البرهوش الجزء 37

بزز باش طلقونا نمشيو غادي أنا وختنى سولتها شنو خدام عبدو عند باك؟ قالتلي كما كان خدام معاك مقابل ليه خدمتو ومقابلو حتى هو.. بديت تنجر ليها لسانها شحال هادي مكنتش مسالي ليها تنسول فيها علاش صيفطوك لهنا باش فاش خدام.. والو هاد شهر لي بركات معانا تعلماات فيه تحراميات مبقيتش تخرج منها لكلمة والو.. وصلنا كتعيط على شيفور ديالهم خونا بدل نمرة شدينا طاكسي وطرام وضربنا واحد لمسافة على رجلينا ولقينا الاسانسير خاسر حتى هو لحشية ديال بصح طلعت حتى غفر ليا لله تندقو مكين حتى واحد قلت ليها شنو دبا حتى نمرة ديال عبدو طافيا من شحاال هادي شنو غنديرو وهيا تنعتلي فين كين ساروت فوق لباب هاد لقدية ديال ساروت زوينة عمرك تحنسر ولكن مخداماش عندنا فلمغرب.. دخلنا داير باينا حتى واحد مدخل ليها من شحال حتى من تلاجة خاويا قلت ليها واقعا شي حاجة يمكن قالتلي لا راه عندنا ديور أخرين يمكن باركين فوحدة منهم غدا نمشيو لشركة 100% غادين يمشيو ليها غدا.. نيشان لبيت عيطت على دار قلت ليهم راه وصلنا كلشي بيخير.. مبغيتش ندوي مع سعاد ولا مع مرات عبدو حتى نتلاقا بيه إلا قلت ليهم ملقيتوش أيتخلعو على والو.. لغد ليه كتفيق فيا ختنى نوض باش منتعطلوش.. غادين بواحد موستانغ فلحمر ديالها صوت كيداير راسك يضرك وصلنا لشركة ديالو داخلين كلشي عارفها وتيشوفو فيها ومصدوميين يمكن حيت تبدلات وهيا توقف علينا واحد ساطة سكرتيرة ديالو يمكن قالت ليها فين هو بابا كين فلبيرو؟ قالت ليا واش مفخباركش؟ كلشي كان تيقلب عليك راه مات 19 يوم دبا شديت ختنى صافي معرفتش كيفاش نقوليها لبركة فراسك بلونغلي كان راجل جيد وخا معمري شفتو تندور فعينيا تنقلب على عبدو عارف مو ب 9 رواح مبانش ليا أصلا معندو ميبقى يدير ملي مات خونا ولكن فين مشا مرجعش لدار سولت ديك خيتي واحد ساط عربي طويل و.. مخلاتنيش كملت هضرتي قالت ليا راه ماتو بزوج. كتضحكي ياك هو لي قاليك تقولي هكذا عرفني وليت نسيبو وبغا يطلعها عليا فين هو؟؟ قالت ليا بصح ماتو بسم كلاوه بزوج باها تدفن ولكن لي كان معاه مزال مقدروش كيتسناو فشي واحد من عائلتو يجي.. غاديا بينا لفين مخلينو لبنت مزال كتبكي تنصبر فيها غير نشوفو شكون هاد لي كان معاه ونمشيو لقبر باك ومن بعد نقلبو على عبدو هو لي غيقولينا شنو وقع ميموتش داك ساط راه بحال لكلب وصلنا سولوني واش من عائلتو قلت ليهم بلي أنا step-father ديالو متيقوش قالت ليهم لبنت بصح وريتهم لوراق سنيت على واحد لورقة عاد دخلوني واحد ريحة فشكاااال ماشي خنز هادي ريحت لمووت أساط حل داك لباب وجر طابلة لي محطوط عليها فلول قلت ماشي هو ميمكنش نعرفو ولكن فاش حققت كتباليا واحد ضربة ديال سلاح ديما تيوريها ليا وتيعاود ليا نهار تضرب.. مات سيد لي خلالالي فلوسو كاملين ومنزلتش دمعة وهادا لي كون بقا حي كان غادي يقتلني فاش عرفو صافي مات كلشي تبدل فعينيا ديك ساعة مقديتش نحبس دموع داك بنادم لي سنيين فينما تنبغي ندير شي حاجة خاصني نسولو كان هو لعائلة لي عندي فاش كنت بوحدي تنقودها معاه درت ليه داكشي لي متديروش لعدوك ومع مو ومقدرش يأديني غادي خارج لبنت لي ميت ليها باها ولات كتصبر فيا تنقوليها شنو غندير دبا شنو غادي نقول لمراتو ولولدو كيفاش غادي نقدر نقولها لمو معارفاش شنو دوزنا بزوج.. عطاوني حوايجو ودواو معايا على ود دفن مقديتش نعطيهم راس لخيط مزال ممتيقش بلي هو رجعنا لديك دار ساكت دبصح لموت مكتفرقش بين صحيح وضعيف عبدو هو لوحش لي كنت تنحلم شي نهار نولي فحالو.. مزال كنتسنى يدخل من لباب ويطلع هادشي كامل بلان من بلاناتو ديال ديما ولكن تيليفونو حوايجو بزطامو هادو تنشوف فتيليفون أنا عارفو متيدخلش نماري فيه تيحفظهم وتيمسح نمارينا فاش تيعيط لينا كان من هاد نوع لي أي حاجة تيديرها تتكون عندها شي معنى.. تيصونس تيليفوني دارنا هادو لي تيعيطو جاوبتهم محتاج ندوي مع شي واحد بلهجتنا هيا لي كتبرد لغدايد فتعداد تنسمع ديك ياسين عرفتها سعاد كينا مع دارنا معرفتش شنو نقوليها قطعت كتعيط كنقطع عليها وأنا نطفي تيليفون ديك لبنت غادا تزور باها قالتلي غير قولها ليهم طال زمان ولا قصار غادين يعرفو من لأحسن دبا وراه كتزيد تخلع فيهم بهاد لفعايل.. خرجات وأنا نشعلو كنتسنى يعاودو يعيطو وتنفكر كيفاش غنقولها ليها وهو يصوني تيلي تاني جاوبت كتسول فيا شنو كدير كتباليا مبدل شكون هاد لي بدلاتك عرفتي ديك تنخصيصة مقااودة قلت ليها ولدك مات هكدا حرفية بدات كتضحك تنغوت وتنحلف ليها عاد تيقاتني مقديتش نبقى نسمع فيها كتبكي قطعت عليها أخر حاجة كنت ضارب ليها حساب هيا هادي شكون لي كيتخيل عبدو أيوقع ليه هكدا وخا تيبغي يدير فيها داك لقبيح ولوحش ولكن متيقوتش بنادم.. عاودو دار عيطو ليا هاد لمرة لواليد ديالي لي تيدوي معايا قاليا ولدي شد فراسك وكون راجل لولد خاصو يتدفن هنا بغيتك تجي نتا وهو متزيدش تما دقيقة.. سولتو على سعاد قاليا حنا معاهم غادي أنا ومك نقولوها لمراتو مغاديش نخليوهم بوحدهم حتى ترجع راه عائلتك هادي دبا. قطعت عليه وخرجت تاني لداك صبيطار بقيت تما حتى جاو لبوليس سولتهم على شنو عارفين قالك عائلتو لي يقدرو يسولو على تحقيق فين واصل قلت ليهم أنا من عائلتو لأخرين ميقدروش يجيو وباغينو يتدفن تما.. قاليا بلي ميقدرش يعطيني شي معلومة وإلا بغيناه يمشي لعندنا خاصني نمشي عند محامي ولا سفارة نعتلي واحد لمحامي هو لي يقدر يزرب ليا على هادشي منقدرش نخليه تما كتر ديك ساعة مشيت عندو بقيت تندوي معاه باش يسبقني أنا لول قاليا واخا ديك ساعة مشا معايا لسفارة ولديك لبلاصة فين مخلينو.. قاليا غير رتاح غادي نسبقك عارف ضروف والعائلة ديالو بعيدة.. خونا ضريف قاليا بلي نقدر نديه خاص غير نتسنا شي يوماين وخاص مو ولا مراتو فلمغرب تمشي لسفارة تما وتسني شي وراق قلت ليه صافي غير عيط ليا نعلمهم.. بارك فدار طااالعا ليا لقردة معمري وصلت لديك لحاجة وضلااام لحال فات نص دليل وديك لبنت مزال مرجعتش فلول قلت واقيلا مشات عند شي صحاباتها ولا شي بلاصة فصباح لقيتها مجاتش وجات واحد لبنت كتسول عليها قالتلي عرفتها رجعات وجيت نواسيها فاش قلت ليها بلي من لبارح مرجعات قالتلي بلي معندها فين تمشي ومكتعرفش من غيري هنا وهنا كانت عايشا مع باها مغاديش تمشي لدار لأخرى على لأقل كانت غتقولها ليك.. أخر حاجة ناقصاني دبا نقلب على شي واحد هادشي لي خاصني مشات ديك لبنت صاحبتها لعند لبوليس بقيت أنا بارك تما عيطولي دار تندوي معاهم قلت ليهم على دوك لوراق لي خاص يمشي شي واحد يسنيهم.. تنسول على سعاد ولا مراتو بغيت ندوي مع وحدة فيهم قاليا لواليد بلاش راك عارف مزال متأترين هانتا قريب ترجع ودوي معاهم...

يتبع