البرهوش الجزء 55

سيمانة لولا خرجو ليا على لبنت لي دازت من حداها يلوح ليها شي نويطة عيت معاهم والو بحالا هوما لي تزوجو بيها.. لواليد ومهدي ولاو واقفين معايا على لخدمة مجاتش نبقى مقاتل بوحدي وهوما باركين.. داكشي لي كنت تنفكر فيه من لول هو لي كان قريب لدارنا عايشين بيخير مجموعين بضحك بالنشاط صافي عجبني داك روتين نقدر نبقى عايش عليه حياتي كاملا بيخير ولكن لا شحال مقودة يكون عندك لماضي فيه لوسخ ديما تيبقى تابعك حياتك كاملا سيمانة ونص ديال راحة مهدي حل لمشاكل ديالو مع لبنك عطيتو لفلوس لي كان عطاني لعملية وخا مبغاش بززت عليه ديك ليلة مشينا بزوج لعند داك صاحبو لي عندو بار للمحل ديالو غير بركنا معاه خونا ضريف تانا بديت تنعاشرو وهو يقول لمهدي لبنت لي كنتي معاها راه تزوجات و ولدات ونتا مزال بدينا مطلعينها عليه وهو يقوليه بلاتي بلاتي واش مريم؟ أنا مجريتش بلي خونا فلول داوي على مريم وايلي تزوجات؟ شكون هاد خو سميتو عليهم لي قبل بيها وهيا دايرا هكداك بدينا تنتفكرو لبطولات ديالنا معاها.. رجعنا لدار بارك أنا ولواليد ومهدي قدام تلفازا وهيا تبرك حدانا مراتو كنتفرجو وأنا نسولها بيمن تزوجات بنت خالتك وهو ينقز مهدي أه فكرتيني اصاحبي كيفاش مريم تزوجات ومقلتيهاش ليا علاش ممشيتيش لعرس؟ سيدة بحالا صرفقتيها وايلي مريم تزوجات مفخباريش شحال مدوينا قراب لعام صرف بلاتي نسول خالتي.. عيطات على ام مريم قالت ليها مكين والو من هادشي ممزوجا ما والو ولكن راه تزاد عندها ولد شحاال هادي متعيطيش ليها مبغات تا واحد يعرف.. قالتلينا شنو قالت ليها مها بقيت غير تنشوف فمهدي فهمني وفهمتو غير خوا صالون عاد قاليا شفتك كتخمم ساط راه داكشي لي دارتو معانا دارتو مع غيرنا غيكون ولد شي واحد منهم.. قلت ليه ولا يكون ولدي.. أييه وعلاش ميكونش ولدي.. ههههه ساط كيفرش ليا باش نطلعها عليه تاني قلت ليه لا ولدي وعندي ما يفيد بلاما نعيط على لواليد تاني اساط.. وهو يقوليا نقولك نقولك شي حاجة وتبقا بياناتنا.. قول آسيدي اتبقى بيناتنا تخافش.. لعيب ماشي مني شيماء لي عندها مشكل مبغيتش لواليدة ولا لواليد يعرفو هادشي لا يقولو قدامها.. يا زيد كبر فعيني كبر كبر دبصح عارف هادشي ومخلينا مطلعينها عليه وبالأخص لواليد خاصو غير منين يدوز ليه مسكين بقا فيا صافي أسيدي ولد مريم ولدك.. لغد ليه فايق فاطر فدار بحال كل نهار خليتهم داوين على لعرس وخرجت عندي لخدمة غادي فطريق وداوي فتيليفون مع نسيب سولتو على لخدمة وقلت ليه إمتى يجيو لعندنا مشيت لخدمة عادي تا كتعيط ليا لواليدة وكان بااقي لحال على لغدا قلت ليها لله يسمعنا خبار لخير؟ قالت ليا صاحبك هنا باغيك رجع لدار.. أشمن صاحبي عندي شي صاجبي أنا لباطل؟ وانا نسمع ديك عطيني ندوي معاه الحاجة صوت عبدو قلت ليه نتا تاني؟؟ قاليا والو غير بغيت نشوفك ضروري.. وخا نعتليه أنا فين قاليا صافي عارفو بقيت كنتسنى فيه مقديتش نمس شي ورقة ولا ندير بالي مع لخدمة وهو يدخل أنا مبقيت عارف ما نقول هادي لمرة ل1000 لي تيقول أخر مرة تشوفني وتيرجع لعندي تاني قلت ليه لله يسمعنا خبار لخير؟ قاليا غير لخير بغيتك غير تسلفني شي فلوس تا نرجعهم ليك وبالفائدة.. أنا متيقتش ودنيا عبدو شان ولقيمة وكاع ديك لعاقة لي خدا من خداميه وجاي يتسلف من عندي هيا شي بلااان نيت هدا.. مقديتش نقوليه لا ولا معندي جيت هو عارفني عندي قلت ليه مرحبا أصلا كون ما هو كوراه فلحبس دبا لا ريال لا زوج عطيتو شيك غادي خارج وهيا تصونيلي لواليدة جاوبتها سولاتني واش مزال معايا قلت ليها اه قالتلي جيبو يتغدا معانا بقيت تنقول ليها لا بلاش لواليدة كلمتها مكطيحش لأرض غادي تولس غير مندماني قطعت قلت ليه تسنى تسنى راك معروض تغدا معانا قاليا لا زربان.. الا مديتوش غادي نسمع لهضرة من عند لواليدة لصقتو تا خرجنا بزوج خلا طوموبيلتو تما غادي معايا وصقييل عاد زعم قاليا اوا مقلتش ليك مبروك.. لله يبارك فيك.. معرضتيش علينا زعما.. لا مزال مدرنا والو لخر دسيمانة جايا مرحبا.. سيمانة جايا موحاال غنكون مشغول ولكن يمكن تجي لمدام ولولد عندي أنقولها ليها.. وخا مرحبا.. وسكتنا تاني حتى وصلنا لدار بركنا شويا تغدينا لواليدة ولواليد بقاو تيسولو فيه شنو تيدير دبا وعلى مراتو و ولدو تندور عينيا متيبانش ليا مهدي سولت عليه معارفينوش فين مشا.. مرجعو معايا لخدمة باش ياخد طوموبيل ديالو قلت ليه راه مهدي خرج ليه خونا على خدمتو مع ديك شركة وهو يتعصب قاليا داك خونا تبعكم نتا فلول وخوك تاني.. وصلنا غادي نيشان لطوموبيل ديالو قلت ليه متنسانيش بقا تعيط تسول فينا مرة مرة.. وخا طلع ومشا دخلت خدام واحد شويا وهو يدخل عليا مهدي يا دي نيلة وراه عندي خدمة أولاد ناس قاليا عندي ليك خبار لمليون أساط ولكن عطيني لفتوح.. بقيت تنشوف فيه واش أنا وليت بڭرة كلا ومنين تيحلب دوي ولا بناقص.. وخا صافي سمعني ورخف نفس لبارح فاش دوينا على مريم أنا مقديتش نصبر ليوم مشيت لعندها من صباح وأنا معاها وااحد لبنيتة صغيرة عندها والله تا أجمل ما شفت تال دبا.. اوا من بعد نقولك مبروك؟ مكرهتش والله ولكن لا قولها لراسك لبنت راه بنتك أصاحيب سيدة متأكدة بلي لبنت بنتك وقبل متقول ليا هادشي خلاتني نحلف منقولها ليك دبا أنصوم 3 ايام هانية خويا خاصك تعرف نتا أولى.. يا صدمني صدمني وليت أب شفتي قلتلك أنا مولشي كنت حاس هادشي متقولوش لوالدة ولا لوالد حتى مراتك خليها بيناتنا هاد لمرة حتى نتأكد واش ختنى مزال ساكنا فدارهم؟ أه عارف فين كينا دار؟ أه عارف صافي أنا غادي دبا نشوفو هاد زين لي كتدوي عليه أصلا اتكون خارجا لباها.. خرجت غادي قاصد دار خيتي معارفش شنو انقول غبرت غبرة وحدة وبدلت نمرة ودار بسيف متجيش لعندي لمهم نتأكد بعدا أنا غير نشوف لبنت أنعرفها واش بنتي نشوفو واش بصح هاد لقدية ولا كتصدق غير فالأفلام وصلت لدار تنقاد فلحية صافي هو هداك قاد الظهر دفع صدر تندق فلباب وهيا تحل لباب تصدمات بقات غير كتشوف تانا طواليت وتبدلت من ديك لوقت لدبا وهيا تقول داك ولد طييط.. على مهدي قلت ليها راه خويا كيفاش بغيتيه يخبي عليا شي حاجة نقدرو ندويو؟ معندنا فاش ندويو أخويا معندنا فاش ندويو غتسد لباب وأنا نلوح رجلي بغات تدير فيها شي عيشورية(عيشورية؟ما هدا؟) قالت ليا غتمشي ولا غنغوت نجمع عليك عباد الله سير فحالك.. معامن طاحت مع برهووش دفعت لباب واش منيتك ابنت ناس واش معارفانيش كيف داير.. وهيا تقوليا سير ولا غنعيط على راجل خالتي نقوليه راه ولدو كان تابعنا فاش دار كسيدة بسبابك.. تيحساب ليا نسات أنا بدون شعور رجعت زوج خطوات غادي تدير ليا مشكل كبير الا قالتها ليه ولي مات ختو دبا مزوجة بخويا قلت نخليها تا تبرد ونرجع بارك فطوموبيل تنتفكر شنو دايرا فلفيسبوك ديالها لابدة تكون حاطة شي طوف ديالها..