داك لكوميسير ضراايف ديال بصح بقى تيسول فيا عندمن نقد نبقى قلت ليه بغيت غير نمشي لدار مكين لاش نبقى مع شي واحد قاليا لي بغيتي اولدي صبر نوصلك معايا.. غادي موصلني قاليا مدير والو من هادشي فبالك الا كان باك دار شي حاجة راه معمرو أيخرج من لحبس والا كان مداير والو راه غادي يخرج.. وصلني لدار دخلت غسلت وبدلت دوك لحوايج لحتهم ولات فيهم واااحد ريحة.. جيران تيدقو فداك ليل سمعو طوموبيل ديال سيد فاش وصلني محليت لتا واحد مقادش نعاود لشي واحد شي حاجة وأنا مزال ممتيقش من صغري كنتسنا شي نهاى زعما ترجع لواليدة ولا نتلاقا بيها لدرجة كنت كل ليلة تنفكر شنو غادي نقوليها نهار انتلاقاو وقفت فوق سطح تنشوف فداك لبير أصلا مغاديش يجيني نعاس ولفجر قريب هكذاك قالي راسي نوض طل عليه واقف تنشوف فديك لبلاصة حياتي كاملا كانت غير حدايا ومكتاب ليوم نطيح تما ونكون أنا سباب تا يتعرف هادشي حتى من لواليد لي كان مقابلني غيدخل للحبس مبقى عندي تا واحد دبا ديال بصح رجعت دخلت لدار متكي لحالة لكلاب كنت محارب مع ليهود وهو يباليا تيليفون شديتو دخلت لتصاور وهيا تباليا تصويره لي ضرب ليا رجليا فسما بزز مني ضحكت.. قالك كثرة لهم كتضحك منعستش ديك ليلة غير مشعل كاع لبولات ومتكي صباح عاد زاد دقان يمشي واحد يجي واحد حليت تلاجة كليت وبقيت كنتسنا شنو غادي يوقع وأنا نسمع صوت ديال طوموبيل طليت من شرجم لقيتو داك لكوميسير حليت ليه لباب قاليا بلي محتاجني نمشي معاه تاني قلت ليه وخا غادين تيبانو ليا مزال تيصورو فداك لبير ونازلين ليه لا تكون شي لعبة أخرى.. لمهم غادي معاه تيسول فيا واش فاطر كيفاش دوزت ليلة سيد ضريف وصلنا بركت معاه فداك لبيرو تاني تا جاو زوج خدامين معاه عاوتليهم شنو وقع تاني بتفاصيل سجلو داكشي ومشاو بقيت معاه قاليا نكدب علك 100% هو مولاها قلت ليه عارف بلي هو لي دارها كيفاش هيا تما داك لوقت كامل وهو تيقوليا سلمات عليك سولات عليك يعني غير كان تيكدب دبا بغيت غير نعرف علاش دار هكذا بغيت ندوي معاه.. قاليا منقدرش نخليك تشوفو وأصلا حولوه صباح بكري تال من بعد وغنعرفو كلشي.. رجعني لدار مقديتش نبقا نسمع فدقان دلباب حليتو لي بغا يدخل يدخل تيسولوني الله اعلم معارف والو.. بنادم تيحلف بلي لواليد غير مضلوم فهادشي بسيف ما يحلفو أنا ولدو عايش معاه ومعمري شفت منو شي حاجة خايبة.. مشيت لقهوة اول مرة فحياتي نبرك فقهوة غير بغيت نبدل لجو نبعد على عينين بنادم يبقاو يسولو فيا. بانتليا لجريدة باش شديتها تيباليا لواليد فصفحة لولا غير من لعنوان مقديتش نقراه ناس مقدوش يتسناو حتى يكملو لبوليس تحقيق ديالهم.. خديت ديك صفحة ورجعت لدارنا حتى من ديك عمتي مجاتش ومسولاتش معرفتش علاش دازت ديك سيمانة غير غابر على بنادم فدار بحالا أنا لي قاتلها قربات لجلسة ديالو قالو ليا بلي خاصني نمشي نشد ومقادش نشوف فيه ونقول ديك لهضرة عليه قدامو ليلة لي بعدها لجلسة بارك تنوجد فراسي وهو يصوني تيليفوني مكينش لي غادي يعيط ليا لي تيعيط ليا ولوحيد لي عندو نمرتي راه فلحبس جاوبت من ديك الو عرفتو هو بالخلعة كنت انخصر حوايجي معرفتش شنو غادي نقول دارولي بزاااف دسيناريوهات فدماغي فديك ساعة يقدر يبغيني نبدل لأقوال ديالي ولا شي حاجة باش يخرج ولا يشرح ليا علاش دار هكداك مجبدش معايا كاع لهضرة فهاد لموضوع ومقالش ليا ولدي كيف موالف عيطلي بسميتي قاليا وليد كيبقيتي قلت ليه مزيان وسكتنا بزوج تا هو معارف ما يقول كتر مني قاليا معيط غليك باش نقوليك قابل قرايتك بغيتك تولي شي حااجة كبيرة وبغيت منك حاجة وحدا اخرى هيا تدعي معايا كل مرة تفكرتيني فيها. صافي وقطع مزال مسولتو على تاشي حاجة بقيت بارك شاد لبكية غير بزز غدا غادي نشوفو ولمينوط فيديه حياتي كاملا تنشوفو وراسو فسما غدا غادي نشوفو وهو حاني راس وكلشي تيشوف فيه شوفة ناقصة وماشي غير هو يمكن حتى أنا هادشي لي دار لواليد غادي يأتر عليا لبقية لحياة ديالي.. بقيت تنفطر فشنو غادي ندير غدا حتى داني نعاس لغد ليه لكوزينة خوات وأصلا معنديش لخاطر باش ناكل بدلت حوايجي هزيت تيليفوني كنتسنى داك لكوميسير قاليا شحال هادي بلي غادي يوصلني لتما سيد تعطل ديال بصح وصل وقت لجلسة وهو مزال مجاش هزيت لموطور وغادي قاصد لكوميسارية وهو يسكت خوا من ليصانص نسيتو هاد لأيام كنت أصلا قريب لتما بقيت دافو وغادي وهو يوقف عليا داك لكوميسير كان غادي عندي لدار قاليا فين غادي؟ قلت ليه لعندك تعطلتي وقلت نجي لعندك انا لموطور وهو يديرها واش مغاديش نمشيو؟ بقى ساكت حل لمالة قاليا عاوني درنا لموطور فلكوفر وتحرك مرجعني لدار قلت ليه واش أجلوها ولا كيفاش؟ ولدي لواليد ديالك ضرب يديه لبارح فليل فاش كان كلشي ناعس صباح مشاو باش يفيقوه للمحكمة لقاو مول لأمانة دا أمانتو.. كيفاش؟ واش كتدوي بصح أنا غير لبارح دويت معاه؟ حلف ليا تا بصح بقى تيسول فيا شنو قاليك فاش دويتو لبارح؟ قلت ليه والو غير وصاني على لقراية وندعي معاه.. متيقتش بلي بصح مات بحالا شي حاجة فلداخل ديالي رتاحت مكنتش قاد نعيش داك لجو ديال لمحكمة وصلني سيد لدار حط ليا لموطور قاليا واش نبقى معاك نقدر نريح معاك شويا الا بغيتي قلت ليه لا غير سير.. دخلت لدار حطيت لموطور واحد شعور مقوود انا سبابو حتى مات ولكن تاهو سباب لواليدة تا ماتت مقديتش تا نبكي عليه دخلت لبيتو هزيت واحد 100 درهم كان من ناس لي يعطك لخصية ديالو وميحطش فلوسو فلبنك مشيت لحانوت خديت ما ناكل بارك فدار كليت عاد قديت نبكي بحال ناس جوع مقود تيخليك فاقد لإحساس غير عمرات لكرش وأنا نعطيها لنواح.. مكينش لي تفكرني تا بكاس ديال لما كان تيحسابلي ناس ديك لمنطقة ناس دلخير ولكرم أصلا شكون لي يقدر يدخلي لدارو مورا داكشي لي دار لواليد.. فلعشيا رجع لعندي داك لكوميسير جايب معاه لحم مشوي لخبز موناضة تناكل بصواب قدامو وانا راه فيا لي ياكل داكشي ب بلاستيكتو بكلشي ليه قاليا راه دواو مع عمتي وقطعات عليهم غادين يتكلفو بيه باش يتدفن قلت ليه صافي قاليا اه صافي كلشي سالا مغاديش نعاود نجي لعندك حتاجيتيني شي نهار راك عارفني فين كين وها نمرتي نتا مبقاش ليك بزاف باش تكمل 18 راه خلا ليك باش تعيش ملك تا قرى وتلقا خدمة هادشي لي كين اولدي الا قديت غندوز عندك شي نهار نسول فيك تهلا فراسك وخرج تبعتو سولتو واش عرف شي حاجة على لعائلة ديال لواليدة قاليا لا والو بحالا مقطوعة من شجرة.. من بعد داك نهار كانو محاولاتي باش نعس بحال ناس بحالا تنقلب على خالة فظهر عزي مكيبغيش يديني نعاس وتا بنهار معقلتش على ديك لعطلة كيدازت كلشي مرون دار ولات بحال شي قبر روينة وغبرا تنبغي نمسح شي حاجة تنقول علاش تا واحد مغادي يجي علاش انعدب راسي قربات تكمل ديك لعطلة غادي نبعد على داك صداع كامل وغادي نعيش مزيان ونعرف بنادم جديد تا نكمل 18 وغادي نبيع هاد زبل كامل بدار بكلشي ونبدل لمدينة ونقد نبدل حتى سميتي..
المصخوط الجزء الثاني
محتوى القصة
داك لكوميسير ضراايف ديال بصح بقى تيسول فيا عندمن نقد نبقى قلت ليه بغيت غير نمشي لدار مكين لاش نبقى مع شي واحد قاليا لي بغيتي اولدي صبر نوصلك معايا.. غادي موصلني قاليا مدير والو من هادشي فبالك الا كان باك دار شي حاجة راه معمرو أيخرج من لحبس والا كان مداير والو راه غادي يخرج.. وصلني لدار دخلت غسلت وبدلت دوك لحوايج لحتهم ولات فيهم واااحد ريحة.. جيران تيدقو فداك ليل سمعو طوموبيل ديال سيد فاش وصلني محليت لتا واحد مقادش نعاود لشي واحد شي حاجة وأنا مزال ممتيقش من صغري كنتسنا شي نهاى زعما ترجع لواليدة ولا نتلاقا بيها لدرجة كنت كل ليلة تنفكر شنو غادي نقوليها نهار انتلاقاو وقفت فوق سطح تنشوف فداك لبير أصلا مغاديش يجيني نعاس ولفجر قريب هكذاك قالي راسي نوض طل عليه واقف تنشوف فديك لبلاصة حياتي كاملا كانت غير حدايا ومكتاب ليوم نطيح تما ونكون أنا سباب تا يتعرف هادشي حتى من لواليد لي كان مقابلني غيدخل للحبس مبقى عندي تا واحد دبا ديال بصح رجعت دخلت لدار متكي لحالة لكلاب كنت محارب مع ليهود وهو يباليا تيليفون شديتو دخلت لتصاور وهيا تباليا تصويره لي ضرب ليا رجليا فسما بزز مني ضحكت.. قالك كثرة لهم كتضحك منعستش ديك ليلة غير مشعل كاع لبولات ومتكي صباح عاد زاد دقان يمشي واحد يجي واحد حليت تلاجة كليت وبقيت كنتسنا شنو غادي يوقع وأنا نسمع صوت ديال طوموبيل طليت من شرجم لقيتو داك لكوميسير حليت ليه لباب قاليا بلي محتاجني نمشي معاه تاني قلت ليه وخا غادين تيبانو ليا مزال تيصورو فداك لبير ونازلين ليه لا تكون شي لعبة أخرى.. لمهم غادي معاه تيسول فيا واش فاطر كيفاش دوزت ليلة سيد ضريف وصلنا بركت معاه فداك لبيرو تاني تا جاو زوج خدامين معاه عاوتليهم شنو وقع تاني بتفاصيل سجلو داكشي ومشاو بقيت معاه قاليا نكدب علك 100% هو مولاها قلت ليه عارف بلي هو لي دارها كيفاش هيا تما داك لوقت كامل وهو تيقوليا سلمات عليك سولات عليك يعني غير كان تيكدب دبا بغيت غير نعرف علاش دار هكذا بغيت ندوي معاه.. قاليا منقدرش نخليك تشوفو وأصلا حولوه صباح بكري تال من بعد وغنعرفو كلشي.. رجعني لدار مقديتش نبقا نسمع فدقان دلباب حليتو لي بغا يدخل يدخل تيسولوني الله اعلم معارف والو.. بنادم تيحلف بلي لواليد غير مضلوم فهادشي بسيف ما يحلفو أنا ولدو عايش معاه ومعمري شفت منو شي حاجة خايبة.. مشيت لقهوة اول مرة فحياتي نبرك فقهوة غير بغيت نبدل لجو نبعد على عينين بنادم يبقاو يسولو فيا. بانتليا لجريدة باش شديتها تيباليا لواليد فصفحة لولا غير من لعنوان مقديتش نقراه ناس مقدوش يتسناو حتى يكملو لبوليس تحقيق ديالهم.. خديت ديك صفحة ورجعت لدارنا حتى من ديك عمتي مجاتش ومسولاتش معرفتش علاش دازت ديك سيمانة غير غابر على بنادم فدار بحالا أنا لي قاتلها قربات لجلسة ديالو قالو ليا بلي خاصني نمشي نشد ومقادش نشوف فيه ونقول ديك لهضرة عليه قدامو ليلة لي بعدها لجلسة بارك تنوجد فراسي وهو يصوني تيليفوني مكينش لي غادي يعيط ليا لي تيعيط ليا ولوحيد لي عندو نمرتي راه فلحبس جاوبت من ديك الو عرفتو هو بالخلعة كنت انخصر حوايجي معرفتش شنو غادي نقول دارولي بزاااف دسيناريوهات فدماغي فديك ساعة يقدر يبغيني نبدل لأقوال ديالي ولا شي حاجة باش يخرج ولا يشرح ليا علاش دار هكداك مجبدش معايا كاع لهضرة فهاد لموضوع ومقالش ليا ولدي كيف موالف عيطلي بسميتي قاليا وليد كيبقيتي قلت ليه مزيان وسكتنا بزوج تا هو معارف ما يقول كتر مني قاليا معيط غليك باش نقوليك قابل قرايتك بغيتك تولي شي حااجة كبيرة وبغيت منك حاجة وحدا اخرى هيا تدعي معايا كل مرة تفكرتيني فيها. صافي وقطع مزال مسولتو على تاشي حاجة بقيت بارك شاد لبكية غير بزز غدا غادي نشوفو ولمينوط فيديه حياتي كاملا تنشوفو وراسو فسما غدا غادي نشوفو وهو حاني راس وكلشي تيشوف فيه شوفة ناقصة وماشي غير هو يمكن حتى أنا هادشي لي دار لواليد غادي يأتر عليا لبقية لحياة ديالي.. بقيت تنفطر فشنو غادي ندير غدا حتى داني نعاس لغد ليه لكوزينة خوات وأصلا معنديش لخاطر باش ناكل بدلت حوايجي هزيت تيليفوني كنتسنى داك لكوميسير قاليا شحال هادي بلي غادي يوصلني لتما سيد تعطل ديال بصح وصل وقت لجلسة وهو مزال مجاش هزيت لموطور وغادي قاصد لكوميسارية وهو يسكت خوا من ليصانص نسيتو هاد لأيام كنت أصلا قريب لتما بقيت دافو وغادي وهو يوقف عليا داك لكوميسير كان غادي عندي لدار قاليا فين غادي؟ قلت ليه لعندك تعطلتي وقلت نجي لعندك انا لموطور وهو يديرها واش مغاديش نمشيو؟ بقى ساكت حل لمالة قاليا عاوني درنا لموطور فلكوفر وتحرك مرجعني لدار قلت ليه واش أجلوها ولا كيفاش؟ ولدي لواليد ديالك ضرب يديه لبارح فليل فاش كان كلشي ناعس صباح مشاو باش يفيقوه للمحكمة لقاو مول لأمانة دا أمانتو.. كيفاش؟ واش كتدوي بصح أنا غير لبارح دويت معاه؟ حلف ليا تا بصح بقى تيسول فيا شنو قاليك فاش دويتو لبارح؟ قلت ليه والو غير وصاني على لقراية وندعي معاه.. متيقتش بلي بصح مات بحالا شي حاجة فلداخل ديالي رتاحت مكنتش قاد نعيش داك لجو ديال لمحكمة وصلني سيد لدار حط ليا لموطور قاليا واش نبقى معاك نقدر نريح معاك شويا الا بغيتي قلت ليه لا غير سير.. دخلت لدار حطيت لموطور واحد شعور مقوود انا سبابو حتى مات ولكن تاهو سباب لواليدة تا ماتت مقديتش تا نبكي عليه دخلت لبيتو هزيت واحد 100 درهم كان من ناس لي يعطك لخصية ديالو وميحطش فلوسو فلبنك مشيت لحانوت خديت ما ناكل بارك فدار كليت عاد قديت نبكي بحال ناس جوع مقود تيخليك فاقد لإحساس غير عمرات لكرش وأنا نعطيها لنواح.. مكينش لي تفكرني تا بكاس ديال لما كان تيحسابلي ناس ديك لمنطقة ناس دلخير ولكرم أصلا شكون لي يقدر يدخلي لدارو مورا داكشي لي دار لواليد.. فلعشيا رجع لعندي داك لكوميسير جايب معاه لحم مشوي لخبز موناضة تناكل بصواب قدامو وانا راه فيا لي ياكل داكشي ب بلاستيكتو بكلشي ليه قاليا راه دواو مع عمتي وقطعات عليهم غادين يتكلفو بيه باش يتدفن قلت ليه صافي قاليا اه صافي كلشي سالا مغاديش نعاود نجي لعندك حتاجيتيني شي نهار راك عارفني فين كين وها نمرتي نتا مبقاش ليك بزاف باش تكمل 18 راه خلا ليك باش تعيش ملك تا قرى وتلقا خدمة هادشي لي كين اولدي الا قديت غندوز عندك شي نهار نسول فيك تهلا فراسك وخرج تبعتو سولتو واش عرف شي حاجة على لعائلة ديال لواليدة قاليا لا والو بحالا مقطوعة من شجرة.. من بعد داك نهار كانو محاولاتي باش نعس بحال ناس بحالا تنقلب على خالة فظهر عزي مكيبغيش يديني نعاس وتا بنهار معقلتش على ديك لعطلة كيدازت كلشي مرون دار ولات بحال شي قبر روينة وغبرا تنبغي نمسح شي حاجة تنقول علاش تا واحد مغادي يجي علاش انعدب راسي قربات تكمل ديك لعطلة غادي نبعد على داك صداع كامل وغادي نعيش مزيان ونعرف بنادم جديد تا نكمل 18 وغادي نبيع هاد زبل كامل بدار بكلشي ونبدل لمدينة ونقد نبدل حتى سميتي..
يتبع
التنقل بين الأجزاء