جاوبها بصوت هادىء كيدلعها: وعلاش؟ الولاد زوينين ...مبغيتيش يكون عند وليد ولا بنيتة كيشبهو ليك؟
اسراء: انا احبيبي ماشي م...
قاطعها بقبلة فشفايفها ساخنة وضمها لصدرو
يحيى: اول مرة تقولي ليا حبيبي ... ولاكن واش هاد حبيبي طالعة من القلب ولا باش ندير ليك خاطرك؟
شافت فيه بابتسامة : فالصراحة ... انا مكنتش باغيا نتزوج بيك فالاول ...حيت كبير عليا و مطلق و ماكنتش ناوية نتزوج ... بغيت نعيش حياتي ونخرج ونلبس اللي بغيت و نشبع من الحرية عاد نفكر فالزواااججج
يحيى: ودابا؟
اسراء: دابا ماعرفتش...كنحس بشي حاجة ...والمهم كنحس بالراحة معك
هزها جلسها على حجرو وعنقها بابتسامة : وحتى انا نخليك حتى تقنعي وتشبعي دوران و تحققي داكشي اللي بغيتي ... مغنزربش عليك بالاولاد من دابا
اسراء: ههه
عنقاتو بقوة وباستو فحنكو : واجي نقول ليك ... واش مغيوقع دابا والو من بعد داكشي ديال قبيلة
يحيى: سي غيوقع ... خاصني نهبط نجيب ليك الكينة تشربيها قبل ميصبح الحال
اسراء: ايوا... وديك الليلة دالعرس اللي دازت عليها 3 ايام!
يحيى: مكانش تزواج كامل ومبغيتش نتكرفس عليك ...كان الغرض غير نردك مرى وصافي...خليك هنا مع القطيطة ديالك وانا غنهبط نشوف شي فارماسي بيرمانونص نجيب ليك الكينة ونجي
باسها من فمها وناض هبط وخلاها جالسة كتسناه حتى رجع فيديه خنيشة وجلس حداها عطاها حبة شرباتها
يحيى: دابا ضاروووري خاصك تبعي مع شي طبيبة باش توريك كي ديري لهادشي .
اسراء: واخا
يحيى: ايوا وفين عرفتي نتي هادشي؟
اسراء: ههه راني قلت ليك ديك المرة فكروب ديال القصص اميرات الخط الذهبي و شوية من كروبات الحوامل و شوية كنسمع عليه .. وراه باينة اي وحدة دارت مع شي واحد شي حاجة كتحمل
يحيى: تبارك الله عليك معندي منتسالك قويفزة مع راسك ...واخا شيبتيني فالايام اللولة وكتغضبي ليا وتقطعي تيليفون وتخليني حال عيني كنتسناك تشعليه
اسراء : هههه ...توحشت دارنا
قالتها وهي مهبطة راسها كتلعب ليه فيدو
اسراء:هاد الكورميط مكتحيدش؟ بغيت نحيدها
يحيى: فيكس مكتحيدش
اسراء: وغتبقا هنا
يحيى : خاص واحد اللعيبة كتحيدها ..علاش بغيتي نحيدها؟
اسراء: ااه
يحيى: وعلاش؟
اسراء: بغييت
يحيى : واخا انا غنشوف معاها الى بغات تحيد ...يالاه نهبطو لتحت
شد ليها فيدها وهبطو للبيت وسدو عليهم . بدا كيعاكسها ويبوسها وهي كتعوج غادية جيهت الماريو وفين ما تعطى ليه فرصة كيزرها فالقنت بالقبل و اللمسات الساخنة . تفكات منو وحلات البلاكار وهوا معنقها من اللور ...جبدات علبة صغيرة مربعة كحلة وحلاتها قدامو جبدات منها اسوارة يديوية عبارة على داءرة ذهبية مشبكة شادها خيط اسود و وشدات ليه يدو دارتها ليه بجنب الاسوارة ديالو ... فرح بالهدية ومكانش متوقع انها تهديه شي حاجة وهادشي خلاه ساكت كيشوف فيها ويشوف فيدو
خرجات من البيت والكل سهران لتحت فالفيناء وتمات طالعة فالدروج . هزات الحاجة راسها شافتها طالعة فالدروج بلا متشعل الضوء وهي تنوض بلهفة
الحاجة:نوضي نوضي راها طالعة فهاد الليل يعلم الله اش كدير فالسطح ... شي سحور هادا
ناضت سعاد زوجة عبد الحفيظ الابن البكر مع الحاجة وطلعو بالزربة للسطح بلا ميشعلو الضوء كيتسلتو باغيين يحصلوها متلبسة ، وفديك الاثناء هزات اسراء الطبسيل فيديها والتيليفون كضوي بيه فالارض لانها ماعرفاش منين كيشعل الضوء ديال الدروج ، وبقات نازلة بشوية حتى للدورة ديال الدروج وهوا يبان ليها الخيال فالحيط كبير قدامها خلعها وغوتات فالسماء وطيحات الطبيسيل ووجهات الضوء بالزربة فوجه الخيال الشيء اللي خلى الحاجة وسعاد تخلعو من الضوء اللي ضرب فيهم فالوجه نيشان عماهم مع الدورة و صوت الطبسيل اللي تهرس خلى الحاجة تقلبات بالقفطان كتغوت بالخلعة وعاطية بالضهرها للدروج كتكركب وشدات فسعاد جراتها معاها ومشاو كيدردبو بالمقلوب وجارين معاهم الغرس كامل اللي فالجناب حتى هوا هبط تابعهم حتى لاخر درجة وطاحو قدام رجلين يحيى وهوا هاز الشيشة فيدو والمعلس فاليد الاخرى هوا والجمر ومع الاصطدام قوي فلتات ليه الشيشة وجات على راس سعاد نيشان وهي تسخف
وهوا هاز الشيشة فيدو والمعلس فاليد الاخرى هوا والجمر ومع الاصطدام قوي فلتات ليه الشيشة وجات على راس سعاد نيشان وهي تسخف ... تصدم يحيى وشعل الضوء بالزربة بينما اسراء نازلة كتجري لقاو سعاد سخفانة والشيشة مهرسة حداها والحاجة مجبدة على جنبها كتوجع وتعصر عينيها خارجين
الحاجة: اميييمتي يا مييمتي ... ااااااهيا ربي
حط يحيى داكشي اللي فيدو بالزربة وتحنا يهزها وهوا مصدوم
يحيى: السلااامة ياربي ... الحافض الله ... اسراء شوفي سعاد شوفي شي كاس دالماء رشيه عليها
تجمع الكل فاهل الرياض كيتجارو لقاوهم فيدك الحالة وهزو سعاد هبطوها للفيناء والحاجة هزها يحيى هبطها كتغوت تكاوهم حدا بعضياتهم . اسراء بقات واقفة كتشوف مخلوعة ويحيى كيحرك الرجل للحاجة وهي كتغوت بأعلى صوت . حاولو معاها كقدراتش تحرك وققرو يهزوهم فالطوموبيل للكلينيك .
فاقت ليهم سعاد حولة لعينيها فالسيارة كتمايل وتأنين مرخية الطريق كاملة حتى للكلينيك . دخلوهم لغرفة مشتركة نعسو كل وحدة فبياص وتجمعو عليهم الاطباء كيعالجو ويفحصو ثم خرجو بنتيجة فالاخير . خرجهم من باب الكلينيك كيانشاو بزز الحاجة فالكروسة دايرة الكبص فرجلها وملوية الفاصمة فيديها معوجة و جاراها سامية كتوجع لابسة القفطان كامل مطلي بالفاخر والحموم . تبعاتها سعاد خارجة بالبيجامة نص كم والسروال وبانطوفة شادة فيها رشيدة من جيهة وزوجها عبد الحفيظ من جهة وملسقة الفاصمة صفراء غليضة فجبهتها ومدورين ليها فاسمة بيضاء مزيرة ليها على راسها وشعرها فازك بسباب القرعة دالشيشة اللي عامرة بالماء ومحسنة من وسط الراس دارو ليها داءرة غرزو ليها الجلدة ولسقو ليها فاصمة.
وصلو للرياض فين كتسناهم اسراء والحاج على نار باش يعرفو الاحوال، دخلوهم كيغوتو يتعوجو بالوجع جلسو سعاد دايخة وجرو الحاجة حداها فالكرسي وقرب الحاج مخرج عينيه كينكر
الحاج: اش دا باباكم للسطح فهاد الليل وسط الضلااام؟ هااا؟
يحيى: انا مفهمتش كيفاش وقع ليهم حتى بانو ليها نازلين كيدردبو بحال شي حجرة فالدروج
باسها فعنقها: صبري شوي حتى تولفي ... وزعما كنحاول عليك وعارف طاقتك ماشي هي طاقتي ولاكن حتى نت ي صبري معايا شوية
اسراء: كل ليلة بزااف ... هادشي كيقصح كنحس بعيني غيخرجو من بلايصهم
جاوبها بصوت تقيل : صبري
اسراء: واش نعستي؟
يحيى: امم
سكتات وبدات كتلعب فشعرو ولحيتو وهوا ناعس تا نعسات .
اصبح الصباح وصبح يحيى على اسراء من جديد كيغازل ويدور بجنابها حتى نال مرادو عاد تلقها كتنكر معوبشة دخلات للدروش ومشا تبعها كمل الباقي تحت الماء وخرجات مزنكة فالفوطة جلسات على الفوطوي كترتاح ... خرج موراها ملوي عليه فوطة كيهضر
مشات جبدات بليزة صغيرة جمعات فيها اغراضها اللي غتحتاج ومساحيقها والسوشوار فالباليزة ولبسات لبسة جميلة عبارة على صاية مزيرة ديال توب خفيف كتجبد فوق الركبة وفوقها قميجة بلايدين فنفس اللون طويلة حتى لحد الصاية وفتوحة من الجناب حتى للفوق .. جمعات ليها جلايل الامامية عقداتهم على كرشها وخلات لوراني مطلوق . تلفت يحيى بثثا كيشوف فيها مطولنا وتنهد ومشا عندها شدها من كتافها
يحيى: جاتك اللبسة زوينة بزااف ... ولاكن غنتفاهمو على واحد القضية باش منبقاوش نهضرو عليها ديما.
اسراء: شنو هي؟
تحنى على ركابيه: القياس اللي تمشي عليه هوا هادا ... الفخاد ميبانوش (حط يطو فوق الركبة) حدك هنا تافقنا (هبط ليها الصايبة فوق الركبة شوية
اسراء: اووكييي
مشات صايبات لوجها المكياج ولبسات مشاية عالية فالاسود خشاتها فرجلها ورشات بارفان وهزات صاك كحل مربع فيدها صغيير فيها احجار ملونة غالب عليهم الاخضر وجمعات شعرها الفازك بقراسة ونزلات شادة ليه فيدو هاز ليها الباليزة كتعوج وهوا لابس شورط ديال الدجين وتيشورط بلو مارين وحداء رياضي بلو مارين ... دارت وسط الفيناء كتشوف بنص عين فالحاجة وهي متبعة ليها العين وسامية جالسة دايرة رجل على رجل كتلوح بيها وتعوج فبلاصتها .
تعرض ليهم الحاج فالطريق شافهم خارجين ووقف
الحاج: فين غاديين؟
يحيى: غاديين غير واحد اليوماين نوريها الفيرمة ورجعو
يحيى : ريحت شعرك زوينة . . . وحتى يديداتك زوينين ...ولاحضت الشكل اللي درتي ليهم . . . اييلا مقلتهاش بفمي هادا مكيعنيش انني مكنشوفش وديما ديري فراسك ان ااي حاجة درتيها كتعجبني (باسها فنقها)
تلفتات ليه غضابنة وبقات كدور عينيها فالجناب وهو كيضحك
يحيى: حيدي هاد الغوباشة مكتعجبنيش ... يالاه ضحكي
جمعات الضحكة وعينيها فارشينها
يحيى: يالاه طلقيها
اسراء هههه
يحيى: يخليلي الانثى ديالي والكتكوتة ديالي
عنقها وباسها بحرارة فحنكها عاد رجعات لنشاطها ومشات كدور وتسارى معاه فالفيلا ، دخلها وراها الفيلا من لداخل والبيوت لفوق وطلعها للسطح وقفات على الصور مسرحة عينيها وهوا موراها معنقها وطالق عينيه معاها
اسراء: ياااه شوف لييه
شيرات ليه بصبعها جيهت اسطبل مو ر الشجر د الزيتون وقدامو ساحة ديال الرملة داير بيها الخشب
اسراء: واش حتى هاداك ديالك؟
يحيى: امم (نعم) فيه غير عود واحد دالنا ... اما الباقية كل واحد ديالمن من المعارف ديالي كيخليوهم تما ... هاديك الارض راها ديالنا وهاديك اللي فيها التبن مستف بحال السدادر حتى هي ديالنا وداك الجنان اللي فيه الخضرة مزروعة ... هاداك مانل حتى لهييييه ... حتى هوا ديالنا
اسراء: شنو كيزرعو فيه؟
يحيى: فيه مطيشة و بطاطة بصلة خيزو وزيد وزيد
اسراء: واش كتبيعوهم؟
يحيى: لاااالا... راه كتجمع فالصنادق فواحد الكورري وكتبدى تفرق ... ماشي فيرمة كبيييييرة ديال الانتاج الكبير اللي كيتفرق على السوق...هادي عادية ولاكن فيها كلشي ... كتمشي الخضرة للرياض و لغيسطوغون اللي فداك الشارع فين كاين عمك ، راه غير هاداك بوحدو فيه مزانية ديال الخضرة كل يوم حيت كبير والماكلة دالشينوا كيبغيو الخضرة بزااف ... عاد الى بقات شي حاجة كيحطوها فداك سوبر ماركت اللي حداكم راه حتى هوا ديالنا
اسراء: واش ديال العءلة كاملة؟
يحيى: كيفاش مفخمتش؟
اسراء: قلتي ديالكم
يحيى: الاا ههه ديالنا انا وياك زعما .
بدات كضحك عجبها الحال وهوا كيشرح ويدورها على السطح ويوريها القنات كاملين . شافت فيه وكانها بغات طلب شي حاجة وحشمانة ومترددة . انتابه ليها ودار يدو على عنقها بابتسامة
بغات تغوت ...بغات تنقز ... بغات تبكي بالفرحة ... ولما لا وهي حياتعا وعقلها وشهوتها كانت ديما فالسفر مع صحاباتها اللي كتمنعها الام ديالها من السفر بوحدها او الخروج مع البنات بوحدهم وعمرها داقت واخا غير طرف صغير وداءما رغبتها فالحرية كانت قوية وكتموت على الماكلة فالزنقة والحوايج بكثرة والمكياج ... هادا كان حلمها الوحيد بعيدا على فارس الاحلام وكانت كتشوف احلامها اللي غيجي واحد النهار وتحققهم من بعد ما كان حلمها الرءيسي اللي غيحقق ليها هادشي كامل فالهجرة الى الخارج . . . فرحتها وهي كتحقق احلامها اللي كانت كتشوفهم مزال بعاد .
ركبات معاه فالطوموبيل وهي كضحك طول الوقت حتى وصلو للشارع ديال اكوا بارك مراكش ... فجأة جمعات الضحكة وبان عليها التوثر و بدات كتحك يديها الشىء اللي خلا يحيى ينتابه ليها مرة اهرى
قلب الدورة وكسيرى فالطريق بسرعة دخل لمركز المدينة وداها ختارت المايو اللي بغات بالكاش ديالو وبقا جالس على واحد الكرسي كيتسناها حتى رجعات ليه هازة الشبكة كبيرة فيها 4 دالمايوات ومساحيق البرونزاج والفوطة بالصاك ديالها والصندالة والطربوش وحطاتهم فلاكيس حشمانة وكتشوف فيه بنص عيه وتبلع الريق . خلص ليها داكشي كامل وخرجات من تما بمجموع 1000 درهم فداكشي اللي هزات . جمعات كلشي فقفة صيفية كتبو ليها فيها سميتها بالصوفة زرقاء فلون السماء وخرجات مدور فعينيعا وتغزز فصبعها حشمانة من قصوحية وجها . يالاه بغا يقلب الدورة وهي توقفو
اسراء: اجي واش نتا كتزلق فدوك الالعاب!
يحيى هههه نزلق معاك
اسراء: نعيطو على السيمو مسكين حتى غيبغي يجي معانا
يحيى: اللي عجبك بفيتي تعيطي ليه عيطي ليه مافيها حتى حاجة
اسراء: ههه واخا
عنقاتو وباستو فحنكو وهوا فرحان لفرحتها وكيضحك لردود افعالها . اتاصلات بالسي محمد الاخ ديالها اللي كبير منها سنتين وجاوبها فالحين
سيمو: ااالووو مسخوطة
جاوباتو بالتباتة وكتبرك على ازرار الهاتف من الجناب باش تنقص الصوت : ههه فيينك؟
وصلو لقاوه واقف بالشورط وكلاكيطة وتيشورط فيها النخل والشكارة على ضهرو ...شاف ل bmw كتشعل دايرة مع الرومبوان وسط الطونوبيلات وبدا يفرنس ليهم حتى وقفو ليه وطلع للور بادب
يحيى: اهلااان ههه
السيمو: بأدب حشمان) ههه سالام لاباس ؟
سلم على اسراء بأدب وهي داير عندو مخرجة واحد العين ومطلعة الحاجب فيه وحاطة صبعها على حنكها كتكدب الادب والصواب ديالو . تحركات الطوموبيل وتنهد تنهيدة طوييييلة وسرح يديه ممرح للور والكلمة مبردة اللجو . طلقات اسراء اغاني وجهدات فيهم ومشا كيتصور ويتبوزة ... بسرعة تطلق مع يحيى بدمو الخفيف وبدا كيعبر حتى هوا ويتجمع معاه ولقاه عقليتو متفتحة ماشي شي واخد اللي معقد وكيعكس الامور وهادشي خلا السيمو كيفرنس حتى تشرك ليه الفم . دوزهم بالسيارة على ماكدو خداو ماك فلوري وتلفتات اسراء ليحيى
اسراء: ناخدو حتى لغدا؟
يحيى: كاينين ليغيسطو تما تنغداو
سكتات وشافت فالسيمو فالمراية كتفرنس وهوا خرج ليها عينيه فرحان ... لقاو مابغاو بدون قيود وتحمسو اكثر للوصول .
سيمو ضرب 10 ديال الدصاور فالسيارة مع ماك فلوري تا داب وهبط عليه شربو .. هز عينيه لقا راسو وصل للباب . نزلو كاملين هزات القفة والمايو للي تلبس ولاحت الصندالة العالية فالطوموبيل ولبسات الكلاكيطة الجديدة ذهبية وفرحانة بيها فيها فراشة لقدم ، حيد يحيى الصبادري لبس كلاكيطة وهز نضاضرو وحيد التيشورط لاحها فالطوموبيل قبل ميدخل ... السمو عرف بللي يحيى من النوع اللي ضارب الدنيا بركلة غير من التيشورط اللي نصلها برى وعجبو لحال نصل حتى هوا التيشورط ودخلو
دخلات بدلات وغسلات وجها دارت ليه ايكخون دالشمش وخرجات لابسة دوبياس فالاسود مشدودين بالسناسل رقاق مذهبة من الكتاف ... وزيرات على الصدر تا خرج ولبسات فوقهم كاش مشبك وهزات القفة فيديها وبدات كتلوى وحول فعينيها من نضرات البنات ليها اللي كيطلعو فيها ويهبطو . خرجات لقاتهم يحيى واقف مربع يديه وحال رجليه كيتسناها ويضحك مع السيمو شافها وجرها عندو عنقها من خصرها ... دورات عينها شافت سيمو كيشوف فيهن بنص عين وكيدور فراسو وهي تعطيه صبع بالتخبية وبدا كيضحك .
موسيقى مجهدة ... بنات غاديين جايين كل وحدة كتستعرض راسها وتقول انا اللي حسن ... الدراري شي حاس براسو شي حاضي البنات ... كل بلاصة تحت مضلة من الخش مجموعة فيها طبقة ... شي ناس كيتشمس شي كيشطح مع المنشط وسط لابيسين وشي هابط من الالعاب الماءية كيغوت . النشاط شايط ولا وجود للملل... شدو 3 من رولاكس وجوج مضلات طبيعين من صنع الطبيعة وفرشو فيهم فوطاتهم وجلسات اسراء لوسط على رولاكس وبجنبها الايسر يحيى وعلى اليمين سيمو . مشا نيشان غطس قدامهم فلابيسين وبقات هي واحلة كدهن فالزيوت . جرها يحيى هي ورولاكس ديالها زداها معاها وبدا كيدهن ليها ضهرها ويضحك معاها ...دهنات ليه ضهرو وهي كتفرنس عاجبها جسمو المغري وكدور فعينيها كتشوف البنات حاضيينهم وكتزيد تعوج وتحلون
جلسات وسط الفنجة وجلس سيمو موراه وبقات شادة فالحيد كتشوف راسها ففم قادوس كبير مضلم
اسراء: ناااري بلاتي نشهد ... تا زيانت ليا الحياة عاد سختي بعمري
سيمو: طلقي من الحديد ينعلم اصل مك غنباتو هنا
هما كيتناكرو والمونيتور كيضحك
سيمو: هرهرهرهرهرهر هههه
هرها طلقات من الحديد ودفعهم المونيتور بقوة هبطو كيغوتو حتا للتحت وتقلبات بيهم الاسفنجة (البوي)فالماء وخزات راسها بالزربة
اسراء: اححح كليتها فقيزيبتي كنحس براسي بحال الى زلقت على شي حكاكة دالبصلة
سيمو: يالاه نعاودوها واااعرة
اسراء: اجي نديرو هادو ديال الطابيات
سيمو: يالاه زيدي ...اجي فين هوا يحيى
اسراء: رااه متكي على رولاكس داير طربوشي على وجهو
سيمو: اااه... وايالاه
مشاو طالعين فالدروج وكتسول البنات حتى جات نوبتها ونعسات على كرشها فوق الطابي ودخلات فقادوس اصفر ومشات نيشان كتغرت
اسراء: لولولولولولولولاوالوووييييي
سيمو: واااااااااااااااااااهههخههههه
خرجات فالماء وهزات راسها لقات سيمو خرج من القادوس اللي حداها ... بقاو هاكاك من وحدة لوحدة حتى جرها لاخطر وحدة عالية وفيها هبطة واقفة . جات نوبتها وجلسات هي اللولة ورخلت راسها مشات نيشان حتى للهبطة وهي توحل فراس وناضت جلسات كتشوف رجليها فالهبطة والارض بعيدة وبدات كتغوت ...
مشات كتجري هزات لاغوب من الباليزة لباساتها فاللون الاسود البلون كاصي فاتح بالدونتيل على شكل حوتة حتى لاارض ولبسات ليها صباط عالي اسود وصاك صغيور منبت اسود منبت وحطات مكياج سهرات غامض واحمر شفاه وبارفان ودخلات للدوش لقات يحيى واقف شاد الطوندوز كيحسن
اسراء: ههه كي جييييت
تلفت بابتسامة ) هه زويينة وعارفة راسك زوينة
اسراء: بااقي معطل!
رد عليها وهوا كيغسل وجهو : لا ساليت جبدي ليا سروالي الكري والقميجة البيضاء راه درتهم معاك فباليزتك
اسراء: واخا
جبدات ليه حوايجو فوق الناموسية وناضت
اسراء: انا غنقول لسيمو يلبس حتى هوا
جاوبها وهوا خارج من الدوش : واخا
خرجات فالكولوار دالاوتيل كتعوج وتصور فالسناب شات وتلعب بشعرها ومشات دقات على ليها الباب وبقى كيطلع ويهبط
سيمو: وناااااري على شوية كنت غنضسر عليك.! بشاااخ ماحسابش ليا نتي هادي ... وغا شي مغنية صاافي
اسراء: هه ايوا شنو
. كي جيييت (حطات يدها على جنبها)
سيمو: بففف ... شو اسراء كي كانت وكي ولات!
طلعات حاجبها وخنزرات فيه: مااالي كي كنت .. هيييه نسيييت واحد القطة غتموت بالجوع فالسطح... سربي لبس حوايجك (طلات على البيت) ونااااري قربلتيييه !... ويلي ويلي مالك على حالتك
سيمو: كنت مجباااااااد فواحد البانيو تا جيتي نتي ...صراحة مكرهتش نتجوج بشي وحدة ملعقة تهلا فيا
اسراء: تقدر ... تبكيصة كاينة ولاكن السويييد اللي مكاينش هههههه
مشات كضحك وخلاتو كيتحصر ويتألم على السويد اللي فكراتو فيه .
خفضات من صوتها وشافت فحيى بالجبنب كتفادى يسمعها: ااه .. ششو متقوليش عيطت ليك...شوفي راه واحد القطة فالسطح حاملة مكتقدرش تنوض وتحرك ... بدلي ليها الماء وطلعي ليها تاكل وعمري ليها الطبسيل راه تكون سخفانة
حاد: واخا كوني هانيا
اسراء: ومتقوليها لحتا واحد صافي
حادة واخا لاللة اسراء غير تهنى
اسراء: شكرا احبيبة بسلامة
قطعات وتلفتات كتشوف فيحيى بابتسامة ...مسكها من خصرها وضمها عندو ولفات هي الاخرى يديها وراء عنقو ، قرب يبوسها وهبعدات وجها بابتسامة
اسراء:ههه العكار
يحيى: ههه وهنا؟
باسها فعنقها
اسراء: هههه وصافيييي.. يالاه نمشيو
يحيى: مشكييلة هادي ..يالاه
شيكو الاصابع وخرجو من الغرفة ، بان ليهم سيمو واقف حدا الباب بالشورط وكلاكيطة وتيشورط والتشاوك طالعين كيفرنس ومشا حدا اسراء وهي كتنغز فيه مخرجة عينيها
اسراء: بصوت خافت) مالك جاي هاكا
السيمو: مجبتش حوايجي...واصلا الناس اللي لاباس عليهم كيلبسو اي حاجة ... داكشي التيقة فالنفس فهمتي
اسراء: نتا لاباس عليك؟
سيمو: لاباس الحمد الله ونتي؟
اسراء: براكة من الطنز
دخلو للغيسطو وجلسو فطاولى دايرة بالفوطويات والاضوار الخافتو وصوت الموسيقى الشعبية كنشط الجو ... كل واحد شد الموني بيدو كيشوف الاسماء وبجانبهم الاطباق ... نخز سيمو اسراء وخشات وجها معاه فالموني
سيمو: هادا
اسراء: وعارف شنو فيه؟
سيمو: مهم تصويرة زوينة وداكشي واافي
اسراء: اويييلي حتى انا غير غنيش انا وزهري ... هادشي بالفرونسي
تلفتات عند يحيى وهوا حاط يدو على حنكو كيقرى الموني تا قتانع وسدو .
تحط العشاء بجميع انواعه من اختيارهم وتعشاو وخداو تصاور وناض سيمو كيشطح مع واحد البنت وبقات اسراء جالسة حدا يحيى هازة تيليفون كتسنابي وتعوج . فجاءة لقات سامية ورشيدة وسعاد مسيفطينها ليها طلب صداقة فالسناب وحتى على الفايس بوك ... ابتاسمات بخبث وقبلاتهم وتخشلت تحت يدي يحيى كتحلون
اسراء: نتصورو انا وياك
يحيى: مكنبغيش اسراء تصوار يشوفوهم الناس
اسراء: صافي اللي بغيتي
بعدات عليه مقلقة وجرها عنقها
يحيى: صوري
اسراء: هههنن (كضحك)
جلسات بالجنب وهوا متكي موراها معنقها وخدات صورة جميلة رمنسية ليها معاه وحطاتها على السناب وكتبات عليها (سهرة تايم مع زوجي حبيبي). وجلسات شوية ورجعات دخلات كتفقد الامر لقات كلشي شافها وسامية دارت ليها السكرين ... مباشرة دخلات عندها للمساجات سيفطات ليها مسج مكتوب عليه "لا يفلح الساحر من حيت اتى) رسلانو ورجعات عند صدر يحيى تكات عليه وبدات كتور يدها فيدو ودوز الكاميرى فيديو على ركبتعا وتصور رجلها وصباطها وفارها ووجها والنص من يحيى اللي معنقها
الساعة تشير الى 2h30 واسراء بدات كترخى والعياء واضح عليها ...حطات تيليفون وجلسات كتفرج بعينيها فسيمو كل مرة فين نايض ... شافه يحيى ترخات فيدو وكتحرك تقيلة وهمس فودنها
يحيى: عيتي؟
اسراء: بصوت تقيل) فيا النعاااس
يحيى: نطلعو؟
اسراء: يالاه
ناضت وقفات دايخة ويحيى هاز ليها الصاك وتيليفون ... شد ليها فيدها ومشا خارج
اسراء: وسيمو؟
يحيى: الى كان باقي فيهم ميسهر خليه
اسراء: بلاتي نسولو
شيرات ليه بيدها بمعنى راهم غادين وشير ليها بيدو بمعنى "غير سيري" ومشاو طلوعو لغرفتهم ... لاحت الصباط من رجلها وهبطات الكسوة بزز حيداتها وحيدات السوتيان قدامو ولبسات بينوار قصير حريري وجلسات عند المرايا كتمسح وجها من المكياج وترشو بالبخاخ حتى تنقى وناضت غسلاتو بصابونة ...رغم التعب والعياء منساتش نفسها والعناية بجسمها . تعطرات وتريحات ورشات شعرها بخاخ بنكهة الفراولة ومشات عند يحيى اللي جالس متكي على ضهرو فوق فراش ابيض متبع معاها اش كدير حتى سالات ومشات تخشات حداه كتلوح شعرها للور لاح يدو مور ضهرها واستنشق ريحتها
يحيى: كتعجبيني بزااف وكيعجبني طبعك
اسراء : ههه شنو كيعجبك فيا؟
يحيى: كلشي...وكنبغي اهتمامك بنفسك
اسراء: بابتسامة ) اممم هههه
يحيى: شي مرات كطلقي ديك الضحيكة المجهدة ... طلقيها
حركات راسها بالايجاب وناض جاب ليها كاس ديال الماء فحوء الصباح الباكر والهواء النقي اللي داخل من النوافد ...تكى حداها وهز ليها راسها شربها و غطاها على جنبها
يحيى: ششوية دابا احبيبة
حركات راسها بالايجاب وهي مهلوكة ناعسس على جنبها ... حط الكاس وعنقها من اللور كيلعب بيدو فصدرها حتى نعسس
صباح جديد صبح كيهمس ويمرر يدو على وجها بحنان فودنيها فالفراش باش تفيق
يحيى: براكة عليك من النعاس...فيقي شوية راه 4 هادي
جاوباتو بصوت تقيل : باقي الحااال
يحيى : لا 4 غتنوووضي
هزها فيديها وهيا ناعسة مقدراش تحل عينيها ودخل بيها للدوش دخل هازها وسط البانيو فالماء دافىء وبدا كيفزك ليها شعرها
يحيى: يالاه نوضي ... براكة من النعاس
خوا ليها الماء على وجها بشوية وهي تحل عينيها لقات راسها فاحضانو فالماء دافىء
اسراء : فيا الموت دالنعاس ... منعستش بكري ومسخسخة غير خليني نعس
يحيى: غتفيقي دابا وفالليل نعسي
خشات وجها فصدرو وبدات كتستسلم للنوم وهوا كيداعبها بالماء فكتافها ويديها ... خلاها فترة قصيرة على نفس الوضعية ورجع كيفيقها .
دوشات معاه مع شقاوة رمنسيتو وخرجات من الحمام حمراء بدلات حوايجها هي وياه وخرج جار الباليزة دازو على سيمو خرجوه دايخ ومشاو تغداو فالاوطيل وشدو الطريق بالسيارة كيتجمعو ويضحكو
اسراء: حاادة... شكرا احبيبة على داكشي اللي درتي للقطة
حادة: وييلي مابيناتناش احبيبتي... مادرت غير الواجب
اسراء: بغيت غير نفهم...علاش نتي بووحدك اللي ضرييفة فيهم
رجعات حادة كدلك العجينة وتنهد: ابييوا شبيت نقولك الاللة اسراء...راكي شايفة كلشي على عينيك ...كلهم منفخين ...يهضرو بالنفخة ويطلبو الحاجة بالنفخة ويزعفو على والو بعال الى يانا علدة عندهم ... لا هما لا عرايساتهم بجوج ... الا نتي سبحان الله اللي كضحكي وباينة على وجهم قلبك ابيض
اسراء: انممم. . . واجي نقوليييك...شحال من عام ونتي خدامة هنا ؟
حادة: ايييه على شحال من عام ... من نهار عقلت على راسي وانا هنا ودابا راه عندي 34 عام ... خرجات مني الحاجة الشيب ودوزات عليا المحاااين ... ولاكن فالحقيقة واخا هاكاك مكدوزنيش ... ومرضت وقفات معايا وشحال من حاجة دازت عليا ومدازتنيش...غير هوا الله يهيدها طبعها صعييييب ولسانها ماضي وااعرة واعرة واعرة بزااف وقااادة وشادة ومجبدة ... لامعايا لامع عرايساتها وبناتها
حادة: الهضرة بزااف والسكات حسن ...وراكي عارفة راه الهضرة لابد منها وعاد نتي عروستهم الجديدة ضااروووري ميشربو عليك اتاي
اسراء: هه! انا غييير ساااهلة ليهم ... مالقاو معااامن ، جاوني فاللعب اللي كيعجبني ونيت باش منحسش بالقنط ... الرواج فهاد الرياض مكاينش الملل كل نهار وشنو ميوقع فيه
حادة: راه بلعكس...الدنيا مهدنة دابا حيت فاش كيجي سيدي يحيى كلشي كيدخل سوق راسو ... حيت هوا الوحيد اللي على سبة وباغي يسكن بوحدو ومكيبغيش الصدع والهراج ونص اللي كيوقع فهاد الرياض راه مكيوصلوهش ليه حيت صعيب ودغيا كيشعل ...داكش علاش حتى هما كيتفاداو الصدع والمشاكيل لاش يرتاحو فالدماغ ديالهم
اسراء: لاااالا بلعكس يحيى ضرييف غير مزال مكيعرفوه
حادة: هييييه! راه نتي الاللة اسراء اللي مزال مكتعرفيه...شتي هوا وباه بووووحدهم وياك كتشوفي الحاج كي ضريف ...اسوا راه نهار كينوض حتى هوا بحالو بحال يحيى كيتهز بينا الرياض ويتحط وكنخافو غير طيح شي روح وترجع على الراس بالبرودة
اسراء: تلله يستر ويحفظ الله ينجينا من المشاكيل والهم
حادة: هييوا داكشي علاش مهدنة الدنيا ... وغييير بلاتي يمشي وتشوفي الحاجة كي كتولي ... مدوزاها علينا كاملين ... كتبغي تكون هي اللي عندها العصمة فيديها و زير على كلشي
اسراء : كتعوج) ههااايوااات على ... متلقات معااامن . عندها الزهر غنسافر معاه ومغنخضرش لهادشي ...اما كن شفتي على عينيك المسلسل اليومي ديالنا
حادة:اش بغيتي يا لاللة اسراء بهادشي ونتي مزالة صغيرة وماعندك صحة ليهم ... وكتشوفي هما كل وحدة قداش صحاااحات يديرو منك جوج
اسراء: ايوا اللي سميتها مرى تحط فيا يدها ... حتى انا طوييلة تبارك الله واخا رقيقة راه ميخلعونيش ... مهم بلاش عليا هاد لاللة اللي كتقولي ليا كتشرفيني بيها ..عيطي ليا غير بسميتي ويالاه معايا الا ساليتي راه بغيت اللي يعاوني نجمع حوايجي
اسراء: اوييلي متبكيش ... شوفي انا حسبيني بحال ختك اللي حتاجيتيها اجي عندي . . . واخا هاد الرياض الله يحفظ تجمعو فيه غير البلاوي ... مغانكونش وحدة منهم ونحرت على الناس الله يستر
حادة: الله يكتر خيرك ويخلي ليك سيدي يحيى
اسراء: ههه امييين
قالتعا وحناكها مزنكين وكملات معاها حادة حميع الحوايج بحماس وفرحة كبيرة حتى سالات ونزلو لتحت تجمعو على العشاء ... بفا شي كيخمزر فشي الوقت كامل حتى تجمع العشاء وتفرق المجمع ...مباشرة طلعات اسراء عند القطة طعماتها ورجعات لبيتها كتقابل راسها حدا المراية كالعادة ، بينما يحيى بقا فالصالون جالس بجيدة حتل رجليه ومربع يديه مع جوتو الرجال والاب الحاج.
الحاج: انا جمعتكم اويلاداتي باش نحيد التقليد على رقبتي ... وغنديرو انشاء الله صندوق الخزينة باش المداخل ديال البزارات كاملة تمشي ليها ... ويدوز ملشي قدام عيني باش ليوم غدا نبغي نعطي كل واحد حقو مانكونش ضلمت شي واحد
علي: ماقلتي عييب الواليد ... كتاب دالبزار اللي شاد انا راه عندك وكلشي كيدوز للخزينة
الحاج: الله يرضي عليك اوليدي
عبد الحفيظ وسماعيل ماعجبهمش الحال وبداو كينفخو ويسوطو بلا ميتكلمو
الحاج: ولدي عبد الحفيظ...غدا انشاء الله دوز ليها الفلوس كاملة للخزين
جاوب عبد الحفيض بانزعاج: الحركة ناااقصة والمدخوول والو الواليد
الحاج: ايوا وهاد الكتاب اللي مقيد فيه كلشي بيديك كيكدب؟ ونتا يا اسماعيل فين مدخول البزار اللي شريتي ...راه على سميتي ولا نسيتي راسك وبغيتي تاخد كلشي؟
اسماعيل: كيما قالك عبد الحفيظ ... الخركة ميتة والريال اللي دخل يالاه كيقدنا باش نشريو سلعة جديدة
الحاج: ماقلتو عييييب... ايوا اراو ليا السوارت نوض من غدا نوقف على شغلي بيدي ... ونتوما جلسو واكلين شاربين حتى نهار نبغي نفرق ونعطي كل واحد حقو
تعصب عبد الحفيض الابن البكر اللي كيبلغ من العمر 43 سنة وجاوب بصوت مرتفع
عبد الحفيظ : هي داااابا حنا ولينا كنسرقو
هضر يحيى بصوت منخفض وهوا على نفس الوضعية: مكتهضروش بالجهد احفيظ .. راحنا غير حداك
شاف عبد الحفيظ بغضب: ياك اسيدي نتا عندك اللي يتحرق ما يتم ... مالك مدخلك راسك معانا ؟و
ناض وقف يحيى مخرج عينيه ودافع وجهو فوجه عبد الحفيظ وجاوبو بصوت غليظ قوي تعاود بالجهد وسط البيت حتى خرجو العيالات كيتجاراو ونزلات اسراء كتجري من الفوق مخلوعة هي وحادة
علي: بردو السوق ... حفيظ الله يجازيك بيخير احترم تحترم
عطاه يحيى بالضهر وكيمشي ويجي : جاي يتحاسب معايا عندك ما عندك !!(ضرب دراعو) خدم بدراااعك نعرفك رااجل متعولش على شي حد ومتحاااسبش معاااايا مكنتيش كتسهر عليهم باش تجي تقوليا عندك ولا معندكش !
عبد الحفيظ نقص الصوت ومعاودش هزو ورجع كيرطب باش ييحيى يسكت : خلييه خليييه مندييرش راسي فخويا الصغير ... خلييه يهضر
يحيى: خوك الصغير مكيرضعش صبعو ... وخلييينا الله يحفضك نخرجو شي هضرة اللي ماهياش
خرج يحيى من وسط المجمع زعفان ووصل حتى للدروج وعيط بغضب
يحيى: اسراااء... طلعي
مشات تبعاتو كتعتر فالدروج حتى للبيت ودخلات موراه سدات الباب ... جلس على الفوطوي عاقد حجبانو والتيلي فيدو ...مشات اسراء عندو بابتسامة تلطف ليه الجو ، جلسات بجنبو ودارت يدها مور ضهرو
اسراء: يحيى...اجي تنعس حط عليك هاد تيليفون
جاوبها بجدية : لا غير تنعسي
اسراء: ونتا غتبقى جالس هاكا؟
يحيى: سيري نتي نعسي ...والمرة الجاية متعاوديش تهبطي الى سمعتي شي صداع بين الرجال
اسراء: انا مفهمتش واقع سمعت صوتك مجهد وهبطت وصااافي
يحيى: انا هضرت دابا ... ومرة اخرى متعاوديش
مرضاتش يهضر معاها بطريقة قاصحة وردات عليه بعصبية : مااالي انا شنووو درت ليييك .. هبطت بحال كلشي علااش غير انا.؟؟
خرج النفس من نيفو وقال: سيري تنعسي
وقفات: ماناعساااش ومتجيش تعصب علياا
هز عينيه فيها بنضرة حادة وحرك راسو: سيري تنعسي الليل هادا ... فاش تشوفي بنادم معصب ميكي عليه تفاهمنا
قلبها على ضهرها بالزربة كيحرك وجها ويفيقها بلا جدوى .. فتح ليها عينيها يقاهم مقاوبين لفوق وزاد تخلع وبدا كيزعزعها من كتافها ويحركها ميهضر معاها ويبوس فيها مخلوع حتى عيا وناض بالزربة دخل للدوش وهي تفتح واحد العين حابسة الضحكة ورجعات لوضعيت الاغماء من جديد فور ما شافتو خارج من الدوش هاز الماء فيديه . فزك يدو وبدا يدوز ليها على وجها فالاخير هز غطاء لواها فيه وهزها بين يديه
اسراء: اننه اااه..اننمم
بدات كتحرك راسها بشوية ورجع حطها على السرير وتكى كيفيقها
خرجات سامية كتعوج فالمشية وجلسات دابرة رجل على رجل كتعوج فوجها وتشوف فاءسراء ... جابت حادة القصرية فيها كسكو سخون كيفوور يالاه هزاتو من فوق البوطة وجابت الابريق ديال الماء وحطاتهم قدام الحاجة فالفيناء فوق الطبلة .
الحاجة: زيدي ابنيتي نوريك كي كيديرو للطعام
هزات لاسراء يدها بأدافرها الطوال والسرتلة وحطاتها مباشرة وسط كسكسو ودوراتها حتى غوتات اسراء فالسماء وهزات يدها بالزربة محروقة ، مابان ليها غير الغلاي دالماء وشداتو كباتو كامل على يدها وعلى كسكسو وكتهضر وتسوط بفمها علي يدها
اسراء:خوي بعدا عليه غير الماء بااارد اححح حرقني
الحاجة: ويييلي وحدي رجع كسكسو سيكوك ... (شافت فاسراء بغضب) واش حنا كنخويو عليه الماء!! شوفي كي رجعات النعمة
سحر : وصافي دابا قولي ليا دابا واش بصح عَلي هضر مع راجلك وبغا يتزوج بيا ... قولي الصراحة راه حتى انا من العرس وانا عقلي معاه
اسراء: كيشبه فيحيى شوية ياك وضرييف على يحيى
سحر :ههه ...اجي وشكون الكبير وشكون الصغير فيهم؟
اسراء: يحيى الصغير ولاكن متفاوتين بشي عماين وصافي
سحر: وانا جاني علي هوا الصغير
اسراء: لالا يا الحبيبة يحيى الصغير غير هوا وافي بحال هاكاك كي الغول ... يدو قدها قد فخدي وقاصحة بحال الحجرة... لبارح فالصباح كنت ناعسة وحطيت يدي على كرشو قلت ليه بدات كتبان لبك الكرش ههه وقالي غندخلها
سحر: عاادي الراجل كيتزوج كتبدى تخرج ليه الكرش ... مهم انا بغيت علي وحتى انا حمقني فالعرس والليلة كاملة وهوا عينو عليا
اسراء: انا غا داك السدر اللي عند حمودشي بغيت بحالو ... يا اما يكبر بخاطرو ولا نفخ والديه صحة ... اوييلي راجل وعندو الصدر عليا وحسن من 100 ببنت! وغير بالكريمات والبرودويات ...غير بلاتي حتى نمشي لدبي ونقوليه يديني لكلينيك عند جويل فأبو ضبي ندير تصفية على الجلد كامل ويصايب ليا سناني حتى انا بحالو
سحر: اويييلي راهم مصايبين اش غتصايبي فيهم؟
اسراء: لا اختي بغيت غير نضحك نعور عباد الله ...ندير حتى انا لبيوضة د آتشي مالي معلياش الله غير هوا اللي يضحك وانا منضحكش! مهم نوضو يالاه نمشيو ... نتي نخليوك فالصالون صبغي وقطعي وانا وسحر نمشيو عند شي عطار نشري داكشي ونرجعو عندك باش نصبغ حتى انا ضفاري ندير ليهم جيل فمرة وحدة باش منبقاش كل مرة تقشر ليا ةنصبغ... اللهم صباغة بيرمانونط نديرها وتبقا ليا كيما هي حتى نرجع
طلعات للبيت كتقلب فالماريو ديالو وتبقش بالزربة حتى لقات كوفر ديال الحديد غليض داخل فالحيط وجربات تحلو لقاتو محلول فيه الفلوس وهزاتهم مكمشة عليهم كتحسب ورقة بورقة وتجمع فيدها تاسمعات صوت يحيى من الباب وهي تنقز فبلاصتها طيحات الفلوس فالارض تشتتو وبقات واقفة مصدومة وشادة فالماريو
يحيى: اسراء! مالكي شكاديري؟
جاوباتو كتمتم بارتباك : مم معرفتش...طاحو طاح طاح..واحد سراق زيت كك كان طالع فماريو وو هزيت الصندالة بغيت نقتلو ...ياااك .او هوا يدخل ليا ولد الحرام فالفلوس ديالك وجبدتهم باش نقتل داك سراق الزيت ولد الحرام
وقف قدامها حاط يدو على حنكو شاد الضحكة : ولد الحراام
صايبات دفارها كيما بغات و شعرها وكل ما كانت ناوية تصايبو ولبسات تقاشر ولاحت الشال على راسها وناضت خلصات و خلات الباقي للبنات ومشات فحالعا مع خواتاتها تقدات كل ما كيخصها ورجعو كيتمشاو على الرجل ويتجمعو
اسية: بااينة خلصتي الضريبة فاش رجعك من الباب ههه
اسراء: اللهم نخلصها دابا ولا يخليني حتى نرجع مقادة الحالة ويخسر ليا كلشي وغدا مسافرين فالصباح بكري مع الستة
سحر: اححم ... علي طلب ليا النمرة وعطيتها ليه
اسراء: ايوا مزيان شدي معاه الستون راه ناوي المعقول... يالاه ندخلو للدار راه تعطلنا
دخلو للرياض جلسو شوية مع العاءلة من بعد توادعو ومشاو . طلعات اسراء لبيتها تالفة كتجمع حوايجها ... شوية دخل يحيى لقاها محنية على الباليزة كتستف والزيف حياتي على راسها جامعة بيه شعرها وبينوار قصير لابساه كتحرك بيه . سد الباب ووقف عليها
يحيى: توت ! مالكي على هاد الشدة
اسراء: باش يبقى شعري شاد
يحيى: ههه اللي سمعك يقول عندك جيكس
اسراء: مكيبغيكش يتلوى ليا دغيا كيهبط داكشي علاش
يحيى : هااكاك...اجي... نوضي نشوف
اسراء: شنو؟
يحيى: هه شنو درتي لوجهك؟
اسراء: غير واحد الماسك ديال الالويفيرا ... نديرو ليك؟
هزات دجين قصير ازرق فيه تقاطع خفاف لبساتو ولبسات قميجة غوز مغلوق بلا يدين عقداتها على كرشها وصبادرية كحلة ديال فيندي فيها الريش لقدام فالغوز وهزات صاك صغير فيه حجر كبير مزوق بالالوان عندو صمطة طويلة .. حيدات الكوليي والسرتلة وخلات سنسلة رقيقة وخاتم فيدها وجلسات حدا المرايا صببات وجها بمكياج خفيف وطلقات شعرها كامل ... شرات ريحة فالهوا ودازت وسطها وجمعات حوايجها وناضت وقفات تلفات مع يحيى داخل للبيت لابس شورط قصير رمادي وتيشورط ازرق غوايال مع حظاء رياضي فالازرق والنضاضر معلقين فالجيب دالشورط
يحيى : صافي ساليتي؟
اسراء: اه .. فين كنتي؟
يحيى: هبطت لتحت وصافي ... يالاه جري باليزتك الصغيرة انا غنهز هادو اللي كبار
اسراء : واخا
جرات باليزتها فيدها ونزلات لقات الكالم والسكات فالرياض ... الكل باقي ناعس ا عدا العصافير والطيور اللي كتغرد .
خرجو فنسيم الصباح العليل واتاجهو للمطار نيشان .
اسراء: والطوموبيل فين غتخليها؟
يحيى: هنا فالمطار ... ديما كنخليها هنا فواحد البلاصة كنخلص عليها باش فاش نرجع نلقاها ونجي فيها
اسراء: ااه ... شنو نزلو؟
يحيى: يالاه
نزلات كتعوج جامعة الضحكة والفرحة غتخرج من عينيها ... سرحات عينيها فالمطار كتشوف شي داخل شي خارج وزادت تحمسات . جرات باليزتها ومشات حدا يحيى اللي عمر الشاريو بليفاليز ودخلو . دارو الاجراءات و سيفطو الحقاءب الكبيرة و اتاجهو فانتضار الطيارة تقلع . جلسات دايرة رجل على رجل عاجبها راسها وكتصور وتعاود ويحيى شاد الاوراق فيدو كيقراهم حتى وصل الوقت وناضو
يحيى: اجي من هنا فين غادا؟
اسراء: وياك الطيارة هاديك اللي لهيه وها الناس كيمشيو
يحيى: هاد البلاصة ماشي بحال لخرى ... لهيه كراسة ديقين وبحال ترات ولامن هنا لا عندك تلفازة بوحدك وكرسي عريض الى بغيتي تنعسي كيرجع ناموسية تجبدي فيها والى جاك الجوع تشهاي كي بغيتي
اسراء: اوييلي على نعس!
يحيى : ههه راه جبدة ديال الطريق وغتملي ويجيك النعاس
اسراء: امم .. (هزات راسها ) مكاينش الناس هنا بزاف غير شي تلاثة
يحيى: وتلقايهم رجال اعمال ولا شي وحدين لاباس عليهم ... فيك الجوع؟
اسراء: لا مسدودة ليا الشهية ..
بدات الطيارة كدور وتحرك وتشد الطريق ديالها واسراء كطل من الزاج ومتبعة حتى بدات كتجري بالجهد وهي تشد ليحيى فيدو
اسراء: خفت
يحيى: اجي
عنقها وهي فالبها عينها كتشوف فالزاج تا بدات كطلع من فوق الارض وناضت كطل وضحك فرحانة ... الوقت كامل وهي متبعة الطيارة وكتصور وتسنابي حتى عيات وهزات واحد موني قدامها حلاتو وتلفتات عند حيحى لقاتو متكي محيد السبرديلة ومسرح رجليه بالتقاشر بيضين وساد عينيه
اسراء: يحيى ... يحيى
حل عينيه: نعام
اسراء: بغيت هادي
يحيى: جاك الجوع؟
اسراء: لا غير تشهيت هادشي
يحيى: واخا
ضغط على زر حداه وفرمشت عين حضرات المضيفة خدات طلباتهم ومشات جابت بلاطو فيه كريب بالشكلاط والفريز وكاس دالليمون وحداهم صيكارات ديال سابلي وزلافة صغيرة بجنبهم فيها فرماج دايب مع قشدة .
رجع تكى وخلى اسراء كتفطر تاسالات ودارت شرع يدها ... ضغطات على الزر عطات البلاطو للمضيفة ورجعات تمشات . . . بقات شوية وعاودات ضغطات عليه طلبات الماء ... مالقات مادير وعجبها الزر وبقات كل مرة ضغط وكل مرة تجي عندها وحدة فشكل ، مرة بغيت كلينيكس ... مرة تشهى شي حاجة ويجيبوها مرة موناضا مرة عصير تا تكهمات وفيقات يحيى جر ليها الكرسي بخال اللي داير رجع سرير وتكات حداه كتلعب ليه فيديه وفصبعانو وهو مرخي حتى نعسات
فاقت على صوت يحيى كينوضها و بلا متعطلو ناضت بالزربة
يحيى: وصلنا يالاه نوضي
اسراء: ولاكن باقيين فالسماء
يحيى: الطيارة كتنزل درجة درجة غير فيقي
اسراء: اااه بصح كنحس بيها كتهبط كتهرني فمعدتي
يحيى: ههه كترتي الماكلة تا بقات كتعوم ليك فكرشك .
اسراء: نتا مكليتي والو
يحيى: نتي كليتي ليا حقي
اسراء: ههه بصحتي
يحيى : شوفي شوفي هاهيا كتبان ليك تركيا من الفوق
اسراء: واش اول مرة تجي ليها نتا؟
يحيى: لا سبق ليا وجيت شحال من مرة
اسراء: بصح ! وشرم الشيخ مشيتي ليه؟
يحيى: مشييت ههه والاهرامات القاهرة والنيل والغردقة زوييينة وسفاجا حتى هي زوينة ... العين السخنة والاقصر هادو كنت باغي نمشي ليهم مي مابقاش ليا الوقت ... هادو ديما سخان صيف وشتا وبزااف ديال البلايص فمصر زويينين غير وجدي سبرديلتك حيت الصندالة ماصلحاش ليك
اسراء: تكات على فكها بالتسامة ) اهاه وفين مشيتي عاوتاني ..شحال من دولة
يحيى: ههه ... بلا حساب ... الاردن للبحر الميت هاداك يصلاح ليك مع نتي مكتعرفيش تعومي ... تما عومي جالس مكيغرقش
اسراء: حلف ... نمشيو ليه
يحيى: نشوفو الى بعدا الوقت واش كافي
اسراء: ويد كمل ... اوروبا مامشيتيش ليها؟
يحيى: مشييت... المانيا ، لندن ، كرواتيا ، سويسرا ، ماليزا ... هونك كونك الى بغتي تمشي نديك بلا فيزا كتمشي .. طانزانيا مشيت ليها تا هيا عندها لوكو ديالها ونتي كتبغي الحيوانات شي مرة نديك ليها ... وزيد زيد .. مريكان فرنسا طاليان اسبانيا بزاف ديال الدول
اسراء: ههه ايوا واش كدير فيزا حتى نتا؟
يحيى: لا عندي جنسية اماراتية .. مكيلقاوش معايا مشكل وعارفين اماراتين معرووفين بالسفر كيحسابهم حتى انا اماراتي
اسراء: هزات حجبانها) كتعضر بالخليجية؟
يحيى: أ لاا! هههه انكلش فين ماشيت وحتى الامارات غالبا لونكلي وضاروري تهضر الخليجية عاوتاني... هانتي وصلتي على سلامتك
تلفتات جيهت الزاج لقات راسها قريبة الارض وبدات ترعد مخلوعة تا نزلات الطيارة عاد تنفسات
يحيى : يالاه
نزلات من الطيارة بحال الى نزلات فشي موكب اخر ... بقات مضهشرة كتشوف هنا وهنا ... الريحة والهواء مختالفين الاصوات مغتالفيت الوحوه مختالفين كلشي مختالف ... دخلات شادة ليه فيدو وحاللة فمها فعباد الله وسط المطار ويدها على صاكها .. دازو من الاجراءات ومشاو هزو الحقاءب وخرجو من المطار ... طلباتو ياخد ليها صور وصورها فالباب دمطار اتاتورك اسطمبول ومشات لسقات فيه ... وقف طاكسي وطلعو
اسراء: فين غنمشيو دابا
يحيى : غنباتو هنا اليوم ... حجزت من المغرب فاوتيل هنا فاسطمبول فتقسيم جا فشارع الاستقلال منها نتساراو شوية وتشوفي الشارع ديالهم المشهور ومنها نرتاحو وغدا نمشيو لانطاليا
اسراء: هههه صاافي
فرحات حتى تسدو عينيها ... حطاتهم السيارة فباب الاوتيل فالشارع المشهرو وتعرضو ليهم هزو ليفاليز وشد ليها فيدها مدخلها وهي تالفة حاللة فمها ... طبعا لانعا اول مرة تخرج من المغرب وتحقق حلمها اللي لا طال ما كانت كتمنى تزهق شي زهقة للخارج برى البلاد واها تكون فين ما كانت .
طلعات للشومبر سرحات عينيها جاتها عادية لان غرفة نومها هي ويحيى مجهزة كتر من غرفة الاوتيل . بقات واقفة تا تسد الباب
يحيى: واخا بلاتي ندوش باش نحيد العياء و كولي شي حاجة ..
اسراء: لالا العشية هادي يالاه نخرجو حتى نرجعو ودوش عافااك اهنننهننن غدا غنمشيو من هاد البلاصة بغيت ندور وناكلو برى
يحيى: هههه (بدا كيحرك راسو ) لا الاه الا الله وصافي .. يالاه زيدي ..
سبقاتو هازة تيلي فيدها مزكلات حتى بلاصة ومصوراتها وهوا موراها كيضحك . خرجو للشارع وهي تحل فمها
اسراء: يالاه نركبو فهاداك
يحيى: فيين؟
اسراء: هاااداك هاااداك ... هاداك الحمر راه راكبين فيه النصارة عاافك اهنن
يحيى : اننهنن اهننن ههههه بكي بكي
اسراء: وصافي متبقاش تعيبني ... يالاه نمشيو
يحيى: اجي بعدا خصني نكري شي طوموبيل هي اللولة عاد نشوفو الدوران
اسراءة : ههه صافي واخا
عنقات ليه دراعو ومشات كتبوسو فكتفو فرحانة وكتلوى كي الدراري الصغار ، دخلو لاجونص السيارات وقادهم لمكان جميع السيارات يشوف اللي تناسبو ... شار بيدو لمرسيديس حولية وهي تنقز عليه اسراء مشاتت ديريكت جيهت كاط كاط" اودي " باقا جديدة وشدات فالباب كتقوليه بعينيها هادي ... تلفت يحيى لصاحب الشركة وطلب يخرج ليه السيارة اللي بغات اسراء . حط شيك كضمانة وهز السيارة خرجها ركبات اسراء كطير حداه فرحانة طلقات اغنيتها وداها كيدور بيها فالشوارع ...
😇البنات هاد الايام كنحط معطلة حيت العراسات وداكشي راكم عارفين وحتى لليل عاد كنجلس المهم تسالي هاد الروينة ونرجع نقاد توقيت باش حتى نعس بكري .والله يرزق كل وحدة بفارس احلامها
ساراها بالسيارة فالشوارع وهي ساهية فالزاج كتفرج وعاجبها الحال ... كالعادة مسلمش التيليفون ديالها من التصاور والفيدوات فالسناب شاط ... ضلام الحال وتشعلو الاضواء وعطات المدينة سحرها وجمالعا لزوارها . رجع يحيى وقف السيارة ونزلات شادة فيه كتنقز ... عنقها بالتسامة وباسها فحنكها وهي لدورها لفات يدها على خصرو من اللور ومشاو ... داير يد فالجيب ويد على عنقها ... يدها هي على خصور ويد شادة بدو المدلية على كتفها و كيتمشاو فالشارع المشهور شارع الاستقلال المزدحم بالناس والسياح ، الابتسامة مفارقاتش شفايفها الجميلة ؛ وفكل مرة دازت حدى شي علامة تجارية كتوقف تشوف فالزاج وتسرح عينيها وتكمل الشوفة لداخل ومكاتخرج حتى كتخرج فيديها صيكان من المشتريات ... تسارات حتى شبعات وشرات من الملابس والمكياج ولاحدية والحقاءب وملابس السباحة حتى عيات ومنساتش الهدايا والتذكرات . تلفت يحيى شافها سارح فملامحها بابتسامة وقال بهدوء
يحيى: انا فيا الجوع ... ونتي مجعتيش؟
اسراء: ااه فيا ههه مكرهتش ناكل كلشي
يحيى: يالاه نمشيو
كمل طريقو معنقها وهاز معاها المشتريات ،، دخلو لسوق مغطى مشهور بالاطعمة والمأكولات والحلويات ودخلو لمطعم كبير جلسو
اسراء : مكنحملش داكشي بمرة كيما بغا يكون ... وكنتقصح بزااف بحال الى كنكون فالحرب
جمع يديه وتكى على جنبو كيشوف فيها مطولا... عاود تنهد وزير على عينيه بصبعانو وشاف فيها
يحيى: قبل متزوجي بيا ا اسراء ... واش كنتي كتبغي شي واحد
اسراء: انا ! ههه لا
يحيى: سبق ليك بغيتي شي واحد من قبل
اسراء: امممم .🤔 غير اعجاب وصافي
عقد حجبانو وبلع ريقو : شكون هادا ؟
اسراء: واحد الولد كنت كنعرفو وصافي
بدا كيتنفس بالزربة عاقد حجبانو وهادىء فهضرتو : اممم...باسك شي مرة ولا قرب ليك
خرجات عينيها: هييه! الله ينجيني اصلا غير كنعرفو وصافي وهوا عندو صاحبتو
يحيى : امم... شد ليك شي مرة فيديك ؟
اسراء: هههه على كتسول؟
يحيى: شد ليك فيدك ياك
اسراء: واحد المرة وصافي
يحيى: فاش شد ليك فيديك حسيتي بشي حاجة
اسراء: مافهمتش
يحيى: حسيتي بشي سخونية مثلا ... قلبك كيضرب ... معدتك تكمشات بحال الى تغطيتي بشي سخوونة
اسراء: ا ااه هههه
يحيى: حسيتي بهادشي
شافت حشمانة وحركات راسها بالايجال ... قلب وجهو للجنب لبضع ثواني ورجع شاف فيها
يحيى : كن باسك كنتي تحسي بكتر وطلع معاك السخونية ويعجبك الحال ... وكن جربتي تنعسي معاه كنتي غتستسلمي وتنساي راسك وتجاوبي معاه ... دونك انا لالنسبة ليك صديق وصافي ... لا اعجاب لا حتى شي حاجة من هادشي ... عادي ماشي مشكل من حقك
شافت لونو تبدل وهي تصدم
اسراء: لاا ايحيى ماشي هاكا ... بلعكس كنحس بإعجاب من جيهتك و .. (بغات تعنقو)
يحيى: شد ليها يديها وبعد راسو ) ماشي مشكل ا اسراء حنا غير كنهضرو عادي (ابتاسم ابتسامة خفيفة) نعسي دابا ورتاحي
ناض حل لبلاكار وهي كتشوف فيه لاستغراب ... لبس شورط وتيشوط وكلاكيطة ومشا جيهت الباب
اسراء : فين غادي ؟
يحيى : غير هنا ونجي (ابتاسم) غير نعسي باش تقدري تفيقي الصباح
خرج وسد الباب وجلسات هي ساهيا كتفكر فالحوار اللي دار بيناتهم ومقابلة الساعة قدامها والموري كيدور وهي كتسنى وملامح الندم على وجها ... كيفاش حتى هضرات معاه هاكاك وكيفاش حلات ليها الهضرة وطلقات العنان ... كتساءل مع نفسها وعينيها على الباب كتسناه يتحل ... بداو عينيها كيتسدو وتكات راسها على المخدة كتشوف فالباب حتى نعسات.
فاقت على صوت التيليفون كيصوني ... طلات لقات الساعة المحققة هي اللي فيقاتها ... تقلبات للجهة الاخرى لقاتها خاوية ... بلاصت يحيى خاوية وعرفات راسها باتت بوحدها فالغرفة
عرفات راسها باتت بوحدها فالغرفة ، ناضت كتجري خرجات للبالكون طلات لقات الشارع خاوي وحتى واحد مكيدور فيه والمحلات التجارية سادة وكلشي باقي ناعس تنهدات وتمات راجعة لداخل ... مع حيدات الخامية شافتو داخل مع الباب ومشات كتجري عندو
اسراء: فين كنتي ؟ فين نعستي؟
يحيى: يالاه لبسي حوايجك باش نمشيو
باسها فحنكها وطبطب على كتفها ودخل للدوش . لبسات حوايجها وهي مرفوعة كتفكر... خرج كيمسح شعرو ومشا نيشان لبس دجين وقميجة بلو مارين ومهضر ما تكلم حتى سالات وصايبات وجها كيما العادة عاد تلفت ليها
يحيى: صافي؟ نمشيو؟
جاوباتو بصوت خافت كتشوف فالارض : يالاه
نزلو طلعو فالسيارة وانطالقو ... الطريق كاملة وهما ساكتين كيتسنطو للموسيقى .. هوا سايق كيشوف قدامو وهي متكية راسها على الزاج كتفرج فالطريق .
وصلو لعروس الساحل التركي " انطاليا " ، وسط المدينة اجواء اخرى ... الطبيعة ونسيم البحر العليل . بغات تسول وبغات تهضر ومقدراتش.
. فكل مرة كتلفت ليه كتلقى نضراتو صارمة وكتراجع وكتسكت حتى وصلات للفندق وهزات عينها كتشوف الحجم والشكل ديال الفندق والطبيعة اللي دايرة بيه ... بدون شعرو شدات ليه فدراعو
اسراء: واااو ... وااعر
رد عليها بابتسامة : عجبك؟
اسراء: زوييين
يحيى: سميتو دلفين امبريال... كيطل على البحر من الجهة الاخرى... يالاه نمشيو
وهي كتشوف فجنابها بانبهار شدات ليه فيدو بعفوية بلا متقصد .. دور عينو مليىءة بالحزن شاف يدها فيدو وهز عينو فيها وهي كضحك قالبة وجها وفرحانة بالمكان .دخلو للفندق وتبعوهم الحقاءب وتاجهو لغرفة اللي غتجمعهم لمدة اسبوع فانطاليا . دخلات وطلقات منو وبدات كدور فالبيت فرحانة بلونو الابض الناصع وفراشو الاحمر الفاقع والماء اللي كينزل من الروبيني بضوء احمر ....مشات كتجري للبالكون طلات لقات مجموعة من المسابح على شكل اسماك والبحر قدامها صافي وهادىء عجبها المنضر والاوتيل وكل حاجة دايرة بيها ...تلفتات فرحانة كتشوف فالبيت مالقاتش يحيى فالغرفة ، استغربات شوي من بعد مهتماتش ومشات لباليزتها حلاتها ... لبسات مايو ابيض وكاش لتوب ازرق شفاف وجمعات شعرها سفنجة منكوشة فوق الراس ... خشات صندالة بيضاء فرجلها وعمرات القفة ديالها بليبرودوي وهزات نضارضر فيدها ، مع الوقفة دخل للبيت ابتاسم ليها وهي تجرو بعفوي
اسراء : يالاه نهبطو
يحيى: بلاتي ندوش... عييت مع الطريق
اسراء: واخا انا نتسناك متعطلش
خرجات جلسات فالبالكون حتى دوش ولبس شورط قصير ازرق وتيشورط بيضاء وكلاكيطة فرجلو ونزل معاها . جلسو مقابلين فوق الرولاكس. طلبات كوكطيل من الفواكه الطازجة هي وياه وعطاتو ضهرها .. بدا كيدهن ليها وسارح حتى ناضت من قدامو
اسراء: يالاه نعومو
يحيى: غير هبطي نتي وشوفي بعدا واش غارق راه كلشي مكتوب فالارض
اسراء: لا مغترقش هادا
يحيى: سيري هانا هنا
اسراء: بغيت بحال هادوك
يحيى: فين ؟
اسراء : البووي... منعموش غير نعس عليها
يحيى: واخا
اسراء: بغيت ديال الدلاحة
مشا جاب ليها بووي على شكل مثلث ديال الدلاحة ونزل فالماء شدو ليها تا طلعات عليه وطلقها كتشمس فوق منو ورجع تكى فبلاصتو ساهي فيها وهي فوق الماء.
داز نهارهم فالمسبح وبالليل هبطها لنادي ليلي سهر معاها تا عيات مابقاتش قادة توقف بالطالون وهزها ميتة طلعها للبيت حطها وحيد ليها الصباط من رجها وتكى حداها على جنبو كيشوف فيها
اسراء: فيا النعااس
حط يدو على وجها كيمررها بحنية وقرب منها قبلها من شفايفها ، استخلا القبلة وبدا كيسخن ويمرر يديه على مناطق جسمها ويقبل عنقها وصدرها وهي كتشوف فيه بلا مدير حتى حركة .. شوية بعد منها وناض وقف هز تيليفونو كيشوف فيه ويهضر
يحيى: غير نعسي ... انا غنخرج شوية ونرجع
مرضاتش عليه لان عينيها تقال بالنعاس ودغيا استسلمات للنوم وخرج هوا من الغرفة خلاها ناعسة
يوم جديد ... وكالعادة فاقت من النعاس ماقاتوش حداها .. ككل ليلة كيدوز عندهم النهار زوين ضحك ولعب وفالمساء كيخرج ويخليها ناعسة ... فكل ليلة كيقرب منها وكيوصل حتى لنص الطريق و يحاول يحسسها بالمتعة كيكون الجاوب عندو هوا نفسو اللي مكيتغيرش ، كتجاوب معاه بصراخات الالم وكتوقفو بعض المرات مكتخليهش يكمل ... وبسرعة كينوض ماعاجبوش الحال ويخرج لبرى .
اليوم حلات عينيها متعودة متلقاهش بجنبها. ناضت كتكسل دوشات و خرجات فالبينوار لقاتو ناعس فوق الناموسية على كرشو ، استغربات ولاكن قلبات وجها ومشات بدلات حوايجها ولبسات مايو ازرق بالكاش ديالو طويل حتى للارض ودهنات شعرها ومشات جلسات فجنب الناموسية دايرة رجل على رجل كتفيقو
اسراء: يحيى نووض... نووض بقا لينا غير هاد النهار وغنمشيو
رد عليه و جهو مخشي تحت المخدة : غير هبطي نتي مافيا اللي يهبط
ميمكنش نبقاو هاكا راه نقطة مهمة العلاقة الجنسية بين الراطل والمرى ويالا مبغيتيش شي حاجة قوليها نبدلوها والى عجباتك شي حاجة قوليها ... شوفي هاد السيمانة كاملة رجعنا فيها بحال هاكا
اسراء: معندي مندير انا مابغيتش داكشي
يحيى : غدا غنديك تشوفك طبيبة ودوز ليك على كرشك ونشوفو مناش هاد الحريق اللي كيجيك
اسراء: واخا
شاف فيها مطولا وضمها ليه مغمض عينيه حتى نعس.
فالصباح الباكر نوضها بزز كالعادة جمعات حوايجها وانطالقو فالطريق لمطار اسطامبول .. الطريق كاملة وهي ناعسة حتى وصل لاجونص فيقها وحط الطوموبيل ومشاو للمطار دوزو الاجراءات وطلعو يتسناو الطاءرة . تلفت جيهتها وابتاسم وعنقها
يحيى: باقي فيك النعاس
اسراء: اه بزااف
يحيى: يالاه ... الطيارة ديالنا غتحرك .. شبعي نعاس فيها.
نزلات الطيارة فمصر ونزلات اسراء فرحانة كتسمع غير اللهجة المصرية . خدا سيارة من المطار كراها من نوع كاط كاط كيما بغاتها اسراء فالرمادي مغلوق وشد الطريق لشرم الشيخ .
حجز غرفة فاوتيل فخم من التورات المصري . دخلات للغرفة عجباتها وفالحين جبدات فراشة قصيرة حتى للركبة فالاحمر لبساتها ووهبط معاها بالشورط وتيشورط معنقها ... كان الليل والاضواء خافتة والتاس كتعشاو بجنب المسبح ... مشات جلسات حداها فرحانة تعشات معاه وجلسو كيفرجو فالسهرات المقيومة بجنب البحر فالرملة . استمتعات بالجو والمأكولات والمشروبات حتى قرب يطلع النهار ومشاو لغرفتهم . نفس الشيىء كل ليلة ... كيحاول يتقرب منها كترفض
يحيى: اسراء: بزااف هادشي
اسراء: فيا النعاس
تعصب وخرج خلاها ناعسة . فاليوم التالي فاقت مالقاتوش وجلسات كتسناه حتى دخل وقفات معصبة
اسراء: واش كل صباح نفيق منلقاكش؟ فين كتمشي فييين؟ واش غنبفى كنتسناك هنا كل صباح؟
رد عليها ببرودة: يالاه لبسي نهبطو
عطاتو بالضهر كتسوط ولبسات ملابس السباحة وهبطات معاه للبحر . لبسها ملابس الغوص ولبسهم حتى هوا وغطس معاها شاد ليها فيدها كيوريها الاحجار الملونة والاسماء تحت الماء وكيصورها . استمتعو بالغوص وطلعها سخافنة كيضحك عليها . ساراها شرم الشيخ وشبعها تصاور وفي اليوم التالي لبسات كولون اسود قصير ودفرات شعرها وتيشورط كحلة وكاسكيط غوز وسبرديلة غوز وحملات شكارة خفيفة على ضهرها ومشا معاها لابس تيشورط زرقاء وشورط دجين قصر وسبرديلة زرقاء وكاسكيطة ونضارات شمسية . ركبو فالسيارة وداها للقاهرة .. شدو مرشد سياحي وساراهم على الاهرامات والمآثر النهار كامل وفالعشية ركبها فوق العود وركب موراها ومشاو كيتسارو مع السياح .. دازو بجنب رجال كبار جالسين فقهوة شعبية فالصحراء وحاطين شيشة برى كيشيشو ، شافتهن اسراء ودارت عند يحيى
اسراء: راااهم كيشيشو
يحيى: ههه ... زغلول هاداك
اسراء: زغلوووووول
فالتها بصوت مرتفع وكتشير بيدها وضحك
يحيى: هههه الله يمسخك الماسخة
اسراء: زغلووووووووول
يحيى: صافي سكتي هههه
اسراء: اجي بعدا شنو هوا زغلول؟
يحيى: شيشة غير هي كيحطو المعل فوق الجمر ماشي فوق بابيي وكيزيدو ليها الحشيش
الدخيلة الجزء الرابع
محتوى القصة
التنقل بين الأجزاء