وصلات للباب ديال الصالة الكبيرة وبداو كيبانو ليها الناس كبار جالسين وهي داخلة ، حشمات وفنفس الوقت فيها الزعامة ، كلشي سكت وبداو خواتاتها كيصليو على البني داخلين معاها ، شافها يحيى ووقف بابتسامة و وقف حتى باه وتبعهم الرجال وقفو وحشمو العيلات يبقاو جالسين وناضو حتى هما كيشوفو فيها وهي داخل وسط الصالة كتسرق الشوفة بطرف عينيها من اليمين و من اليسار بعينيها العسلية الفاتحة ، مشاو بيها خواتاتها وقفوها حدى يحيى ومد هوا يدو شد ليها فيدها وقفها حداه وسلم عليها من وجها وهي كترعد وكأنها عاد فاقت فاش لقات وجهو كيلمس وجها ، دارت بيها الدنيا ماعرفات راسها فين هي ولا معامن وممتيقاش اش كيوقع وكانها فحلم وغتفيق منو ، اما يحيى كيشوف فيها بإعجاب داير ابتسامة خفيفة على شفايفو وبياض سنانو كيبان شوية من فتحة شفاهو ، شوية ضحك وبانت الضحكة والسنان و نخزات اسية سحر وهمسات فودنها وهما واقفين بعاد كيضحكو بالتباتة
اسية: داير سمايل هوليوود لسنانو يمكن بحال اللي كيديرو كاع المغنيين شوفي على ضحكة عندو باينة ديك السمايل اللي دار ناتيوغيل ماشي ديك المركبة اصطناعية كيبانو السنان ناشفين و كتبان بيضاء بزااف بحال تصبين آتشي هادي بيضاء كتبري
سحر: وييلي سكتي راه راجل ختك جالسة تمدحي فيه محشمتيش!
اسية: وغير كنقولو شنو شفنا ... شوفي شوفي الكورميط فاليد ديال الذهب ! ايييه على الناس فين واصلين
سحر: هادشي هضرنا فيه جات نوبتك يعلم الله نهار العرس شحال من واحد غيقول هاد الهضرة غيضربو السيد بالعين
اسية: اختي اللي قال الفلوس وسخ الدنيا راه هوا براسو وسخ ... الفلوس شي حاااجة كتخلي بنادم يحتارمك ويشوف فيك بنضرة فشكل ... وباينة عليه قويفز ماشي واحد اللي دوزيها عليه ومساهلش ...واخا كيضحك باينة على وجهو ...الله يكون الاسراء معاه والله يكون ليه معاها تلاقاو
شد ليها فيديها جلسها على سداري بطلامط البهجة فالابيض وجلس حداها هز سروالو الاسود ديال التوب شوية من جرو من فخادو باش يصلاح ليه يجلس ودوز يدو حدى يدها شبك صبعانو مع صبعانها بشوية وهي متبعاه كتحس و حاولاتش دور عندو ولا تشوف فيدها
اسية: نخزات سحر)شوفي شوفي كي شاد ليها فيدها وكيزييييير ناااري خفت على اسراء باينة طاح فيها السيد ومعول يطيرها ليوم قبل غدا
سحر: ههه وحتى هي تستاهل راه جالسة كتسوط باينة جالسة على اعصابها
اسية: يا ختي زوين غير الى مابغاتش ...كلاص وانيق وزينو حرش داكشي اللي كيبغيو كاع البنات .... ماشي واحد اللي رقيوق هادا تبارك الله بحال بدر هاري ههههه يهزها بيد وحدة ويهرب بيها . كلشي جلس بقينا غي حنا دوزي نجلسو
جلسو مع الناس بابتسامة شي كيشوف فشي. كلشي بالكوستيمات وباه بجلابة ماشط شعرو الشايب للجنب و داير رجل على رجل بتقاشر بيضين وحداه يحيى فراس الصالة جالس حدا اسراء متكي على ضهرو وهي كتبان حداه شان وهمة واخا صغيرة ، بدات يدها كتعرق وسط يدو وبغات تحيدها وزاد زيير عليها .فلحضة دخلات تورية كتزغرت جرات الطبلة الي الوسط بعدتها عليهم ودخلات وحدة مذهبة حطاتها حداهم فيها طبقات كراوها من عند النكافة وبدات تهز هي والزوهرة من الطبلة الكبيرة وتحط ، حطو ليها علبة حمراء محلولة فيها طاقم كامل ديال الذهب عبارة على كوليي ديال العنق مشبك فيه رشمة لوسط منبتة بالاخضر والغوز شكلو جميل جدا و الوسط نبالة ديالو كبيرة وباينة الدورة ديالها صغيرة على قياس يد اسراء حتى هي مشبكة وفيها نفس الرشمة وحلاقات ديالها داءريين وخاتم فنفس الشكل وفعلبة اخرى صغيرة ساعة يدوية ديال البنات بيضاء وموضيل جديد وقدامهم بواطة صغيرة محلولة فيها خاتم ديال الذهب فيه جوج وبجنبو خاتم اخر ديال الرجال ابيص ومحكوك بالاصفر.. اللون الذهبي ، شكلو جميل وحداهم جوج كيسان طوال على شكل مثلت فيهم الحليب وطبسيل ديال التمر معمر . لشي الكل عينيههم فاتجاه واحد فراس الصالة فالعروسة والعريس . مدات لبه تورية الكاس ديال الحليب ليدو عاد طلق من اسراء جمعات يديها عندها بالزربة
تورية: بصوت خافت)اسراء احبيبة شوفي فيه يشربك الحليب
شافت فيه مكشرة : مكنشربوش
يحيى بابتسامة) مافيها باس
تورية: غير حطي فمك فالكاس غير نصوروك وصافي
يحيى: غير خليها ماشي مشكل
كيشوف فيها مهبطة راسها وهازة عينيها فتورية والاخيرة مخرجة عينيها تا حطات اسراء شفايفها على الكاس وهوا كيشوف فيهم بابتسامة ويدو مور ضهرا ، هز يدو وهو كيشربها الحليب وبعد ليها شعرها اللي هبط على خدها وداز صبعو حدا ودنا وهي تكمش عنقها تبورشات بدا يضحك ، حط الكاس وعطاتها تورية الكاس فيدها وشافت فيه كتلبي اوامرهم بزز منها ، حط شفايفو فالكاس داق وصافي وهز راسو ، يالاه بغات دور اسراء تجلس تنفس وترجع الروح وشافت تورية كتعطي الخواتم لليحيى . شد ليها فيدها وهي تهبطة راسها كتشوف فيديه الرجولية ، ركب ليها الخاتم فصبعها بشوية بابتسامة خفيفة وهزها بشوية باسها ليها قدام كلشي حتى حشمات مها وهزات طرف الشاال اللي ملوية على راسها دارتو على نيفها حشمانة مخرجة عينيهت وبدات تعرق بوحدها رجع وجها حمر .
عاود هزها ليها وباسها كيضحك ويعاود وهي مطلعة حاجبها كتحول عينيها وتميع فملامحها ، اما الزوهرة جالسة مخرجة عينيها وشادة الشال على نيفها كل مرة تهزهو وتقلب وجها
الزوهرة: ههيييي !! ايماا مابقا حد يحشم فضحتونا الله يفضحكم
اسية: ماعرفت اش كيقولها عنداك غير تزبلها وتقوليه شي كلمة خايبة شتها كتهضر معاه
سحر: يخخخ على تورية واقفة لوسط مدرقاني ماشفت والو
اسية: باس ليها يدها جوج مرات اتا قلت ليكم السيد داخ فالبنت وانا خايفة عليها منو الى مشا حتى شدها ...يااا الحفييض السلااامة.
عطاتو اسية الطاقم هز الكوليي وقرب منها بابتسامة وهي عاقدة حجبانها حدرات راسها شوية هازة شعرها بيدها اللي فيها السرتلة وهوا شبه معنقها كيسد ليها الكولي من رقبتها ومتقل كيضحك حاس بيها جالسة على اعصابها من ملامحها وكيزيد يتقل
اسراء: واش متبغاتش تسد؟
يحيى: صافي هاهيا تسدات ههه
هزات راسها كتنفس مخنوقة مكدورش غينيها جيهت الناس بمرة ، جالسة كتشوف غير فجنابها وفيه هوا . شد ليها عاجباه كيلمس فيها واسراء كتسوط كتسناه يركب النبالة و لحسن حضها نازل ليها الشعر من على الجنل وجها مكتبانش للحضور بملامحها المعبسة . للمرة الثالتة من بعد ما ركب ليها النبالة باسها وهي كلع حاجبها مخرجة عينيها
لبسها الطاقم ديالها وبقات الساعة اليديوية مهزهاش ورجع تقاد فالجلسة كيضحك دوز يدو مور ضهرها وهي دتيرة رجل على رجل كتبتاسم للناس بزز ، ناضو الزغارت والصلاة والسلام وكلشي كيزغرت والعكوزة مربعة كتشوف فيها وطلع وتهبط بطرف عينيها هي والعاءلة كاملة ديال يحيى من غير الاب ديالو اللي جالس كيتجمع مع حسن ، ناضت اسية شعلات لاشين وطلقات الملحون وناضو البنات كيتحكو ويتسخرو جرو الطبلة وقربو ليهم الحلوى حداهم ، جبد يحيى تيليفون عطاه لواحد من عاءلتو ودور وجهو جيهت اسراء بهمس
يحيى : اسراء شوفي هنا
دورات وجها بعفوية وتلتاقطات ليهم صورة كيشوفو فبعضياتهم عن قرب ، عبسات فاش شافت راسها كتصور وهي تقلب وجها ، شد يحيى تيليفونو فيدو ونخزها بصبعو من كتفها باليد اللي معنقها بيها
يحيى: عطيني نمرتك
جاوباتو ببراءة باش متبنش حقيفة مشاعرها: معنديش تيليفون
يحيى: بصح! واايلي؟
اسراء: لارد
قلبات وجها قالبة عينيها شافت اسية واقفة كضحك
اسية: هاكو قطعو الحلوة
كان بزز على اسراء تشد الموس ويد يحيى على يدها قطع معاها الحلوى ووكلها وهي مغوبشة ماحاملاهش ووكلاتو بزز منها وعينه كيتسراو على ملامح وجها فكل مرة تعطاه فرصة وتقلب هي جيهتو . ناضت العاءلة كل مرة يجلس حداهم جوج باش تلتاقط ليهم صور معاهم وكالعادة ابتسامة اسطناعية من اسراء طول الوقت وكترد المباركة على اي واحد بارك ليها وسلم عليها بالوجه ، كتسلم بزز منها وتحط يدها على خنكها كتقلب واش باقي هوا هاداك ولا خسر . حطو ليهم العشاء تعشاو وجلسات حداها اسية تصور معاها وهمسات فودنها
اسية: شوفي ...دابا شوية غيبدا و يهضرو على العرس وداكشي ومتحشميش طلبي صداقك ... كيما هوا غيتسطى ويديك معاه وطايح على الزين تشرطي حتى نتي وبلا متعيقي وتخرجي عينيك غير بالهداوة ... غيبداو يتافقو على العرس وداكشي هضري معاه فودنو بلا متسمعيها لكلشي يقولو هادي وجها قاصح ... وحشومة فدام العكوزة وشيخك الله يعمرها دار ديري بوجهو وبوجه بابا اللي جالس فرحان
اسراء: صافي كوني هانيا
ناضت اسية وحطو العشاء تعشات اسراء مع يحيى فالطبلة وكل مرة يعضر ليها فودنها وهي واحلة ليها اللقمة . تحطات البسطيلة وتبعها الدجاج والديسير وتهز العشاء وتحطات الحلوى واتاي و هوا يحيد يحيى يدو مور ضهر اسراء ودار جيهت باها عرفاتو اسراء ناوي يدخل فالمعقول
☡☡☡⬇ البناااات بغيت نوضح واحد النقطة ضاارووورية ، بالنسبة للبنات اللي كيقولو هادشي مبالغ فيه .
راكم زعما ماعايشين فالجبل الى جاكم عادشي مبالغ فيه العجب حيت مااين ما كتر من هادشي وانا جبت ليكم الواقع وما خفي اعضم . مادام عندك تيليفون مدخلي لعالم الانترنت رام كتشوفي كل واحد تزوج فلانة دار ليها ودار ليها ودار ليها وكااع هاد المشاريع اللي كاينين فالمغرب راه عندهم ماليهم ومااروهم الا وعندهم الفلوس يعني كتشوفو بعينيكم اوتيلات و متاجر كبار وزيد وزيد غير مامطالعينش على حياة اصحاب عاد المشاريع وفاش كنحكيو عليهم فقصة كيجيكم هادشي خيال . راه ميمكنش هادشي هادا بخال الى كتببنو بللي المغرب غير جبل عايشين فيه الناس مكحط مافيه والو ! عطى الله المغاربة خانزين فلوس كل واحد فين شادها و ماكتبت هاد القصة الا وعارفة شنو كنكتب وشنو شفت بعيني هلينا من الخيال والاحلام حنا دابا جايبين الواقع وباختصار على فول واخد الصديقة معانا فالكروب ، الى كنتي زوينة وتعجبي الناس وعايشة فالمدينة راك تجلسي غير مع شكون وشكون و تشرطي كي بغيتي واخا الزهر كيتفرق ومكيختارش الزين كل واحد وزهرو شد ما عطاك الله. حتى واحد ما خايب.
البنات اللي كينقلو الاجزاء هزو حتى هادا تقلوه للقراء ديالكم
تقدم الاب ديحيى هوا اللول : ايوا سيادنا البنت رشمناها و ورجعات ديالنا ووحدة من بناتي ... ايوا نحددو دابا نهار العقد
يحيى: الحاج ...العقد نديرو نهار العرس انشاء الله ... شبان ليك السي حسن
حسن: اللي قلتوها لا الاه الا الله عليها
يحيى: شاف فاسراء) باش توجد حتى هيا راسها على خاطرها
كلشي هز يدو ومنهم اسراء هزاتها بزز منها بدا صوت الرجال كيتسع جهرا وهما كيقراو الفاتحة وكلشي ساكت ، اجواء تقشعر لها الابدان خلات دموع الزوهرة وبناتها كاملين يهبطو وهما مخبين ملامح الحزن على وجوهم وكيشوفو فاسراء حدى يحيى مهبطة راسها على يدها ماراضياش.
بدا لحاج بصوتو الخافت الضعيف كيقرى الدعاء والكل كيردد من موراه " امين" حتى سالا الدعاء وختمو ودوز يديه على صدرو وناض
الحاج: الله يجعل كلشي مبارك ومسعود ... ايوا نخليوكم هاد الساعة
ناض الكل كيتسالم وبقا يحيى جالس كيهضر مع اسراء فودنخا ويدو مور ضهرو وهي ساكتة معبسة
ناضت كتسوط تبعات اسية للبيت ووقفات حدا الباب ساهية كتخمم وتسرح عينيها فالبيت كتشوف كل باليزة فين محطوطة محلولة والبيت دالبنات مرون كل وحدة فين لايحة باليزتها فالارض
اسية: دوزي تلبسي غتمشي هاكاك؟
اسراء: ماعرفتش شنو نلبس؟
اسية: لبسي اي حاجة غير طلقينا
اسراء: اي حاجة لبسيها نتي ماشي انا ... بلاتي نشوف داكشي اللي شريت انا وماما...الصهد غلبني منقدرش نلبس شي دجين ...شريت واحد الكيطمة فالحكل فيها رشمات الذهبي زوينة شوفي كي دايرة ديال الخروج سروالها قصير تحت الركبة عندو بانضة كيجيني مزير شوفي
اسية: غزاال شحال خديتيه؟
اسراء: ب 400 درهم من عند واحد كيجيب داكشي دليكسبور كان قالينا ب 600 درهم وبقات عليه ماما حتى ديناه ب 400 درهم ...وشريت ليه هاد صنيديلة ديال الصبع ب 200 درهم من مروى
اسية: ايوا هانتي كساتك وتهلات فيك ... حمقني التوني وحتى الصندالة ..لبسيه نشوف كي يجيك؟
ناضت اسراء حيدات حوايجها لبسات السروال جاها مزير مجموع تحت الركبة شوية ببانضة ديالو وعقدات ليه السيور من لفوق ولبسات تيشورط ديالو مزيرة حد البانضة دالسروال فيه ببغاء فالدوغي مرسوم جيهت الصدر صغير و حدا الجيب ديال السروال ولبسات صندالتها ووقفات حدا المراية
جاوباتها اسراء وهي كتقادهم فالمراية: ديها فشغلك ... دابا عاد تقادات الفورمة ماشي بحال قبيلة منبان مي الكرة دالروكبي عامرة غير من الوسط .. ليهونش ومسعودة واجدين بقوة والصدر مقموع مسكين .... ايوا دابا عاد تقادينا
طلقات شعرها نفضلتو قدامعا ولاحتو للور ومشات عند اسية
اسراء: ديري ليا واحد جوج دفيرات من القدام فالقصة وخلي ليا شي لاخر مطلوق
اسية: سربي يالاه جلس للارض
اسراء: بلاتي ...ديري ليا الفرقة فالقصة ودفري كل جهة بوحدها وشديهم بمقيبطات ... بغيت غير لافخونش اللي نضفر
اسية: مرانيش مكلخة ...يالاه جلسي
جلسات اسراء شادة المراية وخازة راسها واسية كدفر ليها القصة تا سالات ونوضاتها
اسية: هاي هاي مجبدة ليا العينين ومع دوك الشفار كتبداي تفرفري بيهم وتعوجي فعينك وتخولي فيهم دابا عاد كملاات
مزال مكملات اسية هضرتها بدات اسراء تعوج فعينيها وترمش بيهم كي الفرفارة بالزربة ماحملاش اللي يعيب عليها .
اسية: يالاه زيدي
خرجات هي واسية لابسة دجين مقطع وتيشورط غوز وبالغينة غوز وطالقة شعرها الاسود حد الكتاف حتى هي متبعة الموضة . وقفاتهم الزوهرة فالباب
الزوهرة: هاكي ديري ساعتك وخاتمك ... خارجة معاه دابا غادي يسولك على الخاتم وغيعجبو الحال يشوفك دايرة الساعة فاليد
اسراء: ماباغاش نديرو غيشوفوني الناس يحسابهم مجوحة
اسية: وييلي نتي راه طخوطرتي فدماغكك ...لبسي براكة من تخربيق
لبساتهم معبسة وخرجو طلعو فالاسانسور نازل بيهم واسراء واقفة كتعكر وتعاود فالمراية بالغوز تا نفخات شفايفها مزيان وعصراتهم عاد خرجات.
خرجو من العمارة لقات طوموببل كحلة من نوع بي ام طوييلة كحلة كتبري ومجبدة عندها عينيه لقدام كيضويو بالازرق ، نخزات اسية اسراء فاش شافت الطوموبيل وبداو عينيها يفرفرو وتعوج عاوتاني مخرجينها بزز . شافها يحيى من القهوة جالس فلاطيراس هوا وسفيان كيتجمعو ونزل عندها
اسية: هانتي لك السيد سبورتيف مع راسو ضارب ليك البيربوري فرجلو قهوية وتيشورط فالماغون لاكوسط ودجين قرطة دغوة شكون بحالك ... كيعرف يلبس لاتقولي عروبي مدام ضارب البيربوري فرجلو الا وراه كيفهم فالماركات ... اييه العضلات وداكشي ولاهيلا الا نتي اللي صدقات ليك شكون بحالك
اسراء ساكتة وكتشوفيه جاي وتفرفر بعينيها قاطع الشانطي داير نضاضر دالشمش وصل تا لعندها وحيد نضاضر سلم عليها من الوجه كيضحك ويشوف فيها ومد يدو ل اسية
يحيى بابتسامة: سافا؟
اسراء: ابتسامة صفراء ) حمد الله
يحيى: يالاه...مشينا
حل ليها الباب لقدام طلعات كتبعكك واسية طلعات راسها وركب حداها سايق بيد وكل شوية يدور يشوف فيها فرحان و اسية حاضياهم من اللور ..شوية بان ليها مد يدو ليد اسراء وشد فيها والاهرى قالبة وجها جيهت الزاج مكتشوفش جيهتو ودايرة رجل على رجل . الطريق كاملة وهوا شاد ليها فيدها وحاطها فخدو فصمت . بدات اسراء كتأفءف ومدات يدها
اسراء: منين كيخدم هادشي نطلقو شي موسيقى
يحيى: شنو بغيتي تسمعي؟
اسراء: دير ليا تيناديك ديال ماجد المهندس
يحيى : هي اللولة
جبد تيليفونو طلقها ليها بالبلوتوت فالطونوبيل من اليوتيوب وجلسات كدندن معاها ممسوقاش للعالم ورجع شبك صبعانو مع صبعانها واسية لور كضحك غير بوحدها حشمانة تقول هي العروس
شوية جبدات اسية تيليفونها كتبات فيه وطلات على اسراء
اسية: شوفي هاد الصورة
شدات اسراء تيلي لقات الوتساب كاتبة لها فيه " شوفي عنقو"
تلفات اسراء شافت جيهت عنقو و وهوا سايق بان ليها خد رمادي مايل للاخضر فعنقو كيبان شوية من عنق التيشورط وهي تهبط راسها كتبات " واشم ولد الحرام ماعرفت اشنو واشم ... نسولو؟ "
عطات تيلي لاسية وبدات اسية كضحك بوحدها " لا متسوليش اوييلي عاد عرفتيه غتبداي ترطاي تقشري شوية"
شدات اسراء تيلي قرات داكشي ورجعاتو ليها ، لما انها كدبات ماعندهاش تيلي خلاتو فالدار وخرجات ، تكلم يحيى وهوا كيشوف قدامو
هزات عينيها لقات راسها حدى واحد العمارة قدها قداش فشارع نقي وهادىء فيه عمارات وحدة حدى وحدة كيتشابهو فيهم 3 ديال الطبقات وشكلها راقي من الخارج ، شد ليها فيديها وهي غادة معاه مافاهمو والو ، دخلو لمكتب البيع استقبلاتهم وحدة سنها حوالي 30 34 سنة جالسة فالبيرو
البنت: سي يحيى مرحبا
يحيى: ترحب الجنة ... اسراء جلسي ...بغينا تشوفو الدار
البنت: اهاه واخا مرحبا اجيو معايا
ناضت البنت معاهم دخلو للعمارة بالاسانسور والمرايلت والخشب مشبك من لداخل وطلعاتهم لآخر طبقة خلات الباب ديال الخشي منقوش كامل بستيل عصري ودخلاتهم للدار خاوية وكبيرة كاملة محلولة ومصلوحة بالبالكون فالصالة الكبيرة كبير كيطل على الشارع و ربعة ديال البيوت وصالة اخرى صغيرة كطل على الصالة الكبيرة ، دخلها لبيت النعاس وهي كتشوف بعينيها والبنت كتشرح
البنت: هادا بيت النعاس ...هاهوا فيه حمام ...اجي دخلي تشوفي انا السي يحيى ديجا شافها ههه ... هانتي ها الحمام وكاين 3 ديال البيوت اخرين صغار شوية على هادا ... اجي معايا ...هادي الكوزينة محلولة على وسط الدار والصوت وهادا البالكون ديالها كيطل على الجردة...ويلى معجبكمش الديكو راه تقدرو تصلحوها على الشكل اللي بغيتو نتوما شحال من واحد بظل ليها الديكور وعاد فاش تفرش بشي فراش زوين غتبان ديك الساعة ... كاينة هادي فيها 160 متر وكاينة وحدة اخرى راه شافها السي يحيى صغيرة شوية على هادي الى بغيتي تشوفيها
يحيى واقف حال رجليه ومربع يديه كيشوف : هادي حسن اسراء لخرى شوية وصافي
صوتو قوي وزاد تسمع فالدار خاوية مجهد
البنت: بقات غير هادي والاخرى فهاد الحي اما راه كلشي تباع
يحيى: كي جاتك عجباتك؟
اسراء شافت فأسية واسية كدور عينيها حشمات ورجعات شافت فيه
اسراء: بصوت خافت حشمانة) اه مزيانة بالصحة
يحيى: ههههه بالصحة نتي
البنت : هههه مبروك عليك الله يدخلها عليكم بالصحة والعافية
يحيى: دونك حتى نعاود نرجعو نسقو الاوراق مع النوطير . . . اسراء يالاه
شد ليها فيدها هابطين فالدروج باش تشوف العمارة كي دايرة وهوا كيهضر
اسية: الجديد كيجبد العين اري نشوف حمقني لونو عييت نقلب عليه مالقيتوش
اسراء: شحال شريتي نتي تيليفونك؟
اسية: 7000درهم حطيت فيه على سعدي ووعدي ولاكن هادا اللي جاب ليك اخر ما خرج فالايفون يعلم الله بشحال. غنقول لماما راه عطاك فالصداق الدار تعواج هههه
اسراء: شحال تكون كادير ديك الدار؟
اسية: فهاد الموقع هادا احبيبة وبديك الديكور وديك الجودة غتكون 15000 درهم ولا 20000 الف درهم لميترو شحال قالت لينا فيها من متر ؟
اسراء: 160 ولا ماعرفت واقيلا 160متر
اسية: ايوا الى كانت ب 15000 درهم لميترو راه تكون جايا ل 200 مليون الحبيبة ! هيييه ناري حط عليك 200 مليون الشيخة
اسراء: واسيري قالك 200 مليون كوراه غير 30 مليون
اسية: اسيري تخراي والله لا حطيتي فيه قزيبتك وما حطيتي 200 مليون شوفي الموقع ابب فيقي تبولي كيتي يانا نقرى ونخدم والعام التاني فالدوكتورة كنضرب تمارة ونتي ساقطة فالباك و وطلعتي طلعة وحدة شكون بحال ... بحال ديم بنت الحومة اللي تزوحات كاوري شرى ليها فيلا حدانا ورجعات حديث الساعة واخا شارف عايشة مفييكة انا نتي هادا باقي صغير . فاش خدام؟
اسراء: وهي كتلعب فالتيلي ) قالك كان مهندس معماري واقيلا فاش قدك مشا الامارات خدم فشي شركة تما وخرج منها شرك هوا وشي واحد فشي ريسطو كبيرة ... راه ضرب تما شي 13 عام ورجع حل متاجر فمراكش ... ايوا يلى مجمعش فلوس فهاد 13 لعام غير يشنق راسو داكشي اللي كنت باغا انا ندير دارو هوا
اسية: بااينة عليه لاباس عليه ... شتي اللي مدارش لاباس فاللول فاش كانو الفلوس عندهم قيمة ماع ميديرو دابا غير تهناي .. هاوا جاي
اسراء: غنقوليه دينا ناكلو فيا الجوع
مع الكلمة الاخيرة طلع يحيى: فيك الجوع ؟
اسراء: ههه لا
يحيى: شوفي وكان...اجي واش هاد البنت كتجيك؟
اسراء: اويلي راه ختي !
يحيى: واايلي ... متشرفين اختي ...مكتشابهوش!!
اسية: لا حيت هي وخويا سفيان كيشبوه لجدة وحنا كنشبوه لماما
يحيى: سبحان الله ... هي شعرها كحل ونتي زعرة (هز يدو رجع ليها الشعر مور ودنيها بشوية وهي مبتاسمة كيعجبها اللي يمدحها )
اسية رجعات لوور قلبات وجها حابسة الضحكة وهوا كيشوف فاسراء بابتسامة من حركات شفايفو مرة يدوز لسانو عليهم مرة يعضهم ساهي فيها وفملامح وجها يرجع ليها شعرها للور باينة فاتت الاعجاب ديالو لهيه ابتاسم وتنهد تنهيدة طويلة
يحيى: نمشيو؟
اسراء: ههه يالاه
مقدرش يصبر وزعم جرها من عنقها باسها فحنكها قريب لفمها و واحد البنت للور مكرهاتش تخرج من الزاج وتهرب بكترت الحشمة مالقات فين تخشي وجها عكس اسراء اللي عاجبها راسها كتفرنس وتلعب بعينيها وتشوف فيه بلا حشمة بلا حيا فرحانة براسها . شد ليها فيدها وحرك الطوموبيل مشاو جلسو فمطعم على الشارع فكيليز فكراسة برى على الشانطي ، جلسها حداه وجلس حداه وجلسات حداهم اسية غير كتسوط
يحيى: هانا جاي
ناض دخل لداخل وبقات اسية كتشوف فاسراء بعينين مبتاسمين
اسراء: واسييري شتي واخا هادشي كامل ممقتانعاش بالزواج منكدبش عليك
اسية: نتي راه مريضة فراسك
..سرحي عينيك شوفي البنات مي خارجين ...شوفي معريين وطالقين السوالف والمكياج فنضرك هادشي لاش؟ غير باش يطيحو فواحد بحال يحيى ...هانتي شوفي هادوك الجوج كي دايزين طالقين عينيهم فالطوموبيل وفيه هوا على الله يشوف فيهم ويضحك معاهم ويتصاحب مع وحدة فيهم ونتي جاي باغي يتزوج بيك وجالسة تعفري
رجع عندهم جلس معاهم وكل وحدة شنو طلبات ، دازت العشية جالسين فكافي تا طاح الضلام وناضو سبقو اسية للطوموبيل وخلاوها مشات للطواليط ، طلقات اسراء عاوتاني اغنية ماجد المهندس وبدات كدندن معاها ويحي تكى على الباب اللي حداه وبعد باش يشوف فيها مزيان ، بقا كيحقق فيها مزيان بالتسامة وهي مهبطة المراية كتقاد شعرها تا طلعاتها وجرها من يدها
يحيى: بتنهدة) بغيت نعنقك
اسراء: هاه !
جرها من يدها ضمها وزير عليها بقوة تا حلات اسية الباب لقاتو معنقها بالجهد ، حشمات وجلسات قالبة وجها كتشوف بطرف عينيها فيه وهوا ماباغيش يطلقها . بعدات اسراء ورجعات بلاصتها وجها حمر كي مطيشة وجلسات قالبة وجها و كأن شيءا لم يكن وضربات الطم بخرة وحدة تا وصلو للدار ونزلات اسية خلاتهم بوحدهم وبغات حتى اسراء تنزل وجرها يحيى من يدها
يحيى: تهلاي ليا فراسك بزاف ... غنتوحشك باسها فحناكها وهي دايرة ابتسامة صفراء كتسنى غير فوقاش تنزل
اسراء:بابتسامة ) باي باي
نزلات كتسوط تبعات اسية طلعو فالساتسور
اسية: اخر مرة نخرج معاكم حسيت براسي بحال شي سلوكي حاضي شي فيلا لايدخلو عليها الشفارة تفوو محملتش راسي
اسراء: وايييه غير بعدو مني خليوني ... انا كنلقى راحتي هكا شغلكم فيا ... اوييلي على بنادم كي كيدخل كي الريح ... عاااجبني راسي غير بلا متقوليها تقبلت ليا ودنيا هاد الكلمة .
الزوهرة: غتمشي لرجليك باش متقوليش منلبسهمش وديري لينا البيضة فالطاس . . . هوا قالك غيدير العرس وملشي من عندو وباها قالك انا غندير ليها الحنة عندي على حسابي خاصو يشوف شي دار للكراء
تورية: وعلااااش دار للكراء! مالنا حنا برانيين ؟ الله يهديك ها الدار والديور مزياان يدار فيهم الفرح
الزوهرة: العرس صعييب وكلشي غيتكب عندك هنا يكرفسو ليك الفراش غلنزيدوم غير تمارة
تورية: لااالا مكاينة حتى تمارة بلعكس هانتوما جيتو والبنات تبارك الله هازين الدار مكنديرش يدي فالماء واسراء عندي غدير الحنة نشاء الله مكااين فين تمشيو ... صفرو مافيهاش العاءلة نتي عاءلتك كاملة فاكادير غتجيهم مراكش قريبة و زايدون ياك اهل العريس مكلفين بالعرس وحنا غنمشيو غير معروضين غير الحنة اللي غنديرو هنا
اسراء: انا نختار النكافة
سحر: نتي تختاريها ها عار الله غير ماديريش لينا شي فضيحة
حرك الكاميرا جيهت الوشم وهوا يبان ليها وشم عبارة على شبكة العنكبوت رقيقة واطرافها مقطعة واصلة تا لعنقو
اسراء: اممم...عارف راسك شبكة اللي جات طيح ياك
سد عينيه بتتاقل كيضحك تا برد ورجع جاوبها باستهزاء كيما كتهضر هي
يحيى: بحال داكشي
اسراء: حلف
يحيى: ههههههه غير كنضحك . . . قديييم هاد الوشم فاش كانت عندي ديك 24 سنة تقريبا فاش مشيت للامارات واحد صاحبي مشا يوشم ومشيت معاه وبقا عليا دير ما دير ودرتو ...(بسخرية ..) وفاش عرفت البنات كيعجبهم تاتو خليتو ... اما كنت غنخيدو (مع غميزة)
يحيى: 4 ديال الاولاد وجوج بنات ...كلشي مزوج بقيت انا وختي الصغيرة كبر منك ب 5 سنين وخويا كبير عليا ب 3سنين انا الصغير فالدراري وتحت مني ختي
اسراء: مزياان
يحيى: ماباغا تعرفي عليا والو؟
اسراء: مكيهمششش
يحيى: امم ... مكيهمشش ! على خاطرك الاللة
اسراء: غنقطع
يحيى: زربانة؟
اسراء: غيدخلو البنات ... نتا فينك؟
يحيى: انا فالفيرمة . . . غير انا والنجوم
اسراء: فينا بلاصة؟
يحيى: ناعس برى فالجردة
اسراء: قلب لاكام نشوف
قلب ليها لاكام بانت ليها الجردة ولابيسين فالجنب ورجليه مسرحين عريانين من الركبة لتحت داير رجل فوق رجل وبدات كتحقق فرجليه ودارت ابتسامة لاارادية معبرة على الاعجاب والفرحة .
الزوهرة: ايوا صافي اسيدي ها التواب عندك ولاكن من دابا شهر يكونو واجدين راه ديال العروسة لا تبقا تدينا وتجيبنا
الخياط : كوني هانيا الشريفة..هاكي ها توصيلك ومن دابا 20 يوم رجعي ليهم انشاء الله
الزوهرة: الله يجيب تيسير
خرجو من القيسارية بداو يدورو واسية واسراء منفخين ماحاملينش الدوران وسط الماعن والشراوط وشدو طاكسي رجعو للدار . دخلو بدلو عليهم مل وحدة لبسات بيجامة ومشات اسراء هزات تيلي شعلاتو بدا كيطرطق عليها بليزابيل د يحيى ولقات مسج حلات وقراتو " راه ماقلت ليك حتى شي حاجة غير ضحكت معاك علاش دغيا بقا فيك الحال ؟ راه ضاحك معاك وصافي جاوبيني بغيت نهضر معاك "
رجعات ضحكات كتعض شفايفها وخلاتو فبلاصتو كيصوني عاوتاني ومشات خرجات لوسسط الدار لقات مريم وسحر فلكوزينة كيعجنو التريد . وحدة ككطيبو وتقلب وتشقلب والاخرى كتسرحو وطويه ، سمعات صوت الموسيقى جاي من بيت ولد عمها والباب محلول ومشات دخلات لقاتو هوا وسيمو مجبدين لاعبين كورة فالبلي وبدات تشطح بكتافها وهي داخلة
اسراء: واااخلييوها تهرس...يجي بوها يخلص
سيمو: وعيني فالبلي كيغني ) اسطااالويغو ... لاقليب ولا كبيييدة
اسراء: غنلوحم فزبااالة ونعيشو طربيدة هههه
مشات جلسات حداهم كتغني وتشطح براسها
سيمو: شنو كيطيبو للعشاء؟
اسراء: التريد
سيمو: وهوا كيلعب) وااايلي ومكناكلوش!
اسراء: وانوض تنعس
سيمو: ديري لينا معاك بيطاوطاو وشولايدوس
اسراء: خورايدوس لا! قهرتينا بهاد بطاطا وشلاضة كل مرة تقول كتوحم
سيمو: غنوض نفرع مك ... تق*** من هنا
اسراء: البيت دباك!
سيمو: لا رد
كمل لعبو وناضت خرجات من البيت مشات للكوزينة طلات عليهم
بالزربة بدات كتجبد فالحوايج وتقلب . لبسات سروال بارد بحال ديال التوب فيه زواق فالابيض والاسود وعقدات ليه السيور من الفوق ديال السمطة ولبسات بودي واسع مايل من الكتف فالرمادي فاتح وطلقات شعرها ولبسات صندالة عالية كحلة وكشلي من الباليزة د اسية وقداتها وجها جات انيقة وبانت بعقلها ، طلقات شعرها للجني وخرجات كتخلون فالمشية عاجبها راسها . شافها يحيى ووقف سلم على باها
يحيى: يالاه السي حسن نخليك هاد الساعة
حسن: الله يسهل الامور
يحيى: وهوا خارج) لاللة زهور ... الله يعاون
هز ليها يدو كعبارة على الوداع وخرج مور اسراء وهي قدامو كتمشى وتقرقب حابسة الضحكة فنفسها وكتشوف بجنابها ودير حركات انثوية ومرة مرة تقلب شعرها للور وتعاود ترجعو للجنب ببرودة وابتسامة على وجها
حل ليها الباب طلعات وهبطات المراية كتشوف وجها بحال الى مكاينش ، تاهوا مهضرش وحرك الطوموبيل تا دارو الروايد فبلاصتهم وكسيرا ، تخلعات من الطريقة اللي تحرك بيها وشافت فيه ورجعات قلبات عينيها وشعلات اغنيتها لراشد المهندس تيناديك وبدات كتاخد فتصاور لراسها وتقاد الصدر بشوية ، بدون سابق اندار وقف السيارة فواحد الشارع حدا الشارع الكبير وتلفت كيشوف فيها مغوبش ويديه على الفولون . سكت الموسيقى وركز بعينيه فيها وسولها بجدية مع صوت غامق وكناه كيكلم طفل صغير
قلبها جيهت الطوموبيل وزيرها مخرج عينيه : شكوون قاليك باغاني على الطمع ولا منعرف اش ؟ انا عارفك ماباغانيش على الطمع اسراء ولا انا طامع فيك ... نهار اللول شفتك عرفت راسي مغنعيش هاني واها نتزوج شكون ما تزوجت من غيرك نتي غتبقا ديما صورتك كتجي قدامي ... علاش نتي علااش؟ عرفتي علاش؟ حيت عارف راسي غنتفاهم انا وياك وعارفك مزياان خاص غير نتي تعرفيني اما يانا نهار شفتك حفضتك عطي فرصة لراسك تعريفيني مغتندميش
اسراء: يحيى الناس كيشوفو فينا...طلق مني
وهوا مزيرها مع الطوموبيل حاكمها باش متمشيش وكتدافع هيا وياه مخرجة عينيها وهوا مغزز سنانو ماباغيش يطلق منها وقف عليهم واحد طويل قد يحيى الولد وحات واحد المرى تا هيا
المرى: نعلو الشيطان اولدي طلق مننها
اسراء: طلق مني خليني نمشي
الولد: ختي واش كتعرفيه؟ طلق منها الاخ (تدخل باغي يفك)
يحيى شاد اسراء ودار عند الولد مطلع حاجبو ومخرج عينيه وحتى من نبرة صوتو مع الغير تبدلات ولات اقوى : واسير فحالك شغلك راه غنن...
الولد: ختي كتعرفيه باش شادك هاكا
يحيى: بعصبية) غتمشي فحالك ولا راه غنفرع موك
المرى : اولدي طلق من الطفلة خليها تمشي بحالها حشوومة
بداو الناس كيتفرجو من بعيد ويقربو والرجال كيتدخلو
اسراء: اي يدييي ااااي
عصرها من كتفها وهي كتنتر وتدافع وزاد كمل عليه الولد فاش جر اسراء من يدها باغا يفكها وهوا يجعر يحيى طلق يديه من اسراء ودفع الولد بيديه من صدرو بالجهد ورجع شد اسراء من بدها جرها طلعها فطوموبيل وسد عليها تما وتلفت شاف الولد ناض من بعد الدفعة بغا يهاجم وهوا يتعرض ليه يحي بلكمة وتدخلو الرجال بزاف كيفكو شدو الولد و وقغو قدام اليحيى وهوا كيغلي وصدرو كينهج
يحيى: ههههه راه قلت ليك انا وياك غنتفاهمو ... بصح ماباغاش تزوجي بيا بلا كدوب
اسراء: نتا جيتي عند ختي ماشي عندي
يحيى: كن شفتك قبل كنت نجي عندك وراكي عارفة زعما مكنعرفش ختك راه الواليدة ختارتها ليا وفبلاصت مانشوفها فالزنقة نشوفها قدام واليديها ماشي كنسرقو...وكلشي قسمة ونصيب
اسراء: واخا هاكاك معجبنيش الحال على هاد الحساب اي وحدة جات تقدر تعجبك
يحيى : الله يهيديك ... راه ماشي اول مرة نشوف البنات باش يعجبوني ا اسراء راه حسيت بشي حاجة جراتني عندك نهار سلمتي عليا بلاااا منطولو فالموضووع
اسراء: ايوا اي وحدة سلمات عليك غدير تفس السيء
يحيى: ههه تسلم عليا ! خلينا ساكتين راه ماشي غير سلمنا وصافي ومطرا فيما والو ... عااادي ، نتي بووحدك والمكتاب جابني لداركم باش نشوفك وخطبتك ماشي تفايت عليك ... ويلى مابغيتيش نخليو العقد حتى لنهار العرس نديرو قبل ونجلس منشميش حتى نديرو العقد
اسراء: لاأ ... حتى للعرس
يحيى: اللي بغيتي ... فين تبغي تمشي دابا؟
هزات راسها من تحت يدو اللي معنقها بيها ورجعات جلسات.
اسراء: قلتي او اطلس؟
يحيى: مكاين لا او اطلس لا والو .. نتي مكتجاوبينيش جيت نخرجك نهضر معاك (شبك يديه مع يدها) فين تمشي ؟
حط الطوموبيل فباركينغ على الشارع ونزلو ، جرها كيضحك من خصرها ودوز يدو مور ضهرها كتعبير على المعزة وشد ليها فيدها
اسراء: فين ؟ واش بعيد؟
يحيى: لا غير هنا ... الحي فيه دريجات مكدخلش الطوموبيل
اسراء: ااه واخا
مشات معاه كتعوج شاد فيها ودخلات مع زنقة وواسعة ونضيفة فيها بيبان مقابلين مع بعضياتهم وبعاد وهوا غادي كيرد السلام على الجيران اللي كيلوحو ليه السلام . وقف حدى بابا كبير ديال الخشب منقوش وفيه باب صغير وهز يد نحاسية دق بيها . حلات ليه مرى دايرة طابلية على كرشها وزيف ابيض بابتسامة وتوخرات للجبنب . دخل اسراء قدامو ودخل موراها .
وفالحي كانو جوج بنات كيطلو من السطح متبعينهم بعينيهم حتى دخلو وهي توقف عليههم وحدة اخرى
البنت: اش تاديرو تما؟
البنت 2 : ماشفتيش خاطبيط يحيى ... فنااا عاد دابا جابها معاه
البنت: 2 راه شحال مو ططقلب ليه وقالت لمي راه شافت ليه شي بنت وهوا باغا ختها ... خالتي كلتوم راه ماحاملاها ماقابلها وولدها السي يحيى قالها منها نخلاق . . . غاتحي تسكن معاهم اراك للفراجة . الى كانت شي وحدة درويشة غاااادي طخرجها منها سامية ورشيدة والاااماخفت نكدب حتى سعاد حتى هي ... سمعتها كطهضر مع مي فالحمام قالت ليها راه جاب لينا برهوشة وحنا كنا بغينا ختها
البنت 3: وا مسيييكينة ... باينة دريويشة وزوينة .... غاااادي يتحماو عليها النوايطات ب 2 وحتى سامية ختو ... الحاصول حتى واحد ماحملها حتى خالتي كلتوم مارضياش على هاد الزواج وزاد دار ليها كلشي هوا ... قالك العرس هوا اللي غيديرو و يعلم الله اش دا ليها الخطبة وشنو مزال نشوفو حنا
البنت 2: كي شتي يحيى ساهل ليهم ... خالتي كلتوم كتقفقف منو مكاين غير سيدي يحيى سيدي يحيى سدات فمها فاش قالها هادي ... مااااغاديش يسكت ليهم غير الى سافر وخلاها معاهم ... هييييه! تما غادي يتكرفسو عليها ومكاين حتى واحد من غير باه الحاج عبد الباقي هوا اللي مزيان تما .
البنت: 1ايوا على هاد الحساب بااااينة غتنوض ريكاطة فرياض السباعي
دخلات لرياض والخدامة قدامها صمراء ببيجامة وطابلية على كرشها . بدات اسراء تسرح عينيها بأنبهار لجمالية المكان كونها اول مرة دخل لرياض مغربي اصيل ، كشتوف قدامها بناية فسيحة كتوسطها حداءق فكل جهة واشجار البرتقال والحامض وورود ملونة ونافورة كبيرة مزلجة بزليج بلدي عامرة بالماء وكيتسمع خريرها اللذي يرخي الاذان . سرحات عينيها شافت شكل البيوت مرتبة فالهواء الطلق فالطابق الارضي فين جالسة هي وفالدور الاول والثاني لفوق ، جميع الغرف كتفتح على الفناء فوسط الرياض بابوابها الخشبية المنقوشة وجدرانها المزخرفة بالصناعة التقليدية . دورات عينيها قدامها بانو ليها صالونات كبار بأبواب خشبية ونوافد طويلة حتى للارض زجاجية كيتميزو صالوناتو وغرفو بعمارتها المغربية الاصيلةونقوشها البديعةوتأثيتها التقليدي الخالص . تبهرات من روعة المكان وحجمو ودروج الواسعة بالرخام والارضية المزلجة بزليج الخنفساء .فيقاتها من السهوة لمست يدو فيدها فيدها وداها جلسها معاه فاريكة بلدية حمراء مزخرفة بطرز ازرق رباطي فالهواء الطلق دوز يدو مور ضهرها حطها على كتفها وتلفتات ليه بالتسامة
اسراء: وااو...زوين بزااف هاد الرياض كيحمق
قلب وجهو جيهت كتفها كيهضر بشوية معاها
يحى: قدييم هاد الرياض عندو تقريبا شي 600 حتى ل 700 سنة تقريبا
اسراء: بصح! تباارك الله
يحيى: مكانش هاكا ... كان عادي لونو حمر بحال الديرو اللي على برى وكان غادي يطيح . عاودنا لبه الترميم من اللول وصلحتو (كيوريها بصبعو) بدلنا ليه اللون والارض كانت عادية زلجناها كاملة خلينا غير دوك الحفاري اللي فيهم الشجر ... البيبان كانو صغار دابا كبرناهم تا للسقف وبدلناهم والبيوت تاهما بدلنا ليهم البيبان وكبرناهم . راه شحااال ومالين الدار خارجين منو تقريبا شي عام ونص وهما خارجين حتى تصلح ورجع بحال هاكا عاد رجعو
اسراء: ولاكن راه غزال بحال شي قصر
يحيى: (كيحرك راسو) ههه حتى الفلوس اللي مشات فيه غزالة
اسراء: كبير وزوين ... شحال تكون فيه من متر
يحى: فيه 400 متر ... وكاين اللي فيه كتر فهاد الحي وباعوه ماليه رجعوه اوتيل ، وحتى هادا جاو بزاف ديال النصارة شافوه وبغاونا نبيعوه وعارضت انا والواليد مابغيناش نبيعوه . . . واخا ماعرفت شحال يعطيو فيه ميديوهش
اسراء: علاش زعما
يحيى: مستحييل ... تورات هادا توارتنا ابا عن جد وصلحتو حطيت فيه الزبابل ديال الفلوس باش يرجع هاكا ويجي واحد يديه بارد ، واش الرياض كيتباع فهاد الوقت! اللي باعو خصو العصا ، وعاد هادا راه جا قريب لجامع الفنا تخرجي من هنا دوري غير ظورة تخرجي فالزقة ديال البزارات واللي كتخرج لجامع لفنا
اسراء: انا بعدا حمقني ههه زوين
يحيى: احي نضرب بيك دويرة
اسراء: واش مكاين حتى واحد
يحيى: كايني غير كل واحد فين مخشي دابا شوية تسمعي صوتهم ... مع مولفين كيهضرو بالجهد باش يتسمع الصوت للجهة الاخرى . اجي معايا
ششد ليها فيديها طلعها للدور الاول كيتمشى معاها بشوية ويشرح ليها حتى ضرب الدوره فالباكون اللي كيطل على الفينا وزاد طلعها للدور التاني عاوتاني نفس الشىء ساراها على البيوت ودخلها لبيت فالوسط كبير عبارة على صالون بلدي بالسدادر والزرابي والزليج فالحيط ورجع طلع ببها للسطح
يحيى: او هادا هوا السطح ... بلليل كيتشعلو فيه الضواو كيولي زويين
حلات عينيها بابتسامة كتشوف شكل اخر وكأنها حردة اخرى فسطح الرياض فيها الورد المغروسات وكل جهة مفرشة بفراش فلون . جهة فيها كراسة ديال الحديد بالطبلة وجهة فيها فوطي طويل فالاخضر بالمخاد وحداه ساريج ديال الماء مزلج بالازرق . داها كيدور بيها فالسطح ويطلع درجة ويتمشاو وينزل درجة . الارضيات فيهم اللي عاللين واللي حادرين والسطح كامل فلون احمر ، لون مراكش الحمراء . طلع ليها تلاتة الدرجات لواحد السطيحة فيها خيمة مدرقة من الشمس ومفرشة بالسدادر ودخلو ليها جلسو
اسراء: ناري الصهد الموت
يحيى: واييه . الموت ههه ولاكن البيوت لتحت فيهم الكليمات مبرديين ... والنافورة ديال الماء اللي اوسط هاداك راه الماء ديالها بااارد حيت كان تما بير وسديناه باش ميطيحش فيه شي واحد ورديناه نافورة كطلع الماء من البير وداك الماء كيرد البرودة على ديك الواحة اللي لتحت . والسطح الغالب الله ماعرفنا كي نديرو ليه سخووون ههه ... اجي نهبطو راه كيهضرو لتحت
هبطها كيحك معاها وشاد ليها فيدها تا لتحت وهي تلاقا ليه مو بابتسانة لابسة قفطان بلا سمطة فالابيض ومموج بالاسفر وبلغة بيضاء والشعر معري كحل مقطعاه لحال الولد وماشطها اللور ودايرة نضاضر . سلمات عليها اسراء بابتسامة وجلسو على الكنبة فالهواء الطلق . هزات كلتوم ام يحيى يدها فيها نبالة ديال الذهب وخاتم وبدات تعيط بالجهد
كلتوم: حااادة...حااااادة
حادة بصوت مرتفع من بعيد: نعاام اللاللة كلتوووم
كلتو: واااش داك اتاااي متبغاش يطييييب؟
حادة: هواا واااااجد الاللة
جابت حادة سينية فيدها فيها كيسان ديال اتاي حطاتو وخلات كلتوم هازة البراد بيدها ليمنية فيها سرتلة ديال 12 رقاق ديال الذهب كتعمر الكيسان
كلتوم: مرحبااا بيك ابنتي
اسراء: ههه بارك الله وفيك اخالتي
يحيى غير كيشوف بإعجباب فضحكة داسراء وهضرتها وهي حشمانة جالسة وسطهم
كلتوم: اللي بغا شي حاجة يديرها راسو ماشي غير حادة حادة ... مالكم نتوما محنيين باش تشقى عليكم حادة ... براكة عليها راه هازة الدار كاملة والطياب و الماعن عليكم نتوما
سامية: ضربو راسكم انا غير قلت
سعاد: وراه خملنا ديك الصالة كااااملة من الفوق حتى لواخا جبنا جوجات من الموقف ماكدو عليا حتى دخلنا انا ورشيدة هزيناها ... جايبينهم على الخوا الخاوي
كلتوم: ايوا الله يرضي عليكم
...: السلاااااام
وقفات عليهم وحدة اخرى طويلة وبيضاء شوية صابغة شعرها بالقهوي وجامعاه بقراسة ولابسة سروال واسع فيه الورد عصري وتيشورط فالبيض وصباط البيض وساك فيديها وطلسات كتشكي بالعيا وحطات الساك بالنفخة
سامية: بلاتي ارشيدة ندوز كترتو تا ولا يجينا الديق
اسراء خرجات الريح من نيفها وعرفات الهضرة تحشات ليها من عند سامية اخت يحيى و مع ذلك مابيناتش وبقات على البراءة والابتسامة
رشيدة: كبي ليا شي كاس امي كلتوم .. دازت عليا هاد النهار بالتقلاب على واحد الحجرة فالبزار ...مشا النصراني حتى شبع دوران فالبزارات لخرين فاش تنادم معاه الحال عاد رجع عند الحجرة ونوضني اسماعيل كنقلب ردي ليا هادا لهنا الله يخليها ماركة
سعاد: يخخ ولاو كيتشطرو كتر من المغاربة ... حتى واحد عندنا فالبزار ماخدا المراية حتى عصبني قلت ليه حطها سير بحالك عاد لسق عليها
هرج ووقفات هي كتشوف راسها فالمراية بانو عليها الفلوس وعجبها راسها فالمراية وبدات تحرك يديها وتهز الشعر على ودنها كتشوف كيجات وضحك فرحانة ورجعات جلسات تا رجع يحي هاز جوا مطوي فيدو كمل الفلوس للذهبي
الذهايبي: بالصحة والراحة...اي حاجة مرحبا ...الى عجباتها شي حاجة مرحبا على الراس والعين
يحيى: بهمس) شوفي الى بغيتي شي حاجة متحشميش
اسراء: ههه اوييلي برااكة صافي
يحيى: كنهضر معاك بصح بغيتي شي حاجة خوديها
اسراء:لالا صافي انا مكنتش باغا ناخد
يحيى: ولاكن جاك زوين
اسراء: ههه شكرا
يحيى: ماتعاوديش تقولي شكرا ولا نتخاصم معاك
عنقها وخرجو كيدورو وهي كتكسول عاجبها راسها وفين ما شافت ولا دوزات يديها على شي حاجة كيشدها يشريها ليها حتى عيات من الدوران ورجعها للطوموبيل داها لكافي جلسو شوية ورجع ركبها حداها فاللوطو وقرب منها بغا يبوسها من فمها وهي تهرب وجها ... بتاسم وباس ليها يدها ورجعها للدار . سلمات عليه من الوجه وهزات حوايجها
اسراء: مشيت تعرفت عليهم ... فخبارك راه غيشري ليا الدار فكيليز
اسية: وايييه نسينا مقلناها ليهم
الزوهرة: ها المعقووول...واش بصح بعدا ولا غيشريها هوا راسو
اسراء : لا قالي يشريها ليا انا فاش يرجع راه مسافر غدا وفاش يرجع غيشريها ليا
اسية: غيكون دار ليها حجز على دار باش متباعش حتى يرجع ...ضاروري يكون حط فيها افونص ...كن تشوفو الدار كيداااايرا وشحال كبيرة راه جوج دالميلون متر كاري تما فكيليز والدار فيها 160 متر ضوبليها وشوفي شحال تجي
تورية بقات غيرر حالة فمها منتيقاش هي وزهور وسحر ، بدات اسراء كتجبد فالحوايج وتوريهم فالكساوي والصيمان اللي شرات والجلالب العصرية وهي تشوف الجوا وجبداتو
اسراء: فاش كنت نازلة عطاني هادا لاحو ليا فالصاك باش نشري حوايج العرس
اسية : جبدي نشوف
شدات اسية الجوا حلاتو بدات ضمسةيال الفلوس جداد كل ضمسة مجموعة بلاستيك رقيق
اسية: واحد ... جوج ...6 .. 6 دالبريكات اسراء اللي هنا هادشي غي باش تشري حوايج!!!!
الزوهرة: اري عندي داكشي لهنا
اسراء: عطيوني فلوووسي عطاهم ليا انا
الزوهرة: كدور راسها) اييه باش يطيرو ليوم قبل غدا
اسراء: واعطيييني ديالي وااععع
الزوهرة: شدي تفوووو على كنس
شدات اسراء فلوسها جمعاتهم وناضت كتسوط
تبعاتها سحر للبيت
سحر: اجي مدوريش معايا هههه
اسراء: ههه واخا
هزات من الورقات وعطات لسحر ورجعات خبات فلوسها وهي دخل عندها اسية
اسية: ايييه وانا ماشي حشومة عليك
اسراء: ايوا نتي خدامة
اسية: وشحال صرفت عليك نسيتي
اسراء: وصافي هاكي يالاه شدي
دخلات الزوهرة عندها وهوا يتجمعو كل وحدة فين خشات فلوسها بالزربة
الزوهرة: خرجو حيدو عليا من هنا
خرجو لبانات وبقات الزوهرة عند اسراء واقفة
الزوهرة: اري بنتي نخبيهم ليك الله يرضي عليك غادي تخسريهم ... اري الله يرضي عليك
اسراء: واغير خليني مغنخسرهمش
الزوهرة: ايوا الله يرضي على بنتي سمعي من ماماك الحبيبة ...اري نجمع عليك الذهب ديالك باش مضيعيش ...ايوا اري يالحبيبة نجمع ليك
ناضت جراتو من يدو دخلاتو للبيت وجبدات فلوس من جيبها
اسراء: هاك
سيمو: كيشوف فيها مصدوم ويشوف فالفلوس) اجي شكون انا ؟
اسراء: سيمو البغل راه مافقدتش الداكرة
سيمو: واش هادو ديال بصح ولا مزورين؟
اسراء: اراهم ماعجبوكش
بغات ترجع فيهم وهواي يضحك وشدهم : اواااه الف درهم كاااملة ....واش باغا نتسخر ولا عاطاها ليا
اسراء: خودها
سيمو: وهوا مخرج عينيه)الف درهم ا اسراء كاااملة
اسراء: اففف ولاهيلا ديالك انا عطيتها ليك وماتقولعاش لماما غتبقا موراك حتى طيرها لك
سيمو: خشاها فجيبو * شخاايدن
.. واخا تجيب العسكر منعكيهاش ليها .
عنقها كيضحك باش ليها راسها وهي كدفع : طلق مني شعرييي ااااي
خرج وبدلات حوايجها لبسات بيحامة طويلة حتى للركبة باردة بلا كمام وشمعات شعرها فالسماء وهي تسمع موسيقى مجهدة وسط الدار ديال الركادة بالبيفان وخرجات لقات اسية وسحر محزمين واقفين ملاسقين كيشطحو بالكتاف محيحين والزوهرة مربعة كتسفق بيديها هي وتورية ويزغرتو حاميين السوق ، مشات اسراء متشططح بالكتاف وشرات الزيف من راس مها حزمات بيه وبدات هاك بالاك على الركادة هي وخواتاتها تا بداو كيقطرو بالعرق ونوضو مريم تا هيا
تورية: هاي هاي هااااي على اسراء فين تعلمتي هادشي
اسراء: اييييوااا هههه فداار با
الزوهرة: زهوانية بنت الحرام نهار ومطال وهي طالقة علينا المواسق فالدار وخدامة هاك بالاك
اسراء: نوضي تا نتي نوووضي
جرات الزوهرة نوضاتها ومع هي سوسية طلقو ليها السوسة وجلسات تفيبري بكتافها هي وبناتها كطيرو فالشطيح بقات مريم مصدومة كضحك
هزات اسراء 6 ديال ليدوبياس كل واحد وشكلو واحد احمر و واحد ابيض وواحد صومو بارد و غوز وزادت واحد اخر ابيض وكاملين عندهم سوتيان فصار باش يطلعو الصدر . جات تهز وحدين اخرين فاللاسود وحيداتهم ليها الزوهرة من يدها
الزوهرة: حوايج العروسة مكيتشراش فيها الكخل حتى يدوز العرس وشريه
حطاتو اسراء ودازت مع اسية ليشوميز دونوي فالاشكال بالبينوارات ديالهم قصار حتى للفخاد ومشبكين من الصدر لابسينهم مانكات
اسية: بصوت خافت) 700 درهم يالحبيبة
الزوهرة: شحال هادشي؟
اسراء: 17 لمية
سكتات الزوهرة وخدات اسراء واسية اطقم سوتيانات فالالوان الفاتحة مع سليباتهم واطقم ستيانات غير مبطنة من الدونتيل والتل و بيجامات حريري عبارة على قميجات بسراولهم فالوان متنوعة و طقمين بينوارات حريري طوال حتى للارض باليدين و 7 انواع شوميز دو نوي بالبينوارات ديالهم مشبكيت من الصدر وتقاشر قصار وبانطوفات رطبين وصنادل مزغبين رطبين فالانواع
الزوهرة: شري هادو طوال تلبسيهم قدام شيخك
اسراء : راه مغنلبسش داكشي بلا متصدعي راسك
الزوهرة: دابا شريتي البيجامة بسراول والسليبات والسوتيامات وشوميزات باقي خاص الفوطة دالحمام والبينوار
اسراء هاهما عندهم الفوطة وكلشي
اسية: غتشري الغوز؟
اسراء: لا غنشري البلون كاصي فااتح شوفي فيهم طرزة فالحمر بالذهبي فنييين حسن من الابيض والالوان الاخرين...هادا بينوار قصير حدn الكربة بالقب عندو فوطة كبيرة وفوطة موايان وجوج فوطات صغار وحتى بانطوفة
اسراء: دهناهم باش يبقاو يرطبين ويزيدو يرطابو .. ولفت .
جلسات دوزات وقتها بين الوصفات والاعشاب دالشعر وكل شوية تهز تلج دهن بيه وجها كامل حتى للعشية دخل سفيان ومشات عندو هضرات ليه على الكارطة ودخل كيقلب ويفتح ليها فالكونط .
فاليوم التالي خلات الكل كيوجد لتحضيرات دالعرس وكل واحد لاياش كيجري وكيوجد ومشات هزات الفلوس بكترة من عند الزهورة ماعطاتهم ليها حتى شحفاتها . لبسات جلابتها بليدين ودارت الشال لى راسها وهبطاتو على وجها وخرجات بتقاشرها هي واسية
اسية: مالكي دايرة الشال؟
اسراء: باش ميتحرقش ليا وجهي بالشمش راه مغطيا بيه
اسية: شنو دابا خاصك تشري؟
اسراء: كاااع داكشي ديال الكريمات و الماكياج من طق طق حتى للسالام وعليكم راه مليون اللي طيرت للزوهرة خليتها غتسخف
دخلو للدار وبداو يستفو داكشي وبدات الزوهرة تندب على الكمية الهاااااءلة ديال المكياج ومساحيق التجميل تا عيات وسكتات . جمعات مكياجها كامل فصامصونيط و جمعات مساحيقها واغراضها بوحدهم.
ايام معدودة كتفصل بينهم وبين العرس والزوهرة وحسن عرضو الناس والعاءلة وكيجريو ويتجاراو مجلسوش وسفيان واقف لاسراء على البابسبور والمارطة حتى وجدو و جابهم ليها فرحات مللي شداتهم وفنفس الوقت غلباتها البكية وحسات انها كتوجد راسها تغادر عائلتها والوسط اللي كبرات فيه .
الدخيلة الجزء الثاني
محتوى القصة
يتبع
التنقل بين الأجزاء