البرهوش الجزء 36

وصلنا لدار وصافي كنتسنى غير لحظة لي نقول ليه فيها أنا لي ضربتك ولكن مقدرتش دخلنا ومزال كنتسنى ديك لحظة حلفاش واش تجي مهدي تيدق وسعاد كتنغز فيا باش ندوي.. خرجات ديك شيماء كتشوف فيا وكتعجب قاليها خويا.. مراتو.. سلمات عليا كتقوليا معرفتش فيين شفتك.. واااع زعما تبدلت فوجهي حتى معرفاتنيش بزربا قاليها مهدي راه غير تيشبه ليا وصافي قالت ليه لا تنعرفو غير معقلتش منين لمهم دخلو مرحبا بابا فصالون داخلين وانا عاارف باها عندو داكرة ديال لحمار غادي يتفكرني دخلنا لعندو عينو غير عليا ومصدوووم قاليه مهدي هدا خويا.. عرفتي بحالا صرفقتيه بدا تيضحك مهدي مفهم والو ريحنا خونا مباغيش بنتو ترجع لمهدي تاني كترغب فيه وهو يقوليها عائلة ماشي من مستوانا عرفتي غير سمعتها عرفتوو غادي يجبد داكشي فالهضرة مهدي قاليه كيفاش ماشي من مستواكم كتضحك؟ قاليه مداويش على لفلوس داوي على لعائلة لي غادي تعيش بنتي معاهم ماشي ولدي لي ضربك ديك لمرة لي ضربك هو هاد لي جبتي معاك ليلة وكتقوليا خوك مفخباركش ياك؟ دبا كون كنتي فبلاصتي شنو غادي دير؟ عرفني حسيت بوااحد تبوريشة داكشي لي كنت خايف منو هو هدا كنتسنى مهدي يشعل ويبدا يسب وهو يقوليه عارفو هو لي ضربني داك نهار بنتك مغاديش تزوج بيه هو غير خليه بعيد على لموضوع.. تراه صدمني ديال بصح وايلي قالك عارف؟ كيفاش؟ إمتى؟ معقلتش حتى شنو قالو مورا هادشي لمهم صافي غادين يتزوجو تاني خرجنا عطيت سوارت لسعاد رجعت لور وهو يبرك حدايا قلت ليه إمتى عرفتي؟ قاليا قبل ما توقف على رجليك ولا قبل ما نعرفك مريض كاع.. سولتو كيفاش؟؟ قال ليا راه صاحبك قالها ليا كان باين فيه معصب عليك داك نهار شنو درتي ليه؟ بلاتي بلاتي زعما كنتي عارفني أنا لي ضربتك وعطيتيني فلوس لعملية وعلاش مقلتيش ليا بلي عارف كان غادي يسكتلي لقلب ولواليد شرطلي ليا لحنك و لودن لبارح فاش قلتها ليه.. نسا هاد لموضوع أصلا كون ما ضربتينيش داك نهار مكنتش غادي نوصل لهادشي لي عندي دبا ومغاديش نعرف بزااف ديال ناس تقدر تقول درتي فيا لخير كاع وأنا عارفك كنتي مقلق سو مكين لاش نزيدو ندويو فهادشي تاني وخا وملي قلبك محلول وحنين كينا حاجة أخرى خاصك تعرفها نهار خليتي ديك لبنت مريم فدار لقديمة مشيت ليها أنا.. وهيا تدور ختنى كتشوف فيا حسيت بيها غتخصر لهضرة قلت ليها عفا الله عما سلف.. راجعين لدار قلت لمهدي علاش عبدو كان مقلق مني شحال هادي وبلي دبا تزوجت بيها وهو مزال معارفش هادي بقا طريق كاملا وهو كيتركل بضحك حولك وليتي كتصلي كتدير بلاصتك فالجنة وصلنا لدار دخلنا معاه لدار الله على راحة البال دبا فاش حليت هاد لمشكل نرتاح شويا حتى يخرج رمضان ونشوف لقضية ديال عبدو ومغادي يبقا عندي حتى مشكل.. خرجنا من عندهم راجعين لدار بزوج قالت ليا ياسين شنو باليك نبعدو على هنا فخطرة نمشيو لشي مدينة أخرى ولا بلاد أخرى نبعدو على عبدو وعلى لمشاكل وكلشي؟ زعما تقدري تبعدي على ولدك ومراتو وولدهم وعائلتك ونمشيو لشي بلاصة متيعرفنا فيها حتى واحد؟ قالت ليا أه عبدو مبقاش صغير وعندو عائلة دبا نمشيو حيت إلا رجع وساق لخبار غادي يديرلك شي حاجة بسبابي شنو باليك؟ صدماتني عجبني لحال والفكرة ولكن منقدرش نبعد على دارنا وأنا يلاه رجعت لعندهم وأصلا إلا بغا يلقانا غادي يلقانا اللهم نبقى ونحل معاه لموضوع.. ولوقت شاد ضد فاش كتبغيه يدوز بزربا كيتمختااار وكيدير قهيوة وفاش بغينا زعما نفرحو براسنا شويا فهاد الأيام لي بقاو لينا لوقت طااار غا نوض تسحر أجي تفطر طلع لبيرو هنا سير هنا ودار حتى هوما متفرقوش عليا كل نهار خاصنا نفطرو عندهم لواليدة ستحلاتها فسيدة تبقا توجد هيا لفطور.. خرج رمضان عبدو معاودش عيط داز عيد الفطر ومخسرش علينا حتى ألو غير تندور كتسولني مراتو ومو وحتى ديك لبنت كتسول على باها مولفاتش لجو هنا جات سمرا ولات كحلا وخيابت خيابت نحلف عليها ما هيا لبنت لي جات داك نهار تراه شي لعبة عندنا فلجو أساط يمكن لما لي تنشربو لمهم داكشي ماشي طبيعي لبنت ولات باغيا غير تهرب ترجع لبلادها قلت ليها واش نوصلك وخا مزال معيطش ليا عبدو حيت شحال هادي قاليا يفوت هاد شهر لي كنصومو ونديك.. قالت ليا صافي خاصنا نمشيو معرفتي شنو واقع.. تنقلب وتنقاد فوراقيا وتنتوادع مع دار نقدر نرجع نقدر منرجعش سعاد قالتلي بلاما تقولها ليه تما خلي حتى يجي هنا ونقولوها ليه بزوج باش ميقدر يدير والو قلت ليها صافي مغادي نقوليه والو حتى نرجعو لهنا نتي غتبقاي مع مراتو حتى نرجعو إن شاء الله مغاديش نتعطلو.. بقيت حتى تزوج مهدي تاني ورجع هو وشيماء لدار مع لواليدة ولواليد.. قطعنا أنا ولبنت باش نمشيو لغد ليه ديك ليلة راك عارف غير كتقطعها فدار باش ميتوحشوكش وتشوفهم واش باغين تجيب ليهم شي لعبة لغد ليه غادين معانا فرقة ديال بنادم لمطار سيدة تزوجنا ومزال مدايراش فيا تقة عنداك تمشي لهيه تشوف دوك زعرات وتنسى بلي راك مزوج..