الضابط و زوجته المراهقة الجزء السابع

دخلو للفيلا لقاوها عامرة دخلو كيسلمو ، كان الاخ ديال علي و مرتو وولادو ب2 سليم 26 سنة و عمر 21 سنة .وكانت عائلة ليلى حتى هي امها الحاجة رقية وبنتها الاخرى ،عزيزة و بناتها التوائم مروى وصفاء 23 سنة ، مروى ضريفة ومهدنة وداخلة سوق راسها عندها خطيبها ، و صفاء المسمومة فاشلة فحياتها ماشي بحال ختها ، مقابلة غير الخروج والسهير ، ليلى كتهدر مع بناتها ، اهلا حبيباتي مرحبا بيكم اجيو تسلمو . دخلو البنات كيسلمو على العائلة . ليلى: ماما هاهي نور الهدى ل عاودت ليكم عليها خطيبة ولدي زاين! الحاجة رقية: تباركله على بنتي كبرات وولات عروسة غزالة ماشاء الله اجي قربي عندي . مشات عندها نور بالابتسامة وعنقاتها كتشكر فيها . رميساء: جداتي انا غنغير . عنقات رميساء: وعلاش غتغيري ب2 ماشاء الله عليكم كبرتو ووليتو عريسات الله يحجبكم كنعقل عليكم فاش كنتو صغار متعقلوش كنتو مازال تريبيات ودابا كبرتو وزيانيتو ههه . عزيزة :؛تطلع وتهبط فيها * اه هادي هي نور الهدى ،نور تقرسات من هاد الشوفة ولكن مداتهاش فيها ، عتقات الموقف مروى : سالام انا بنت خالة رميساء وزاين متشرفين ، غزالة ما شاء الله عليك . نور: شكرا نتي لي غزالة ، دخل ياسر و زاين حتى هما سلمو عليهم . الحاجة رقية : صافي ازاين واخيرا هداك الله وغتدير دارك . زاين: اياه اجدة وكيجاك اختياري بعدا ههه .نور فخاطرها : كنتي تختا فبقة الله يعطيك غبارة . علي: ياكما نسيتي راه انا لي خطبتكم و جدودكم لي جمعوكم . الكل :ههههه. الحاجة رقية: نتا هو ياسر تباركله عليك اولدي ، ومبروك عليكم ، تهلا ليا فحفيدتي . ياسر: راها فعيوني اجدة كانو مجموعين على الضحك والنشاط حتا دخلت صفاء ، غير شافها زاين وهو يجمع الضحكة ، ورميساء شافتها بدات تطلب السلامة حيت عارفة المشاكيل غيبداو . صفاء: اهلا اهلا وفين غبورك ازاين ،هو كيخنزر فيها محاملهاش : لاباس الحمد الله نتي لي فين غبورك *ضحكة صفراء* الكل متبعينهم حيت كانو عارفين لي كان بيناتهم ولكن معارفينش سبب فراقهم . قربات صفاء للنور نتطلع وتهبط فيها ونور شافت فيها ببرائة : واو نتي ومروى توينز واقيلا ياك ؟ صفاءط غير كتطلع وتهبط فيها .مروى: اه احبيبة توينز نور: ااااه حيت كتشابهو . صفاء: اكيد كنتشابهو *حدرات صوتها* شهاد الكلاخ . نور سمعاتها و دارت راسها مسمعاتهاش . رميساء كتطلب الله غير تقلب ساعة باخرى حيت الى ناضت ليها نور مغايوقعش خير . رميساء: سمحولينا احنا غنطلقو منعسناش مع السفار . الحاجة رقية: سيرو احبيبة الله يرضي عليكم .ناضت رميساء دات معاها نور تحت انظار زاين لي تاهو كيطلب الله ميوقعش شي مشكيل دخلو البنات للبيت .نور: هاديك مالها جالسة كتبورد عليا لتحت اش خاصها .رميساء: متديش عليها راها واحد المسمومة ، انا بنت خالتي ومعنديش معاها . ياله ندوشو ونرتاحو راني عييت . دوشو البنات وتخشاو فالناموسية مفاقو حتال 8 العشية .ناضو لقاو كولشي مزربع كيف البابوش العيالات فجيه والرجال شي خارج شي فالمكتب والشباب مجمعين فالجريدة ، سيف و سليم وعمر وياسر ومروى .خرجو عندهم البنات السلام ، الكل : وعليكم السلام . ياسر: عاد طفات عليكم الشمعة من 2 ونتوما ناعسين .سيف: ههه تلاقاو هاد النعاسات . ضارت رميساء عند نور : سمعتي شي حاجة نور: لا واقيلة ش دبانة كتزنزن .الكل :هههه ، مروى: سمعت كنتو فكوريا واش زوينة ، الى كانت زوينة نمشي ليها فالصيف مع خطيبي . نور: اه غير سيري ليها غزالة بزاف فيها بزاف مايتشاف و الجو فالصيف كيكون غزال ، غير سيري والله . ياسر: اه بالصح غير هو تعلمي شوية للغة هما ماشي كلشي كيفهم الانجيليزية . مروى: اه بالصح ،كتعرف شي معهد اللغات فيه الكورية .ياسر : اه معهد **** كين ف **** مروى: شكرا والله حتا مشي ليه . جات الخدامة حطات للنور ورميساء طبسيل البريوات حيت ماواكلينش ، بيما يتحط العشاء بداو ياكلو نور: مممم هادو غتكون دارتهم غير ماما رميساء: بالكروفيت ياك ؟ نور: اه بقاو كياكلو وهما كيتحتو حتا بقات وحدة ،نور شافت فرميساء ورميساء حتا هي طارو عليها ب2 gلبو الفوطوي لي جالسين فيه كايدابزو عليها و ولاد العائلة حالين فامهم معجبين فيهم وياسر داير ايدو على وجهو ، ميقدروش يجلسو ويتهناو بحال الناس ناش سيف خداها من ايد نور وهرب بيها ونور ورنيساء غوتو ب2 : لاااا وتبعوه كيجريو وهو غادي وهازها كيقلي ليهم السم والاخرين ميتين بالضحك. كان خارج زاين من الفيلا ودازت قدامو رميساء وشدها من قبها ، زاين : مالكم محيحين تاني . رميساء: طلااااق غياكلوها . فلتت منو وتبعاتهم . وزاين مشا جلس معاهم . زاين :هادو مالهم تاني ؟ ياسر: مراgعين على بريوة تخيل . مروى : ههههه هاد البنات عاالام ميسحابليش رميساء حمقاء هكا ، كانت ديما مهدنة ودايرا عقلها . ياسر: اه حتا تلاقات ختي . زاين: لخرا تاهي كانت غير طالبة عليها ، كان خاص غير لي يبداها 

وكون غير يديرو عقلهم شوية . مروى :اش بغاو بيه ، باقين صغار خليهم يضحكو ويلعبو ههه. سليم : ههه شحال فعمرهم دابا .ياسر: 19 سنة عمر: زربتو علهم اصاحبي ههه زاين: ياله يتعودو على الزواج ونربيوهم على يدينا . سليم : والله يقدركم هههههه. ياسر وزاين : امين هههه حتى كيسمعو الضحك بالجهد . تلفتو لقاو نور ورميساء معانقين ومتييين بالضحك وسيف حداهم مسرح شاد ظهرو .

ياسر : توما عاونوه ينوض ونتوما كتضحكو تما ، تحناو البنات هزوه وهما فاشلين ! حطوه حداهم وجلسو تاهما كل وحدة جلست حدا خوها ، وبقاو تما قولها وضحك عليها ، وسيف شاد فالبنات وهما كيجاوبوه ، نور متقدرش تجلس مقادا دطات رجل على رجلين خوها كتحتت معاه ، زاين معجبوش الحال ، وخاصة الدراري جالسن معاهم ، بقا كيخنزر فيها عاله تفهم راسها ، والو ممسوقاش ليه . عمر: عجباتني علاقة الاخوة بيناتكم ، كتبانو مفاهمين ، والله ماكرهت تكون عندي ختي تا انا . ياسر: اش بغيتي بصداع الراس ، منين كتفيق وهي فوق راسي حتا كتنعس ، وبلا منعاود ليك على زبايلها .سليم: واخا هكاك الاخت كتكون عندها طعم ، زعما كتعول على وكتلجأ ليه ، وحتى الاخ كتكون هي مصدر الحنان رقم 2 بعد الام . ياسر: هادشي كينطابق على gاع الخواتات الا هادي ، الشيطان ياربي السلامة ، ميعرف مايدير قدامها . عمر: هههه اشمن زبايل كدير .ياسر: منين دخلات ليا المراهقة والشيب بداني داكشي لي دارت انا لي دري مادرتوش ، فاش كانت عندها 14 سنة ،كانت ديما مناتفا مع البنات فالكوليج ، كان دمها سخون فداك الوقت ومع كتتريني كتديما مرعفا بنادم وجايبا ليا التبريا ، كانت كدير عصابة ديال البنات وتنمر على عباد الله ، كانت واحد شاطة ماطة منها ماكان .وصلات ل15 سنة ، تصاحبت مع واحد . نور: *كتنغز فيه * بلا متجبد داك الموضوع هاالعار . زاين: *بغا يعرف* كمل معا من تصاحبت ؟ نور بقات كتشوف فزاين بنص عين. ياسر: واحد الدري كان فعمرو ديك الساعة 18 معرفت والديهم فين تلاقاو ، هو كان من داك النوع المتمرد ومعندو سوق فشي حد كان مربي الشعر ومهلي فراسو كان سميتو لؤي ولد شي عائلة معروفة ، ايوا هو لي زاد ضسرها فينما كانت شي زبلة ولاو يديروها ب2 مخلاو بيران ممشاو ليهم معرفتش كيفاش حتا كانو كيسلتو ويدخلو ، كل مرة غاديين للبلاصة والغياب منقولش ليك عليه ، هي فالاول ما قال ليا والو عليه عارفاني غنرفض علاقتهم ، ودازت مدة على علاقتهم ، انا مع كنت فكوريا كانت صعيبة نعرف ، ماقالها ليا غير حمزة صاحبي لي خليتو يحضيها .نور: كنت عارفا هو لي قالها ليك ياسر: كولشي كان كيوصلني كوني هانيا . زاين: كمل اياسر . ياسر: انا خديت عطلة ورجعت ليها نشوف حريرة هاد لؤي حيت بصراحة هادشي لي كنت خايف منو ، فاش رجعت درت راسي مفخباري والو ، حتا نحصلها ، داكشي لي كان الدرية غخارجا داخلة مكنعرفها فين كتغبر ، واحد النهار كنت دايز من عين الدياب حتا كتبان ليا هي وياه شادين gارو وجالسين ،وهي كتحنقز حداه وهو متبعها بالعين وكيضحك معاها ، تما مشيت ليها ضربتها حتا سرطاتو ، تبريت منو وديتها للدار ، هو كان كل نهار كيرجع عندها للدار ، كنضارب معاه وهو والا بغا يفهم ويبعد . حبست نور فالدار المدرسة كنديها ونجيبها ليها ، الكونجي قرب يسالي ليا و الا مشيت غيرجعو يتلاقاو داكشي علا شمشيت عند باه هضرت معاه ، وحتا هو مرضاش وسيفط ولدو للبرا يكمل قرايتو ، نور معجبهاش الحال تاهي وحلت معاها وقسحت معاها وضربتها ، حتا فهمات انه لمصلحتها ، ورجعت وبقات تحت مراقابتي ، واخا بعيد عليها ولكن الزبايل ماسالاوش كل مرة تابعها حمزة للمستشفى اولا الكوميسارية ، دابا راه تهدنات و مابقاتش كدير داكشي ديال شحال هادي . سيف : هادشي غير تهدنات باز ليك اخويا ههه ولكن ختك راه بزاف على القباحة .رميساء: ولكن انور عمرك عاودتي ليا على هادشي . نور: ماجابتهاش الوقت . زاين: نور باقا عندك شي صلة بيه . نور: لا غير كون هاني هاد خاينا دار خدمتو .وناضت طلعت .زاين: مالها ؟ ياسر: غيكون غير تفكراتو ، كان عزيز عليها بزاف ، ولكن انا فرقتهم غير حيت كان مضسرها وعلمها شحال من حاجة خايبة ،واتر فيها حتا ولات كتصرف بحالو ، رميساء: انا غنتبعها . مروى: زعما هكا المراهقة خصها دوز غير متعلمش العادات الخايبة ، اما الضحك والخروج لابد منو هدا هو الشباب والصغر . ياسر: اه انا معاك ولكن خفت لايوليو فشي ماصل خرين ، لاهم يتفرقو احسن .بقاو الدراري كيتحتو ونور طالعا كتزعف ،حتا تساطحات مع صفاء: اه نتي بشوية متشوفيش قدامك ؟ نور: سمحيلي اختي مرديتش ليك البال 🙂 صفاء: دابا نتي البرهوشة هي خطيبة زاين . نور: كيفاش مفهمتش ؟ صفاء: ههههه حلك ساهل احبيبة .ضربات فيها ومشات كتضحك وتلاقات مع رميساء فالطريق وخرجات للجريدة عند الدراري .نور: هادي شنو قصتها . رميساء: اففف بصراحة هادي هي خطيبة زاين القديمة . نور: 😮 كيفاش ؟!!! رميساء: دخلي للبيت بعدا .دخلو وسدو الباب نور: هادشي علاش منين جينا وهي كتطلع وتهبط .رميساء: العااااار انور الله يرحم الوالدين لا ما طنشيها وخليو هاد الجماعة دوز بيخير ،نور دورات راسها بالزعفة وعاقدا حجبانها . رميساء: اجي بعدا شنو قضية هاد لؤي.نور: غجليني بلا متفكريني ، عقلتي على اول bf ؟ ايوا راه هو ، كان عزيز عليا وفرقنا داك الخراي ديال ياسر يسحاب ليه 

كيحميني ، مهم من بعد ونعاود ليك عليه دابا زيدي نشوف هاد الخرية شنو قضيتها .تمت خارجة وشدتها رميساء :واعديني مغديريش عقلك فيها .نور: لا مغنواعدكش . وخرجت رميساء: افففف وتبعتها كتجري

هبطو البنات للجردة ، ومع الدخلة لقات نور صفاء جالسة حدا زاين ، ومع كسوتها قصيرة طلعات وعرات فخاضها وهي متعمدة هادشي دايرا رجل على رجل وكتبحلس عليه ، نور مشات جلست حدا خوها قدامهم وهي الشر خارج منها ، ورميساء حداها كتبرد فيها وبقاو كلها كيتحتت نور مجمعة مع عمر ،ومروى مع رميساء و سيف وياسر وسليم مع بعضهم وصفاء ملسقة فيهم وهما ممعبرينهاش ، زاين كل شوية يلوح عينو ليها كيلقاها مشرgا فمها كتضحك مع عمر وحيت قراب فالعمر تفاهمو كتعاود ليه تاهو كيضحك ، عجباتو عقليتها .عمر: دابا نتي بنت عمي ، فين كنتي شحال هادي غقولي ليا .نور: كنت خدامة عاد كونجييييت .عمر: ههههههه واللهتا مقطعا نتي . نور: هههه .زاين غير كيخنزر معجبوش الضحك ديالها .هي لاحظت هادشي وبغات تفقسو ! وهي لاحظت رميساء منين جلسو وهي غير مجمعة مع مروى ويتعاودو . جات الخدامة وقالت ليهم يدخلو العشاء واجد دخلات ناضو، و غاديين جرات نور رميساء وقالت: واش مروى حتا هي صاحبتك، لدرجة كتعاودي ليها ، داكشي لي كتعاودي ليا . رميساء: ههههه ماتقوليش ليا غرتي . نور: صافي جاوبيني بركة من الهضرة . رميساء: يخليلي لي كتغير عليا ، نتي لي صاحبتي ونتي لي كاينة عنقاتها ودخلو للداخل كان ياسر و زاين وراهم وسمعوهم ، ياسر: هههه شتي اش قلت لك مغيارة ، مكتحملش المتطفلين ، فرأيي غير بلا متخليها تجرب تغير عليك حيت غدوقك المرار هاني علمتك . زاين فهم بلي دوز ليه مساج ، حيت لاحظ كفاش صفاء كتقرب منو . تنهد زاين و قال: الله يحضر السلامة . دخلو والكل جلسو يتعشاو داز العشاء فالضحك بين العائلة وكل شوية تنطق نور اولا رميساء وكلشي كيضحك وكيكمل ليهم سيف . بقاو شحال وهما مجمعين ورا العشاء شوية ناض زاين جاه شي اتصال من الخدمة وخرج للجردة شوية تبعاتو صفاء نور لاحظات هادشي وبقات جالسة على نار ، كان هو كيهضر حتا جات هي من وراه وعنقاتو ، هو فرح فالاول يسحابلو نور ، قطع وضار كيبتاسم ، حتا بانت ليه صفاء وهو يبعدها عليه وبدا يصعر: نتي اش قربك ليا . شد ليها دراعها زاين: ياك قلت لك متبقايش تعتبي هاد الفيلا ، منبقاش نشوفك فها، انا مقلت والو للعائلة ،باش منديروش المشاكيل بين العائلة ،وباش متشوهيش، يعني نتي بلا ميعجبك راسك و لا يسحاب ليك شي حاجة اخرى ، صفاء: بلا متكدب نتا باقي كتبغيني، باقي كنشوفها فعينيك ياله بغا يبعدها عليه وهي تطير على فمو باستو .....نور مبقاتش قادرة تصبر ناضت ،عرفاتها غتكون معاه مشات كتسلت ، شافتها رميساء غمزات ياسر وتبعوها ، نور غير شافت صفاء معلقا فيه كتبوس ، حسات بالسخونية طالعة معاها و دمها سخن ويديها بداو يتكمشو بالفقصة باغا غير تنتف ، مصبرتش طارت عليه عليها جبداتها من شعرها دارتها تحتها هاد المرة عطاتها ضرب البنات ، تقمش وتعض و تضرب وكتقول: هاداك راه خطيبي لي لاسقة فيه الق*** ، شكون كيسحاب ليك راسك ، شفتيني ساكتة ليك طلعتي فوق راسي ودزتي ليه نيشان اه؟ زاين شحال كيحاول يفك صفاء من ايدين نور، حتا هزها وجا ياسر جر صفاء ورميساء حاطا ايديها على فمها حيت شنتفات نور وخمجات ليها وجها بالقميش، زاين شادها و هي كتركل ليه فايديه وهي معصبة وحمرة بالفقصة وهي كتحلف على صفاء: والله وباقا تقربي ليه ، حتا ندمك ونوريك نور الهدى علاش قادا ، صافي مبقاش خطيبك فهميها الى عندك شي نفس . مشات رميساء جرات صفاء من الباب لوراني وطلعاتها للبيت وهي حابسة الضحكة حيت بغاتها فيها ، اما صفاء غير كترعد يسحاب ليها غتقدر تحgر عليها وديرها فايديها حيت باقا صغيرة ، ولكن وراتها وجها واش كتسوا . رميساء عطاتها شي دوا لوجها و خرجات ...عند نور، ياسر: اش هاد الحالة نتي ؟ واش متقدريش تحكمي فاعصابك شوية ؟باغا تشوهينا وسط العائلة؟ نور: ماشي شغلك نتا متدخلش . زاين: صافي اياسر، خلينا شوية انا غنهضر معاها. خنزر فيها ياسر ومشا تلاقا مع رميساء جايا وجرها داها معاه . زاين: نور ، متفهميش هادشي لي شفتي غلط راه هي لي غفلاتني ولسقاتني مبغاتش تتبعد . نور: *مخنزرة و كترعد والغيرة واكلاها* اسمع اش غنقول ليك ، انا دافعت غير على كرامتي محدنا مخطوبين وحتا بعدما نتزوجو ، حتارمني قدام بنادم ، حيت كولشي عند بالو مزوجين بالصح ، ومنبغيش بنادم يهضر فيا ، فاش نطلقو ديك الساعة دير لي بغيتي مغندخلش فيك .. ضربات فيه وطلعت ، هو ضرب بالكرسي لي حداه وغوت : مييييرد . ونور: طلعت للبيت وبدات تبكي .حتا دخلات عندها رميساء 

دخلات عندها رميساء لقلتها غارقة فدموعها، قربات ليها كتدوز على شعرها : صافي من البكا راك بردتي ليا هوايشي فيها، اصلا كنت نغزفا عليها تستاهل بنت الحرام. نور ناضت جلست حداها ، شفتيه الحمار جالس كيتباوس معاها ، محتارمني مفكر فيا اهئ اه اهئ . رميساء: انا متأكدا هي لي رمات راسها عليه هو سد موضوعها هادي شحال . نور: دابا غتعاودي ليا قصة هاد 2 ، حيت منضمنش راسي اش ممكن ندير فيهم ب2 . رميساء: ايوا المهم كانو مرتابطين شحال هادي ، وخويا كان ناوي المعقول منين يرجع من امريكا يتزوج بيها، وعلم العائلة كاملة بعلاقتهم ، بابا كان مموافقش فالاول تحد مفاهم علاش ولكن دابا باينة على موضوع الوصية ، المهم شحال وهما مع بعضياتهم و واخا كان برا كان كيجي غير على قبلها ، بعد مدة ولاو كيتخاصمو بزاف وغير على لبسها و خروجها الكتير وصحابها الدراري لي كتار ، خويا طلع ليه الزعف منها ، واحد المرة كان هو وياها فشي كافي ،ناضت هي للطواليط ، وصلها شي مساج كان فيه : حبيبة بغيت نشوك اليوم . خويا يسحاب ليه شي صاحبتها ولكن بانت ليه سمية راجل وحداها حبيبي ، هو مبغاش يضلمها وخدا نمرتو و دار راسو ماشاف والو ، الغد ليه عيط ليه ودار معاه يتلاقاو ، وداكشي لي كان تلاقا معاه وعرف بلي لاخر تا هو مقلوبة عليه القفة مسايق خبار كانت كتلعب عليهم ب2 بنت الحرام، دايرا واحد فالجيب ولاخر فالقلب ، خويا كانت طامعة غير ففلوسو ، ايوا هو فاش عرف ، مرضاش وهلك مها عصا ، وتبرا منها متبقاش تقرب ليه ، وقال للعائلة غير متفاهموش وتفارقو غير حيت ميديروش المشاكيل فالعائلة ، ولاخر تاهو فر فيها وجلست للارض ، كتطرطا من هنا للهيه ، مهامهاش حياتها ، مدوزاها غير النشاط والدراري ، انا شفتها عرفتها ناويا علخزيت حيت سمعت بخطوبة زين معاكم . نور: كيشفتي انا غير ساكتة ليها ، هاد الق*** ملقات معامن تلعب غير معايا ، زاين خطيبي ومغنخليهاش تقرب ليه .رميساء: هههه الواحد هو لي يموت على بلادو اولا على بات ولادو . نور : علاه كنلعبو هنا ، دابا هادشي كولو لي دارت ليه ومشوهاش مع العائلة واخا كتستاهل ؟ صدق راجل ، اجي نتي منين عرفتي هادشي ؟ رميساء: زاين كيعاود ليا كولشي . نور: ااااه . عند زاين لي دمو كيفور فالجردة خرج عندو ياسر: هادشي لي كنت كنهضر ليك عليه قبايلا ، شفت ديك بنت خالتك كيف كانت كتضور بيك فاش كنا جالسين ، كون تشوف نور راه كنت كنتسنا اي لحظة غتطير عليها ، قول ليا بصراحة واش بيناتكم شي حاجة ؟ . زاين: كانت ، هيكانت خطيبتي وكنت ناويها للزواج (عاود ليه كولشي ) ياسر: وباقا لاسقة فيك ؟ اش هاد قلة النفس . زاين : واهانتا تشوف . ياسر: سمع قولها تبعد على نور راها مساهلاش ليها ، انا عمري شفتها كتضرب شي بنت بحال هكا ههه، راه البنات لي كانو معايا مدارتش ليهم هاد الحالة ، نور كتموت على حاجتها مدام غارت عليك هكاك فراها كتبغيك هههه ، وهادشي لي شفتي غير البدية الى بقات ديك صفاء لاصقة فيك ، غاتشوف ما اكتر ههه هاني علمتك .مشا ياسر غادي وكيضحك وكيقول: البرهوشة كبرت وولات كتغير على راجلها . زاين عاد تفكر نور فاش كانت كتضرب صفاء واش كانت كتقول وعاد كلام ياسر ، وبدا يتبسم ويضحك : هادشي كولو عليا انا ، العفريتة ديما كتقول ماباغانيش وباغا تطلق وها الغيرة فضحاتها وتأنا غنمشي معاها دقة دقة حتا تعتارف .سكت شوية وبدا يضحك : ههههههه نتفاتها المسخوطة ، نمشي نطلع نقي ليها ودنيها شوية ....عند صفاء لي جالسة قدام لمراية كتحسر على وجها وكتبكي : بنت الحرام اش دارت لوجهي ، صدقت ماساهلاش وانا لي يسحابلي برهوشة و نقدر عليها ساعة صدقت ماساهلاش ، ولكن غير بلاتي ال مرديتها ليها منتسماش .دخلت مروى: اويلي مال وجهك نتي ؟ صفاء: ضاربت مع ديك البرهوشة ديال خطيبة زاين ، الرهوشة صدقت كطير! مروى: هههههه غزات فيك مغتكوني غير درتي ليها شي حاجة ، شوفي فيا بعدي عليهم عليهم حسن ليك انا علمتك . وخرجت خلاتها كتحلف .... عند نور مسرحا فوق الناموسية و رميساء حداها ، متكنيين مكونيكطين .رميساء: الساطة اش غديري مع زاين نتي عارفة بلي هو ماداير والو . نور: هههه متخافيش شفتو كان كيدفعها ولكن غنربيه بتش عمر يعطيها فرصة حتى باش تهضر معاه هههه رميساء: ههههه شريرة . سمعو زاين كيعيط للنور . نور شهقات : ناري طالع غطيني غطيني وقولي ليه نعست . رميساء : واخا واخا . تحل الباب رميساء: شششش راه نعسات .زاين: خرجي خاصني نهضر معاها . نور تحلو عينيها تحت الغطا وبدات كتفتف : ناري غيخلي عشتي مافيهاش

خرجات رميساء وخلاتهم ب2 فالبيت ، جلس زاين حداها وكيشوف فيها بنص عين وهي كتسنا تحت الغطا ، اش غيقول اولا اش غيدير ، هو عايق بيها فايقا وبدا يهضر: نور انا عارفك شفتي شي حاجة لي مخصهاش تكون ، باش نكون صريح هاديك راه كانت خطيبتي .نور قاطعاتو عارفا. زاين: مبقا بيني وبينها والو ، هي لي لاحت راسها عليا . نور: عارفا . نور: انا كنبغيك نتي ، وعمري حاولت ولا غنحاول نغدر بيك ..قاطعاتو :مكيهمنيش.. زاين تعصب وغمض عينيه كيعض شفايفو ..زاين: غنبقاو نهضرو ونتي عاطياني بالظهر ؟ نور: خرج بغيت نعس .. زاين صعر: نوضي تهزيييي .قفزت ناضت جلست قدامو عاقدا حجبانها :ولاش الغوات ؟ زاين: راسك قاسح ، واش انا كنهضر معاك ونتي ممعبرانيش كنقول ليك ، كنبغيك ونتي كتقولي ليا باغا تنعسي ؟ نور حدرات راسها ماباغاش تشوف فعينيه غتجيها الضحكة . زاين: واخا ، على خاطرك ودابا قولي ليا اش هاديك الحالة درتي ليها ولايني راك قبيحة مع راسك . نور بدات تغوت: وشنو بغيتي ندير نقول هاهو خوديه ، عطيتها قتلة باش تعرف حدودها .زاين خرج عينيه : حدري صوتك . نور: ماشي شغلك ، اجي ياكما جاي دافع عليها ،*نسات راسها* ايوا سمع نقول ليك نتا خطيبي انا و لي قربات ليك نخمج لمها وجها . خرجات عينيها ودارت ايديها على فمها وهو عجبو الحال بدا يضحك عليها وقال: ههه غبوحدك مقرصك حد ،*كيقرب* غنبقا معاك بشوية عليك حتا تقولي ليا كنبغيك اراجلي ومنقدرش نعيش بلا بيك *كيهضر ويشوف فعينيها بضحكة جانبية شريرة * نور حدرات راسها مغمضة عينيها كتلعن لسانها لي خارج عليها .زاين تفكر هز ليها راسها وتقابل مع عينيها لقات الضحكة طارت وقال ليها : قبايلا فاش سولتك على داك لؤي ولا ماعرفت اش سميتو مالك زعفتي ونضتي ، ندمتي عليه ؟ نور: بلا متبدا تخربق ، لؤي صفحة قديمة وتطوات من شحال هادي . زاين : مبغيتك تخبي عليا والو واش كنتي كتبغيه؟ نور: اففف ، نتوما دابا غيبان ليكم هاداك كان مجرد لعب و نزوة ديال المراهقة ، ولكن علاقتي معاه كانت كتر من هكاك ، جمعونا بزاف ديال القواسم المشتركة ، داوينا جراحنا لبعضياتنا حتا هو كانو عندو المشاكل مع عائلتو ، هو لي علمني نتجاهل المشاكل وعلمني كيفاش نخوي لي عندي بلا منحتاج شي حد ، انا عارفا بلي خويا كيضن بلي هو شخص ممزيانش حيت وليت نكمي بسبابو ولكن عمرنا فتنا الحدود ، وخويا متفهمش هادشي و فرقنا ، وفاش سافر استسلمت و درت لخويا خاطرو و خليتو يفهم بلي انا اقتانعت وصافي . زاين: دابا واش عمرك مازال سمعتي عليه شي حاجة . نور: أللا غير كون هاني .زاين: ايوا خوك مادار غير لي خاصو يدار . نور: اه عارفاكم كتفكرو بحال بحال داكشي علاش مغنتزايدش معاك . زاين: نور عافاك بغيتك ديري فبالك انا كنبغيك نتي وهاديك الحمارة غنشوف شغلي معاها ، مهم نتي غير بعدي عليها ومتهوريش تحكمي فراسك شوية اوك ؟ *باس ليها راسها * كنموت عليك المغيارة ديالي . وخرج ونور بقات تركل فالناموسية وتضحك كيعجبها تسمع كنبغيك منو . طلعات عندها رميساء لقاتها هكاك وقالت ليها : الله يستر تخشاو فبلايصهم طفاو الضو ونعسو .....

اليوم هو السبت عرس سيف ، كولشي فاق يدير شغالو الفيلا فيها الحركة شي غادي شي جاي ناضو البنات معطلين حتال 10 هابطين ببيجامت النعاس مشاو المجوعفات نيشان للكوزينا لقاو العيالات مجموعين تما كيوجدو للموني حيت العرس غيدوز فالفيلا . دخلو عندهم : صبااح الخير . الحاجة رقية : صباح النور بنيتاتي ياه فايقين المعيgيزات . ليلى: هادو اماما ديما هكا ، غير السريط والنعاس .تكات نور على البوطاجي ودايرا ايدها على حنكها وجات رميساء طلعات فوق ظهرها الاخرين كيهضرو وهما كيتسنتو ليهم عزيزة: ايوا البنات مخصومش يكونو هكاك ، انا بعدا بناتي معلماهم كولشي ومستحيل يفوتو 8 فالنعااس ، *كتطلع وتهبط فنور* معلماهم الاحترام والانضباط واخا ميكونوش فدارهم . نور: *كتبرgم * لا باين . عزيزة: نعام ؟!! رميساء قرساتها . نور: والو اخالتي . ليلى: هبطي ونتي مقلشا عليا تما ، خرجو انا غنيفط ليكم الفطور. رميساء: لا اماما غير عطينا نفطرو هكا . دخلات صفاء مبجقة بالنعاس تاهي ووخها منفوج . شافو فيها البنات وبداو يضحكو ، عزيزة تقرصات من الصباح وهي طالقاها عليهم وجات بنتها ضربات ليها كولشي ف0 .رميساء هبطات راسها عند نور وقالت : ههه تي ورقي ليا الحادgة لي كتنوض مع 8 . نور: ههههه عزيزة لاحظت وجه صفاء: اويلي مالوجهك ؟ صفاء وكتشوف فنور: والو غير المشة ضاسرة خاصها تربا . نور كتشوف فها ودايرا ابتسامة النصر وساطت على ضارها ومسحاتهم فحوايجها زعما الله يخللي ضفاري لي دارو فيك ديك الحالة .ليلى لاحظت الشرارة بين صفاء والبنات عرفاتهم هما ماليها .نور: ايوا يالغزالة المشاش مكيقمشوش هكاك ، شوفي نتي كوراه قربتي لولادها ، داكشي علاش دافعات عليهم .رميساء غير كتسمع وتضحك والعيالات كيتصنتو وخدامين

وماعارفينهمش علاش كيهضرو ، صفاء: ايوا فالصراحة فالاول ماكانوش عاجبيني وليدات ديك المشيشا ولكن تراجعت ، فجأة ولاو عاجبيني و غاناخدهم . رميساء: هههه ويلي ، وترضاي تاخدي شي مش مباغيكش. نور: ويلي ارميساء، ههه الدرية عزيز عليها المشاش و مولفا بيهم ، العار اختي صفاء شحال دوزتي من مش ؟ صفاء تغلبات بالهضرة وخرجت كتزعف طالعا لبيت .ليلى تأكدات بيناتهم شي حاجة ، مشات ليهم عطات كل وحدة شحطة للمسعودة وجرات عليهم : خرجو ضريتوني فراسي ونتوما مقلشات ليا تما، ها الفطور تابعكم للجردة ...

خرجو البنات كيحكو فمسعودة ، حيت شحطاتهم بالصندالة ، بانو ليهم الدراري مجموعن كيف العادة تما ومشاوة عندهم صباح الخير والكل: صباح الخير . بان ليهم سيف كيخمم وساكت على غير عادتو ،شافو فبعضياتهم ومشاو جلسو فجنابو وداروه بيناتهم وقربو لودنو وقالو ب2 : وا الخلعة طلقي مني . الكل: ههههههه . شاف سيف ف ياسر و زاين : غتشدو عليا نتوما هادو ولا غنبرد فيهم غدايدي . ياسر: هههه راهم قدامك .زاين: اشمن قدامو ، زيدي نتي لهنا . مشات جلست نور حدا زاين وهي كتخنزر فيه ومعاجبها، تفكر اللعب ديالهم مع سيف كيف داير وجلسها حداه حسن .جابو للبنات الفطور كياكلو ويشاركوهم الحتيت gاع المواضيع هضرو فيهم ، ونتوما عارفيت بين كل حتيت الجماعة كيسكتو شوية بيما كيتجبد موضوع اخر ، ايوا داكشي سكت كولشي وهب تقول نور تحت نيفها بصوت مسموع : واا الخلعة طلقي مني . الكل تهز بالضحك سبف بدا يتحلف عليها ، وجبدو موضوع العرس وبقاو يهضرو فيه حتا سكتو تاني وهنا قالوها نور ورميساء ب2 فدقة وحدة : وا الخلعة طلقي مني. وهنا البنات هزو ريوسهم شافو فبعضياتهم ووقفو والكل كيشوف فيهم مافاهمين والو ، خرجو البنات من وسط الجلسة حاضيين بعضياتهم ،ودارو وضعية بحالا كيديرو المسايفة غير هما كيتقارصو وكل وحدة كتفادا قرصة الاخرى ، هما فينما يقولو شي كلمة ب2 كيقرصو بعضهم ، رميساء كتفادا القرصة وترجع بالور ، حتا علقت ونور تابعاها كتجري الدراري بقاو كيضحكو عليهم . عمر: والله حتا سبيطار هاد 2 . سيف: والله تا هما لي مفوجين علينا. صفاء: الله يهديكم تا تما ضحك البراهش 😑 .كلهم تجاهلوها عارفينها مسمومة ومروى كتنغز فيها باش تسكت .البنات بقاو يتجاراو تا وصلو للباركينغ ، نور شافت الشيفور خلا واحد الكاتكات فيها السوارت وهي تعيط لرميساء : رميساااااء اجي لهنا دغيا . رميساء: باش تليعيني . نور: غير اجي بلا متخافي .رميساء قربات : اش داكشي . نور غير كتشوف فيها وتشوف فالوطو ووجها باينا كيوسوس فيه الشيطان . رميساء فهمت اش بغات تدير : *بدات تضحك* ههههههه *جمعاتها* لا والله لا كانت ليك . نور: مال مك هادي هي الفرصة هما ملاهيين دابا خلينا نتفلاو شوية . رميساء: لا خوك غير كيخرج فيا عينيه تاتشدني البولة اما زاين راه ممخليش من جهدو ، دابا واش بيني وبينك مكتخافيش على راسك .نور: ألا ، غنخمم فالعقوبة فاش يوصل وقتها اما دابا غنستاغل الفرصة محدها قدامي بغيتي تمشي يالاه مبغيتيش غبريه من قدامي .ومشات ركبات . رميساء: اف منك انور افف . وتبعاتها وركبت .نور: وهكاك نبغيك ههههه و متجافيش راه عندي البيرمي . رميساء: سيري عالاه واخا انا عارفا هاد المرة غناكوها فعضامنا . خرجو البنات صايgين محيحين بالموسيقى والشطيح فالوطو ونساو اش تابعهم ، الشيفور مالقاش الوطو وشداتو التقفقيغا ، معرف اش يدير ، عند الدراري ...ياسر: شفت هادو غبرو .سيف: انا متأكد زادو من تما للباب هههه. زاين: ههه لا لا معندهم فين يمشيو الصباح هادا . ياسر: هادوك تسنا منهم كولشي . بان ليهم الشيفور دايز كيجري للفيلا . سيف : ههههه هالي قلنا .كان علي جالس مع خوه وشي رجال العائلة فالجيهة الاخرى من الجردة حيت كبيرة وواسعة ، مشا عندو وقال ليه الوطو مكايناش غوت عليه ، الدراري لاحظو هادشي و ناض سيف عند باه يفهم اش واقع .ووصل عندو ولقا الشيفور كيشرح ليه بلي الباب الكبير ديال الفيلا كان مسدود وسيف: واش ملقيتيش لوطو ؟ الشيفور: لا اسيدي دخلت شي صخرة خرجت ملقيتهاش . سيف: هههه صافي الواليد راه البرهوشات لي هزوها . علي: البنات ؟ واش كتسنا سير قول لدراري يشوفوهم فين ويجيبوهم ليا انا لي غنتفاهم معاهم . سيف: ههه واخا . رجع سيف ميت بالضحك والدراري كيتسناو فيه مفاهمين والو .وصل عندهم وقال : ههههه نوضو تgعدو قلبو على عيالاتكم ، راه هازين لوطو ديال الوليد وخارجين بيها. ناضو قفزو بكلاكيطاتهم، غاديين كيجريو وكيغوتو .زاين: واش هاد البرهوشات مغخليونيش ندوز نهار مرتاااااح .ياسر: غنقتلهووووووووم .....فهاد اللحظة نور ورميساء جالسين فوق الوطو كيتمنضرو فالبحر وكيشربو موناضا وفجاة شهقت رميساء ، نور: مالكي الخرا .رميساء: معرفتش فجأة سمعت صوت ياسر كيقول غنقتلكم ....

 رميساء: معرفت حسيت بلي فجأة قفرناها ؟ نور: هههه وراه نيت مقفرينها ،غير صبري احبيبة على خبزتك حتى تطيبب رميساء: والله لابقيت ليك مازال زيدي كقلبو على شي حاجة نديوها ، باش نقولو ليهم كنا مصخرين . نور: هههه واش هادي gاع خلعة فيك ؟ نوضي نوضي لا تموتي ليا هنا . ركبو وضيمارات نور شعلات الموسيقى و تمت راجعة بقاو سايقين ونور ممسوقاش كتغني ورميساء حداها كتاكل ضفارها .... عند الدراري ياسر سايق ، زاين: دابا فين غيكونو زادو . ياسر: معرفتش ندوزو فطريق البحر ونشوفو هي لي قريبة . زاين: الله يا ربي الله واش درت فحياتي .ياسر: بلاتي بلاتي واش هادي هي لوطو ؟ كانو غاديين من الجيهة الاخرى ديال الطريق كانو راجعين . زاين : والله حتا هما .هنا رميساء شافتهم وبانو ليها غاديين فلوطو من الجيهة الاخرى هما غاديين كيشوفو فيهم و كيتحلفو عليهم ب2 وزاين دوز ايديه على عنقو بمعنى غندبحكم .شهقت رميساء وضارت عند نور لي مشافتهمش : اتي مالكي اناري ؟ رميساء: ناري مك قشعونا قباضين رواحنا ، والله حتا ق**ها، عفطي المسخوطة لحقيني عند ماما الى شدونا برا الفيلا غنرجعو بلا ريوس . نور:ناري كيدارو تالقاونا هاد الخرى فين هما دابا .رميساء ضارت : ناري مك ضارو مع الرونبوان تابعينا ، عفطييييييي. نور عفطت وزادت فالسرعة : واللهلا شدونا .... عند الدراري ، ياسر: هههه عفطت بنت الحرام .زاين: هههه نقص راك خلعتيهم دابا يقلبوها . بقات نور سايقا ومقابلاهم من المراية ورميساء كتزنزن حداها بالخلعة : ناااري غيشدونا ، بغيت ماما ،انا باقا صغيرة باقا باغا نعيش ، غيقتلوني هاد 2 حلاقم غير بمسبتك نتي ابنت الحرام .نور: صافي سكتي المرض ، اصلا حنا فاللفيلا مغيقدروش يقيصونا وكاين عمي علي و ماما مغيقدروش يقيصونا ، غير تهناي . رميساء: واش كتضحكي عليا واش حنا فالفيلا دابا بان ليك شي بابا ولا ماما ، ماحدي باقا موصلت للفيلا مغنرتاحش . نور: صافي سكتي كتشوشيني ، ناااري قربو لينا. قربو ليهم ولاو سايقين بجنبهم . ياسر: ها هي فمك مامشيتش حتا درتيها . نور: مالكم اش واقع، مدرنا والو غير .. زاين: مازال زايدين فيه ، وقفو الوطو دابا . نور: واخا .رجعو هما لور باش يجليو لطوموبيلات فين يدوزو ونور تاهي وقفت . رميساء: اويييليي اش درتي ؟ نور: غير سكتي شوية . خلاتهم حتا خرجو من لوطو كيجرو فكلاكيطاتهم وحوايج الدار ،وجايين عندهم وهي تكسيري وخلاتهم واقفين مبهوضين تما ، وحتا رجعو كيعترو للوطو و ركبو تاني . ونور ورميساء ميتيين بالضحك .رميساء: ناري مسخوطة نتي . نور: ههههه شفتي وجاههم هههههههههرميساء:ههههه وصلو كلاكصوناو وتحل الباب هبطو كيجريو و الدراري دخلو وراههم وهبطو تابعينهم ، البنات دخلو كيجريو للفيلا ولقاو علي واقف عليهم

دخلو البنات كيجريو لقاو علي واقف فالجردة هربو لعندو زعما يتحماو فيه من الدراري .زاين: بابا خلينا منا ليهم😡، علي: صافي بدلو ساعة باخرى انا لي غنتكلف بيهم .نور ورميساء شافو فبعضياتهم وكيضحكو زعما فلتنا منها😅! جبدهم علي من وراه من ودنيهم وقال: نتوما مابانت ليكم طوموبيلتي لي تديو ها 😤😤؟ وكون طرات ليكم شي حاجة فين نوليو، واش لوالديكم نتوما حتا لزواج عاد تفروحتو ؟ نور: مبقيناش نعاودو اعمي غير فوتها لينا هاد المرة😨😨. الكل كانو مجموعين فالجريدة برا وكانو كيتفرجو فالبنات كيتناقاوليهم الودنين .رميساء: اه ابابا اخر مرة 😰. سيف: لا عنداك الوليد ، هادوك راه مكيتوبوش😏😏 . علي العقوبة ديالكم كتسناكم فالكوزينة ومغتغداو حتا تكملو يالاه غبرو من قدامي .مشا جلس فالطابلة .ليلى: كون غير خليتيهم حتى يتغداو اعلي . علي : لا خليهم باش عمرهم يعاودو ، فيا مندير لكل وحدة طوموبيلتها ولكن هما متهورات منتيقش فيهم....تور ورميساء دخلو للكوزينة غير شافو داكشي وحلو فامهم 😱😱نور: نووووواااااي😵😵 .شافت فالخدامة : متقوليش ليا غنغسلو هادشي كامل 😒😒. الخدامة: غير سمحو لينا الانسات هادو اوامر سي علي .وخرجات وكدلك بقية الخدم وخلاوهم بوحدهم كيشوفو فديك الروينة. رميساء: اويلي على هادو اش كانو كيطيبو ، ناري اما راه فيا الجوع منقدرش نصبر😢😢 .نور: صافي صبري غنتعاونو ونساليوهم دغية .رميساء: اففف هادشي كولو بسبابك ، نتي ديريها وانا نتgدم فيها 😤😤. نور: ياك ؟ واش منين كنتي محيحا وكتشطحي فلوطو مكانش هامك ، دابا عاد وليتي مgدما😒😒 .رميساء: ايوا الصراحة الخرجة كانت زوينة ، كون مخصروها لينا دوك قشبال وزروال مبقاوش كيتفارقو تاهوما هههه 😂😂.نور: للطوارئ 😜😜هههههه رميسا:ههههه وزيدي نغسلو هادشي قبل ميجيو لينا . بداو البنات فالغسيل ،شعلات رميساء الراديو حداهم ، كيغسلو الماعن يغنيو ويشطحو وع بعضياتهم ، ديما خالقين السعادة غير من والو ، سالاو العائلة الغدا وهزو الخدم الماعن وجابوه ليهم. رميساء خرجو عينيها : 😮😮😮omg واش هادشي مكيتقاداش .نور بدات تغسل و تنفخ حيت تعصبت الخدامات حطوهم ليهم وخرجو ، البنات كيغسلو وينgرو عل بعضياتهم نور: اويلي عمري غسلت قد هكا ديال الماعن باز لهاد الخدامات .رميساء: انا راه عمري غسلتهم gاع . ونطق ياسر: باش ياله يتعودو دوك ليديدات على الشغل راكم مقبلات على الزواج 😜😜ضارو البنات شاهقين قفزهم ، ولقاوهم متكيين فالباب ومربعين ايديهم كانو كيتصنتو ليهم فاش كانو كينgرو .زاين: ههه حيت فاش غنتحولو لديورنا الجداد، مكاينش الخدامات ، نتوما لي غتقابلو ديوركم بريوسكم . نور: ههههه كتضحكو معانا ياك 😳😳؟ رميساء: *فيها البكية* بقاو تحلمو 😢😢.زاين وياسر: هههه احنا غنشوفو . خرجو وخلاوهم كيتغبنو ، دخلت صفاء: هههه البرهوشات جا معاكم دور الخدامات . رميساء: غتخرجي ولا انا لي غنتف طاسيلتك هاد المرة .نور: خلي الزمر كيهضر معند بوها عقل .صفاء جبدات المواعين وكل طبسيل باش عمراتو ورجعات للور فوق البوطاجي لي وسط الكوزينة وحطاتهم قدامها جلخات المواعن ، كتاكل وهما ضايرين كيشوفو فيها مغددين بالفقصة ، على الماعن وعلى حيت كتاكل وهما محرومين من الغداء. هي كتاكل وكتفقص فيهم نور تحت سنانها: والله حتا غنشقفهم فوق راسها الكلبة شتي اش كدير 😡😡؟ رميساء : كدير هكا باش تفقصنا ،طنشي الخرا 😤😤. ضارو يكملو وهي كل شوية تحط ليهم ، وهما دايرين ريوسهم ممسوقينش ،باش مينوضوش الصداع اما هي غامزايديندا فيه .دخلت عندهم الحاجة الرقية : بناتي الغزالات 😊😊، خلاكم بلا غدا 😔😔؟ نور: غنساليو هادشي ونتغداو اجدة 😊😊. الحاجة رقية: واخا ، اه ! وردو لبال لهاد السوبيرة عزيزة عليا كانت كادو من مي الله يرحمها 😊، عنداكم تشقق ولا شي حاجة . نور ورميساء: كوني هانية اجدة 😄😄. الحاجة رقية :الله يرضي عليكم . ضارت عند صفاء: ونتي يالله تغديتي، مالك كتسرطي عاوتاني .صفاء: باقي فيا الجوع اجدة 😨.الحاجة رقية : نقصي الماكلة ، راه غتغلاضي و تبقاي واحلة فينا .البنات: 😂😂😂ههههههه ، خرجات الحاجة ، وصفاء فقصوها حيت ضحكو عليها ، قربات ليهم وهما كانو ضايرين مردوش ليها البال غفلاتهم طيدات السوبيرة لي حدا نور وتبعاتها الزلايف لي حدا رميساء ، هي هربات لبرا والبنات شهقو😱😱😱 وبقاو كيشوفو فبعضياتهم 😟😟، سمعات الحاجة رقية التهراس ودخلات عند البنات لقاتهم واقفين مبهوضين ، وتبعوها عزيزة و ليلى . ليلى: اوييييلي اش درتو 😱😱؟ الحاجة رقية: اويلي هادشي غير وصيتكم 😰😰؟ عزيزة: داروها بالعاني، هاد برهوشات ضاسرين😠😠، ومربيتوهومش كيف خاص يترباو . ليلى: ياله لبيت منشوفش وجهكم حتا نعيط ليكم😤 .نور ورميساء : بقاو غير كيسمعو التوبيخ من هادي لهادي معطاوهمش فرصة يدافعو على ريوسهم ، رميساء غلبوها دموعها بدات كتبكي 😭، ونور عاقدة حجبانها 😠وبانت ليها صفاء كتضحك عليهم من وراهم وكتشفا فيهم 😈. جرات عليهم ليلى طلعات رميساء كتجري للبيت و نور تابعاها مغددة ، دازو من قدام الصالة لي مجموعين فيها العائلة وطلعو لبيتهم .

دازو البنات كيجريو ، ودخلو العيالات للصالة بعدما قالت ليلى للخدامات يجمعو الروينة، والحاجة رقية كانت باينة فيها التقليقة، قال علي : الحاجة مالكم اش وقع ؟ عزيزة: هادوك البنات ممربيينش،😠😠 ماشي هرسو السوبيرا ديال ماما بلعاني بعدما وصاتهم . علي: لا البنات قباح ولكن ماشي هاد النوع ديال القباحة😧😧 . زاين: غيكون غير مقصدوش، البنات ميديروهاش اخالتي ☺☺. عزيزة : واخا نقولو ، مقصدوش و غيطيحو السوبيرا بزلايفها كاملين مخلاو فيها تا وحدة 😤😤. ليلى: صافي راه عاقبتهم وسيفطتهم للبيت .... عند البنات رميساء كتبكي فوق الناموسية ونور غادا جايا فالبيت ،رميساء: بنت الحرام شفتي شنو دارت 😭😭😭؟ نور: غفلاتنا بنت الحرام وصلات بيها تقلق جداها غير باش تشد معنا الضد😡😡 ، ولكن والله لا بقات فيها ، بغات اللعب انا لي كنعرف ليه وغندمها بنت الكلبة 👿👿. رميساء: اش غديري ، راه بنت الحرام غتدورها لينا تاني 😨😨، التهمة راه تابتة علينا الى ضربتيها غنوليو حنا لي حgارات وظالمين . نور: لا تادنا غنحاربوها بطريقتها وغنضربوها من التحت 😈😈. رميساء: كيفاش 😰😰؟ نور: معرفتش خليني نفكر . رميساء: اففف شنو دابا هما كيوجدو للعرس وناشطين وحنا هنا محبوسين معاقبين على حاجة مدرناهاش 😠😠. نور: غير صبري احبيبة والله لا بقات فيها . رميساء: صافي نوضي نمشيو للجاكوزي الفوق ، نريحو اعصابنا شوية حتا نشوفو شنو نديرو مع ديك الكلبة . نور: ياله . طلعو البنات و هما كيقتارحو على بعضياتهم اش يديرو ، حلو الباب وبانت ليهم صفاء فالدوش ديال تما كتغني وتضحك معايقاش بشكون وراها وهي اصلا رادا الخمية عليها ومسخنا الجاكوزي غتخشا فيه من بعد ، رميساء كتوشوش مع نور: بنت الحرام سبقاتنا ليه يخ 😤😤. نور: ههه انا غنحرمو عليها غير صبري 😈😈. مشات هبطت كتجري ضبرات على لصاق قوي شوية . وطلعات عند رميساء : اويلي اش غديري بهادي 😨😨.نور: هههه هانتي غتشوفي . دخلات نور كتسلت وكباتو بالخف فالشمبوان ديال صفاء ورجعو لور صفاء كانت مغمضة عينيها مرداتش البال، غسلات شعرها و عاودت هزات شمبوان دير غسلة اخرى ، كباتو نيشان فشعرها وبدات تحك بايديها حتا كتحس بشعرها لصق فايديها وشعرها لصق فبعضياتو وبدات تغوت ، البنات هبطو كيدردgو لايحصلو ميتين عليها بالضحك .رميساء: ناري مك على افكار عندك ساليتي معيا 😂😂😂😂. نور: نشوفو دابا باش غتحير . بانو ليهم طالعين كيتجاراو يشوفو مصدر الغوات ودخلو لبيت لي قدامهم وسدو الباب . رميساء: ناري كن شافونا غيعرفونا ماليها 😅😅.ضارو يشوفو البيت ولقاوه بيت صفاء ، وكانت موجدا التكشيطة لي غتلبس حمرا ومعريا من الصدر وفيها الزواق بالدهبي ومشارجيا وحاطا ها فوق الناموسية مسرحاها وحداها الصنادلة والبوشيط ديالها والميكاب لي غتستعمل . نور: ههه اش بان ليك نقطعوها ليها 😈😈. رميساء: لا غيعيقو ، انا عندي فكرة اخرى .نور: شنو هي . رميساء: صبري انا جايا . هبطات ومع الاخرين ملاهيين الفوق مع صفاء مشافهم حد ، مشات رميساء للكوزينة هزات الحار وطلعن كتجري ودخلت عند نور : اش بغيتي هادا 😮😮؟ رميساء هزات الكلوس الحمر لي غدير وعصراتو فيه . نور: حتا نتي معندو ميدير ليها 😠😠. رميساء: هههه لا راه عندها هي ومروى الحساسية منو ، الى قاستو كيحرقها وكتولي البلاصة حمرا ومنفوخا 😂😂😂.نور: ههههه اله يرضي عليك نيت باش نعلمها تبوس ليا خطيبي بيهم 😡😡، وياله نطلعو عندهم نديرو راسنا تاحنا سمعنا الغوات وطلعنا 😂😂. رميساء: هههه ياله بغيت نيت نشوف وجها

طلعو البنات لقاو العيالات لداخل عندها والرجال برا. نور بمكر سولات ياسر: اش واقع 😁😁؟؟ .هي كتهدر وكنغز فرميساء لي مخبية وراها كتعاني مع الضحكة لي حابساها . ياسر بتشكيك😒😒: زعما ماعارفاش ؟ نور: لا، انا غنشوف الراسي اش واقع 😳😳. جرات رميساء ودخلو لداخل لقاوها كتبكي وتغبن و شعرها ملاسق فبعضو كيصوف الحاولي ومها كتقطع ليها لي لاصق فايدها من راسها ، مهم داك الشعر الزعر تنتف ليها ولا شي طويل شي قصير وعاد داكشي لي ملاصق . صفاء: ماما لا متقطعيششش 😭😭عزيزة: وكيغاندير ليه راه خاصني نقطعو😤😤 ، من بعد ونشوفو شنو نديرو ليه . ليلى: كيفاش حتا وقع هادشي😮😮 ؟ صفاء : هادوك الق*** لي وراك هما مالين هاد الفعلة 😭😭😭.نور: ايييه جمعي فمك وحتارمي راسك وحتارمي لي حداك 😠😠😠، علاش غنديرو ليك حنا هكا ؟ الحاجة رقية: صفاء اش هاد المستوى شوية ديال الاحترام😠😠.صفاء كتغوت: راه هما لي دارو فيا هكا 😫😫، خاص هاد الهضرة تقوليها ليهم هما . ليلى: وعلاش بناتي غيديرو ليك هكا 😒😒؟اش بيناتكم ؟ صفاء: مكيحاملونيييش منين جيت وهما حاطين عليا 😨😨. رميساء: باسم الله عليك احبيبة ، مابينا وبينك والو باش نديرو ليك شي حاجة 😏😏. غير نتي لي مقروصة احبيبة . صفاء جعرت ناضت من تما وهي عريانة باغا طير عليهم فقصوها😡😡 ،غير حطات رجليها وهي تهز حتا لفوق وتخبطت مع الارض كولشي فيها تزعزع . نور مكتصبرش على السيناريو ديال شي حد طاح قدامها ،وشكون ماكان حلات فومها كتضحك بالجهد 😂😂😂و عينيها دامعين ومسدودين ووجها حمر و رميساء كتضحك على صفاء وعلى نور لي غتموت حداها .عزيزة : 😱😱😱الله الله الله على بنيتي عين وصابتك يالحبيبة .ليلى شافت البنات غير غيشعلوها بالضحك ديالهم وجرات عليهم وسدات الباب ونور طاحت على رميساء كتضحك وتضرب فيها ورميساء فاشلة تاهي 😂😂😂😂، وكانو الرجال تفرقو بقا غير زاين وياسر منين سمعو غواتهم مع صفاء وتسناوهم حتى يخرجو ،نور كتهضر ومخنوقة بالضحك: 😂😂😂😂😂😂ناري مك .ش..ش ..شفتيها ك..كولشي كان كيتهز ههههههه رميساء تاهيا فشلات: واااا مييي كرشي هههههه 😂😂😂😂سكتوها ..علياا مبقيتش قادرا .زاين وياسر كيشوفو فيهم لاويين فالارض كانو ناويين يجمعوها معاهم منين شافوهم هكاك غلباتهم الضحكة وعاد سمعو الطيحة ديال صفاء من برا . ياسر: 😄😄هههههه لمكم نتوما هادشي لي مقابلين ، والله و نعرفكم نتوما لي درتو ليها هكاك حتا نضبر معاكم 😕😕. زاين:نوضو نوضو من تما سيرو لبيت 😒😒، والهضرة ماشي دابا ورا العرس ، ونشوفو قضية الطوموبيل و السوبيرا تاهيا 😒😒. كيسمعو تعياط عليهم خاصهم يمشيو مع سيف للحلاق يحلقو على الحالة . غاديين وكيهضرو .ياسر: دخلو للبيتكم و باراكة من الزبايل 😒😒، راه ممسالينش ليكم . نور: هههه زيدي قدامي تاحنا نديرو شي ماسكات ونتهالاو فريوسنا ، دابا عاد رشقات ليا 😂😂. رميساء: هههه هي الاولى . مشاو دخلو للبيتهم و سخنو الحمام دوشو وتخشاو فالبانيو ودارو الماسكات وترخاو نما بيما وصل اليل حيت العرس مغيبدا تال 8 ، بقاو شحال مرقدين تما ، جرجو بيبضات مزينgات كيقشعو لبسو 2 بياس وبقاو يضورو هكاك فالبيت ، تهلاو فالجسم ديالهم مرطبات و الروايح والكريمات مشفو شعرهم وكل وحدة صايباتو للاخرى 👄💅💄، نور: اجي بعدا اش غنلبسو نبقاو كنضورو مبزطات هكا ؟ رميساء: لا راه مانا غتجيب لينا من داكشي لي كتصمم . نور: يخخ مكنحملش نلبس البلدي 😒😒، كون غير خلاونا نلبسو لي غوب احسن . رميساء: مالك تسطيتي والله لا خلاتنا وعاد جدة كاينا مستحيل تخلينا ، دخلات عليهم ليلى كتشوف فيهم عريانات وجالسين رجل على رجل وكيتحتو بيناتهم : 😍😍تباركلاه ما شاء الله على العريسات الصغيورات ديالي ، *قربات ليهم وحطات داكشي لي هازا فوق الناموسية * وشدات فيهم ب2 😊😊اش هاد الزيونات ، كتفتنو بالزين ما شاء الله عليكم ، متبقاوش تجلسو هكا عريانات هكا الدار عامرا غير بالدراري لا يدخل عليكم شي حد . رميساء : وغير حيت كنا كنتسناوك تجيبي لينا مانلبسو 😋😋. ليلى حلات داكشي وجبدات 2 قفاطن .ليلى: هاكو هادو من تصميم ديالي عمر سي حد لبس بحالهم . رميساء: زوينين اماما ولكن مقجوجين تال العنق 😑😑؟ ليلى: دوك المصعورين ديال ياسر وزاين وصاوني ابنتي منعطيكمش شي حاجة معريا 😠😠،مهم كل وحدة جبت ليها الون لي كيعجبها ياله لبسو ووجدو ريوسكم ، اما غنمشي نكمل شغلي ونوجد راسي 😌😌، ياله انا مشيت . البنات: باي. نور: ههههه واللهما كدبات مصعورين نيت 😂😂. رميساء: هههه زيدي نلبسو دغيا نمشيو نطلو على صفاء اش دارت .نور:هههه 😈😈اوكاي . لبسو ابنات وقادو مشيطات ودارة ميكاب ب2 سموكي خفيف فالعينين وكلوس ، لبسو طالوناتهم وخرجو من البيت . تلاقاو مع زاين خارج من بيتو نقس من شعرو فالجناب ومطلعو لفوق وكوستيم كحل بقا واقف حل فومو فنور 😍😍تبعو ياسر : امالك حال فم....تاهو شاف رميساء قدامو وبقا حالو تاهو😍😍 ، قربو نور ورميساء ....

قربو البنات وبداو يدوزو ايديهم قدامهم ، وكيعيطو بسمياتهم ، نطق ياسر: واااو 😍😍اش هاد الجمال كامل ، زاين: واتاكم البلدي 😘😘.نور: ههه عارفين ريوسنا غزالات متحتاجوش تقولوها لينا 😎😎.رميساء: وي b1sur ، زاين شاف فياسر: وياله شوف العياقة 😒😒.ياسر: هههه ياله تهبطو راه ناس بداو يجيو 😜😜. رميساء: غير سيرو حنا غندوزو نباركو للعرسان ونلحقو عليكم . زاين: واخا دوزو هكا وهلا هكا نضبر معاكم 😒😒، احنا لتحت . نور ورميساء: واخا هبطو الدراري لجردة والبنات طلعو للفوق كيتمخترو ويتكسولو عاجبهم راسهم ، دازو لبيت فين كيوجدو العرسان دخلو عندهم ، سيف : اهلا اهلا باميرات العائلة اش هاد الجمال 😜😜. رميساء: هههه شكرا خويا ولكن الجمال هي ضحى ، جيتي غزالة احبيبة .😘😘ضحى سلمات عليهم : عيونك احبيبة ديالي 😇😇. نور: مبروك علكم ، جيتي كتحمقي 😚😚. ضحى: شكرا احبيبة حتا نتوما كتحمقو ،نتي هي نور ياك ؟نور: اه 😁😁ضحى : واللهيلا ديما سيف كيعاود ليا عليكم و على المغامرات ديالكم 😄😄ههه. رميساء: هههه كتشدو فينا النميمة 😳😳.ضحى: غير غير بالخير ههه . نور: الصراحة اضحى بقيتي فيا ،نتي زوينة متستاهليش هاد المفروح.😂😂 سيف: هههه على نتي بعقلك ، راه زاين لي بقا فيا مسكين 😒😒. نور: شفتيه فين غير النgير كلهم طاسيلة وحدة الله يصبرنا اختي وصافي . ضحى : ههههه 😂😂دعي معايا اختي . نور ورميساء: الله معاك احبيبة . باركو ليهم وخرجو ، نور: نطلعو نشوفوها اش دارت 😈😈؟ رميساء: ياله .طلعو البنات لبيتها كيطلو من برا ، وكانت معصبة ومعاها الحاجة وليلى وعزيزة ومروى لابسين . ليلى: هانتي ديري هاد البيروك راه بشعر طبيعي ميبانش دايراه بيما نشوفو شنو ندير للشعرك .صفاء دارتو : واخا نشوفو هادشي فين غيوصلنا😤😤 .بدات تماكي وهي تدير الكلوس ، وشوية بدات تنقز وتعوت بفمها كيحرقها ،مسحو ليها الكلوص فمها حماروتنفخ ،البنات هبطو كيضحكو عليها دخلو للجردة كانو الناس بداو يجيو ، علي كيستقبل الناس ومعاه سعد وخو علي حميد .دخلو البنات ولقاو الدراري جالسين فطبلة وكان فيها زاين وياسر و عمر و عماد وسليم ، دازو من قدامهم وجلسو فطبلة اخرى نور كتدور وجها كتلقا زاين كشوف فيها وكيغمزها  😜😜، اما الكوبل لاخر كيتراسلو فالهواء ، دخلات الحاجة و ليلى كيستقبلو مع علي ومروى جلسات مع البنات ، وجاو شي بنات العائلة جلسو معاهم تعرفو عليهم وجلسو على التبوريدة والسلوgيات ، حتى دخلو العرسان فجو الموسيقى والدقة الماعرت شنو هي 😂😂جلسو وبدات الموسيقى ، دخلات صفاء بعدما هدنات فمها واخا بقا منفوخ شوية جلست كتخنزر فالبنات وهما كيوشوشو ويضحكو عليها ، بقات كتهضر وتحتت مع البنات العائلة سولاتها وحدة ، شفت زاين من الصباح وهو كيشوف لهنا ياكما رجعتو لبعضياتكم اصفاء هه. صفاء: 😅😅😅ههه اه احبيبة رجعنا لبعضياتنا ، مقدرش ييصبر على فراقي ورجعنا لبعضياتنا 😄😄.نور سمعاتها اش قالت واخا كانت كتهضر بصوت خافض نور طالعو ليها الجنون وهي تقول : شنون اختي لي رجع ليك 😠😠. صفاء: 😰😰😰نور: سمعو البنات زاين خطيبي انا وعلمنا الخطوبة ديالنا والشهر الجاي نتوما معروضين للعرس 😜😜. البنات بداو يوشوشو ويضحكو على صفاء هي مرضاتش وقالت : هو كيبغيني وغيرجع ليا حيت انا الاصل 😠😠، اما نتي غير برهوشة ولصقوك فيه .نور نسات فين كاينة وهي توقف ليها: شوفي اديك فم الشفنجة ، الا ماكفاكش داك نتيف الشعر لي درت ليك غنوريك المهارة القتالية ديالي، ونوريك زاين رجع ليبك كيف دايرا😡😡😡* رميساء وقفت كتنغز فيها * زاين كيبغيني انا ، نتي لي معرفتيش قيمتو و..*رميساء سدات ليها فمها وهضرات فودنها * رميساء: صافي سكتي الناس كيشوفو فينا .😨😨 نور: شوفي فيا نتي الى باقي قربتي ليا ولزاين واللهما يعجبك حال فهمتي ...فهاد الاتناء ألدراري لاحظو طبلة البنات فيها مشاحنات وقال سليم : واش هادو كيتخاصمو 😳😳؟ تلفتو وشاف نور نايضة كتهضر ورميساء كتنغز فيها باش تسكت .بغا ينوض ياسر وحبسو زاين:😠😠 انا غنشوف اش كاين . ناض مشا عندهم وقال: اش واقع هنا 😠😠؟ رميساء: والو اخويا 😳😳.صفاء: لاعنداك زاين من الصباح وهما يتبورضو ويتناقزو عليا و محتارمونيش انا اكبر منهم 😩😩. زاين: صافي هنيونا *شاف فنور ورميساء* زيدو نتوما قدامي 😠😠.مشاو البنات قدامو ودار عند صفاء ونتي تبعيني😠 . صفاء فرحات يسحاب ليها دافع عليها، تابعاه كتضحك و تعوج مشا عند ياسر: 😤😤ها هما هادو معاك حتا نرجع .مشا زاين وتبعاتو صفاء كتقلي السم للنور ...

***يتبع**