها بغا يبوسها ...وهي بغات تلعب عليه وتسلات منو وقالت...
نور: هادشي فاش فالح ...بعد مني متهضرش معايا.😠😠.
ومشات قدامو طالعة كتعوج وتبين مؤخرتها بالعاني وتلوح شعرها و دور تشوف فيه ...وهو حاضي خيرو كيلعب و راسم فوجهو نصف ابتسامة وقال....
زاين: هههه بنت الحرام ...كتلعب بيا كيف بغات ...واخا انا جاي لوالديك نتي لي قلبتي عليها...
طلع عندها كيجري كيف شي مصعور دخل ودفع الباب برجلو....
▪▪▪▪ عند الكوبل لاخر.....دخلات رميساء وراه لقاتو طلع للبيت ...طلعات و لقاتو غادي جاي وكيدوز ايدو على وجهو ...وباينة فيه معصب...
دخلات وحطات ساكها وبدات كتحيد حوايجها... باش تبدل...
ياسر كيهضر معاها و هي عاطياه بالظهر كتجبد حوابجها...
رميساء: اوووف ....(ضارت عندو )..وصلنا جين مشينا لواحد الكافي جلسنا فيه شوية و من بعد مشينا عند لؤي بقينا شوية ورجعنا...😒😒😒
ياسر زاد تعصب: كنتو غير بوحدكم ...😡😡😡
رميساء تلبكات وهو لاحظ: ا...اه بوحدنا...😦😦
ياسر زير على فمو و خرج من حداها قبل ميغلط فيها..
وهبط كينفخ نيشان لفيلا زاين...ودخل كيعيط و الفيلا فيها السقيل حس الدبانة مكاينش...بدا كيغوت ويعيط باش تخرج ليه من شي بلاصة...
ياسر: نوووور ...
ونور فينها عايشة الحب مع راجلها فالبيت ... خدامين على ولادهم ...مجايبين لدنيا خبار خلات حتا وصل زاين لاوج العطاء ...هي تقفز نور بين ايديه...
نور: بحال الى سمعت خويا كيعيط...
زاين : اشمن خوك ...رصاي ...
نور: حيد واللهتا كيعيط .😨😨😨...
مبغاش يطلقها حتا جابو عاد لاحت عليها حوايجها و هبطات هكاك مزنgة وشعرها مخربق...بدات تقاد فشعرها وتجيبو لوجها كتخبيه ...هبطات عند ياسر لقاتو مكشكش ..و زاين بقا متكي الفوق...
نور: ي ياسر ؟ مالك...😨😨😨
ياسر: مالك كترعدي ..زيدي بغيت نهضر معاك...
نور: نعم...
ياسر: رميساء واش متفارقتوش ؟
نور :لا نهاءيا ...غير واحد اللقطة مشيت نهضر فتيلي ورجعت...
ياسر: فاش رجعتي ملقيتي معاها حد ؟
نور تلبكت: اه كان داك جمال ياله مشا ...باينا بانت ليه وجا يسلم عليها...
ياسر: ومنين هكا علاش نكرات وماقالتش ليا هادشي😠😠😠
نور: مقالتش لك 😨😨😨( اودي راه تانا ماقالت ليا والو ) ضحكة صفراء ومتوترة...باينة موضوع ماشي مهم لاش غتقولو لك ...قول اعود بالله من الشيطان الرجيم... وسير ترتاح راه ماكاين والو...
ياسر: اووف عندك الصح ....غير تبرزطت مع الخدمة وزيدي عليها حالة رميساء لي مبقاتش عاجباني... مبقيت فاهم كيف ندير معاها واش مقالت لك والو..
نور: ا...ا لا مقالت ليا والو .... غير خليها على راحتها كوراها فالبيريود ديالها داكشي لاش مقلقة..غير ميك عليها حتا تجي عندك راسها..
ياسر: يمكن....
نور عنقاتو : خويا عافاك متقلقش منها راك عارف رميساء كتبغيك و تحملها حتا نشوفو مالها ..تواعدني متخاصموش...
هو دخل للفيلا طل بالشوية لقا رميساء نعسات..هز حوايجو باسها فراسها غطاها وخرج للبيت لاخر...
اما نور دخلات للبيت خبطاتو حتا قفز زاين دار عندها لقاها مكوانسيا على الباب كتشوف القدام وفيها البكية ومصدومة وكتلهت وشعرها قدام وجها كيتدفع بالنفس ديالها...
زاين: نور !!! باسم الله عليك احبيبة شفتي جن؟ هههه مالك...
نور طارت عليه لناموسية وبدات تعجن فيه : شوهتيني معا خويا البغل 😭😭😭اويلي تشوهت عرفنا كنا نتعابزو اش غيقول عليا دابا باش من وجه غنشوفو تاني 😭😭😭
زاين: واش لمك تسطيتي😂😂😂 شحال من مرة نقول لك راك مرتي الزمر ...على اش عند بالك عارفنا كنديرو كنلعبو الكارطة ... تي ريحي غنوض لمك😂😂
نور: 😭😭😭😭 خرا gاع اش داني نهبط هكا انا gاع...
زاين: ايوا نتي لي كيطلع لك السر ...وكتزناgي العالم كولو كيعرفك...
تلاحت عليه سدات ليه فمووو...
نور: سكوووووووووووت 😭😭😭😭
وهو ميت عليها بالضحك....
زاين: ونوضي ديري لينا مناكلو راه جاني جوع...
ناضت نور للكوزينة وهو تبعها ...تعاونو و ساببوهةكلاو ونعسو....
اصبح الصباح فاقت نور دوشات ولبسات ...وزاين كان خرج كيتمرن شوية ويحرك ايدو ...صاوبات الفطور حتا دخل زاين دوش و لبس وهبط يفطر معاها..
اما رميساء فاقت دايخا كترد مكان معاها حد فالبيت حتا من ياسر مشا بكري للخدمة غسلات وهبطات شربات اللويزة باش تهدن وهزات صابونة باش يمشي ترواع....
حتا دخلات عندها نور ...
نور: الحب كيف صبحتي...
رميساء: عيانة ..😧😧
نور: مالك عاد كنتي صحة سلام نوضي نمشيو لطبيب
رميساء: لا غير خليني...وافيلا غير من لو تخاك ديال غدا..
نور: اه غير تكالماي كولشي غيدوز مزيان....فطرتي..
رميساء: شربت اللويزة مقديتش ناكل...
نور: اوك ...واش اابارح قالك ياسر شي حاجة؟
رميساء: كان معصب البارح...تناقشنا شوية وصافي مفهمتوش عمرو دارها سولني على النهار كامل اش درت مفهمتش اش كيحاول يفهمني...
نور: معرفتش تانا سولني ....مهم صافي نساي عليا هاد الهم نوضي ياله معايا اليوم مغندربوش غنرتاحو دربنا بما فيه الكفاية ...
مشات معاها رميساء بقاو فالفيلا من هادي لهادي زاين كانةخارج ...ياسر غابر مرجعس النهار كولو ..تغدات معاهم ممشات لفياتها حتا تعاشات العشية ...رجع ياسر لقاها كطيب ليه العشاء...مهضروش مع بعضهم ياله كلام قليل وبارد ... و هادشي هو متعمدو باش يشوف واش غتوحشو و تجي لعندو...
🍥🍥🍥🍥🍥🍥🍥🍥🍥🍥🍥🍥🍥🍥▪▪▪اليوم الخميس ...اليوم المنشود نور ورميساء مشاو لا فاك ومعاهم جين....الحفل بالعشية....بداو التحضيرات ديالهم كيلبسو فالكواليس ومعاهم بزاف ديال مشاركين اخرين .... بداو المقاعد كيعمرو مخلطبن مسؤولين وطلبة و بعض الشخصيات منةكوريا بما ان الافنت موضوعو التقافة الكورية كان حاضر حتا سفير كوريا بالمغرب...جا زاين و ياسر جلسو تاهما ...وتلاقاو مع لؤي و اناستازيا تاهمت جلسو حداهم حتا جات ليلى تاهي ....شحال وهما يتسناو حتا عمر المكان كانو دايرين الحفل فالجردة لي فلا فاك...جا المقدم وعطا المقدمة على موضوع الافنت ومختلف الانشطة لي غيديرو....
جات الفقرة الاولى لي كان شوية من المسرح ... و شوية دازو للفقرات الغناءية دازو فرقة بيها 5البنات ..غناو بالانجليزية ودارو رقصة....
جات نوبة فرقة نور ....وهنا رميساء كل شوية ترد و بقاو كيبردوةليها ويشممو ليها ريحة حتا صحصحات و مطاحش لبهم فالبال تكون حاملة حيت نور عند بالها كتشرب الفتيد وعاد هي تقدر تكون غير الخلعة....
عطا المقدم اسم فرقتهم وخرجو ب3 و الدراري جلسو مقادين كيشيرو ليهم حتا شافوهم لبنات وبداو يشيرو ليهم كانو حتا عاءلة جين...بدات الموسيقى وكانو معلقين ليهم لي ميكرو....خداو وضعياتهم ....بدات رميساء هي الاولى بمقطع ديالها ختارو اغنية كورية باش يعيقو على بنادم ....رميساء خدات وقت باش حفضوها المقاطع ديالها وعطاوها غير الساهلين...كتغني رميساء وهما حداها كيرقصو ....كل واحدفيهم كان متبع مع حبيبتو ....جا مقطع نور غنات تاهي وكل شوية تغمز زاين ولا تضحك ليه وهو كيصفر ليها ... جا مقطع جين كان الراب ديال الاغنية غناه وكملو رقصهم خلاو كولشي مبهور فيهم اولا مظهرهم كايبانو تايقين فريوسهم ومنساجمين مع بعضهم و واصواتهم و رقصهم كان واعر خلاو الكل يوقف ليهم ويصفق ليهم ....دخلو كيضحكو فرحانين المشاركين معاهم شي هناهم شي حسدهم.....وهما جالسين محيحين دخل عندهم واحد راجل يكون فالخمسينات باينا فيه من كوريا ...كان لابس لبسا عصري. .ومهلي فراسو ...غير دخل عندهم ووقفو عرفوه شكون....
هو بالكورية: كن حييكم كنتو متالقين....
جين: شكرا اسيدي ....
هو: عرفتوني ...
نور: الله اودي سي بارك جاي ....عندك شركة الترفيه بكوريا..
هو: ههه ادن غتكون عندكم فكرة ...علاش غنكون جيت عندكم...ههعهه مهم نتوما موهبة مستحيل نسمح لراسي تفلتو من ايدي...داكشي علاش بغيتكم تجيو لكوريا و تقدمو للمسابقة لي كنظمها كل سنة ...راه غتكون من هنا ل 4 اشهر...
نور: 😍😍😍بالصح...
جين: لينا الشرف نقدمو عندكم...
هو: هاكو ها الكارت ديالي فيه كل وساءل الاتصال بيا نتسناكم...
نور: شكرا بزاف...
جين: شكرا بطبيعة الحال غنحضرو..
هو : ابتاسم ليهم غمزهم وخرج و بدات نور تنقز وتعانق مع جين مقداتهم فرحة ..و رميساء مضاربة غير مع دوختها....حتا جابو ليهم الكواليس gوتي ياكلو...
وفهاد الوقت كانو برا مجمعين ...حتا هز ياسر راسو بان ليه جمال واقف كيدور تما...ناض ياسر صاعر معول على خلا عشتو معاه ....بقا مضارب معا بنادم يخرج مجا فين يوصل حتا لقاه غبر وبقا كيقلب عليه....
اما الاخرين بقاو كيهضرو على البنات وموهبتهم حتا قالت ليهم ليلى غتمشي عندهم للكواليس...ناضت نعتو ليها الناس ودخلاتةعندهم لقاتهم جالسين كياكلو ..وعنقاتهم وجلسات معلهم...
ليلى: تباركلاه عليكم كنتو بحال دي ستار ....
جين: هههه شكرا...
نور: ايوا شفتي اماما عجبناكم؟
ليلى: كتحمقو الله يحفضكم ليا...
جين : نخليكم دابا...😊😊😊
نور: سير عند ساطاتك 😑😑😑
جين: ضحك وغمزها حشم يجاوبها قدام مها...
نور: ماما جاما عرض نساركو فمسابقة وعرفتي شكون واحد من احسن شركات الترفيه بكورية...
ليلى: واااو بالصح بيانسير نتوما راكم فوق الطوب هادشي راه متوقع...اولا ارميساء..
رميساء: اه ؟ اش قلتي...😧😧😧
ليلى: اويلي مال هادي...😕😕
نور: جابك الله اماما نتي لي غتعتقينا...
ليلى : مالكم اش واقع تاني...😨😨
نور: متخافيش غير رميساء واقع ليها مشكل مع ياسر..
ليلى:اشمن مشكيل تاني الله يحفض...
رميساء شدات ايدين ماماها...وبدات تبكي...
رميساء: ماما عتقيني 😭😭😭مبقيتش كنبغي ياسر..
ليلى: اويلي اش كتقولي...😨😨
نور كتاكل ممسالياش...
رميساء: ولا كيجيني تقيل مبقيتش كنحملو يقيسني ولا يهضر معيا ريحتو مكنحملهاش ...جريت عليه مبقاش كينعس حدايا...😢😢😢 اشنو ندير اماما مبغيتش نجرحو...
ليلى: هههههه او واش هادشي بالصح...
نور: اويلي اماما شتك كضحكي...
ليلى: بلاتي نسولك واش اخر زعما...اخر مرة شربتي الفنيد...
نور غير سمعت هاد الهضرة حطات العصير لي كانت كتشرب ودارت عند رميساء بالعرض البطيء كتسنا جوابها ودايرا شوفة ديال تقولي لا ندبح مك...
ورميساء ضربات طاااان فراسها ...عاد عقلات على موضوع الحمل لي نساتو ...شافت فنور وسرطات ريقها بالزز...
رميساء: والله تا هو لي بزز عليا معندي دخل قلت ليه لا ..ولكن دار لي فبالو ..اشنو ندير نشرب الفنيد من وراه... راه هو لي راجل ماشي انا ظابا نشوف الى قالها لك زاين واش غتقدري تقولي لا...
نور: جانا واحد العرض ....مول شركة pj entertainement كامل هضر معانا وبغانا نشاركو فالمسابقة لي كينظم كل عام...ياك غتوافقو
زاين: مزيان الا باغين تشاركو انا مغنمنعكمش...
رميساء كل شوية تهز راسها تشوف فياسر لي كيطلع ويهبط فيها ...تبدلات شوفتها ليه بعدما عرفات انه كاين احتمال الحمل اصلا هي حال واحوال....متحمسة امتا يجي غدا باش تعرف و تقولها ليه..اكيد هاد الموضوع هو لي غيرجع علاقتهم كيف كانت...اما ياسر كيفكر فداك خاينة اشكان كيدير فهاد الحفل....
بقاو كيتحتو وزاين عطا لنور جاكيط ديالو لبساتها وحيدات التيشورت ومشاو لمطعم تعشاو حيت وصل الليل...سلاو و رميساء وياسر مهضروش مع بعضهم بقاو مجمعين كاملين على الضحك وبلا بلا حتا سالاو كلها ركب فالوطو ديالو ومشاو نساو البنات مشراو كاشف الحمل...
دخلو نور ودوشو ونعسو اما ياسر مشا للبيت لاخر دوش وتكا...ورميساء بقات كتفكر...دوشات وتقادات لبسات شوميز معريا شوية ... بغات تصالح مع ياسر حتا خرجات ووقفات قدام بيت لي فيه ... وعاودت تراجعت..فكرات حتا غدا منين تاكد بلي هي حاملة غدير ليه شي سوربرايز مطرطقة وتقولها ليه....
رجعات لبيتها كتنقز فرحانة .... بالفرحة بقات غير كتقلب فبلاصتها ديك الليلة بزز باش غمضات عينيها...
الضابط و زوجته المراهقة الجزء 22
محتوى القصة
التنقل بين الأجزاء