قطعات وعنقاتو كتسكت فيه وتحاول تعطيه الالعاب واي حاجة شافتها حداه باش يسكت وهوا كيقلب وجهو ويخشي راسو فصدرها وكيبكي
عنقاتو كتسكت فيه وهوا كيتعلق ويعنقها كيبكي ، شوية بدا الباب كيصوني وهي تنوض
اسراء: امير ها بابا جا متبكيش ها باااابااا جاااا
هزات بينوارها الكحل معلق ومشات كتلبس فيه وتعقد فالحزام حتى للباب ، حلات الباب لقاتو واقف كيحك فشعرو لابس تيشورط كحلة وشورط ديال النعاس كحل وكلاكيطة ، هز نص عينو فيها وهي تهبط راسها دارت ليه الطريق دخل وبقا واقف حتى سدات الباب
دار ابتسامة جانبية: وااعرة عندك التسرفيقة ... وعقلي عليها مزيااان ا الشريفة العفيفة ... دابا ندمك ونبكيك الدم على هادشي
اسراء : سير فحالك .. خرج من داري ودير اللي عجبك
يحيى: ها هوا خارج ... ودابا نتفاهمو على هادشي يا الخاااينة وكتمثلي الطهارة والبراءة كن تزوجت وحدة من البار حسن ليا منك ... ومكانتش غتخرج خاينة بحالك ... شحال من واحد من ورايا عاشرتي هااه... شحال من واحد لعب فيك
اسراء: واخا نعدهم ليك مغانساليش ... وكانو كاااملين حسن منك ... انا خاااينة وعاااجبني راسي شوف نتا راسك اللي مزال مرييض ... حساب ليك غتسممني بهضرتك! عارفة راسي اش كنسوى . . . واخا بالنسبة ليك خاينة وغدارة . وهاكا غتبقا ديما كتحرق فيك عاد الكلمة .... كيما حرقتي قلبي على ولدي 3 سنين هادي ... نزيد نأكد ليك ... فهاد 3 سنين عشت كي بغيت ودرت للي بغيت نكون عندك خاينة ولا فاسدة مكيهمنيييش فهمتي
كرز على سننو وجمع القبض ديدو
يحيى: كن ما عرفكش ولدي بللي نتي هيا مو ... عمرني كنت غنخليه ليك ... وعمرك كنتي غتحلمي بيه .. هادشي كوللو كنديرو على قبل ولدي بوووحدو ... اما نتي مكرهتش نقتلك بيديا .. ولاكن على قبل ولدي .. مغنوسخش فيك يدي يا الموسخة
خرج كينهج وخلاها واقفة ، سدات موراه الباب وجلسات فالارض كتبكي بوحدها وترعد وتفش قلبها حتى عيات وناضت رجعا لبيت النعاس لبلاصتها ...حيدات البينوار وبغات تجر عليها عليها الغطاء وهي تشوف القرعة دالريحة ديالو نساها فوق الفراش ، هزاتها شماتها كتنخصص وخشاتها ... عنقات امير ونونوس ديالو و نعسات .
⏱7 :00 صباحا حلات عينيها على صوت امير كيفيقها ويعنق فيها
تنهدات وناضت حلات الباب لقات كلب واقف قدامها ابيض فيه الرنادي وللاسود وعينيه زورق كبير شادة يحيى من السمطة ، نقزات كتغوت بالخلعة ورجعات اللور مخلوعة ويخيى كيطلع ويهبط فيها عاقد حجبانو
يخيى: غين كنتي بالسلامة ؟
اسراء: شكون هادا؟؟؟ علاش جبتيه؟
دخل كيعيط على امير والكلب كينبح ويلعب بشوالو وينقز باغي يوقف واسراء كتغوت لاسقة فالحيط
يحيى: امييير ... امييير
اسراء: لالالا خرجووو خرجووو من هنا دغياااا . كن جبتي شي مشة حسن من هاد الديب
خرج انير كيجري وينقز رجل فجهة ورجل فجهة ، طلق يحيى للكلب ومشا كيجري نقز على امير واسراء كتغوت فالسماء ، طاح انير وطاح عليه الكلب كينبح ويجري فالدار كاملة ويرجع عند امير يدور بيه ويجرو من الشورط بسنانو وانير كيضحك ويعنق فيه حتى هبط ليه الشورط
اسراء: غيعضووو غيعضوووو بعدوو عليه بعدوووو
ناض امير طلع الشورط ولاح واحد الرجل فوق الكلب باغي يطلع عليه وكيزلق ويجي فالارض ويعاود يرمي رجلو حتى طلع وطاح كيشد فالكلب فرحان ، تلفت يحيى بجدية عند اسراء: فين كنتي؟ فين بايتة ؟
اسراء: هانا لبست ليك .. هاك كاسكيطتك ديرها من الشمش ... يالاه سير عند باباك
لبساتو صالوبيط دجين شورط مع نيشورط بيضاء وسبرديلة بيضاء ورشات ليه ريحتو وناضت عاودات قادات شعرها وشدات ليه فيديها وخرجات لقات يحيى جالس وشاد سام من السمطة
امير: ماما ماما ههاو هااو هههه ساام سااام اجي
ناض سام كينبح وجرو يحيى من السمطة
يحيى: بجدية)امير ...شنو قلنا؟
امير: واغيير نلعبو
يحيى: نخرجو برا ونلعبو ... يالاه شد
عطاه السمطة دسام ليدو وخرج قدامو واسراء موراهم ، طلعو فالاسانسور كل واحد كيشوف فالثاني وهي لسقة للور مخلوعة من سام ... خرجو قدامها عاد خرجات موراهم بعيدة عليهم ، فتح لامير الباب للور فالبورش طلع وطلع سام حداه ويحيى: لقدام ومشات هيا لطوموبيلتها ركبات وبقات حاضياه يتحرك وهوا مابغاش حتى عيات ودارت ظومي تور فوسط الشانطي ومشات نيشان وسط الزحام دالسيارات ، هزات عينيها فالمرايا شافتو موراها من بعييد وهي تعصب ، كملات طريقها عادي... وقفات قدام عيادة طبية ونزلات بهدوء دخلات ، تخبات مور الباب كطل حتى وقف قدام العيادة بسيارتو و كمل طريقو ، تنهدات وخرجات كتسلت حاضياها وهوا غادي وكيبعد ، طلعات فطوموبيلتها وقلبات عكس الطريق اللي مشا فيها ومشات كطير عند المحامية ..جلسات كتسول على الاحوال وفين وصلات القضية ، خبراتها بموعد الجلسة وجلسو كيتشاورو ...شوية جاها اتصال من الجريدة الالكترونية وناضت ودعات المحامية
اسراء: انا مابقيتش غنقدر نجي كل ساعة .. الى كان ممكن تجي عندي للدار مغنساش ليك خيرك ... ها العنوان ديالي اس جديد دوزي عندي مرحبا بيك ... والتيليفون بيناتنا
خرجات من عند المحامية ومشات فاتجاه الجريدة الالكترونية اللي دارت معاهم الفيديو ، دخلات استقبلوها وجلسات معاهم وبدات الحوار مع البنت و واحد الشاب
الشاب: عرفتي علاش عيطنا ليك؟
اسراء: لا معرفتش
البنت: عيجيو لينا بزاف دالناس باغيين يساعدوك ... واحد الشخص جا حتى لعندنا كيبخص على العنوان ديالك ... اميد معطيتاش الرقم حتى نتشاورو معاك
اسراء: واخا ... وشنو كيدير هاد الشخص؟
الشاب: سفير المغرب ففرنسا ... كان تاصل بينا ولاكن راك عارفة حنا مكنضدقوش اي واحد تاصل وغالبا كاين اللي كيتفلا ... هاد السفير جا حتى للمغرب ... داكشي علاش تاصلنا بيك ... نعطيوه رقمك ؟
اسراء: الى مان فعلا غيعاوني نرجع ولدي علاش لا
الشاب : اوك ... نتاصلو بيه دابا وهضري معاه نتي
اسراء: واخا
تاصل الشاب برقم اللي عطاهم السفير ، ودوزوه لاسراء
اسراء: الوو؟
السفير: السلام لاللة ... كنضن شحرو ليك سبب المكالمة
اسراء: اها اه وقالو ليا انك باغي تقدم ليا مساعدة
السفير: تماااما ... معاك عبد الله الحياني ... الى معندك حتى مانع نديرو شي وقيتة نهضرو فيها
اسراء: انا مكرهتش دابا نييت الى جات على خاطرك وسمح ليا على الازعاج
عطاتو النمرة ديالها وناضت شكرات الشباب كاملين وخرجات ركبات فسيارتها ...وصلها مسج فيه العنوان ومشات فاتجاهو مباشرة حتى للاوتيل ، وقفات فالاستقبال كتسول على السفير عبد الله الحياني ... قادوها لغيسطوغون مباشرة لواحد الطاولة معينة ، جلسات دايرة رجل على رجل كتقاد شعرها وحوايجها ... شوية هزات راسها شافت راجل طويل ورقيق شوية شعرو فيه الشيب ولحيتو كذالك ..لابس كوستيم اسود ماباينش عليه كبر السن بزاف لاناقتو و شياكتو . شافها وتبسم ووقف قدامها مد ليها يدو ووقفات مدات يديها
عبد الله: يا سبحان الله .. مكانش فخباري اننا فالمغرب عندنا بحال هاد الجمال ... حسن من الخارج ... واخا كنتي جميلة فالفيديو ولاكن مكنتش متوقع تكوني فهاد الجمال مباشرة
ابتاسمات بمجاملة: ههه شكرا ليك هاذا من ذوقك
عبد الله : ااه.. ما قلتيش ليا شنو تشربي ؟ شامبانيا ..كوتيل ... تشوب؟
اسراء: لالا شكرا ولا واحد فهادو ... مكنشربش
عبد الله: ااه! داكوغ ... دونك تاخدي شي حاجة باردة على بيدمن يجيبو الغدا
اسراء: هادشي اللي وقع ... الفيزا مابغاوش يعطيوها ليا
السفير ... عندك حل .. طلبي الجنسية . بما ان ولدك عندو الجنسية فحتى نتي تقدري تاخديها ... غتمشي للقنصلية دفرنسا وتشوفي الاوراق اللي يطلبو ليك ومن تما تجمعي شنو خاصك ودفعي وريقاتك وهاكا غادي تاخدي الجنسية وتخرجي مع ولدك وطالبي بحقك ك أم ففرنسا و سيغ غادي تاخدي ولدك ... انا غادي نتاصل بواحد السيد صاحبي . يعطينيا معلومات من القنصلية بلا متمشي تعذبي راسك ... كنضن ميطلبو الكوبي ظسال اللاسبور دولدك والحالة المدنية وطرجمها الفرنسية وبعض الاوراق اخرى ... وصاافي بلا متعذبي راسك وتمحني
اسراء: ولاكن هاد الاوراق كاملين ماعنديش انا ... كلشي عند باه وانا معندي لا حالة مدنية لا باسبور ديالو وصعيب عليا نشدهم
عبد الله: هادا هوا الحل ... ضاروري تشوفي كيفاش تاخدي الحالة المدنية والباسبور ديالو ... وكيما قلت ليك انا حست خصيصا باش نعاونك . . وانشاء الله اكيد غادي تاخدي ولدك قاانوونيا ... لهاذا غادي نوكل محامي كبير اللي يدافع على قضيتك ... حسب داكشي اللي سمعت تعرضتي لمحاولة مصب واحتيال ... والى قلتي عندك الدليل اكيد غادي تاخدي الحضانة دولدك هنا ومن بعد انشاء الله الجنسية ... خاصك غير موحامي مشهور عند القضاة ... هاكا هما ميكون تايقين فالكفاءات والقدرات ديالو ... غنوكل محامي معمرو خسر شي قضية .. واكيد غيكون داز من بحال هاد القضايا
اسراء: انا عندي محامية ..
عبد الله: انا كنهضر على محامي عندو مهارة وذكاء ... خلي المحامية ديالك جانبا ... اشنو قلتي
اسراء: ولاكن ... واش هادشي غيكلفني شي حاجة؟
عبد الله: لالالا ... انا مطلبت منك حتى حاجة ... جيت نقوم بمساعدتك
اسراء: واخا ... شكرا بزااف
عبد الله: لا داعي للشكر سيديتي ... تيقي فيا ... بما ان المحامي القديم ديالك عتارف و هوا فالسجن ... هادي نقطة لصالحنا وهوا غيكون شاهد وغيعتارف بلسانو باش زوجك السابق ينال الجزاء ديالو ... والدعوة اللي رافعة على المحامي ديالك غيتكلف بيها المحامي اللي غنجيب ليك .
اسراء: واخا انشاء الله... ها هوا تيليفوني عندك ... يبقا الاتصال بيناتنا حيت انا حاليا فموقف محرج مكيساعدنيش نتحرك كي بغيت ... طليقي كيتاهمني بالفساد وممكن يرفع عليا دعوة دالفساد وانا مكندير حتى حاجة ... داكشي علاش حتى نشد ولدي بالقانون عاد نقدر تحرك كيما بغيت
عبد الله: وي فااهمك ... وعلى كل حال المحامي غيتكلف بالقضية متحتاجيش تخرجي ... ويكون احسن الى خديتي الحالة المدنية والباسبور دولدك
اسراء: انا غنشوف كي ندير ليه شكرا ليك
خرجات بالزربة ركبات فسيارتها ومشات فاتجاه المحل ديالها رصات الامور فيه وهزات الفلوس من لاكيس دالصالون كيما كل يوم ... شافت الاحوال كي غادية وقدات كلشي ومشات للقاعة شافتها ورجعات للدار ... طالعة فالدروج كترعد خايفة ، دخلات لقات غير سكينة كتجمع الدار
اسراء: فين اسية؟
سكينة: مانعرف!! انا عاد فقت
اسراء: مزال ماجا امير
سكينة: ماجا حتى واحد
اسراء: ايوا صافي حسن جيت قبل منهم ... انا داخلة نبدل حوايجي ونتي خرجي دوك الدجاجات من الفريكو نديروهم للعشاء
اسراء: بارتباك ) الى بغيتي تبقا معاه ... حتى .يي.. حتى ينعس بحال لبارح بقا
هز يحيى عينو شاف فيها نص شوفة وناض هاز معاه امير فيدو ودخل للصالون جلس وعنق امير ، رجعات اسراء للكوزينة ودارت يدها على جنبها : حتى وحدة ما تخرج عندو ... امير بغا يبقا مع باه خليه حتى ينعس ويمشي
اسية : اوييلي علاش غيبقا يدخل عندنا وحنا غير لبنات .. ياك طلقتو ايوا ماشي من حقو يدخل لدارك
اسراء: ااه عاافرة ولاكن الى هضرت غياخد ليا الولد ويمشي
اسية: بابا و ماما ال سمعو هادشي راه ماغيبغيوش ... راكي عارفة الصدع اللي ناض معاهم ... العيب خرج ونتي ماخصكش تبقاي تهضري معاه صاافي
اسراء: وا فهمت .. مهم دخلي دوك الدجاجات للفران ... سكينة طحني العصير باش نخطو العشاء
سكينة: فين ؟ غنتعشاو مجموعين؟
اسراء: الااا... هوا غيتعشا بووحدو مع امير وحنا بوحدنا ... يالاه سربي راه مشا الحال
الدخيلة الجزء 13
محتوى القصة
يتبع
التنقل بين الأجزاء