البرهوش الجزء 32

تنفكر كيفاش غادي نقوليه راه أنا لي ضربتك داك نهار مزعمتش أصلا يلاه رجعت وقلت غادي نبعد على صداع شويا غادي نجبد معاه هو صداع مبغيتش نتخاصمو دبا سو غادي نخليها فيد الله هو سترني مخاصنيش نفضح راسي بقيت بارك فدار وتنعكز فيه بلاما تمشي وكون بغاتك كون سولات فيك هيا ولواليد تيعاوني اه بصح دير القيم لراسك وأصلا رمضان سيمانة جايا.. باركين تنصبعو فيه يلاه بدينا تنقنعوه وسيدة مكتسول فيك موالو وهيا تعيطليه بنت لعبد تقول كتسمع فينا بلانات ديال ليهود دار معاها بلي غيشوفها تما صافي ساط غادي مبقى عندي مندير عنييبة مع راسو.. تنمشي لعند دار عبدو تنسولهم واش عيط واش محتاجين شي حاجة وخا عارفهم مغيحتاجو تا لعبة بخيرهم ولكن مزيان يعرفو بلي أنا كين وقتما حتاجوني تراه وليت تنشوف لوالدة ديالو وعينيا فالأرض أخويا ولدها يخلي دار بويا تاني يلاه وقفت على رجليا وأصلا داير فيا تقة لمهم مشا مهدي لعند مراتو لفرنسا موصلو لمطار ومزال تندير أخر المحاولات خويا مزال مشبعتش منك غادي تمشي وتخليني قاليا غنمشي نحل هاد لمشكل وأنرجع بزربا بغيتك تشوف مرات خوك.. ساط مشا رجعت لدار لملل مع لواليدة ولواليد ناس رجعو للمراهقة لحب وداكشي لعبو ليهم لفلوس فراسهم شحال خيبة تولف زلط لمهم باركين قالك باغين يسافرو حتى هوما لواليدة كتقوليا فين باليك نمشيو ولواليد تيقوليها خلي عليك دري راه عندو خدمة خاصو يقابلها باغي يلوح ليا لمساج ديال مغتمشيش معانا بطريقة زوينة وصافي ولكن معامن فيه رااك والد ميكرووب داير بلاصتي معاهم أصلا مغنديرش لقباحة.. عييت معاه نمشيو بشي طوموبيل من لي فلكراج وخا غير ديال مهدي قاليك والو غنمشيو بديك لميرسيديس 190 ديالو أش كتفهم نتا راه كتاكل طريق لمهم مكين لا سلو لا شباكية لا تالعبة توحشت داك لعجب وهاد ولاد ناس غادين مسافرين غادي يشدنا رمضان مسافرين لمهم لغد ليه خرجنا هازين شويا دلحوايج فلوس وصافي لواليد لقدام هو ولواليدة وأنا لور كنتفرج فلواليد طلع مهدي غير حبة طايحة من لعنكود غادين فتنا دار بشي 5 كلم لواليد هو يبدا كيغني لاموني لي غارو مني قالولي واش عجبك فيها جاوب.. قلت ليه وقف وقف أساط كتجري عليا وصافي وقف غنرجع لدارنا.. حطوني ومشاو والله حتى مربيني هاد ناس ورمضان قريب زعما شديت طاكسي رجعت لدار بارك تنفكر فشي دخلا باش نرجع ندوي مع ديك لبنت قلت علاش منعيطش على حنان ختها ونقوليها بلي كنت مريض وعلى برى ومشالي تيلي نطلقها عليها باش تعطيني نمرة ختها تاني وتقاد لأمور عيطتليها جاوباتني فين غابر توحشناك وديك لهضرة قلت ليها فلانة كيفاش دايرا والله حتى كنت.. مخلاتنيش حتى نكملها راه تزوجات وحاملا فشهر تاني دبا.. وييع أصلا داكشي أرزاق لمهم سلميلي على لواليدة. زعما ديك بنت ناس لي كنا معولين عليها تيباليا غندور حتى نعيا وأنرجع لسعاد حنينة وكتعرف تطيب وحنيينة صافي لعلديمو هاد عبدو أصلا غيبقى غابر عاام مغادي يرجع حتى نكون أنا مولا وليدات.. بارك تنفكر وتنخمم وهو يصوني تيليفون نمرة برانية جاوبتو هو خونا لي غير دبا كان على بالي عرفتي لما بركلي فركابي يكما عرفتي فاش كنت كنفكر؟ سولني على دارو قلت ليه كلشي بيخير معندك علاش تخمم وراه رتاحو شويا فاش سمعو خبارك قاليا واحد طلب قلت ليه مرحبا؟ كين شي ما نقضي؟ قاليا غادي تجي واحد لبنت غدا فرحلة.. مع.. بغيتك تمشي تلقا ليها ديرها فعينيك شوف غادي تقيصها غادي ناكل ليك عينيك قسما برب العزة تا نديرها راه قلت ليها خويا غادي يتلقا ليك شوف ليها شي بااصة مزيانة تبقى فيها كنت غنقوليك ديها لدار عندي مع لواليدة ولكن لمدام غادي يمشي بالها بعيد.. بقى داوي قلت ليه دبا هاد لبنت منين باش نعرفها تما؟ قاليا زوينة وسمرا شويا وطويلة راه وريتها تصاورك غير وقف عند لباب هيا أتعرفك قلت ليه صافي متضربش حساب وايلي أنديرها بحال ختي فرضاعة. غدا مع 8 دليل حققت تيليفون باش مننساش زعما إلا كانت شي تيتيزة صافي ضااع فيها حتى هيا خويا لواحد هو لي يوجد راسو مشينا لعند لحلاق ولمسائل لغد ليه ملقيت باش ندوز لوقت حتال ديك 8 وأنا نمشي لصال والو داك نهار مبغاش يدوز بزربا وباش ضرني لحال محقق تيليفون باش زعما إلا نسيت بحالا غنسا شي مرات تفكير عندي كيخرى تنعيط على لواليد ولواليدة نسول فيهم باش يدوز لوقت ممسالينش ليا ولاد ناس واحد مهدي حتى هو نفس لبلان رجعت لدار بديت كنتفرج فواحد سيري لوقت ولا طاااير وصل لوقت وانا مزال تنقول صافي أخر حلقة وغادي نوض تراه هادشي لي كان خاصني ندير من صباح واقيلا غادي مع 20:30 لعندها تنقلب ااو كلشي ولا سمر وطويل كيفاش هاد لبلانات تاني لي دازت من حدايا كنبقى نشوف فيها حتى سميتها معارفهاش تلقا شي واحد زرب عليا فيها دبا غادي راجع لدارنا وأنا نلقاها واقفة قدامي كتشوف فيا باليزاتها حداها كتدوي بلونغلي كونما تعلمتهاش شحال هادي كون راه تصيدت سلمت عليها وا هياا من ناحية سمرا سمرااا مكدبش وعندها حقها فزين بحال هاد لأشكال تنشوفهم غير فدوك سميتهم عليهم أنا كندوب غير هيا طويييلة عليا كان يحسابلي أنا طويل تخربقت غادين خارجين ملقيت منقول ولكن مخاصنيش نسكت بديت كنتمتم شحاال خيبة تبدا تمتم نهار لول الأدرينالين ديال ليهود وأنا نسد فمي كاع عيطلها عبدو داوين بالإسبانية أنا متنفهم والو غير متكونش كتقوليه راه كيتعنب عليا وهيا تمدلي تيليفون نفس لهضرة ديال متقيصهاش وكدا تمالني أنا شيطان عيب كاع باغيني نحلف ليك ولا شنو؟ قاليا راه غير حيت عاارفك برهوش نتا انا كين حداك ولواليد ومزكلتيهاش بقالك غير هاد لكتكوتة وأنا بعيد.. هاد ولد ناس واخد صورة خاطئة عليا وصلتها لدار عندنا مجاتش تمشي لوطيل ودار خاويا زعما لمغاربة معروف عليهم صواب ولخير..(الشيطان يتحدث) لمهم دخلنا وريتها واحد لبيت خاوي وتنحاول ما أمكن نفكر فشي حاجة أخرى رجعت كنتفرج فسيري ديالي وهيا تباليا دايزا سولاتني على لكوزينة نعتها ليها وهيا تضرب على لبيسي حتى أنا كنتفرج فهاد سيري باركين كنتفرجو وداوين ختنى زبدة فهضرتها أخويا أصلا مغاديش ندير معاها شي حاجة حيت عيني زايغا ولا شي لعبة بالعكس عندي هدف أسمى هو نحسن نسل نوليو نشوفو شي كمامر زوينين فهاد لبلاد سعيدة للأجيال لقادمة.. وهو يصوني تيليفون ودقان فلباب فنفس لوقت يعني أنا يهودي دبا تنشوف فتيلي لقيتها سعاد لوالدة ديال عبدو أحح حسات بيا أنخونها لحب يديرها هادي علامة من سيدي ربي مبغاش ليا لحرام تنجاوبها وغادي لباب حليت لواليد ولواليدة كنت معول غيرجعو حتال سيمانة جايا صالون لي كنت بارك فيه فاص مع لباب تصدمو لواليدة وهيا تشوف فلوليد هاي هاي هاي حولو رجع دري مبرتش فدار تنشوف معرفت ما ندير نشرح لواليدة ولا نجاوب سيدة فتيلي ولا شنو اندير لواليد وهو يدفعني وغادي داخل شكون هاد لكتكوتة وضفاك تاني مرة غيقول ليها شي واحد كتكوتة واش مكتوبة ليها فجبهتها بنت ناس إز يور نايم كتكوثة؟ لواليد نسا لواليد وبلاتي غير نشرحليك سيد فتيلي تيحساب ليها داوي عليها أشنو غتشرح ليا؟؟ قطعت عليها خويا نحل هادشي لي عندي هنا واحد لواليد أول حاجة مشات ليها فلبنت ضفارها قالت ليا درية مصالحاش ليك وا ولاد ناس راه مكاين والو بلاتي نشرح ليكم يلاه دخلت ليهم حوايجهم زعما مرضيي يلاه غنبدا نشرح شنو واقع تنسمع دقان تاني أنا كنت عارف هاد ليلة مغدوزش على خير خرجت نشوف لقيتها سعاد يا دي الفضيحة نتي لي بقيتي ناقصا تنجري عليها بالأدب حتال غدا وندوز لعندكم كتقوليا عبدو شنو واقعليه شنو غادي تشرح ليا؟ عرفتي بعد المرات باش تحل شي مشكل خاصك غير تسد فمك حيت اصلا معندك باش تشرح هيا حصلة ديال لكلاب متبغيهاش لعدوك...