البرهوش الجزء 51

ساط قلب ليه مصارنو بشمال وتيقوليا تعكلت خفت غير نقوليه لي دارليك ديك لحالة من سميتو عليهم غادي ينتاحر معكرو يعاود يطايف.. خرج مشا بقيت تنضحك غير بوحدي لمهم سديت ضوسي ديال عبدو غادي نبدل نمرة أنا كاع رجعت نعست لغد ليه فايق راشقالي ديال بصح خرجت نفطر وغير ضاحك لي تيدوز من حدايا تنقوليه صباح الخير بحال شي هبيل مريح تنفطر وهيا تجي عندي بنت خونا بستها وعنقتها جبت ليها ما تقصي لبنت بقات غير حالا فمها جا ساط ملابسش لبسة دلبوليس روبو داك نهار ريح تيشوفني غير ضاحك قاليا مالك قلت ليه معرفتش ولكن راشقالي غادي نرجع لعند عائلتي أخيرا.. لبنت وهيا تنقز وأنا؟ قلت ليها وي غتمشي معايا خونا بقا تيشرحلي شنو غندير باش نتزوجو فديك لبلاد قاليا انكون لإشبين(خو لعريس) بقيت تنشوف تا لا راه مكين لا حفل لا والو غنمشيو لهيه وأنديرو شي حاجة.. بقا عليا بالهضرة خاص دير شي لعبة هنا لعشرانك ولي تيعرفوك قلت ليه صافي وخا عيطنا على باها ومها جاو.. باها وهو يقوليا بدارجة مدويناش على صداق؟ تا رجع ليا بعدا لفلوس لي كنتسالك قاليا صافي أنديرو دوك لفلوس هوما صداق.. واش منيتك عرفتي شحال عطيتك داك نهار وخا تكون هاد لبنت عندك كتبيض كيندر بوينو .. بقا تيضحك وبدل لموضوع لأخرين مدراو والو مراتو وبنتو معندهمش مع دارجة بزااف لمهم دوينا على لمسائل ومها مرة مرة كتضرب ليا على لعيبة لي دايرين ليا لبوليس فرجلي تانا خارج بشورط كلشي تيضرب عليها لمهم مشاو بقيت أنا وخونا ديك لهضرة ديال غادي نتوحشك درتي بلاصتك.. عرضتو ينزل عندي وقتما بغا قاليا صافي وبقينا داوين طلع معايا لدار بدلت حوايجي وخرجنا لسفارة ساط عندو مع داك تخربيق قاليا بلي مبقاش ليا بزااف ويحيدو ليا هاد لعجب من رجلي أصلا مرضني وليت خايف ندوش ويخسر يحساب ليهم درتها بلعاني ويرجعو مي لحبس تاني مشيت مع خونا لدارو قالك والو تخليني نقادليك لحية عيت معاه والو منقدرش نتشاد معاه وهو شاذ خونا تيقاد ليا فلحيتي بحال شي حلاق وأنا راد لبال من بعد داكشي لي دار لعبدو وخا نعاشرو 100 عام أنبقى حاضي منو معرفتي شيطانو يوسوس ليه عليا وأنا مزيون أووف😂 خاصني نرجع لبلاد بالخف قالك من عاشر قوما 40 يوما أصبح منهم فليل تجمعنا مع دوك عشرانو زعما بمناسبة غادي نتزوج ودوك لميمات لي خدامين معاه صحاااح هوما كاملين شاك فيهم خوت نفس لفصالة صحاح قالك والو تغني لينا بالعربية لواليد دلمرض ديما فدار تيغني ديك لاموني لي غارو من.. بديت تنغني وسيطان مفاهمين والو ومع محافظهاش بديت عليهم ماطيشة لوبيا سميتو عليه مشينا لبركان يا ما ومشينا لبركان مع دورة.. خوتنا تيسمعوو من نيتهم سبيت ليهم لعروق وهوما غير تيضحكوو وعاجبهم لحال وصلوني لدار ومشاو لغد ليه صابح باح صوت مكينش ليهود تا هما فيهم شرفا بارك تنفطر وهو يجي تاني ديكور ديال كل نهار قاليا شنو غادي دير ليوم داوي معاه بشوياااا فطرت ومشيت لعند لمحامي بغيت نحيد هاد لعجب من رجلي محسسني بحالا معايا لبراني فدار.. قاليا لخر ديال شهر غيحيدوها غير صبر.. خرجت لخدمة بارك تنقرى شي وراق وهيا تباليا سميت شيباني مولشي فواحد لورقت لله يرحمو مات موتة مقودة كوراه باقي موقف لدابا.. جبدت تيلي داوي مع مهدي تنسولو كيفاش دايرين دار واش هو بيخير تيقوليا كلشي بيخير غير تهنا غي طلقنا ورجع راه توحشناك هاد توحشناك معجباتنيش ولد لعبد مشافنيش شحال من عام ومقالش ليا هاد توحشناك ودبا هاد شهير توحشني فيه سولتو واش خاصاه شي حاجة تيقوليا والو.. دوز ليا لواليدة حتى هيا طلعت ليها فراسها وا ورجع مالك سكنتي تما قلت ليها بلي مغادي يخليوني نخرج تا يفوت هاد شهر.. وهيا تعطي تيليفون لواليد وهو يبدا بدوك نصائح ديال والو وتيغمق عليا بديك لا حياء في الدين وا سمحمد واش نسيتي راه كنت مزوج؟ واه ولكن لله يرحمها كانت كبيرة دبا صغر وشباب وطاقة لإيجابية.. بلاتي بلاتي هاي هاي على طاقة لإجابية تمجهدتي شنو كتعني؟ قاليا وراه غير جات ففمي.. بحال فاش كتكون كتكتب شي مساج وكيبقاو يطلعولك دوك لكلمات دلكلافي(Predictive text). لغد ليه تنسمع دقان ديال ولاد سميتو عليهم لباب غادي يتهرس تخلعت هادشي راه مع 6:45 ديال صباح كتباليا شمس مزال مبانتش فقت خاسر غادي نحل لباب وتنسب بدارجة سير يا لي تيدق.. يا لي مك وحدة وباك ممعروفش هرس لباب شارياهليا لخانزة ديال مك.. وهو يطيح ليا نسيب فبالي واهيا ناري إلا كان هو هادا صافي تيتيز راح فداكشي حليت لباب لقيتو غير طوم لحمد لله دخل سديت لباب واهيا أش هاد لوقت؟ قاليا لبارح فليل بقيت كنقلب ليك على شي حاجة تا لقيتها مقديتش نصبر تا نتلاقاو جيت لعندك.. وايلي شنو هادشي؟؟ واش متأكد بلي باغي تزوج بديك لبنت قلت ليه ماشي بزااف زعما بغيتو يقوليا لا راه ضريفة وفشكل وديك لهضرة سيد وهو يجبد ليا خاتم تخلعت أنا تزعزعت وهيا ناري وهيا لماليك سيد باغيني فلحلال ديالهم يلاه غادي نهرب وهو يقوليا معمرك غتكون متأكد 100% غير توكل على الله(قالها بطريقتو) شديتو من عندو وخااتم ديال بصح تنشوف فيه قاليا هدا عطاتو ليا لواليدة باش نعطيه لمرا لي غنكمل حياتي معاها ولكن راك عارف لي كاين.. غلبات عليا ضحكة كنت أنتفكرع بضحك قدامو ولكن عضيت لساني واحد مولاتي عضت تا سالو دموعي قاليا واش كتبكي؟ أه اصاحبي راك عزيز وهو يعنقني.. تراه دم خرجلي من فمي قسمت لساني مقديتش نفطر داك نهار فاطر بكاس ديال لما لمعنى لحقيقي لضانون يجيك قاصح..