البرهوش الجزء 34

راجعين نوصلها لدارها وداوين كتقوليا خاص عبدو يعرف دبا قلت ليها لا حتى يرجع باش ميكون عندو ميدير ديك ساعة بقيت كنطلقها عليها راه مغاديش نخبي عليه حيت خايف منو راه غير حيت مبغيتش نبرزطو على خدمتو وصافي.. لمهم وصلتها ورجعت لدار بارك تنفكر كيفاش غادي ندوي ليهم على هادشي بلي سيمانة جايا أنتزوج وهو يقوليا لواليد واش كنتي قبيلا مع ديك لمرا؟ قلت ليه أه راه يمكن سيمانة جايا نتزوجو.. واحد لواليدة بحالا صرفقتيها معرفاتش باش أتبدا ويلي نتا إمتى كملتي حتى 20 عام واش كتضحك منين عوال تصرف؟ فين غادي تسكنو هادي غير دار دخوك.. مبغيتش نقوليها بلي لي عطيت دار لمهدي ولكن لحت ليها داك لمساج ديال متضربيش لهادشي حساب برزقي.. وهيا تقلب سيدية وهيا طامعة فيك واقيلا؟ واا لواليدة سيدة ممحتاجانيش وأنا ممحتاجهاش وبلاما تمرضي راسك على والو عارف بلي كبيرة عليا بزااف ومكدخلش لعقل و كلشي ولكن لقيت راحتي معاها شنو بغيتي كتر غير سدو هاد لموضوع أصلا مكتبانش كباار مني عادي أصلا حتى هيا مزال صغيرا وداكشي بالمكتاب والأعمار بيد الله... بقيت تنشرح ليهم وتنعبر حتى سكتهم صافي سيمانة جايا بداو داوين لعرس مقديتش نقوليهم بلي ختنى لي مبغاتش قلت ليهم أنا مراشقاليش على داكشي مبغيت والو غير بيناتنا وصافي معيات معايا لواليدة والو لا هيا لا لمهم بزز باش قتانعو ليا مريح شاد تيلي لقيتها مسيفطالي مساج هيا واش متأكد؟ قلت ليها كون مكنتش مأكد مغاديش نقولها ليك ومغاديش نبقى مدابز مع دار ساعتين ومغاديش نشري لراسي صداع مع عبدو تاني صافي متعاوديش هاد سؤال تاني.. بقينا داوين رومانسية وداكشي راك عارف لحلال زعما كنتخيل فاش غنقول لعبدو راه تزوجت ليك بلوالدة ديالك مجاتش حتال لتعاويدة متبغيهاش لعدوك نكون أنا فبلاصتو نقتلني أساط بدون نقاش ولكن صافي سيدة عارف بلي مغاديش نلقا بحالها اللهم ضرب لحديد محدو سخون ومحد ولدها مكينش ميرجع حتى يلقا شي خوه تيجري مغاديش يقدر يحط يدو عليا غنولي مولا وليدات زعما لمهم نهار ولا تيدوز مجباااد ديك سيمانة مبغاتش تكمل تندوي أنا ومهدي تيقوليا بلي تصالح هو وختنى عاود ليها بلي كنت مضروب ومقدرش يخليني غادي يبقى تما معاها واحد شهر أخر عاد غادين يرجعو قلت ليه خود راحتك راه غادي نتزوج قاليا وايلي واش نجي لعرس إمتى قلت ليه مكين لا عرس لا والو داكشي سكوتي بقى مطلعها عليا واش شي قاصر هادي ههههه أخلي داك جمل راقد حتى ترجع وتشوفها.. وصل نهار لي غادين نقادو فيه لعقد غادين خارجين من دار ولواليدة مزال كتدير أخر لمحاولات ديالها ولدي بلاش مزال تقدر ترجع ولدي غادي تندم والله دير بهضرتي سيدة بصح لله يعمرها دار ولكن ملايقاش ليك غير ملي وافقت على هادشي تزوج بواحد قد ولدها عرفها معندها عقل.. لواليدة معندهاش ليأس فلقاموس ولكن ديك ساعة مبقى فين نرجع أصلا دوينا فكلشي غادين نبقاو فلفيلا لي كنت بعت ليها ودوينا حتى فلمصروف كلشي أنا بعدا عجباتني لحياة لي خططنا أننا غنعيشو تفكرت واحد لفيلم (The Curious Case of Benjamin Button ) متل فيه لبراد بيت و وكيت بلانشيت(حافظهم😂) لمهم خونا فاش كان كبير هيا كانت صغيرة وفاش صغار ولات هيا كبيرة قصة أقل ما يقال عنها بشاااااخ لمهم ختنى متقدرش تصغار تاني وأنا منقدرش نكبر بزربا سو خاصني نتقبل لوضع هكدا وأصلا متيبانش شي فرق دخلنا عند لعدول وصايمين بقى كيشووف فلكارطات قلت ليه شريف شنو تم؟ قاليا والو والو شفت ما كتر لمهم قادينا لمسائل ديالنا صافي ولينا مزوجين لخواتم لمسائل حسيت بيها غادا تبكي بالفرحة مشينا لدار عندنا باركين وصايمين باركين تيوجدو فداكشي لفطور مجموعين فلكوزينة لواليدة وسعاد ومرات عبدو وديك لبنت لي سيفيط و واحد خالتي لمهم بارك أنا ولواليد قدام تلفازا ولغريب فلأمر لواليد ساكت زعما موالف تيعطي نصائح فهاد لمواقف وهيا ترشقلي نعيطو على مهدي داوين معاه بزوج وهو يقوليا واش عطاك داك لعجب تا نتا؟ قلت ليه أشمن عجب؟ وهو ينقز لواليد قاليه وراه ممحتاجش سيدة موحال واش مزال تولد تيضحكو عليا تنشوف فلكوزينة مبغيتهاش تسمع هاد لهضرة تقدر تضرها فخاطرها قطعت على مهدي وأنا نسكت مزدتش كلمة غادي نبقى داوي وهو مطلعها عليا ولسان مفيه عضم نقول شي حاجة ندم عليها اللهم نسد فمي لمهم جات بركات حدانا وهو ينوض لواليد بقات كتشوف قالت ليا مالو قلت ليها والو غير عندو ميدار مكين والو قلت ليا لا راه كين حتى ماماك معاجبهاش لحال.. راه عارفين هادشي غادي يكون من لول دبا غير صبري واحد سيمانة وغادي يولفو ولدهم جراو عليه بسنين و ولفو عاد غادي يتأترو دبا لمهم دبا راه مبقاش خاصنا ندويو فهادشي راه تزوجنا دبا.. باركين داوين فلمسائل ميمشيش بالكم بعيد راه صايمين زعما داوين دبا زعما خاص تولي تسمعي هضرتي, منيتك نتا لي خاص تسمع هضرتي أنا لكبيرة فدار.. وي نتي لكبيرة ولكن أنا راجل فدار.. داوين وهيا تجي تبرك حدانا لواليدة وكدير فيها شي شوفات زعما نطلقهم على بعضياتهم ناريي ولواليد تاكل هاد زبلة لواليدة راه مدوزا لحاارب أعشيري دايرا غير على وجهي ورمضان محملتش داك لجو كيشوفو فسيدة بحالا بززات عليا شي حاجة وزادو فيه دبصح سيدة طبيعية مبايناش فيها كبيرة بالعكس كاع.. دخلو لكوزينة بقيت واقف على برى تنشم شويا دلهوا خنقوني بدوك شوفات ديالهم وهيا تخرج لعندي شروق مرات عبدو سلام سلام مبروك ما درتي سولاتني على عبدو قلت ليها راه قريبة لسيمانة مدويناش قبل ما يدخل رمضان ولكن راه بيخير كوني هانية.. قالت ليا كيفاش غنكون هانية أخويا ونتا درتيها قد راسك دبا مبقيتش عارفا واش ندعي باش يرجع ولا ندعي باش ميرجعش وميعرفش هادشي لي درتي غادي يموت فيها نتا معارفوش نفسو عزيزة عليه نقولو نتا صغير ولكن خالتي زعما مولات لعقل وعارفا ولدها كيداير غير الله يخرج عاقبة هادشي على خير والله ما بقا كيديني نعاس.. ولاد طييط تابعيني حتال زنقة راه خرجنا نشمو شويا ديال هواء لعنديمها عيشة تنعيط على ختنى سعاد يلاه كتقوليا فين قلت ليها يلاه لدار خلي ليهم داكشي و يلاه بقات كتسول فيا شنو واقع؟ مالك؟ وا راه بزااف مرضوني والله خرجت باش نبدل طو تابعيني حتال زنقة مخاصنا بوالو حنا كاع لله فرق ريوس غير باش يرتاحو جريتها حتى طلعنا لطوموبيل وهيا تبقى كتبرد فيا غير على وجهي خلي هاد نهار يدوز على خير ومن بعد دير لي بغيتي حتا أنا راه صابرا غير على ودك وصافي باقيا مكملاتهاش كيباليا عبدو كيصوني سيد بزاااااف شي أوقات كيعيط فيهم!!