المصخوط الجزء الثالث

لمهم قرب لعام جديد يبدا وخا مكانتش باقيا عندي لخاطر لقراية ولكن معندي ما ندير من غيرها هادي آخر حاجة وصاني عليها قبل ميموت شفت ليسي فوسط لمدينة دويت مع لمدير شرحتليه بلي منقدرش نجيب شي واحد فوالديا قلت ليه ميتين مقلتش ليه كيفاش مخاص حتى واحد يعرف.. صافي غادي نكمل قرايتي تما تقيدت وخليت تال لغد ليه ومشيت تنسول تما على شي بلاصة نكريها واحد مول لحانوت صيفطني لواحد لعمارة قاليا بلي شي واحد تما عندو شي بيوت مصروعين تيكريهم لدراري لي خدامين ولا تيقراو ورخاص صافي مشيت عند خونا دخلني لدارو كلها بيوت مبفاش فلول يكري ليا قاليا نتا مزال صغير مديتليه فوطوكوبي دلكارط وتسبيق ديال شهرين شرحت ليه تا هو شنو واقع صافي عطاني سوارت واحد لبيت وسوارت لباب ديال دار مشيت لدار جمعت لحوايج لي غنديهم وصلني واحد سيد عندو طوموبيل طبعا خلصتو لمهم مخليتش شي ريال فديك دار وسديتها مزياان و وصيت جيران تما دخلت حوايجي لدار لبيت مقي مقاد مصروع تا داز عندي خونا وراني لكوزينة ولحمام وكدا وديك لهضرة ديال متقيصش لدراري حوايجهم مغاديش يقيصو ليك حوايجك.. نهار قبل دراسة خرجت تقديت حوايج لواحد هو لي يخسر على راسو شويا ديال صرف بدلت تيليفون مبقاش مقنعني داك لول وهو سبابي تنشدو تنتفكر داك نهار.. من نهار لول فداك ليسي لقيت راسي تنبرك لور بلاما نحس وخا نكون عارف لحاجة منقدرش نقولها وليت تنحشم ولا تنخاف الله اعلم أصلا هوما راه بحال بحال غير كنبغيو نضحكو على راسنا بديك تنحشم.. لمهم وخا تنبرك لور وكلشي مزال متبع مع خوتنا أنا هو لكبير فداك لقسم ولحية تنشوف فدراري لي تيقراو معايا عرفتي دوك دراري لي تيبدا ينوض ليهم لموستاج بلا وقت وتيبقاو يخليوه وسبحان الله قسم كامل نفس سيناريو الا أنا وتنبان عملاق حداهم أنا هو داك لوحش ديال رياضة لي كلشي تيبغي يلعب معاه كنت كبر منهم بعامين دخلت لإبتدائي معطل مع كانت لمدرسة بعيدة ولواليد تيعكز وكبر منهم تاني حيت لماكلا لي تناكل أنا متياكلوهاش هوما.. لمهم وخا تيبغي شي واحد يشري معايا لمعرفة تنقلب 6/9 غادي نعاشر شي واحد ايبقى يسول منين نتا شكون نتا وهضرة تجيب هضرة تا نلقا راسي شي نهار معاود ليه لبلان ديالي وأنا مبغيتش شي واحد يعرف.. سيمانة مورا سيمانة بديت شويا تنضحك مع بنادم تنزعزعهم تيشوفوني غير بارك لور ومتنحركش صبعي وانا لول فأي فرض بديت تنسمع دوك لإشاعات ها لي تيقول جاي من مدرسة خاصة ها لي تيقول باه أستاذ وتيعاونو عرفتي ولاو عندي أعداء غير حيت كنقرا وبالأخص دوك خياتي نظيظرات لي تيبركو لقدام وتيكتبو ب 10 لألوان دفتارها بحال لوحة لفنية كنقتلهم ديال بصح محاملينيش ولكن معاطيهمش وقت تا أنا ولاو تيجروني نراجع معاهم فواحد لقاعة بارك مع دوك 5 دلبنات لقراييين فداك لقسم تنبرك معاهم غير حيت تيفيدوني بالمراجعة وكدا.. بديت تنحس بيهم دايرين عليا دارت كل وحدة وكتحاول تقرب ليا بشي بلان راك عارف لمراهقة وتيشوفوني طول فعرض فدماغ ففلوس اييه تيحساب ليهم أنا ملعاااق تيشوفو كل نهار حطت وصرف لمهم جاري معاهم ل10 تا أنا تنعدبهم تنقرا قدامهم دوك لكتوبا ديال ناس لحساسين وتنسمع للملحون.. فدار لي كاري فيها متندوي مع حتى واحد من غير سلام صباح الخير ولاو كيحتارموني تا هوما وسيد لي كاري من عندو طلع دمااغ فلماط غير معطاتوش لبلاد خلا ليه باه ديك دار قسمها وكراها لمهم واحد نهار دخلت مع ديك 12 لبيت تنبدل حوايجي باش نخرج نتغدا برى تا كيدق عليا خونا حليت عليه لله يسمعنا خبار لخير شهرين لي مخلص مزال مسالاوش قاليا واحد سيدة كتسول عليك قلت ليه وايلي شكون؟ خرجت بشورط بصدمة شكون غتكون طليت وهيا تباليا لمرا لي كانت خدامة عندنا قالت ليا وليد بغيت ندوي معاك قلت ليها فاش؟ خونا وهو يقوليا ساط فين هو صواب حيد سيدة من لباب بعدا قلت ليها دخلي, دخلنا للبيت كتدور فراسها قلت ليها شنو كين؟ قالت ليا أنا وباك لله يرحمو كن. قلت ليها عارف شنو غتقولي من بعد تلخيص راه قاري دبا قالتليا بلي حاملا منو.. ومن بعد حاملا منو وأنا مالي؟ قالتلي راه خوك ولا ختك وأنا معنديش راك عارف لي كاين لمهم راه عندو حقو فداكشي لي مخلي باه قلتلك باش دير حسابك.. بقيت غير تنشوف تابعيني تا فريالات لي مخلي ليا حليت ليها لباب كتساليني شي حاجة دعيني أنا معندي ما نعطك وما نخبي عليك.. خرجات هيا هزيت حوايجي تا أنا وخرجت كون ما شفتهمش داك نهار فلكوزينة نقول كتكدب ولكن أنا شفت داك سميتو عليه بعينيا نعاماس مزال داك صوت فودني اديل ديال داكشي بنت لعبد.. لمهم كملت نهاري بحالا موقع والو داكشي لي دارتو مع لواليد تلقاها دارتو مع 100 آخرين تجي تبروفيتي فيا أنا.. لمهم مكمل فدراسة دوك لبنات مدوريني بيناتهم ولي تبرك قدام حدايا أجي معايا لحانوت أجي نراجعو كنتخلع أنا أصلا كان أول عام نقرا فقسم فيه لبنات. ودراري ولاد ناس ولاو تيطلعوها عليا حيت وليت كنعمر مع دوك لبنات بزاف ولكن ماشي أنا مغاديش نطايف فليسي مبغيتش مشاكل مع لمدير حيت عاملني ديال بصح فاش دخلني لداك ليسي خليت تا لنهار زعم عليا لكبير فيهم وخليتو تا خرجنا وأنا نقصدو واحد شمال تاريخي وزوج متابعين بدوك ليدين لي عطاني سيدي ربي خليتو كيتنتر ومشيت لدار فلعشيا مجاش لغد ليه جاي عينو زرقة من داك نهار عرفوني فلااح مكين لا سبور لا والو داكشي من عند الله(it's gift) وليتي تسمع غير سلام سلام ولاو كيحتارموني كتر من لقياس دوك لبنات طلعو نيفو فتعناب داكشي عاين باين تانا عاجبني لحال كنتسنا غير شي وحدا تجيني فاص مغاديش نعاود معاها لكلمة نجربو تاحنا زعما راه مبقيناش دراري صغار.. ولاو عندي كاع لأيام بحال بحال تا كيقوليا راه كينا عطلا ديال شي عيد وداك نهار ولا زوج تيدوز فحال أي نهار مكينش تا لي يقوليا مبروك عيدك تا دراري لي كارين حدايا تيمشيو عند عائلاتهم مول دار كيخرج مع عشيرتو كيقتلني أنا مصاحب مع وحدا أندونيسية عينيها صغار وغير كتضحك ماشي لخاطرها وجها مفيكسي ضاحك كعما كتغوبش فاش تنزعم نطلعها عليه تنقوليه نهار تغوبش ديك خيتي غادي تفنا دنيا ساط بديت تنعاشرو شويا تناكل معاه مرة هو يطيب ومرة انا الا كنت مسالي خونا كيتعاون معايا وصافي قلت ليه بلي مقطوع من شجرة اسيدي واحد لويكاند تنبدل فحوايجي باش نخرج مع دري لي كاري ليا نبدلو لجو سميتو نوردين وهو يبدا يدق عليا قلت ليه صبر تبدل قاليا خرج شي واحد تيسول عليه فلباب خلعني حليت ليه لباب قاليا راجل ومرا أنا قلت صافي غادي تكون ديك خيتي جايبا شي واحد تاني باش تدوي معايا فداك لموضوع غادي غير نطل تباليا هيا نعاود نسد لباب وشكون تنلقا عند لباب تنلقا داك لكوميسير وايلي هادا جاي تال هنا ياكما شكو فيا أنا لي قتلتها ولا جايباه ديك خيتي باش يقنعني قاليا ولدي بيخير؟ قلت ليه لحمد لله تندور فوجهي فين هيا وهيا تخرج واحد لمرا تكون فايتا 30 عام خرجات من حيت لا أدري مور لباب وكتبكي عنقاتني مفهمت والو تنشوف فيه شنو واقع؟ معنقاني وكتبكي واحد لبكا ماشي عادي دلحرقة بنادم تيطل تيحساب ليه غا واش تنبززو عليها شي لعبة قلت ليه شكون هادي؟ قاليا خالتك بقيت تنشوف فيه كتضحك؟

يتبع