البرهوش الجزء 31

مخليت فين قلبت عليه وهو لي لقاني فلخر سيد بارك فدار عندي صدمة تنسول فيه فين كنتي.. قاليا دخل لدار بعدا وندويو دخلت لدار قاليا دوي ليا على دار عندي واش بيخير كيف دايرين؟؟ خونا كتسول فيا يلاه دبا لعندهم راه مقادش نمشي نشوفهم حيت غادي يبداو يسولو فيا عليك وأنا معندي منقول راه تيحساب ليهم أنا تنقلب علك دبا؟ خونا مباغيش يجاوب تيقوليا ميزيان ملي وقفتي على رجليك تاني مبروك... وا ساط واش مكتسمعش قلتي ليا غادي تحل لمشكلة مع خونا وغادي تبعني صيفطتيني هنا بشهور ونتا مزال مجيتي وبلا حتى ريال وشنو شنو فاش مشيت لعندو نسول عليك وبفلوس ماماك تيقوليا مشافكش شنو واقع أشمن مصيبة تاني هادي؟ قاليا شي حاجة بعيييدة عليك ومبغيتكش تدخل ليها عندي شي خدمة غادي نمشي تاني واحد لعام ولا زوج عاد غادي نرجع.. كيفاش منيتك عام ولا عامين.. و عائلتك؟ خسر عليهم تيليفون دوي معاهم أصاحبي؟ قاليا منقدرش دبا عندي شي خدمة مهمة غادي نمشي تاني مبغيتش نمشي لدار حيت غادي يشدوني ومغاديش يخليوني نمشي تاني قوليهم بلي أنا بيخير عندي شي خدمة غادي نساليها وغادي نرجع معرفتش بضبط ولكن غادي نرجع وممحتاجش تعطي لداك سيد شي حاجة صافي نساه أنا غادي نعيطليه غادي ينساك بغيت غير نوصيك على دار فاش نسافر حيت مغاديش نرجع دبا وفوت عليك لواليدة ديرها بحال لواليدة وخا؟ خربقني كيفاش هنا ومقادش يمشي يشوفهم ويقوليهم هاد لهضرة وهيا ديرلي طنن نفس هادشي واقعلي دبا منقدرش نمشي نشوف عائلتي حيت مغاديش يعاودو يخليوني نمشي وأنا كنت باغي نقلب على عبدو.. قلت ليه صافي سير ومضربش ليهم حساب مخلي خوك هنا غير متعطلش.. قاليا غادي نسالي ونرجع, داوين وهيا توقف شي طوموبيل قدام دار قاليا خاصني نمشي قوليهم ميخافوش عليا غادي نرجع من بعد.. خرج تبعتو باليا طلع فواحد رونج ومشاو بقيت بارك تنفكر فكيفاش غادي تقولها لدارهم أصلا تيحساب ليهم مات ولا وقعاتليه شي حاجة خيبا يعني أيفرحو إلا سمعوه بيخير وغادي يرجع.. ديك ساعة مشيت لعندهم تندق وهيا تحل ليا مراتو دخلنا قلت ليهم معندكم مناش تخافو راه بيخير وتيسلم عليكم غير ميقدرش يرجع دبا بداو تيسولو قلت ليهم بلي هادشي لي قاليا معارف والو من غير هادشي ومن هنا كين أنا بحالا كين هو لي حتاجيتوها وديك لهضرة.. خرجت تنفكر نرجع لدار كنت باغي نقلب على عبدو عاد نرجع صافي ها هاد لمسمار تطرق دبا خاصني نرجع لدارنا وهادشي لي درت جمعت حوايجي وقصدت ديك دار لي باركين فيها دخلت ضو شاعل وسوارتي مزال عندي حليت لباب دخلت لواليدة كدير رياضة هيا ولواليد سلوكا ديال مخي تسوطاو ومنساجميين فداكشي لي كيديرو واحد لواليدة معرفتهاش كيفاش نقزات عليا تنقوليها صافي مغاديش نعاود نمشي واحد لواليد من داك نوع لي معندوش مع لعواطف تيقوليا طواليتي هادا هو سطااج لخر ديال لحنان لي عندو مفهمو والو منين جاوك سوارت؟ قلت ليهم من عندك سيكيريتي.. تنسولهم على مهدي قالت ليا لواليدة منعرف فين خارج بحال ديما ولا تيخرج بزااف فليل وكيتعطل تفكرت مريم شنو قالتلي 100% غيكون فداك لبار لمهم ريحت معاهم وهوما يجبدو لهضرة على مرات مهدي وعلاش مجيتش قلت ليهم مكرهتش داوين وهوما يدورو ليا صمطة ولبنت لي شفنالك داك نهار مبقيتوش كتدويو أنا نسييتها هاد لبنت كاع لوالده قالت ليا غنمشيو نشوفوهم لابدة عجباتني لبنت أنا مشات لدوش وبقيت أنا ولواليد تيقوليا عنداك تزوج حدااري راه كاع مسكيات بمغرفة وحدا تقريبا لأب لوحيد لي تقدر تسمع منو هاد لهضرة ولكن باينا كاعي مع لواليدة بقى داوي وخا تعطي حتى تعيا ينساو لخير ينساوه وهيا ترجع لواليدة قالت ليا عندك تما شي 100 درهم قلت ليها أه جبدتها ليها وهيا تلوحها عليه أخر مرة تسلفني وخا نطلبك تنشوف فيه حولك نتا غير كتحشي ليها لهضرة باركين طالقها عليهم كنت خدام فباتيسري صلاة صلاة لوقت مكنزكلوش.. وهو يدخل مهدي تصدم فاش شافني مشيت نعنقو تنشم ريحة قاااصحة باغي يخبي بيها ريحت شراب قالتها ليا مريم ومتيقتش لمهم مدواش تيقوليا كيفاش إمتى رجعتي واحد لواليد كلمة تيعاود فيها طيبها ديك بوس لخوك على راسو دارلي لعلة لوالدة كتبكي يحساب ليهم أول مرة نتلاقاو من داك نهار بركنا حتى نعس لواليد ولواليدة كيبقاو سهرانين حتى تيدخل مهدي وتينعسو لمهم بزز باش بغاو ينعسو بقيت أنا ومهدي راس فراس داوين على خدمتو تيحلف ميشد شي حاجة من عندي وهو يقوليا بلي نسيبو كان باغيه يلاقيه مع هاد شركة لي خدام معاه قلت فخاطري لحمد لله غير ملي جيت وبعدتو عليه داك خونا ديما بلاناتو هو لي رابح فيهم متأكد بلي كان غادي يخرج ليه على خدمتو.. ومنقدرش نقول لمهدي بلي تنعرف داك سيد وبلي نصب عليا ف فلوس شحال هادي ومخاصش داك خونا يشوفني مع مهدي حيت عارفني أنا لي ضربتو بطوموبيل وهادشي علاش عطيتو دوك لفلوس مزيان ملي مدويتش مع بنتو من لأحسن يبقاو هاد زوج عائلات بعاد على بعضياتهم أحسن حاجة وقعات أنهم تطلقو كون راه مهدي عرف بلي أنا لي ضربتو داك نهار بطوموبيل ومعمرو غادي يسمحلي وبعد دييك رجوولة كاملا لي دار معايا منقدرش نعاود نخسرو.. أسيدي أول ليلة ندوز مع عائلتي كاملا أصلا منعسناش بقيت أنا ومهدي حتال 5 ديال صباح عاد نعسنا غير داوين مخليناش شي حاجة مدويناش عليها أصلا نفس لعقلية نفس لجيل وتنبان قدو ولا كبر يمكن تأتير ديال لحية خونا وجهو ملط ماشي لخاطرو هو من داك نوع لي معطاهمش سيدي ربي لحية تيبان بحال سميتو عليه.. لغد ليه مفايقين حتال نص نهار لوالدة ولواليد كيتسناو فينا نفيقو عاد نفطرو لمهم باركين تنفطرو ساط فايق ضارو راسو بنادم معندوش لخرقة ديال لبلية وكينقز ولكن دبا فاش رجعت غادي يبقد على هادشي بزز منو.. لكراج خليتو مسدود لقيتو مسدود مقاصوهش بارك تنخربق فطوموبيل ديال لحاج وهو يدخل مهدي داوين وهو يقوليا باي يمكن غيمشي عند ختنى يدوي معاها ويشوف واش كين ما يتصلح يصلحو وديك لهضرة ديال لبغو تنبغيها و.. عرفتي شنو هيا سنيين متدويش مع خوك لكبير ونهار لول يزعم عليك هاد زعامة تا ترجل ازبل راه حنا أصلا لاعبين ناقصين.. قلت ليه سمحليا معنديش خبرة فهادشي شوف فاش تفوت هاد لبنت 40 عام أجي دوي معايا غادي نفعك دبا أخويا مافجهدي عليك واالو قاليا بغيتك غير تبقى مع لوالد ولواليدة حتى نرجع متمشي لحتى بلاصة تاني قلت ليه خود راحتك أنا معمري أنعاود نمشي.. هز طوموبيلتو وخرج دبا غادي يتصالح مع ختنى غادي تشوفني أتعرفني واتوصل لباها 100% ولا أيجي عندنا هو ديك ساعة غادي يعرف من عندو هو اللهم نقولها ليه أنا تيباليا يعرف من عندي أنا حسن الف مرة...