البرهوش الجزء 33

مبقيت عارف معامن ندوي بقيت غير تنشوف ختنى بان ليها بنادم مجموع فصالون وهيا تدخل دوك لميمات تيكونو زاعمين اححح تنبغيها سديت لباب تبعتها كتسمع غير شكون نتي شكون نتا لبنت لي جايب لدار مسكينة معرفات باش تبلات ومفاهما تالعبة من داكشي لي تيقولو لواليد مبقاش عارف علامن أيحط لعين فخياتنا لوالدة كتسول شكون هادو سعاد وهيا تفاعل بواحد طريقة فشكل كتقوليا بعدا شكون هادي؟ احح كتغير شفت فلواليدة مرات ولدك الواليدة صدمتهم.. لواليد أييه وشكون هاد لكتكوتة مديال حتى واحد؟؟ قلت ليه هادي خت صاحبي جايا من برى وغادي تبقى معانا هاد ليوماين مجاتش تبقى فشي أوطيل راه مكين والو غير كتبغيو تكبرو لموضوع.. سعاد وهيا تنطق تاني قالتلي بلا كدوب واش مصيفطها عبدو؟ قلت ليها أه هو مبغاهاش تمشي لدار عندكم باش مراتو ميمشيش بالها بعيد وصافي.. اوا صافي غادي تمشي معايا لدار مراتو معندها متقول مالو مزال برهوش راه راجل قلت لختنى بلي هاديك أم عبدو غتديها لدارهم مشات تجيب حوايجها كلشي تيشوف فيا ما هدا يا هدا كيتسناو فيا نشرح حتى من سيدة صدمتها أصلا كنتباغاو يمشي ولدها يلعب مغاديش نزيد نتخلع منو راه مدوزين شي حاجة مقااودة على لعسكر غا متواضعين وصافي.. غادين خارجين بزوج وهيا تشوف فيا غدا نتلاقاو كين بزاااف ميتقال أحححح لحكام لوالدة بقات ساكتة حتى خرجو لواليدة وهيا تبدا ويلي واش كتضحك عليا سيدة كبييرة عليك غتكون قدي فلعمر لواليد خاصو غير منين يدوز لواليدة تيشوف فيها وكتقولي فيها بوجهك حمر قدك قدها وكتباني فحال مها.. شاف فيا قلت ليه لواليد أااا لقلب وما يبغي.. لا لا متبقاش تقوليا لواليد من ليوم قوليا خويا ولا عشيري ولينا فحال فحال دبا بحال لخابية فحال لغراف طلعي نتي لبيت متزيديش لكلمة ونتا غدا عندنا بزااااف ميتقال. بقيت واقف تما خويا دوك ضربات ديال لقلب 100% عندي شي مرض فلقلب بزااف على لبغو ولا شي خلعة بارك تنتفرج تاني بحالا موقع والو تنفكر فشنو غنقول لسيدة غدا فاش أنتلاقاو كاع نويطات لي عندي قلتهم ليها شحال هادي وفرشتها فاش قلت ليها الغاية تبرر الوسيلة.. بزز باش داني نعاس ديك ليلة لغد ليه تيفيق فيا لواليد مع ل10 تنشوف تيليفون سعاد معيطالي 5 لمرات ولكن ماشي وقتها دبا لواليد واقفلي عند راسي وضرب على ختنى معيطالي قاليا واش هيا هادي مقديتش نكدب أييه هيا أجي فين هيا لواليدة واش مقلقة؟ قاليا بالعكس فرحانة ليك راه خارجة تقدا شي حاجة قلت نبقى باش ندوي معاك فشي حاجة.. لواليد فايت فيه لميكانيك بدا تينصح فيا شوف اولدي دبا فاش كتاخد لبيرمي كتشوفلك شي طوموبيل قدييمة موطور مسخسخ كتعلم فيها عاد كتخرج شي وحدة جديدة يا ربي يكون هادشي لي فبالك حيت إلا كنتي بصح ناوي تزوج بديك سيدة غادي تقودها واحد خمس سنين أخرين غادي تولي تمشى بالعكاز ونتا عاد غادي تكبر ودير عقلك فكرني شحال عندك من عام بعدا نتا أصلا إمتى وليتي كتصوم؟ خويا سيد دخل فيا طول وعرض شتتلي شمل لي مزال متبناش ولكن معامن هو فيه أصلا سيدة شادا فصحتها أنا غادي نشيب وهيا مزال لمهم تنفطر ومزال تيشرح ليا محسسني بحالا كنتفرج فناشيونال وااا لواليد راه تنبغي مع ديك تنبغي كتدخل لواليدة أصلا أنا كنت شاك فراسي يهودي وتأكدت بهاد زهر لي عندي لواليدة كتحلف ليا حتى ساحرا ليا وفين لبنت لي مشينا دوينالك فيها داك نهار؟ تفو عائلة مكتعرفش لأحاسيس تيغمسو حتى فالفطور شنو كتسنى منهم.. غادي عند ختنى وهو يصوني عبدو يا حضيني حضيني هاد خونا يا تيعلم لغيب ولا كين هنا وطالقها عليا حاضيني هدا.. جاويتو سولني شنو تما اخويا بديت كنتمتم على بونة كنت غنقوليه تنبغي مك وغادي لعندها وهو يسولني فين هيا لبنت واش حداك قلت ليه لا راه شافتها سعاد وداتها لداركم مقديتش نكدب عليها.. سميتها لواليدة ماشي سعاد لمهم سير شوفها ليا كيفاش دايرا وتفكر لهضرة لي قلتلك تقيص شعرة من لبنت غادي نتعدا عليك. وأخيرًا غادي يوصيني ونشد لوصية مقصتش لبنت لمهم مشيت لدارهم لقيتهم باركين يلاه كيفطرو حتى هوما معندمهم ميدار فايقين تال زك نهار بارك تنعاود معاهم فالفطور ومرات عبدو كدير فيا شي شوفات وحابسة ضحكة غير بزز كتمضغ غير بزز والله حتى عارفة شي لعبة صافي تناكت مكينش رجوع دبا فطرنا وأنا نخرج أنا وسيدة غاديا معايا بركات لور ماشي حدايا مفهمت والو أنا لمهم مدويناش ديتها لحدا لبحر قرييب لدرب لقديم لي كنت ساكن فيه وقفت كاع داكشي لي كنت داير لبارح تنسالي وا إلى مكانش هدا هو لبغو منعرف كيفاش غادي يكون وهو يتطلق ليا لسان قلت ليها ورا دوك لفيلات كين درب لقديم ديالنا كنت ساكن تما أنا ولواليد ولواليدة وخويا لواليد لي شفتي لبارح تيخدم نهار كامل فطاكسي ماشي حتى ديالو ومعولين عليا وعلى خويا نقراو ونهزوهم شي نهار ونهار خرجت من دار دزت من ديك طريق لي جينا منها وقصة طوييلة كيفاش دخلت لإصلاحية وجا عندي ولدك من دون كاع دراري لي تما بنتليه غير أنا وداني لداركم لأخرى ونتي داك نهار جيتي لديك دار مبانش ليك هادشي بزااف على صدفة عارف غتقولي ليا عبدو وانا ونتا... تيحساب ليكم قلت هاد لهضرة نيت نننن ماشي فهاد لبلاد سيدة مغربية أنا داوي وهيا كتنقز وأنا ونتا ويلي با بزز باش وصلت ليها لفكرة وهيا تسكت وبقات كتسمع وأنا كنبخ عليها واش هاد عبدو أيخلعنا أصلا فلول عرف شنو بيناتنا وأنا مزال قدامك.. بقات ساكتة قالت ليا لحلال؟ بلاما نفكر كاع قلت ليها أه سولاتني إمتى غادي يرجع عبدو قلت ليها مزاااال معطل واحد 7 شهر ولا 8 هادشي على أقل تقدير قالت ليا إوا مني كتدوي من نيتك وغادي تولي راجل نتزوجو جمعة جايا وبلا حتى شي تزغريتة داكشي غيدوز سكوتي بيناتنا و والديك وصافي.. قاليا لواليد خاصك تكون نتا هو مول ري وشوار قلت ليها لا مغنتزوجوش جمعة حتال سبت قالت ليا جمعة؟ لاحااافظك حتال سبت جمعة بغيت نمشي نصلي أصلا غيكون رمضان داخل قالت ليا صافي أصلا لحكام تيجي من بعد زواج ماشي دبا لمهم راجعين ونحس بديك رعشة أخويا هاد لعام خاصني نشبع لونطريما باش ملي يرجع خونا على لأقل نشد معاه شويا أصلا ميرجع حتى يلقا عندو شي خوه ولا ختو غادي يعجبو لحال غادين وهيا تقوليا فاش يعيطلك عبدو لمرة جايا قولها ليه تنشوف فيها منيتك؟