البرهوش الجزء 52

ولينا قاسمين لسان مالو ما مالو غير كان تياكل وعض لسانو بحال شي مهاوش.. مبقيتش قاد نحرك لساني مدويتش داك نهار تال لغد ليه عاد درت مع ختنى فبلاصة زوينة شويا ديال لهضرة زوينة وجبدتليها لخاتم تا هيا فيها الهضرة ماشي ديرو فيديها وتسكت منين خديتيه؟ وبشحال..؟ مجاتش نقوليها راه عطاه ليا سميتو عليه غادي نطيح فعينيها وتبقا فينما تشوفو تشك فيا تانا منهم اللهم سد فمك سيدة باغين نكملو حياتنا معاها مجاتش تاخد علينا شي فكرة ماشي تال لهيه وصلتها لدارهم ودخلت معاها باها مكانش بقيت بارك كنتسناه حتى دخل سلام سلام بيخير.. قاليا بلي غادي ينزل هو وعائلتو لبلاد فخطرة غينزلو معانا قلت بيخير مغاديش نبقاو غادين جاين لهنا وهو يلوحليا ديك تنقلب فين نبقاو قلت قلت ليه الله اودي حنا عائلة كينا واحد دار كانو ساكنين فيها لعائلة الا بغيتي تقدر تبقى فيها معندي تا مشكل بقاو فيها قدما بغيتو وهيا تخرج مراتو كتدوي بلفرونسي وبزربا داك نوع ديال لميمات شريرات أنا مفهمت والو لمهم مباغياش تمشي معاه صافي يتفركعو منهم لمشاكلهم طليت على ختنا قلت ليها انا غادي باغيا شي حاجة بقات كتشوف عاد رويت لبلان قلتها ليها بدارجة وهيا يلاه كتعرف سلام وعليكم السلام أه لا لمهم خرجت داير مع خونا وصحابو نتلاقا بيهم وداكشي لي كان مشيت لعندهم وصلوني لدار بارك كنتسنى يجيني نعاس وهيا تصوني عليا لواليدة سلام سلام قالتلي خوك مهدي.. مال مهدي؟ خرج ليه داك لمرض دنسيبو على خدمتو صافي قلت ليها كيفاش قالتلي يحمد لله غير ملي مدخلوهش لحبس جراو عليه صافي من هنا ولفوق مكين لا فلوس لا والو شوف ليه شي خدمة.. وا بلاتي كيفاش مزال مفهمتش واش نجي؟ لا لا متبقاش جاي غادي قضي لغرض ديالك عاد رجع.. بغيتها تدوزو ليا ندوي معاه قالت ليا لا ومتعيطش عليه معصب ديال بصح خلي تا تجي هنا ونشوفو شنو غنديرو.. طيرات عليا نعاس مهدي كان هو داك لحيط لي معول عليه كتوقعلي شي لعبة تيمشيو لفلوس تنلقاه هاز دار دبا خاصني ندير بالي مع لخدمة كتر.. لغد ليه فقت دوشت قاديت لمسائل و مشينا بربطة معلم أنا وبات لبنت وهيا وساط لبوليسي صافي تزوجنا تاني راجعين مع ساط طوم بارك غير أنا وهيا لور خليني من دوك لي فاش كتزوج كتبدا تبكي وكتخنن بالعكس كتباليا غير كتضحك ساط غادي يوصلنا وهو يطلق (a1000 times) أنا لي كنت غنبدا نبكي.. أنا مفخباري غيديرو تا لعبة مور زواج على لأقل ماشي ديك ساعة تيبانو ليا وقفو قدام لمحل لي قريب لدار كيبانو ليا فيه عشران طوم وخواتاتها وعائلتهم لداخل تصدمت هاد لمحل تاني نفطرو فيه نتغداو فيه نتعشاو فيه وتا نتزوجو فيه قاليا راه كريناه ليوم مول لمحل مقدرش يقول لا.. دخلنا أنا غير تنفكر واش ختنى غتمشي معايا ولا غتمشي لدارهم مقديتش نسول باها سيكان وهوما يبداو مدورينها بيناتهم تيديرو كلمة فحقي دموع سالو والله الا هاد ناس زوينين أنا لي ولد سميتو عليه معارفينيش شنو ساوي.. بدا بنادم كيتسل تانا بغيت ندير أديب ونمشيو مع ختنى لدار وهو يشدني طوم بالهضرة دوك نصائح ديال تقة وديك لهضرة ديال لأفلام قاليا بلي دوا مع لمحامي قاليه نقدر نحيد هاد لعيبة من رجلي هاد سيمانة مبقالي والو نقدر نرجع لدار عنقتو بالفرحة وهيا تباليا ختنى دايزا واهيا يلاه نمشيو غنباتو هنا؟ بقينا تا مشا كلشي عاد قصدنا داير ومعانا باها وصافي العميم لله يجعل لبركة غدا ونشوفوك تاني مغاديش نهربو حشمنا منك فهم راسك شويا تانتا.. لعرس بلا مرقة وتغماس ناقص لابدة يتعاود هادشي مع دار دخلت أنا لدار خليتها تسد لباب تحس براسها فدارها وكدا(عمييق وشاابع علم نفس) باركين بحال دوك لبركات ديال لفراعنة أنا بارك وهيا مرة مرة كتمد ليا شي عنبة من ليوم نتي لعبدة ديالي ناري قوتيها لي قبل منها كانت كبيرة وفاهما قواعد العبة منقدرش نقوليها شي لعبة هادي مسيكينة كتشوف فيا ديك شوفة ديال لبراءة شنو غندير زعما أنا لخبرة فلمسائل لي تيحساب ليه قلت هاد لجملة لخرا على لمسائل ديال دار ولكوزينة خليك واخد عليا هاد نظرة تبدلهاش..