نزلات سكينة مشات طبقات داكشي اللي قراتها اسراء و وقفات حدا باب العمارة كتبكي دايرة راسها كتبرك على زر . اما اسراء وقفات مور سطافيط بيضاء بالطنوبيل وبقات كتراقب من بعيد حتى وقفات طوبيل طويلة ميرسيديس ونزل منها المحامي بغا يطلع فالدروج ورجع للور بدا كيهضر مع سكينة ... بدات اسراء كتوثر ودقدق فالولون حتى شافت سكينة طلعات معاه فالطوموبيل عاد خرجات لسانها وبدات ضحك ... تبعاتو بسيارتها حاضياها وكتهضر فالتيليفون
اسراء : احمم ... دار السي حسين المحامي هادي؟
جواباتها امرأة : اه شكون بغاه؟
اسراء: انا وحدة كتعرفو من زمان واللي غنقول ليك اجي دااااابا راه راجلك مدخل معاه وحدة قاصر للفيلا ديالو وراك عارفة بلا منزيد نكمل ... المهم سربي راسك الى بغيتي تعرفي الشيطان اللي مزوجة بيه.
قطعات ورجعات تاصلات بالرقم اللي عطاتها سكينة
اسراء: لاللة فاطنة هادي؟ شوفي كلمة وحدة غنقولها ليك بنتك اللي كتبيع الورد داها واحد للفيلا معاه وحصلاتو مراتو...مينفعك معاهم غير البوليس الى بغيتي تعويض ... هانا علمتك. قطعات و حيدات لابيوس قصماتها فالنص ولاحتها وشعلات نمرتها وكملات الطريق من موراه حتى دخل الطوموبيل للفيلا ورجعات اسراء بللور كتحسب الثواني ... شوية وقفات طوموبيل صغيرة بيضاء نزلات منها امرى ودخلات كتجري وموراها وقفات سطافيط دالبوليس ونزلات امرى اخرى بالجلابة كتجري وموراها البوليس ... بقات كتراقب بتوثر وتجبد فعينيها حتى خرجو البوليس شادين المحامي و سكينة كتبكي معنقاها خالتها وطلعو معاهم فالسطافيط ومشاو .. تبعاتهم حتى لمغفر الشرطة وبقات جالسة فطوموبيلتها كتسنى على اعصابها ... شوية شافت سكينة خارجة كتبكي وشاداها خالتها كتقرص فيها وضرب وتجر ... وهما غاديين مع الشارع . قلبات اسراء الطريق وسط الشارع ومشات كسيرات حداهم وخرجات مخرجة عينيها جرات سكينة
سكينة: قالي راهوا الحمام الى بغيتي دوشي . دخلت ليه وسديت عليا حتى سمعت شي مرة كتغوت برى وانا نخرج لقيتها محيحة عليه ... و ولد الحرام حيد كلشي بقا غير بواحد الشورط كي وجهو تفوو.
اسراء: اهاه وفاش جاو البوليس؟
سكينة: جاو قالو ليا شكايجيك قلت ليهم جابني هنا وبقيت كنبكي كيما قلتي ليا وشهدات فيه مرتو قالت ليهم عيطو ليا الجيران قالو ليها راه جاب شي وحدة
اسراء: بحماس) اهاا زيدي كملي زيدي
سكينة: شفتي خالتي بدات كتعنق فيا وتبوس ! .. مهم داونا الكوميساريا بداو كيسولوني وكيغوتو عليا ويضربو فوق البيرو وقلت ليهم كنت كنتسنى صاحبتي وهوا داني معاه وبديت كنترعد ونبكي وشدوه هوا داوه ماعرفتش فين وخالتي وقعات ليا على الاوراق و قالو ليا سيري ... قالت ليهم خالتي يعوضها وهوا يغوت عليها الكوميسير حتى دابت قاليها التعويض هوا يتعاقب على هادشي اللي دار ... شهدات فيه مرتو و غترفع عليه دعوة الطلاق والفساد وهي غدخلو للحبس
اسراء: مزياااان و براااافو عليك ... يالاه كولي انا دابا عندي ميدار وفاش تسالي غتمشي للصالون اللي كنت فيه عرفتيه فين كاين
سكينة: اه عرفتو قريب
اسراء: غتجلسي تما حتى نجي عندك يالاه هانا مشيت
سكينة: متاكليش؟
اسراء: معنديش الشهية دابا
سكينة: فخبارك نتي كتحمقي وفننة
اسراء: فخباااري
سكينة: انا بغيت نكون بحالك فاش نكبر ونولي قدك ... تكون عندي هاكا الفورمة اللي عندك بحال مريام فارس وحتى انا نزعر شعري
اسراء: وسمي راسك اسراء حتى نتي وبداي تلعبي المراطون فالمحاكم بحالي... كولي كولي وسيري للصالون ومتهضري مع حتى واحد حتى نجي ... هانت مشيت
ناضت خلصات ليها الماكلة وخلاتها كتاكل ومشات ركبات فالطوموبيل ديالها نيشان للرياض . وصلات سطاسيونات وخرجات دايرة نضاضر ، سرحات عينيها كتقلب على كوموبيلت يحيى بين الطوموبيلات ... مالقاتهاش ورتاحت نفسيا ودخلات للدرب كتقرقب بالطاولون وتهز وتحط شاظة صاكها فيدها وغايدة بكل ثقة فالنفس بحال شي نجمة ، وصلات للباب دقات فتحات ليها حادة وابتاسمات
حادة: لاللة اسراااء!! جيتي ههه
اسراء: غمزاتها ) شكون كاين؟ يحيى كاين؟
حادة: لا مكاينش
اسراء: و ولدي؟
حادة : اه كاين
اسراء: حيدي ندوز
دخلات كتفيبري بالزربة شافتو كيضرب واحد الكورة مع الحيد وسط الرياض وترجع ليه ويعاود يهزها برجلو تا لسماء ويضربها مع الحيط بالجهد ... طارت الكورة جيهت رجلين اسراء وتحنات على ركابيها ببطىء شداتها فيديها وكتشوف فيه باشتياق كبير ، تلفت شافها وابتاسم ومشا كيجري عندها وخاطبها بصوت طفولي مأذب
(الحوار بالفرنسية)
امير: جيتي ههه
ضحكات وهي سارحة فيه بعينيها وصدرها كيطلع ويهبط ، شدات ليه فيديه الصغيرة وهزاتهم باستهم وشافت اسوارة فيدو ذهبية مكتوب عليها "امير يحيى "
اسراء: عقلتي عليا؟
امير: اه ... نتي هي ماما ؟
شافت فيه بصدمة وفمها كيترعد والدموع محجرين فعينيها
اسراء: ش..ششكون قالها ليك
امير: بابا...قالي غتشوف واحد المرى زوينة بزاف ... (شد ليها فشعرها) والى عجباتني غتكون هي ماما ... نتي زوينة واش نتي ماما؟...ياك نتي هي ماما
ابتاسم حشمان : اه ... و علاش معنقتينيش؟ بابا قالي غتعنقني ماما بحال صاحبي سامويل وخوانيتة و زوينة حسن من مامات سامويل
تصدمات من هضرتو وبدات كترجف وطاحت على ركابيها عنقاتو بقوة وبادرها نفس الحضن وغمض عينيه وسط شعرها ... عناق حار بين ام وطفلها وشعور متبادل بين الطرفين دام لبضع ثواني حتى قاطعو صوت الحاجة بغضب نادات باسم (امير) وهي تهز اسراء راسها والدموع على خدها ووقفات شافت فالحاجة ويديها على كتف محمد امير
الحاجة: محمد امير .. اجي اولدي عند ماماك اجي
امير: لا...(عنق رجل اسراء) هادي هي ماما الزوينة
اسراء: اه اولدي هي انا ماماك (تحنات هزاتو وعنقاتو) وميقدر حتى واحد يبعدك عليا وغنبقى معاك ديما
امير: وعد؟
اسراء: حركات راسها بالايجاب) وعد
الحاجة: حطي الولد ولا غنعيط لباه
اسراء: تحت السنان) عيطي ليه ولا عيطي لمن ما بغيتي ... (زيرات على امير فحضنها) غتقربي مني منضمنش ليك شنو نقدر ندير
الحاجة: طلقي الولد خلعتيه
اسراء: كتنهج) سيري بعدي مني حسن ليك
الحاجة: نتي ميصلاح ليك غير يحيى هوا اللي كيعرف ليك
دخلات الحاجة تجيب التيليفون وهي تزير اسراء على امير وهزات صاكها من الارض وخرجات كتسلت وامير كيضحك
اسراء: شووو ... غنلعبو صافي
امير: ههههه
سدات ليه فمو وهوا عاجبو الحال مهزوز ومخبي فعنق اسراء ، خرجات كتسلت لبرى وبدات كتجري ومحمد امير كيضحك وينقز ويشوف موراه حتى للطوموبيل ركباتو حداها وركبات حداه
السراء: واخا على والديه ... داير ليا فيها شجاع السنيما
الزوهرة: غدا غنمشيو نرفعو عليه دعوة
حسن: غدا رجلي برجلك نقيدو بيه
اسراء: نتوما مافاهمين وااالو ... راه نقيد تا نعيا ونشد فالموحاميين تا نعيا كيجي هوا كيزرب على البوليس وكولشي كيوقف فصفو ... وداك وكيل الملك كيعرفو جاي من جيهتو وعندو معارف ماشي بحالي
حسن: حتى نتي عندك الفلوس حركيهم شوية
اسراء: ورااه ماشي بالفلوس ... راه مكنعرفش الناس ومكيعرفني حد ... ماشي بحالو هوا بلا فلوس غيهضر مع صحابو ينوضو يوقفو معاه ومغنصور والو
حسن: ايوا شنو المعمول ؟
اسراء: غندير شي فييدو ونشرو فالموقع التواصلية ونرجع القضية قضية رأي عام ... 3 سنين وهوا حارمني من ولدي ... وديك الساعة نشوفو شنو يدير فاش كلشي يولي مفضوح
الزوهرة: داكشي اللي بقا غير نتشوهو قدام العادي والبادي وكلشي يتفرج فيها
اسراء: ايوا ولدي؟؟؟ راهم مشاهير ودايرينها ماشي غير انا ... كلشي كيطالب بحقو فالعلن ...وبفلوسهم ومقضاو والو وما خرجو قدام الصحافة حتى وصلات فيهم للجدر... وانا ولدي اهم ليا من هضرة بنادم ... تما غنضرب ليه الطر
حسن: غنمشيو نقيدو بيه بعدا وحتى يلا ما وصلنا لوالو عاد ديك ... سيري الزوهرة شوفي شكون شي حد كيدق
مشات الزوهرة حلات وسماعات اسراء صوت علي وخرجات عندو
اسراء: شفتي ... شفتي كي هاجم علينا ... كن دابا كان شي واحد فخوتي هنا كن ناضت القتيلة كيما قلتي...
علي: لا حولة ولا قوة الا بالله... ماعرفتش مال يحيى مافهمتش...حتى علاش طلقتو نهاار الاول مابغيتوش تقولو لينا ها علااش...باش حتى حنا نفهمو علاش وليتو هاكا شي مكيحمل شي
سكتات اسراء وقلبات وجها كتنخصص وجلس علي معاهم فالصالة
حسن : دابا قول لينا نتا شنو المعمول ؟ حنا عيينا نخممو وعيينا نفكرو ماعرفنا مانديرو ... الولد بعيد علينا وحق البنت ضايع ... وكنا ساكتين حيت القضية شادها المحامي مكلف بيها وهوا فاهم حسن منا ... دابا القضية خرجات من يد المحامي وقالك ما قالك شدوه على الفساد
علي: انا مابقيت عارف ماندير...وهادشي غادي وكيصعاب
بقاو مدة طويلة كيتناقشو فالاخير خرج علي ودخلات اسراء لبيتها سدات عليها ؛وتاصلات بالصالون مع بنت عندها طوموبيل وصاتها تجيب ليها سكينة ودخلات جلسات مع العاءلة وتبعات اسية للبيت فسن كتنعس باتت معاها ... وصلات سكينة اما اسرا مشات نعسات وطفات الضوء ... الضوء طافي والريح بارد ميدخل من الشرجم وهي ساهية حتللة عينيها كتفكر وتخمم وكل مرة تفكر هضرة دامير والضحكة ديالو وريحتو حتى نزلات دمعة من عينها وغمضاتهم ونعسات.
الصباح بكري خرجات من البيت لابسة دجين مغلوق بلو مارين مزير طالع حتى للكرش وقصير محكوك من الركبة وبودي دالموبرا ناعم بلومارين مزير جامع الصدر وفيه فرافر جهة الصدر معري من اليدين كلاص وصندالة كحلة بالسيور وصاك اسود من بارادا ، جمعات شعرها الفازك وهزات نضاضرها وخرجات بلا ميشوفها شي واحد . طلعات فسيارتها ومشات نيشان لمحل الملابس التقليدية . دخلات بكل صرامة حلسات فالبيرو ديالها كتقلب فالمذكرات
سحر: لا غير تنفخات ليه العين وصبح هاد الصباح كيحك ... راه ترونااات عندنا القضية لبارح ... جا ملقاش الولد ويدا كيحيح علينا واش الولظ تهز من وسط الرياض وفين كنتو نتومااا وشنو حاضين وبقا يغوت رجع حمر وفاش جاب لينا كحمد امير جابو داير ليه فاصمة على عينو ومنفوخة وبات الليل كامل فايق من مور ما جا من عندكم ... انا فخبارك مكنهضرش معاه وعاطاه التيقار غير باش ميسوطش فيا ويتشاد هوا وعلي
اسراء: انا مرضت اختي ... واحلة وغارقة واحد الغرقة ما عالم بيها غير الله ... مهم اي حاجة وقعات عيطي ليا وردي البال لولدي راه قرصاتو نحلة
سحر: اختي مكنفهمو اش كيقول يالاه كيفهم اجي و سير هادشي اللي كيفهم و يحيى كيضر الفرونسي وكيهضرو بالزربة منقدرش نشد ولا نقفل شي لعبة ... اللي فهمت كيقول ليحيى ماما واعداتني هادشي اللي فهمت
سحر: راه يحيى منوضها مع خوتو وفالصباح تجمعو كااملين فالرياض باش يبيعوه وناض يحيى جاب ورقة وستيلو وبقا كيخرج فعينيه قالهم بيغتو الرياض يتباع مرحبا ... سولهم شحال عطا فيه داك الكاوري وقالو ليه ها القد وها القد وناض هوا قاليهم هاد الثمن اللي جاب الرياض بفضل الاصلاح اللي صلحتو وحطيت فيه ملاين صحيحة و كاع الاوراق والفاكتورات عندي... مشا جبد ليهم كولشي داك الاوراق والفاكتورات اللي عندو وحطهم فوق الطبلة وقال ليهم داك الثمن اللي غتشدو غينقص منو فلوس الاصلاح كاااملين وحتى درهم مغينزل عليها
اسراء: ايوا؟
سحر: ايوا قاليهم فاش نرجع انا فلوسي اللي صرفت عليه ورجعتو هاكا كيضوي دسك الساعة اجيو نفرقو الفلوس وكل واحد ياخد حقو وحتى البنات ياخدو حقهم ومو حتى هي ... دارو واحد العملية حسابية وشافو كل واحد اش جاه فحقو ... فالاخير لقاو بللي ماجاهم والو وغير شي حاجة مقنعاتهمش حيت يحيى نقص النص الكبير فاش جمع الحساب دالفاكتورات اللي عندو وجاه ثمن الاصلاح كثير بزاف... ايوا خوتو الكبار معجبهمش الحال وكانت سعاد جالسة وهي تقوليه هادشي قليل ميمكنش الرياض قد هادا يجيب الثمن وحنا يجينا غير هادشي
ديك الساعة ناض ليهم وقال لخوتو خرجو الطريق وخليو عيالاتكم هما معامن غنهضر ومعامن غنتعامل اما نتوما ماشي رجال اللي مخليين العياالات يهضرو وكيكيدو فيكم واي حاجة بغيتو ديروها كتمشيو تشاورو معاهم ... شوية وهوا يقلب فسعاد تا نقزات قاليها سيري عند باك وفرقي ورثك معاهم هاد الرياض مكنتيش كتبني فيه باش تخشي كرموستك ههه
اسراء: ايوا؟
سحر: صافي زعف عليها ومارضاتش وهي تهز خنافرها وردات عليه قالت ليه حق ولادي قاليها غدخلي سوق راسك ونقلب عليك هاد الطبلة ... ناض راجلها معجبوش الحال يغوت على مرتو وبقاو كيتغاوتو حتى ماعرفت كيفاش شنق يحيى على خوه الكبير وناضو كيفكو ... مهم الصدع كبييير ناض وضرب خوه الكبير مرتو قاليها دخلي سوق راسك فاش يكونو الرجال كيهضرو سكتي نتي ... فاللخر جمع يحيى الاوراق وقالهم انا هنا جالس واللي كيتسالني شي حاجة راه المحاكم ... سيرو ديرو اللي عجبكم مللي مابغيتوش نحلوها بيناتنا سيرو دعيوني والقانون يعطيكم حقكم
المحامي : خدمتي غتمشي و الضوسي غيتوسخ ليا ... يا اما نخرج براءة يا اما يمشي ليا كلشي ..
هزات يديها كتشوف فضارفرها وتلعب برجلها: نقدر نخرجك من هنا
المحامي: بصح؟ وكي غديري ليها .
شافت فجنابها وهزات راسها: نخرجك ليوم قبل غدا بحال الى عمرك درتي شي حاجة ... واخا نتا متستاهلش يا رشيوي يا الغدار... شحال ونتا كتجبد مني فالفلوس وكنعطيك ومكنقولش لا ... فاللخر درتي يدك فيد راجلي وبعتيني ليه ! 3 سنين ونتوما كضحكو عليا؟
المحامي: كيفاش؟ مافهمتش؟
اسراء: نفهمك مزيااان ... شمع وحل ودنيك .(جبدات تيليفونها من الصاك ) شوف ... هادي نهار جيت كنجري للمحكمة ورديتوني حمقة ... مشيتي نتا عند راجلي وتبعتك شتي هاد الصورة .. خديتها ليه ونتا طالع فالطوموبيل باش فاش نشوفك هنا فهاد البلاصة نجي نوريها ليك حيت عارفاك غتنكر كيما نكرتي خيري و خنتي تيقتي فيك ... دابا يا اما عادي تجيني نيشان وتقول ليا لاياش كنتو كتخططو و شنو اللي داير ليناتكم ولا غنرفع عليك دعوة خيانة موكلتك مع عودوها ونزيد نغرقك هنا فالحبس ... بففف القضية عندك حااامضة ... خيانة زوجية... هادي فحد داتها جريمة وسلى مسمحاتش ليك المرى غيتضاعف ليك الحكم ... زاءد قاصر ... هادي عوتاني قضية بوحدها ... واخا تسمح ليك المرى مستحيل طلع منها ... ااه قول ليا نتا اللي محامي ... شحال باش غيحكمو عليك دابا؟ اوووه مشكيلة هادي ... ها المرى ها القاصر ونزيدك انا بالقضية ديالي ... على الاقل غتجمع ليك واحد 10 سنين ياك ... وقل ؟ ولا يمكن كثر (ضحكات بسخرية) بقيتي فيا غضفر الشيب بين هاد الحيوط
خرج عينيه فيها مصدوم: فين عرفتي هادشي؟
اسراء: هه! سمع . .. اللي نولوه نقصروه قبل مايسالي وقت الزيارة ... القاصر اللي هزيتي من بابا العمارة فين عندك البيرو راه عندي ونتا ختار الوقت اللي تبغي تخرج فيه من هنا انا مستاعدة نخرجك وسلا نزال مسخيتي بهاد الفيلا اللي نتا فيها خليك حتى تقنع منها
المحامي: هي... هي نتي ... نتي ؟؟؟؟
اسراء: ايه اااانا مولاتها ... باش نعلمك الغذر كي داير .... يالاه طلقني دابا قول ليا الحقيقة ... ويا وييلك وتكتذب عليا ... الى ما نخلص عليك الحباسا اللي هنا يتكرفسو عليك راني ماشي بنت المرة ... وبلا منحلف كيما دخلتك لهنا غندفنك هنا ونخرجك من هنا ونتا ختار بين هاد الثلاتة اللي تناسبك وتجي معاك
هبط راسو كينهج وجلس كيفكر وهي كتشوف فيه مطلعة حاجبها .
شاف فيها بثوتر: انا ما درت والو ... هوا اللي عرض عليا بزااف ديال الفلوس وو وطمعني والشيطان غدار
اسراء : شكون هادا اللي طمعك ؟ يحيى السباعي ولا الشيطان؟
حدر راسو : السي يحيا السباعي كان باغي ياخد الولد بأي طريقة ... خطفو ليك المرى الاولى وغبر ... فاش وكلتيني ندافع ليك على القضية ديالك كنت غادي مزيان ... واي جلسة كنت كنخبرك بيها ... ولاكن فالعام اللخر جا عندي المحامي ديالو وعرض عليا واحد المبلغ مقابل ...
اسراء: مقابل اش؟ غير هضر كلشي غيتفضح وانا درت محامية جديدة ... ويلى حصلتي مخبي شي حاجة ولا كذبتي راك عارف علاياش قادا وشنو ممكن ندير
المحامي: الشيطان لعب عليا... و ... انا فالاول مكانش عندي اتصال مع طليقك كنت كنتافق غير مع المحامي ديالو ...
اسراء: المهم ... ارى ليا المهم راه مابقاش الوقت
المحامي: فالعام اللخر كان نواي يرجع للمغرب ... جمعو اوراق ماعرفتش منين جابهم المحامي بللي نتي مختلة عقليا ... وشهدت الله يسمح ليا على هادشي وزدت اكدت انكي مريضة نفسيا وكتعالجي وعطاوني ورقة موثقة من عند طبيب نفسي اللي كتعالجي عندو كيشهد انكي كتشربي الحبات الحمراء بلو غدونونص من الفرمسيان ...
اسراء: اييه هلدشي داخل فيه الطبيب تا هوا !!
المحامي: طليقك يدو طويلة ... ومخلي المحامي ديالو مكلف بكلشي ... وكلشي شراه بالفلوس ... فالمحكمة سولني القاضي واش بصح موكلتي مريضا نفسيا قلت ليه اه وهي ناعسة دابا مكتقدرش تنوض ومثلت بأني كندافع عليك واخا مجنونة من حقك تاخدي الحضانة ... قدمت الورقة ديال الطبيب اللي كيعالجك زاءد الاوراق اللي عند المحامي ديال طليقك ... تأكد القاضي من الجنون ديالك وسقط عنك الحضانة وحكم ليك تشوفي ولدك ... من بعد ما نتاهت الجلسة سحبت الدعوة وخليتك توقعي على الاوراق وكذبت وقلت بللي اوراق من المكانة خاصهم توقيع ... من تما مابقات لا دعوى لا حتى حاجة هادي عام ... و نتي مكنتيش مضططرة تمشي تشوفي وتبحتي حيت انا كنت كنوضل ليك كلشي وكنقول اني كنمشي للجلسة وكنجيب اوقات وهمية ديال الجلسات ... ولاكن الدعوة تسحبات وراجلك نهار دخل للمغرب دخل مطمأن ... واخا كنت قلت ليك انه غيتوقف وداكشي ... كان مجرد كلام كنتبتك بيه
هزات صاكها وناضت وقفات: مزياااان ... لعبتو وخططتو ودرتو مابغيتو وجا الوقت اللي كل واحد يخلص ... ونتا هنا غتبقا باش تربى وبدتبقى عبرة لامثالك ... تراجعت فقرارس ومغاديش نخرجك من هنا ... علة ما فخيلك ركبو
خرجات وخلاتو كيشوف مرعود وكيطلب تسمح ليه . مشات بالزربة طلعات فسيارتها وسدات عليها الباب وجبدات تيليفون ضغطات على زر وبقات كتشمع للتسجيل .
📼السي يحيى السباعي كان باغي ياخد الولد بأي طريقة . . .
تسنطات للتسجيل ورجعات التيليفون للصاك ومشات نيشان لاقرب سيبير ونزلات كتعوج وتقرقب وتلوح فشعرها للور كيما عادتها ، دخلات جمعات التسجيل فسيدي ورجعات خرجات مشات لمكتب المحامية ، دخلات سلمات عليها وجلسات دايرة رجل على رجل
المحامية:بابتسامة) اش حب الخاطر
اسراء: جستك على واحد القضية معقدة
المحامية: الله يسمعنا خبار الخير
اسراء: راجلي ... طلقنا هادي 3 سنين و ...
بدات كتعاود ليها على المشكل بالتفصيل وعلى مشكل ديالها مع المحامي حتى سالات ...
المحامية: القضية مشبكة ومبلبكة عندك ... صعيب تاخدي الحضانة ... وطليقك مجاش وغير 3 سنين غير هاكاك عاد جا ... كان متعمد يغبر ويربي الولد تما ... دابا اللي خاصنا نعرفو واش ولدك عندو الجنسية فرنسية ولا لا ... الى كانت عندو جنسية فرنسية فميمكنش ليك تاخدي الحضانة وتربيه هنا لانه كيتعد من الفرنسيين وخاصو يرجع للمحيط ديالو اللي مربي فيه عاجلا ام آجلا ... لان القاضي كيشوف الطفل ماشي واليديه ... والحياة فالخارج ماشي هي الحساة هنا و جنسية فرنسية من لفوق ... يعني الطفل كاياخد جميع حقوقو تما و هادشي فصاليحو ... بعيد كاع على هاد الصراعا ت اللي دوزتي مع المحاكم وقضية الحماق الى اخ ... اهم حاجة بعدا خاصك تعرفي جنسية ولدك علد يمكن لينا نتصرفو ونقلبو على حلول
اسراء: بصاااح ! وكي غندير دابا نعرف؟
المحامية: تقدري تسولي باه ... مهم خاصك تعرفي جنسية ولدك
اسراء: واخا بلاتي ناخد واحد الاتصال ... عندي ختي مزوجة خوه تقدر تفيدني
المحامية: واخا خودي راحتك
اسراء: الو سحر ... شوفي سولي ليا عافاك على الجنسية د محمد امير . سولي علي الله يسهل عليك الى كان حداك .... واخا انا غادي نعيط ليه . (قطعات وعاودات تاصلات بعلي) الو علي ... نسولك وجاوبني بصراااحة ...
علي: وي قولي شنو كاين؟
اسراء: محمد امير اشمن جنسية عندو ؟ مغربية ولا فرنسية؟
المحامية: عندو جنسية... كنت متوقعاها ... لان اغلب الاباء فاش كيبغيو يعيشو مع ابناءهم بوحدهم كيديوهم للخارج ويغربوهم ويبدلو ليهم الجنسية ويربطوهم ببلدهم الثاني اللي كيحملو جنسيتو ... الاب خدا الجنسية ودوزها لولدو
اسراء: ويلا كان باه كيزور ويكذب ويغدر
المحامية: بحالاش؟
اسراء: هاكي سمعي هاد التسجيل ...
عطاتها التجيل سمعاتو كامل حتى للاخير
المحامية: هادشي غاادي يطول بزاااف وهنا كاينا شحال من دعوة خاصك ترفعيها وكل دعوة بوحدها ويمكن فاي لحضة راجلك يمشي وياخد معاه الولد وتبقاي نتي منك للمحامي ديالو طالعة نازلة فالمحاكم ... غترفعي قضية ضدد المحامي ديالك بتهمة الخيانة ديالو ليك وتبتي بعدة شواهد انكي فكامل قواك العقلية وجبرك على توقيع الاوراق اللي سحب فالدعوة زاءد غترفعي دعوة اخرى على راجلك بتهمة الزوير و الرشوة و خاصك دلاءل من غير التسجيل ... ويقدر راجلك حتى هوا يرفع عليك دعوة اخرى على السبب الرءيسي اللي علاش طلقتو وهي الخيانة ... واخا كيما قلتي ليا يقدرو يكونو عندو الصور و الميساجات الى اخ ... القانون الجديد مكيعتامدش على داكشي ... الى متهزوش الخونة من الفراش مكتعدش خيانة ... وكاين فرضية اخرى عاوتاني فمحكمة الاسرة اللي كتقول ان مجرد اهمال الطفل وطيش الام كيسقط حضانتها ... غدخلي فمتاااهاات كبيرة ومغتساليش من المحاكم
اسراء: والحل؟
المحامية: الحل تكسبي ولدك فصفك ...
اسراء :سااهيا ... ولدي مكنشوفوش ومكيخلينيش نشوفو ... وبقا ليا حل واحد
المحامية : اي تهور راه يقدر يوقف ضددك
اسراء: انا بقا ليا غير هاد الحل ... وباه حلف ميعطيني الولد واخا تنطابق السماء مع الارض ... كيموت على ولدو ولا يمكن يقتل عليه كاع وكيدير المستحيل باش يبقا عندو
المحامية: المهم دابا جيبي شواهد طبية كتبت انك في صحة جيدة مافيك حتى مرض معدي و فكامل قواك العقلية باش نرفعو دعوة دالحضانة مرة اخرى
اسراء: انا دابا غنمشي ... عندي غرض مهم اللي نقضي ... يا ربحة يا دبحة
الدخيلة الجزء 11
محتوى القصة
يتبع
التنقل بين الأجزاء