المصخوط الجزء السادس

بقيت داك نهار كامل وأنا كنقوليها شنو قالو ليك مبغاتش تقوليا نتا صافي كنتي غادي تقتلهم واش بغيتي تدخل للحبس خاصك تولي تحكم فراسك فساعة لغضب.. بقات طالقا عليا زعط ديال لقانون ديالها. قلت ليها راه منقدرش نبدل ليسي دبا قالت ليا صافي أنا انبقى نوصلك هاد 3 شهر ادوز بزربا.. صافي هادشي لي وقع منقدرش نقوليها لا سيدة باغاليا غير لخير لغد ليه وصلاتني ورجعات لخدمتها دخلت ليسي كنتلاقا ببنادم ديك لهضرة ديال فين دوزتي لعطلة وكدا متنحملش لمواضيع لي تيدويو فيها دوك لبراهش لي تيقراو معايا نوقف غير بوحدي ولكيت فودنيا حسن واقف فواحد لقنة حتى تحل لباب دخلت تنضور عينيا يمين يسار مبانتش ليا ديك نظيظرات مجاتش داك نهار فلعشيا واقف كنتسنى لخويلة تجي توصلني وهوما يبانو ليا دوك زوج خوتنا لي ضربتهم لبارح جاين لعندي لحمهم تياكلهم عطيت لواحد دري تيقرى معايا صاك وتسنيتهم حتى جاو كنت غادي نطلق يدي وهو يقوليا طويل خويا جينا غير نقولو ليك سمحلنا على داكشي لي وقع لبارح صدمني وقتلني بصواب قاليا خويا مكناش عاقلين وعيبنا واحد وهو يبوسلي راسي بقيت غير تنشوف ديك ساعة وصلات قالت ليا شو واقع قاليها ختي جينا غير نتصالحو معاه وتانتي سمحيلنا.. مشاو طلعت غادين كتقوليا واش ضربتيهم تاني قلت ليها والله ما حطيت عليهم يدي جاو قالولي ديك لهضرة لي سمعتي بودنيك وقالولي إلا بغيتي ترجع لدار. قالت ليا لا صافي غي نسا ديك دار راه دوينا فهاد لموضوع كين لصال فمشروع لي ساكنين فيه دخل ليه قتل فيه لوقت وخا كتباليا ممحتاجش ليه. ليلة غادين يجيو عندنا شي ضيفان بغاو يشوفوك ويعرفوك قالت ليا بلي غير شي صاحبتها وراجلها وولادهم رجعت لدار بدلت حوايجي عاونتها شويا تا جاو ساكنين غير حدانا عندهم ولدهم صغير وبنت دايرا راسطا لشعرها وكتبان دكرية وخا كيليميني وهيا تقوليا لخويلة راه وليد باغي يدخل لصال غدا دوزي لعندو وريه حطاتني قدام لأمر لواقع هيا لبنت باينا فيها كتريني يدها حرش من يدي لغد ليه مصبحا عليا مع 8 وحلاتليها لباب فيقاتني من فراشي يهود وميديروش هاد لبلانات مبعرفو لواحد عريان ولا شنو بايت يدير خرجت معاها غادين لداك لصال لبنت كتعرض فمشيتها دخلنا لصال وضرتها تما ورجعت لدار قلت ليها معجبنيش داك لصال بارك كنتفرج أنا وياها فواحد لفيلم وهو يصوني تيليفوني نمرة ديال لكوميسير جاوبتو سلام سلام لله يسمعنا خبار لخير قاليا غير لخير ان شاء الله جاو شي ناس تيسولو على نمرتك بغاو يشريو دار باك ولأراضي لي دايرين بيها وثمن زوين عطيتهم نمرتك إلا عيطولك عرف كيفاش تدوي وفكر مزيان فبحال هادشي خاصك تسول ناس كبار خالتك ولا صحاب لوالد ديالك.. قلت ليه صافي دبا نتشاور مع شي واحد متخافش, قطعت معاه قلتها ليها بقات ساكتة عاد قالتلي بيع زبل غادي تبقى تمشي تما تفكر داك لمشعوذ وداك نهار لفلوس لي تطلع ليك متقيصهاش تا تعرف شنو غدير بيها.. هاد لواليد معمرو ايرتاح فقبرو تيوصلو غي سبان من نهار مات لمهم خليت تيلي شاعل وحدايا باش يعيطولي ندوي معاهم غيدخلو فلوس لواليد راه عندو أرض كبيرة تما هاد لي باغي يشريها أيكون ملاااعق فلعشيا تيصوني تيليفوني جاوبت صوت متنعرفوش وتا نمرة قاليا فلان بن فلان هدا؟ قلت ليه هو هدا من هضرتو مبيناش فيه عندو صرف كيدوي عادي كلمة بلفرونسي مقالهاش قلت ليه واش من نيتك باغي تشري ولا كيفاش قاليا كيفاش واش منيتي هادشي مكيتدواش عليه فتيليفون خاصنا نتلاقاو ونتفاهمو جيب معاك شي واحد تيفهم فهادشي.. درت معاه فواحد لقهوة قريبة ليسي لي تنقرا فيه هيا لي عارف ومشهورة مغاديش يتلف بقيت كنفكر شكون أندي معايا من غير لخويلة وأنا نتفكر عشران ديال لواليد كاملين تيفهمو فهادشي وعارفين ثمن ديال ديك لبلاصة ولكن معندي نمرة حتى واحد فيهم.. قلت ليها خاصني نمشي لتما باش نشوف شي واحد فيهم يوقف معايا فهادشي بقات عليا لا ولقراية قلت ليها صافي غادين نمشيو اصلا باقي تاواحد متيدخل دبا غنقضي هاد لغرض وانرجع مقديتش توصليني عادي عطا لله فاش نمشي. قالت ليا صافي أنا غاديا نوصلك معاش باغي تمشي؟ بصراحة درت مع سيد غدا مع 2 يعني خاص نمشي ليوم نعرف شكون غادي يبغي يمشي معايا.. بزز باش خرجات معايا داك نهار شدينا طريق فضلام غادين لدار لي كبرت فيها مع راجل لي قتل لواليدة معرفتش علاش دارها ويمكن عمري غادي نعرف.. وصلنا لدار فليل مقديتش نمشي عند شي واحد فداك لوقت صافي خلينا تال صباح غنباتو فدار سيدة مبغاتش تدخل كتقوليا أنبات هنا فطوموبيل غير خليني علك قلت ليها وايلي علا تباتي فطوموبيل ودار حداك زوج خطوات واش من نيتك بقيت معاها تا دخلات..

يتبع