البرهوش الجزء 43

من تأليف دعشوش
2018

محتوى القصة


درت بهضرت لواليد ومدويتش ديك ليلة بزز باش داني نعاس زعما ديرها ختنى تخليني بعد هادشي كامل أصلا ميمة عشاقة ملالة أااودي مسڭيات بمغرفة وحدة لغد ليه فطرت مع دار مزال داوين بعد من زبل خود فلوسك ومن بعد أتاخد ولدك ولا بنتك تربيه مع وحدة قدك.. لمهم مسكتوش مهدي قاليا نخرج معاه قلت ليه وخا مشينا لعند داك صاحبو لي كان خدام معاه فلول بركنا معاه فلمحل ديالو ضرياااف مهدي وهو يقوليه أنعاودلك واحد خونا تزوج بالواليدة ديال صاحبو لاخر تيدير داك لوجه ديال ويلي لا😱 قاليه وراه حاملا دبا بولدو كاع.. قاليه وا ولد طييط هدا وهو يشوف فيا صافي كتجيبو غير نعلة لوالديكم.. عاد قاليه راه أنا لي داوي عليه بقاو مطلعينها عليا بزوج فلول ضحكة معاهم شويا وهوما يحماضو تنبغي نغيرها تيشدوني صافي غادي نبدلو لموضوع وبصح تيبدلوه وتيرجعو ليه تاني بزز باش تفارقو ليا مشيت أنا ومهدي قالولي بلي خونا حيد ديك الدعوة لي كان رافع اخويا أيبقى حيد رجع غندير رزيق لي عندي فحساب لواليدة ولا لواليد وديك ساعة يدهم فسميتو عليه مرضوني دبصح بحال شي يد تيبقاو يلويوها ليا.. رجعنا لدار لقيت لواليدة ولواليد تيشويو حدا لبيسين لواليد تيشوي وتيمد لواليدة وحاطين حداهم واحد راديو تيعقل على يامات الإستعمار أيييه رومانسية ديال لهيه داخلين وهو يبالك لواليد ولواليدة نزلو لابيسين وأنا نشوف فيه رجع رجع رجع أخويا حسن منشوفو شي حاجة عمرها تنسا لينا وهو يدخل نيشان لغراج قاليا نديرو بحالا مشفناش هادشي ننساو أخويا دخلنا لدار كتبالك مرات مهدي مقابلاهم من شرجم شوف شوف شحال زوينين قاليها دوزي لكوزينتك حيدي من هنا وهيا تمشي تراه لحكام زين بارك أنا وياه قاليا شنو ناوي دير دبا؟ قلت ليه والو غنشوف معاها بغات ترجع أترجع مبغا. مخلانيش حتى نكملها قاليا نسا هادشي داوي معاك فلخدمة؟ قلت ليه غادي نسافر لكندا تاني شي شهرين شادني هنا غير نتا و لواليدة ولواليد ولكن خاصني نمشي نطل على خدمتي تما.. بقا عليا متسافرش ونتا يلاه رجعتي قلت ليه مزال معرفتش واش غنمشي ولا لا إلا كانت بصح باغيانا نساليو راه غنمشي واحد لمدة ننسى شويا ونرجع صافي حتى أنا مبغيتش شي صداع معاه تاني شوف حالتي كي ولات دايرا حتى لصال مبقيتش تنمشي ليه.. صافي قنعتو لواليدة ولواليد غادي نزرب عليهم غير نقوليهم لخدمة يقولولي سير الله يعاونك واحد شويا وهما يدخلو مهدي وهو ينطق تاني تبارك الله على قيس و ليلى وهكذا بغينا شي خونا ولا ختنى ندلعوه وهو يجاوبو لواليد أنا راه درت جوج رجال شوهة شوهتك نتا هاوا ياسين جا غير من وراك ودار لعجب.. مهدي ولا باغي غير يسكتو لواليد ولله ما بقى باغي يسكتليه ولكن جبدو جبدو.. عندنا شي لعبة فهاد لعائلة عندنا لسان أخويا لسان.. دخل مهدي لبيتو بقيت بارك شاد تلفازا حتى صوناتلي سعاد سلام قلت ليها مكين لا سلام لا واو واش معيطا باش تطلبي سماح على ود لبارح غير تهناي مدرتي فيها ميتنسى قالتلي لا ماشي هادشي علاش معيطالك بغيتك تدير معايا وقيتا باش نتطلقو صدماتني ولكن مبغيتش نبين ليها قلت ليها مرحبا حتى أنا طالب عليها كتر منك بدات كتقوليا سمحليا والله قلت ليها جيتيني قد لواليدة أما والله حتى نسب ليك لعروق دوري تق.. تتجي حدايا لواليدة مالك كنتي كتغوت كنتدي داوي معاها ياك؟ قلت ليها أه وبلاما تبداي صافي راه سالينا. اوا مالك معصب فكك الله منها أولدي خاصك تفرح أنا دبا نوض نصيب لولدي شنو مشهي؟ قلت ليها والو لي كليتوها غناكلها ولحت ليها بلي عندي شي خدمة على برى خاصني لابدة نمشي معكساتش معايا بديت تنقاد فوراقيا وتنوجد باش نمشي نهار أنطلق ختنى مجاش عبدو غير هيا ومراتو تنضرب على لورقة ممكتوب والو بعدا على دري خليها حتى تولد عاد أتكون لهضرة هكذا غادي نتاقم صافي سالينا مقلتش ليها كلمة رجعت لدار جمعت صاكي لمسائل باش نمشي مبقالي والو مع دار دوك ليوماين يلاه نتوادع معاهم وبصح دوزت معاهم دوك ليوماين تسركيل وتعناق وصيت مهدي هزيت صاكي وخرجت مبغيت حتى واحد يوصلني مبقيتش تنحيد لمزيكا من ودني طلعنا لسميتو عليها وغادين طلقت لمزيكا تاني وساارح حتى كتوصل الأغنية التي أبكت لملاين حبك شاطاني فر فر أخويا معرفتهاش كيفاش وصلات لتيليفون عندي كونصيير كتطيح عليا وااحد ضيم و أنا أصلا مغبون كنت غنبدا ندمع صافي تناكت نضت غادي لحمام وشكون تيباليا بارك ورايا تراه لعميم داك شيباني لي عندو لقوق لبري وقفت عليه عمي سلام قاليا أهلا أهلا بشباب وقف عنقني تنشوف فواحد ساط حدايا قلت ليه خويا تقدر ترجع لور بغيت ندوي مع لعميم شويا؟ قاليا حتى هوا خودو راحتكم رجع لور وريحت أنا وسيد تاني فحال ديك لمرة ويلاه مطلق لا صافي مكتابة ليا شي وحدة فبناتو مفيهاش بدا تيعاود ليا على لعائلة ديالو ولقصص ديال لعبرة ناس ديال لغربة شابعين خبرة طيبني طيبني بالهضرة تاني وصلنا وهو يعرضني لعندو تاني قاليا متفرقش عليا حتى أنا من الجنة والناس مشيت معاه لقينا مراتو كتسنا فيه تاني غادين وداويا حتى هيا مسكتاتش وأنا داايرلها خاطرها وصلنا لدارهم تنجي عند هاد سيد نسقي عينيا وصافي كتباليا وحدة فيه دارت زيف تنشوف بحالها غير فتصاور والمشكلة باها متفرقش عليا أما نحضر نمرة لمغربي معروف بشي حاجة معرفتهاش شنو هيا ولكن متنضيعوش بحال هاد لفرص بقيت كنتمحلس(باليا هاد لمصطلح فكمنت لبارح حطولي نويطات هكدا أحمباكم😂) أسيدي مبغيتش نخرج ليهم حتى خديت نمرتو باش نبقاو ندويو و إلا حتاجني ولا حتاجيتو شي نهار ونقدر نتزوج بشي وحدة فبناتو هوما يقدرو ينسيوني فهادشي لي داز مجددًا راه عينا ماشي زايغا ولا شي لعبة بالعكس عندنا هدف أسمى هو نحسنو نسل وندخلو لكفار للإسلام هادشي فيه لأجر أخويا.. مشيت لدار لي كنت خديت متبدل فيها والو صغيرة وزوينة ولكاالم تنخمل راه غادي تولي لخارج كتر من داخل خويا محطم خاصني نزها تنجفف بواحد تريكو متنحملوش ولكن لصقاتو فيا لواليدة حتى تنسمع دقان تخلعت أنا راه مكينش شي واحد غيجي لعندي هنا بحال داك لبلان د أخر شخص في العالم جلس وحيدًا في غرفة فسمع صوت طرق فالباب...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.