البرهوش الجزء 41

قلت ليه غير سمحلي خليتلكم صداع قالي هاانية يمشي عند باه هههه حيت مو مشغولة لمهم تهلا فراسك شي أيام وانجي نشوفكم.. ناعس كنرتاح زعما تنوجد راسي لخدمة غدا ختنى غير كتدور لبس هادي لا لبس هادي سخونة راه لبرد محسساني بلي جايب معايا لواليدة وا هيا راه مراتي ماشي لواليدة يهديك الله رتاحي.. لغد ليه أول نهار ليا فديك لخدمة فايق بكري فطرت ومشيت مموالفش نفيق فديك لوقت غادي فطريق وتنقول هادشي فشكاال وصلت لتما واحد ساط بقا تيوري فيا داك لعجب شنو ندير داك نهار دوزتو طلع هبط سير أجي ولكن داكشي كان فالمتناول ماشي شي حااجة دار قريبة تنمشي نتغدا فدار وتنرجع أنا أصلا ضحوكي ونويطات بلاما نعاود ليكم سيمانة لولا درت عشران حتى ديك سيدة لي مقابلا تما بديت تنعاشرها.. رجع لعندي داك سمسار لقا شاري لطوموبيل شي واحد قالك غادي يفرتكها قلت ليه بلاش صافي مبقيتش باغي نبيعها عندي معاها دكريات وكانت عزيزا على سيد لي فمقام لواليد لمهم زعما درت عقلي دبصح إلا خرجت تنخرجو بزوج سيمانة تالتة جا مهدي جا على ود خدمتو وباش يشوفنا بقا معانا ديك ليوماين ومشا دا معاه مايعاود غادي يقول لواليدة بلي عايش مزيان وكدا باش ميبقاش بالها مشغول عليا.. كان تيحسابلي أنتحنسر بالعكس عاد قاديت لأمور ديالي كلشي بورتو يمكن كان خاصني ندير هادشي من شحاال هادي.. وصلت ديك سيمانة ديال لعيد أنا متنعرف لا نشري لا ندبح كنعرف غير لكزار ولكن دبا جا لوقت باش نتعلم تمالنا ماشي رجال عيطلي لواليد بقا عليا قلبو من سميتو عليه وديك سميتها عليها مبقيتش عارف هاد لحولي واش غندبحوه ولا غنعسو معاه.. لمهم نهار غادي لداك سوق عيااات معايا خليني نمشي معاك راه تنفهم شويا تنقوليها ريحي فدارك واش حنا ماشي رجال على جثتي, مشيت مع واحد ساط من لخدمة ومعرفتش كيفاش تفارقنا فداك سوق أنا مع شمس وليت باغي غير نرجع لدار واحد لحولي تبارك الله غير هو معندوش لڭرون قلت هانية لحولي تيبان مليح ومولاه ضريف وصلني حتال دار لحولي معندكش حتى منين تحكمو بزز باش دخلتو تنعيط عليها أجي أبنت ناس أنطلعوه لسطح شافتو وهيا تقوليا راه حولية تنحلف ليها تا حولي غير معندوش لڭرون سيد الله يعمرها دار مغاديش ديك لعيبة تنطل تناكت تراه معندوش لمسائل وخا تكون مكلخ معمرك عيدتي مغاديش يوقع ليك هاد لبلان محملتش راسي خيبة تال لمعاودة ومزال تنقابح راه حولي غير معندوش لمسائل.. تشوهنا تشوهنا طلعتها لسطح بزز ختنى مزال مطلعاها عليا قالت ليا صبر عندي شي فلوس نمشيو ناخدو شي حولي صغير قلت ليها يلاه وقعلي بحال فاش كنا صغار كتسخرك لواليدة وكتجيب سخرة ملاوطة وكتم لواليدة غاديا ليك لعند مول لحانوت هكذا طرالي داك لعام وطلعات مقاودة فداكشي حسيت براسي مع شي كزار رجعنا لدار غير حنا بزوج معيدين بزوج قالتلي نفرقو منو ولي شاط راه ديالنا بلاتي بلاتي شكون أيدبح كتقوليا نتا منيتك أنا راه معمري دبحت حتى دجاجة, أنا عارفا كيفاش نتا غير سمع لهضرة وخدم, بنت ناس هادشي كامل عارفاه شنو كين مزال فداك راس؟ ديك سيمانة باركين من لخدمة 3 أيام وهيا قاهراني هز ليه رجليه دير ليه دير ليه أبنت ناس كتباني ليا نتي لي غادي تدبحي هاد لعام.. نهار لعيد صلينا عيطنا على دار فصباح باركنا ليهم لعيد تنوجد داك لموس لخلعة لخلعة بديت بداك لحولي نص ساعة وهيا غير شد حكم والو لخبرة مكيناش غادي نطيح ليها من عينها وأنا نربط طبمو دوزت ليه لحولي بالخف كتوري فيا زربنا عليه نزلناه أراك دبا لديك خيتي لي جبت وعملاااقة بزز باش طيحتها ربطتها غير حطيت لموس جرحتها وهيا تفرتك داك لحبل تيباليا غير دروج نيشان لدار من بيت لبيت وأنا تابعها زعما عيد ديال ولاد لكلاب ناس تيوجدو عشاهم وحنا يلاه تنجمعو فدار لمهم داك لعيد لول ديما مكيتنساش المهم رجعنا للخدمة بديت تندير لكرش غادي نولي نبان كبر من ختنى كملنا شهرين تما موالف غير تندخل لدار تنلقاها موجدالي لغدا حيت معندها فين تمشي تال داك نهار ملقيتهاش تنصوني ليها مكتجاوبش مقديتش نرجع لخدمة وأنا معارفش فين مشات عيطت عليهم منقدرش نرجع عشيا وخرجت تنقلب عاليها ياكما عبدو جا داها وعلاش دبا بعد شهرين مفهمت والو حتى كتصوني ليا راه رجعت لدار فين نتا واش فلخدمة؟ قلت ليها بلي خارج تنقلب عليها ممشيتش للخدمة علاش مكتجاوبيش قالتلي أنا فدار دبا عندي منقول ليك.. رجعت لدار سولتها فين كنتي قالت ليا عند طبيبة تنسولها علاش واش مريضة وهيا تقوليا راه حاملة لا غير كتضحكي كتحلف ليا وراتني لوراق دطبيبة وشي دوايات وا ميمكنش تاني, كيفاش ميمكنش راه مزال عليا لحال كبر مني و ولدو.. مكنتش ضارب لهادشي حساب أصلا مقودة يلاه غادي مع فلوس لكرا ودار كتقوليا حاملة رجعات تاني لنفس لهضرة ديال نرجعو لدارنا دبا عندها لحق خاصنا نرجعو توحشت دارنا قلت ليها أخر شهر لينا هنا عيطت على مهدي قلت ليه بلي غادي نرجعو شهر جاي وبلي خاصو يجي يوصلنا طوموبيل منقدرش نمشي بيها.. داك شهر حتى هو مكمل حتى شحفنا غير طلع نزل جا مهدي كما قالي صافي سلمت على بنادم لي خدام معايا غادين راجعين منين جينا.. خلالي طوموبيل ديالو نرجعو بيه وهو غادي يتكلف بديالي قالي غيشوف ديباناج لمهم راجعين سيدة نهار عرفات راسها حاملا هرب ليها نهار كامل وهيا شنو غادي نسميوها باينا غتكون بنت أاا غادي تزاد فيامات لبرد خاصنا نتقداو حوايج أنا تنفكر غير فساط لي غادين راجعين لعندو واش غادي يزيد يحقد عليا دبا ولا غادي يدير عقلو معرفتش لمهم أنرجع لدارنا وصلنا لدار لواليدة ولواليد كما خليناهم معاهم مرات مهدي قلت لواليد راه غادي تولي جد تيقوليا كيدرتي ليها؟ تا كيفاش كيدرتي ليها.. لواليدة عاد تطلقات مع لمرا خليتهم مع بعضياتهم وخرجت غادي لعند عبدو لدار غادي نقوليه شنو واقع عجبو الحال هو هداك معجبوش غادي نوضها معاه كينا غير موت وحدة وصلت لدار لكبيرة لي عطيتهم كتباليا مسدودة هيا 100% دار سعاد لقديمة حتى هيا نفس لبلان واش خونا رحل ولا كيفاش عاد طاحتلي دار لي كان خلاني فيها نهار لول مشيت وقفت تحتها تنطل شراجم محلولين صافي كين هنا. أنا غادي طالع وهو جاي نازل شافني ونو يتصدم مبقا عارف ما يقول وحتى انا (SLM KHOYA MAMAK 7AMLA) حشوما حتى لتعاويد..