البرهوش الجزء 53

لغد ليه فقت عادي دخلت لدوش يلاه غنطلق لما وأنا نتفكر لعيبة لي فرجلي واحد راس قاليا أجي خلي رجلك على برى ولكن هادشي مخدامش مكتاب علينا نبقاو مجونبين لمهم نية.. رومانسية وداكشي موجد لفطور جايب لخبز من لمحل برى.. حتى هيا وراقيها ناضين غير غنحيد هاد لعجب من رجليا غادي نمشيو لعند دار واحد مهدي تا هو مكيسمعش قلت ليه خلي خدمتك بعيدة على خونا وهضرتي مطلعاتش خاوية بصح خرج ليه على خدمتو تنفكر فيه وهو يصوني عليا بحالا علمني الله جاوبتو سلام سلام قاليا عندي واحد لمشكل قلت ليه عاارف عيطاتلي لواليدة وقالتلي شنو واقع واش عقلتي منين قلتلك بلي هادشي لي غادي يوقع؟ صافي هاد لهضرة كاملا معيطلك نقوليك راه لبنكة غادي تاخد كاع داكشي لي فسميتي حتى دار ديالك لي فيها دبا ودار لي كنت خديت لدار طوموبيل ديالي وكلشي.. يلاه غنسب ليه لعروق وهو يبدا يبكي خفتو لا يدير شي لعبة فراسو ولا منعرف تخويرة بحال هادي صعيبة قلت ليه صافي متديرش فبالك دي ليا حوايجي لدار لقديمة تا طوموبيلات ديال لحاج راه فسميتي لمهم بقاو تما أنا راه قريب نجي فلوس غنصيفطهم ليك فلحساب ديال لوالدة تا حاجة متبدلات غير غنرجع غنرجعو لدارنا متكعاش. قطعت وأنا باغي نسبو دبا داك سيد خورنا بزوج حيت أنا دارليا لقالب قبل من مهدي بشحاال نوضت لداك لمحامي شقيقة فراسو صافي بغيت نسافر قاليا غير صبر جيتي تا بقاولك شي أيام قلال وغادي تفرشها وخا بالي مع دار ولخدمة خاص نقاد كلشي قبل منمشب مناسيش ختنا تنخرجو نسركلو وكدا تا عيطلي لمحامي قاليا نمشي عندو باش يديني نحيدها واحد لفرحة مشيت عندو طيارة داني حيدتها قاليا متسافرش دبا بقا واحد 48 ساعة عاد سير هادشي لي غندير تا أنا يلاه نكمل لخدمة ولبنت تاهيا تقاد أمورها مع دارهم.. غير قطعت وعرفت معاش انمشيو قلتها لمهدي جي لعندنا لمطار.. خسر فلوسو خاصني نعدبو غنرجعو عبد عندي مكيسمعش لهضرة تاهو كان تيحساب ليه انا حاسدو أنا غير خفتو يتخور نفس تخويرتي ولكن لا حياة لمن تنادي لواليدة تاهيا معيطالي كتسول كيدايرا هاد لبنت دوزها ليا ندوي معاها.. وصافي نهار أخر وغنجيبها ليك قالت ليا وخا واش غنبقاو كاملين فهاد دار راك عارف دار صغيرة مفيهاش بيوت.. صافي يكون خير نجي وغندير شي حل.. تنجمع فلحوايج ولبنت كتباليا كتجمع فحوايجها وفشي شكل مراشقاش ليها بزز باش كتحرك قلت ليها شنو كين قالتلي شنو باليك تمشي أنا نبقى هنا شويا ونلحق عليك؟ علاش شنو غتبقاي ديري؟ بابا مبقاش خدام ونتا عارف لمشاكل لي كانو عندو دلفلوس أنا لبنت لكبيرة وقراني باش نعاونو شي نهار كنت تنقلب على خدمة من شحال ودبا صيفطاتلي واحد شركة باش نمشي عندهم.. غير نقاد لأمور ويلقا خدمة انتبعك وانبقى كل نهار ندوي معاك.. أنا بقيت غير تنشوف واش هادي كتضحك تمالني ماشي راجل واقيلا سربيتة ديال لكيسان قلت ليها أصلا باك خدمتو كينا لمحل لي عندي هنا خدام مزيان منقدرش نسدو ومنقدرش نقابلو من لهيه هو غادي يقابلو.. بقات كتقوليا لا وكترنا عليك.. صافي داكشي لي قلت هو لي درت دويت مع سيد بالمعقول نعرف غير فلوسي كل سيمانة.. صافي وصل لوقت باش نمشيو غادي لبوليسي موصلنا ساط فات معايا رجولة لهيه لبنت كانت كتجمع دموع لنهار غنمشيو طيحات عليا ضيم غادي بيها لمغرب زهرها مسكينة كيداير كون عرفات لبلاد كيدايرا كون راه ماتت ماشي غير بكات مشاو والديها وبقينا كنتسناو تا طلعنا لطيارة ختنى داها نعاس أنا مبغاش يجيني هاد ناس معولين عليا دبا خاصني نعرف كل درهم فين مشا ملي مات لحاجة داكشي لي خسرتو مدخلتوش إلا بقيت هكدا مغادي نكمل لعام.. وصلنا لأرض لعجائب لقينا مهدي كيتسنى ساط عارف راسو مقودها ولا حنين على سلامتك خويا أااه مرات خويا تبارك الله خرجنا غادي بينا لدار مدويتش حاط لبيسي قدامي تنتأكد من شي خدمة وهو تيقوليا دوي معايا نطق قول شي لعبة وخا تعايرني قوليا راه قلتلك هادشي غادي يوقع ومسمعتش ليك قلت ليه صافي دبا راه لي وقع وقع هانا سبيتك غادي ترجع ليك خدمتك ولا دارنا غير لمرة جايا فاش نقوليك شي حاجة عود تسمع راه خوك غنبغي ليك غير لخير وخا تكون كبر مني أنا مدوز شي حوايج عمرك أتشوفهم.. ختنى مفاهمة والو غير كتدور عينيها وصلنا لدار لوالدة جامعا صحاباتها ديال درب لقديم خالقين جو بشي حاجة بسيطة وحدا بانتليا مطلعاها بصينية وعواشق لإبداع تشوفها شي فرقة(band) ميخليوهاش تعاود دور فهاد درب.. دخلنا دار دار تاني(home sweet home) بالأخص هاد دار عندي معاها تاريخ دار لي كبرت فيها موراها بقيت غير تحول تحول لوالدة داتلي ختنى من يدي مبقيتش شفتها ولواليد تا هو تيجر فيا عند رجال هادي غير ديك لبركة لولا زعما مبروك زواج ورجوعكم تيقولو لبنادم بلي غيكون شي عرس من بعد لمهم بنادم بدا تيمشي وهيا تباليا مرات مهدي باها شدارليه وهيا مزال معاه بارك تنشوف فيها وهيا تجي عندي سلام سلام مبروك قالتلي راه دويت معاها ضريفة قلت ليها كيفاش قضية باك مع هاد لعائلة قالتلي خويا صافي حاول متجبدش هاد لموضوع قدامي مبقيتش دويت مع بابا من نهار وقع هاد لمشكل دبا مهدي محتاجك ونتا فحال خويا وهادي هيا عائلتي.. بقات داويا كنت غنبدا نبكي تا خوات دار عاد لقيت لواليدة كتوكل فلبنت بما في الكلمة من معنا بحالا معندهاش يدين مفهمت والو أنا ومكديرش معايا هكذا وباركة عليها هادا سميتو دجاج هادي دغمة واا لواليدة تي سكتي متعلميها والو بغيتها تبقى رطيطبة راه مزال فلڭارانطي نرجعها ونجيب ختها..