اسراء: مافهمتش... فخباركم انا وياه بحال الى مزال مكنعرفو بعضياتنا ! مزال مكنفهموش وكل مرة كيقرب ليا بحال الى اول مرة يقرب ليا مزال مولفتو ومعرفتش طبعو .. وحتى هوا مكيتجمعش معايا باش نعرفو كي داير.. كل مرة كي كيكون عندو المورال
سحر: مخرجة عينيها) اهاه .. وكي داير داكشي
اسراء: محملتو ما قبلتو ... غير كيقيسني كيضربني الضوء
اسراء: كاع لا تيقي ... متخرلطيش بين الانوثة والجرءة فالشيكي وبين الجبهة المقزدرة وتخراج العينين فداكشي... راه ماشي وجهي صحيح حتى لديك الدرجة وراه كنمرك اصاحبتي وكنبقا نتخبى ... و ولد الحرام كيشعل دييييك البولة القوية مكيخليش الفايوزة بوحدها ... شتي واخا انا تاايقة فراسي وعااارفة راسي شكون انا وشنو عندي ولاكن راه كنحشم على زيني هييييهيهي
اسية: والخايب الى هاه الله ... بحالنا
اسراء: ما خيباااش! بلعكس زويينين غير خاصكم شوية ديال االتغيير .. توليو ايناث وصافي
اسية: واكملي ايوا ههه
اسراء: مهم بعدا النقا كوني نقية ميشمش فيك شي ريحة خايبة باش مينفرش ... واما الى كنتي مزوجة بشي واحد نقي وكيبغي النقا بحال يحيى موووصيباا ... انا مكنرضاااش نعس حداه ونشن فيه ريحة زوينة وانا لا... كنبقى ندور ندور حتى نولي نشم ريحتي وطلع ليا مع نيفي عاد نمشي نعس ... ديما فين ما نبغي نعس كندخل للدوش .. مع ظايرو ليا فبيت النعاس وزويين كيعجبني ندوش فيه .. كنغسل غير لحمي بلا منفزم شعري الى كان نقي .. وصافي كنمشي لداك المارشي دالبرودويات اللي عندي ونجلس حدا المرايا نطلس بوحدي وعمرة قالي سربي ولا صافي .. كيشد واحد الكتاب غليض ديال شي رواية كيقراها بلونكلي كل شوية وكيتكاااا كيقرى فيها حتى كنشف انا من كترت الذهييين ... ايييوا ونمشي نلبس ليك شي سوميج دو نوي ملسااااا نااااعمة داكشي حرييير ورطب كنحس براسي كنزلق فيها ومرتاااحة .. وعااااد كنمشي نتخشى حداه واخا مناويا على والو ولاكن كيعجبني نعس هاكا
اسراء: لوبيا .... منييين كتفهمي منييين ؟؟؟ راه قلت زعما بحال اللبنانبيين هما اللي معروووفين بالرمنسية والكلام الحلو... واخا حتى يحيى لهجتو فشكل ... ديك الدرجة ديالو مخلطة بشي كلمات خليجيين فاش كيكون كيهضر
سحر: ههه شكسقول ليك؟
اسراء: مزة هههه ديييما كيقولها ليا هههه وكان قال ليا واحد الليلة لقيت فيك كل ما كنختاج وكل ما كنبغي وكاع داكشي اللي كيعجبني وشي مرات حتى داكشي اللي مكنطيقش لقيتو فيك
اسراء: وشنو حساب ليك!!! غيبوس غير الفم ! كيتك داكشي اللي كان كيحسابني تا انا ساعة شفت العجب اللي عمرني تخيلتو .. كنبقى حالة فمي مصدومة كنقول واش اللي راه كيتمارس عليا هادشي ولا كدبت ... وداكشي مكنقدرش عليه وجهدو ماشي هوا جهدي كنحس براسي بحال المونيكة كيحركها
اسية: حلفي !!!!
اسراء: بلا منحلف راه فخادي زورق ... فين ما يبراو يجيو وحدين اخرين وكل ليلة كدوز عليا الحرب كنبغي غير نعس مكيخلينيش وعاااااد فاش كنوصل للصح كنحس بعيني غيخرجو من بلايصهم بالحريق ولحمي كيتجبد وكرشي كتبدا ضرني من بعد واخا كيحااااول زعما عليا ولاكن اختي ماااعنديش ليه الطاقة
الزوهرة: دخلات) اسراء تكلمي ليحيى
اسراء: جا؟
الزوهرة: نوضي راه واقف كيتسناا نوضي سربي متخليهش واقف
اسية : سيري ورجعس ها حنا هنا كنتسناو
خرجات لقاتو واقف وهي تغوبش
اسراء: شنو
يحيى: اجي
جرها كيهضر بصوت منخقض
يحيى: خرجت انا وعلي مع خوك شفنا اوتيل قريب من الدار ... غيباتو فيه لافامي باش الصباح نمشيو ... تمشي تباتي معايا؟
اسراء: لا انا بغيت نبقى مع خواتاتي وماما توحشتهم
يحيى: يالاه دابا تباتي باش ترتاحي وتقدري تمشي غدا
اسراء: انا مافيا اللي يمشي غير سير نتا بغيت نبقا هنا منمشيش ومريييضة مانقدرش نسافر
يحيى: لاا ..بغيتي تبقاي هنا مع لافامي ديالك بقاي وغدا غندوز نديك اما باش تبقاي هنا ونمشي انا ونجلس بوحدي لا مينكمش
اسراء: وشنو غندير انا راه معندي مندير ... وزايدونن... راك شفتي شنو داز عليا والسفر قتلني وبزز لاش وصلت
يحيى: ههه بحال داكشي ... ودابا جا وقت الخدمة والجد باش نقوم بيك وبوالدنا اللي جايين ... اما يلا بقينا على الكسل والخمول راه مغنزيدوش لقدام وغنرجعو بللور او لا
اسراء: وشنو دابا بغيتيني نخدم باش نعاونك؟
يحيى: هه! تخدمي ! هي الخدمة ماشي عيب وماشي عيب المرى تعاون راجلها ولاكن انا مقلتش ليك تخدمي وقاد بيك نيتي وولادك وماباغيكش تخدمي ... مافهمتش كيفاش حتى قلتي هاد الهضرة مي ... مقبولة واخا هضرتك بعد المرات مكتعجبش
اسراء: تعجبك ولا متعجبكش ماشي شغلي .. مهم انا دابا باغا نبقا مع ماما وخوتي كنقنط بوحدي
يحيى: ياك...واخا معاك انا كنقنطي؟
اسراء: اه
يحيى: و انا كنقنك فاش كنبقى بوحدي...شنو المعمول؟
اسراء: هه! وعلاش كضحك؟ كتنطز عليا؟
يحيى: ههه لا ... نتي جاب ليك الله وصافي
اسراء: ايوا المهم انا قلت ليك شنو كاين
بقاو كيتجابدو فالهضرة حتى عصباتو ورفضات رفضا تاما تمشي ... خلاها على خاطرها ومشا خرج ورجعات هي نعسات فرحانة . عياو يفيقوها للعشاء متبغاتش ... تعشاو كاملين وناض يحيى دخل عندها للبيت فيقها وجبد فلوس من بزطامو عطاهم ليها
يحيى: هاهيا 5000 درهم خي اللي هاز ... الى حتاجيتي شي حاجة قوليها ليا نسيفطها ليك فالكونط ديالك
يحيى: مهم غانسيفطهم ليك فالكونط غير نتي (باسها ) ردي البال لراسك وعنداك توقع ليك شي حاجة
ضمها ونزل لكرشها باسها ورجع عنقها وخرج بلا ارادتو توادع مع الكل وخارج كيوصي الزوهرة وخواتاتها وهوا كيضحكو ويطمأنوه
مشا يحيى وبقات اسراء مع خواتاتها فالدار ونهار على نهار كتزيد تمرض وتشرب فالدوايات وكل مرة غاديين ليها للطبيبة اللي متبعة معاها . خدات تيليفون كيما بغاتو وصات عليه سفيان جابو ليها من مرجان دفاس واصل ل10000 درهم و كل حاجة تشاهاتها كيجيبو ليها وكلشي داير ليها الخاطر ... نهار كامل وهي ناعسة والبولة كتفلت ليها فاي بلاصة وتقيا كتخرج بلا اذن حتى ولات الزوهرة مكتحيدش ليها السطل من حدا راسها وكل مرة تبدل ليها وتغسل ليها وحتى من ضفارها كرهاتهم وقطعاتهم حتى للجدر ومابقاتش كتمشط حتى شعرها وبزز باش كتخلي خواتاتها يمشطو ليها وديما كتغوت براسها . علاقاتها مع يحيى بعدات بزاف ومكتبغيش تجاوبو فالتيليفون وكيتوصلو اخبارها من عند خوها و واليديها فقط وفكل مرة كيبغي يجي يشوفها مكتخليهش ومكتبغيش وحتى صوتها كيسمعو غير فاش كيقولها راه جاي عاد كيسمع صوتها وغواتها فالتيليفون كترفض تشوفو . شهرين دازت على الحمل ديالها وهي ناعسة وقلالت ليها الماكلة حتى ضعافت وكرهات اسية وكل مرة مدابزة معاها على ابسط الامور . اليوم ككل يوم ... ناعسة فالبيت والسطل حداها ماباغا تسمع صوت حتى حاجة وماباغاش تشوف الضوء . فجأة سمعات صوت شي واحد كيهضر برى وهزات راسها طالقة ودنها من تحت الكاشة مكمشة من البرد والشتاء اللي على الابواب . دخلات عندها اسية كتجري بلهفة
اسية: فنيين هاكا قصار حسن كتباني بنوتة ماشي بحال هادوط الطوال بزاف كي الشيخة .
اسراء: هبطو ليا ليميش خاصني نعودهم ... سولتو قالي حتى تولدي ويدير ليا وحدين زويينين مايلين للرمادي ب 1000 درهم
اسية: هيييه! بزاااف
اسراء: الهم يكونو زوينين ماشي شغلي
اسية: دابا شحال خلصتي فهادشي كامل
اسراء: شي الفو 300 درهم تقريبا وخليت ليهم 200 درهم
اسية: الله واكبر... بزااف سعدااتك ياختي اسراء: وراه فمراكش كيخلص عليا يحيى كتر... غير حمام ومساج كيخلص فيه 1000 درهم وكيخرج ناشط
اسية: واختي هوا مرفح جوج قهوات وريسطو وسوبر ماركت وتاكزارت شكون بحالو! راه غير قهوة شوكة مولاه كيدير لاباس عساك راجلك نتي راه يكون كيدخل الزباابل دالفلوس
اسراء: ماعرت ... انا مكنسولوش المهم كل مرة يوصلني مسج من البانكة بللي سيفط ليا مرة مليون مرة مية و 40 مرة مليون ونص كل مرة شحال ... على حسب شحال بقا ليا فالكونط
اسية: اودي نحسب انا اللي كنشد 4 دريال وحاسبة راسي موضفة اما نتي راجلك تبارك الله يكون كيدخل الملايين فالشهر وغير نتي بوحدك داير ليك مانضة
اسراء: اجي نمشيو ناكلو فشي بلاصة؟
اسية: اها ناملو علاش لا ياك نتي اللي تخلصؤ منقولش لا
اسراء: نمشي انا ونتي وسيمو وسفيان ناكلو الشواء فشي بلاصة زوينة .. توحشت الشواء.. وغدا خاصني نمشي نشوف الطبيبة عندي رونديفو وقالي يحيى الصباح نشوف شنو عندي واش بنت ولا ولد ونسيفط ليه الصورة
اسية: دابا هوا فين كاين ؟
اسراء: مشا لدبي وراه دابا فميريكان قالي قريب يجي.
اسية: نااري غيجي يلقاك غلاضيتي وليتي كي البوديزة ههه
مشات كلات البيصارة وعركاتها و دازت ل اوطو ايكول لقاتهم سدو ومشات رجعات للدار لقات الزوهرة كطيب العشاء و جلسات حداها فوق الكرسي
الزوهرة: فين بقيتي؟ تعطلتو؟
اسراء: مشنا عند الطبيبة الصباح فالت ليا عندي ولد ودزنا تغدينا وبقينا كدورو ... دزنا للبيرمي بغيت نتقيد ولقيتهم سادين
خرجات فيها الزوهرة عينيها بغضب: يااااك قااالك متقيديش حتى يجي واش بغيتي نهرس ليك راسك بهاد المغرفة ؟؟؟
اسراء: شنوو!!! شمون قالها ليك
دارت يديها فجنبه وبدات تلوح براسها: ايييييي ... حساب ليك مافراسيش؟ راه عيط ليا قالي متقيدش حتى يجي ... وهاااودني منك راه عااارفك شاطة ماطة داكشي علاش عيط ليا
اسراء: مسخوط الواليدين !
الزوهرة: والله حتى نزل عليك بحاد الكوموت ونوريك المعيور ... حتارميه راه ماشي قدك باش تبقاي تخرجي اللي بغيتي على داك الفم...مزياان تباارك الله مالقيتيش كتحشمي
يحيى: فاش عضيت لك لسانك تقلبتي للجهة الاخرى مابغيتيش تهضري معايا وشحال و انا كنحاول معاك فالاخير نعستي وخليتيني .
اسراء: بصح ! اووف (تنهدات)
يحيى: غير ضحكت معاك احبيبة علاش تقلقتي؟
ناضت من حداه : صافي خليني
مشات دخلات للدوش سدات عليها ووقفات كتشوف راسها فالمراية حتى سمعات الباب ديال البيت تزدح بالجهد وهي تخرج كتجري مالقاتوش ومشات طلات من النافدة شافتو ركب فالطوموبيل ومشا ...جلسات فوق الناموسية دايخة كتهضر بوحدها
اسراء: هييه! كنت كنحلم ... نااري يحسابني بصح تقزدرت معاه ... اوف جاب الله كنت كنحلم ... واخا كان داكشي زوين فالحلمة
مشات للدوش دوشات لانها حلمات راسها ناعسة معاه ووصلات للرعشة الجنسية وفاقت مسخسخة . خرجات من الدوش لبسات بيجامة ونزلات لتحت كدور فالدار حتى دخل طالع ليه الدم
اسراء: بلاتي بلاتي واش حساب ليك انا تزوجتي بيا غير علا داكشي؟
يحيى: شوفي الله يحفضك ... ماتزيديش تعصبيني حيت غندير فيك يدي مرة اخرى ... حسن ليك يالاه نتحركو بحالنا
نزل وخلاها .
هبطات موراه عاقدة حجبانها وجلسات حداه كتشوف فالزاج وهوا يجهد الموسيقى وشد الطريق مكيشوفش فيها
شدو الطريق لمراكش نيشان للرياض دخلو ورحبو بيها وفرحات بيها الحاجة وتعشاو مجموعين وكتشوف الغيرة والحسد فعيون عيالات لوايسها ولوستها سامية ، طلعات لبيتها وطلعات معاها حادة ستفات ليها الحوايج ودخلات خدات دوش وخرجات شافت باليزة صغيرة محطوطة فالقنت ومشات ليها حلاتها وجلسات حداها وبدات كتقلب وتفتح فالكارطونات . لقات كاع الكريمات والبرودويات اللي وصاتو عليهم جابهم .. فرحات وزادت كتقلب جبدات كاركونة مربعة زرقاء حلاتها لقات فيها مجموعة مساحيق غسيل لملابس الاطفال فالازرق فاتح .. حلات كل قرعة كتشم ريحتها عجباتها وحطاتها حداها و بدات كتقلب وتجبد وتحل فالكراطن وكل مجموعة بوحدها وكل علبة وشنو فيها ... حلات وحدة اخرى لقات فيها 3 ديال العبوات فالازرق ديال الطالك وحدة حدى وحدة مرسوم فيهم طفل صغير و فتحات وحدة اهرى كبيرة لقات كريمات وزيوت الاطفال وشامبو وباكيت ديال ليلانجيت كلشي مستف وكلشي فاللون الازرق والابيض شافت لاطغوت مربعة رمادسة وحلاتها لقات فيه مقص ومشطة غليضة ورقيقة ومق اضافر و بالونة صغيرة لتنضيف الانف وكلشي خاص بالطفل فاللون الابيض والازرق وكذلك رضاعات ولهايات مكتوبين عليهم اسم محمد امير وعطور ومنشفات وكل ما كيخص الطفل فلاشهر الاولى وكل حاحة فعلبة ديالها وكلشي منضر ديالو جميل جدا . فرحات وجاها فضول تشوف كلشي وتكتاشف عالم الاطفال . ستفات داكشي كامل فبلاكار بوحدو وجمعات داكشي الخاص بيها حطاتو فبلاصتو ومشات لبسات بيجامة سخونة ببينوار وقفات حدا المراية كتنشف شعرها ، شوية دخل يحيى وجه ليها الكلام
يحيى: اسراء خرجي من هنا غيدخل مهندس لهنا للبيت
اسراء: شنو؟ علاش؟
يحيى: غنشرك هاد البيت مع البيت اللي حدانا ونديرو لمحمد امير بيتو هنا معانا فالبيت
خرجات من البيت خلات يحيى مع مهندس كيهندسو البيت ومشات هي كدور فالرياض حتى سمعات صوت سامية كضحك وتهضر فالتيليفون ومشات كتسنط عليها
سامية: ههه وييلي ياصاحبتي فين غنتلاقاه حشمت .. خويا يحيى قالي غير غيدوز عرس خويا علي عاد يجي يخطبني داك الولد . . . لا انا مكنعرفوش فالحقيقة مشا هضر مع خويا يحيى وهما بيناتهم معرفتش اش كيدور و غير يدوز العرس غنديرو النهار اللي يجيو يخطبوني ... بغييت ياختي نشوفو ولاكن مكنقدرش نهضر قدام يحيى كنخاف يدور فيا ومكنجيدش الموضوع اصلا ... كنحشم ... واصلا يحيى خويا ميبغيش يرميني لاي واحد ... راه يكون سول عليه وبحث عليه . يالا اختي نخليك بسلامة
هربات اسراء تخبات حتى دازت سامية وهي توقف دايرة يدها على خنكها
اسراء: اوييلي واش هاد الضحك مزال مابغا يسالي! وييلي غادي يجيو يخطبو كاع! كي غندير دابا حتى نفك هاد الحريرة ... لالا خاصني ضاروري نشوف شي حل
نزلات كتخمم شافت رشيدة فواحد الصالون جتلقة الطاولة وكتحدد الحوايج وهي تعوج سيفتها ومشات للكوزينة حلات الثلاجة كتبقش .. تلفتات شاف رشيدة دايرزة حدى الباب وخرجات اسراء كتسلت ودور عينيها فالرياض مشات جيهت الصالون لقات المصلوح واقف والبريز دايرز فالضوء .. شافت بمين يسار مابان ليها حتى واحد وهي تحط المصلوح فوق القميحة بالزربة وخرجات كطير حابسة الضحكة وشادة كرشها مشات غبرات فمرة طلعات للسطح ... شوية سمعات صوت الحاجة كتغوت وهي تنزل كتنقز فالدروج
خرجات سامية كتسوط وموراها الحاجة طالع ليها الدم ودخلات اسراء كتسلت مخرجة لسانها وكتشوف موراها ، هزات طبسيل من الشبكة عمراتو بكسكسو وسقاتو وحطات عليه اللحم والخضرة وخبات الناشق اللي خلات ليها حدة فالران وهزات كمشة دالملحة بيدها خواتها فالبرمة ومقنعاتهاش وزادت خوات الطاسة كاملة وهزات طبسيلها غطاتو وهربات كتجري قبل ميشوفها شي واحد طلعات لبيتها وسدات عليها بالساروت كلاتو ماخلات فيه والو وهبطات الطبسيل مخلياه غسلاتو ودارتو فالشبكة
الحاجة: وهي داخلة) ياالاه سيرو تجلسو غنحطو الغدا راه الحاج جا
اسراء: واخا
خرجات مشات للصالون فين مجموعة العاءلة كاملة وجلسات حدا يحيى وهوا كاعي مكيشوفش جيهتا . تحط الطبسيل دكسكسو بسبع خضاري الوسط وهز يحيى المعلقة قال بسم الله .. يالاه داق وهوا يزعف
يحيى: اش هااادشي؟ هادشي مااااالح شكون طيب ليوم؟
الحاج: اربي السلاامة اش هاد الملحة كاملة ، الحاجة؟ اش هادشي...ايوا بقينا ليوم بلا غدا؟
شافت الحاجة فسعاد: نتي اللي طيبتي اليوم يااك؟
سعاد: اه ولاكن مدرتش الملحة بزاف؟
اسراء: وييلي مالح بزااف قح قح ... ياكما شي واحد زاد فيه الملحة؟
شافت الحاجة فسامية: نتي اللي كنتي كدوري بالبرمة ! ماحشمتيييش؟
سعاد: اييه ! باش تسبيها فيا انا ... علاش زدتي فيه الملحة
سامية: هيييه! ماشي يانا ناااري انا غير دقت
يحيى: بااركة علينا من الهضرة وهزو هادشي شوفو كيديرو ليه وحللو عينيكم شوية ولا خرجو من ديك الموزينة الى مكنتوش قادين عليها ... ربعة د النساء والخابية يابسة! حتى وحدة فيكم متحمر الوجه
جبد تيلي طالع ليه الدم عيط على الريسطو يجيبو غداء جتهز وبقاو العيالات ساكتين كيشوفو فبعضياتهم والرجال كينكرو معجبهمش الحال وشرك حتى اسراء معاهم ومدخلش مو فالحساب .
نوضاتها بين سعاد ورشيدة وسامية خلاتهم وحدة مكتهضر مع الاخرى وولات كدوز مهنية من التوشويش ديالهم عليها وحشيان الهضرة وكل مرة دايرة ليهم زبلة كيسمعو عليها الهضرة وكيتجرجرو فيها كاملين . يحيى بدا الاصلاح فالبيت وطيح الحيط شركو مع البيت اللي حداه زاد وسعو كثر وصايب جناح خاص فالازرق والابيض وفراش جديد للطفل وديكورات و بلاكار شيبي وكلشي منضم ومقاد ومجهز ومل مرة يجيب ليه حاجة حديدة يزيدها ليه فالبيت من ملابس وافرشة واغطية ومساخيق وعطور وكل شيء خاص بالطفل . اما اسراء فمنهار تقيدات فالبيرمي وهي غادية جايا مكتجلسش ومكتعطيش الراحة لراسها وكثيرة الحركة وخفيفة حتى كلشي كيتعجب فيها وفالرشاقة والخفة ظسالها واها كرشها كبرات .. وطول هاد المدة كلامها قليل مع يحيى وهضرتو معاها جدية وكيهضر في حالة معجباتوش شي حاجة ولا طلعات ليه الدم . ولاكن رغم كلشي دايرة احتياطها منو ورادة البال وماباغاش تحبد معاه الصدع وضحك فيها الرياض كامل ، بالنسبة لكريم فهوا كل مرة كيتاصل بيها ومرة تجاوبو مرة تقطع عليه وخايفة يدير ليها المشاكل وتفضح شي نهار وكتساوي معاه على بيدمن تلقا شي حل باش تبعدو وتبعد فكرة الخطبة من راس الكل وبالخصوص سامية اللي فرحانة بالخطبة وكتسناعا بفارغ الصبر وهادشي باين عليها وكيشوفو يحيى فعينيها .
دوزات ماتبقا ليها من الايام فبل الولادة على نفس الروتين حتى وصل النهار ديال العرس والاهازيج والتوجاد للعرس اللي غيدار فالرياض .. الكل كيجري ويوجد لليلة واسراء شادة الصف فالبيرمي ممسوقاش للعرس كتسنا نوبتها باش دوز الامتحان والشمش ضاربة فيها لابسة تيشورط نص كم غوز وسروالها فالاسود سبور وسبردسلة غوز وكاسكيطة على راسها وواقفة . وصلات نوبتها ومشات كتجري بالزربة ركبات فالطوموبيل كتسوق مرعودة خايفة تسقط وجميع الانضار عليها حتى وصلاتها للمكان المعلوم ونزلات فرحانة متفرنس وتمشي وتجي من هنا لهنا . نجحات فالسياقة وسالا امتحان و ضربات طوالة كوييييلة على رجليها مع واحد المرى كيتجمعو فالطريق راجعة للرياض
المرى: ياختي تبااارك الله عليك معيتيش ، انا سخفت وجبدة ديال الطريق وكن غير شدينا بتي طاكسي
اسراء: كن بغيت نشدو كن عيطت لراجلي يجي يردني ولاكن انا بغيت نقص من الصحة
المرى : مشاااء الله عليك واها خاملة خفيفة متحركي ومنشوفك شي مرات كتبغي تجري.. انا كنت حاملة بزز باش كنجر رجليا
اسراء: اجي ياجي نمشيو ناكلو شي حاجة ... عندنا العرس فالرياض والدنيا نرونة مافيا اللي يرجع دابا ... خلي حتى يتقاد كلشي ونمشي نيشان ندوش ونمشي للصالون وندوز على تكشيطتي نحيبها خليتها فالمصبانة
من بعد الطريق اللي ضربات على رجليها مشات جلسات شربات كوكتيل ديال الفواكه وطبسيل دشلاضة وبيتزا الحجم الكبير وختماتها بفلون كراميل وناضت خلصات عليها وعلى المرى اللي معاها وبقات كتلح على المرى حتى جراتها معاها وجلسات كدور فجامع الفنا والنرى كل مرة تجلس فالطروطوار سخفانة بالمشية
اسراء: لا غير اجي ندوزو من لهيه باش يالاه نحيبوها هي هادي وناكلو رويزة عند مول الزيتون مشات معاها المرا بزز سخفانة .. حتى للباب دالرياض توادعات معاها ودخلات اسراء لقات يحيى فالباب كاعي
يحيى: مال تيليفونك ؟ واش باغا نرتاكب فيك شي جريمة؟ من الصباح وانا كنحماق ومشيت حتى لفين كدوزي البيرمي لقيت الدنيا خااوية فين بقيتي دالعة ماخفتيش يجيك الوجع فالزنقة وطيحي تما؟
اسراء: اووف راه طفااا وكنت غير فجامع الفنا مع واحد المرى .
اسراء: صاافي ساليت باقا سحر لداخل كيديرو ليها مكياج العرايس...راني حيحت عليهم هنا ههه كنت درت معاهم السبعة ونسيت راسي جست حتى للتمنية و مالقيت اللي يصايب لي وقلبتها عليهم هما قلت ليهم درت معاكم الثمنية .
اسراء: وا بعد منييي خلييني ..بووويييويوو يووووييييي
يحيى: شوفي صاكك فين خليتيه
مشا جتب الصاك ورجع عندها حاضي معاها وهي تالفة تابعة العمارية
اسراء: فين تيليفوني؟
يحيى: ها هوا عندي
اسراء: اراه نصورها . . . ومتشدش فيا غنطيح
يحيى: راه غطيحي الى مشديتش فيك ... غتمشي تخيدس هاد الصباط
اسراء: ولاا غنمشي نجلس منووضش
يحيى: ها حنا غنشوفو
شطحو وغناو بالعمارية وجلسو العروسة وكلشي جلس وبقات اسراء كتشطح وتنقز هي واسية ويحيى جالس حدا مو مربع يديه كيشوف فيها طالع ليه الدم . كل طبقة فين كتشطح . العرس كامل واسراء غادية جاية مجلساتش ملشي عيا وهي معياتش طالعة نازلة مع العروسة فرحاانة ومل نرة يجبدها يحيى من شي بلاصة
يحيى: واش نتي مغتجلسيش شوية؟ من الصباح ونتي خيطي زيطي معيتيش؟
اسراء : لا معييتش غير خليني واش انا كنقولك ليك نوض متجلسش؟ خليني اخويا واش شكيت عليك؟
يحيى: عطي شوية الراحة لراسك ولا على الاقل حيدي داك الطالون خايف غير طيحي
اسراء: صافي هانا طالعة نحيدو
طلعات لبيتها لبسات صندالة عالية طالون كومبونزي مريح وبدلات اللبسة لبسات تكشيطة محجرة فالاخضر ملكي والمضمة ديالها ديال الذهب حزمات بيها وبانت كرشها والطقم ديال الذهب ديالها جات اميرة ونزلات عاجبها الحال لقاتهم كيحطو العشاء وكلشي جالس وبلاصتها فالطبلة حدا يحيى خاوية .. مشات جلسات كتعوج وهوا كيشوف فيها بنص عين ماباغيش يبين اعجابو بيها واخا نضراتو كيبينو العكس . حطو سلطة وسط الطبلة كبيييرة مشكلة بفواكه البحر والخضر والمالح والحلو وشمرات على يديها عمرات طبسيلها وبقات كتاكل بالموس والفرشيطة ويحيى كيهز ويزيد ليها وعكوزتها كدفع ليها وسامية ورشيدة ورجالهم كيتنامرو بالحس غايرات من اسراء وكل وحدة كتخاصم على راجلها بعينيها وكتقوليه "شوف"
شوية بدا الحريق كيشد اسراء وهي كتكتبر معاه وصابرة ليه . تحطات البسطيلة وجاهدات فيها اسراء مزياان واخا فيها الوجه مكبيناتوش وكلات وفكل طبق كتبقى هس اخر وحدة كتاكل . تحط الحولي مشوي ونفس الشيء كلات منو وكملاتعا بلاطارط ديال الديسير والفواكه والعواصر حتى دارت عند يحيى سخفانة
طلع يحيى جلس معاها للور شادها وهي كدفع وضرب وتغوت باغا تنتف شعرها .. نعسها على ضهرها للور ماعرف مايدير وقلع علي كيطير وموراه الطونوبيلات تابعينهم والزوهرة لقدام حدى علي .
يحيى: احبيبة ها حنا قربنا نوصلو
اسراء: لالا الماء كيهبط ماقدراش نصبااار اااااااي اربي منقدرش
ماقدراتش اسراء تصبر .وجمعات النفس عاضة على سنانها وحلات رجليها ليحيى حيد ليها الصندالة دفعات السليب وعصرات عصرة وحدة وهي تخرجو جا فوق يدين يحيى اللي مصدوم كيشوف فالبيبي كيتحرك وكيغوت
يحيى: راه ولدات ولداات
تلفتات الزوهرة شافتو كيحديد لافيست بالزربة هز البيبي حطو فيها ورجعات ليها القميجة كاملة دم ويديه دم واسراء هازة راسها كطل بين رجليها وكتنهج
اسراء: واش... واش صافي اووف سخفت
يحيى: تبارك الله عندي ماعندي منتسالك ... فغيمون تبارك الله عليك
اسراء: انشوف ولدي.. عطيني نشوفو
الزوهرة: لا متعطيهش ليها لابسة ديك التكشية فيها العقيق غتجرحو
اسراء: كاينة واحد العيبة كتباع سير جيبها كتحلب الحليب يقد يرضع من الرضاغة الى درت فيها الحليب... راه صدري كيحرقني
يحيى: واش بصح .. نجيبها؟
اسراء: اه سير دغيا انا نعطيه اللويزة بيدمن ترجع
خرج يحيى كيجري وشدات ولدها عطاتو رضاعة فيها اللويزة سكت شوية حتى رجع يحيى كيجري هاز فيدو الرضاعة عطاها ليها وشد الولد فيدو واقف بيه شاد ليه الرضاعة وهي جالسة كتحلب فالقرعة وفينما يدور عندها يحيى كيبدى يضحك عليها
اسراء: هييي.. .ضحك !
يحيى: الصراحة منويتش تكوني هاكا ... قااداا تبارك الله عليك
اسراء : هاك شد هاعيا عمرتها نشوفو واش يشدها
عطاه يحيا الرضاعة فيها الحليب وهز راسو فاسراء: ولاهيلا شدها!
اسراء: حتى يزيد شوية ونعطيه البزولة
يحيى: هاهوا نعس
اسراء: شربها كاملة؟
يحيى: كاااملة مسكين فيه الجوع
اسراءة ؛ناصت) وصافي اجي حطو هنا
قادات ليه الفراش وحطو يحيى غطاتو وقادات فراشها وحوايجها ستفاتهم حداها وبدات كتصور فولدها وتاخد معاه سلفيات . شوية وقف يحيى موراها عنقها وباسها من جنب راسها
يحيى: شكرا بزااف
تلفتاة عندو باستغراب: علاياش؟
عنقها وغرغو عينيه : على كلشي...على الزواج اللي بززت عليك وعلى حياتك معايا اللي فرضتها عليك ومختاريتيهاش بيديك ... وعلى الحمل اللي هزيتي والعذاب اللي تعذبتي واخا ندير ليك اللي درت منوفيكش حقك ... وشكرا على الهدية اللي هديتيني ... وتحملتي وتوجعتي ..
هزات راسها شافت فيه لقات عينيه مدمعين وابتسامات ودوزات يدها على وجهو
الدخيلة الجزء السابع
محتوى القصة
اسراء: مافهمتش... فخباركم انا وياه بحال الى مزال مكنعرفو بعضياتنا ! مزال مكنفهموش وكل مرة كيقرب ليا بحال الى اول مرة يقرب ليا مزال مولفتو ومعرفتش طبعو .. وحتى هوا مكيتجمعش معايا باش نعرفو كي داير.. كل مرة كي كيكون عندو المورال
يحيى: بااز!!! ماشي بقا كيبكي ونتي حالة فمك ناعسة ...نضت انا هزيتو رضع وبقيت غادي جاي بيه ساعة دالمكانة !
يتبع
التنقل بين الأجزاء